The Web3 Perspective

App មួយដំណើរការតាម Smart Contract។ ចុះអ្នកណាអាចប្ដូរ លក្ខណ័ផ្សេងៗរបស់វាបាន? ចម្លើយអាស្រ័យលើសិទ្ធិដែលបានកំណត់ក្នុងប្រព័ន្ធ។ Contract ខ្លះមានមុខងារដែលអនុញ្ញាតឲ្យអ្នកគ្រប់គ្រងប្ដូរការកំណត់ជាក់លាក់។ សិទ្ធិពិសេសបែបនេះ ច្រើនត្រូវបានហៅជាទូទៅថា Admin Key។ ឧទាហរណ៍សន្មត៖ Contract មួយអនុញ្ញាតឲ្យ Admin ប្ដូរថ្លៃសេវា។ អ្នកប្រើធម្មតាអាចប្រើមុខងាររបស់ App ប៉ុន្តែមិនអាចប្ដូរថ្លៃសេវាដោយខ្លួនឯង។ មានតែ Account ដែលកាន់សិទ្ធិនោះ ទើបអាចផ្ញើការបញ្ជាប្ដូរបានតាម Code។ ចឹង Smart Contract អនុវត្តដោយស្វ័យប្រវត្តិ និងការមានអ្នកគ្រប់គ្រង ការកំណត់ អាចមានជាមួយគ្នាបាន។ វាមិនមែនជាការកែប្រវត្តិ Transaction ចាស់នៅលើ Blockchain ទេ។ Admin Key ក៏មិនចាំបាច់ជាសិទ្ធិរបស់មនុស្សម្នាក់តែឯងដែរ។ វាអាចគ្រប់គ្រងតាម Wallet មួយ ឬប្រព័ន្ធដែលទាមទារអ្នកអនុម័តច្រើន ដូចជា Multisig។ សិទ្ធិមិនដូចគ្នាគ្រប់ Contract ទេ។ ខ្លះអាចត្រឹមផ្អាកមុខងារពេលមានបញ្ហា។ ខ្លះអាច Upgrade របៀបដំណើរការ។ ការឃើញពាក្យ Admin មិនអាចសន្និដ្ឋានថាគេអាចយកទ្រព្យ ឬកែអ្វីក៏បានទាំងអស់ទេ។ អត្ថប្រយោជន៍គឺអាចឆ្លើយតបនឹង Bug ឬបញ្ហាដែលត្រូវកែ។ ហានិភ័យគឺបើសិទ្ធិត្រូវគេលួចគ្រប់គ្រង ឬអ្នកកាន់សិទ្ធិប្រើខុស អ្នកប្រើអាចរងផលប៉ះពាល់តាមទំហំនៃសិទ្ធិនោះ។ មុនប្រើ Protocol សួរឲ្យច្បាស់ថា Admin អាចប្ដូរអ្វី អ្នកណាអនុម័ត ហើយការប្ដូរនោះចូលជាធរមានភ្លាមឬត្រូវរង់ចាំ។ ប្រព័ន្ធខ្លះប្រើ Timelock ដើម្បីពន្យារការប្ដូរជាក់លាក់ ឲ្យមានពេលពិនិត្យ។ តែការមានពេលពន្យារមិនធានាថាយើងនឹងដកទ្រព្យចេញបានទាន់ពេលគ្រប់ករណីទេ។ រំលឹកមូលដ្ឋានដែលសិទ្ធិទាំងនេះដំណើរការលើវា ក្នុង Web3 GM #24: Smart Contract។ #Web3GM #SmartContract #AdminKey ————————— Presented to you by - Hay Cafe ☕️ ————————— ⚡️️@web3perspective 🔗All Social Media: https://linktr.ee/web3perspective ————————— ⚠️ Disclaimer: NFA, DYOR