🌸СОЛИХА АЁЛ🌸

​​Уйда Солиҳани дадасига-киёвимизга телефон қилдик. Телефонни жиянимга телефонни тутдик. - Солиҳа, мана даданг, кел, даданг билан гаплашасанми? Аввалига дадасига бироз қараб турдида, бирдан жазавага тушгандек телефонни отиб юбориб, қўл оёғини силкитиб чинқираб йиғлай бошлади. - Майли, майли болажоним, ана даданг кетди, майли гаплашмайсан ўзими қизалоғим. - Яқққ, дадамни беринг, дадажонни беринг - бор овозчаси билан чинқираб йиғлаб телефон томонга қўл чўзди Солиҳа. Телефонни отиб юборганда экранда куёвимиз кўринмай қолди. Ҳозиргина дадасидан аразлаб гаплашишни истамаган Солиҳа, энди дадажонни топиб беринг деб йиғларди. Буни ҳаммасини экранни у тарафида куёвимиз кузатиб турар - Солиҳа, мана ман қизим, йиғлама қизим деб гапирарди. Ўша вазиятни тўлиғича тасвирлаб беролмайман. Бир тарафда қўлига телефонни олволиб дадасига дам "Сизни ёмон кўраман", дам "Дадажон сизни соғиндим, сизга кетаман" деб Солиҳа тинимсиз йиғлайди, бир тарафда қизини кўндиролмай синглим йиғлайди, қизининг йиғлашини телефонни у тарафида кузатиб турган куёвим кўзларида ёш қалқийди. Билмадим қанча вақт ўтди. Солиҳа бироз кўниб қолди, лекин қўлидан телефонни қўймасди. Ота бола узоқ гаплашишди. - Этта нима қиляпсиз? - Сенга каттакон қўғирчоқ излаяпман. - Катта қўғирчоқ керак эмас, манам сизга бораман. - Бўпти, ухлаб турсанг олиб келаман. - Битта ухлаб турсам обкетасизми? - Еттита ухлаб турсанг обкетаман. - Еттита қанча бўлади - бармоқларини кўрсатиб сўрайди Солиҳа.... - Мунча бўлади. - Мунча кўпакан, мунчада келинг дадоо... Уларни гаплари тугамасди. Солиҳа кўп йиғлаганиданми ёки дадаси билан гаплашиб кўнгли тўлганиданми уйқуси келди. - Ётиб ухла, ман санга қараб ўтираман. - Кетиб қолмайсизми? - Ҳеч қаёққа кетмайман она қизим, кетсам ҳам манашу телефондан чақирсанг, яна сани ёнингда бўламан. - Йўқ, кетманг, кетсангиз йиғлайман дадажон- дедию йиғлашга тушди, тавбаей, кўз ёшлар ҳам тайёр турадией. - Хўп йиғлама, гўзал қизим, ёнингда бўламан, сан йиғламасанг бўлгани. - Манга алла айтиб берасизми? - Хўп, айтаман, она қизим, қани кўзларингни юм. Солиҳа кўзларини юмди. Дўриллаган овоз билан дадаси аллани бошлади. - Ўзимни чиройли қизим аллаё-алла, Кўзлари чиройли қизим аллаё-алла. Юртимизда неча-неча Солиҳалар дадасини соғиниб йиғлаётгандир. Бир кун бу юртга жавобгарларни бу ёшгина гўдакларни кўз ёшларини уволи, неча-неча оилаларни заволи тутмасмикан... Малика Аъзамжоновна. 🌸 @Solixa_Ayol 🌸 Яхшилик учун яқинларингиз билан баҳам кўринг! 👇👇👇 БОСИНГ! https://t.me/+SirEm-hvsXrdKMKK

📝Ишхонамга 3 ёшли қизалоғини кўтариб, синглим кириб келди. Хонадаги уч – тўрт кишини хужжатларини битириб бўлгунимча, юз – кўзларидан бир ташвиши борлиги билиниб, сўлғингина бўлиб турган синглимга зимдан қараб қараб қўяй эканман, то гаплашмагинумча ҳаёлимдан нималар кечмади дейсиз. Тинчликмикан? Одатда бундай огоҳлантирмасдан келадиган одати йўқ эдику. Бирор жойи оғритяптимикан? Ёки овсини ёки қайнисинглиси билан айтишиб қолдимикан? Синглим маҳалламиздаги яхшигина бир оилага келин бўлиб тушган. Ҳар бир оилада бўлганидек синглимни оиласида ҳам келишмовчиликлар бўлиб ўтган. Синглимга бундай вақтларда ҳеч қачон онамга айтмасликни тайинлардим. Бирор муаммоси бўлса дарров ўзимга телефон қиларди. Вақти келдики, бунақанги муаммолари, келишмовчиликлари кўпайиб кетганидан синглим телефон қилса юрагимни уриши тезлашадиган бўлиб қолган эди. Аслида бунга 7-8 йиллар бўлдиёв, ҳозир жуда яхши, тинч-тотув яшашади, лекин ҳозир ҳам синглимни кўнглига қарайман, келганда кўзларига термулиб тураман. Жигарчилик деб шуни айтишса керакда. Ва ниҳоят хонада ўзимиз қолдик. - Тинчликми, нимадандир хафамисан? - Бир хафтадан ўтди, Солиҳангизни мазаси йўқ. - Ана, бир чиройли ўйнаяпти-ку – дедим хонада ўзича нималардир билан куйманиб юрган жиянимга имо қилиб. - Ҳозир яхши ўйнаяпти, бироздан кейин бошлайди. - Нима бўляпти, бирор жойи оғрияптимикан, докторга олиб чиқдингми? - Шомдан инжиқликни бошлайди, бесабаб шунақа йиғлайдии, сираям кўндиришнинг иложи йўқ, ухлаши жудаям қийин, кечаси туриб олиб ҳам тинимсиз йиғлаверади, қайсарки, чегараси йўқ, опо бир ўзим жудаям қийналиб кетдимки, жудаям сиқилиб кетдимки – синглим гапиряптику кўзларидан ёш оқиб кетяпти, ҳиқиллаганча гапини давом эттирди - докторгаям чиқдим. Биринчи чиққанимизда ошқозони оғрияпти, ёқмайдиган мева – чева егандир деб, дорилар ёзиб берди. Дориларни ичиб ҳам ўзгариш бўлмади. Яна олиб чиқдим, яна анча дори-дармон ёзиб беришди. Барибир ўзгариш йўқ. Кейин қайнисинглим фол ҳам очтириб келишди. - Иее, ғалатимисан, нега фол очтирасан? - Манмас опа, ўзлари шунақа қилишибди. Ҳовлиларингда эски, қари дарахт бор, ўшани ёнида шом маҳали ўйнаётганда жинлар тегиб қўйибди. - Шу гапга ишондингми? - Йўғу, лекин барибир бир домлага дам солдиргани ҳам боряпмиз, уям таъсир қилмаяпти. Болангизни бир жойи оғриса, йиғлаб турса-ю, қаери оғриётганини, нега йиғлаётганини билмасангиз бундан ёмони йўқ экан- синглимни кўзларидан ҳамон ёшлари ёноқларини ювиб томчиларди. - Ўшанга ёнизга келодик, биттасидан эшитгандик, “десткий”да яхши невропотолог бор экан, биз билан бирга кириб чақармикансиз опа. Ўзингиз гаплашиб кўрингчи. Опа – сингил болалар шифохонасига кирдик. Ўҳҳў, навбатни қарангга, невропотолог кўригига муҳтож болалар шунчалар кўпмикан-а? 2-3 ёшли болачалар, аксарияти бир ёшгача бўлган гўдаклар. - Ким охирги навбатда? - Охирги аёл чақалоғини кўтариб тушлик қилгани чиқиб кетди – деди икки ёшлар чамаси болакайни кўтариб олган ёшгина жувон. - Қачон бизга навбат келаркан-а? - Опа, бизни келганимга икки соат бўлди, биздан аввал ҳам келганларни энди навбати келяпти. Роса икки соат бўлганда навбатимиз келди. - Келинглар, бу ширин қизалоққа нима бўляпти? Синглим жиянимни ҳолатини гапириб берди. Доктор синчиклаб текшириб бўлгач, сўради: - Дадаси қаерда? - Бир ойдан ўтиб қолди, Россияга кетишганди. - Қизингиз дадаси билан кўп вақт ўтказармиди? - Ҳа, мен ҳар куни ишдаман, хўжайиним бироз вақт ишсиз қолишди, шунга ҳар доим бирга бўлишарди. Кўчага чиқсалар ҳам, Солиҳасиз чиқмасдилар, кечаси ҳам "Дадам билан ётаман" деб туриб оларди. - Ўзбекча қилиб айтганда қизингиз дадасига ичикиб қолган. Энг яхшиси тез-тез кўришиб гаплаштиринг ва сизга дориларни ҳам ёзиб бераман, вақтида ичказиб турасиз. Синглим билан бизнинг уйимизга қайтдик. Қишлоқда интернет алоқаси жудаям суст ишлайди. Оддий битта расмни очиш учун ҳам худдики сув чархпалаги айлангандек айланиб тураверади. Бизникида интернет тезлиги ҳар қалай яхшироқ, синглим эри билан, аниқроғи Солиҳам дадаси билан бизникида бемалол кўришиб гаплашиб олишади.

