Comparative Religion

ከሳውዲ አረቢያ ቀጥሎ እስልምና ለመጀመሪያ ጊዜ በኢትዮጵያ የተሰበከውና የተስፋፋው በአክሱም ዘመነ መንግስት ነበር። እስልምና በተሰበከ በመጀመሪያዎቹ ዓመታት ጣኦት አምላኪ የነበሩት፣ በመጠጥ፣ በቁማርና በማህበራዊ ዝቅጠት ውስጥ ወድቀው የነበሩት፣ ሴትን ልጅ ከነህይወቷ ይቀብሩ የነበሩትና የባሪያ ንግድ በስፋት ያካሂዱ የነበሩት የአረቢያ ምድር ገዥዎች፤ ከአንድ አላህ በስተቀር ሌላ አምላክ የለም ብሎ የሚሰብከውን፣ መጠጥና ቁማርን የሚጠየፈውንና የሚቃወመውን፣ ለማህበራዊ ፍትህ የሚታገለውን፣ ሴቶችን እንደ ሰው ልጅ የሚቀበለውንና እንደ እናት የሚያከብረውን፣ ባርነትን የሚያወግዘውንና ያለመደብና ዘር መድሎ የሰው ልጅ ሁሉ እኩል ነው ብሎ የሚሰብከውን እስልምናን መቀበልና መታገስ አልቻሉም። ህብረተሰቡን አነሳስቶና አሳምኖ ባህላቸውንና ልማዳቸውን ከማጥፋቱ በፊት እስልምናን በአንጭጩ ለመቅጨትና ሃይማኖቱን የተቀበሉ የመጀመሪያዎቹ ሙስሊሞች ቁጥራቸው በዝቶ ከቁጥጥር ውጭ ከመሆናቸው በፊት እምነታቸውን በኃይል ለማስለወጥ ወይም ለመግደል ወስነው ማሳደድ ጀመሩ። —————————— ደራሲ፦ አብዱልፈታህ ሁልዳር የመጽሃፉ ስም፦ ስልጤነት እና ኢትዮጵያዊነት ምዕራፍ አንድ ገፅ 32