Police Academy of Cambodia-PAC

ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន អញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារបន្តសម្រាប់ខែកញ្ញា របស់បណ្ឌិត្យសភានគរបាលកម្ពុជា ...................................... នៅរសៀលថ្ងៃសុក្រ ទី២៨ ខែកក្កដា ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារបន្តសម្រាប់ខែកញ្ញា របស់បណ្ឌិត្យសភានគរបាលកម្ពុជា ដោយមានការអញ្ជើញចូលរួមពី ឧត្តមសេនីយ៍ឯក សាស្ត្រាចារ្យ ឧត្តមសេនីយ៍ឯក អនុប្រធានបណ្ឌិត្យសភា ឧត្តមសេនីយ៍ប្រធាន-នាយកអង្គភាពចំណុះបណ្ឌិត្យសភា ឧត្តមសេនីយ៍ វរសេនីយ៍ គ្រូនគរបាលជាតិ និងមន្ត្រីនគរបាលជាតិនៃបណ្ឌិត្យសភានគរបាលកម្ពុជា ដោយផ្ទាល់ នាសាល សម្តេចអគ្គមហាធម្មពោធិសាល ជា ស៊ីម (អគារ ខ- B) និងតាមប្រព័ន្ធអនឡាញ(Zoom Meeting) ពីនាយក នាយករង គ្រូនគរបាល ជាតិ និងមន្ត្រីពាក់ព័ន្ធមួយចំនួននៃសាលានគរបាលជាតិ តាមបណ្តាភូមិភាគ។ ជាកិច្ចដំបូង ឯកឧត្តមនាយឧត្តមសេនីយ៍ ប្រធានអង្គប្រជុំ ក៏បានស្វាគមន៍និងថ្លែងកោតសរសើរដល់ថ្នាក់ដឹកនាំបណ្ឌិត្យសភា អង្គភាពចំណុះ និងមន្ត្រីគ្រប់លំដាប់ថ្នាក់ដែលបានខិតខំបំពេញភារកិច្ច ដោយមានកិច្ចសហការគ្នាល្អ សាមគ្គីភាពរឹងមាំ ការទទួលខុសត្រូវ និងឆន្ទៈមោះមុត។ ក្នុងឱកាសនោះ ឯកឧត្តមនាយឧត្តមសេនីយ៍ ប្រធានអង្គប្រជុំ បានលើកឡើងអំពីសមិទ្ធផលការងារសំខាន់ៗដែលសម្រេចបានក្នុងខែសីហា រួមមានដូចខាងក្រោម៖ ១- បានចាត់បញ្ជូនគ្រូនគរបាលជាតិ១នាក់ ទៅសិក្សាវគ្គបណ្តុះបណ្តាលស្តីពីគ្រូបង្វឹក (TOT) នៅប្រទេសឥណ្ឌូនេស៊ី។ ២- បានចាត់បញ្ជូននាយនគរបាលថ្នាក់ឧត្តមសេនីយ៍ ១នាក់ ចូលរួមកិច្ចប្រជុំបច្ចេកទេសស្តីពី «ការធ្វើកោសល្យវិច័យផ្នែកគីមី ជីវសាស្ត្រ វិទ្យុសកម្ម និងនុយក្លេអ៊ែរ» នៅសាធារណរដ្ឋសិង្ហបុរី។ ៣- បានកែសម្រួលសៀវភៅគោល ៣០មុខវិជ្ជា និងបន្តត្រួតពិនិត្យឡើងវិញនូវទម្រង់និងខ្លឹមសារសៀវភៅគោលចំនួន៤មុខវិជ្ជាបន្ថែម។ ៤- បានទទួលគណៈប្រតិភូនៃសាកលវិទ្យាល័យនគរបាលប្រជាជនចិន ចំនួន៨នាក់ ដែលអញ្ជើញមកបំពេញទស្សនកិច្ចនិងពិភាក្សាការងារជាមួយបណ្ឌិត្យសភានគរបាលកម្ពុជា។ ៥- បានបញ្ចប់ការរៀបចំសៀវភៅគោលភាសាអង់គ្លេសសម្រាប់កិច្ចការនគរបាល និងការងារប្រយុទ្ធប្រឆាំងបទល្មើសបច្ចេកវិទ្យា។ ៦- បានបើកវគ្គបណ្តុះបណ្តាលផ្ទៃក្នុងដល់គ្រូនិងមន្រ្តីនគរបាលជាតិ សរុប៨០នាក់ នារី ១៨នាក់ ស្តីពីសន្តិសុខសាយប័រ សម្រាប់សុវត្ថិភាពទិន្នន័យ។ ៧- បានសហការជាមួយអគ្គនាយកដ្ឋានធនធានមនុស្ស ដើម្បីវាយតម្លៃផ្តល់ «សញ្ញាបត្របណ្ឌិតកិត្តិយស ជំនាញសន្តិសុខ» និងផ្តល់គោរមងារ «សន្តិបណ្ឌិត» ជូនដល់ថ្នាក់ដឹកនាំនិងអតីតថ្នាក់ដឹកនាំនគរបាលជាតិ ដែលមានស្នាដៃឆ្នើមនិងមានបទពិសោធការងារខ្ពស់។ ៨- បានដឹកនាំកិច្ចប្រជុំណែនាំតម្រង់ទិសដល់លេខាធិការដ្ឋាននៃគណៈកម្មការរៀបចំសទ្ទានុក្រមបច្ចេកសព្ទក្នុងវិស័យសន្តិសុខនៃក្រសួងមហាផ្ទៃ។ ៩- បានប្រជុំត្រួតពិនិត្យវឌ្ឍនភាពការងាររបស់គណៈកម្មការរៀបចំសទ្ទានុក្រមបច្ចេកសព្ទក្នុងវិស័យសន្តិសុខនៃក្រសួងមហាផ្ទៃ ក្រោមអធិបតីភាព ឯកឧត្តមបណ្ឌិត ទូច វិសាលសុខ រដ្ឋលេខាធិការក្រសួងមហាផ្ទៃ។ ១០- បានរៀបចំរបាយការណ៍វាយតម្លៃពាក់កណ្ដាលអាណត្តិនៃផែនការយុទ្ធសាស្ត្រឆ្នាំ២០២៤-២០២៨ របស់ក្រសួងមហាផ្ទៃ។ ក្នុងនោះ ឯកឧត្តមនាយឧត្តមសេនីយ៍ ប្រធានអង្គប្រជុំ ក៏បានធ្វើការបូកសរុបនិងការដាក់ចេញនូវទិសដៅការងារបន្តសំខាន់ៗមួយចំនួនទៀត ដើម្បីជំរុញវឌ្ឍនភាពគ្រប់ផ្នែកនៅបណ្ឌិត្យសភានគរបាលកម្ពុជា ស្របតាមផែនការដែលបានកំណត់ផងដែរ៕ .............................................. #បណ្ឌិត្យសភានគរបាលកម្ពុជា #ឯកមនោសែន #EkMonosen

ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន អញ្ជើញជាអធិបតីក្នុងពិធីប្រគល់សញ្ញាបត្រជាន់ខ្ពស់នគរបាលយុត្តិធម៌ ដល់សិក្ខាកាម នៅបណ្ឌិត្យសភានគរបាលកម្ពុជា ........................................... នៅព្រឹកថ្ងៃសុក្រ ទី២៨ ខែសីហា ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រជាន់ខ្ពស់នគរបាលយុត្តិធម៌ ដល់សិក្ខាកាមចំនួន៦០៧នាក់ នៅបណ្ឌិត្យសភានគរបាលកម្ពុជា ដោយមានការអញ្ជើញចូលរួមពី