ንቁ ትውልድ-Niku Twld
الذهاب إلى القناة على Telegram
2 315
المشتركون
-224 ساعات
-147 أيام
-5230 أيام
جاري تحميل البيانات...
القنوات المماثلة
سحابة العلامات
لا توجد بيانات
هل تواجه مشاكل؟ يرجى تحديث الصفحة أو الاتصال بمدير الدعم الخاص بنا.
الإشارات الواردة والصادرة
---
---
---
---
---
---
جذب المشتركين
يوليو '26
يوليو '260
في 0 قنوات
يونيو '26
+3
في 0 قنوات
Get PRO
مايو '26
+1
في 0 قنوات
Get PRO
أبريل '26
+2
في 0 قنوات
Get PRO
مارس '26
+34
في 0 قنوات
Get PRO
فبراير '26
+3
في 0 قنوات
Get PRO
يناير '26
+12
في 0 قنوات
Get PRO
ديسمبر '25
+6
في 0 قنوات
Get PRO
نوفمبر '25
+1
في 0 قنوات
Get PRO
أكتوبر '25
+5
في 1 قنوات
Get PRO
سبتمبر '25
+8
في 2 قنوات
Get PRO
أغسطس '25
+5
في 0 قنوات
Get PRO
يوليو '25
+4
في 0 قنوات
Get PRO
يونيو '25
+6
في 0 قنوات
Get PRO
مايو '25
+12
في 0 قنوات
Get PRO
أبريل '25
+6
في 0 قنوات
Get PRO
مارس '25
+7
في 0 قنوات
Get PRO
فبراير '25
+4
في 0 قنوات
Get PRO
يناير '25
+12
في 1 قنوات
Get PRO
ديسمبر '24
+23
في 1 قنوات
Get PRO
نوفمبر '24
+8
في 0 قنوات
Get PRO
أكتوبر '24
+14
في 0 قنوات
Get PRO
سبتمبر '24
+6
في 0 قنوات
Get PRO
أغسطس '24
+7
في 0 قنوات
Get PRO
يوليو '24
+13
في 0 قنوات
Get PRO
يونيو '24
+8
في 0 قنوات
Get PRO
مايو '24
+14
في 0 قنوات
Get PRO
أبريل '24
+17
في 0 قنوات
Get PRO
مارس '24
+20
في 0 قنوات
Get PRO
فبراير '24
+12
في 0 قنوات
Get PRO
يناير '24
+16
في 0 قنوات
Get PRO
ديسمبر '23
+30
في 0 قنوات
Get PRO
نوفمبر '23
+13
في 1 قنوات
Get PRO
أكتوبر '23
+12
في 0 قنوات
Get PRO
سبتمبر '23
+17
في 0 قنوات
Get PRO
أغسطس '23
+8
في 0 قنوات
Get PRO
يوليو '23
+4
في 0 قنوات
Get PRO
يونيو '23
+14
في 0 قنوات
Get PRO
مايو '23
+17
في 0 قنوات
Get PRO
أبريل '23
+18
في 0 قنوات
Get PRO
مارس '23
+16
في 0 قنوات
Get PRO
فبراير '23
+8
في 0 قنوات
Get PRO
يناير '23
+16
في 0 قنوات
Get PRO
ديسمبر '22
+18
في 0 قنوات
Get PRO
نوفمبر '22
+24
في 0 قنوات
Get PRO
أكتوبر '22
+21
في 0 قنوات
Get PRO
سبتمبر '22
+22
في 0 قنوات
Get PRO
أغسطس '22
+21
في 0 قنوات
Get PRO
يوليو '22
+19
في 0 قنوات
Get PRO
يونيو '22
+32
في 0 قنوات
Get PRO
مايو '22
+14
في 0 قنوات
Get PRO
أبريل '22
+17
في 0 قنوات
Get PRO
مارس '22
+14
في 0 قنوات
Get PRO
فبراير '22
+8
في 0 قنوات
Get PRO
يناير '22
+3
في 0 قنوات
Get PRO
ديسمبر '21
+521
في 0 قنوات
Get PRO
نوفمبر '21
+1 431
في 0 قنوات
Get PRO
أكتوبر '21
+528
في 0 قنوات
Get PRO
سبتمبر '21
+40
في 0 قنوات
Get PRO
أغسطس '21
+77
في 0 قنوات
Get PRO
يوليو '21
+5 604
في 0 قنوات
Get PRO
يونيو '21
+1 780
في 0 قنوات
Get PRO
مايو '21
+2 897
في 0 قنوات
| التاريخ | نمو المشتركين | الإشارات | القنوات | |
| 13 يوليو | 0 | |||
| 12 يوليو | 0 | |||
| 11 يوليو | 0 | |||
| 10 يوليو | 0 | |||
| 09 يوليو | 0 | |||
| 08 يوليو | 0 | |||
| 07 يوليو | 0 | |||
| 06 يوليو | 0 | |||
| 05 يوليو | 0 | |||
| 04 يوليو | 0 | |||
| 03 يوليو | 0 | |||
| 02 يوليو | 0 | |||
| 01 يوليو | 0 |
منشورات القناة
