General Wingate Polytechnic college-Official channel

ለአዲስ ገቢ የደረጃ ሰልጣኞች በሙሉ   ለ2019 በጀት ዓመት (በቀን፣ በማታ እና በቅዳሜና እሁድ) የተመዘገባችሁ አዲስ ሰልጣኞች በሙሉ ነገ ሰኞ ማለትም ጥቅምት 30 ቀን 2018 ዓ.ም ከጧቱ 2፡30 ላይ የጉዞአችሁ መጀመሪያ የሆነውን ታላቅ የእንኳን ደህና መጣችሁ እና የስልጠና ማስጀመሪያ መርሃ ግብር በደማቅ ሁኔታ አዘጋጅተን እየጠበቅናችሁ ስለሆነ ሰዓት አክብራችሁ እንዲትገኙ በድጋሜ ማስታወስ እንፈልጋለን፡፡   ለዝግጅቱ ድምቀት ልዩ ልዩ አዝናኝ ትርኢቶችና ወሳኝ መልዕክቶች የሚተላለፍበት መድረክ ነው፡፡ መልካም ጊዜ   ቀን፦ ሰኞ፣ ጥቅምት 30 ቀን 2019 ዓ.ም ቦታ፦ በኮሌጃችን ግቢ ሰዓት፡- 2፡30 ላይ

📢 Beeksisa Sagantaa  Baga Nagaan Dhuftan fi Jalqaba Leenjii ---------------------------//---------------------------------- Barattoota haaraa bara bajata 2019 ogummaa garagaraatin Guyyaa, Galgala, akkasumas Sanbatarraa fi Dilbata—galmooftan hunda keessaniif koleejjiin keenya haala miidhagaa ta'een isin simachuuf qophaa'era! 🌟 Sagantaa Baga Nagaan Dhuftanii kolleejjiin keenya isiniif qopheesse kana gaafa h guyyaa Wiixataa, Onkololeessa 30/2019E.C. Mooraa kolleejjii keenyaa keessatti sa'aatii 2:30 irratti akka argamtan kabajaan waamicha isiniif taasifna. Hubachiisa: Barattoonni galmooftan haaraan hundi guyyaa fi sa'aatii jedhameetti argamuun hirmaattota qophichaa akka taatan,qajeelfamoota barbaachisoo fi ergaawwan akka hordoftan, akkasumas kutaa leenjii keessan dhiyeenyatti akka bartan fi leenjii eegaltan kabajaan isin hubachiisna. #. Sagantaa Jalqaba Leenjii ilaalchisee:- 👉Barattoota Guyyaa (Regular) fi galgalaa(Extension)  wiixataa onkololeessa 30/2019 Irraa eegalee kan jalqabu ta'a. 👉Barattoota Sanbatarraa fi Dilbata (Weekend)Sadaasa 5/2019 irraa eegalee jalqaba. Hunda keessaniifuu bara leenjii gaarii isiniif hawwina! koollejjii poolii teeknikaa fi ogummaa jenaraal wiiingeeti!

