Pharmacist Rayid Jibril

✔️ Qoricha ogeessii fayyaa nuuf ajaje tokko akkuma fudhanneen daqiiqaa muraasa keessati ykn guyyoota muraasa booda mallattoolee kanneen akka... * Gogaan diimachuu fi hooksisuu. * Onneen sardaan dha'achuu. * ijji diimachuu fi bishaan dhangalaasuu. * Harganuuf baay'ee rakkachuu fi hudhamuu. * Hoo'ii qaamaa akkuma qoricha fudhataniin ol ka'uu. * Fuulli,afaan,arrabni fi qoonqoon dhiita'uu. * Qoonqoon dhipachuun harganuu dadhabuu. * Dhiibbaan dhiigaa gadi bu'uun namati dukkanaa'uu ykn of wallaaluu fi kkf ofirrati arginaan mallattoo alarjii qoricha sanii waan ta'eef yeruma san fudhachuu dhaabnee hatattamaan gara mana yaalaa deemnee yaala barbaachisu fudhachuu qabna. Fayyaa ta'aa. Horaa bulaa. @pharmacistrayid

✔️ Namoonni dhukkuba Asmii qaban qorichoota muraasa kanneen yaalaaf fudhachuun dhoorgamaadha. ✔️Qoricha Aspirin. ✔️Qoricha Ibuprofen. ✔️Qoricha Naproxen. ✔️Qoricha Diclofenac. ✔️Qoricha Ketoprofen. ✔️Qoricha Mefenamic acid. ✔️Qoricha Propranolol. ✔️Qoricha Nadolol. ✔️Qoricha Timolol. ✔️Qoricha Morphine. ✔️Qoricha Codeine. ✔️Qoricha Enalapril. ✔️Qoricha Captopril ✔️Qorichoota Barbiturate fi kkf yaalaaf fayyadamuu irraa fagaachuu qabuu. Fayyaa ta'aa. Horaa Bulaa. @pharmscistrayid

Hordoftoota kiyya kabajamoo fi jaalatamoo Qorichootaa ykn dhukkuboota waa'ee isaanii hubannoo argachuu barbaaddan maqaa isaanii guutuu nuuf erguu hin dagatinaa.

3. Dhibee Saayinasii akkamitti ofirraa ittisuu dandeenya ? * Wantoota alarjii kaasuu danda'an kan akka dhukkee ykn awwaaraa,qilleensaa qorraa fi gogaa,foolii cimaa,aara tamboo fi kkf irraa fagaachuu qabna. * Qulqullina naannoo fi dhunfaa keenyaa eeggachuu qabna. * Guyyaa guyyaan bishaan ga'a ta'ee baay'isaanii dhuguu. * Nyaata dandeettii ittisa dhibee dabalan kan akka Kudraalee,fuduraalee,qullubbii adii,janjabiila fi kkf soorachuu. * Bishaan hoo'aa fi hurkaa isaanii gara funyaaniin fayyadamuu fi kkf taasisuu qabna. Fayyaa ta'aa. Horaa bulaa. @pharmaistrayid

Hubannoo waa'ee dhibee Saayinasii | Sinusitis ~~~~//~~~ 1.Dhibeen saayinasii maali ? Dhibeen Saayinasii jechuun dhibee kulkuluu ykn dhangala'aan kuufamuun qaawwa qilleensaa lafee fuula keenya keessatti argamu irratti uumamuudha.Dhibeen kun baay'inaan sababa vaayirasii,baakteeriyaa ykn alarjiitiin kan dhufuu kan danda'uudha. 2.Mallattoon Dhibee Saayinasii maali fa'adha? * Qufa'uu. * Dhukkubbii mataa. * Foolii adda baasuu dadhabuu. * Afaan foolii badaa qabaachuu. * Funyaan cufamuu fi qilleensa fudhachuuf rakkachuu. * Fuulli,ija gubbaa fi maddii naannawaa dhukkubuu fi dhiita'uu. * Dhangala'oon Furdaan funyaaniin gadi yaa'uu ykn gara qoonqoo gad dhangala'uu fi kkf mul'achuudha. @pharmacistrayid

