intern-itis | سواليف 🥼

الي مستوى خامس و داخت في العمليه انا حصلي نفس الشي دخت لما اول مرة سكربت في عمليه بلابروسكوب حتى جابو لي كرسي اقعد عليه. مرة انحرجت وكانوا يقولوا لي شكلها تخاف من الدم بس انا دائما اسكرب في حالات الاوبن وما يحصل لي اي حاجه بالعكس اكون مستمتعه. فيمكن اول مرة في حالات اللابروسكوب بسبب انه يحركو الكيمرا بسرعه فذا يخليك تحس بدوخه. بس مع الوقت تتعود.

الحقني احسني محرجه😔 انا سنه خامس واخذت اليكتيف GS ورحت لهم اليوم والتيم يعرفوني والهدف انهم ما ينسوني الين اصير انتيرن وكذا وتعقمت وشاركت معاهم في العمليه وحرفيا مره متعاونين يشغلوني كاني رزدنت يعني الدكتور يقفل الارتري وانا اكمل اشيل المراره والامور طيبه لكن اليوم بنص العمليه انا ما صرت اشوف حرفيا ما اعرف اشوف ظلام قدامي بس ما صرت اشوف الشاشه ولا المنظار ولا اي شيء بكل هدوء قلت دكتوره امسكي بدالي احس دخت وعلى طول انسدحت على الارض😢 الين بديت افوق و شلت القاون وكملت العمليه مشاهده لكن المشكله اني متفشله والله كيف انسدحت كذا والله مره فشله لا حول ولا قوه الا بالله ودحين مستحيل ينسون الموقف ابدا وطلعت ورجعت لهم بوقع وهم لسى ف العمليات وعلى طول سالوني كيف صرت وانا بس كنت اختبرهم ادا بينسون ولا لا علموني انا كيف انسى لاني متفشله 😭

اللي يقول ندمان ما صنع ذكريات حابة أقول له أنا نفس الشيء خلصت سنوات الطب ولا خرجت لو بصداقة وحدة وذكرياتي ما كانت حلوة وقت الدراسة بس الوقت ما خلص باقي سوي حساب بتويتر نزل فيه يومياتك، صور كل شيء في يومك حتى لو توست وعصير تاكله صوره لأن بعد ما تخلص الرزدنسي بترجع لألبوم الصور تفتكر فين كنت وقتها كمان لو تحب الحيوانات فمرة يعبون وقتك وتحس بإنجاز بحياتك لما يكبرون معاك ويعيشون معاك أهم فترات حياتك حاول تخرج لو بصداقة وحدة من شغلك حتى لو علاقة سطحية بس تخرجون مرة بالشهر تغيرون جو ويصير ذكرى حلوة تفتكرها لما تخلص الرزدنسي

انا اعرف ممكن تشوفون موضوعي تافه بس الموضوع جدا مأزمني شوفولي حل انا R1 حاليا بس طول الوقت اتذكر الانتيرنشب و سنوات الطب واقعد اتحسر اني ماصنعت ذكريات ولا عشتها صح كنت مكتئب ووزني فوق ال١٠٠ ويادوب اداوم وارجع وماكنت اشارك بولا شي ودخلت وطلعت بكل هدوء ٧ سنين ماتركت بصمه ولا استفدت ولا احد يتذكرني واحس ندمت لان ما اعطيت سنوات الدراسة حقها ماعشتها زي باقي طلاب الطب ماكتبت لا ابرح حتى ابلغ بتويتر ماتصورت بالسكرب ما سويت حملات ماشاركت بالاندية ماكنت اسوي ملخصات حلوة وارسلها للدفعه كنت مكتئب وانطوائي جدا والحين احس بتجيني middle age crisis بحاول اعوض كل شي بس خلاص انا رزدنت مين له خلق يسوي حملات و يشارك باشياء ؟ واخاف اخلص الرزدنسي واندم بعد عشان ماعشتها مشكلتي ما اعرف اعيش عمري بس اخاف وانتظر المرحلة تمر المشكله عمري ٢٧ حتى وكل دفعتي متزوجين باقي انا احسني متاخر بكل شي كيف يروح شعور الندم هذا؟ ،

ضايق صدري كنت سيرفس تخصص جراحي ٣ سنين. بعد معاناة مع التخصص وصلت لدبرشن مرتين وادجسنت ديس اوردر قررت اغير وادخل فاميلي وتوي بادية اتاتشمنت واحس بغصة كل شوي تجيني الصيحة، احس بضياع مني عارفه شي عالم اخر، الرزدنتس ماشاءالله فلته يخلصون ١٠ مرضى ف اقل من نص ساعة وانا ساعة ف مريض واحد ي ويلي الممرضات بينتحرون بسببي مني قادرة استوعب ادوية كثيرة وامراض كثيرة، احس اني غبية وضايق صدري عليني. اشتقت اكون فاهمه وفلته والله اني كل شوية اصيح شعور ضياع غربة مدري وين اروح وش اسوي زودن ع هم العطالة ضياع.

اليوم صارلي موقف ابي رايك فيه تكفى احنا كل صباح السينيور يقسم الحالات بين الرزيدنت بالتساوي المهم واحنا بالراوند الرزيدنت الثانين وقفوا يسوون شي على السيستم بقيت انا والاستشاري نستناهم سألني عن بيشنت اذا سووا شي معين ولا لا انا قلت له والله ما ادري لاني مو ماسكة هذا البيشنت هو مع الدكتور الفلاني عصب علي وقال اذا بنقول هذا مو معي وهذا مو معي الشغل ماراح يمشي وعطاني نظرة استحقار بشكل رحت بعدها شفت البيشنت على طول ورجعتله قلت لا ماسواه ماعطاني وجة ولا رد علي ، مدري هل انا غلطانه كذا والله مرره ودي اعرف واتابع كل حالات التيم بس اني R1 وبعض الحالات تكون جديده مايمديني قبل الراوند اشوفها كلها 😔

يعاني من اضطرابات نفسية الحل التسليك والمجاملة

للي يسأل عن كيف يعرف ميوله فيه طريقة كيف تختار تخصصك لدكتور عزام القشعمي طريقته ابني الاساس لتخصصك لا تحدد انت تبي تخصص جراحي او طبي او تحط تخصص في بالك هي انك تسوي جدول تحط فيه ال criteria اللي تبيها او تهمك في التخصص مثلاً : income , lifestyle , Stress level …. وبعدها تصنف كل criteriaاهميتها بالنسبه لك ( very important *2 , important *1.5 , natural *1 , less important *0.5 ) وبعدها اجمع النقاط وشوف اعلى تخصص واسأل اشخاص عن خبرتهم وتجربتهم في هالتخصص يارب اكون افدتكم ادعوا لي بالتوفيق والتيسير

الحمد لله على كل حال 🤍 كانت خطتي اني اجمع بس ماقدرت اهلي وضعهم المادي صعب جدا وجلست اساعدهم واجيب لهم احتياجاتهم كل سنين الكلية كنت اشوفهم محتاجين اشياء كثيرة ويجلس القهر بقلبي واسكت الحمد لله ان ربي فرجها عليهم وقدرت اساعدهم و يعوضني رب العالمين ان شاء الله .

الله يفتحها بوجهك ويرزقك اضعاف اضعاف ماتتمنى دامك وقفت وكنت عون وسند لهم

إذا نزلت رسالتي فهذه كتبتها فضفضة و حاجة للنصيحة، أنا إنسانة ولله الحمد والمنك ربي اكرمني انه دائما في كل مراحل حياتي من الابتدائي إلى الجامعة بأصدقاء رائعين يخافوا الله و يحبوني و مافي بيننا اي مشاكل ناس متربية و أخلاق تبارك الرحمن و اعزهم جدا جدا لكن أنا عندي مشكلة في التواصل ما اعرف كيف أتواصل مع الناس دائما انتظر منهم المبادرة، يعني ما يجي في بالي أروح أنا أتواصل و اتطمن على الشخص الخطوة هذه دائما ثقيلة على قلبي حتى في الايام اللي أفكر اروح أسال عن احد او اتصل عليها احس بضيييييييقة لا يعلم بها إلا الله. ووالله الموضوع مو تكبر او شي بس خطوة المبادرة هذه ثقيلة علي. ابغى اعرف كيف أتخلص من الخلق هذا كيف أتواصل مع الناس بدون ما احس بالضيقة هذه اخاف لو استمر على كذا ما يبقالي احد و اخسر كل اللي احبهم

