intern-itis | سواليف 🥼

عليكم ، بس مجرد نصيحة محب والله العظيم للي بيقدم في تخصص عكس جنسه سواء ميل بيقدم اوبي او فيميل بتقدم يورو ، ياجماعة فكرو زين واستخيروا ترى الموضوع لما تخوضه وتقضي فيه سنين احتمال كبير وكثير شفتهم يبدون يجيهم احباط وتفكير في انهم يغيرون والبعض يكمل وماهو مقتنع ومحبط ! نصيحتي لكم سعادتكم اولا والتخصص اللي عكس جنسك لا تروح له والله مالك فيه

ممكن كل واحد يتحفظ بالنصيحة لنفسه ويخلي الناس تختار التخصص برغبتهم يعطيكم العافية

اتمنى من الرزدنتس يخلونا نشتغل معاهم،مب معقول شهر انا انترستد فيه ومخلينا جالسين كأننا طلاب سنة خامسه نطالع حتى بدون مايشرح لنا ،لا ولا يعطينا فرصه نسوي اي شي،وحرفيا كل واحد يصرفنا عالرزدنت الثاني ولا يعرفون حتى اسمائنا،يعني مب معقول ان حضوري وغيابي واحد ولو اختفي ماحد داري عنك،وكل شوي يطلعون من عندك وتلقاهم متجمعين مع بعض وساحبين عليك فالعياده بدون شغل وبدون مايعطونك مرضى،،، يعني انت عارف ان الانتيرن اللي قدامك انترستد،ليه ماتخليه ياخد التجربة كامله،مب معقول اني بكره تخصص اتمناه بسبب رزدنتس مالهم خلق حتى يقولك كيف حالك ،،ولما تجي الفرصه لنا من الاستشاري يجون وياخذونها ويقولون لا بدري عليكم.وربي عيب عليكم

السلام عليكم ورحمة الله وبركاته، قال رسول الله -صلّى الله عليه وسلّم-: (إِذَا مَاتَ الإنْسَانُ انْقَطَعَ عنْه عَمَلُهُ إِلَّا مِن ثَلَاثَةٍ: إِلَّا مِن صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو له). ولزيادة المنفعة وترك الأثر وجعلها صدقة جارية عنا وعنكم وعن كل طبيب بإذن الله، *أنشأنا حملة بمجال الاوقاف بإحسان بعنوان "صدقة جارية عن الاطباء وفقهم الله"*، ادفعوا باللي تقدرون عليه والي تجود به أنفسكم واجعلوا نيتكم خالصة لوجه الله، واحتسبوا الأجر عسى الله ان يكتب لنا التوفيق ويتقبل دعواتنا ويرزقنا اعلى الدرجات باختبار الهيئة {وَمَا تُنْفِقُوا مِنْ خَيْرٍ فَلِأَنْفُسِكُمْ} [البقرة: 272]. ‏تصدّقوا ولو بالقليل بما انكم وصلتوا لهلمرحلة واتخرجنا وصار ينزل لنا مكافاة كبيرة خلوا من كل شهر للحملة مبلغ و تذكّروا أنه ما نقص مالٌ من صدقة 🤍 https://ehsan.sa/campaign/9096D5E0F8

بما ان اليوم نزل اول راتب❤️، لاينسوا يتصدقوا منه

صدقتي يا دكتورة ، أنا من الطبقة تحت الكادحة اضطريت أتغرب لمدينة ثانية للدراسة ، كانت تمر أيام ما آقدر أشتري أكل فيها ، هذا غير الوحدة ، و البعد عن الأهل و إنقطاع النت ، حتى الأيباد ما اشتريته إلا من السنة الثانية ، أضطر أطبخ كل يوم حتى لو متعبة و عندي اختبار لإن ما عندي رفاهية الطلب ، تمر شهور خمسة و أربعه ما اقدر اروح فيها لأهلي بسبب تكلفة النقل و البنزين ، جاني تعب و فقدان شغف آخر سنتين و ما قدرت أحافظ على معدلي ، وجامعتنا أختبارتها ماهي سهله ومو سهل تعدي المادة ، لكن برحمة الله عديت ولا حملت و لا مادة ، اللهم لك الحمد و الإمتياز كانت أهون وطبطبة علي شوي ، الله يسهلها وييسر للجميع يارب 🙏🏻