ឯកឧត្តមឧត្តមសេនីយ៍ឯក សាស្ត្រាចារ ឧត្តមសេនីយ៍ឯកអនុប្រធានបណ្ឌិត្យសភា គ្រូនគរបាល ឧត្តមសេនីយ៍ វរសេនីយ៍ ប្រធាន-នាយកអង្គភាពចំណុះ និងមន្ត្រីពាក់ព័ន្ធជាច្រើនទៀត នាសាល សម្តេចអគ្គមហាធម្មពោធិសាល ជា ស៊ីម (អគារ ខ-B)នៃបណ្ឌិត្យ សភានគរបាលកម្ពុជា។ ជាកិច្ចដំបូង ឯកឧត្តមនាយឧត្តមសេនីយ៍ ប្រធានគណៈអធិបតី តាងនាមថ្នាក់ដឹកនាំបណ្ឌិត្យ​សភា​ សូមថ្លែងនូវការកោតសរសើរចំពោះកិច្ចខិតខំប្រឹងប្រែងបំពេញការងារដោយស្មារតីទទួលខុសត្រូវខ្ពស់របស់អង្គភាពគ្រប់គ្រងវគ្គ មន្ទីរចាត់ការ និងអង្គភាពពាក់ព័ន្ធ ដែលបានសហការគ្នាយ៉ាងល្អ ដើម្បីរៀបចំពិធីដ៏មានសារៈសំខាន់ នាពេលនេះ។ ពិសេស ឯកឧត្តមនាយឧត្តមសេនីយ៍ ក៏សូមអបអរសាទរចំពោះសិក្ខាកាមជ័យលាភីទាំង៦០៧នាក់ ដែលត្រូវទទួលសញ្ញាបត្រជាន់ខ្ពស់នគរបាលយុត្តិធម៌នាឱកាសនេះ ផងដែរ។ ក្នុងឱកាសនោះ ឯកឧត្តមនាយឧត្តមសេនីយ៍ បានថ្លែងបញ្ជាក់ឱ្យដឹងថា ការរៀបចំពិធីថ្ងៃនេះ ជាសក្ខីភាពឆ្លុះបញ្ចាំងឱ្យឃើញពីការខិតខំប្រឹងប្រែងនិងលទ្ធផលការងា​រ​​ថ្មី​ៗបន្ថែមទៀតរបស់បណ្ឌិត្យសភានគរ​បាល​កម្ពុជា ដូចខាងក្រោម៖ ១- បណ្ឌិត្យសភា បានអនុវត្តគោលនយោបាយរបស់រាជរដ្ឋាភិបាល ក្រោមគំនិតដឹកនាំប្រកបដោយគតិបណ្ឌិតនិងទស្សនវិស័យវែងឆ្ងាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបានដាក់ចេញនូវគោលនយោបាយកំណែទម្រង់កងកម្លាំងនគរបាលជាតិនិងពន្ធនាគារ។ ២- បណ្ឌិត្យសភា បានអនុវត្តផែនការកំណែទម្រង់ធនធានមនុស្សរបស់ក្រសួងមហាផ្ទៃ ក្រោមការដឹកនាំនិងបញ្ជាផ្ទាល់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ប្រកបដោយគំនិតប្រាជ្ញាភិវឌ្ឍន៍និងជឿនលឿន ក្នុងការពង្រឹងសមត្ថភាពជំនាញ ការលើកកម្ពស់ក្រមសីលធម៌វិជ្ជាជីវៈ និងការពង្រឹងវិន័យកងកម្លាំងនគរបាលជាតិ តាមរយៈការបណ្តុះបណ្តាលដ៏ត្រឹមត្រូវ ប្រកបដោយគុណភាពនិងស្របតាមស្តង់ដាកំណត់។ មានប្រសាសន៍បន្តក្នុងឱកាសនោះ ឯកឧត្តមនាយឧត្តមសេនីយ៍ សាស្រ្តាចារ្យ ក៏បានលើកឡើងពីសារៈសំខាន់នៃសញ្ញាបត្រជាន់ខ្ពស់នគរបាលយុត្តិធម៌នេះជូនអង្គពិធី ពិសេសសិក្ខាកាមជ្រាបផងដែរ។ មុននឹងបញ្ចប់ ឯកឧត្តមនាយឧត្តមសេនីយ៍ ប្រធានគណៈអធិបតី បានមានមតិណែនាំមួយចំនួនដល់សិក្ខាកាម ដូចខាងក្រោម៖ - ស្នើសិក្ខាកាមផ្ដល់តម្លៃដល់ការអប់រំបណ្ដុះបណ្ដាលនិងការលើកកម្ពស់​សមត្ថភាពធនធានមនុស្ស​របស់​នគរបាល ជាពិសេស គឺការ​ឱ្យតម្លៃទៅលើបណ្ឌិត្យសភានគរបាលកម្ពុជា ដែលជារបស់​យើងទាំងអស់គ្នា ដើម្បីធានាបាន​នូវភាពម្ចាស់ការ​លើការងារបណ្ដុះ​បណ្ដាល។ - សូមយកសញ្ញាបត្រជាន់ខ្ពស់និងប្រកាសទទួលស្គាល់ជាមន្រ្តីនគរបាលយុត្តិធម៌ ដែល​ទទួលបាន​ពីការ​បណ្ដុះបណ្ដាល​នេះ ទៅប្រើប្រាស់ឱ្យមាន​ប្រយោជន៍និង​មាន​ប្រសិទ្ធភាព​ដល់​អង្គភាពរបស់ខ្លួន ក្នុងការ​ដឹកនាំនិងគ្រប់គ្រងការងារប្រចាំថ្ងៃ។ - ត្រូវមានអភិសមាចារនិងគោរពក្រមសីលធម៌វិជ្ជាជីវៈ មានស្មារតីទទួលខុសត្រូវខ្ពស់ គោរព​ប្រតិបត្ដិច្បាប់ គោរពវិន័យ និងគោរពឋានានុក្រមក្នុងពេលបំពេញការងារ ព្រម​ទាំង​ធ្វើ​ឱ្យ​ថ្នាក់​ដឹកនាំនិងមន្ត្រីក្រោមឱវាទពេញចិត្ត​លើសមត្ថភាព​របស់​ខ្លួន។ - ត្រូវយកចិត្តទុកដាក់ទៅលើការស្លៀកពាក់ឯកសណ្ឋាននិងប្រើសញ្ញាសម្គាល់នគរបាលឱ្យបានត្រឹមត្រូវ ស្របតាមអនុក្រឹត្យរបស់រាជរដ្ឋាភិបាល ...................................... #បណ្ឌិត្យសភានគរបាលកម្ពុជា #ឯកមនោសែន #EkMonosen

ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន អញ្ជើញចូលរួមកិច្ចពិភាក្សាលើគម្រោងផែនការថវិកាឆ្នាំ២០២៧ កម្រិតថ្នាក់ដឹកនាំក្រសួង ស្ថាប័ន ដើម្បីពិនិត្យនិងសម្រេចចុងក្រោយលើលទ្ធផលនៃកិច្ចប្រជុំពិភាក្សាកម្រិតបច្ចេកទេស .............................. នាព្រឹកថ្ងៃព្រហស្បតិ៍ ទី២៧ ខែសីហា ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញចូលរួមកិច្ចពិភាក្សាលើគម្រោងផែនការថវិកាឆ្នាំ២០២៧ កម្រិតថ្នាក់ដឹកនាំក្រសួង ស្ថាប័ន ដើម្បីពិនិត្យនិងសម្រេចចុងក្រោយលើលទ្ធផលនៃកិច្ចប្រជុំពិភាក្សាកម្រិតបច្ចេកទេស នៅទីស្តីការក្រសួងសេដ្ឋកិច្ចនិងហិរញ្ញវត្ថុ។ ........................... #បណ្ឌិត្យសភានគរបាលកម្ពុជា #ឯកមនោសែន #EkMonosen