ሰላም ለቃልኪ፦ የተበተነ ልቡናን ለሚሰበስብ ቃልሽ ሰላምታ ይገባል፡፡ የኃጢአት ደዌን ለሚፈውሰው መድኃኒት ለሆነው እስትንፋስሽም ሰላምታ ይገባል፡፡ ተስፋ ለቆረጡት ተስፋ፣ ለደከሙትም መጽናኛ የሆንሽ ቅድስት አርሴማ ሆይ ጨለማው በማይገፋ እሳቱም በማይጠፋ በጭንቅ ቀን በታመነው ቃል ኪዳንሽ ፈጽመሽ አድኚኝ፡፡ 🙏
መልክአ ቅድስት አርሴማ
| 2 |  لا يوجد نص... | 124 |
| 3 | ዛሬ ሐምሌ 5 የዓለም ብርሃናት፣ የቤተክርስቲያን ምሰሶዎች ቅዱስ ጴጥሮስና ቅዱስ ጳውሎስ ምድራዊ ሩጫቸውን በሰማዕትነት የፈፀሙበት ታላቅ ዕለት ነው። እንኳን አደረሳችሁ እንኳን አደረሰን🙏
የሐዋርያት አለቃ ቅዱስ ጴጥሮስ የመጀመሪያ ስሙ ስምዖን ይባል ነበር፤ የገሊላው ዓሣ አጥማጅ። ነገር ግን የሰው ልጅ ሊደርስበት ያልቻለውን ምሥጢረ ተዋሕዶን ገልጦ “አንተ የህያው እግዚአብሔር ልጅ ነህ” ብሎ በመመስከሩ፣ ጌታችን “አንተ ጴጥሮስ (ዐለት) ነህ፤ በዚህችም ዓለት ላይ ቤተክርስቲያኔን እሠራታለሁ” አለው። የመንግሥተ ሰማያትንም መክፈቻ ተቀበለ።
ጴጥሮስ ፍቅሩ የበረታ፣ ንስሓው የልብ ስብራት የነበረው አባት ነው። ጌታውን ሦስት ጊዜ ቢክደውም፣ በፍጹም ዕንባና ንስሓ ተመልሶ “በጎቼን አሰማራ” የሚለውን ታላቅ አደራ ተቀበለ። በጥላው እንኳ ድውያንን የፈወሰው ይኸው ዐለት፣ በሩቅ ሀገራት ወንጌልን ሰብኮ በመጨረሻ ሮም ደረሰ።
የሮሙ ጨካኝ ንጉሥ ኔሮን ከተማዋን አቃጥሎ በክርስቲያኖች ላይ አሳቦ ክርስቲያኖችን ማሳደድና መግደል ጀመረ፣ ጴጥሮስ ከሞት እንዲተርፍ ከሮም አስወጡት በመንገድ ላይ ሳለም ጌታችን መስቀል ተሸክሞ ወደ ሮም ሲገባ አየው። “ጌታ ሆይ ወዴት እየሄድክ ነው?” አለው። ጌታችንም “ልሰቀል ወደ ሮም እሄዳለሁ” አለው። ጴጥሮስ ፍጻሜው እንደደረሰ አውቆ ተመለሰ። ሊሰቅሉት ሲሉ ግን “እንደ ጌታዬ ልሰቀል አይገባኝም፣ ቁልቁል ዘቅዝቃችሁ ሰቀሉኝ” ብሎ ለመናቸው። በ 67 ዓ.ም ሐምሌ 5 ቀን ራሱን ቁልቁል አድርጎ በመስቀል ላይ ተጋድሎውን ፈጸመ።
ምርጡ ዕቃ ቅዱስ ጳውሎስ የዕብራይስጥ ስሙ ሳውል ነበር፤ ህግን የተማረ ቀናተኛ ፈሪሳዊ። መጀመሪያ ላይ ክርስቲያኖችን ያሳደደ፣ የመጀመሪያው ሰማዕት እስጢፋኖስ ሲወገርም የገዳዮችን ልብስ ይጠብቅ ነበር። ነገር ግን ወደ ደማስቆ ክርስቲያኖችን ሊያጠፋ ሲጓዝ፣ ከሰማይ የወረደ ታላቅ ብርሃን መታው፤ “ሳውል ሳውል ለምን ታሳድደኛለህ?” የሚል የአምላክን ድምፅ ሰማ።
ከዚያች ሰዓት ጀምሮ ሳውል ጳውሎስ ምርጥ ዕቃ ሆነ! አይኖቹ ታውረው በሐናንያ እጅ ከተጠመቀ በኋላ፣ ፍርሃትን አውልቆ ጣለ። በሦስት ታላላቅ የስብከት ጉዞዎቹ በሺዎች የሚቆጠሩ ኪሎሜትሮችን በእግሩ ተጉዞ አሕዛብንና ነገሥታትን አሳመነ። 14 የእምነትና የፍቅር መልዕክታትን ለዓለም አበረከተ።
በመጨረሻ በኔሮን ዘመን በሮም በጨለማ ቤት ታስሮ ከቆየ በኋላ፣ ሊሰይፉት ወሰዱት። ቀደም ሲል “መልካሙን ገድል ተጋድያለሁ፣ ሩጫውን ጨርሻለሁ፣ ሃይማኖትን ጠብቄአለሁ፤ ወደፊት የጽድቅ አክሊል ይጠብቀኛል” ብሎ እንደጻፈው፣ በደስታና በክብር አንገቱ በሰይፍ ተመተረ።በነገረ መለኮት ምላሱ ዓለምን ያሸበረው ጳውሎስ፣ አንገቱን ለሰይፍ ሰጠ። ሰያፊው ራሱን ሲቆርጠው አስገራሚ ተአምር ሆነ፤ ከደሙ ጋር ወተት ፈሰሰ!
በዚያ የነበረችውና ያዘነችው አንዲት ብላቴና ሳይሰየፍ በፊት ለቅዱስ ጳውሎስ መጎናጸፊያ ሰጠችው፣ የሞት ፍርድ አስፈጻሚው ወታደር ራሱን ቆርጦ በዚያ መጎናፀፊያ ፊቱን ሸፈነው። ሰያፊውም ለንግሱ ሊነግረው ሲመለስ ያቺ ብላቴና አገኘችውና ያ ጳውሎስ ወዴት አለ? ብላ ጠየቀችው እሱም የተቆረጠበት ቦታ ወድቋል ራሱም በመጎናጸፊያ ተሸፍኗል አላት እሷም ዋሽተሃል አለችው ቅዱስ ጳውሎስ በክብርና በዕንቁ አክሊል አጊጦ መጎናጸፊያዋን እንደመለሰላት አሳየችው። ወታደሮቹም ይህን ድንቅ አይተው በክርስቶስ አመኑ፤ ሰማዕትነትንም ተቀበሉ።
(በተጨማሪም በዚሁ ዕለት የ72ቱ አርድእት፣ የቅዱስ ሳቁኤል መልአክ፣ የሰማዕቱ ቅዱስ ይስሐቅና የደብረ ዓሣ ጻድቃን መታሰቢያ ነው)
የቅዱሳን ሐዋርያት የቅዱስ ጴጥሮስና ቅዱስ ጳውሎስ ረድኤትና በረከት ከሁላችን ጋር ይሁን! አሜን🙏 | 116 |
| 4 |  ዛሬ ሐምሌ 3 የእናታችን የእመቤታችን በዓታ ማርያም ወርሃዊ መታሰቢያ ነው። እንኳን አደረሰን አደረሳቹ🙏
ቅድስት ሐና እና ቅዱስ ኢያቄም ለብዙ ዘመናት ልጅ አጥተው ያዘኑ፣ በሰው ዘንድም የተናቁ ነበሩ። ነገር ግን እግዚአብሔር ጸሎታቸውን ሰምቶ አለም ሁሉ የሚድንበትን ድንግል ማርያምን ሰጣቸው። እነርሱም "ልጅ ብናገኝ ለእግዚአብሔር ቤት አገልጋይ አድርገን እንሰጣለን" ብለው የተሳሉትን ስእለት አልረሱም።
ድንግል ማርያም የሦስት ዓመት ሕፃን ስትሆን፣ ወላጆቿ ስእለታቸውን ለመፈጸም ወደ ኢየሩሳሌም ቤተ መቅደስ ይዘዋት ሄዱ። ሊቀ ካህናቱ ዘካርያስ በደስታ ተቀበላት። በቤተ መቅደስም ውስጥ ለ12 ዓመታት ስትኖር ምግቧ ከሰማይ የሚወርድ ሰማያዊ መና፣ መጠጧም የሕይወት ውኃ ነበር። ሊቀ መላእክት ቅዱስ ፋኑኤል በብርሃን ክንፎቹ እየጋረዳት፣ ሰማያዊ ምግብ እየመገባት በቅድስና አደገች።
ድንግል ማርያም ለሀገራችን ሰላምን፣ ለሕዝባችን ፍቅርንና አንድነትን ታድለን። አሜን🙏 | 139 |