ردي على الي يقول المعدل العالي للشاطرين المجتهدين ودي اقولك : الي ربي يسخر له من يعلمه مو زي الي لا وكمان الفرست جنريشن غير عن غيره كمان لا تأمن على نفسك ربي يبلاك بابتلاء انك تجتهد وتحاول وتسعى ومع ذلك ما تاخذ نتايج على قد التعب لحكمه يعلمها رب العباد، واشطر الدكاتره رسبوا في بلوك واثنين وثلاث ظروف الناس ليست سواء ما هو مهئ لك ليس مهيئ لغيرك، زميلك الي في الصف لا تعرف مرضه الذي يخفيه أو حزنه لفقد عزيز أو حزنه لمرض احد والديه، أو تعبه من ظروفه المادية، أو أو أو اعرف انك تقصد ان الجامعات متقاربة لكن للأسف ليست متقاربة هناك جامعات اختباراتها شبه اعجازية أو كمية الاختبارات ليست منطقية بالوقت وهناك جامعات حرفيا لو حفظت التجميعات تقدر تعدي الاختبار مقارنة بجامعات أخرى لا يكاد يتكرر فكره سؤال في كل سنه وأيضا شرح الدكاتره السيئ جدا عامل آخر وأيضا قدرات الناس ليست سواء في تحمل هذه المشاق نظرا لاختلاف ظروفهم نصيحتي لا تغتر لا تغتر لا تغتر

الان بعد ما خلصنا سنة الإمتياز احس بندم كبير اني ركزت عالتخصص اللي يهمني وقلقت كثير من الاختبار ولا استفدت من الروتيشنز المختلفه، كنت حاضر غائب. اتمنى اني استمتعت واستفدت اكثر، اتمنى اني قعدت إلى نهاية الدوام وما حاولت اطلع بدري في كل مرة سنحت لي الفرصة وكان فيه شيء مفيد. ما بقول الإمتياز احسن سنة في الحياة لكن فعلا اللي يستغلها بيستفيد كثير، اطلبوا كل شيء تبغون تجربونه حتى لو متأكدين ما بيخلونكم عادي الواحد مفروض يتعلم المقولة " اسأل تعطى"

ياعالم تراكم محاسبين على النصائح اللي البعض يهبدها عن ثقة زائدة!! ذاك اليوم شايف طالب بسنة خامسة بالكلية يعطي محاضرة عن مميزات و عيوب تخصص معين؟؟؟ الار ون ما تاخذ رايه بهالموضوع وانت بكل ثقة طالع تسوي محاضرة ٤٠ دقيقة؟ انتبهوا ياعالم استقوا النصيحة ومعلوماتكم من مصادر صحيحة ولمعطي النصيحة انتبه الله يستر عليك مهما وصل بك الحب والشغف لتخصص معين ما يعني انك تفقه فيه او انك تعرف التجربة الحقيقية للتخصص

استعدادك لـ SMLE يبدأ من هنا! يسر فريق Review دعوتكم لحضور الكورس السنوي لمراجعة الباطنة (SMLE Course Medicine 2026)، والذي يتضمن مراجعة مركزة لأهم المواضيع والأسئلة عالية التكرار في اختبار SMLE. ✅ مجاني بالكامل 🎥 بث مباشر عبر قناة Review Team على اليوتيوب لا تفوتوا الفرصة، وشاركوها مع زملائكم ليستفيد الجميع.