❤️❤️❤️❤️❤️❤️ УЙИНГИЗГА ЕТҚАЗИБ БЕРАМИЗ 📣ТАВАРЛАР СКИДКАДА УЛГИРИБ ҚОЛИЛАР❗️ 💠ОШХОНА БУЮМЛАРИ ОПТОМ НАРХДА ЭНГ АСОСИЙСИ 1ДОНА ЗАКАЗ ҚИЛСАНГИЗ ҲАМ ОПТОМ НАРҲДА ОЛАСИЗ . КАНАЛГА УЛАНИНГ ЖУДА КЎП СИЗ ХОХЛАГАН НАРСАЛАР 😍 Уйингиздан чиқмай туриб бизга заказ беринг ва бир кунга қолмай қулингизда бўлади. ТУРКИЯ, ДУБАЙ, ЭРОН,ХИТОЙ ТАВАРЛАРИ ФАҚАТ БИЗДА 🧬 НАЛИЧИДА ХАММА ТАВАР БОР❗️ Заказлар буйича🫴 T.me/ROYAL_JIHOZLAR +998884981010 КАНАЛГА ЎЛАНИНГ 👇 https://t.me/+PSupvsKQ33AzMmRi https://t.me/+PSupvsKQ33AzMmRi https://t.me/+PSupvsKQ33AzMmRi

​​Назира хола онам,биланн иноқ, ёнларига келиб мен бировга рахмим келиб, ўзим маломатга қолдим деб йиғлашларини кўп эшитганман, дадам улар уйимизга келса қовоғини солиб саломига алик олмас, орқасидан онамга, пичинг қилиб «ўртоғинг» деб гапирар, онам дадамдан хафа бўлиб, махаллада бизни эшигимизга киради холос, ундай қилманг, дерди. Болаларни бўзлаганини кўрган дадам, онамга хаммаси бизникида ётсин, овқатингни кўроқ қил дея тайинлади. Овқат сузилиб косаларга тортилди, болалар хиққилаб деярли ичишмади. Назира хола қон босимлари кўтарилиб касалхонадан бир томони фалаж бўлиб қайтди яқинларини узоқ даволатишларидан сўнг калласи қимиллаб хассатаёқ бн, юрадиган бўлдию, дуоларида шу холга тушишига сабабчи бўлганларни хам, эслаб турди. Уч эркакнинг биринчисини қизи кўричак бўлибди деб больницага олиб борса, хирургия бўлими туғуриқ бўлимига ўтказибти... Иккинчисини ўғли Россияда бировни қизини зўрлашда айбланиб қамалган... Учинчисини боласи ўғрини хамма қўли эгрилигини билиб, исмига ўғри қўшимчасини қўшиб гапиришади... Хали ҳагузгача Назира холани кимдир тухмат ортидан касаллик ортирган дейди, кимлардир ўзини касофати ўзига урган дейди?... 🌸 @Solixa_Ayol 🌸 Яхшилик учун яқинларингиз билан баҳам кўринг! 👇👇👇 https://t.me/joinchat/AAAAAEoqxJvob7F63SjCig

📝Қарғиш ҳам, дуо. Ўн бир ўн икки ёшларда эдим адашмасам, кўчада махалламиз бошидаги Назира холани болалари, қўшни қизлар билан ўйнаётган эдик, Назира хола келдида, - Ҳа, қулоғингга том битганми, икки соатдан бери чақираман, нима деяпсан демайсана? Ўғлига қараб жаврадида ариқ қирғоғидаги тол шохини қайриб синдириб ўғлини оёқларига урди. Ўғли бақириб йиғлаганини эшитиб, йўлнинг нариги бетида ажриқ устига газетани ёзиб помидор бн ароқ ичиб ўтирган уч эркакнинг бири -Сен кимсану болаларинг ким бўларди? деди Назира холага . Кейин ўғлига қараб эшакка ўхшаб ханғирама э, ўзинг томонда ўйна, биз томонга келиб хавониям, кайфиятниям заҳарлашма, тенгларингни топиб, ўшалар билан ўйнашгин. -Ке ўша гапингга бешни ташла, шериклари хохолаб кулишиб, бир бири биланн қўл ташлаб кўришиб, шу ерига яна биттадан ичамиз дейишди, Назира холани камситганигами, ёки боласини сўкканига ори келдими? -Уйинга бориб хотинларинга гапириш, икки пиёла ароқни ичиб сасимай, мени зотини суриштирмай сим тақамай кўтаришсанг ичиб ўтириш деди . -Жалабга тенг келма ! Жалабни жалаб десанг, бетини юлиб, мелисага боради, уларда ор бўлмайди, ўтирганларни бири шеригига қарата бақира кетди. -Исботинг борми, мени жалаблигимга? Назира хола йиғлаб юборди. -Исбот одамларни миш миши, нима мени хотинимни гапи чиқмайди, анавини хотинини гапи чиқмаган, сени гапинг чиққан! дея ўрнидан туриб, гандираклаб бориб холани кўкрагидан итариб; -Йўқол, бизни кўчадан! Ўзинг ҳам, харомиларинг хам, бизни кўчада кўринишма, биттангни кўрай оёғингни синдираман! Назира опа орқасига гандираклаб, ўзини зўрға тутиб, -Худоё! Болаларингни мендай гапи чиқсин! Дардингни бировга айтолмай ўлиб кетгин! Кўзларида ёш, йиғидан томоғи бўғилиб, ориятдан юзлари қизариб йиғлаганча , сенларни Худога солдим деб кетди. “Жалаб Худони билармиди? Буни дуоси ўтармиди”, учинчиси уларни жоига ўтқазди. Орадан бир соатча вақт ўтиб тез ёрдамни кучли овозидан, қишлоқнинг ярми кўчага чиқди, тўғри Назира опанинг дарвозаси ёнига тўхтади, онам бизга шу ердан ҳеч қаерга жилмаслигимизни тайинлаб, ўзи Назира холаникига қараб юрди. Докторлар носилкага кимнидир солиб, тез ёрдам машинасига жойлашдида, эшикларини ёпиб, томоша талабларга йўлни очиб қўйишларини сўрагандек серенасини чолди. Тез ёрдам машинаси орқасидан , холанинг беш боласи кетма-кет, иззиллаганича -Ая, аяжон биз сизсиз, нима нима қиламиз? -Ая, сиз ўлманг!!! -Ая, ким нима деса десин, жон ая оғриманг деганларича катта болалари тез ёрдам машинаси ойнасидан онасига қараб югуришар, сабабини фаҳмлаган қўшнилар, болаларни йўлларини тўсиб ушлаб қолишди, беш гўдак, кўча бн, битта бўлиб додлаб йиғлашарди.... Назира хола, бир кун тунда эшикка чиқса, қандайдир ғудиранган овоз келибти, қулоқ солиб овоз кўча томондан келганини сезиб, дарвозани очиб қараса остонасида ерда бир киши ётган экан, туртиб кўрса индамасмиш, ўликми деса нафас олармиш, ярим тунда нима қилишини билмай, катта ўғлини уйғотиб иккиси судраганича, кундузлари ўзлари қуёшдан сақланиш ун узумни соясига қўйган каравотга ётказиб қўйди, колхозни бўрдоқи қўчқор сурувини Қирғизистон адир тоғларида боқиб, чўпонлик қиладиган турмуш ўртоғи тонгда уйга қайтса ховлисида ётган эркакни кўриб хотинини олдига келган жазмани дея, жанжал кўтариб уйидан чиқиб кетган, уйидан чиқиб кетгану, қишлоқдан бу гап чиқиб кетмай, хар оғизда айланиб юрарди....