📢 የእንኳን ደህና መጣችሁና የስልጠና መጀመሪያ መርሃ ማስታወቂያ   ለ2019 በጀት ዓመት በሁሉም መርሃ ግብሮች—በቀን፣ በማታ እና በቅዳሜና እሁድ—ምዝገባ ያከናወናችሁ አዲስ ገቢ ሰልጣኞች በሙሉ ኮሌጃችን በደማቅ ሁኔታ ሊቀበላችሁ ተዘጋጅቷል!   🌟 1. የእንኳን ደህና መጣችሁ መርሃ ግብር ቀን፦ ሰኞ፣ ጥቅምት 30 ቀን 2019 ዓ.ም ቦታ፦ በኮሌጃችን ግቢ ሰዓት፡- 2፡30 ላይ ማሳሰቢያ፦ አዲስ ተመዝጋቢ ሰልጣኞች በሙሉ በዕለቱና በሰዓቱ በመገኘት የዝግጅቱ ታዳሚ እንድትሆኑ፣ አስፈላጊ መመሪያዎችንና መልዕክቶችን እንድትከታተሉ እንዲሁም የስልጠና ክፍሎቻችሁን በቅርብ እንድትቃኙ በአክብሮት እናሳውቃለን።   🕒 2. የስልጠና መጀመሪያ መርሃ ግብር 1. የቀን ሰልጣኞች (Regular) ማክሰኞ፣ ጥቅምት 1 ቀን 2019 ዓ.ም ከጧቱ 2፡30 ጀምሮ 2. የማታ ሰልጣኞች (Extension) ማክሰኞ፣ ጥቅምት 1 ቀን 2019 ዓ.ም ከምሽት 12፡00 ጀምሮ 3. የቅዳሜና እሁድ ሰልጣኞች (Weekend) ህዳር 5 ቀን 2019 ዓ.ም ከጧቱ 2፡30 ጀምሮ ይካሄዳል።

ሐሙስ:- ጥቅምት 26 ቀን 2019 ዓ.ም ኮሌጁ ከተለያዩ ኢንዱስትሪዎች ከተውጣጡ ባለድርሻ አካላት ጋር የውይይት መድረክ አካሄደ!! የስልጠና ሂደቱን ውጤታማ ለማድረግ፣ የስራ ትስስር ሂደቱን ለማሳካት እና የግልና የመንግስት አጋርነትን ለማጠናከር ዓላማ ያደረገ የባለድርሻ አካላት የውይይት መድረክ ተካሂዷል። በዚህ የምክክር መድረክ ላይ ከተለያዩ ኢንዱስትሪዎች የተውጣጡ  እንግዶች ተሳትፈዋል። ኢንዱስትሪው ከቴክኒክ እና ሙያ ስልጠና ተቋማት ጋር ያለውን ወሳኝ ግንኙነት ለማጠናከር፣ የትብብር ስልጠናን ውጤታማ ለማድረግ፣ የተመራቂ ሰልጣኞችን የስራ ትስስር አጠናክሮ ለመቀጠል፣ የቴክኒክና ሙያው ስልጠና ከአዳዲስ እሳቤዎች ጋር የተቀናጀ እንዲሆን ለማድረግ እና  በኢንዱስትሪዎችና በኮሌጁ ያለውን ሰብዓዊና ቁሳዊ ሀብት በጋራ ለመጠቀም  ያለመ ነው፡፡ በዕለቱ ኮሌጁ በአዲሱ የስልጠና እሳቤ መሰረት ወደ ስራ የገባባቸውና በዕቅድ የያዛቸው ጉዳዮች እንዲሁም ከኢንዱስትሪዎች ጋር ያለው የስራ ትስስር በገለፃ ቀርቧል፤ በተጨማሪም ከተለያዩ አጋሮቹ ጋር ያከናወናቸው የልማት ስራዎች ተብራርተው በቀጣይ የስራ ግንኙነታችን ምን ይምሰል? በሚለው ዙሪያም ሰፊ ውይይት ተደርጓል፡፡ በመጨረሻም አብሮ ለመስራት የሚያስችል የመግባቢያ ሰነድ የመፈራረም ተግባርና  በቀጣይ ካላቸው ግዙፍ አቅምና እምቅ ሀብት የስልጠና ተባባሪ ሆነው እንዲቀጥሉ የሚያስችል የዕውቅና ምስክር ወረቀት ለኢንዱስትሪዎች ተበርክቶላቸው የዕለቱ  መድረክ ተጠናቋል፡፡        "በላቀ አገልግሎት የመረጃ ተደራሽነት"

ለጥያቄዎ መልስ ከአራት የኮሌጁ የስታፍ አባላት ጋር በተለያዩ ጉዳዮች ቁጭ ብለን እየተወያየን ነው፡፡ የግል ጉዳያችን በማንሳት፣ የስራ ሁኔታዎችን በማውጋት፣ ወቅታዊና ነባራዊ ክሰተቶችን በመዳሰስ የተወሰኑ ሰዓታትን አጠፋን፡፡ ታዲያ የስራ ሁኔታዎችን በምንነጋገርበት ወቅት ከEASTRIP ፕሮጀክት ጋር በተያያዘ የእኛ የእያንዳንዳችን ሚና ምን መሆን አለበት በሚለው ጉዳይ የእያንዳንዱ ሰው የተለያየ አመለካከትና አረዳድ ተንፀባረቀ፡፡ የዚህ ግዙፍ ፕሮጀክት እድል ለኮሊጁም ሆነ ለሀገር ትልቅ ገፀ በረከት ነው፡፡ ይሁን እንጂ በዚህ ጉዳይ ሁላችንም ለምን እንደ አንድ ቃል ተናጋሪ፣ እንደ አንድ ልብ መካሪ አልሆንም የሚለው ጉዳይ መሰረታዊ ችግሩ ሁሉንም የኮሌጁን ማህበረሰብና ባለ ድርሻ አካላትን እኩል ለማስገንዘብ የተደረገው ስራ በስፋት አለመሆኑ ተጽዕኖ ሳያሳድር አልቀረም፡፡ ስለሆነም ተቀራራቢ አረዳድና አመለካከት እንጨብጥ ዘንድ ለጥያቄዎ መልስ በሚለው አምዳችን ለግንዛቤ ያህል የተወሰኑ መረጃዎችንን ለማድረስ ተገደድን፡፡ እንሆ!! በተለይ ከ1990ዎች ወዲህ የቴክኖሎጂው አብዮት ከፍተኛ እድገት ባሳየበት ወቅት የምሰራቅ አፍሪካ ሀገራትም የተለያዩ የመሰረተ ልማትና የቴሌኮሚዩኒኬሽን ግንባታዎች እንቅስቃሴና ፍላጎት በከፍተኛ ደረጃ አደገ፡፡ ለእነዚህ ተጨባጭ እድገቶች መምጣት የሰው ኃይሉን አቅም በእውቀት፣ በክህሎትና አመለካከት ማዘመን ተተኪ የሌለው ተግባር ነው፡፡ በቴክኖሎጂ እድገትና ሀገራቸውን በፈጣን መንገድ በማሳደግ ስኬታማ ናቸው የምንላቸው ሃገራት ማለትም እንደ ደቡብ ኮሪያ፣ ሲንጋፖር እና ቻይና ያሉ ባለ ግዙፍ የኢንዱስትሪ ባለቤቶች የሆኑትና ለዓለም አቀፋዊ ተምሳሌትነት የበቁት በሰው ሃብታቸው ላይ በሰሩት ልማት ነው፡፡ ለዚህ ደግሞ የአንበሳውን ድርሻ የወሰዱት የቴክኒክና ሙያዎች ተቋሞቻቸው ናቸው፡፡ የዚህን ዘርፍ ለማሳደግ በዓለም ባንክ የገንዘብ ፈንድ የምስራቅ አፍሪካ የክህሎት ሽግግር እና ቀጣናዊ ትስስር ፕሮጀክት ወይም East Africa Skills for transformation and regional integration project /EASTRIP/ አማካኝነት 293 ሚሊዮን የአሜሪካን ዶላር ይዞ በ3 የምስራቅ አፍሪካ ሀገራት 16 ቴክኒክና ሙያ ተቋማትን ወደ ልህቀት ማዕከል ለማሸጋገርና ቀጣናዊ ትስስር ለመፍጠር የ5 ዓመት ፕሮጀክት በመያዝ ወደ ቀጣናው ሀገራት መጥቷል፡፡ ፕሮጀክቱ መዳረሻ ያደረጋቸው 3ቱ የምስራቅ አፍሪካ ሀገራት ኢትዮጵያ፣ ኬንያና ታንዛኒያ ሲሆኑ የዓለም ባንክ ባመቻቸው የገንዘብ ድጋፍና በምስራቅ አፍሪካ የክህሎት ሽግግር እና ቀጣናዊ ትስስር ፕሮጀክት አማካኝነት አቻ የሆኑ 16ቱ የቴክኒክና ሙያ ትምህርት ተቋሞቻቸው ውድድሩን በማሸነፍ የቀጣናው የልህቀት ማዕከል ሆነው እንዲያገለግሉ እድሉ ተመቻችቶላቸዋል፡፡ በመጀመሪያዎቹ 5 ዓመታት ቀጣናዊ የልህቀት ማዕከላት ከሚገነባባቸው 16ቱ ኮሌጆች መካከል 7 ከኢትዮጵያ ሲሆን 5ቱ በኬንያ 4ቱ ደግሞ በታንዛንያ የሚገኙ ናቸው፡፡ እነሱም ከኢትዮጵያ የኢትዮጵያ ቴክኒካል ዩኒቨርሲቲ በማኑፋክቸሪንግ/ Tool making/ ቴክኖሎጂ፣ ሐዋሳ ፖሊ ቴክኒክ ኮሌጅ በቴክስታይልና ጋርመት ቴክኖሎጂ፣ ድሬድዋ ፖሊ ቴክኒክ ኮሌጅ በባቡር መንገድ ቴክኖሎጂ፣ ጀነራል ዊንጌት ፖሊ ቴክኒክ ኮሌጅ በኤሌክትሪካል ኤሌክትሮኒክስ ቴክኖሎጂ፣ ኮምቦልቻ ፖሊ ቴክኒክ ኮሌጅ በአውቶሞቲቭ ቴክኖሎጂ፣ ሆለታ ፖሊ ቴክኒክ ኮሌጅ በአግሮ ፉድ ፕሮሰሲንግ ቴክኖሎጂ እና የኢትዮጵያ ባቡር መንገድ አካዳሚ በባቡር መንገድ ቴክኖሎጂ ሲሆኑ 5ቱ የኬንያ ተቋማት ደግሞ ኬንጀን ጂኦተርማል ኢንስቲትዩት በኢነርጂ፣ ኬንያ ኮስት ናሽናል ፖሊ ቴክኒክ ኮሌጅ በባህር ትራንስፖርት፣ ኪሹሙ ናሽናል ፖሊ ቴክኒክ ኮሌጅ በቴክስታይል፣ ሜሩ ናሽናል ፖሊ ቴክኒክ ኮሌጅ በቢውልዲንግ ኢንፍራስትራክቸር እና ኬንያ ኢንስቲትዩት ኦፍ ቢውልዲንግ ኤንድ ሃይወይ /Highway/ ቴክኖሎጂ በሃይወይ ኢንፍራስትራክቸር /High way Infrastructure/ ነው፡፡ እንዲሁም 4ቱ የታንዛኒያ የልህቀት ማዕከል ተቋማት ደግሞ DIT ዳሬሰላም ዋናው ካምፓስ በኢንፎርሜሽን ኮሚዩኒኬሽን ቴክኖሎጂ /ICT/፣ DIT Mwanza ካምፓስ በሌዘር፣ አሩሻ ቴክኒካል ኮሌጅ በሃይድሮ ኢነርጂ እና ናሽናል ኢንስቲትዩት ኦፍ ትራንስፖርት በአየር ትራንስፖርት ዘርፍ የቀጣናው ቀዳሚ የልህቀት ማዕከል ለመሆን ያሸነፉ የቀጣይ ግዙፍ ተመራጭ ተቋማት ናቸው፡፡ እነዚህ 16 ቀጣናዊ የልህቀት ማዕከላት በተለያዩ የሙያ መስኮች ተወዳድረው ቢያሸንፉም በአራት ዘርፎች ላይ ያተኮሩ ናቸው፡፡ እነሱም አንደኛ በትራንስፖርት /Infrastructure/ ዘርፍ ድሬድዋ ፖሊ ቴክኒክ ኮሌጅ፣ ኮምቦልቻ ፖሊ ቴክኒክ ኮሌጅ፣ የኢትዮጵያ ባቡር መንገድ አካዳሚ፣ ኬንያ ኮስት ናሽናል ፖሊ ቴክኒክ ኮሌጅ፣ ሜሩ ናሽናል ፖሊ ቴክኒክ ኮሌጅ፣ ኬንያ ኢንስቲትዩት ኦፍ ቢውልዲንግ ኤንድ ሃይወይ /Highway/ ቴክኖሎጂ እና ናሽናል ኢንስቲትዩት ኦፍ ትራንስፖርት ሲሆን ሁለተኛው ዘርፍ ደግሞ በኃይል /Energy/ ጀነራል ዊንጌት ፖሊ ቴክኒክ ኮሌጅ፣ ኬንጀን ጂኦተርማል ኢንስቲትዩት እና አሩሻ ቴክኒካል ኮሌጅ ናቸው፡፡ በሌላ በኩል ያለው ሶስተኛው ዓይነት ዘርፍ ማኑፋክቸሪንግ ሲሆን በዚህ ላይ የልህቀት ማዕከል የሚሆኑት የኢትዮጵያ ቴክኒካል ዩኒቨርሲቲ፣ ሐዋሳ ፖሊ ቴክኒክ ኮሌጅ፣ ኪሹሙ ናሽናል ፖሊ ቴክኒክ እና DIT Mwanza ካምፓስ ናቸው፡፡ አራተኛው ዘርፍ ደግሞ ኢንፎርሜሽን ኮሚዩኒኬሽን ቴክኖሎጂ /ICT/ ሲሆን በዚህ ዘርፍ በብቸኝነት አሸንፎ ለልህቀት ማዕከልነት ግንባታ የተመረጠው የታንዛኒያው DIT ዳሬሰላም ዋናው ካምፓስ ነው፡፡ የመጨረሻው ዘርፍ አግሪካልቸር ሲሆን በዚህ መስክ ላይ የተመረጠው ደግሞ ሆለታ ፖሊ ቴክኒክ ኮሌጅ ብቻ ነው። እነዚህ ቀጣናዊ ተቋማት በተለያዩ ዘርፎች ወደ ልህቀት ማዕከልነት ሲሸጋገሩ የሚያሳኩት መሰረታዊ ዓላማ በተጠቀሱት የሙያ መስኮች ጥራትን ለማሻሻል፣ ተደራሽነትን ለማሳደግ እና አህጉራዊ ትስስርን ለመፍጠር ነው፡፡ ፕሮጀክቱ በአህጉር ደረጃ በ Inter University Council for East Africa (IUCEA) አማካኝነት ሲመራ በኢትዮጵያ ደረጃ ደግሞ በሳይንስና ከፍተኛ ትምህርት ሚኒስቴር የክትትል ስራ ይደረግለታል፡፡ ኢትዮጵያ እንደ ሀገር ተወዳድራ ላሸነፈችባቸው 7 ፐሮጀክቶች ማሰፈፀሚያ እና ለሳይንስና ከፍተኛ ትምህርት ሚኒስቴር 150 ሚሊዮን ዶላር ስታገኝ ጀነራል ዊንጌት ፖሊ ቴክኒክ ኮሌጅ ውስጥ ለሚሰራው የልህቀት ማዕከል ደግሞ 14.85 የአሜሪካ ዶላር ተመድቦለታል፡፡ በመጀመሪያ ዙር የ5 ዓመት ፕሮጀክት ትግበራ ኮሌጁ እንደ ሃገር ብቸኛው የኢነርጂ ዘርፍ የልህቀት ማዕከል ሆኖ በአፋጣኝ እንዲሰራ የመሰረት ድንጋዩ ተቀምጧል፡፡ በዚህም ደረጃቸውን የጠበቁ የአድሚኒስትሬሽን ቢውልዲንግ፣ ስማርት ወርክ ሾፖች፣ የተማሪዎች ዶርም ፣ የመማሪያ ክፍሎች፣ ላይብረሪ፣ ክሊኒክ፣ ዴይ ኬር፣ የእንግዳ ማረፊ፣ ሬስቶራንት፣ የግራውንድ ቴኒስ ፊልድ ያሉ የመሠረተ ልማት ግንባታዎችን አካቷል፡፡ ከማሰልጠኛ መሰረተ ልማት ግንባታዎችና ማሽነሪዎች ማሟላት በተጨማሪ የአመራሮችና የአስተዳደር ሠራተኞች አቅም መገንባት፣ የኢንዱስትሪ ትስስር መፍጠር፣ በገበያው ተፈላጊ የሆኑ የሙያ ዘርፎችን ማሳደግ፣ በዘርፉ ያሉ አሰልጣኞችን አቅም መገንባት እና ፕሮጀክቱ ከማይተገበርባቸው ሌሎች ኮሌጃች ጋር በጋራ መስራት የፕሮጀክቱ የትግበራ አካላት ናቸው፡፡

ማክሰኞ:- ጥቅምት 24 ቀን 2019 ዓ∙ም   የፋዌ ኢትዮጵያ ማስተር ካርድ ፋውንዴሽን ልዑካን ቡድን በኮሌጁ ትምህርታዊ ምልከታ አደረገ!!   የአፍሪካ ሴት የትምህርት ባለሙያዎች ፎረም (FAWE) ከማስተር ካርድ ፋውንዴሽን ጋር በመተባበር የሚሰጠውን ትምህርትና ስልጠና ድጋፍ ፕሮግራም ምን ውጤት አስመዝግቧል የሚለውን ቅኝት ለማድረግ መነሻውን ካናዳ ከሚገኘው ዋናው መስሪያ ቤትና ከተለያዩ የአፍሪካ ሀገራት የተውጣጡ ልዑካን የተካተቱበት ቡድን በኮሌጁ በመገኘት ምልከታ አደረጉ፡፡      ልዑካኑ በነበራቸው ውይይት በቀጣይም ለሴቶችና ለወጣቶች የሚደረገው ድጋፍ ተጠናክሮ እንደሚቀጥልና ተገቢውን የሙያ ክህሎት በማሳደግ ከትምህርት ወደ ሥራ ለማሸጋገር አሳታፊ ዕድሎችን መፍጠር ላይ ትኩረት እንደሚያደረግ ተገልጿል።   