The Web3 Perspective

Passkey គឺជាអ្វី? ហើយការស្កេនមុខពេលប្រើ Wallet មានដំណើរការយ៉ាងដូចម្តេច? Passkey ជាវិធីបញ្ជាក់សិទ្ធិចូល Account ដែលអាចប្រើជំនួស Password។ យើងអាចអនុញ្ញាតឲ្យប្រើវាដោយស្កេនមុខ ម្រាមដៃ ឬវាយ PIN របស់ឧបករណ៍ ដោយមិនចាំបាច់វាយ Password ទៅក្នុង Website។ នៅពីក្រោយការស្កេននោះ មាន Key មួយគូ៖ Private Key ដែលរក្សាទុកក្នុងឧបករណ៍ ឬ Password Manager របស់យើង និង Public Key ដែលចុះឈ្មោះទុកជាមួយ Website ឬ App ពេលបង្កើត Passkey។ ពេល Login វាដំណើរការបែបនេះ៖ 1. Website ផ្ញើទិន្នន័យសម្រាប់ផ្ទៀងផ្ទាត់ការចូលលើកនោះ ហៅថា Challenge មកឧបករណ៍របស់យើង។ 2. យើងស្កេនមុខ ម្រាមដៃ ឬវាយ PIN ដើម្បីអនុញ្ញាតឲ្យប្រើ Passkey។ 3. ឧបករណ៍ប្រើ Private Key ដើម្បីបង្កើត Signature សម្រាប់ Challenge នោះ ហើយផ្ញើភស្តុតាងទៅ Website វិញ។ 4. Website ផ្ទៀងផ្ទាត់ភស្តុតាងនោះជាមួយ Public Key ដែលវាមាន មុនអនុញ្ញាតឲ្យចូល Account។ ទិន្នន័យមុខ ស្នាមម្រាមដៃ និង PIN នេះប្រើសម្រាប់ផ្ទៀងផ្ទាត់លើឧបករណ៍។ វាមិនត្រូវបានផ្ញើទៅ Website ក្នុងការ Login ដោយ Passkey ទេ។ Private Key ក៏មិនត្រូវបានផ្ញើទៅ Website ដែរ។ នៅក្នុង Web3 មាន Smart Account ដែលប្រើ Key របស់ Passkey សម្រាប់ Sign ប្រតិបត្តិការ។ ចឹងការស្កេនមុខអាចជាការ Login ឬការអនុញ្ញាតប្រតិបត្តិការ អាស្រ័យលើសំណើដែល Wallet កំពុងបង្ហាញ។ ឧទាហរណ៍ Website Airdrop ក្លែងក្លាយអាចផ្ញើសំណើទៅ Wallet ពិតរបស់យើង ដើម្បីសុំសិទ្ធិប្រើ Token។ បើយើងយល់ព្រម ហើយប្រើ Passkey ដើម្បី Sign សំណើនោះ អ្នកបោកអាចប្រើសិទ្ធិនោះដើម្បីយក Token ដែលយើងបានអនុញ្ញាតចេញបាន។ គេមិនចាំបាច់លួច Passkey ទេ។ គេបោកឲ្យយើងអនុញ្ញាតដោយខ្លួនឯង។ ការចូល Website ឬ Connect Wallet តែប៉ុណ្ណោះ មិនមែនជាការផ្ដល់សិទ្ធិឲ្យគេផ្ទេរ Token ទេ។ តែប៊ូតុងដែលសរសេរថា «Login» ឬ «Verify» ក៏អាចនាំទៅសំណើផ្សេងពីអ្វីដែលយើងគិត។ អ្វីដែលត្រូវអាន គឺសំណើក្នុង Wallet មុនពេលយើងយល់ព្រម។ មុនចុច Confirm រឺ​ Approve ដោយ Passkey សូមមើលឲ្យច្បាស់៖ - សំណើនេះសម្រាប់ចូល Account ផ្ទេរ Token ឬផ្ដល់សិទ្ធិប្រើ Token? - បើជាការផ្ទេរ តើផ្ញើ Token អ្វី ចំនួនប៉ុន្មាន និងទៅ Address ណា? - បើជាការផ្ដល់សិទ្ធិ តើ Contract ណាអាចប្រើ Token អ្វី និងត្រឹមចំនួនប៉ុន្មាន? បើសំណើមិនត្រូវនឹងអ្វីដែលយើងចង់ធ្វើ ឬយើងមិនយល់ថាវាអនុញ្ញាតអ្វី សូមកុំទាន់ Sign។ ចំណុចមួយទៀតគឺ ការរក្សាសិទ្ធិចូល Wallet។ Passkey ប្រភេទ Synced អាច Sync តាមសេវាដូចជា iCloud Keychain ឬ Google Password Manager ដើម្បីប្រើលើឧបករណ៍ច្រើន។ Passkey ប្រភេទ Device-bound នៅជាប់ឧបករណ៍ដែលរក្សាវា ហើយមិន Sync ទៅឧបករណ៍ផ្សេងទេ។ មុនដាក់ទ្រព្យ សូមពិនិត្យថាបើបាត់ទូរស័ព្ទ ឬបាត់សិទ្ធិចូល Account ដែល Sync Passkey, យើងអាចចូល Wallet វិញតាមវិធីណា។ បើ Wallet គាំទ្រ សូមរៀបចំវិធីចូលបម្រុង ដូចជា Passkey បន្ថែមដែលមិនពឹងលើ Account Sync ដដែល ឬ Hardware Wallet តាមជម្រើសរបស់វា។ កុំចែករំលែក Passcode របស់ឧបករណ៍ ហើយបើក 2FA លើ Account ដែល Sync Passkey។ Passkey ធ្វើឲ្យការ Login ងាយស្រួល និងកាត់បន្ថយហានិភ័យពីទំព័រលួចព័ត៌មាន Login។ តែពេលប្រើវាជាមួយ Wallet យើងនៅតែត្រូវដឹងថា ការយល់ព្រមរបស់យើងកំពុងអនុញ្ញាតឲ្យធ្វើអ្វីលើទ្រព្យរបស់យើង។ បើចង់យល់បន្ថែមពីសំណើដែល Wallet សុំឲ្យយើងយល់ព្រម អាចអាន Web3 GM #15: Sign or Approve? #Web3GM #Passkey #WalletSafety #CryptoSecurity ————————— Presented to you by - Hay Cafe ☕️ ————————— ⚡️@web3perspective 🔗All Social Media: https://linktr.ee/web3perspective ————————— ⚠️ Disclaimer: NFA, DYOR