Тарвузга туз сепиб совчиларга олиб кирган қиз ўша куни унаштирилди‼️ Қўшнимнинг 30 ёшли ўтириб қолган қизи бор эди. Куёв чиқмагач, қилмаган иши қолмади. Лекин бари бекор кетди. Бир куни укамнинг ўртоғига совчи бўлиб кирдик. Кутилмаганда қиз тарвузга туз сепиб олиб келди. Совчилар қизга қараб: «Ғалати одат экан-а», дейишди, у эса: «Бу одат эмас, сир», деб сабабини айтиб берди. Сабабидан шокка тушиб қолдим. Ўша куннинг ўзида синаб кўрдим. Ростан ҳам ҳаммада ўхшар экан! Бу сирни совчилар билишганига бир ҳафта ҳам бўлмасдан, қўшнимни катта тўй қилиб олиб кетишди 😅 Гап шундаки: билишингизнинг ўзи сизни шокка соладиган бу усулнинг сири шундаки…

​​Жамила ая набираларини ёнидан айрилмас Бир Гулёрнинг ,бир Дониёрнинг бешигини тебратарди. Иккиласи хам уйгонса ,эрини чакирарди.  -Хой дадаси келинг,бундок набираларингизга сиз хам каранг. Уз болаларингизни бешигини тебратмагансиз,хеч йук набирангизни бешинини тебратинг,- деб чакирарди. Шу зайлда кунлар хам утаверди.  Анваржон янги иморатни тугатиб ичини замонавий жихозлар билан жихозлади. Фарзандлари уч ёшга тулганда янги уйга кучиб утишди. Болаларни бокчага беришди.  Жамила ая кичгина угли Умиджонни уйлантирди. Анваржон орада тижорат юзасидан сафарга чикиб турар эди. Оилада бирон нарсага мухтожлик йук. Гулмира маликалардай яшарди. Шу зайлда кунлар утаверди. Болалар мактабга борди. Анваржонни у ер бу ердан кулогига хар-хил гаплар чалина бошлади. Бошда бу гапларга эътибор килмади. Огзига кучи етмаганлар хар-хили гап чикаришади. Мени Гулмирам икки дунёдаям менга хиёнат килмайди ,-деб узига-узи гапирарди. Гулмирага хе йук,бе йук сен менга хиёнат килаябсан. Кулогимга шунака гаплар чалинябди деб айтолмасди, айблай олмасди. Нима килишига,кандай йул тутишига хайрон. Уйлаб-уйлаб бир режа тузди. Тижорат иши билан сафарга кетдим деб ,хар доимгидай йулга отланади.  Кечкурун хеч кимга билдирмай томга чикиб шифр остига беркиниб ,икки кун пойлокчилик килади. Иккинчи кун кечкурун ёшликдан бирга усган,калин уртоги Собир уйига келади. Анваржон хамма нарсани камерага ёздириб олади. Гулмира Анваржонни шу куни пичоксиз суйди.Фарзандларининг онаси, калбининг маликаси, хаётининг жону-жахони булган, жондан азиз курган умр йулдоши Якин уртоги Собир билан унга хиёнат килишди. Анваржонни дунё кузига тор куринди. Боши айланди. Бутун вужуди даг-даг титради. Чуккалаб утириб олиб йиглади. Бутун хаёти кино лентасидай бир-бир куз олдидан утди. Калбидан нималар кечмади. Узини кулга олди.  Эртаси куни хеч нарса булмагандай уйга келди. Гулмирага хар доимгидай муомилада булди. Гулмирага ош дамлашни буюрди. Кечкурун ошга ота-оналаримизни чакирамиз. Мени сюрпризим бор ,-деди.  Кечкурун Гулмирани хамда Анваржонни ота-оналари келишди. Бирга бутун оила жам булиб овкатланишди. Кейин Анваржон кеча камерада ёзиб олган видеосини хаммани олдида очикдан-очик кургазди. Охиригача куришга хеч кимни бардоши етмади. Киёмат бошланди. Гулмирадан ота-онаси сендай фарзандимиз йук деб воз кечишди .Кудаларидан Анваржондан кечирим сураб,бошларини ерга эгиб,куз ёш тукиб,калби минг пора булиб ,шундай фарзанд устирганликлари учун,узларини лаънатлардилар.  Анваржон болаларни олиб колиб Гулмирани уйдан хайдади.  Курбон ака махаллада,махалла оксоколи булиб ишлаб нафакага чикган. Бу иснод Курбон акага каттик таъсир килди. Чунки Курбон ака кирмаган хонадон йук. Канча-канча ажрашаман деган оилаларни саклаб колган. Хаммага кулидан келганча панд-насихат килган. Куп ёшлик килиб ,бебошлик килганларни тугри йулга солган. Киска килиб айтганда махалланинг отаси эди. Энди эса куз куриб,кулок эшитмайдиган бундай жирканч холат Курбон аканинг хонадонидан чикса... Анваржон конун тарафдан ажрашди. Судья болаларининг ваколатномасини Анваржонга берди. Гулмира фарзандларидан хам айрилди.  Орадан бир ,бир ярим йил утиб Анваржонни тижорат ишида бир тушунмовчилик булиб иши судьга ошди. 3-йил камок жазосини олди. Фарзандларини бу утган уч йил ичида онаси Жамила ая уз каромогига олди.  Умр оккан дарё каби куз-очиб юмгунча утиб кетар экан.  Анваржон камок муддати тугаб,уйига болаларининг бошига кайтиб келди.  Жамила ая Анваржонни турмуш уртоги улиб,бир фарзанди билан колган Зебо исмли кизга уйлантирди. Зебо хозир уч фарзандни бирдай куриб,оналик мехрини бериб уларни вояга етказябди. Айтганча Зебо якинда яна она булади... Гулмирага келсак;Ота-онаси халигача кечирмади. Боларини хам куролмайди. Куримсизгина бир кулбада ижарада яшаб,бозорга чикиб ул бул сотиб кунини зурга курябди. Курган одам Бу Гулмирами деб зурга танийди. Юзларига ажин тушиб,сочларига ок оралаган. Оппокгина юзлари куёш нурида куйиб бир ахволда.  Мана азизлар бир инсонни хаёти. Тукликка шухлик деб шунга айтишса бежизмас.  🌸 @Solixa_Ayol 🌸 Яхшилик учун яқинларингиз билан баҳам кўринг! 👇👇👇 https://t.me/joinchat/AAAAAEoqxJvob7F63SjCig

