Police Academy of Cambodia-PAC

ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន អញ្ជើញដឹកនាំកិច្ចប្រជុំអនុគណៈកម្មការនិងក្រុមការងាររៀបចំដំណើរការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួសប្រចាំឆ្នាំ២០២៦ .............................. នៅព្រឹកថ្ងៃសុក្រ ទី១៨ ខែកញ្ញា ឆ្នាំ២០២៦ ឯកឧត្ដមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា និងជាអនុប្រធានគណៈកម្មការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួសប្រចាំឆ្នាំ២០២៦ បានអញ្ជើញដឹកនាំកិច្ចប្រជុំណែនាំដល់សមាសភាពអនុគណៈកម្មការរៀបចំការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួសប្រចាំឆ្នាំ២០២៦ ឱ្យចូលបម្រើការងារនៅបណ្ឌិត្យសភានគរបាលកម្ពុជា ដោយមានការអញ្ជើញចូលរួមពី សមាជិក សមាជិកានៃអនុគណៈកម្មការ នាសាលប្រជុំ-ព្រះគណេស(អគារប្រពៃណី ក-A)នៃបណ្ឌិត្យសភានគរបាលកម្ពុជា។ កិច្ចប្រជុំនេះ មានគោលបំណងដើម្បីណែនាំតម្រង់ទិសដល់សមាសភាពក្រុមការងារដែលមានភារកិច្ចក្នុងការផ្តល់ពាក្យនិងទទួលពាក្យ ក្នុងការជំរុញឱ្យការអនុវត្តការងារឱ្យប្រកបដោយការទទួលខុសត្រូវ ម៉ត់ចត់ និងគោរពតាមគោលការណ៍ដែលបានកំណត់។ ........................... #បណ្ឌិត្យសភានគរបាលកម្ពុជា #ឯកមនោសែន #EkMonosen

សកម្មភាពខ្លះៗ នៃពិធីបិទ «វគ្គបណ្តុះបណ្តាលកម្រិតមូលដ្ឋានវិជ្ជាជីវៈនគរបាល» ក្រោមអធិបតីភាព ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា និងឯកឧត្តមឧត្តមសេនីយ៍ឯក បណ្ឌិត តុប នេត អគ្គនាយកនៃអគ្គនាយកដ្ឋានអត្តសញ្ញាណកម្ម នៅព្រឹកថ្ងៃព្រហស្បតិ៍ ទី១៧ ខែកញ្ញា ឆ្នាំ២០២៦ នាសាលសន្និសីទ-ព្រះរាម(អគារប្រពៃណី ក- A) នៃបណ្ឌិត្យសភានគរបាលកម្ពុជា។

ឯកឧត្ដមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា និងថ្នាក់ដឹកនាំ សាស្ដ្រាចារ្យ គ្រូនគរបាលជាតិ មន្ត្រីនគរបាលជាតិ ព្រមទាំងនិស្សិត សិក្ខាកាម និងសិស្សនគរបាល-ពន្ធនាគារទាំងអស់ បានផ្ញើសារលិខិតរំលែកមរណទុក្ខ ជូនចំពោះ វរសេនីយ៍ទោ អ៊ុច វណ្ណៈ គ្រូនគរបាលជាតិនៃបណ្ឌិត្យសភានគរបាលកម្ពុជា ចំពោះមរណភាព ឧបាសិកា រស់ ហេង ដែលត្រូវជាម្តាយបង្កើត បានទទួលមរណភាពនៅវេលាម៉ោង២១និ៩នាទីយប់ ថ្ងៃពុធ ទី១៦ ខែកញ្ញា ឆ្នាំ២០២៦ ក្នុងជន្មាយុ៨៣ឆ្នាំ ដោយរោគាពាធ។

បណ្ឌិត្យសភានគរបាលកម្ពុជា សូមផ្សព្វផ្សាយបន្តនូវសេចក្តីជូនដំណឹងស្តីពីការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិសម្រាប់ឆ្នាំ២០២៦ ឱ្យចូលបម្រើការងារនៅបណ្ឌិត្យសភានគរបាលកម្ពុជា នៃក្រសួងមហាផ្ទៃ