الي يخاف وينرعب من انه يختلي بنفسه هذا عنده مشاكل قابعة في ذاته، محد يختلف ان الأنس بالرفقة جميل وتأثيره مبهج على النفس والروح، ولكن وش فيها اذا بجلس لحالي وبطلع لحالي وبروح مطعم وسينما لحالي ؟ ما عندي اصدقاء او اصدقائي ما يناسبهم الوقت هذا الي يناسبني وش اسوي انتحر ؟ ولا اجهش بالبكاء ؟؟؟ لا والله بطلع وبستانس وبدلع نفسي واختلي فيها وافهم مشاعري وسواء تزوجت او ما لقيت رفيق مو نهاية الدنيا ذي، واتفرج على العوائل وانبسط لهم وارجع بيتي وانام وكلي سعادة وفرح. رجاء لا تنشرون افكار سلبية وتطبعونها الرحلة في هذي الحياة فردية مهما كثر الراعي والرعية. والصلاة والسلام على اشرف الأنيياء والمرسلين

فعلاً لاحظت كثير استشاريين يكتمون العلم بشكل مجنون بس يجاوب الرزدينتز خير عسكريه هي يعتقدون انهم وصلوا طبقه م يتحدثون ولا يشرحون فيها لنا احنا الطبقه الدونيه ههههههههههه مستحيل الضحك طبعاً الا من رحم ربي فيه منهم طيب وغالباً تلقاه فاميلي او renal

اوجه رساله للاطباء الي بكرة بيصيرون استشاريين رفقا بأطباء الامتياز تراك ماتدري ايش المجهود الي بذله عشان يوصل عندك اقسم بالله دخلت في اكتئاب ، ضاقت الدنيا علي انا شخص عندي مشاكل كثير في حياتي وكوني بنت من عائله مشددة فالشيء السهل عندي صعب وشبه مستحيل المهم تحديت كل الصعوبات وسافرت عشان اخذ روتيشن وتوصيات من التخصص الي ابيه لان مافيه بروقرام في مدينتي واجهت صعوبات كثير ، دفعت كل شي من عندي بما فيها السكن ، اداوم كل يوم من ٨ ل ٤ وبالاخير ضاع كل شي بدون اي فايده الدكاترة كلللهم الرزيدنت والاستشاريين ساحبين علي ويصرفوني بشكل غريب مايبغوني اجلس معاهم ! طبيب انا كيف اخذ توصيه ! واسلوبهم غليظ ويجرحني كرامتي طاحت بالارض كل يوم استاذنهم احضر معاهم ويصرفوني جيتهم كلي امل وحطموني ياخي غبنه شي يقهر ، انت ماصرت استشاري عشان تطلع بدري . انت مسؤوول عن الكل ، وكاتم العلم يلجم بلجام من النار

مشكلتي انا اني مو متعوده احد يعصب علي او يهزأني دائما نظاميه و ملتزمه بكل شيء و دايم الحمدلله ربي مسخر لي الناس الطيبة في طريقي ياتكون ناس كويسين او يكونون ناس كافين خيرهم وشرهم ، الشهر هذا انا بألكتف التخصص اللي ابيه و السنتر اللي ابيه والبيئه هناك ممتازه الرزدنت و الاستشارين اغلبهم كويسين ماعدا استشاري واحد اخلاقه سيئه و مهو شايف الانتيرن بعينه احس لو على كيفه طردني من العيادة اليوم اللي داومت بعيادته كان كريه كريه جدا كان فيه حالة و كنت بشوفها معهم مافيه انتيرن غيري وجيت دخلت العيادة عادي دايم نسويها مع باقي الاستشارين ،جاء هو يتكلم على الممرضة حتى ماتنزل يتكلم علي يقول:الانتيرن مره ثانية ماتسمحين للانتيرن مره ثانيه تدخل كذا ماتدخل الا بإستئذان، قهرني يع و حلفت ما احضر معه مره ثانيه ولا عيادة ، ماني فاهمه يعني انا جاية اتعلم مانيب جايه العب عشان تعاملني بهالاسلوب هذا! وش يضرك لو شفت الحالة؟ والله ان فيه استشاري بنفس السنتر ينادينا عشان يشرح لنا و البروقرام دايركتور بكبره قال امشي معي بكل العيادات عشان تشوفين حالات .. اما هو ذاك مدري وش شايف نفسه عليه الله اكبر عاد ياهالعلم اللي باخذه منك!يع عمري لاتعلمت كاني بتعلم من ناس مثله ، الله لايحط بطريقي ناس مثله مره ثانية، قهرني وفضفضت بس 💔