በዚህ ጉብኝት ላይ ለጋሾችን፣ አስፈጻሚዎችን፣ አስልጣኞችን እና ወጣቶችን በአንድ ላይ በማገናኘት የተደረገ የምልከታና የልምድ ልውውጥ መድረክ ነው፡፡   ፕሩግራሙ በልዩ ልዩ ምክንያት ትምህርታቸውን ለማቋረጥ የተገደዱና ለተለያዩ ተጽዕኖዎች የተጋለጡ ወጣቶችን ተጠቃሚ በማድረግ የትምህርት እድሎችን ያስፋፋ ምዕራፍ መሆኑም ተጠቁሟል።   በጉብኝቱ ላይ በቴክኒክ እና ሙያ (TVET) ስርዓት ውስጥ ጾታን ማዕከል ያደረጉ የደህንነት መጠበቂያ (safeguarding) አሰራሮችን በማጠናከር እና የሚሰጠው ሙያዊ ክህሎት አሳታፊ ማድረግ እንደሚገባም ተጠቁሟል፡፡   በጉብኝቱ ወቅት የማስተር ካርድ ፋወንዴሽን ተወካዮች በፕሮግራሙ ከታቀፉ ወጣቶች ጋር ቀጥተኛ ውይይት በማድረግ ልምዶቻቸውን፣ ምኞቶቻቸውን፣ ያከናወኗቸውን ስኬቶች እና ያጋጠሟቸውን ተግዳሮቶች አዳምጠዋል።   በውይይትቱም አጋርነቱ በተጠቃሚዎች የክህሎት እድገት፣ በራስ የመተማመን ብቃት፣ በሥራ ዕድል ፈጠራ እና በኢኮኖሚያዊ ተጠቃሚነት ላይ እያመጣ ያለውን በጎ ተጽዕኖ በአካል ለማየት አስችለዋል።   ልዑካኑ ከአጠቃላይ ውይይት ባሻገር እንደ TUSEME፣ EOP፣ ጾታን ማዕከል ያደረገ ስነ-ስልጠና (GRP) እና የደህንነት አሰራሮች ያሉ የ FAWE ሞዴሎች በቴክኒክ እና ሙያ ሰልጠና ውስጥ እንዴት እየተተገበሩ እና እየተጠናከሩ እንደሚገኙ ተመልክተዋል።   በመጨረሻም ቡድኑ የተግባር ስልጠና መለማመጃ ወርክሾፖችን እና በሰልጣኞች የተሰሩ ፕሮጀክቶችን ተመልከተው  የዕለቱን መርሃ ግብር አጠናቀዋል፡፡   "በላቀ አገልግሎት የመረጃ ተደራሽነት"

ራስዎን በብቁ ሙያ ማነጽ ይፈልጋሉ? እንግዲያውስ ጥራቱን የጠበቀ እና በገበያ ላይ ተፈላጊ የሆኑ ሙያዎችን ለመማር ትክክለኛው መዳረሻ ጀነራል ዊንጌት ፖሊ ቴክኒክ ኮሌጅ ነው።   ኮሌጃችን ከዚህ በታች ባሉ ዘርፎች ውስን ሰልጣኞችን ብቻ  በውስን ቀናት መዝግቦ ያጠናቅቃል፡፡ ኤሌክትሪካል ኤሌክትሮኒክስ (Electrical Electronics)   አውቶሞቲቭ ቴክኖሎጂ (Automotive Technology)   ኮንስትራክሽን ቴክኖሎጂ (Construction Technology)   ሜታል ማኑፋክቸሪንግ ቴክኖሎጂ (Metal Manufacturing Technology)   ውድዎርክ ቴክኖሎጂ (Woodwork Technology)   ቻይልድ ኬር (Child Care)   ሆቴል ኤንድ ሆስፒታሊቲ (Hotel and Hospitality)   አርባን አግሪካልቸር (Urban Agriculture)   በተለያየ ምክኒያት ምዝጋባ ያላደረጋችሁና የምዝገባ ጊዜ ይራዘመንልን የሚል ጥያቄ ያቀረባችሁልን አመልካቾች  እንዲሁም በእነዚህ ዲፓርትመንቶች ስር በሚገኙ ሙያዎች መሰልጠን የምትፈልጉ ቤተሰቦቻችን በሙሉ ጥቅምት 23 እና 24 ቀን 2019 ዓ.ም ብቻ ምዝገባ አድርገን ስለምናጠናቅቅ ኑ ተመዝግባቺሁ በመሰልጠን የሙያ ባለቤት ይሁኑ እንላለን፡፡ የጀነራል ዊንጌት ፖሊ ቴክኒክ ኮሌጅ