3. Sababoonni carraa dhukkubbii ilkaaniif nu saaxiluu danda'an maali fa'adha? * Tamboo xuuxuu. * Nyaataa fi dhugaatii sukkaara baay'ee qabu fayyadamuu. * Ilkaan nyaatamuu ykn tortoruu. * Caccabuu ykn baqaquu ilkaanii. * Infeekshinii irgaaniitiin dhufuu. * Ilkaan urachuu ykn narviin miidhamuu. * Ilkaan qarriffaa ykn isa boodaa baasuu fi kkf fa'adha. 4. Dhukkubba Ilkaanii akkamiti ofirraa ittisuu dandeenya ? * Ilkaan keenya guyyati yeroo lama saamunaa ilkaanii fi rigaan qulqulleeffachuu qabna. * Nyaata fi dhugaatii sukkara baay'ee qabu dhiisuu qabna. * Bishaan baay'isanii dhuguun nyaataa booda afaan keessa lulluuqachuu. * Tamboo xuuxuu irraa fagaachuu. * Yeroo dhukkubbiin ilkaanii nuti cime gara ogeessa fayyaa ilkaanii deemuun of ilaalchisuu fi kkf taasisuu qabna. Fayyaa ta'aa. Horaa Bulaa. @pharmacistrayid

Dhukkubbii Ilkaanii | Toothache. ~~~~~~~~ 1 Dhukkubni Ilkaanii maali ? Dhukkubni ilkaanii rakkoolee fayyaa naannawa ilkaanii,irgaan,lafee ilkaan hammatuu fi narvii afaan keessati uumamaniin kan dhufu miira dhukkubbii cimaadha. 2. Mallattoon dhukkubbii ilkaanii maali fa'adha ? * Dhukkubbii walirraa hin citnee ykn yeroo nyaata nyaatan namati dhaga'amuu. * Yeroo Ilkaan qulqulleessan irgaan dhiiguu. * Naannoon ilkaanii ykn maddiin dhiita'uu. * Ilkaan dhagala'oo hoo'aa ykn qorraaf miira qabaachuu. * Halluun ilkaanii jijjiiramuu. * Afaan keessaa fooliin badaan dhaga'amuu fi kkf mul'achuu fa'adha. @pharmacistrayid

* Garaan yaasuu. * Hirriiba dhabuu. * Lafti namaan maruu. * Lolloocuu/haqqisuu. * Goginsa garaa fiduu. * Dadhabii qabaachuu. * Laagaan madaa'uu. * Dhukkubbii garaachaa. * Harganuuf rakkachuu. * Jaanja'uu,miirri sobaa namati mul'achuu ykn dhaga'amuu. * Rakkoo onneetiin dhiita'uu,Ulfaatinaa qaamaa sardaan dabaluu. * Hammi sukkaara dhiiga keessaa gadi bu'uun mataan nama dhukkubuu,lafti namaan maruu,hurkuu,onneen sardaan dha'achuu,beela'uu fi kkf kkf mul'achuu fa'adha. * Tasuma dadhabuu,sirriti arguu dadhabuu ykn qindoomina dhabuu. * Miirri qabbanaa miilaa fi harkati namati dhaga'amuu. * Dhangala'oo funyaanii dhangalaasu,qufa'uu fi kkf mul'achuudha. ✅️Kanaafuu yeroo mallattoolee armaan olii kana ofirrati arginani qoricha kana yeruma san fudhachuu dhaabnee hatattamaan gara mana yaalaa deemnee ogeessa fayyaa beeksisuu qabna. Fayyaa ta'aa. Horaa bulaa. @pharmacistrayid