បណ្ឌិត្យសភានគរបាលកម្ពុជា សូមផ្សព្វផ្សាយបន្តនូវសេចក្តីជូនដំណឹងស្តីពីការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិសម្រាប់ឆ្នាំ២០២៦ ឱ្យចូលបម្រើការងារនៅបណ្ឌិត្យសភានគរបាលកម្ពុជា នៃក្រសួងមហាផ្ទៃ

ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន អញ្ជើញជាសហប្រធានគណៈអធិបតីក្នុងពិធីបិទ «វគ្គបណ្តុះបណ្តាលកម្រិតមូលដ្ឋានវិជ្ជាជីវៈនគរបាល» ........................................... នៅព្រឹកថ្ងៃព្រហស្បតិ៍ ទី១៧ ខែកញ្ញា ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញជាសហប្រធានគណៈអធិបតី (ឯកឧត្តមឧត្តមសេនីយ៍ឯក បណ្ឌិត តុប នេត) ក្នុងពិធីបិទ «វគ្គបណ្តុះបណ្តាលកម្រិតមូលដ្ឋានវិជ្ជាជីវៈនគរបាល» ដែលមានសិស្សនគរបាលជ័យលាភីសរុប៩៧នាក់ នារី២៩នាក់ និងដោយមានការអញ្ជើញចូលរួមពី ឧត្តមសេនីយ៍ឯក អនុប្រធានបណ្ឌិត្យសភា ឧត្តមសេនីយ៍ឯកសាស្ត្រាចារ្យ គ្រូនគរបាល ប្រធាន-នាយកអង្គភាពចំណុះ និងមន្ត្រីពាក់ព័ន្ធ នាសាលសន្និសីទ-ព្រះរាម(អគារប្រពៃណី ក- A) នៃបណ្ឌិត្យសភា។ ជាកិច្ចដំបូង ឯកឧត្តមនាយឧត្តមសេនីយ៍ សាស្ត្រាចារ្យ ក៏បានសម្ដែងនូវការស្វាគមន៍ចំពោះ ឯកឧត្តមឧត្តមសេនីយ៍ឯក បណ្ឌិត តុប នេត អគ្គនាយកនៃអគ្គនាយកដ្ឋានអត្តសញ្ញាណកម្ម ជាសហប្រធានគណៈអធិបតី និងឯកឧត្តម ឧត្តមសេនីយ៍ វរសេនីយ៍ គណៈគ្រប់គ្រង សាស្ត្រាចារ្យ គ្រូនគរបាលជាតិ និងសិក្ខាកាមនគរបាលជ័យលាភីទាំងអស់ ដែលមានវត្តមានក្នុងពិធីនេះ។ ទន្ទឹមនេះដែរ ឯកឧត្តមនាយឧត្តមសេនីយ៍ ក៏បានថ្លែងនូវការកោតសរសើរចំពោះកិច្ចខិតខំប្រឹងប្រែងបំពេញភារកិច្ច ប្រកបដោយស្មារតីទទួលខុសត្រូវរបស់ក្រុមប្រឹក្សាអភិវឌ្ឍន៍គ្រូនគរបាលជាតិ គណៈគ្រប់គ្រងវគ្គ សាស្ត្រាចារ្យ គ្រូនគរបាលជាតិ និងអង្គភាពពាក់ព័ន្ធទាំងអស់ ដើម្បីឱ្យដំណើរការវគ្គចាប់តាំងពីពេលចាប់ផ្តើម រហូតដល់បញ្ចប់ សម្រេចបានលទ្ធផលជោគជ័យតាមកម្មវិធីនិងផែនការដែលបានកំណត់។ ឆ្លៀតឱកាសនោះ ឯកឧត្តមនាយឧត្តមសេនីយ៍ ក៏បានគោរពថ្លែងអំណរគុណនិងដឹងគុណយ៉ាងជ្រាលជ្រៅចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលបានដាក់ចេញនូវកម្មវិធីនយោបាយនិងយុទ្ធសាស្ត្របញ្ចកោណ ដំណាក់កាលទី១ ដោយកំណត់ «មនុស្ស» ជាអាទិភាពគន្លឹះសម្រាប់ការអភិវឌ្ឍប្រទេសជាតិ, សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ អតីតឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលបានចូលរួមកសាងមូលដ្ឋានគ្រឹះ សមិទ្ធផល និងការអភិវឌ្ឍជាច្រើនសម្រាប់ក្រសួងមហាផ្ទៃ ជាពិសេស ការអប់រំបណ្តុះបណ្តាលធនធានមនុស្សក្នុងជួរកងកម្លាំងនគរបាលជាតិនិងមន្ត្រីពន្ធនាគារ។ ជាបន្ត ឯកឧត្តមនាយឧត្តមសេនីយ៍ បានគូសបញ្ជាក់បន្ថែមថា បច្ចុប្បន្ន បណ្ឌិត្យសភាបាននឹងកំពុងបន្តអនុវត្តភារកិច្ចរបស់ខ្លួនក្នុងការបណ្តុះបណ្តាល ការស្រាវជ្រាវវិទ្យាសាស្ត្រ មន្ទីរពិសោធន៍ និងសារៈមន្ទីរនគរបាលជាតិ ស្របតាមកម្មវិធីកំណែទម្រង់ និងទិសដៅការងាររបស់ក្រសួងមហាផ្ទៃ ក្រោមការដឹកនាំរបស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីកសាងមូលធនមនុស្សក្នុងជួរកងកម្លាំងនគរបាលជាតិ ឱ្យមានចំណេះដឹង សមត្ថភាពវិជ្ជាជីវៈ វិន័យ និងអភិសមាចារ-ក្រមសីលធម៌។ ឯកឧត្តមនាយឧត្តមសេនីយ៍ បានថ្លែងបន្តថា ចំពោះវគ្គនេះ ត្រូវបានរៀបចំឡើងដើម្បីឆ្លើយតបនឹងតម្រូវការរបស់អគ្គនាយកដ្ឋានអត្តសញ្ញាណកម្ម ក្នុងការពង្រឹងចំណេះដឹងនិងសមត្ថភាពវិជ្ជាជីវៈជាមូលដ្ឋានដល់មន្ត្រីនគរបាលជាតិស្រប តាមកម្មវិធីអប់រំ ប្រតិទិនសិក្សា និងផែនការគ្រប់គ្រងវគ្គ ដើម្បីផ្តល់ឱកាសដល់មន្ត្រីនគរបាលដែលកំពុងបំពេញភារកិច្ច តែមិនទាន់បានឆ្លងកាត់វគ្គសិក្សា ឱ្យទទួលបានការបណ្តុះបណ្តាលវិជ្ជាជីវៈកម្រិតបឋម ដើម្បីប្រែក្លាយអាជីពពីស៊ីវិលទៅជាមន្ត្រីនគរបាលពេញលក្ខណៈក្នុងការបម្រើប្រជាពលរដ្ឋនិងប្រទេសជាតិ។ ឯកឧត្តមនាយឧត្តមសេនីយ៍ បានថ្លែងបន្តថា ជាការពិតណាស់ ការអប់រំនិងការបណ្តុះបណ្តាលដើម្បីបង្កើនចំណេះដឹងនិងពង្រឹងសមត្ថភាពវិជ្ជាជីវៈ គឺជាដំណើរការដែលត្រូវអនុវត្តជាប្រចាំនិងបន្តពេញមួយជីវិតការងារ ដែលមន្ត្រីនគរបាលជាតិម្នាក់ៗ មិនអាចពឹងផ្អែកតែលើចំណេះដឹង ដែលទទួលបានក្នុងវគ្គបណ្តុះបណ្តាលមួយប៉ុណ្ណោះទេ ប៉ុន្តែ ត្រូវបន្តស្វ័យសិក្សា ស្រាវជ្រាវ ដកស្រង់បទពិសោធ និងបំប៉នជំនាញថ្មីៗជាប្រចាំ។ ការបន្តអភិវឌ្ឍចំណេះដឹង ជំនាញវិជ្ជាជីវៈ អាកប្បកិរិយា វិន័យ និងក្រមសីលធម៌ គឺជាមូលដ្ឋានដ៏ចាំបាច់សម្រាប់លើកកម្ពស់ប្រសិទ្ធភាពការងារ ការបម្រើប្រជាពលរដ្ឋ ការថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ព្រមទាំងឆ្លើយតបទៅនឹងការវិវត្តយ៉ាងឆាប់រហ័សនៃសង្គម សេដ្ឋកិច្ច និងបច្ចេកវិទ្យា។ ដូច្នេះ ការអភិវឌ្ឍធនធានមនុស្សត្រូវបន្តអនុវត្តជាប្រព័ន្ធ ប្រកបដោយគុណភាពនិងឆ្លើយតបនឹងតម្រូវការជាក់ស្តែងរបស់អង្គភាពនិងសភាពការណ៍វិវត្តជាបន្តបន្ទាប់ក្នុងការបម្រើប្រទេសជាតិនិងប្រជាពលរដ្ឋ។ ឆ្លៀតឱកាសនោះ ឯកឧត្តមនាយឧត្តមសេនីយ៍ ក៏សូមថ្លែងអំណរគុណចំពោះ ឯកឧត្តមឧត្តមសេនីយ៍ឯក បណ្ឌិត តុប នេត អគ្គនាយកនៃអគ្គនាយកដ្ឋានអត្តសញ្ញាណកម្ម ដែលបានផ្តល់កិច្ចសហការល្អនិងចាត់បញ្ជូនមន្ត្រីមកទទួលការបណ្តុះបណ្តាល ព្រមទាំងបានឧបត្ថម្ភទឹកប្រាក់ចំនួន២០លានរៀល ដល់បណ្ឌិត្យសភានគរបាលកម្ពុជា៕ ...................................... #បណ្ឌិត្យសភានគរបាលកម្ពុជា #ឯកមនោសែន #EkMonosen

ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន អញ្ជើញសំណេះសំណាលនិងសួរសុខទុក្ខសិស្សនគរបាលវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី២០ លើកទី២ .............................. នៅរសៀលថ្ងៃពុធ ទី១៦ ខែកញ្ញា ឆ្នាំ២០២៦ ឯកឧត្ដមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញសំណេះសំណាលនិងសួរសុខទុក្ខសិស្សនគរបាលវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី២០ លើកទី២ សរុបជាង១ ០០០នាក់ នៃសាលានគរបាលជាតិភូមិភាគទាំង៦ តាមប្រព័ន្ធអនឡាញ(Zoom Meeting)ពីសាលប្រជុំ-ព្រះគណេស(អគារប្រពៃណី ក-A)នៃបណ្ឌិត្យសភានគរបាលកម្ពុជា ដែលអញ្ជើញចូលរួមដោយផ្ទាល់ រួមមាន ឧត្តមសេនីយ៍ឯក អនុប្រធានបណ្ឌិត្យសភានិងឯកឧត្តមឧត្តមសេនីយ៍ឯក សាស្ត្រាចារ្យ និងតាមប្រព័ន្ធអនឡាញ រួមមានប្រធាន អនុប្រធាននាយកដ្ឋានបណ្តុះបណ្តាល នាយក នាយករងសាលានគរបាលជាតិភូមិភាគទាំង៦ និងមន្ត្រីពាក់ព័ន្ធ។ ក្នុងឱកាសនោះ ឯកឧត្តមនាយឧត្តមសេនីយ៍ ប្រធានបណ្ឌិត្យសភា បានលើកឡើងនូវបទវិន័យផ្សេងៗនិងបទបញ្ជាផ្ទៃក្នុងរបស់សាលា ដើម្បីឱ្យសិស្សនគរបាល បានយល់ដឹងកាន់តែច្បាស់និងចូលរួមអនុវត្តឱ្យបានខ្ជាប់ខ្ជួននិងម៉ឺងម៉ាត់គ្រប់ៗគ្នា។ ជាពិសេស ត្រូវខិតខំប្រឹងប្រែងសិក្សា-ហ្វឹកហាត់ឱ្យបានខ្លាំងក្លានិងត្រូវជៀសឱ្យឆ្ងាយពីការប្រព្រឹត្តសេពគ្រឿងញៀននិងល្បែងស៊ីសងគ្រប់ប្រភេទ។ ........................... #បណ្ឌិត្យសភានគរបាលកម្ពុជា #ឯកមនោសែន #EkMonosen