ማክሰኞ፡- ጥቅምት 17 ቀን 2019 ዓ.ም   ከሶማሌ ክልል ስራና ክህሎት ቢሮ የመጡ ልዑካን በኮሌጁ ጉብኝት አደረጉ!!   ከምስራቅ ኢትዮጵያ ሶማሌ ክልል ስራና ክህሎት ቢሮ የተውጣጡ የስራ ሃላፊዎችን ያካተተ ልዕካን ቡድን በኮሌጁ በመገኘት ያሉ የስራ እንቅስቃዎችንና የሪፎርም ትግበራዎችን ልምድ ለመውሰድ ያቀደ ጉብኝት አደረገ።   አዲስ አበባ  ከተማ አስተዳደር ላይ የተከናወኑ አጠቃላይ የሪፎርም ስራዎች እና ምርጥ ተሞክሮዎች ምን መልክ አላቸው የሚለውን ልምድ ለመቅሰም ያለመ ጉብኝት ያደረጉ ልዑካን  ከቢሮ እስከ ኮሌጅ ያለውን አጠቃላይ የስራ እንቅስቃሴ በመመልከት ሰፊ ግንዛቤ አግኝተዋል።   የጉብኝቱ የትኩረት አቅጣጫዎች ከሪፎርም ጋር የተያያዙ አሰራሮችን፣ የዞኒንግና እና የዲፈረንሴሽን ትግበራ ሂደቶችን፣ ተቋማዊ የውስጥ ገቢ ማመንጨት ስልቶችን፣ የቴክኖሎጂ ሽግግርና የፈጠራዎች ስራዎችን፣ በግልና በመንግስት አጋርነት ተተግብረው የተመዘገቡ ስኬቶችን በገለፃና በመስክ ምልከታ ልምድ እንዲጋሩ ተደርጓል፡፡    እንግዶቹም በኮሌጁ በነበራቸው ምልከታ መደሰታቸውና በክልላቸው ለሚገኙ ኮሌጁች ያገኙትን ልምድ ወደ ተግባር እንደሚቀይሩ ተናግረዋል፡፡   "በላቀ አግልግሎት የመረጃ ተደራሽነት"

ማክሰኞ፡- ጥቅምት 17 ቀን 2019 ዓ.ም   ኮሌጁ ከቻይናው ኮሙኒኬሽን ኮንስትራክሽን ኮርፖሬሽን (CCCC) አጋርነትን የሚያጠናክር ስትራቴጂካዊ ውይይት አካሄደ!!    በጀነራል ዊንጌት ፖሊቴክኒክ ኮሌጅ እና በቻይና ኮሙኒኬሽን ኮንስትራክሽን ኮርፖሬሽን (CCCC) መካከል የሙያ ስልጠና ጥራትን ለማሻሻል፣ የቴክኖሎጂ ሽግግር ለማሳደግ እና የስራ ዕድል ፈጠራን ለማጠናክር  ያለመ የውይይት መድረክ ዛሬ ተካሂዷል።   ይህ ውይይት በሀገራችን የቴክኒክና ሙያ ስልጠናን ከኢንዱስትሪ ፍላጎት ጋር ለማስተሳሰርና የኢንደስትሪውን ባለቤትነት ለማረጋገጥ ትልቅ ፋይዳ እንዳለውም ተገልጿል።   በውይይት መድረኩ ላይ ከጀነራል ዊንጌት ፖሊቴክኒክ ኮሌጅ  የኮሌጁ ዲን አቶ መለሰ ይግዛውን ጨምሮ የሚመለከታቸው የኮሌጁ ኃላፊዎች ሲገኙ በሌላ በኩል የቻይና ዋንግ ሄ የሲኤፍኤችኢሲ የባህር ማዶ ቅርንጫፍ (CFHEC Overseas Branch) ምክትል ዋና ስራ አስኪያጅ (ከቻይና)፣ ሱን ሁይሹንግ የሲኤፍኤችኢሲ የባህር ማዶ ቅርንጫፍ )CFHEC Overseas Branch) አስተዳደር ፅህፈት ቤት ስራ አስኪያጅ (ከቻይና)፣ ጉ ዢኦሎንግ የሲ.ሲ.ሲ.ሲ የኢትዮጵያ ቅርንጫፍ ዳይሬክተር እና ሌሎች ልዑካንን ያካተተ ተሳታፊዎች ተገኝተዋል።   የመድረኩ ዋና ዓላማ የሁለቱን ተቋማት ትብብር ይበልጥ ለማጠናከር፣ ለሰልጣኞች ዘመኑን የመጠነ ስልጠና ለመስጠት እና የስራ ዕድል ለመፍጠጠር ሲሆን በቻይና ኩባንያዎች ድጋፍ ዘመናዊ ማሽነሪዎች፣ ቴክኖሎጂዎች እና የባለሙያ ድጋፎች ወደ ኮሌጁ እንዲገቡ ለማድረግ "CCCC College Ethiopia" ወይም ልዩ ክፍል (Special Class) ለማቋቋም ተስማምተዋል።   በውይይቱ ወቅት የተነሱት ዋና ዋና ነጥቦች እና የደረሱባቸው ስምምነቶች አዲሱ ፕሮግራም የውስጥ አስተዳደራዊ እና የተቋማትት ማስተሳሰሪያ እንዲኖረው ስሙን "CCCC College Ethiopia" በሚል አቅጣጫ ለመምራት ስምምነት ተደርሷል።    ስልጠናው ጊዜን ብቻ ሳይሆን የሰልጣኙን ብቃትና ክህሎት (Competency-based) ማዕከል እንደሚሆን የተገለጸ ሲሆን በቀጣይ በሚከናወኑ ተግባራት ዙሪያ እንደ CCCC ያሉ የቻይና ኩባንያዎች ለኮሌጁ የሚያስፈልጉ ዘመናዊ ማሽነሪዎችን፣ ልዩ ልዩ የስልጠና ቁሳቁሶችን እና የባለሙያ ድጋፎችን እንደሚያቀርቡ ተመላክቷል።   ሰልጣኞች በተለያዩ የኮንስትራክሽን፣ የዲራፍቲንግ፣ የሰርቬይንግ እና የኤሌክትሪክ ስራዎች ላይ ቀጥተኛ የኢንደስትሪ ልምምድ የሚያገኙበት እና ተመራቂዎች በኢንዱስትሪው ውስጥ የመቀጠር ዕድላቸውን የሚያሰፉበት ፕሮግራሞች በትብብር እንደሚተገበሩ ታውቋል።   ይህ ውይይት የጄኔራል ዊንጌት ፖሊቴክኒክ ኮሌጅ እና የቻይና የልማት አጋሮች ግንኙነት ወደ ላቀ ደረጃ ያሸጋገረ፣ ለወጣቶች የብቃት ልማት እና ለሀገሪቱ የኢንደስትሪ ዕድገት ትልቅ አስተዋጽኦ የሚያበረክት ስትራቴጂካዊ እርምጃ መሆኑ በውይይቱ ላይ ተረጋግጧል።   "በላቀ አግልግሎት የመረጃ ተደራሽነት"

