intern-itis | سواليف 🥼

انا انتيرن في البحرين وامشي معاي قلوفز وكل الأدوات 😂 ولمدة شهر الاستشاري كان مفكرني جونيور معاهم 👏🏻 ماعرف نظام السعودية لكن فالبحرين احنا نسوي الكونسولتيشن والنوت و نروح مع المريض وناخذ اي بي جي وندخل العمليات ونعرض الحالة للاستشاري ونسوي كلوزنق راوند بروحنا عشان نشوف شنو صار للمريض وشنو الشغل الي ما تسوى وعندنا بصمة ما نقدر نمشي قبل الدوام ✌🏻بس والله اني تعلمت وايد محد كان يشرح الا نادرا بس مع الشغل ابحث واراجع واتعلم والحمدلله تعلمت والقسم الوحيد الي ما تعلمت منه شيء بسبب كثرة الكرف هو المدسن + مسموح لنا سكليف ٥ ايام بس ويمكن الي يقرأ الكلام يحس الوضع صعب وهو صج صعب لكن والله انك تتعلم وتشوف حالات وتكون مهيء لبيئة العمل وما تنصدم بالواقع في الرزدنسي

أنا متخرجة من كوريا و من جدا القليلين اللي تخرجو، قلهم اجلسو في السعودية ابرلكلهم. صحيح مستوى الدولة قوي و عالي، بس تعب و مشقة بشكل غير طبيعي. يعني تاخذ ١٢ اونكول في الشهر و كوريا ما في شي اسمه بوست كول، ذا دلع عندكم في السعودية. يعني إذا تبي تشتغل زي الروبوتات روح كوريا. و إذا ما تعرف اللغة ما راح تتعلم شي زين، حتى لو قالولك بالانجليزي كذابين كل شي بالكوري، من الراونذ الى المرضى و ما في احد يتكلم انجليزي لا استشارين و لا ممرضات، يعني تروح زي الاطرش في الزفة. بس الدولة جداااااااا حلوة جنان

ليه شادينها اسعدكم المولى؟؟ سواله صحيح ١٠٠٪؜ مثلا مذاكره باطنه غير عن تخصص جراحه وكل واخد يشوف وين هو مو يدخل تخصص وهو عارف قدراته ماتناسبه انا حطيت اكس كبير ع باطنه بسبب مذاكره تبعها فعاديي ذا الشي الي مفروض يسير لاتبلي خلق ربي

مافيه شيء اسم م اذاكر الطب طول الحياه مذاكره واطلاع الطب متجدد كل سنه ولازم الشخص يكون مُلم بكل جديد في تخصصه من غير اختبارات البارت من غير الحالات م تبي تكمل انسحب من الطب

نزل سؤالي مع ان ما قد شفت احد يسأل نفس سؤالي ! وش التخصصات الي ما تحتاج مذاكرة كثيرة ؟ انا اذاكر ساعات طويلة و درجاتي الحمدلله حلوة ومعدلي حلو بس ما اتخيل حياتي بقعد كذا مذاكرة! و اعشق الكرف راضيه اقعد اونكول او اشتغل بدنيا بدل المذاكرة و بالامتياز تأكدت من ذا الشيء كملل ما يتقارن بالملل لما اقعد بالمكتب يوميا ٦ او ٨ ساعات اذاكر بشكل يومي ، و smle قفلت عليه و لي اسبوع مبسوطة بالدوام ارجع بس اقرا الحالات ساعة ساعتين و اكمل يومي مع اهلي

و الله فيني صيحه اااااالان بالقسم. هذا ثاني اسبوع بالتخصص اللي احبه سنوات بدون مااجربه بس احس مو انا ابدا ابدا فيه شي مختلف عليه و كأني كنت طول الوقت ماعرف نفسي و ويش ابغى 😢 ودي الحين ادفن راسي و ارجع افكر وش ابي فعلا ماعرف وش اسوي بالتقديم و بعد شوي بأنهار لا سيفي و لا اختبار يساعد اروح طوارئ و فاميلي هذي اللي اعجبتني تقريبا 💔💔💔💔💔💔💔💔 تعبت كنت ادعي كل يوم ربي يختار لي احس فشلت