គោលការណ៍ណែនាំ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ក្នុងកិច្ចប្រជុំ នាព្រឹកថ្ងៃទី២៦ ខែសីហា ឆ្នាំ២០២៦

ឯកឧត្តមសាស្ត្រាចារ្យ ឯក មនោសែន អញ្ជើញជាអធិបតីក្នុងពិធីបើកវគ្គបណ្តុះបណ្តាលបឋមមន្រ្តីពន្ធនាគារ ជំនាន់ទី២១ លើកទី២ នៅបណ្ឌិត្យសភានគរបាលកម្ពុជា ........................................ នារសៀលថ្ងៃអង្គារ ទី២៥ ខែសីហា ឆ្នាំ២០២៦ ឯកឧត្តមសាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញជាអធិបតីក្នុងពិធីបើកវគ្គបណ្តុះបណ្តាលបឋមមន្រ្តីពន្ធនាគារ ជំនាន់ទី២១ លើកទី២ ដែលមានសិក្ខាកាមចំនួន១០០នាក់ នារី ១៥នាក់ នៅបណ្ឌិត្យសភានគរបាលកម្ពុជា ដោយមានការអញ្ជើញចូលរួមពី ឧត្តមសេនីយ័ឯក អនុប្រធានបណ្ឌិត្យសភា សាស្ត្រាចារ្យ គ្រូនគរបាលជាតិ ប្រធាន-នាយកអង្គភាពចំណុះ និងមន្ត្រីពាក់ព័ន្ធមួយចំនួន នៅសាលសន្និសីទ-ព្រះរាម(អគារប្រពៃណី ក-A)នៃបណ្ឌិត្យសភានគរបាលកម្ពុជា។ ជាកិច្ចដំបូង ឯកឧត្តមនាយឧត្តមសេនីយ៍ ប្រធានគណៈអធិបតី បានថ្លែងនូវការកោតសរសើរចំពោះកិច្ចខិតខំប្រឹងប្រែងបំពេញការងារដោយស្មារតីទទួលខុសត្រូវខ្ពស់របស់អង្គភាពគ្រប់គ្រងវគ្គ មន្ទីរចាត់ការ និងអង្គភាពពាក់ព័ន្ធ ដែលបានបង្កលក្ខណៈងាយស្រួលឱ្យការរៀបចំវគ្គសិក្សានេះ អាចចាប់ផ្តើមដំណើរការបាន ស្របតាមប្រកាសលេខ៨៤៦២ប្រក ស្តីពីការចាត់បញ្ជូនមន្ត្រីពន្ធនាគារ ចុះថ្ងៃទី២០ ខែកក្កដា ឆ្នាំ២០២៦ ដោយ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។ ទន្ទឹមនេះ ឯកឧត្តមនាយឧត្តមសេនីយ៍ ក៏បានថ្លែងអំណរគុណចំពោះអគ្គនាយកដ្ឋានពន្ធនាគារដែលបានចាត់បញ្ចូនមន្ត្រីពន្ធនាគារ ឱ្យមកសិក្សានៅបណ្ឌិត្យសភានគរបាលកម្ពុជា ដើម្បីបង្កើនចំណេះដឹងនិងសមត្ថភាពជំនាញបន្ថែម តាមការជូន ដំណឹងរបស់អគ្គនាយកដ្ឋាធនធានមនុស្ស។ ឯកឧត្តមនាយឧត្តមសេនីយ៍ បានបញ្ជាក់បន្ថែមថា ការដាក់ឱ្យដំណើរការនូវគ្គបណ្តុះបណ្តាលនេះ ពិតជាបានឆ្លុះបញ្ចាំងអំពីការបំពេញភារកិច្ចរបស់បណ្ឌិត្យសភានគរបាលកម្ពុជា ដូចខាងក្រោម៖ ១- បណ្ឌិត្យសភា បានអនុវត្តគោលនយោបាយរបស់រាជរដ្ឋាភិបាល