የስልጠና ዕድል ማስተዋወቂያ   በመጀመሪያ ዲግሪ የቴክኒክ መምህርነት (BSc Degree) ሙያ ስልጠና ፈላጊዎች በሙሉ!!   የኢፌዴሪ ቴክኒክና ሙያ ኢንስቲትዩት ከጀነራል ዊንጌት ፖሊተክኒክ ኮሌጅ ጋር በመተባበር ለከፍተኛ ትምህርት መጀመሪያ ዲግሪ መግቢያ መስፈርት የሚያሟሉ ባለሙያዎችን በመጀመሪያ ዲግሪ የቴክኒክ መምህርነት ስልጠና በቀኑ መርሃ ግብር ለመቀበል ምዝገባ ጀምሯል፡፡   እንዲሁም በደረጃ 4 (COC Level 4) ወይም ቀደም ሲል በ10+3 እና 12+2 ዲፕሎማ ፕሮግራም ትምህርታቸውን ያጠናቀቁ እና የብቃት ማረጋገጫ ማቅረብ የሚችሉ አመልካቾች በኮሌጃችን በሚከተሉት የትምህርት ዘርፎች (ዲፓርትመንቶች) መመዝገብ ይችላሉ፡፡ አውቶሞቲቭ ቴክኖሎጂ (Automotive Technology) ኢንፎርሜሽን ቴክኖሎጂ (Information Technology) ኤሌክትሪካል እና ኤሌክትሮኒክስ ቴክኖሎጂ (Electrical & Electronics Technology) ሰርቬይንግ ቴክኖሎጂ (Surveying Technology) ቢልዲንግ ኮንስትራክሽን ቴክኖሎጂ (Building Construction Technology) ሮድ ኮንስትራክሽን ቴክኖሎጂ (Road Construction Technology) ዉድ ሳይንስ ቴክኖሎጂ (Wood Science Technology)   ምዝገባው ከዛሬ ጀምሮ በተከታታይ 10 የሥራ ቀናት ውስጥ የሚካሄድ ሲሆን አመልካቾች ጀነራል ዊንጌት ፖሊተክኒክ ኮሌጅ በአካል በመቅረብ መመዝገብ ይኖርባቸዋል።   ለተጨማሪ መረጃ እና ማብራሪያ በስልክ ቁጥር 0911782985 በመደወል የዕድሉ ተጠቃሚ ይሁኑ፡፡

📢  ለICT ዲፐርትመንት አዲስ ተመዝጋቢ ሰልጣኞች   በኢንፎርሜሽን እና ኮሙዩኒኬሽን ቴክኖሎጂ (ICT) ዲፓርትመንት ስር ባሉ Web Design and Database Administration እንዲሁም Hardware and Network Servicing በቀኑ የስልጠና መርሃ ግብር ለመሰልጠን ያመለከታችሁና  ቅድመ ምዘና (pre assessment) የወሰዳቺሁ በሙሉ፡፡   ነገ ማክሰኞ (ጥቅምት 17 ቀን 2019) ከጧቱ 4፡30 ላይ ተገኝታችሁ የቅድመ ምዘና ውጤታችሁን እንዲታዩ ተብላችኋል፡፡    የኢንፎርሜሽን እና ኮሙዩኒኬሽን ቴክኖሎጂ ዲፓርትመንት!

ማስታወቂያ   📢 ለአዲስ ተመዝጋቢ ሰልጣኞች በሙሉ     የጀነራል ዊንጌት ፖሊ ቴክኒክ ኮሌጅ በ12 የስልጠና ዘርፎች እና በ29 ሙያዎች አዳዲስ ሰልጣኞችን  ለመቀበል ከጥቅምት 9 ቀን 2019 ዓ.ም ምዝገባ እያካሄደ መሆኑ ይታወቃል፡፡   📅 ምዝገባው ነገ ቅዳሜና እሁድ (ጥቅምት 14 እና 15 ቀን 2019 ዓ.ም) ጭምር እንደሚካሄድ እናሳውቃለን 📄 የሚያስፈልጉ መረጃዎች፡-  • ከተነሱ 6 ወር ያልሞላው 2 የ3x4 ጉርድ ፎቶ  • ከ9ኛ-12ኛ ክፍል ትራንስክሪፕት • የ8ኛ ክፍል ሚኒስትሪ ካርድ • የ12ኛ ክፍል ማጠናቀቂያ ሰርተፊኬት   የቀሩን ውስን ቦታዎች ስለሆነ ፈጥነው ይመዝገቡ!   "የወደፊት ስኬትዎ በጀነራል ዊንጌት ፖሊቴክኒክ ኮሌጅ ይጀምራል!"