📝ТЎҚЛИККА ШЎХЛИК... -Углим,Назира холангни кушниси Зулфияхоннинг ой деса ойдек,кун деса кундек,акилли ,хушли одобли,кули гул чевар ,чиройли кизи бор экан. Обру-эътиборли оила булгани учун,хар тарафдан совчилар келаётганмиш.  -Ойижон келин топишда чарчамадингизми?Неча маротаба айтдим ,мен севган кизим Гулмирадан бошкага уйланмайман.  -Дадаси бундок ота булиб,сиз хам углингизга гапирсангиз.  -Онаси бизни давримиз бошка эди. Хозирги ёшлар сен мен айтган кизга уйланмайди. Хотинни узлари топишади. Ана айтаябди-ю,Гулмирага уйланаман деб. Сенга яна нима керак. Олиб бер шу Гулмирасини.  -Дада хеч булмаганда сиз тушунинг мени. Ахир севмаган кизим билан кандай яшайман. Бир кизни бахтсиз килиб куймийманми. Яхшиси уйланмийман.  -Углим ,менга бахтли булсанг булди. Онангга тушинтириб булмаябди шуни.  -Зулфияхонни кизини сен аввал бир кургин. Сочлари тупикини упади мисли шалоладай. Хуснини айтмайсанми... -Ойи курганим билан нима узгаради,барибир уйланмийман. Ойижон,жон ойижон Гулмира хам яхши киз. Курмагансизда. Мен уни севаман. Мен севмаган кизимга уйлансам бахтли булмийман. Мени бахтсиз булишимни хохласангиз,майли кимга совчиликга борсангиз боринг. Менга кизиги йук кимлиги. Туйгача учрашмайман хам. Чарчадим тугриси. Барибир тушунмайсиз мени ,-деб бошини куйи солиб бир нуктага тикилиб утирди.  Жамила ая огир хурсиниб куйди. Углига зимдан назар ташлади. Агар мен айтган кизга уйланиб бахтли булмаса бир умр виждоним кийналади. Узи айтган кизга уйлантирсам. Узи пиширган ош. Айланиб хам,ургулиб хам узи ейди. Дадасиям тугри айтади. Бизни давримизда эди. Ота-онамиз кимни раво курса,ушанга тегиб кетаверганмиз. Мана узим хам,ота-онам танлаган инсонга турмушга чикдим. Мендан бир огиз хам сурашмади-я. Хаётимдан нолимийман. Турмуш уртогим яхши инсонлар. Мени узим баъзан аёллигимга бориб коламан,-деб хаёлидан утказди. -Майли углим сен нима десанг шу. Шуни унутмагин-ки,хеч бир ота -она фарзандига ёмонликни раво курмайди.  -Мана бу бошка гап онаси.  Икки ой ичида кунгилдагидай туй булиб утди. Гулмира янги бир хонадонга яхши ниятлар билан кадам босди. Жамила ая келинини пешонасидан упиб: Кизим кушганинг билан куша -кари. Хонадонимизга кадаминг кутлук булсин. Шу хонадонда илдиз ёзиб ,фалак отгайсан. Бахтли булинглар,-деб дуо килди. Гулмира янги хонадонда елиб -югуриб кайнонасини хизматини килиб, хурматини жойига куйиб,тезда кунглидан жой олди. Турмуш уртоги Анваржон тижорат билан шугулланарди. Ойда бир-икки марта мол олиб келиш учун сафарга кетар эди. Келтирган молларини дуконларга таксимлаб чикарди. Даромади яхши. Хар ойда тижоратнинг оркасидан нумайгина файдо курарди.  Курбон ака угли Анваржонни олдига чакириб:  -Углим,олиб куйган еримиз бор биласан. Энди хозир ишларинг яхши. Шу ердан сенга атаб иморат тиклайлик. Бугунми-эртанг уканг мактабни тугатгач униям уйлантиришимиз керак булади. Шунгача иморатни тиклаб куйайлик. Хохлаган пайтинг кучиб алохида яшаб биласан. Нима дейсан бунга углим.  -Майли дадажон,сиз нима десангиз шу. Эртадан мен архитектор топиб уйни планини чиздирай. Тез кунда хаволар совумай бу йил иморатни тиклаб куйсак. Кишдан чиккач давом эттирармиз.  -Баракалла углим. Унда эртадан кечикма. Анваржон иморатни бошлаб юборди. Хаш -паш дегунча усталар иморатни тиклашди. Кун ортидан кунлар кувиб утиб,бахор хам келди. Анваржон чала колган иморатни давом килдирди. Отаси усталар бошида турди. Анваржон тижорат билан,бозор олди-сотди ишлари билан шугулланди. Гулмира усталарни ош нонидан хабар олиб турар. Кайнонаси Гулмирага хомиладор булгани учун кулидан келганича ёрдам киларди. Чеккадан караган инсон бу оилани ахиллигига хавас киларди. Аслида хам хавас килгудай оила эди.  Ёз ойининг охирларида Гулмира эгизак фарзандли булди. Гулёр-Дониёр деб исм куйишди. Оиланинг кувончи чексиз. Жамила ая, Курбон ака элга кутлук дастурхон ёзиб,набира туйи бешик туйлар килиб беришди.  Анваржонни севинганини айтмайсизми. Хам угилли, хам кизли булганидан севинчидан дунёларга сигмасди. Уйга хар доимгидан эртарок келишни фарзандларини ёнида булишни хохларди. 

PSIXOLOGIK TEST ⚡️ Суратда биринчи бўлиб нимани кўрдингиз ? Марҳамат ўз жавобингизни танланг ва қалбингиздаги яхшилик ҳамда ёмонлик нечи фоиз эканлигини билиб олинг Жавоби

​​-Хой нодон! Уканг операция бўляпти, хабаринг борми? Хеч уйга ўтиб тирик-ўлигидан хабар оласанми ўзи? -Туроннинг найранги бу тоға. Ўтган куни синглимни хашарида лой ташиш бўйича махалла полвонларини ортда қолдирибди. Қўшни қишлоқлик танишларим айтиб берди. Касал одам шунчалик ишлай оладими? Эртасигачи, чала қолган зардеворни уриш учун куёв бола билан яна кечгача ишлабди. Йўқ, Турон соппа-соғ, сизни рахмингиз келтириш учун найранг қиляпти. Пул бермай қолишингиздан қўрқиб ўзини касал қивоган. -Менга қара Мурод. Мен хажга бормасам хам битта Лабо олиб сенга берсам, сен бизни дўконда лева қилиб оилангни боқсанг деб ўйлаб қўйгандим. Аммо, қарасам бунга нолойиқ экансан. Биламан, чўнтагинг жа-а тўла бўлмасаям, хар холда ақчанг бор. Ўз синглингни хашарига тўртта қовун тўртта тарвуз олиб бориб берсанг, хашарга бормаганлигингни ювуб кетарди. Ахир акасан, синглингга отасан энди. Сен эса, буни ўрнига укангни ёлғончиликда айблаяпсан. Турон нега беланги бўлиб қолди биласанми? Белида грижаси бўлсаям, синглисини хашарига бормасликка ор қилди. Бошқа қишлоқ йигитларига қишлоғимизнинг йигитлари синглиси учун хар нарсага тайёрлигини кўрсатиб келди. Пули бўлгандаку, ўрнига кўчадан иккита мардикорни ёллаб олиб келардия. Аммо, кунлигини кунда ишлаб топади, ортиқча пули йўқ. Буни устига, опамни хам мазаси йўқ, дори-дармон билан тирик. Уканг шу холдаям хашарга борди. Синглим эридан гап эшитгунча белим синсин дегандур-да. Хатто, эртасига хам чала қолган ишни тугатишга борибди, бунисиниям эшиттим. Энди, сенга бир гапни айтай. Ўша куни Туронбек кечки овқат махали ўрнидан туролмай қолибди. Бели тугаган-да! Куёвинг қўшнисини машинасида олиб бориб қўйибди. Синглинг эса олдимга йиғлаб келди, энди акамга нима бўлади деб сочини юлди. Рахмат шу синглинг бор экан, бўлмаса Турон мендан пул сўрамасди. Мен уни Фарғонага ташлаб келдим, эртага операция қилишиб, грижасини олишадиган бўлди. Демак, энди уканг оғир иш қилолмайди. Сен ака бўлиб, укангга нима ёрдам қилмоқчисан? Ё опамни уйингга олиб кетиб ўзинг боқасанми? Ахир, уканг энди боқиши қийинку опамни. Бу ёқда ўзини бола чақаси хам бор? -Э-э, тоға ота ховлида у қолган, онамниям у боқатта! -Бўпти, иккалангни алмаштирамиз, сен ота ховлига, у янги уйга кўчиб ўтасизлар, маъқулми? -Тоға, менда ортиқча маблағ йўқ. Мана, сиздан пул сўраб келиб ўтирипманку! -Эх, Мурод! Биласанми, мен сенга пул бермай тўғри қилибман. Аслида, кейинги ойда дўкондан оладиган маошимни сенга чиқариб берсамми деб тургандим, энди фикримдан қайттим. Кейинги ойдаги маошларимни хам укангга беришни бошлайман. Токи, тузалиб машина мина олгунича. -Машинаям олиб берасми? -Ха, мен Хажга бориш фикридан қайттим! Даромадимни опамга, сени уканг ва синглингга бағишлайман. Ортганини махаллада хам маблағ талаб ишлар бор экан, шу ишларга сарфлайман. -Менчи?-Мурод йиғлаб юборай деди.-Менгаям рахмингиз келсин, тоға! -Сен кимсан ўзи? Укангку майли эркак дейлик, аммо на синглисини на онасини танимаган бемехр... нонкўр банда экансану! Тур ўрнингдан, кўзимга кўринма! 25.07.2020 Дониёр Аҳмаджонов. 🌸 @Solixa_Ayol 🌸 Яхшилик учун яқинларингиз билан баҳам кўринг! 👇👇👇 https://t.me/joinchat/AAAAAEoqxJvob7F63SjCig