3️⃣.Qoricha propranol yaalaaf fayyadamuun durati maali beekuu qabnaa? ↪️Namoonni alarjii qoricha propranolol qabu qoricha kana yaalaaf fayyadamuu hin qabanii. ↪️Namoonnii rakkoolee fayyaa kan akka dhibee asmii,rakkoo dha'annaa onnee suuta dha'atuu,dhibee dadhabina onnee fi rakkoo onnee ciccimoo qabu qoricha propranolol yaalaaf fayyadamuu hin qabanii. ↪️Akkasumas namoonni rakkoo fayyaa kan akka rakkoo dha'annaa onnee suuta dha'achuu,dhibee dadhabina onnee,dhibee biroonkaayitasii,rakkoo hangansuu,dhibee tiruu ykn kalee,dhukkuba sukkaaraa,rakkoo hormoonii taayirooyidii,yoo tamboo aarsine fi kkf qabu ogeessa fayyaa gaafannu malee qoricha propranolol yaalaaf jalqabuu hin qabanii. ↪️Namoonni qorichoota biroo kanneen akka vaayitaamiinii, Mineeraalaa ,qorichoota aadaa, qorichoota biroo fi kkf yaalaaf fayyadamaa jiru ogeessa fayyaa beeksisu malee qoricha Propranolol yaalaaf jalqabuu hin qabanii. ↪️Qoricha propranolol qorichoota biroo kanneen akka qoricha.... * Qoricha Warfarin. * Qorichoota Farra dhiphinaa. * Qorichoota onnee ykn farra dhiibbaa dhiigaa. * Qorichoota Farra baakteeriyaa. * Qorichoota rakkoo fayyaa piroosteetii yaalu. * Qoricha Cholestyramine ykn colestipol. * Qorichoota farra infilaameeshiinii(NSAID). * Qorichoota steroid fi kkf walin walirra buusnee yeroo wal-fakkaataa keessa yoo fayyadamne miidhaalee ciccimoo lubbuu keenyarraa geessissuu wan maluuf yeroo qoricha Propranolol yaalaaf fudhachuu jalqabnee booda qorichoota biroo kamuu fudhachuu fi dhaabuu ogeessa fayyaa gaafannu malee qoricha kamuu yaalaaf jalqabuu hin qabnuu. ↪️Yeroo Qoricha Propranolol yaalaaf fudhachaa jirru alkoolii dhuguu irraa fagaachuu qabna. ↪️Yeroo qoricha propranolol yaalaaf fudhachaa jirru yoo yaala baqaaqsanii yaalamuu karoora qabaannee ogeessaa fayyaa beeksisuu qabnaa. ↪️Akkasumas yoo rakkoolee fayyaa lubbuuf sodaachisoo ta'an kanneen akka rakkoo fayyaa onneen dhiiga ga'aa qaama keenya guutuu keessaa raabsuu dadhabuu,dhiibbaan dhiigaa baay'ee gadi bu'uu,dha'annaan onnee gadi bu'uu, electrical signaaliin onnee keessaa yeroo gadi deemuu(heart block) fi kkf yoo qabaanne qoricha propranolol yaalaaf fayyadamuu hin qabnuu. ↪️Dubartiin ulfaa ykn ulfaa'uuf karoora qabdu qoricha kana yoo fayyadamtee miidhaan inni daa'ima ykn haadharra geessisu wanti sirriti ifa ta'e hin jiru ta'ullee ogeessa fayyaa gaafatu malee qoricha kana yaalaaf fayyadamuu hin qabduu. ↪️Haati hoosiftu ykn hoosisuuf karoora qabdu ogeessa fayyaa gaafatu malee qoricha kana yaalaaf fayyadamuu hin qabduu. 4️⃣.Qoricha Propranolol akkamiti yaalaaf fudhachuu qabna ? ↪️ Akkaatuma ogeessi fayyaa nuuf ajajeti sirriti dhageeyfannee hubannee fudhachuu qabna. ↪️.Qoricha propranolol ogeessi fayyaa rakkoo keenya qorannoo fayyaatiin adda baasee yoo nuuf ajaje malee qoricha kana yaalaaf fudhachuu hin qabnuu. ↪️Qoricha Propranolol doosii isaa osoo hin guddisnee ykn hin xiqqeeysine hamma barbaachisu qofa yeroo hamma jadhame qofaaf fudhachuu qabna. ↪️Qoricha propranolol kaapsuulii yeroo dheeraaf dalagu (extended release capsule) guutuu isaa osoo hin caccabsine ykn hin alanfannee afaaniin guyyati yeroo tokko qofa liqimsuu ni dandeenya. ↪️ Dhibee Daa'immaan waggaa 5 gadii yaaluuf qoricha propranolol bifa dhangala'ootiin jiru isaaniif kenninu osoo hin raafnee sirriti safarree hamma jadhame qofa kennuufii qabnaa. ↪️Qoricha propranolol yeroo yaalaaf fudhachaa jirru tasuma yeruma takkati ajaja ogeessa fayyaa malee fudhachuu dhaabuu hin qabnuu. ↪️Qoricha Propranolol yeroo dhiibbaa dhiigaa olka'aa ta'e yaaluuf fudhachaa jirru yoo haala dhibichaa fooyya 'insaa ofirrati arginellee qoricha kana fudhachuu dhaabuu hin qabnuu. ↪️Yeroo qoricha Propranolol yaalaaf fudhachaa jirru deddeebinee dhiibbaan dhiigaa keenya meeqarra akka jiruu of ilaalaa deemuu qabnaa. 5️⃣.Qorichi propranolol miidhaalee akkamii fiduu mala/danda'aa?