| 5 |  لا يوجد نص... | 208 |
| 6 | ዛሬ ሰኔ 30 በእግዚአብሔር ፊት ታላቅ የሆነው፣ በፅንስ ሳለ ለጌታው የሰገደው፣ የነቢያት መደምደሚያና የሐዋርያት መጀመሪያ የሆነው የመጥምቀ መለኮት የቅዱስ ዮሐንስ የልደት በዓል ነው።እንኳን አደረሳችሁ እንኳን አደረሰን🙏
«በእውነት እላችኋለሁ፥ ከሴቶች ከተወለዱት መካከል ከመጥምቁ ዮሐንስ የሚበልጥ አልተነሣም…» (ማቴ 11፥11)
ታሪኩ የሚጀምረው በይሁዳ ተራራማ ሀገር ነው። ካህኑ ዘካርያስና ሚስቱ ኤልሳቤጥ በሰው ዓይን መካን፣ በዕድሜም የሸመገሉ ነበሩ። ልጅ የመውለድ ተስፋቸው በምድራዊ ስሌት አብቅቶ ነበር። ነገር ግን እግዚአብሔር የዘካርያስን ጸሎት ሰማ። ታላቁ መልአክ ቅዱስ ገብርኤል በቤተ መቅደስ ተገልጦ የምስራቹን አበሰረው፦ «ሚስትህ ኤልሳቤጥ ወንድ ልጅ ትወልድልሃለች፥ ስሙንም ዮሐንስ ትለዋለህ። ደስታና ተደላም ይሆንልሃል በመወለዱም ብዙዎች ደስ ይላቸዋል።» ሉቃ 1:13-14 ዘካርያስ ነገሩን ማመን ስላቃተው ምልክት እንዲሆነው እስከሚወለድ ድረስ ዲዳ ሆነ።
እመቤታችን ቅድስት ድንግል ማርያም የኤልሳቤጥን መፅነስ በሰማች ጊዜ ልትጠይቃት መጣች። ድንግል ማርያም ሰላምታዋን ስታቀርብ፣ በኤልሳቤጥ ማህፀን የነበረው የስድስት ወር ፅንስ (ዮሐንስ) በደስታ ዘለለ! ገና ሳይወለድ በቅዱስ መንፈስ ተሞልቶ በማህፀን ሳለ ለጌታው ሰገደ። ዛሬ ሰኔ 30 ቀን ህጻኑ ተወለደ።
በስምንተኛውም ቀን ስሙ ማን ይባል። ሲሉ ዘካርያስ በሰሌዳ ላይ «ስሙ ዮሐንስ ነው» ብሎ ጻፈ ትርጉሙም ፍስሃ ወሀሴት ማለት ነው። በዚያው ቅጽበት አንደበቱ ተፈትቶ እግዚአብሔርን ማመስገን ጀመረ።
ይህ ህጻን ግን እንደማንኛውም ልጅ በምቾት አላደገም። ገና በሕፃንነቱ የአባቱን መገደል ተከትሎ፣ እናቱ ኤልሳቤጥ ይዛው ወደ ምድረ በዳ ሸሸች። እናቱ ስታርፍም ዮሐንስ በዚያች አስፈሪ ምድረ በዳ ብቻውን በእግዚአብሔር ጥበቃ አደገ።ልብሱ የግመል ጠጉር፣ በወገቡም ጠፍር ታጥቆ ነበር። ምግቡ አንበጣና የበረሃ ማር ነበር። የሰው ፊት ሳያይ፣ በጾምና በጸሎት፣ ከኃጢአት በራቀ ቅድስና እስከ 30 ዓመቱ በበረሃ ኖረ።
ጊዜው ሲደርስ የእግዚአብሔር ቃል ወደ ዮሐንስ መጣ። ከበረሃ ወጥቶ በዮርዳኖስ ዙሪያ «መንግስተ ሰማያት ቀርባለችና ንስሐ ግቡ!» እያለ ማስተማር ጀመረ። እርሱ ለብርሃኑ ሊመሰክር የመጣ የብርሃን መብራት፣ የጌታን መንገድ የሚጠርግ «በምድረ በዳ የሚጮህ ሰው ድምፅ» ነበር።
ታሪኩ ከፍታ ላይ የደረሰው የዓለምን ኃጢአት የሚያስወግደውን የእግዚአብሔርን በግ — ኢየሱስ ክርስቶስን በዮርዳኖስ ወንዝ ሲያጠምቅ ነው። ፈጣሪ በፈቃዱ በፍጡሩ እጅ ተጠመቀ፤ ዮሐንስም የመለኮትን ራስ በመንካቱ «መጥምቀ መለኮት» ተባለ።
ቅዱስ ዮሐንስ እውነትን ለንጉሥም ቢሆን ከመናገር ወደኋላ አላለም። የገሊላው ገዥ ሄሮድስ የወንድሙን ሚስት ሄሮድያዳን በግፍ አግብቶ በነበረ ጊዜ፣ ዮሐንስ ፊት ለፊት ተቃወመው፦ «የወንድምህ ሚስት ለአንተ ልትሆን አልተፈቀደም!» አለው።
በዚህ ምክንያት ወህኒ ወረደ። በመጨረሻም በሄሮድያዳ ተንኮልና በሄሮድስ የትዕቢት መሐላ ምክንያት፣ በዚያው በወህኒ ቤት ሳለ ራሱ በሰይፍ ተቆረጠች። ቅዱስ ዮሐንስ ስለ እውነትና ስለ ጽድቅ ህይወቱን የሰጠ ታላቅ ሰማዕት ሆነ።
የታላቁ ነብይ የመጥምቀ መለኮት የቅድስ ዮሐንስ በረከት፣ምልጃና ጥበቃ ከሁላችን ጋር ይሁን አሜን🙏 | 197 |
| 7 |  لا يوجد نص... | 312 |
| 8 | ዛሬ ሰኔ 15 የቤተክርስቲያናችን ታላቅ አባት፣ ድንቅ ተአምራትን በማድረግ የሚታወቀውና ፈጣን ረዳት የሆነው የታላቁ ሰማዕት የቅዱስ ሚናስ ዓመታዊ የቅዳሴ ቤቱ በዓል ነው። እንኳን አደረሰን አደረሳችሁ!🙏
የሰማዕቱ ወላጆች አውዶክስዮስና አውፌምያ የተባሉ የግብፅ መኳንንት ነበሩ። እናቱ አውፌምያ መካን በመሆኗ ዘወትር በቅድስት ድንግል ማርያም ሥዕል ፊት ትጸልይ፣ታለቅስ ነበር። በአንድ ወቅት በዓታ ለማርያም ዕለት በጽኑ ስትማጸን፣ ከሥዕሏ "አሜን" የሚል ድምፅ ሰማች። ብዙም ሳይቆይ ፀንሳ በ276 ዓ.ም ወንድ ልጅ ወለደች። ያንን ሰማያዊ ድምፅ መታሰቢያ በማድረግም ስሙን "ሚናስ" ብለው ሰየሙት።
ሚናስ ሲያድግ እንደ አባቱ በጦር ሠራዊት ውስጥ ተቀጠረ። በአጭር ጊዜ ውስጥ በጀግንነቱና በታማኝነቱ ታውቆ በሮማውያን ጦር ውስጥ ትልቅ መኮንን ሆነ። ነገር ግን በዲዮቅልጥያኖስ ዘመን ክርስቲያኖችን የሚያሳድድና ለጣዖት እንዲሰግዱ የሚያስገድድ አዋጅ ወጣ። ቅዱስ ሚናስ ምድራዊ ክብርና ሥልጣኑን፣ ወታደራዊ ማዕረጉንና ሀብቱን ሁሉ ናቀ። ለጣዖት ከመስገድ ይልቅ የክርስቶስ ወታደር መሆንን መረጠ። መኮንንነቱን ትቶ ወደ ምድረ በዳ በመኮብለል በጾምና በጸሎት ፈጣሪውን ማገልገል ጀመረ።
በበረሃ አምስት ዓመታትን ካሳለፈ በኋላ፣ የእግዚአብሔር መልአክ ታይቶ የሰማዕትነትን አክሊል እንደሚቀዳጅ ነገረው። ቅዱስ ሚናስ ወደ ከተማው ተመልሶ የጣዖት አምላኪዎች በዓል በሚያከብሩበት አደባባይ መሃል ቆመ። በታላቅ ድምፅም እንዲህ ሲል መሰከረ፡-
"እኔ የክርስቶስ ባሪያ ነኝ! ከአብና ከመንፈስ ቅዱስ ጋር የሚስተካከልበት እውነተኛ አምላክ እርሱ ብቻ ነው!"