جرب التخصص في سنتر ثاني وقارن هل تشوف نفسك فيه ولا ولازم بلان بي لتخصص مختلف او سيرفس

فبالي حلطومة دوبي رايحة مركز صحي عشان بس اعبي بيانات فحص عام لاني باخذ اتاتش في سنتر وطالبين فحص طبي عام بالدم، والدكتور عرف اني دكتورة وكان غريب اطوار عارف ان سبب جيتي اني بس اعبي بيانات الفحص الطبي واطلع وبس وهو يسأل ومسوي فيها حريص اللي هل عندك امراض مزمنة؟ 🤔ايش هي؟🤔 ربو 🤔؟ هممم 🤔 طيب وش الادوية اللي تاخذيها 🤔؟ هممم 🤔 يعني تستخدمي بخاخات 🤔؟ هممممم 🤔 وطلع الستاثسكوب يقول بشيك عليك 😐 انا مافيني شي وماستخدمت البخاخات منذ مبطي بس وش اسمي ذالتصرفات الغريبة عجزت اصنفها احسه مختل مادري ليه

آخر وحده ما ابي افتري على أحد ولكن فيه احتماليه إن الإدارة تصرفك ماقد سمعت بحياتي اذا المريض انثى ورفضت تكشف قدام ((ممرض خصوصاً)) ينرفض طلبها وفوقها يقللون أدبهم عليها! شيء غريب الصراحه اسأل الله أن يرد لك حقك عاجلاً غير آجل ويشفيك ويعافيك ويسخر لك جميع خلقه في ذاك المستشفى او غيره

دخلت مره عند دكتوره وانا منقبه فا قالت افتحي وجهك اكشف لك فا قلت لها انه في رجل ممرض معانا ( مو عربي) وانا ما افضل وجوده خصوصا انه لغير الحاجة قالت تمام وكلمته ثم بعد نص ساعه رحت اجيب حاجة تخص الخطة العلاجية ورجعت كان فيه الدكتوره وصاحبتها وهذا الممرض ونفس الشيء قلت لصحبتها لوسمحتي ممكن تكلميه يلف وجهه فا فجاة قامت ترفع صوتها عليا وتقول كذا النظام عندهم ورفضت تكلمه وتقول وجوده ضروري لانه جزء من الستاف مع انه حرفيا الجزء المتبقى ما كان يحتاج اصلا وجوده وصاحبتها تعزز لها واشتكيت لخدمة المرضى ونفس الشيء يقولوا انهم مستشفى حكومي وما عندهم هذا الجزء من الخصوصيه ممكّن تشوفوه موقف عادي لكن اقسم بالله من ذاك اليوم وانا اتحسب عليهم والله اعلم قد ايش حالتي صعبه ومحتاجه علاجها والخاص جدا مكلف وحاولت اجرب مستشفيات حكوميه ثانيه .. لكن الخيره فيما اختاره الله

يالله والله اني دمعت من الرساله حق اللي جدته توفت الله يرحمها ويسكنها فسيح جناته يارب وجميع موتى المسلمين أنا توفت خالتي فجأه قبل فتره وصدق شعور الكتمه هاذي توقعتها بتروح مع الوقت والله الفقد شي مؤلم لو حاولت انسى الصدق يؤلمني اشوف جدتي انطفأ فيها شي وتغيرت مره بعد وفاة خالتي اقسم بالله شي محزن كنت احاول اشغل نفسي واتجاهل التفكير عشان ما ادخل في اكتئاب لكن لكن الله يحسن الخا تمه بس

اللي والدتها تعبانة الله يشفيها ويعافيها ويجعله كفارة باذن الله.. مادري وش شروط الفريز بالضبط ولكن تواصلي مع الRTP بعد القبول النهائي واشرحي وضعك ممكن يوافقون لك تسوين فريز هالسنة، لا تستعجلين بالإنسحاب إذا انقبلتي في رغبتك