📝Аканинг орияти. -Тоға, менга биринчи вада бериб, укамга бериб юборганингизга тушунмадим! Шуни бермиман демайсизми, менам умидимни узмайманми?-Мурод кўзлари чақчайганча тоғасига тикилди. Мухаммаджоннинг юзидан берган вадасини бажармаганига ачиниш ёки хижолат бўлгани сезилмасди. Чунки, у қилган ишини тўғри деб билган, хатто хурсанд хам эди. Мухаммаджон қирқ йиллик турмушида фарзанд кўрмади. Опасининг фарзандларини ўз фарзандидек кўриб, доим кам-кетигига қарашиб юрарди. Ёши улғайгач эса, Хаж сафарига боришни орзу қила бошлади. Шунда диний идорага бориб ариза хам ёзиб қўйди. Фақат, аризалар кўплиги учун, бу 3-4 йил ичида уларга навбат келмаслиги маълум бўлди. Имом домла уни тинчлантириб: -Буниям бир хикмати бор Мухаммаджон! Сиз бу йиллар ичида янаям тақвога эътиборлироқ бўлинг, савобни кўпайтиринг, керакли маблағни жамғариб олинг,-дея маслахат берди. Мухаммаджонда маблағ бор эдию, бироз камроқ эди. Агар Хажга борса биронтасидан қарз олишни хам ўйлаб қўйганди. Хали навбати келмаслиги маълум бўлгач, катта қайноғаси келиб яхши таклиф берди: -Поччажон, биласиз пулни пул топади кетмонни ахмоқ чопади. Менга пулингизни берсангиз, иккимиз учун хам фойдали ишга тикаман, менга шерик бўласиз. Хабарингиз бор, қурилиш молларини сотадиган дўкон очганман. Агар янаям кенгайтирсам даромад ошади. Шунга пулингизни дўконимга сарфласак. Олинган фойдадан ойма-ой хиссангизни чиқариб бераман. Тўрт йилда бу пулларингиз шунчалик кўпаядики, Худо хохласа опамни хам Хажга бирга олиб кетишингиз мумкин бўлади. Бу таклиф унга ўринли туюлди. Пулларини бериб юборди. Баъзи кунлари эса, дўконга бориб қайноғасига савдо ишларида ёрдам хам қиларди. Дўконнинг келажаги порлоқ эканини билгач, ойма-ой бериладиган фойдасини олмади, дўконга сарфлайверинг деди. Хаш -паш дегунча тўрт йил хам ўтиб кетди. Қайноғаси хар ой охирида келиб дўкондаги пул маблағининг айланма фойдасини хисоблаб кўрсатар, бунга кўра тўпланган сумма икки кишининг хаж сафарига етиб ортарди. Мухаммаджон навбатини кутиб юрган кезлари Жума намози олдидан қилинган маърузада бир гапни эшитиб қолди. Хажга борувчининг яқинлари орасида мухтож оила бўлмаслиги керак экан. Бу гапни эшитттию, опасининг фарзандлари кўз олдига келди. Опасининг икки ўғил бир қизи бор эди. Фарзандларини уйлаб –жойлаб бўлгач, поччаси қазо қилган, опаси кичик ўғли Туронбек билан қолганди. У Муродга хам Туронбекка хам маблағ томондан ёрдам бериб турарди. Жияни Гулхаёнинг эри эса орият қилиб, хотинининг тоғаси берган ёрдамдан бош тортарди. Тоғасининг пули кўплиги аммо меросхўри йўқлигини яхши тушунган Мурод, аста тоғасининг қўйнига кира бошлади. Тоғасининг рахмини келтириб, ўз биснеси учун пул ундириш харакатига тушиб қолганди. Тоғасининг рахмини келтириш учун ёшлигида томдан йиқилиб оёғи оқсоқ бўлиб қолганини, оғир ишга ярамаслигин хаспўшларди. Аслида эса, бироз оқсоқланса хам соппа соғ эди. Уйда боқиб юрган молларини сотмоқчи эканини, тоғаси минг доллар қарз қўшиб юборса, минилган бўлса хам Дамас олиб киракашлик қилишни айтти. -Майли жиян, аммо хозир бунча пул йўқ. Уч ойдан бери дўкондан пул олмаяпман. Қайнағамга айтаман бу ой охирида хисоб китоб қилиб уч ойлик пулимни бериб кетади. Шунда сенга минг эмас бир ярим минг бераман, машинани сал яхшироғидан оларсан. Мендан сенга совға бўлади. -Э-э, рахмат тоға, жуда тушунган одамсизда! Шу томонингизга беш кетаман! Жудаям сахийсиз. Бу сухбат икки хафта олдин бўлганди. Мана энди пул берадиган пайтда келса укасига бериб юборибди. Буни эшитган Муроднинг фиғони фалакка чиқди. -Жиян, берсам укангга бердим бегона эмаску!-тоғаси уни муросага чақирмоқчи бўлди.-Кейин, укангни ахволи оғир, операция қилиш керак экан. -Э-э, Ахрор лўлини эшагиданам бақувватку укам. Кучи бор ўзи ишлаб топаверади-да. Мухаммаджон катта жиянига қараб туриб хайрон қоларди. Бир қориндан талашиб тушган укасига шуми мехр-оқибат?

🔔 🌌🌌🌌🌌🌌🌌 HAMMASI 25 MING SO'MDAN NARX SO'RAB O'TIRMIS KANALIMIZDA HAMMA NARSA 25 MINGDAN ⬇️⬇️⬇️⬇️⬇️⬇️⬇️⬇️ https://t.me/+v_uflMaNWxswMGEy https://t.me/+v_uflMaNWxswMGEy ╔═🌿═════🌿═════╗     🦋 QO'SHILISH  🦋 ╚═════🌿═════🌿═╝ Homiy: 🕺 ARAB RAQSLARINI TEKINGA ONLINE O'RGANAMIZ 💃