ገዥው መኮንን እንደነበረ አውቆ በምድራዊ ክብር ሊያታልለው ሞከረ። ሳይሳካለት ሲቀር ግን አስከፊ ስቃዮችን አዘዘበት። በብረት ችንካር ተገረፈ፣ ሰውነቱ በእሳት ተለበለበ፣ በሻካራ ጆንያ ላይ ተጎተተ። ነገር ግን ፊቱ እንደ መልአክ ያበራ ነበር እንጂ ፍርሃት አልታየበትም። በመጨረሻም ህዳር 15 ቀን በ 24 ዓመቱ አንገቱን በሰይፍ ተቆርጦ የሰማዕትነትን አክሊል ደፋ።
ሰማዕቱ ካረፈ በኋላ አማንያን ሥጋውን በትውልድ ሀገሩ ግብፅ ዋና ከተማ እስክንድርያ ለመውሰድ ስጋውን በግመል ጭነው ጉዞ ጀምሩ በግብፅ "ማርዩጥ" ወደሚባል በረሃ ሲደርሱ ግን የጫኑት ግመሎች ተንበርክከው ንቅንቅ አልል አሉ። በምንም ዓይነት መንገድ ሊንቀሳቀሱ ባለመቻላቸው፣ አማንያኑ ይሄ የእግዚአብሔር ፈቃድ መሆኑን ተረድተው ሥጋውን በዚያው በበረሃው ቦታ ቀበሩት።
ነገር ግን ዘመናት ሲያልፉና ስደት ሲበዛ፣ ክርስቲያኖቹ ቦታውን እየረሱት መጡና መቃብሩ ከአፈር በታች ተሸሸገ። ቦታውም የበጎችና የእረኞች መዋያ ሆነ። ከአፈር በታች ካለው ከቅዱሱ መቃብር ላይ የፈለቀው ጠበል መጀመሪያ የታመመውን በግ ፈወሰ። ከዚያም ድውያንን ሁሉ መፈወስ ጀመረ። የሮም ንጉሥ (የቀድሞው ንጉሥ ቆስጠንጢኖስ) የታመመች ልጁን ሰደዳት። ልጁ በጠበሉ ተፈውሳ ሱባዔ በገባች ጊዜ ቅዱስ ሚናስ በራዕይ ተገልጦ "ሥጋዬ እዚህ አለ" አላት።
ንጉሡ ቆስጠንጢኖስ ልጁ በመፈወሷ ታላቅ ምስጋና አቅርቦ፣ በዚያ በበረሃ ቦታ ላይ ታላቅና ውብ ቤተክርስቲያን ተሠራችለት። ይህች ቤተክርስቲያን የተቀደሰችበት (የቅዳሴ ቤቱ) ዕለት ሰኔ 15 ነው። ከዚያን ጊዜ ጀምሮ በቦታው ላይ ካለው ጠበል እጅግ በርካታ ድውያን ይፈወሱ፣ ዕውሮች ያዩ፣ አንካሶች ይረግጡ ጀመር። ቦታውም በዓለም ዙሪያ ባሉ ክርስቲያኖች ዘንድ የታወቀ የፈውስ ማዕከልና ታላቅ ከተማ ሆነ።
ሰማዕቱ ህሙማንን በመፈወስ፣ የጠፉ ዕቃዎችን በማስገኘትና መንገደኞችን በመጠበቅ ረገድ ፈጣን ረዳት ተብሎ ይታወቃል። የታላቁ ሰማዕት የቅዱስ ሚናስ ጸሎትና በረከት፣ ፈጣን ተራዳኢነቱ ከሁላችን ጋር ይሁን! አሜን🙏 | 283 |
| 9 |  لا يوجد نص... | 322 |
| 10 | ዛሬ ሰኔ 8 የአርባዕቱ እንስሳ (የአራቱ እንስሳት) ወርሃዊ መታሰቢያ ነው። እንኳን አደረሰን አደረሳችሁ🙏
በኢትዮጵያ ኦርቶዶክስ ተዋሕዶ ቤተክርስቲያን ወር በገባ በ8ኛው ቀን እነዚህ ረቂቃንና ቅዱሳን የሆኑት የኪሩቤል ወገኖች ይታሰባሉ። በቅድስት ሥላሴ መንበር ዙሪያ፣ በሰው ልጅ አእምሮ ሊደርስበት ከሚችለው በላይ በሆነው ብርሃናዊ ዓለም ውስጥ፣ አራት እጅግ አስደናቂና ግሩማን ፍጥረታት ይቆማሉ። እነዚህ አርባዕቱ እንስሳ ይባላሉ። አርባዕቱ እንስሳ የፈጣሪን መንበር ተሸካሚዎችና የክብሩ መግለጫዎች ናቸው።
እነሱ እንደ ምድር እንስሳት የሚበሉ ወይም የሚጠጡ ሳይሆኑ፣ ሌሊትና ቀንም ሳይታክቱ “ቅዱስ፣ ቅዱስ፣ ቅዱስ” እያሉ የፈጣሪን ዙፋን የሚያመሰግኑ፣ ፍጹም ረቂቃንና መንፈሳውያን የብርሃን ኃይላት ናቸው።
ነቢዩ ሕዝቅኤል በምርኮ ሳለ ሰማያት ተከፍተውለት ያያቸው፣ እንዲሁም ሐዋርያው ቅዱስ ዮሐንስ በራዕዩ የተመለከታቸው እነዚህ ፍጥረታት፣ አራት የተለያዩ ገጽታዎች አሏቸው። እያንዳንዱ ገጽታም ጥልቅ የሆነ ምስጢርና ለፍጥረት ሁሉ የሚቀርብ የነፃነትና የምልጃ መግለጫ ነው። የላም ገጽታ ያለው ስግደትና ምስጋናን ለፈጣሪ እያቀረበ፣ በምድር ላይ ስላሉት እንስሳት (ለምግብና ለሥራ ለሚደክሙት) ይማልዳል።
የአንበሳ ገጽታ ያለው ስለ አራዊት ሁሉ ይማልዳል። እርሱም የአራዊት ንጉሥ በመሆኑ፣ የእግዚአብሔርን ግርማና ኃይል ያሳያል። የንሥር ገጽታ ያለው በሰማይ ለሚበሩ ወፎች ሁሉ ምልጃን ያቀርባል። ንሥር ወደ ላይ የመጥቀስ ባህሪ እንዳለው ሁሉ፣ እነዚህ ፍጥረታትም ወደ መለኮት የቀረቡ መሆናቸውን ያመለክታል። የሰው ገጽታ ያለው ከፍጥረት ሁሉ ክቡር ስለሆነው ስለ ሰው ልጅ ድኅነት፣ ሰላምና ምሕረት ወደ እግዚአብሔር ዘወትር ይጮኻል።
እነዚህ ቅዱሳን ፍጥረታት እያንዳንዳቸው ስድስት ስድስት ክንፎች አሏቸው። በክንፎቻቸውም የእግዚአብሔርን መለኮታዊ የብርሃን ግርማ መቋቋም ስለማይችሉ በሁለት ክንፎቻቸው ፊታቸውን ይሸፍናሉ፣ በሁለት ክንፎቻቸው እግሮቻቸውን ይሸፍናሉ፣ በቀሩት ሁለቱ ክንፎቻቸው ደግሞ ይበራሉ (ይሰግዳሉ)።
ከዚህም በላይ፣ ፍጹም ንቁና ሁሉንም የሚያዩ መሆናቸውን ለማሳየት ሁለንተናቸው በዓይን የተመሉ ናቸው። እኛም እንደነዚህ ቅዱሳን ፍጥረታት ህይወታችንን በምስጋና እንድንሞላ፣ ስለ ፍጥረት ሁሉ እንድንጸልይና የእግዚአብሔርን ታላቅነት እንድናስተውል ያደርገናል።
“ቅዱስ፥ ቅዱስ፥ ቅዱስ፥ የነበረውና ያለው የሚመጣውም ሁሉንም የሚገዛ ጌታ አምላክ እያሉ ቀንና ሌሊት አያርፉም።” (ዮሐንስ ራዕይ 4:8)
የአርባዕቱ እንስሳ ጥበቃና ምልጃ ከሁላችን ጋር ይሁን ለዘለዓለሙ አሜን🙏 | 317 |
| 11 |  لا يوجد نص... | 331 |
| 12 | ዛሬ ሰኔ 5 የፃድቁ አባታችን የአቡነ ገብረ መንፈስ ቅዱስ ወርሃዊ መታሰቢያ ነው። እንኳን አደረሰን አደረሳችሁ🙏