اللي أمها تعبانة من السرطان الله يشافيها ويشافي أمي الحال من بعضه وكأنك توصفين وضعي من القبول وكل شي إلى حيرة الدراسة في مكان غير منطقة الوالدة اللهم الحالة المرضية غير وهي ب ICU و كل الأمور تلخبطت في شهر ٦ .. مو عارفة وش أسوي و الحالة المادية ماتسمح أقعد و أشوف اني بالشغل ممكن أبعد الاكتئاب لأني الحين على وشك الاكتئاب و لو قعدت ممكن انغمس بأشد الاكتئاب غير اني ودي اقعد مقابلة أمي واقضي وقت معها اكثر خصوصًا اني من دراستي وانا بجامعة بمنطقة مختلفة💔💔 أحتاج توجيه و نصيحة و دعاااء لماما

بدل الانسحاب ممكن تشرحين للـ RTP وضعك، وتاخذين اجازات ويصير تاخذين الروتيشنات في المدينه الي فيها امك outside rotations

اللي امها تعبانة نصيحة أمك قبل كل شيء خاصة إذا كان مريض خطير وقوي مثل السرطان، البورد ملاحق عليه وربي بيفتحها بوجهك اذا رجعتي لأمك وبريتي فيها وتقدرين تعوضينه لا تفكرين ان فرصك بتضيع أو بتقل ولازم السنة ذي وكأنها نهاية العالم أبدًا. أمك والباقي يهون.

نزل تجربتي. كنت من المعروف عنهم بفصاحة اللسان والمنطق عند تقديم اي عرض والالقاء 10/10 لدرجة ياخذوني اشرح لكلاسات ثانيه من طلاقة شرحي..بعد سنتين بالجامعه وكالعاده بجي اقدم عرض ومستعده ابهرهم الا ولاول مره بحياتي وبعد اول سلايد اتفاجأ بصوتي يختنق ويهتز وينكتم بدون اي مقدمات.. سلامات وشلون ايش صار! طبعا كملت الصدمه مافي مجال للتراجع وزي الحلوه الى نهاية العرض بصوتي المكتوم المهتز المرتجف.. تعرفون الي كنهم شوي ويبكون واول مره يعرضو؟ ايه كذا كنت.. طبعا اسودت الدنيز بوجهي خلاص سرت اخاف من العروض لا يسير فيني زي كذا خصيصا ان حاولت مره ثانيه الا الرجفه والخوف لسا موجودين..حاولت اتعلم بعض الطرق زي اخذ النفس والقراءه بصوت اهدا والطأ بس برضو يطلع صوت الرجفه .. سمعت ببيتا بلوكر وماخذه عنها فكره انها للاشخاص الجبناء الي ما يعرفو يواجهو خوفهم وضعيفي الشخصين وذا اخس ما عندي.. وبحكم دراستنا وعملنا الي كله كيس برزنتيشن وكلام قدام دكاتره واستشاريين يعني شي ينشف الريق بعد.. اضطريت اخذها وليتني اخذتها من البدايه. كنت شوي وابكي باي يوم عندي فيه عرض خوفا من الفشل الي صارلي قبل.. لكن يارب لك الحمد ان دلني عليها.. طبعا في شي مهم مهم مهم.. وجالسه اسويه حاليا.. خذها الاشهر الاولى قبل كل عرض عشان تزيد ثقتك بنفسك وتتطمن وتعرف طريقة الالقاء الصح وانه ما يخوف.. بعدها ابدا جرب تتركها في الكيسير الصغيره قداى التيم حقك مثلا شي بسيط كذا جرب ما تاخذها عشان تتعود وانا ولله الحمد والمنه وصلت لهذي المرحله اقدر الفي قدام مجموعه صغيره بدون تونر الا شوي. وعقبال ما استعيد مهارتي تماما واقطعها نهائي .. دعواتكم لي🙏🏻