اليوم اكتشفت ان بذاك التخصص اللي كلنا نعرفهم انهم متواضعين جداً🤣 لغتهم جداً مكسره وحرفياً ترجمة انقليزي معرب وماشيه امورهم ماشاء الله

الحمدلله اكثر شي ما ندمت عليه من بداية البروقرام هو اني اخترت السنتر اللي عند اهلي وكل هذا بعد تيسير الله ، مع ان زملائي يحاولون يحسسوني بالندم وان الامكانيات ضعيفه والخ . بس شعور اني بعد كل انكول متعب ومجهد جسديا ونفسيا اتذكر اني برجع للبيت بشوف امي قدامي وبقعد مع اهلي ويغيرون لي جوي شعور ان فيه احد ارجع له يخليني احس بالإطمئنان . الحمدلله 🙏🏻

ليش غريبه لازم الروكمنديشن من المشرف ؟ ولا اللي اشتغلتي معاه هو اصلا مايبي يعطي ؟ ياخي غريبين والله كلها ورقه ومابتاثر فيهم بشي ليش يصعبوها

كنت اشتغل مع كنسولتنت ومجتهد معاه لكن ماهو المشرف الاساسي علي، المشرف الاساسي شبه مايجي، فكان هو أكثر اشراف لانه مدير ويثني على اجتهادي دايم وانا انترستد في المجال جيت اطلب منه ريكومنديشن قال لي المشرف الي معاك يعطيك كلمت المشرف مارد وقلت له وما رد هو كمان ولا اخذت ريكومنديشن منهم الاثنين، و سالته ايش السبب؟ ما رد علي

انا سادس والكلية رسلتلنا اختبار MBTI عشان نعرف التخصصات الانسب لنا، انا بالعادة مااصدق العلاقة بين اختبارات الشخصية واختياراتنا بالحياة ولكن كونها جات من الكلية خلتني اعيد التفكير بالتخصص اللي افكر فيه واشتغل عليه من سنتين، انا شخصيتي INTJ التخصصات اللي موجودة باللسته كانت باثو وراديو والتخصص اللي ابغاه جراحي، انا مرتاحة بالتخصص يناسب طريقة تفكيري فافهمه بنسبة كبيره احسن من غيري بدرجات، صحيح كشخصيه انطوائية اعاني نوعا ما بوجودي بتيم واحتاج انه اتكلم معاهم احيانا باشياء عامة خصوصا وسط عملية طويله او وقت ننتظر مرضى نهاية العيادة، علاقتي كمدى قصير مع المرضى كويسه جدا وماعندي مشكلة بالتواصل معاهم. السؤال هل فعلا انا كشخصية انطوائية اعاني من وجودي بأي تيم ممكن تعني انه فعلا هذا التخصص مايناسبني والمفروض اشوف تخصص انسب مع شخصيتي؟

والله يا رزدنت متسلطه علي ومتهاوشه مع نص الرزدنت ونص النيرسز وتجي تفرغ فيني وتفصل علي لكن والله ما انساها من دعائي الين تصيب

انا طلعت مني كلمه كذا مزح عند الرزدنت وما فهمها وقعد يسأل كيف يعني ما فهمت؟ وقعدت اشرح له وش قصدي ، وهذا بسبب age gap للأسف ما فهم الذبه 🚶🏻‍♀️المشكله موب هنا المشكله ان الانترن قعدوا يضحكون موب ع اللي قلته علي انا 😭 واحس مو قادره اتخطى للآن ، وفوق هذا انا انسانه اضحك ويطلع الكلام مني بدون لا احس لما اتوتر 💔

ممكن تاخذين روتيشن عندنا واعزز لك