አባታችን ገብረ መንፈስ ቅዱስ ከአባታቸው ከቅዱስ ስምኦን ከእናታቸው ከቅድስት አቅሌሲያ በገብርኤል ብስራት መጋቢት 29 ተፀንሰው፣ ታህሳስ 29 በደቡባዊ ግብፅ በንሂሳ አውራጃ ተወለዱ። ከእናት ከአባታቸው ጋር ሶስት ዓመት ከኖሩ በኋላ መላዕክት እየመሩት ወደ ገዳም ወጣ የእናቱን ጡት አልጠባም የዚህን ዓለም ጣዕም አላወቀም።
በዛም በብርድና በሀሩር ሳይበገሩ፣ እንደ ሰማይ ወፍ ሳይዘሩና ሳያጭዱ፣ ልብስ ሳይለብሱ፣ ከሰው ተለይተው ለፈጣሪ እየተገዙ ለ300 ዓመት ቆዩ ከዛም ወደ አስራት ሀገራቸው ኢትዮጵያ በመምጣት በዝቋላና በምድረ ከብድ በታላቅ ተጋድሎ 262 ዓመት እህል ሳይበሉ፣ ውሃ ሳይጠጡ ኖረዋል። 100 ዓመት የኢትዮያን ህዝብ ማርልኝ ብለው በዝቋላ ሀይቅ ቁልቁል ተዘቅዝቀው ፀልየዋል። በምድር ላይ እንደ ሰው ሳይሆን እንደ መላዕክት ኖሩ።
ንዑድ ክቡር አባታችን ገብረ መንፈስ ቅዱስ ከዚህ ከኀላፊው ዓለም በሞት የሚለይበት ቀን በደረሰ ጊዜ ታመመ ብዙ ስውራን ባህታውያን ወደ እርሱ መጡ ስማቸውም ፍሬ ቅዱስ፣ ዘርዐ ብሩክ፣ያዕቆብ፣ብንያም፣ዮሴፍ ይባላል። አባታችን ታመውም ቢሆን የአምላክን ምስጋና እና ለኀጥአን ምህረትን ከመለመን አላቋረጡም።
ሌሊት ስድስት ሰዓት በሆነም ጊዜ ከሰማይ ታላቅ የነጎድጓድ ድምፅ ተሰማ። ጌታችን ኢየሱስ ክርስቶስ እመቤታችን ድንግል ማርያምን ፣አስራ ሁለቱን ሐዋርያት፣አስራ አምስቱን ነቢያት፣ በመከራው የመሰሉት ሰማዕታትን ፣አገልጋዮቹ ፃድቃንንና መላዕክቱንም አስከትሎ ወደ አባታችን መጣ።
ጌታችንም የታመንክ አገልጋዬ ለስምህ መታሰቢያ ቃልኪዳኔን አፀና ዘንድ እነሆ ወደ አንተ መጣሁ አለው መታሰቢያህን ያደረገውን ፣ስምህን የጠራውን፣በፀሎትህ የተማመነው፣የገድልህን መፅሀፍ የፃፈውን፣ያፃፈውን፣ያነበበውን፣ በፅኑ ልብ አምኖ የሰማውን ሁሉ፣ እስከ ዘላዓለም ድረስ በማይጠፋ በሰማያት ባለ በህይወት መጽሀፍ እኔ ስሙን እጽፋለሁ።
ለቤተክርስትያንህ መባ የሚያገባውን ይኸውም ስንዴ፣ዘይት፣እጣን፣ዘቢብ፣ ሌላውንም ንዋየ ቅድሳት በመታሰቢያህ ቀን ያቀረበውን እኔ ሀጥያቱን ይቅር እለዋለሁ። ተደላ ደስታ በሚደረግበት በሺው ዘመን ከእኔ ጋር አስቀምጠዋለሁ ። ለድሆች፣ ለጦም አዳሪዎች የሚራራውን፣ለተራበ የሚያበላውን፣ለተጠማ የሚያጠጣውን፣ጥቂትም ቢሆን ብዙም ቢሆን በአንተ ስም አምኖ ይህን ሁሉ ያደረገውን፣ እኔ በመንግስተ ሰማያት የህይወትን እንጀራ ከአንተ ጋራ አበላዋለሁ።
በአንተ ስም የታረዘውን የሚያለብስ፣ የተቸገረውን የሚረዳ፣በመታሰቢያህ ቀን ያዘነውን የሚያረጋጋ፣ባለጽጋም ቢሆን፣ ድሃም ቢሆን፣ ሀጥያቱ የበዛም ቢሆን ሀጥያቱን ትቶ በፀሎትህ ከታመነ የቀደመ በደሉን አላስብበትም፣ የእዳ ደብዳቤውን እደመስስለታለሁ እንዳልበደልም አደርገዋልሁ።
ዝክርህን የሚያደርገውን ብቻ የምምርልህ አይደለም እስከ አስራ አምስት ትውልድ ድረስ እምርልሃለሁ እንጂ። ዳግመኛም ለሌሎች ቅዱሳን ያልተሰጠውን ቃል ኪዳን እሰጥሃለሁ መታሰቢያህን ዝክርህን የሚያደርግ፣ እናት አባቱ ሙተው ወደ ሲኦል ከወረዱ በኋላ ከሲኦል አውጥቼ ነፍሳቸውን ለአንተ እሰጥሃለሁ አለው።
ከእንግዲስህ ወዲህ ወደ ብርሃን ቤቶች ግባ 12 የብርሃን አክሊልም ሰጠው ከዚ በኋላ ከእርሱ ተሰወረ። በጴጥሮስና በጳውሎስ በዓል በመጋቢት አምስት እሁድ ቀን አረፈ። የመላዕክት ሰራዊትም በክብር፣ በብዙ ምስጋና፣በዕልልታ በነጋሪት ድምፅ ወደ ብርሃን ቤቶች ነፍሱን አስገቧት። በአርያምም ታላቅ ደስታ ሆነ።
የጌታችን የመድኀኒታችን የኢየሱስ ክርስቶስ ይቅርታውና ቸርነቱ፣ የአባታችን የገብረ መንፈስ ቅዱስ በረከቱና ረድኤቱ በእኛ በልጆቹና በመላው ህዝበ ክርስትያን እንዲሁም በሀገራችን በኢትዮጵያ፣ ለዘለዓለሙ ፀንቶ ይኑር ። አሜን! 🙏
ምንጭ፡- ገድለ አቡነ ገብረ መንፈስ ቅዱስ | 293 |
| 13 |  لا يوجد نص... | 325 |
| 14 | ዛሬ ሰኔ 1 የፃድቁ አባታችን የቅዱስ ዮሴፍ ዓመታዊ የእረፍት በዓል ነው ። እንኳን አደረሰን አደረሳቹ🙏
ዮሴፍ ቅዱስ ያዕቆብ ከራሄል ከወለደችው ሁለት ልጆች አንዱ ሲሆን ቅን፣ታዛዥና የፍቅር ሰው ስለነበር አባቱ ያዕቆብ ከሌሎች ወንድሞቹ አብልጦ ይወደው ነበር።
ወንድሞቹም በዚህና እግዚአብሄር ገልጦለት ባየው ህልም ሊነግስብን ነው ብለው ቀኑበት። እሱን ሚያጠምዱበትንም ጊዜ ነው ቦታ ይጠብቁ ነበር። አንድ ቀን ወንድሞቹ ከብቶቻቸውን ለማሰማራት ርቀው ሄዱ። አባታቸው ያዕቆብም የልጆቹን ደኅንነት ለማወቅና ምሳ እንዲያደርስላቸው ዮሴፍን ላከው። ዮሴፍም የአባቱን ትእዛዝ በደስታ ተቀብሎ ሄደ።
ከሩቅ ሲመጣ ያዩት ወንድሞቹ ግን የፍቅር እጃቸውን አልዘረጉለትም። ይልቁኑ "ያ ባለ ህልም መጣ፤ ኑ እንግደለውና ህልሙ ምን እንደሚሆን እንይ!" ተባባሉ።
በመጨረሻም፣ ሊገድሉት የነበረውን አሳብ አሻሽለው ልብሱን ገፈፉትና ውኃ በሌለበት ጥልቅ ጉድጓድ ውስጥ ጣሉት። ከዚያም ወደ ግብፅ ለሚጓዙ ነጋዴዎች በሃያ ብር በባርነት ሸጡት።
የአባታቸውን ልብ ለመስበር ደግሞ፣ የአንድ ፍየል ደም አርደው የዮሴፍን ቀሚስ በደሙ ለወሱት። ወደ አባታቸው ተመልሰው "ይህችን አገኘናት፤ የልጅህ ቀሚስ እንደሆነች እወቅ" አሉት። ያዕቆብም ልብሱን አውቆ "ክፉ አውሬ በላው! " እያለ ምርር ብሎ አለቀሰ፣ ሊጽናናም አልፈለገም።
