Police Academy of Cambodia-PAC

ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន អញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពីជំនាញ«អង្គរក្សការពារឥស្សរជនជាន់ខ្ពស់» បណ្ឌិត្យសភានគរបាលកម្ពុជា ...................................... នៅរសៀលថ្ងៃសុក្រ ទី៣១ ខែកក្កដា ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពីជំនាញ «អង្គរក្សការពារឥស្សរជនជាន់ខ្ពស់» ដោយមានការអញ្ជើញចូលរួមពី លោក ផូល ចនស្តូន (​Mr. Paul Johnstone) នាយកអង្គភាពជំនាញការពារផ្ទាល់អន្តរជាតិនៃសហព័ន្ធអូស្រ្តាលី គ្រូបង្គោលអង្គភាពជំនាញការពារផ្ទាល់អន្តរជាតិ ថ្នាក់ដឹកនាំ សាស្រ្តាចារ្យ គ្រូនគរបាល មន្រ្តីសង្កេតការណ៍ និងសិក្ខាកាម សាលសន្និសីទ-ព្រះរាម(អគារប្រពៃណី ក-A)នៃបណ្ឌិត្យសភានគរបាលកម្ពុជា។ ក្នុងឱកាសនោះ ឯកឧត្តមនាយឧត្តមសេនីយ៍ ប្រធានបណ្ឌិត្យសភា បានថ្លែងអំណរគុណចំពោះ លោក ផូល ចនស្តូន (​Mr. Paul Johnstone) នាយកអង្គភាពជំនាញការពារផ្ទាល់អន្តរជាតិនៃសហព័ន្ធអូស្រ្តាលី គ្រូបង្គោលអង្គភាពជំនាញការពារផ្ទាល់អន្តរជាតិ ដែលមានកិច្ចសហប្រតិបត្តិកាល្អជាមួយបណ្ឌិត្យសភានគរបាលកម្ពុជា រហូតឈានដល់ការបើកវគ្គដ៏មានសារៈសំខាន់នេះ និងនៅថ្ងៃនេះ បានសហការរៀបចំបិទវគ្គបណ្តុះបណ្តាលស្តីពីជំនាញ «អង្គរក្សការពារឥស្សរជនជាន់ខ្ពស់» បន្ទាប់សិក្សារយៈពេល៥ថ្ងៃ ដើម្បី​ពង្រឹងសមត្ថភាពគ្រូនិងមន្រ្តីនគរបាលជាតិលើបច្ចេកទេស៖ - មូលដ្ឋានគ្រឹះនៃការការពារឥស្សរជនជាន់ខ្ពស់ - ប្រតិបត្តិការការពារ - យុទ្ធវិធីការពារឥស្សរជន - ប្រតិបត្តិការបេសកកម្មជាក់ស្តែង និង- ការវាយតម្លៃចុងក្រោយលើវគ្គបណ្តុះបណ្តាល។ ...................................... #បណ្ឌិត្យសភានគរបាលកម្ពុជា #ឯកមនោសែន #EkMonosen