Hubannoo Waa'ee Qoricha Propranolol 60mg ~~~~~//~~~~~ 1️⃣. Qorichi Propranolol Maali ? ↪️Propranolol~Jechuun qorichoota garee (Beta blocker) jedhamuu ta'ee kan ujummoo dhiigaa si'eessuun dha'annaa onnee fi dhiibbaa dhiigaa hir'isuun dhiigni rakkoo malee salphumati ujummoolee dhiigaa keessaa akka yaa'uu taasisuuf gargaaruudha. 2️⃣.Qorichi Propranolol rakkoolee fayyaa akkamii yaaluuf gargaara ? * Dhukkubbii qomaa (angina) sababa rakkoo fayyaa onneetiin dhufu hir'isuuf. * Dhukkuba dhiibbaa dhiigaa olka'aa yaaluuf. * Rakkoo sirnaan dha'achuu dhabuu onnee sirreessuuf. * Rakkoo fayyaa sammuu kanneen akka Yaaddoo cimaa fi dhiphina hir'isuuf. * Dhibee fedhii malee sosocho'uu qaamaa hir'isuuf. * Rakkoo fayyaa miidhama onneetiin dhufu haala jireenyaa fooyyeessuun carraa du'aa hir'isuuf. * Dhukkubbii mataa cimaa akka hin deddeebine ittisuuf fi kkf yaaluuf gargaara. @pharmacistrayid

Dhukkuba Istirookii | Stroke disease. 👇https://youtu.be/XMrDf6ps_mc?si=9MjSoFnoO0H89G_E @pharmacistrayid

➡️ Sababoota Cirracha Hadhooftuuf Nama saaxilan:- ✔️Furdina ykn Ulfaatina qaamaa garmalee qabaachuu. ✔️ Nyaata kooleestireelii baay'ee of keessaa qabu kanneen akka coomaa,dhadhaa fi kkf soorachuu. ✔️ Nyaata Kuduraa fi muduraa garagaraa nyaachuu dhiisuu. ✔️ Sochii qaamaa gochuu dhiisuu. ✔️ Umriin Waggaa 40 oli ta'uu. ✔️ Dhukkuba Tiruu qabaachuu. ✔️ Dhukkuba Sukkaaraa qabaachuu. ✔️ Bishaan ga'aa dhuguu dhiisuu. Fi kkf fa'adha. Fayyaa ta'aa. Horaa Bulaa. @pharmacistrayid