​​📝​​​​АРО ЙЎЛДА ҚОЛГАН МУШТИПАР АЁЛ (ҳаётий ҳикоя) Бир оиладаги аёл номидан ёзаман: Турмуш қурганимга 5 йил бўлди. Бу йиллар 5 аср каби чўзилди гўё. Уйимизга совчи келганида бошка қизлар қаторида орзуларим осмон эди. Тўй утгандан кейин орзуларим сароб бўлди... Эрим менга умуман меҳр бермас эди. Бошида эътибор бермадим. Аммо менинг нозу ширин сўзларимга ҳам зарда қиларди. Бир куни ҳаммасини юзимга солди, СЕНИ ОНАМ ТОПГАН, МЕНИНГ СЕНДА УМУМАН КЎНГЛИМ ЙЎҚ, МЕНДАН МЕҲР КУТМА, ШИРИН СЎЗ КУТМА ВА МЕНГА ҲАМ БУ НАРСАЛАРНИ АЙТМА, деди. Нима қиларимни билмас эдим. Унинг айтишича севган қизини олиб бермаганмиш. Мени эса она розилиги учун олган экан. Хуллас тақдиримга тан бериб яшай бошладим. Кўз очиб кўрган эрим дея боримни берим хизматида бўлдим. Ўша кунлар менинг қора кунларим эди. Олти ой ўтди. Эрим хамон бефарқ, бемеҳр эди. Аммо шу орада мен ҳомиладор бўлдим. Буни айтсам ҳам хурсанд бўлмади. Мен эса ўша кундан эримга Дадаси деб мурожаат қила бошладим. Меҳрим минг марта ошди эримга, чунки вужудимдаги жажжи боламнинг отаси эди. Кундузлари эримнинг юзига қараёлмасдим ҳам, чўчирдим, урушиб беради деб ўйлардим.Тунлари эса хўжайиним ухлаши билан юзига тўйиб термулиб чиқардим. Меҳр бермаса-да ёнимдалиги учун ўзимни жуда бахтиёр хис этардим... Ҳамма ҳайрондира бу қиз ахмоқ экан, меҳр бермасаям яхши кўрар экан деб а? Ҳа, мен шундаям яхши кўрардим, чунки меҳрни тилидан олмасам ҳам кўзларидан олардим. Мен бегимни севардим... Орадан 7 ой ўтди. Кўзим ёриди. Жажжи ўғилчали бўлдим. Ширингина фарзандим. Уни бағримга босиб жуда бахтиёр булдим, яна бахтли булдим. Уйга болам билан қайтдик. Бегим эса бормади ҳам ёнимизга. Дард ютдим, азобландим, аммо чидадим. Болам учун чидадим. Фарзандим 2 ойлик бўлган эди. Эрим хамон бемеҳр, бефарқ эди. Мен хамо дадажониси, суянган тоғимиз дея ўзимча эркалатардим, хатто жилмайиб ҳам қўймасди... Бир куни ўғлим йиғлаб ётган экан, мен ташқарида эдим. Уйга югуриб кирдим. Ўғлим йиғлаб ётарди, дадаси эса қайрилиб ҳам қарамасди, нимадир қилиб ўтирган экан. Болам йиғлаб ичи куйиб кетган эди. НЕГА ЧАҚИРМАДИНГИЗ АХИР БОЛАМ ЙИҒЛАБ ҚОЛИБДИКУ дедим, индамай қўйди... бу ҳақиқий дард эди... Ўша кечаси болам иситмалаб йиғлаб чиқди. Эртаси докторга обордим. Кейинги кечаси хам ўғлим соат 2 ларда ҳам йиғлайверди. Шу онда хўрлигим келди, боламни бағримга босиб, юм-юм йиғладим. Эрим ухлаб ётарди. Ичимдаги 2 йиллик дардларим уша онда тилимга чиқди... Айтиб айтиб йиғлайвердим... ТУРМУШ ҚУРИБ МЕҲР КЎРМАГАН ОНАНГМАН, Ўз ёридан сеҳр кўрмаган онангман, Бугун дардим сиғмай қолди, чиқди нолам, Кўп йиғлама, азоб берма менга болам, дея йиғлайвердим. Болам худди алла эшитган каби негадир ухлаб қолди. Секин жойига ётқиздим, тим ухларди. Кўз ёшларимни артиб, жойимга ётдим. Аламим келиб йиғлар эдим, эримдан бир марта ширин сўз эшитмадим, меҳр олмадим... Бир пайт елкамга бир нима қўнгандай бўлди, чўчиб тушдим. Секин турдим, қарасам бегим қўлини елкамга қўйган экан. Fалати бўлиб кетдим... Онаси, дейди секин. Наҳот? Биринчи мартая? Қулоқларимга ишонолмасдим. Яна ОНАСИ ЧАРЧАДИНГМИ, деди. Тўсатдан келган меҳрдан ҳаяжонланиб йиғлай бошладим... Қўйгин йиғлама, сен энг меҳрибон рафиқасан, онасан, дея бағрига босди. Ўша ондаги севинчимни таърифлашга 5 мингта тилда ҳам сўз топилмаса керак. Бахтдан йиғладим, бегимдан биринчи марта меҳр олдим, мен бахтли эдим... Ярим соатларча менга ширин ширин гапирарди, мен очиғи уялардим. Эрим эса ҳаммасини айтиб берди. Тунлари менга термулиб ётардинг, мен ўзимни билмасликка олардим, сенга меҳр беролмадим кечир деди... Мен кечириб бўлган эдим... Ҳозир 2 та боламиз бор. Дадажониси жудаям меҳрибон. Аллоҳим мени бахт билан сийлади. 2 йил хеч кимга айтмадим эрим шунақа деб. Кейин эса сабрим олтин бахтга айланди. Ҳозир бегим билан олтин бахт саройида маликаю қирол каби яшаб юрибмиз. Сабр таги фақат сариқ олтинмас, балки олтин бахт ҳам экан... 🌸 @Solixa_Ayol 🌸 Яхшилик учун яқинларингиз билан баҳам кўринг! 👇👇👇 https://t.me/joinchat/AAAAAEoqxJvob7F63SjCig

​​📝Т А Р Б И Я (Реал хаётий хикоя.) Бир акахоним бор. Махаллада қўшнимиз. Маълумки, махалладаги эркаклар ойда бир тўпланиб, навбати билан гап берамиз. Бу воқеага анча йиллар бўлди. Акахонимиз бир гапда сўзлаб берганди: - Ишхонамизга ёш, жуда гўзал қиз ишга келди. Табиийки, барча йигитлар унинг атрофида ўралашиб қолдилар. Биласизлар, мен оилалиман, 2 нафар фарзанднинг отасиман. Фақатгина мен у қизга қарамасдим. Орадан ойлар ўтди. Қиз барча йигитларни ноумид қилаверди. Бир куни ишдан қайтаётган эдим. Бекатда маршрутка кутиб тургандим, ўша қиз ёнимга келиб, салом берди. Маршруткада гаплашиб кетдик. Мен бозорда тушиб харид қилишим керак эди. Қиз ҳам бозорда тушди. Бирга бозор айланиб харид қилдик. Хайрлашар чоғимиз қиз эртасига туғилган куни эканини айтиб, мени оқшом уйига таклиф қилди. Эртасига уни уйига бордим. Дид билан безатилган дастурхон атрофида ярим тунгача ўтирдик. Ичганим учун, қизнинг биргина қолақолинг деган гапига кўндим. Маълум бўлишича у турмушдан ажраган экан. Шундан кейин унга қаттиқ ўрганиб қолдим. Уйга кам борадиган бўлдим. Табиийки аёлим мендаги ўзгаришларни сезган, менга билдирмай орқаваротдан суриштираётган экан. Бир куни эрталаб ишга кетаётсам, хотиним: - Дадаси, яхши бориб келинг, Маҳлиёга салом айтинг! - деса бўладими! Дамим ичимга тушиб кетди. Ишда ҳам кун бўйи паришон юрдим. Хотиним хаммасидан хабар топганди. Унга қандай тушунтиришни ўйлайвериб кунни ўтказдим. Ишим тугаб, аранг оёғимни судраб уйга келдим. Дарвозани олдида уйга киргани қўрқиб, узоқ туриб қолдим. Охири бор кучимни тўплаб уйга кирдим. Уйга кирсам хотиним... Ҳаммаёқ чиннидек тоза! Хоналар ярақлайди! Хотиним ошхонада куймаланар, у ердан лаззатли таомнинг хушбўй ҳиди анқирди. Аста ётоқхонага кирдим. Ётоқхона ҳам ажиб бир кўринишда эди. Диван устига янги, қордек оппоқ тўшамалар тўшалган, бош тарафдаги стол усти тўла гуллар, хонани ажиб бир ифор хиди тутганди... Хотиним ўша куни ўзгариб қолганди. Меҳрибонроқ, фақат табассум қиларди. Кундузи гўзаллик салонига бориб келган, жуда гўзаллашиб кетганди... Хуллас, ўша тун ўзимни чилласи чиқмаган янги куёвдек ҳис қилдим. Энди ҳаётим ўзгарганди. Доим боши оғриётганини, чарчаганини баҳона қиладиган хотиним энди ҳар куни ишдан келишимга ҳаммомни иситиб қўяр, ҳар тун ўзини бағишларди... Орадан бир ой ўтди. Бир тун хобхонада бир-биримизга тўймай ётганимизда аёлим тўсатдан:: - Дадаси, мен тўғри йўлни танладим а? Агар ўшанда жанжал қилганимда оиламизга дарз кетар, сиз ўша Маҳлиёнинг олдига кетиб қолган бўлардингиз! - деди. Акахон шундай деб ҳикоясини тамомлади. Биз акахонни аёлининг топқирлигига қойил қолдик. Ахир акахоннинг кўчада бегона билан юришга на хоҳиши, на лаёқати ва на қуввати қолганди. Демак, эркакни кўчадан меҳр қидиришларига уйдаги аёлнинг ўзи сабабчи бўларкан! Демак, эркакни уйда ушлаб қолиш мумкин экан! Эркак хам инсон. Кун давомида чарчаб, ҳориб, уйига аёлининг олдига мехр истаб келса-ю, аёли қандайдир хархашалар билан эрини ўзига яқинлаштирмаса... юрадида эркак! Албатта, соғлигида муаммоси бор аёллар бундан мустасно.. 🌸 @Solixa_Ayol 🌸 Яхшилик учун яқинларингиз билан баҳам кўринг! 👇👇👇 https://t.me/joinchat/AAAAAEoqxJvob7F63SjCig

