Pharmacist Rayid Jibril

✔️Fayyummaa kalee keenyaa eeggachuuf wantoota ijoo raawwachuu qabnu muraasa? * Guyyati giddugaleessaan bishaan burcuqqoo 8 ykn hanga litira 2 guyyaa hunda dhuguu qabna. * Nyaata soogidda baay'ee qabu soorachuu hir'isuu. * Kuduraalee fi muduraalee adda addaa soorachuu. * Nyaata coomaa fi sukkaaraa baay'ee qabu soorachuu hir'isuu. * Sochii qaamaa hoojjachuu. * Tamboo xuuxuu dhiisuu. * Alkoolii baay'isaanii dhuguu dhiisuu. * Ulfaatina qaamaa madaalawaa ta'e eeggachuu. * Qorichoota kamiyyuu ykn qorichoota dhukkubbii kan akka Ibuproven,Diclofenac fi kkf yeroo dheeraaf fi ajaja ogeessa fayyaa malee fudhachuu dhiisuu. * Dhiibbaa dhiigaa fi hamma sukkaaraa dhiiga keenyaa deddeebinee of ilaaluun hamma sukkaara fi dhiibbaa dhiigaa keenyaa to'achuu fi kkf taasisuun fayyaa kalee keenyaa eeggachuun ni danda'ama. Fayyaa ta'aa. Horaa bulaa. @pharmacistrayid

Torbee kanaaf insha'allaha Waa'ee qoricha Ethambutol bal'inaan qabannee kan dhiheessinu ta'a. Galatoomaa 🙏🙏🙏 @pharmacistrayid

Torbee kanaaf qorichi sagalee guddaa argate qoricha kana wan ta'eef warroonni qoricha kana filachaa turtan baga gammadan. Galatoomaa 🙏🙏🙏 @pharmacistrayid

Filannoo keessan comment jala nuuf godhuu hin dagatinaa hanga galgalaattii bu'aan filannoo kan ifoomu ta'aa. Galatoomaa🙏🙏🙏 @pharmacistrayid

✔️Karaalee fayyaa sammuu keenyaa ittiin eeguu dandeenyuu muraasa.... * Guyyaati hirriiba ga'aa ykn sa'atii 7 ykn 8 hirriiba qulqulluu rafuu. * Sochii qaamaa fi boqonnaa fudhachuu. * Nyaata madaalawaa soorachuu. * Guyyaa hunda bishaan ga'aa dhuguu. * Dhiphina sammuu hir'isuu. * Aarii ofii to'achuu. * Rakkoo fi dhiphina sitti dhaga'aman maatii ykn namoota sitti dhiyaatan waliin haasa'uun. * Hawaasa waliin hariiroo gaarii qabaachuun jiraachuu. * Araada adda addaa irraa fagaachuu. * wanta gaarii irrati xiyyeeffachuu fi kkf fa'adha. @pharmacistrayid

Maqaa qorichootaa fi dhibee waa'ee isaanii baruu barbaadan nuuf erguu hin dagatinaa. Galatoomaa🙏🙏🙏 @pharmacistrayid

3. Haalonni dhibee gaggabdootiif nama saaxilan maali fa'adha? * Miidhama Mataa ykn rukkutaa jabaan mataa irra ga'uu. * Dhukkuboota sammuu kan akka istirookii fa'adhaan. * Inifeekshiinii sammuu kan akka meninjaayitasii fa'adha. * Dhiibbaa dhalootaa irraa dhufuu kan danda'uudha. * Maatii keessaa namni dhibee gaggabdoo qabu yoo jiraate carraa ijoolleen isaanii dhibee kanan qabamuu guddaadha. 4. Maloota ittisaa fi of eeggannoo dhibee gaggabdoof godhamuu qabu maali fa'adha ? * Qorichoota ogeessi fayyaa ajaje osoo addaan hin kutnee sirnaan fayyadamuu. * Yeroo maashinoota adda addaa sochoosan ykn waliin hoojjattan fi meeshaalee ittisoo of eeggannoo mataa fayyadamuu. * Hirriiba hamma sa'atii fayyaaleessa ykn hirriiba ga'aa rafuu. * Wantoota si'eessitoota sammuu ta'an kan akka alkoolii,buna,tamboo aarsuu fi kkf kan sammuu irrati yaada baay'isan fayyadamuu irraa fagaachuu qabna. * Nyaata madaalawaa pirootiinii fi faatii gaarii qaban kan akka hanqaaquu,foon fi kkf nyaachuu. ✔️Gargaarsi Jalqabaa (First Aid) nama dhibee gaggabdoon kufeef godhamuu qabu... * Akka inni salphati hafuura baafatuu danda'uu taasisuuf cinaachaan ciibsuu. * Mataan isaanii akka hin miidhamnee taasisuuf uffata laafaa dachaasanii mata jala kaa'uu. * Meeshaalee qara qaban fi wantoota miidhuu danda'an isaan irraa fageessuu. * Qaama isaanii dirqiin dhoowwuuf qabuu yaaluun lafee isaanii miidhuu wan maluuf humnaan qabuu dhiisuu qabna. * Kibriitii itti aarsuun ni miidha wan ta'eef itti aarsuu dhiisuu fi kkf taasisuu qabna. Fayyaa ta'aa. Horaa bulaa. @pharmacistrayid