3.Dhukkubbiin dugdaa sababoota akkamiin dhufuu danda'aa? * Sa'atii dheeraa siree ykn teessuma mijataa hin taane irra turuu. * Wantoota ulfaatan irra deddeebi'anii haala sirrii hin taaneen olfuudhuu. * Sochii Qaamaa godhuu dhabuu. * Lafeen dugugguruu dugdaa miidhamuu. * Ulfaatina qaamaa garmalee qabaachuu. * Wanti happiin(disk) lafee dugugguruu gidduti argamu ba'uun ykn cituun dhiibbaa narvii irrati uumuu fi kkf irraa dhufuu danda'a. 4.Dhukkubbii Dugdaa akkamiti ofirraa ittisuu dandeenya ? * Sochii qaamaa guyyaa guyyaan yeroo murtaa'aa ta'eef hoojjachuu. * Hojii yeroo hoojjatan akkaataa haala taa'umsa keenyaa sirreeffachuu. * Ulfaatina qaamaa garmalee yoo qabaanne hir'isuu. * Meeshaa ulfaataa yeroo ol fuudhan haala sirrii taaneen lafaa fuudhuu dhiisuu. * Akkaataa taa'umsaa fi dhaabbata keenyaa sirreeffachuu. * Siree sirrii ta'ee fi Firaashii qajeelaa lallaafaa hin taane fayyadamuu. Fayyaa ta'aa. Horaa Bulaa. @pharmacistrayid

Hubannoo Dhukkubbii Dugdaa | Backpain ~~~//~~~~~~ 1. Dhukkubbiin Dugdaa maali ? Dhukkubbiin dugdaa rakkoo fayyaa yeroo baay'ee mul'atu ta'ee kan haala jireenyaa ykn miidhaa lafee dugugguruu,maashaa qaamaa fi hidda narvii irraa ka'uu danda'u ta'ee rakkoo yeroo dheeraa keessa nama mudachuu danda'uudha. 2. Mallattoon dhukkubbii dugdaa maali fa'adha ? * Gadi jedhanii hoojjachuu dadhabuu. * Miirri waraansaa naannoo mudhii fi dugdaati namati dhaga'amuu. * Ta'anii ykn dhaabbatanii yeroo dheeraa yoo turan caalatti nama dhukkubuu. * Bakka ciisan irraa garagaluu dadhabuu. * Mudhiin dadhabuu fi hidhamuu. * Dhibee cirracha kalee qabaachuun. * Haala salphaa ta'een socho'uuf rakkachuu. * Dhukkubbiin gara miilaa gadi bu'uu fi kkf mul'achuu fa'adha. @pharmacistrayid

3.Dhukkubni qurchii ykn qumaataa karaalee akkamiin daddarbuu danda'aa? * Namoota Dhibee kana qaban ykn kan yaala dhibee kanaa fudhachuu hin eegalin waliin tuttuqaa fi walitti dhiheenya yeroo dheeraa qabaachuu. * Sirna ittisa qaamaa laafaa qabaachuun carraan dhukkuba kanaan qabamuu isaa olaanaa ta'uu fi kkf fa'adha. 4.Dhukkuba qurchii akkamiti ofirraa ittisuu dandeenya ? * Yeroo mallattoo dhibee qurchii ofirrati argine dafnee hatattamaan gara mana yaalaa deemnee qoricha dhibee kanaa fudhachuu jalqabuu qabna. * Namoota dhibee kana qabanii fi yaala hin eegalin waliin tuttuqaa foonii fi walitti dhiheenya garmalee hir'isuu. * Hawaasaa keessati hubannoo waa'ee dhibee kanaa kennuun dafanii akka yaalamaan jajjaabeessuu. * Talaallii BCG fudhachuun dhibee kana ittisuu. * Qulqullina dhunfaa fi qaama keenyaa yeroo hunda eeggachuu fi kkf fa'adha. Fayyaa ta'aa. Horaa bulaa. @pharmacistrayid