ዮሴፍ በወንድሞቹ ተሸጦ በግብፅ ምድር በጲጢፋራ ቤት ገባ። ነገር ግን ዮሴፍ በሄደበት ሁሉ አንድ የማይለየው ነገር ነበር እርሱም የእግዚአብሔር አብሮነት ነው። ዮሴፍ በጲጢፋራ ቤት ሲያገለግል ተራ ሰራተኛ አልነበረም። ስራውን በታማኝነት፣ በትጋት እና በቅንነት ያከናውን ነበር። ጌታው ጲጢፋራ እግዚአብሔር ከዮሴፍ ጋር እንደሆነና በእጁም የሚደረገው ሁሉ እንደሚከናወን ባየ ጊዜ፣ የቤቱን ኃላፊነትና ያለውን ንብረት ሁሉ ለዮሴፍ አሳልፎ ሰጠው። ዮሴፍ ለጌታው ታማኝ ነበር፤ ቤቱንም እንደራሱ ቤት ይንከባከባል።
ዮሴፍ ሥልጣንና ክብር አገኘ፤ ነገር ግን ከበረከት ጋር ፈተናም አብሮ መጣ። የዮሴፍ ውበትና መልከ መልካምነት የጌታውን ሚስት ቀልብ ሳበ። በየቀኑ ኃጢአት እንዲሰራ፣ ታማኝነቱን እንዲያጎድልና ፈጣሪውን እንዲበድል በየቀኑ ትወተውተው፣ታባብለው ነበር።
ዮሴፍ ራሱን ሊያሳምን ይችል ነበር። “ማንም አያውቅብኝም... ከቤቴ ርቄያለሁ... ቀድሞውኑ ተበድያለሁ... ለምን ትንሽ ደስታ አላገኝም?” ሊል ይችል ነበር። እሷ በምትገፋፋው ሰዓት ግን ዮሴፍ እንዲህ አለ፦
"ጌታዬ የቤቱን ኃላፊነት ሁሉ ለእኔ ሰጥቶኛል... ካንቺ በቀር በእኔ ላይ ያልተወው ነገር የለም። ታዲያ እኔ እንዴት እንዲህ ያለ ክፉ ነገር አደርጋለሁ? በእግዚአብሔር ፊትስ እንዴት ኃጢአት እሠራለሁ?" (ዘፍጥረት 39:9)
አንድ ቀን በቤቱ ውስጥ ማንም በሌለበት ወቅት ልብሱን ይዛ በሀይል ጎተተችው። በዚያች ቅጽበት ዮሴፍ የወደፊት እጣ ፈንታውን የሚወስን ውሳኔ ወሰነ። ሮጠ! ልብሱን ጥሎላት ሸሸ፤ ክብሩንና ማንነቱን ግን ይዞ ወጣ።ዮሴፍ ለሰው ሳይሆን ለእግዚአብሔር ታማኝ ነበረ። ኃጢአትን የሸሸው ሰው ስለሚያየው ሳይሆን፣ የልብን የሚያይ አምላክ አብሮት እንዳለ ስለሚያውቅ ነው።
በንዴትና በውርደት የተሞላችው የጲጢፋራ ሚስት በሀሰት ከሰሰችው። ትቶት የሄደው ልብሱ በእርሱ ላይ እንደ ማስረጃ ቀረበ። ንጹሑ ዮሴፍ ወደ ወህኒ ተጣለ። ታማኝነቱ ዋጋ ያስከፈለው ቢመስልም፣ እግዚአብሔር ግን በወህኒ ቤትም ቢሆን ከእርሱ ጋር ነበር ።ውድቀት የመሰለው ነገር በእውነቱ ወደ ቤተ-መንግሥት የሚወስደው የእግዚአብሔር መንገድ ነበር። እስር ቤቱ ለንግሥናው መሰላል ሆነለት።
ንጉሡ ፈርዖን ማንም ሊፈታው ያልቻለውን ሁለት አስጨናቂ ህልሞች አየ። ሰባት የከሱ ላሞችሰባቱን የሰቡ ላሞች ሲውጧቸው፤ እንዲሁም ሰባቱ የጠወለጉ እሸቶች፣ ሰባቱን መልካም እሸቶች ሲውጧቸው አየ። በዚህ ጊዜ የጠጅ አላፊው በወህኒ ቤት ህልም ፈትቶለት የነበረውን ዕብራዊውን ወጣት ዮሴፍን አስታወሰው።
ዮሴፍ ከወህኒ ቤት ፈጥኖ ወጣ በንጉሡ ፊትም ቆመ። ህልሙንም እንዲህ ሲል ፈታው፡ "እግዚአብሔር ሊያደርገው ያለውን ለፈርዖን አሳይቶታል። ሰባቱ መልካም ዓመታት በግብፅ ምድር ታላቅ ጥጋብ ይሆናል፤ ከዚያ በኋላ ግን ምድሪቱን የሚያጠፋ ሰባት ዓመት የረሃብ ዘመን ይመጣል። ስለዚህ ንጉሥ ሆይ፣ ጥበበኛ ሰው ፈልገህ በግብፅ ላይ ሹም፤ በጠገቡት ዓመታትም እህል አከማች" አለው።
ፈርዖንም በዮሴፍ ጥበብ ተደንቆ ከፈርዖን ቀጥሎ የግብፅ ጠቅላይ ገዥና ባለሥልጣን አደረገው። ዮሴፍም እህልን በጎተራ አከማችቶ ግብፅንና አካባቢዋን በሙሉ ከሚመጣው ከባድ የረሃብ ዘመን አዳናቸው።
የረሃብ ዘመኑ በመላው ዓለም በረታ። በከነዓን ምድር የነበረው ያዕቆብና ልጆቹም የሚበሉት አጡ። ያዕቆብ በግብፅ እህል መኖሩን ሰምቶ፣ የዮሴፍን ታናሽ ወንድም ብንያምን አስቀርቶ፣ አስሩን የዮሴፍን ወንድሞች እህል እንዲሸምቱ ወደ ግብፅ ላካቸው። ወንድሞቹ ግብፅ ደርሰው በምድሪቱ ገዥ ፊት ተደፉ። እነርሱ የሸጡትን ወንድማቸውን ጨርሶ አላወቁትም፤ እርሱ ግን ወዲያውኑ አወቃቸው።
ሊበቀላቸው ግን አልፈለገም። ማንነቱን ከመግለጡ በፊት ግን በልባቸው ተጸጽተው እንደሆነ ለማወቅ በተለያየ መንገድ ፈተናቸው። በመጨረሻም ወንድሞቹ ላደረጉት በደል እርስ በርሳቸው ሲጸጸቱና ለታናሽ ወንድማቸው ለብንያም ሲጨነቁ ሲያይ፣ የፍቅር ልቡ መቋቋም አልቻለም።
የግብፅ ባለሥልጣናትና አገልጋዮች ሁሉ እንዲወጡ ካደረገ በኋላ፣ ድምፁን ከፍ አድርጎ አለቀሰ። "እኔ ወንድማችሁ ዮሴፍ ነኝ! አባቴ በህይወት አለን?" አላቸው። ወንድሞቹ በድንጋጤ ክው ብለው ቀሩ። ዮሴፍ ግን ወደ እርሱ አስጠግቶ እንዲህ አላቸው፡ "ወደዚህ ስለሸጣችሁኝ አትዘኑ፣ አትቆጩም፤ ህይወትን ለማዳን እግዚአብሔር ከእናንተ በፊት ወደዚህ ሰዶኛልና። ክፉ ነገርን አሰባችሁብኝ፣ እግዚአብሔር ግን ዛሬ እንደሆነው ሁሉ ብዙ ህዝብ እንዲድን ለመልካም አደረገው።"
ዮሴፍ ክፋት ላደረጉበት ወንድሞቹ ፍጹም ይቅርታን አደረገላቸው። አቅፎም ሳማቸው። ከዚያም አባቱን ያዕቆብንና መላው ቤተሰቡን ወደ ግብፅ አስመጥቶ፣ በለመለመውና ምርጥ በሆነው የጎሸም ምድር እንዲቀመጡ አደረገ፤ በረሃቡም ዘመን ሁሉ መገባቸው።
ቅዱስ ዮሴፍ በመንገዱ ሁሉ እግዚአብሔርን አስደስቶ፣ ከአባቱ ያዕቆብም ምርቃትና በረከትን ተቀብሎ፣ በ110 ዓመቱ በመልካም ሽምግልና በዚች ቀን በክብር አርፏል።