انقبلت في البورد وافكر انسحب الوالدة تعبانه من سرطان القولون ومنتشر في الكبد والرئة وجسمها رافض الكيماوي واحس بفقدان امل فضيع ما ابغى اقضي الايام الجايه بعيد عنها ودي اجلس معها لاني انقبلت بورد في منطقة غير منطقتي الي امي ساكنة فيها ماني مبسوطة بشي ودي بس اجلس معها وحولها افكر جديًا انسحب اعطوني رأيكم قولوا لي وش تفكرون كيف اعدي الفترة الجايه

انا كنت داخله الانتيرن عاساس اني صدق اتعلم ومايهمني موضوع اني انترستد او لا الحاصل ان الريزدنت ماخذينها تحدي كل ماقلت لهم معلومه مثلًا بناءًا على دراستنا والكتب يعاكسونها واخر شيء يكونون مو متاكدين بس حب انه يوضحون لك انك فاشل والاحقهم ملاحق وفوق ذا فجاءه يحطوني تحت ضغط اخذ فل هيستوري وهم يقاطعوني وانا لهجه البيشنت صعبه مره يحتاج افهم قبل , ويحبون طلاب الجامعه اللي بمدينتهم بشكل مو طبيعي ويحبون ينادونهم وانا القاهم بالصدفه مع ان رقمي مع كل الريزدنت المهم الفايده انهم لخبطو لي معلوماتي وان رجولي عورتني لاني اوقف كثير ادورهم مابه مكان اجلس به والغبنه اني اغتربت اصلًا عشان اجرب مستشفيات برا ديرتي وندمت ندم عمري حتى انتظر اليوم اللي بس اخلص منهم واهج حتى مافكرت اكلمهم على الريكومنديشن ابي الفكه منهم

الانتيرن اللي تقول مو قادرة تركز في الراوند : ١/ ضرووري شيكي على مخزون الحديد والفيتامينات نقص Vit D لا تستهينو فيه أبدا تأثيره على النفسية وعلى الذاكرة مو طبيعي وال B12 يبين تأثيره في التركيز والطاقة اذا امور التحاليل سليمة والغذاء سليم وجودة النوم كويسة أعتقد عندك بعض المشتتات تفكري كثير في أمور شخصية مثلا عالقة في بالك حاولي تخففي من الضغوط على نفسك .. ٢/ أو يمكن بكل بساطة انك لسة مو متعودة على الوضع تحتاجي وقتك وشوي شوي بتتأقلمي روحي بدري شوي قبل التيم حقك اخذي ورقة A4 واقسميها ٤ اقسام كل قسم اكتبي فيه اسم المريض رقم غرفته وعلاماته الحيوية واهم التحاليل اللي مطلوبه له واقري عنه نبذة ، فيصير لما يجي الاستشاري ويسأل عن مريض انتي عارفته شوي شوي بتبدئي تحفظي والأمور بتمشي (أنا كنت كذا أول روتيشن لأني ما كنت اعرف للسيستم ومتخرجة من برا المملكة بعدين ثاني روتيشن صرت اسرع وأشطر ) والله ييسر أمرك بالتوفيق للجميع

نصيحة للبيخشون بورد من واحد سيرفس 🤟🏽 اول فترة طبعا بتكون اصعب فترة، شخصياتكم اغلبها تكونت لكن حاول لو تعرف ان شخصيتك ضعيفة ان ما تبين ضعفك لأحد، الشي الثاني الثقة ما تجي بدون معرفة احرصوا عالقراءة اول بأول، الشي الثالث المعرفة ما تجي بدون تدريب، كل حالة تشوفها شارك حتى لو لسا بدري انك تشارك، حط قرارات في بالك لو كنت انت الاستشاري ايش بتسوي ولا ناقشت الحالة مع الاستشاري قوله ايش اللي فكرت فيه وليش ما ينفع تسويه، الشي الاخير تذكروا ان لا بأس بالاخطاء لطالما ان مافيها ضرر على الغير، تعلموا منها دام عندكم احد يوجهكم وختاما توكلوا على الله وهو سبحانه ولي التوفيق