📢 ማስታወቂያ 📢   👉 ለ Business and Finance Department አዲስ ተመዝጋቢ ሰልጣኞች   በ2019 ዓ.ም በኮሌጃችን በ Business and Finance Department ስር በ Accounting and  Finance ሙያ መስክ ለመሰልጠን የተመዘገባችሁ አዲስ ሰልጣኞች በሙሉ የመግቢያ ፈተና (Entrance Exam) የሚሰጥ በመሆኑ ማንነታችሁን የሚገልፅ መታወቂያ በመያዝ ሰኞ ጥቅምት 16 ቀን 2019 ዓ.ም ከጧቱ 3፡30 በኮሌጁ አስተዳደር ህንፃ 4ኛ ፎቅ በሚገኘው አዳራሽ እንድትገኙ እናሳውቃለን። 📚 የሙያ መስክ Accounting and  Finance 🗓 የፈተናው ቀን ሰኞ16/02/2019 ዓ.ም ⏰ የፈተናው ሰዓት ጠዋት 3:30 📍 የፈተናው ቦታ በኮሌጁ አስተዳደር ህንፃ 4ኛ ፎቅ በሚገኘው አዲሱ አዳራሽ 🪪 የሚያስፈልግ መረጃ ማንነትን የሚገልፅ መታወቂያ

ማስታወቂያ የፋዌ ማስተርካርድ ፋውንዴሽን የስልጠና ዕድል ምዝገባ   ይህ ፕሮግራም በሳይንስ፣ ቴክኖሎጂ፣ ኢንጂነሪንግ እና ማቲማቲክስ (STEM) መስኮች ትምህርታቸውን ለመቀጠል ለሚፈልጉ ወጣቶች የተዘጋጀ  የስልጠና ድጋፍ ዕድል ሲሆን ከዚህ በፊት የ2019 አዲስ ሰልጣኞች ምዝገባ ያደረጋቺሁም ሆነ ለመመዝገብ ዕቅድ የያዘቻቺሁ አመልካቾች በሙሉ መስፈርቱን ካሟላቺው በኮሌጁ ግቢ ውስጥ ሰንደቅ ዓላማው መስቀያ ፊት ለፊት በምትገኘው ጊዜያዊ የመመዝገቢያ ቦታ (ነጭ ዲንኳን ውስጥ) መጥታቺሁ ማመልከት ትችላላቺሁ ተብላቺኋል ፡፡ ፋዊ ኢትዮጵያ ማስተርካርድ ፋውንዴሽን ጋር በመተባበር በጀነራል ዊንጌት ፖሊ ቴክኒክ ኮሌጅ ለ25 አዳዲስ ሰልጣኞች በ2019 ዓ.ም የትምህርት ድጋፍ ፕሮግራም አዘጋጅተዋል።   የተሳታፊዎች ስብጥር 80% ለወጣት ሴቶች 20% ለወጣት ወንዶች 5% - 10% ለአካል ጉዳተኞች 10% - 15% ከአካባቢያቸው ለተፈናቀሉ (IDPs) እና ስደተኞች   የመለያ መስፈርት (Eligibility Criteria) እድሜ፦ ከ15 እስከ 25 ዓመት (ለሀገር ውስጥ ተፈናቃዮች ወይም አካል ጉዳተኞች ግን እስከ 27 ዓመት)። የትምህርት ደረጃ፦ የ12ኛ ክፍል ሀገራዊ ፈተና በ2018 ዓ.ም ወስደው ወደ ቴክኒክና ሙያ (TVET) ለመግባት የሚያስችል ውጤት ያመጡ።   በ2019 የትምህርት ዘመን በSTEM ዘርፍ  በቀጥታ ለመመዝገብ የሚያመልከቱ። በሌላ ተመሳሳይ የትምህርት ድጋፍ/ስኮላርሺፕ ፕሮግራም ውስጥ ያልታቀፉ። ዝቅተኛ ገቢ ያላቸው፣ በተለይም ሴቶች፣ አካል ጉዳተኞች፣ ተፈናቃዮች እና ስደተኞች ማመልከት ይበረታታሉ። ትምህርታቸውን ሲጨርሱ በማህበረሰብ ልማት አገልግሎት ለማገልገል ፈቃደኛ የሆኑ። ደረጃ 4 እና ደረጃ 5 ስልጠናዎችን ለመከታተል ቃል የሚገቡ።   የሚያስፈልጉ ሰነዶች (Required Documents) 3 በ 4 የሆነ ጉርድ ፎቶግራፍ የ8ኛ ክፍል ፈተና እና የ12ኛ ክፍል ሀገራዊ ፈተና ውጤት የ11ኛ እና 12ኛ ክፍል ትራንስክሪፕት የአመልካቹ የቀበሌ ወይም የፋይዳ (Fayida) መታወቂያ የወላጅ/አሳዳጊ የነዋሪነት መታወቂያ ወይም የፋይዳ መታወቂያ የልደት ሰርተፊኬት (ካለ) የበጎ ፈቃድ ወይም የተጨማሪ እንቅስቃሴዎች የምስክር ወረቀት (ካለ) ወላጆች ከሞቱ የሞት ሰርተፊኬት በአመልካቹ ወይም በቤተሰቡ ላይ የጸና/ስር የሰደደ ህመም ካለ የህክምና ማስረጃ ተፈናቃይ ወይም ስደተኛ ከሆኑ የይፋዊ መታወቂያ ማስረጃ   የማመልከቻ ቀንና ቦታ ጥቅምት 12 – 17 ቀን 2019 ዓ.ም አዲስ አበባ፦  ጀነራል ዊንጌት ፖሊቴክኒክ ኮሌጅ   ለተጨማሪ መረጃ የድህረ ገጽ አድራሻ፦www.faweethiopia.org ኢሜይል፦ compliance@faweethiopia.org ስልክ፦ +251981642541