​​Шундай ёрқин оқшомларнинг бирида у мени уйимга ташлаб қўйди ва мен юзимда шўх-шодон табассум-ла қайлиғимга қўл силтаб, ортга ўгирилсам, қаршимда у турарди. — Оғзинг қулоғингда-ку, — деди собиқ севгилим киноя билан қоронғилик қаъридан чиқиб келаркан. — Синфдошимга эрга тегаётган экансан-да, тўйга айтарсизлар! — Н-нега келдингиз?! — Сени соғиндим. — Уялмайсизми? — Нима учун? — С-сиз, с-сиз жуда… — Сурбетлик қиляпманми? — деди у гапимни шарт кесиб ғазаб билан. — Ўзинг-чи, ҳеч куйинаётгангга ўхшамайсан, ялло қилиб юришингни кўр. Беҳаё! — Нималар деяпсан?! — тобора асабдан титраб кетар, унга нисбатан илиқликни эмас, аксинча, нафратни ҳис этардим, холос. — Нега бундай қараяпсан, гапим ёқмадими? — у ғайритабиий асабийлик билан мени жеркир, ерга уришга уринарди. — Нима десам ерга қараб турардинг-ку, энди асл юзингни кўрсатяпсанми?! — Етар! — деярли ҳайқириб юбордим мен. — Сен кимсанки, менга бундай муомалада бўласан, тергайсан, ҳақорат қиласан, айт, кимсан? Ахир сен ўзинг эмасми мени ёлғон баҳоналар билан ташлаб кетган, дугонамга уйланган? Сен эмасми ҳеч қандай изоҳсиз ҳаётимни тарк этган? Энди рашк қилишинг нимаси?! — Н-нима?! — дея у бурнини жийириб кулиб юборди. — Мен сени рашк қиламанми, мен-а?! Биласанми, мен сенга нега уйланмадим? Чунки ақли бор эркак севишиб юрган қизига уйланмайди. Мен рафиқамни севаман, у жуда меҳрибон, оқила, сенга ўхшаган тарбиясиз эмас. Ҳа, айтгандай, у фақат мени севади, хуллас, ҳаётимдан мамнунман. Сенга эса алвидо! «Нега келди-ю, нега кетди?» дедим ўзимга ўзим ажабланиб. У айнан қайси сабабдан менга бундай аччиқ гапларни гапиргани, ғазабланганига тушуна олмадим-у, бироқ у нимадандир аламзада экани аниқ эди. Умуман, уни қайта учратиш эндиликда мен учун азоб бермаётганига кўпроқ ҳайратланаётгандим. Кўз очиб юмгунча орадан бир ой ўтиб, бахтли онлар яқинлаша бошлади. Тўйимизга уч кун қолгани учун ҳар иккимизда ҳам ҳаяжон кучли эди. Биз чиройли ҳаёт остонасида муносабатларимиз, аввало, ўзаро ҳурмат устига қурилаётганидан бахтиёр эдик. — Эшитдингми? — деди қайлиғим машинасига ўтираркан менга қарамай. — Улар ажрашишмоқчи экан. — Нега? — дедим гап айнан кимлар хусусида кетаётганини англаб. — Дугонанг синфдошимга нисбатан терс, қўпол, хуллас, жуда совуқ муносабатда бўлган. Сабабини суриштирса, дугонанг собиқ севгилиси билан алоқаларини тўйидан кейин ҳам узмагани аниқланибди. Шунга… Энди улар деярли озод. У индамай қолди. Айни дамда унинг хаёлидан нималар ўтаётганини, юраги ғаш эканини тушуниб турардим. Шу билан бирга бир ой муқаддам менинг ҳузуримга қилинган ташриф ҳам ўз-ўзидан аён бўлганди. Иккимиз ҳам дўстларимизга бахт тиласак-да, улар ҳақида бошқа гаплашмасликка келишиб олдик ва мен қайлиғимнинг кўнглини хотиржам қилиш учун қўлларидан тутдим. — Тўйимизга уч кун қолди-я?! — Бахтимизга уч кун қолди! 🌸 @Solixa_Ayol 🌸 Яхшилик учун яқинларингиз билан баҳам кўринг! 👇👇👇 https://t.me/joinchat/AAAAAEoqxJvob7F63SjCig

Тўй ўтганига бир ҳафта бўлди-ю, аммо худди ўша кундаги каби хаёлим паришон, юрсам, оёқларимда мажол йўқ. Ўша кундан буён ишга боришга ҳафсала қилмаётгандим, мана, бугун ўзимда куч топиб йўлга тушдим. — Кечирасиз, такси керак эмасми? Уйдан чиқишим биланоқ тўхтаган машина ҳайдовчиси менга алланечук умид билан тикилиб турарди. Индамай машинага ўтирдим, у эса бир зумда ишхонамга элтиб қўйди. Ҳатто пул беришни унутиб, машинадан тушиб кетаётганимда бирдан ақл чироғим ёниб кетди. — Сизга манзилни айтмагандим-ку! — Мени танимадингиз-а? — Йўқ. — Ҳ-ҳалиги, — деди у хижолат тортгандай сочига тегиниб қўяркан, — тўйда сизга қаттиқ урилиб кетгандим, эсладингизми? Узр сўрасам, мендан ранжиб ҳеч нима демадингиз. Кўзингиздаги ёшни кўриб, дўстимнинг тўйи ҳам татимаганди. Минг бор узр, мен бироз қўполроқман-да! Нотаниш йигит то ўша кундан бери беором экани, қўпол ҳаракати учун узр сўраш ва мен билан жиддий муносабат ўрнатишни истаётгани ҳақида тинимсиз гапирар, тўй куни мен унга умуман аҳамият бермаганим, кўз ёшимнинг асл сабаби қандайлигини хаёлига ҳам келтирмасди. Аламданми, изтиробларни унутиш учунми, билмайман, унга ҳеч нима демай машинасидан тушиб кетдим. Шу тариқа у бир ой давомида ҳар куни ишхонамга, уйимга қатнайдиган, жиддий нияти ҳақида айтадиган бўлди. — Мени тинч қўйинг, — дедим унга кунларнинг бирида, — ҳақиқатни эшитсангиз, фикрингиз ўзгаради. — Сизни тушунолмадим, очиқроқ гапиринг. Ахир иккаламиз ҳам ёш бола эмасмиз. Қўл ушлашиб боғларда кезишни эмас, сизга оила қуришни таклиф этяпман! — Мен дўстингизни севардим, у ҳам мени… Йўқ, у менга ёлғон гапирган экан… У дугонамга уйланганини кўриб, ҳ-ҳалиги… Хуллас, энди тушундингизми?! Унинг жим турганини кўриб, ичимдаги овоз «Сени бироз тинчлантираётган йигит ҳам энди йўқ», дея шивирлади ва жавобини ҳам кутмай уйим томонга югуриб кетдим. Мана, ўн кундирки, ундан дарак йўқ. Бу табиий! Бир кўнглим бор гапни айтиб бекор қилдинг деса, бир кўнглим ришталар ёлғон билан боғланмайди, дейди. Ҳар куни ортимдан соядек эргашиб юришига ўрганиб қолган эканманми, билмайман, ичим ҳувиллаб қолди. Қолаверса, собиқ севгилимнинг қилган иши, куйинаётган ошиқ ролини ўйнагани, келажагим ҳақидаги жамики хаёллар мени тинч қўймасди. Кунора келаётган совчилар, кўнглимга ҳеч ёқмаётган йигитлар билан учрашувлар шу қадар ҳиқилдоғимга келгандики!.. — Ишдан кейин учрашув… — Ойи, — дедим асабдан кўзларим учиб, — янами?! — Ҳа, яна! — Лекин… — Сени эшитишни ҳам истамайман! Одмигина кийимда, ўзимга ҳеч оро бермай, йиғидан қизарган кўзларим билан уйдан чиқаётганимни кўрган онам ортимдан «Сал ўзингга қараб олмайсанми?!» дея бақириб қолди. Куни билан бошим оғриб, белгиланган манзилга бордим-да, «куёв бола»ни кута бошладим. — Салом. Овоз келган тарафга ўгирилсам, тўйда менга урилиб кетиб, ортимдан анча пайт кузатиб юрган ўша йигит турибди. — С-сиз?! — дедим атрофга қўрқибгина аланглаб. — Бу ердан тезда кетинг. — Нима учун тезда? — М-мен бир йигит билан учрашувга чиққанман, ҳозир кўриб қолса, нима деб ўйлайди? — У сиз ҳақингизда ҳеч ҳам ёмон фикрга бормаган, бормайди ҳам! Нима дейишни билмай каловланиб турсам, «куёв бола» унинг ўзи эканини айтиб қолди. Шу дам ўзим ҳам сезмаган ҳолда кулиб юбордим. Йигит ҳамма нарсани ўйлаб кўргани, ўтмишдаги ишлар учун мени ҳам, дўстини ҳам айбламаслигини гапираркан, унинг тоза кўнгли ва самимийлигига яна бир бор иқрор бўлдим. Тақдирга тан бериш оғир, аммо начора! Бутун умр ўтмиш хаёллари билан яшашдан кимга не наф? Мана шу ҳақиқатни ўзимга сингдириб, тўй тараддудини бошлаб юбордим. Гарчи қалбимнинг бир чети ҳамон кемтик бўлса-да, ширин ташвишлар ва бўлажак турмуш ўртоғимнинг илиқ муносабати туфайли энди бу кемтиклик аввалгидай озор бермай қўйганди. Биз деярли ҳар куни учрашар, янги орзулар қилар, келажагимизнинг режасини тузардик. У дўсти ҳақида гапирмас, мен ҳам бора-бора ўтмишдаги азобларни унутишга ўзимда куч топаётгандим.