Hubannoo Waa'ee Dhibee Gaggabdoo | Epilepsy Disease. __ 1. Dhibeen gaggabdoo maali ? Dhibeen gaggabdoo dhibee sirna narvii ta'ee ergaan elektirikii sammuu keessaa yeroo jeeqamu kan uumamuudha. Dhibeen kun namarraa namati hin daddarbu,akkasumas jinnii ykn hafuura hamaan kan dhufuu miti ta'ee yaala adda addaatiin to'atamuu kan danda'uudha. 2. Mallattoon dhibee Gaggabdoo maali fa'adha ? * Qaamni hurgufamuu. * Akka tasaa lafatti kufanii of wallaaluu. * Ijji bakkuma takka ilaaluun hafuu. * Maashaaleen qaamaa garmalee diriiranii hafuu. * Afaaniin hoomachaa fi hancufa baasuu. * Ilkaan waliin waqaruu fi kkf fa'adha. @pharmacistrayid

Inifeekshinii Ujummoo fincaanii https://youtu.be/c1WH0StClBQ?si=jr1jKeg9wSv3Dm5s @pharmacistrayid

3.Haalonni Rakkoo hanqina Vaayitaamin B12 tiif nama saaxilan maali fa'adha ? * Nyaata madaalawaa bineeldota irraa argatan ga'aa argachuu dhabuu. * Rakkoo Dhibee Garaachaa Fi Mar'iimaanii yaaluu dhabuu. * Qorichoota tokko tokko dhibee yaaluuf yeroo dheeraadhaaf fayyadamuu. * Umriin nama guddaa ta'uu fi kkf fa'adha. 4. Hanqina Vaayitaamin B12 Akkamiti Ofirraa ittisuu dandeenya ? * Nyaata madaalawaa kanneen akka hanqaaquu,qurxummii,Aannaan fi kkf soorachuu. * Nyaatawwan Vaayitaamin B12 badhaadhan soorachuu. * Kiniinii dabalataa Vaayitaamin B12 qaban gara mana yaalaa deemanii ajaja ogeessa fayyaatiin fayyadamuu. * Dhibee keessoo kan akka rakkoo mar'imaanii fi garaachaa osoo hin tursiisnee dafanii yaalamuu. * Dhugaatii alkoolii baay'isanii fayyadamuu xiqqeessuu fi kkf taasisuu qabna. Fayyaa ta'aa. Horaa Bulaa.

Hubannoo Waa'ee Hanqina vaayitaamin B12 | Vitamin B12 Deficiency ~~~\\~~~~~ 1. Hanqinni Vitamin B12 maali ? Hanqinni Vaayitaamin B12 jechuun yeroo qaamni keenya hamma vaayitaamin B12 ga'aa ta'ee argachuu dadhabuudha.Vaayitaamin B12 qaama keenyaa keessati seelii dhiigaa oomishuu,sirna narvii fayyaaleessaa fi dandeettii sammuu keenyaa eeguuf baay'ee barbaachisaadha. 2.Mallattoon hanqina Vaayitaamin B12 maali ? * Harkaa fi miilli hadooduu. * Dadhabbii fi Hifannaa qabaachuu. * Madaala qaamaa eeggatanii deemuu dadhabuu. * Arrabni diimachuu,dhiita'uu fi madaan afaan keessati mul'achuu. * Dandeettiin Waa yaadachuu sammuu xiqqaachuu fi amalli jijjiiramuu. * Hafuurri nama hanqachuu . * Halluun gogaa jijjiiramuu fi kkf mul'achuu fa'adha. @pharmacistrayid

Qorichoota ammaa dura waa'ee isaanii hin ibsamin qofa nuuf ergaa. 👉https://youtu.be/OjDA_IQyWE0?si=giupLI7i-D8o4Wi2 @Pharmacistrayid