Hubannoo Dhukkuba Qurchii ykn qumaataa | Leprosy Disease. ~~~~~//~~~~ 1. Dhukkubni Qurchii maali ? Dhukkubni Qurchii dhukkuba baakteeriyaa Mycobacterium leprae jedhamuun dhufu ta'ee kan kutaa qaamaa gogaa,narvii fi qaama miiraa miidhuudha.dhibee kana yeroon yaaluun qaamni akka hin miidhamnee fi hin hir'annee taasisuu kan danda'uudha. 2.Mallattoon dhukkuba qurchii ykn qumaataa maali fa'adha ? * Gogaan bakka qaamaa gariirrati dhiita'uu,halluun gogaa jijjiiramuu fa'adha. * Gogaan qaama keenya iddoon dhibeen miidhame Miira adda baasee beekuu dadhabuu. * Narviin qaamaa keessaa'uu harkaa ykn miilaa baay'ee dhiita'uu. * Gogaa irratti madaan bifa addaa qabu mul'achuu. * Maashaaleen miilaa fi harkaa laafachuu. * Osoo yeroon yaala hin argatin yoo turame qaamni hir'achuu fi kkf fa'a mul'achuu danda'a. @pharmacistrayid

✅️Kanaafuu yeroo mallatoolee armaan olii kana ofirrati arginee qoricha kana yeruma san fudhachuu dhaabnee hatattamaan gara mana yaalaa deemnee ogeessa fayyaa beeksisuu qabna.         Fayyaa ta'aa.  Horaa bulaa. @pharmacistrayid