📝 “Севгилим мени ташлаб, дугонамга уйланди… Кейин эса…” Унга ҳозир нақадар қийин эканини тушуниб турибман. Ахир онаси тўйимизга розилик бермаётгани учун у ҳам минг бир азобда. Биламан, қўнғироқларимга ҳам айни шу важдан жавоб бермаяпти. Сўнгги марта гаплашганимизда қанчалар куйингани ёдимда. — Менга осон тутма, ўзимдан ўтаётганини ўзим биламан! — Лекин нима учун яна бир бор ҳаракат қилмаяпсиз? — Онамга тушунтирдим, ялиндим, яна нима қилай, айт?! — Шунчаки… — Нима, сен ота-онамни норози қилишимни, уйдан чиқиб кетишимни истаяпсанми?! — Йўқ, йўқ, мен фақат айтмоқчи эдимки, ҳ-ҳалиги, онангиз айтган қизни кўрдингизми? — Сурати икки кундан буён хонамда турибди, ҳатто қараганим ҳам йўқ. Менга фақат сен керак эдинг, уйланиш ҳақида энди икки-уч йилгача ўйламасам керак. Унинг ғазабланиши, асабийлашиши, совуқ муомаласи — буларнинг барини тушунаман, ахир унга ҳозир жуда қийин. Унга бўлган пок муҳаббатим, тоза ҳисларим сабаб биз ҳеч қачон айрилмасак керак, деган қарашни миямга чунонам сингдириб юборган эканманки, охир-оқибат бундан ўзим изтиробдаман. Гарчи орадан икки ой ўтган бўлса-да, уни бир кун ҳам эсламай яшамадим. Ахир бир йил давомида бутун умрингни бирга тасаввур этган инсонни ўйламаслик, шунчаки унутиб юбориш осон эмас. Фақат бир нарса юракка таскин бериши мумкин, ҳар ҳолда у ҳам мени ҳалигача унутмаган. Ҳар не бўлганда ҳам бугун бу ғамларни жилла қурса икки-уч соатга унутмоқчиман. Ахир бугун синфдош дугонамнинг тўйи-ку! Безатилган дастурхон, қўшиқчининг шўх хониши, қиммат либосларга бурканган меҳмонларнинг юзларидаги қувонч — буларнинг бари жуда гўзал. Ҳар тарафдан тўйнинг таровати акс этувчи кулгилар эшитилар, келин-куёвнинг оқ, пушти рангдаги гуллар билан безатилган столи атрофида ёш болакайлар югуриб юришарди. Мен уларнинг шодон қийқириқларига қараб ажиб кайфиятда жилмайиб турсам, келин-куёвнинг келганидан дарак берувчи куй баланд овозда янграй бошлади. — Жуда чиройли кўйлак танлабди-я! — Менга унча ёқмади, бачканароқ. — Куёвни қаранглар, келишгангина экан! — Ҳа, қизнинг диди чакки эмас! — Кўйлак ҳам чиройли, куёв ҳам! Кўтарилган кулгини ёр-ёр садолари босиб кетди. Мен эса мийиғимда кулиб бош чайқадим-да, дугоналаримнинг орқасига турдим. Негадир келин-куёвни кўришга унча шошилмас, юрагимда нотаниш ғашлик мавжланиб борарди. Шу тариқа қизиқиш устунлик қилиб дугоналаримнинг турмакланган сочлари орасидан нигоҳим ёриб ўтди ва… Ва донг қотиб қолдим. Уларнинг табассумли юзлари қувончдан ёнарди. Айниқса, куёвнинг кўзларида порлаётган бахт учқунлари… Ҳа, севгилимнинг кўзлари айрилиқдан куйинаётган ошиққа заррача ўхшамас, у пўрим кийимда шаҳзодалардек керилиб юриб келарди. Мен ҳайратдан лол эдим, агар дугоналарим туртиб қўйишмаса, ҳамма ўрнига ўтириб олганини ҳатто сезмасдим ҳам. Бутун тўй давомида на кулишга, на овқатланишга ва на атрофдагиларни тинглашга қодир эдим. Шунчаки қимир этмай келин-куёвга тикилган кўйи ўтиравердим. У эса ҳеч хижолат тортмас, оғзи қулоғига етиб, дўстлари билан даврада рақс тушарди. Мен ҳатто «У балки бошқа, севгилимга икки томчи сувдай ўхшайдиган йигитдир», дея ҳам ўйладим. — Қаерга кетяпсан? — деди мени тўхтатган дугонам. — Ҳ-ҳалиги, суратга тушишга. — Шошма… Мен дугонамни кутадиган, умуман нималаргадир аҳамият бериб ўтирадиган аҳволда эмасдим. Қийқираб ўйнаётган тенгқурларим орасидан юриб ўтарканман, ўз-ўзимга пичирлардим. «Йўқ, у бошқа, у бегона, у шунчаки ўхшайди» деган овозлар миямдаги оғриқни кучайтирарди. Оёқларим ўзимга бўйсунмас, бир-бирига чалишиб, ҳатто бир неча бор гандираклаб ҳам кетдим. Келин-куёвнинг столи томон яқинлашиб, унча баланд бўлмаган зинапоялардан кўтарила бошладим. Шу пайт олдимдан шошиб ўтаётган йигитлар тўдасидан аллакимдир мени туртиб ўтди. Гарчи елкамда қаттиқ оғриқни сезган бўлсам ҳам, ҳозир хаёлим фақат куёвда эди. Унинг шундоққина ён тарафида турибман-у, ўша кўз, ўша қош, ўша юзни кўрсам ҳам тан олгим келмайди. Шу тоб унинг ҳам нигоҳи менга қадалди-ю, бироз тикилиб қолди. Лекин лом-мим демади. Ахир нима ҳам десин?! Ўртамизда бахтдан кўзлари чақнаётган дугонам эрининг қўлларидан дарҳол тутди ва улар яна кенг даврадаги меҳмонларга мамнун кулишди.

🔔 🌌🌌🌌🌌🌌🌌 HAMMASI 25 MING SO'MDAN NARX SO'RAB O'TIRMIS KANALIMIZDA HAMMA NARSA 25 MINGDAN ⬇️⬇️⬇️⬇️⬇️⬇️⬇️⬇️ https://t.me/+v_uflMaNWxswMGEy https://t.me/+v_uflMaNWxswMGEy ╔═🌿═════🌿═════╗     🦋 QO'SHILISH  🦋 ╚═════🌿═════🌿═╝ Homiy: 🕺 ARAB RAQSLARINI TEKINGA ONLINE O'RGANAMIZ 💃