የፃዱቁ አባታችን የቅዱስ ዮሴፍ በረከትና አማላጅነት ከሁላችን ጋር ይሁን! አሜን🙏 | 270 |
| 15 |  لا يوجد نص... | 359 |
| 16 | ዛሬ ግንቦት 25 የጻድቁና ሰማዕቱ አቡነ አቢብ (አባ ቡላ) ወርሃዊ መታሰቢያ ነው። እንኳን አደረሰን አደረሳችሁ🙏
በ13ኛው ክፍለ ዘመን በሮሜ ሀገር የኖሩት ደጎቹ ባልና ሚስት አብርሃምና ሐሪክ፣ በወቅቱ በነበረው ከሃዲ ንጉሥ ስደት ቢበረታባቸውም ልጅ በማጣታቸው ዘወትር በጾምና በጸሎት ፈጣሪያቸውን ይለምኑ ነበር።
እግዚአብሔርም ጸሎታቸውን ሰምቶ በነገራቸው መሠረት መልኩ ከብርሃን ይልቅ የሚያበራ ወንድ ልጅ ሰጣቸው። እናቱ በፀነሰች ጊዜ በቤታቸው አደባባይ የበቀለው ታላቅ ዛፍ ቅጠል ላይ “የእግዚአብሔር አገልጋይ ቡላ” የሚል የዕብራይስጥ ጽሕፈት ተገኝቶ ነበር።
ሕፃኑ የአንድ ዓመት ልጅ ሳለ፣ እመቤታችን ድንግል ማርያም ለሊቀ ጳጳሳቱ ተገልጣ ባዘዘችው መሠረት የክርስትና ጥምቀት ተጠመቀ፤ ስሙም “ቡላ” ተባለ። በዚያው ዕለት ከሰማይ የቊርባን ኅብስትና ወይን ወርዶ ሲቀደስ፣ ሕፃኑ ቡላ አንደበቱ ተከፍቶ ስለ ቅድስት ሥላሴ አንድነትና ሦስትነት በጥልቅ ምስጢር መሰከረ።
በ10 ዓመቱ ወላጆቹን ያጣው ሕፃኑ ቡላ፣ ሕዝቡ ለጣዖት እንዲሰግድ የሚያስገድድ መኮንን በመጣ ጊዜ በፊቱ ቆሞ ጣዖታቱን ረገመ። በዚህም ምክንያት ሥጋውን ሰነጣጥቀው ቆዳውን ገፈፉት፣ እጅና እግሩን በመጋዝ ቆረጡት፣ከነፋስ መንኮራኩር ውስጥ ጨምረው በመንገድ ላይ ጎተቱት።ይሁን እንጂ በሊቀ መላእክት ቅዱስ ሚካኤል ረዳትነት በተአምር ይድን ነበር። በኋላም ሌላ መኮንን ራሱን በሰይፍ እንዲያስቆርጠው ቢያደርግም፣ ቅዱስ ሚካኤል ከሞት አስነስቶ የምንኩስና ልብስና አስኬማ አለበሰው።
ከዚያም ወደ ደረቅ ተራራ በመሄድ በታላቅ ተጋድሎ መኖር ጀመረ። የኢየሱስ ክርስቶስን መከራ እያሰበ ከረጅም ዕንጨት ላይ ራሱን ወደ ታች ይወረውር ነበር። በአንድ ወቅት ሰይጣን በቅናት ተነሥቶ በዛፍ ላይ ሲወረወር ቢገድለውም፣ ጌታችን አስነስቶት “የብዙዎች አባት ትሆናለህና ከእንግዲህ ስምህ ቡላ ሳይሆን አቢብ ይባል” አለው።
አቡነ አቢብ ለ42 ዓመታት ያህል እህልና ውኃ ሳይቀምሱ፣ ለ12 ወራትም በራሳቸው ተተክለው በመጸለያቸው ናላቸው ፈስሶ አለቀ። በመጨረሻም የጌታን ሕማም እያሰቡ ሰይፍ ተክለው ከዕንጨት ላይ በመውደቅ ሲያርፉ፣ እመቤታችን መጥታ በከበሩ እጆቿ ዳስሳ አስነሳቻቸው።
በጥቅምት 25 ቀን ከዚህ ዓለም ድካማቸው የሚያርፉበት ጊዜ ሲደርስ፣ ጌታችን ክርስቶስ ተገልጦ እንዲህ አላቸው።
“ወዳጄ አቢብ ሆይ፥ በማያልቅ ተድላ ደስታ ደስ አሰኝህ ዘንድ ወደ እኔ ና፤ ስምህን ለሚጠራ መታሰቢያህን ለሚያደርግ እኔ ኃጢአቱን አስተሠርይለት ዘንደ በራሴ ማልኩልህ፤ ወይም ለተራቆተ የሚያለብሰውን፣ ለተራበም የሚያጠግበውን፣ ለተጠማ የሚያጠጣውን፣ የገድልህን መጽሐፍም የሚጽፈውን ወይም የሚያነበውንና የሚሰማውን፣ በጸሎትህም የሚታመኑትን ሁሉ እስከ ዐሥር ትውልድ እምራቸዋለሁ፤”
ዳግመኛም ታላቅ የምሕረት ቃል ኪዳን ሰጣቸው
ጻድቁ አቡነ አቢብ ሰው ሁሉ ሳይመገብ አይውልምና በተመገበ ጊዜ ስማቸውን የጠራውን እንዲምርላቸው ለመኑ። ጌታችንም ለሰዎች ያላቸውን ፍቅር አድንቆ፦ “ከማዕድ በኋላ ‘ስብሐት’ ተብሎ የተረፈውን ‘በእንተ አቡነ አቢብ’ (ስለ አቡነ አቢብ) እያለ ሦስት ጊዜ ቀምሶ የለመነኝን ሁሉ እምርልሃለሁ” አላቸው። አልፎ ተርፎም ያልተጠመቀ አረማዊ እንኳ በዚህ ስም ቢማጸን፣ ወደ ቀናች እምነት ሳይመራ በሞት እንደማይወሰድ ቃል ገባላቸው።
በመጨረሻም ጌታችን ነፍሳቸውን በክብር ስሞና በደረቱ አቅፎ ወደ ሰማያዊቷ ኢየሩሳሌም አወጣት።
ዛሬም ምእመናን ከተመገቡ በኋላ ዘወትር ሦስት ጊዜ “በእንተ አቡነ አቢብ” እያሉ በመቅመስ ከበሽታና ከኃጢአት ይፈወሳሉ። የጻድቁና ሰማዕቱ የአቡነ አቢብ ረድኤትና በረከት ከሁላችን ጋር ይሁን! አሜን🙏
ምንጭ: ገደለ አቡነ አቢብ | 321 |
| 17 |  لا يوجد نص... | 392 |
| 18 | ዛሬ ግንቦት 14 ሙሽራው ገብረ ክርስቶስ ዓለምን፣ ንግሥናንና የጫጉላ ቤትን ንቆ የክርስቶስን መስቀል ለመሸከም ከቤት የወጣበት ዕለት ነው። እንኳን አደረሰን አደረሳቹ🙏
ቅዱስ ገብረ ክርስቶስ የቁስጥንጥንያው ንጉሥ ቴዎዶስዮስ እና የንግሥት መርኬዛ ብቸኛ ልጅ ነበር። በምግብና በሃይማኖት ተንከባክበው አሳደጉት። ለአካለ መጠን ሲደርስም፣ የአባቱን መንግሥት እንዲወርስ አስበው የሮሙን ንጉሥ ልጅ አጋቡት።ነገር ግን እርሱ የሰማዩን ንግሥና እንጂ የምድሩን አላለመም! በሠርጉ ዕለት ሌሊት፣ እርሱም ሆነ ሙሽራይቱ ድንግልናቸውን እንደጠበቁ፣ የጫጉላ ቤቱን ጥሎ በምስጢር ወጣ።
ቅዱሱ ንግሥናውንና ሃብቱን ጥሎ ወደ ሩቅ ሀገር ተሰደደ። በቤተክርስቲያን ደጅ ወድቆ ከነዳያን ጋር መኖር ጀመረ። የሚለምነውንና የሚያገኘውን ሁሉ ለሌሎች እየመጸወተ፣ በጾምና በጸሎት ለ15 ዓመታት በተጋድሎ ኖረ።የእግዚአብሔር ምስጢር ሲገለጥና ጽድቁ በሰው ዘንድ መታወቅ ሲጀምር፣ "ውዳሴ ከንቱን ልሽሽ" ብሎ በድጋሚ በመርከብ ተሳፈረ። ነገር ግን የእግዚአብሔር ፈቃድ ሌላ ነበር፤ መርከቢቱ ሳታስበው ወስዳ የአባቱ ደጅ ላይ ጣለችው!