.Qoricha Cefixime yaalaaf fudhachuun durati maali fa'a beekuu qabna? ✔️ Namoonni alarjii qoricha Cefixime ykn qorichoota gosa garee cephalosporin ta'an kan akka qoricha ceftriaxone,cephalexin, cefaclor,cefadroxil,Cefazolin,cefdinir,cefditoren fi kkf qabu qoricha cefixime yaalaaf fayyadamuu hin qabanii. ✔️Akkasumas namoonni rakkoo phenylketonuria qaban qorichi Cefixime bifa kiniinii alanfatamuun qophaa'e keemikaala phenylalanine jedhamu wan of keessaa qabuuf ogeessa fayyaa gaafannu malee qoricha kana yaalaaf jalqabuu hin qabnuu. ✔️ Namoonni alarjii qorichoota biroo kamuu ykn keessaa'uu addati alarjii qorichoota garee Pensiilii ta'an qabu ogeessa fayyaa gaafatu malee qoricha Cefixime yaalaaf jalqabuu hin qabanii. ✔️Qoricha cefixime osoo qorannoo fayyaatin hin  qoratamin/ilaalamin dhibee kamiyyuu yaaluuf ajaja ogeessaa fayyaa malee qoricha kana yaalaaf jalqabuu hin qabnuu. ✔️ Qorichi Cefixime mallatoolee inifeekshinii garaa yaasaa fiduu wan  maluuf garaa yaasaa yaaluuf qoricha biroo fudhachuu hin qabnuu. ✔️Yeroo vaayitaaminii, qorichoota biroo ykn qorichoota aadaa kamuu yaalaaf fayyadamaa jiru ykn fayyadamuuf karoora qabnu ogeessa fayyaa gaafannu  malee qoricha Cefixime waliin yaalaaf fayyadamuu hin qabnuu. ✔️Akkasumas namoonni dhibee sukkaaraa qaban qorichaa Cefixime bifa dhangala'ootiin (suspension) qophaa'ee wan gosaa sukkaaraa suukroosii wan of keessaa qabuuf ogeessa fayyaa waliin mar'innee adda baafannu malee qoricha kana yaalaaf jalqabuu hin qabnuu. ✔️Dubartiin ulfaa ykn ulfaa'uuf karoora qabdu ykn haati hoosiftuu qorichi kun daa'ima irrati rakkoon inni geessisuu malu ifa wan hin ta'iniif ogeessa fayyaa gaafannu malee qoricha kana yaalaaf fayyadamuu hin qabduu. ✔️Qoricha kana iddoo jiidhaa, hoo'aa fi ifa baay'ee qabu irraa fageeysinee tempireechara dareetti kuusuu qabna. 4️⃣.Qoricha Cefixime akkamiti yaalaaf fayyadamuu qabna? ✔️Qoricha kana akkaatuma ogeessi fayyaa nuuf ajajeti sirriti hubannee fudhachuu qabna. ✔️Qoricha Cefixime nyaata waliin ykn nyaata malee namoota ga'eessa ta'anii yaaluuf garaagarummaa sa'atii 12 ykn 24 tiin haala Inifeekshiniichaa irrati hundaa'uun guyyati yeroo takka ykn lama fudhachuu ni dandeenya. ✔️Qoricha Cefixime bifa akka kiniinii,kaapsuulii,kiniinii alanfatamuu fi dhangala'ootiin kan argamu yoo ta'u gara afaaniin fudhachuu ni dandeenya. ✔️ Qoricha Cefixime bifa kiniinii alanfatamuu (chewable tablets) yoo ta'ee alanfannu malee qoricha kana liqimsuu hin qabnuu. ✔️ Qorichi kun bifa dhangala'ootiin (suspension) yoo jiraate sirriti raasnee safarree hamma ogeessi fayyaa nuuf ajaje qofa fudhachuu qabna. ✔️Qoricha cefixime namoota biroo kan mallatoolee dhibee keenyaan wal-fakkaatu yoo jiraatellee qoricha kana waliin qooddannee fayyadamuu hin qabnuu. ✔️Qoricha Cefixime erga fudhachuu jalqabnee booda yeroo hamma fudhatamuu qabu hanga xumurruu mallattoo infeekshinikaa fooyya'insa ofirrati arginani qoricha kana fudhachuu jidduun dhaabuu hin qabnu inifeekshiniichii qorichaan wal- baree wan cimuu danda'uuf. 5️⃣. Qorichi Cefixime miidhaalee akkamii fiduu mala/danda'aa?        * Gaggabdoo.        * Jaanjahuu fi dadhabuu.        * Dhukkubbii garaachaa cimaa.        * Garaa kaasaa bishaan ykn dhiiga of keessaa qabu yaasuu.        * Halluun ijaa fi gogaa gara keelloo jijjiiramuu.        * Halluun fincaanii gurraacha'uu.        * Nyaanni namarraa bullaa'uu dadhabuu.        * Qaamni saala dubartii hooksisuu ykn dhangala'oo dhangalaasuu fi kkf mul'achuu fa'adha.        * Seeliin dhiigaa hir'achuun dadhabii fi dhukkubbiin namati dhagahamuu,tempireecharri qaamaa dabaluu,qorraachuu/hoollachuu,hidhiin dhiita'uu,afaan madaa'uu,gogaan madaa'uu,fi kkf mul'achuu.         * Rakkoolee kalee kan akka fincaan xiqquma finca'uu ykn finca'uu dadhabuu, yeroo fincaanani rakkachuu ykn dhukkubuu, harkaa fi miilli dhiita'uu, dadhabii fi kkf.         * Rakkoolee gogaa cimaa kan akka laagaan madaa'uu,Fuullii ykn Arabni dhiita'uu,Ijji nyanyaachuu,gogaan dhukkubbuu fi kkf mul'achuu fa'adha       

HUBANNOO WAA'EE QORICHA CEFIXIME 400MG ~~~~《 》~~~~~~ 1️⃣. Qorichi cefixime maali ? ✔️Cefixime~jechuun qoricha gosa garee farra baakteeriyaa (Cephalosporin 3rd generation) Jenereeshinii sadaffaa jedhamuu ta'ee inifeekshinii sababa baakteeriyaatiin dhufan yaaluuf gargaara. 2️⃣.Qorichi Cefixime rakkoolee fayyaa akkamii yaaluuf gargaara? * Inifeekshinii dhibee cophxoo yaaluuf. * Inifeekshinii gurra keessaa yaaluuf. * Inifeekshinii laagaa keessaa yaaluuf. * Inifeekshinii toonsiilii qoonqoo keessaa yaaluuf. * Inifeekshinii biroonikaayitasii yaaluuf. * Inifeekshinii ujummoo fincaanii fi kkf yaaluuf gargaara. @pharmacistrayid