ក្រោមគំនិតដឹកនាំប្រកបដោយគតិបណ្ឌិតនិងទស្សនវិស័យវែងឆ្ងាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបានដាក់ចេញនូវគោលនយោបាយកំណែទម្រង់កងកម្លាំងនគរបាលជាតិនិងពន្ធនាគារ។ ២- បណ្ឌិត្យសភា បានអនុវត្តផែនការកំណែទម្រង់ធនធានមនុស្សរបស់ក្រសួងមហាផ្ទៃ ក្រោមការដឹកនាំនិងបញ្ជាផ្ទាល់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ប្រកបដោយគំនិតប្រាជ្ញាភិវឌ្ឍន៍និងជឿនលឿន ក្នុងការពង្រឹងសមត្ថភាពជំនាញ ការលើកកម្ពស់ក្រមសីលធម៌វិជ្ជាជីវៈ និងការពង្រឹងវិន័យកងកម្លាំងនគរបាលជាតិនិងពន្ធនាគារ តាមរយៈការ បណ្តុះបណ្តាលដ៏ត្រឹមត្រូវ ប្រកបដោយគុណភាពនិងស្របតាមស្តង់ដាកំណត់។ ពាក់ព័ន្ធនឹងដំណើរការសិក្សា-ហ្វឹកហាត់ឯកឧត្តមនាយឧត្តមសេនីយ៍ បានគូសបញ្ជាក់ថា ដើម្បីរក្សាបាននូវវប្បធម៌គុណភាពនិងក្នុងគោលបំណងចង់ឱ្យសិក្ខាកាមទាំងអស់មានសមត្ថភាព នៅក្រោយពេលបញ្ចប់ការសិក្សា បណ្ឌិត្យសភាបានប្រកាន់ខ្ជាប់នូវជំហររបស់ខ្លួនក្នុងការគ្រប់គ្រង ដូចខាងក្រោម៖ ១- អនុវត្តគោលការណ៍៣យ៉ាង គឺគោលការណ៍សមធម៌ គោលការណ៍មិនលម្អៀង និងគោលការណ៍គុណភាព «ត្រូវរៀនឱ្យចេះ មិនមែនគ្រាន់តែរៀនឱ្យចប់នោះទេ» ហើយ «គុណភាពមិនអាចសម្របសម្រួលបានឡើយ»។ ២- ការអនុវត្តវិធីសាស្ត្រវាយតម្លៃការសិក្សា ៣- ការធ្វើមូលវិចារ ក្រោយពេលបញ្ចប់វគ្គសិក្សា ៤- ការដាក់ទណ្ឌកម្ម ចំពោះសិក្ខាកាមដែលព្រឹត្តខុស មុននឹងបញ្ចប់ ឯកឧត្តមនាយឧត្តមសេនីយ៍ ប្រធានគណៈអធិបតី បានមានមតិផ្តាំផ្ញើនិងណែនាំដល់សិក្ខាកាមទាំងអស់ ដូចខាងក្រោម៖ - ត្រូវអនុវត្តឱ្យបានខ្ជាប់ខ្ជួននូវបទបញ្ជាផ្ទៃក្នុងសម្រាប់សិក្ខាកាម ដែលបានកំណត់ - ត្រូវយកចិត្តទុកដាក់សិក្សា ហ្វឹកហាត់ទាំងក្នុងថ្នាក់និងក្រៅថ្នាក់ - ត្រូវគោរពវិន័យសិក្សា វិន័យប្រឡង វិន័យស្នាក់នៅ វិន័យទទួលទានអាហារ និងវិន័យទូទៅ ដូចបានកំណត់ក្នុងបទបញ្ជាផ្ទៃក្នុង - ត្រូវប្រកាន់ខ្ជាប់នូវទស្សនៈ រៀនឱ្យចេះ មិនមែនគ្រាន់តែរៀនឱ្យចប់នោះទេ។ .................................. #បណ្ឌិត្យសភានគរបាលកម្ពុជា #ឯកមនោសែន #EkMonosen