أنا طالب طب، داخل على السنة الرابعة بعد ما خلصت الثالثة، لكن عندي مشكلة متعبتني جدًا ومأثرة على مستواي بشكل واضح.المشكلة إني ما أقدر أذاكر أول بأول، يعني مستحيل تقريبًا ألتزم أراجع محاضراتي في نفس يومها. دايم أأجل، وألقى نفسي ما أفتح المذاكرة إلا وقت الاختبارات، وهنا تبدأ المعاناة الحقيقية. أحاول أضغط نفسي وألحق اللي فات، لكن يكون الوقت ضيق والتراكم كبير، فطبيعي ينعكس هذا على درجاتي ومعدلي اللي صار منخفض جدًا لدرجة مزعجة، خصوصًا في مواد السنوات الأساسية اللي أغلبها جاي فيها تقدير D.كمان لاحظت إني أعاني من مشكلة في الانتباه واستيعاب المعلومات بشكل مستمر، مو بس موضوع كسل أو تأجيل. رحت لدكتور وتقييم الحالة كان عندي ADHD، لكن رغم إني عرفت السبب، إلا إني للحين أحس إني عالق في نفس الدائرة: صعوبة تركيز، تأجيل، ثم ضغط وقت الاختبارات، وبعدها إحباط من النتائج. أحس إني أبذل جهد، لكن مو بالطريقة الصح ولا في الوقت الصح، وهذا الشي مأثر علي بشكل كبير ومخليني محتار: كيف أقدر أطلع من هالنمط وأمسك دراستي بشكل أفضل قبل ما يتراكم كل شيء علي مرة ثانية.

وش الحل لما ما يعجبك ولا تخصص ؟ يعني حرفيا جربت اغلب اللي كنت ابي اجربه وللحين ما صملت على واحد حتى اللي حطيته بالتقديمات تخصص مره تنافسي واقدر اجيب نسبته ان شاء الله وباني السيفي حقي عليه وجربته بكذا سنتر ومع ذلك منب مره مقتنع… الى الان ما جاني وحتى التخصص اللي كنت حاطه الثاني ما اقتنعت مره فيه والحين انا احس بضياع مدري وش اختار! ولدرجة اول قبل الامتياز كنت اكره الinpatient واحب العيادات والحين الدنايا انعكست وصرت احب الانبيشنت اكثر ياخي خلااااص حرفيا مدري وش المفروض اسوي اخوياي يقولون لي سرفس سنة عشان تعرف وش تبي والمشكلة هي ان السيرفر ما راح يجيك الا قبل التقديمات الجديدة بشهر شهرين ما يمديك تجرب زفت، وبعضهم يقولون رح مدسن لانه متنوع وتقدر تختار بعدين وش تبي، وللمعلومية اول كنت اميل للتخصصات اللي نص طبية ونص جراحية زي الاوفثا والent والer والحين معد ادري انا ابي جراحي ولا طبي! بالله اذا عندك نصايح او عند غيرك لا يبخل علينا كثييير انتيرنز ضايعين

يا شيخ انا معدلي طايح و مبسوط و الحمدلله امسك الشفت لحالي ، المعدل ماهو مقياس بس اذا ما يبي يدخلني بحث بشوف غيره ، حياتنا حنا مبنيه على مؤشرات و ارقام و ابحاث ولا انت موجود لعلاج الناس زي بالبورد لو ما انقلبت بحاول بعدين ، بس طبيعي بغير مكاني و بحاول بمكان ثاني

تدرون انا حاليا R3 وكل ما تطري علي ايام الامتياز اتذكر موقف احد الاخصائيين اللي اشتغلت معهم لما كنت في عز قلة الثقه وانهياري النفسي ومحد داري عني قعد يمدحني في الميتنق ويعزز لي لدرجة انا انصدمت مع اني ما كنت انترستد في التخصص لكن كنت اسوي اللي اقدر عليه. لكن والله ما يدري اني الى الآن ادعي له لأن وقتها كنت بأمس الحاجه للكلام هذا ، فكل ما يطري علي احس بنفس الشعور ذاك ويعطيني دافع زياده مع اني ما شفته من وقتها فلا تستخسرون الكلمه الطيبه والله اثرها يبقى .

اللي تسأل عن الاوبي ايوة ضغط وكرف حتى بعد الرزدنسي لكن لو مرة ودك اسألي اللي قبلك ولا تسألين وحدة ولا ثنتين اسألي اكثر من طبيبة وبعدها قرري عاد مدري بالمدن الطرفية كيف الوضع بس ما يضر اسألي ولو ما يفرق معاك المكان او قريب منك قدمي والله يكتب لك الخير

‏📍اطمئن: ‏بعض الأبواب لم تفتح لأنها ليست لك ‏بعض الحكايات انتهت لأن قصتك لم تبدأ بعد ‏بعض الفرص فاتت لأنك بحاجة للخبرة لا النجاح ‏بعض المخاطر وقعت لترخي قبضة الخوف ‏بعض الظلام حل ليهجئك لغة النور ‏بعض الضياع نعمة لتجدد معنى الوصول