ገብረ ክርስቶስ ወደ ቤተሰቦቹ ቤት አልገባም፤ ማንነቱንም አልገለጠም። ይልቁንም በአባቱ ደጅ እንደ መጻተኛ ወድቆ፣ ለአባቱ ውሾች የሚሰጠውን ፍርፋሪ እየተመገበ ሌላ 15 ዓመታት ኖረ! የአባቱ አሽከሮች እጣቢና ቆሻሻ ይደፉበት ነበር። እርሱ ግን ሁሉን በትዕግሥት ቻለ። የሰው ልጅ ጨክኖበት ቆሻሻ ሲደፋበት፣ የአባቱ ውሾች ግን መጥተው የእግሩን ቁስል ይልሱለት ነበር! በአጠቃላይ ለ30 ዓመታት ሙሉ (15 ዓመት በስደት፣ 15 ዓመት በአባቱ ደጅ) ስለ ክርስቶስ ፍቅር ሲል ራሱን አዋረደ።
በመጨረሻም ጌታችን ከቅዱሳን መላእክትና ጻድቃን ጋር ተገልጦ ታላቅ ቃልኪዳን ሰጠው፤ ክብርት ነፍሱንም በክብር ተቀበለ። ያረፈ ዕለት(ጥቅምት 14) በቁስጥንጥንያ ሊቀ ጳጳስ አባ ቴዎፍሎስ መሪነት ሥጋው ሲፈለግ፣ በአባቱ ደጅ ወድቆ ተገኘ። በእጁ ላይ በጥብቅ የተያዘች ጥቅል ወረቀት ነበረች። ከብዙ ጸሎት በኋላ ወረቀቱ ከእጁ ተለቆ ሲነበብ፣ ገብረ ክርስቶስ ስለ አምላኩ ፍቅር በአባቱ ደጅ ያሳለፈውን መከራ ራሱ በዝርዝር የጻፈው ታሪኩ ኖረ!
ንጉሥ አባቱና እናቱ ይህንን ሲሰሙ ኀዘናቸው ወሰን አጣ። ይበልጥ የሚያስገርመው ግን፣ ያቺ በሠርጉ ዕለት የተዋት የሮሙ ንጉሥ ልጅ (ሙሽራይቱ) ለባሏ ታማኝ ሆና፣ 30 ዓመታት ሙሉ በእናትና አባቱ ቤት ስትጠብቀው መኖሯ ነበር! ታሪኩን ስትሰማ ልቧ በኀዘን ተሰበረ።
ሊቃውንት እንዲህ ይላሉ "ሁለት ዓይን የተሰጠን በአንዱ የራሳችንን፣ በሌላው የሌላውን ለማየት ነው። ሁለት ጆሮ የተሰጠን በአንዱ የራሳችንን፣ በሌላው የሌላውን ለመስማት ነው። ሁለት እጅ የተሰጠን በአንዱ ለመስጠት፣ በሌላው ለመቀበል ነው። ሁለት እግር የተሰጠን በአንዱ ወደ ራሳችን፣ በሌላው ወደ ሌላው ለመሄድ ነው።"
የሙሽራው ገብረ ክርስቶስ ታሪክ ስለ ፍቅር፣ ስለ ትዕግሥትና ስለ መለገስ ያስተምረናል። እኛስ ለሌሎች የምንሰጥበት፣ የሌሎችን ችግር የምናይበት ልብ አለን?
የጻድቁ አባታችን የሙሽራው ገብረ ክርስቶስ ረድኤትና በረከት ከሁላችን ጋር ይሁን! አሜን🙏 | 367 |
| 19 |  لا يوجد نص... | 351 |
| 20 | ዛሬ ሚያዚያ 29 ከሌሎች ቅዱሳን ለየት ያለ ታሪክ ያላቸው የአቡነ ፄዋ ለጽድቅ ወርሃዊ መታሰቢያ ነው። እንኳን አደረሰን አደረሳቹ🙏
አቡነ ፄዋ ለጽድቅ ከመጠመቃቸውና ወደ ቅድስና ከመምጣታቸው በፊት ስጋ ለበስ የአየር አጋንንት ነበሩ። ስማቸውም "መጥቆራ" ይባል ነበር።የአቡነ ፄዋ ለጽድቅ አባት "ፈረጎ" የተባለ የአየር አጋንንት ሲሆን እናቱ ደግሞ "ሰዓሪተ ሰንበት" የምትባል ኃጢአተኛ ሴት ነበረች።
በመንገድ ስትሄድ ደክሟት አረፍ ባለችበት ያ የአየር አጋንንት ተገናኝቷት "መጥቆራ" የተባለውና ሁለት ክንፍ ያለው ኃይለኛ ጋኔን ተወለደ። መጥቆራም እንደ አባቱ በአየር እየበረረ የክፋት ሥራን ይሠራ ነበር።
በዘመኑ የነበሩት ታላቁ አባታችን አቡነ ተክለሃይማኖትና አቡነ ዜና ማርቆስ ወንጌልን ሲሰብኩና ለፀሎት ሲቆሙ ይህ ጋኔን እጅግ ይፈትናቸው ነበር። ሆኖም ወደ ፈጣሪ ፀልየው በመስቀሉ ቢያማትቡበት ተንቀጥቅጦ ከእግራቸው ሥር ወደቀ፤ በጻድቃኑ ፊት ቀርቦም "ምን ላድርግ? እንዴትስ ድኅነት አገኛለሁ?" ብሎ ጠየቀ።
ንስሃ ገባ ከዚያም በአቡነ ዜና ማርቆስ ገዳም (ደብረ ብስራት) እየታዘዘ፣ የሰው ልጅ ሊሠራው የማይችለውን ከባድ ሥራ መሥራት ጀመረ።ይህ ለአጋንንት ፍጥረት የማይታሰብና የማይቻል የሚመስል ነገር ነበር። ነገር ግን በእግዚአብሔር ዘንድ ሁሉ ይቻላል። አቡነ ተክለ ሃይማኖትና አቡነ ዜና ማርቆስ መጥቆራ ወደ ሰው አርአያነት እንዲመለስ ወደ ፈጣሪ ለመኑ።
አምላክም ልመናቸውን ሰምቶ፣ በሰው ክንድ 140 የነበረው ቁመቱ ተለወጠ፤ መልኩም የቀዳማዊ አዳምን መሰለ። ከዚያም በሥላሴ ስም ተጠምቆ "ፄዋ ለጽድቅ" (ለጽድቅ የተማረከ) የሚል ስም ተሰጠው።
"ጋኔን እንዴት ሰው ይሆናል?" ለሚሉ መጽሐፍ ቅዱስ ንጉሥ ናቡከደነጾር በትዕቢቱ ምክንያት ወደ እንስሳነት ተለውጦ ቆይቶ፣ በንስሐ ሲመለስ እግዚአብሔር ወደ ቀድሞ የሰው ባሕርይው እንደመለሰው ይነግረናል (ዳን 4፡28-37)። መሐሪው አምላክ መጥቆራንም ይቅር ብሎ ለጽድቅ አበቃው።
አቡነ ፄዋ ለጽድቅ ከተጠመቁ በኋላ ከአቡነ ተክለሃይማኖትና ከአቡነ ዜና ማርቆስ ዘንድ እየተማሩና እያገለገሉ በታላቅ ተጋድሎ ኖሩ። ከቀድሞው ክፉ ግብራቸው ሙሉ በሙሉ ተለይተው፣ የትሕትና፣ የፍቅርና የጸሎት አባት ሆኑ። ህዳር 29 ተጋድሏቸውን ጨርሰው አረፉ። ስርዓተ ቀብራቸውም በኢትዮጵያ በሚገኘው በእንደቅላላ አቡነ ፄዋ ለጽድቅ ገዳም ተፈፀመ።
ጌታችንም ስለ ተጋድሏቸው ፅኑ የምህረት ቃል ኪዳን ሰጣቸው "በመጨረሻው ዘመን ክብራቸው የሚገለጠውና ለሰው ልጆች ድኅነት የሚሆኑት" ተብለው ትንቢት ተነገረላቸው። ይህ ቃል ኪዳን ጻድቁ በዓለም መጨረሻ ላይ ለሰው ልጆች የመዳን ምክንያት መሆናቸውን ያሳያል።
ጋኔን እንኳ ንስሐ ገብቶ ለጽድቅ ከበቃ፣ እኛ የሰው ልጆች ተስፋ የምንቆርጥበት ምን ምክንያት አለን? የአባታችን ታሪክ የእግዚአብሔርን ወሰን የሌለው ምሕረትና ንስሐ ለመግባትና ወደ እግዚአብሔር ለመመለስ ለማንኛውም ፍጥረት ጊዜው እንዳልረፈደ ትልቅ ማሳያ ነው።
የጻድቁ አቡነ ፄዋ ለጽድቅ ረድኤትና በረከት፣ የአባቶቻችን የአቡነ ተክለሃይማኖትና የአቡነ ዜና ማርቆስ ምልጃ አይለየን አሜን🙏 | 294 |