هو اللي عدى الثلاثين مو من حقه يقدم ع البورد ؟ حياته كذا انتهت ؟؟ سويت مقابله بس ما كانت الاسئلة ايش كنت تسوي بحياتك كانت انت وصلتي بهالعمر لو جاك R2 ولا اي احد اصغر منك بس سابقك بالتخصص تسمعين كلامه ولا لا ؟ وكل شوي يرجعون يذكروني بعمري مع اني من تخرجت وانا اشتغل بالقسم القدمت عليه وعندي خبره حلوة احسن من R2,3,4 بعد و من تخرجت وانا اقدم بس ما قاعدة تضبط وش اسوي !! حسسوني انه خلاص راحت عليه

صاحب الأهل ما يدعمونه احس أفهمك نوعًا ما والحل الأنسب الصراحه التجاهل التام مهما حصل الاذاني تتقفل صحيح صعب بس حبه حبه تتعود بخصوص طقطقه الدرجه ترا واقعيًا محد يفهم قد ايش الدرجه كويسه او سيئه غيرك انت فقط لا متعلم ولا جاهل وال بي بلس ممكن تعتبر اعلى من الافرج وشيء يستحق تفتخر فيه وذا شيء انت تقرره محد يقرره ودام حصل طقطقه حاول تتهرب من الجواب في الجايات وأنسى الحاصل الي رأسه ورا ما يعيش خلاص ماعاد فيها طريق آخر انت دخلت وانت تدرس وذا الحال لا تقاومه بالعكس تعايش معاه وال اي والبي والسي مو مقياس احد يحدده يعني احيانًا يشوفون من مذاكرتك والساعات انك اشطر واحد ومستحيل تنقص بس الواقع انت تعرفه ولنفسك عليك حق ومن ظلم النفس تحميلها من البلاء ما لا تطيق ف لا تجي انت والأيام على نفسك حن عليك واستعين بالله وتعااااايش بكره نسمع اسمك ف اعلى المناصب وتلاقي يقال هذا ولدنا هذا والله مننا

انا من عائله متوسطة العلم يعني اغلب الرجال فيها دبلوم،بكالوريوس بس بدون معدلات كويسه والنساء وظايف بالثانوي بس ، المهم اني انا من الثانوي قررت اشد حيلي واسعى بالعلم واشق طريقي بقوه بس الغريب ان اللي حولي محد مبسوط 🙂 اللي يقول الطب مايصلح لك اللي يقول ليتك تطلع منه اللي يقول ورطت نفسك والغريب ان حتى اهلي اهلي نفس الكلام، اذا شافوني اذاكر ساعات طويله يقولون الطب خلاك انطوائي اذا جلست معهم يفتحو موضوع دراستي ويقولون كلام سلبي انا ردي لهم دائما ان هذي حياتي وقراراتي محد له حق يتدخل بس محد يفهم. انا ماقد استنقصت من احد ودايم ادعم الناس الطموحه بس هم اي شخص ناجح يعادونه ويحسسونه انت غلط حنا صح، ذاك اليوم قريبي رسب بماده دبلوم محد اهتم انا نجحت B+ مسكوها علي كأني فاشل(من اهلي طبعا لان درجاتي مااقولها الا لهم كمان اذا ضغطو علي وزعلو اني ماقلت) الوضع يقهر وطيبتهم المزيفه تقهر اكثر (يسبون بعدين يختمونها بدعوه يعنني قلوبنا معك)

فيه احد يوسوس مثلي؟ ياخي لارجعت من الدوام اوسوس بشكللللل بالمرضى اقعد اقول هل انا اكيد قريت التحاليل كذا كذا؟ اكيد ما انعمت عيني عن شي؟ بالاشعة اكيد كانت كذا كذا؟ وسرا الليل، لدرجة مرات امسك نفسي ما ارجع للمستشفى بالليل عشان ارجع اشيك بالله متى تنتهي هذي الوسوسة

الحل انك تتجاهلها تماما، خلاص طالما في البداية سويت شيء فهو غالبا صح من أول مرة، تأكدك بيزيد توترك ووسوستك وبتعاني ولا بيفيد، لذلك توكل على الله وامسك نفسك لا تتأكد، في البداية بيكون صعب وتتوتر بس بعدين بيسهل. لكن أصحك تتساهل مع الوسوسة وتقول لا بس هذه المرة.. بتزيد وتتعب في حياتك عن تجربة

الحين الاوبي قايني صدق تعب ويحتاج مجهود ؟ مافي احد دخله وحس انه مريح ! الصدق مره ابغاه بس خايفه من الضغط والحياه الاجتماعيه خصوصا اني افكر اتزوج واجيب اطفال ان شاءالله بس ما ابغى تخصص ضغط هل فيه طريقه ادخله بس ما ياخذ كل وقتي يعني فيه سناتر الجهد فيها اقل ولا الخاص ولا هذا حلم ما تحقق للان