📚📚ቤተ__መፅሀፍት📖📗🧾📜

    ❤️ሀይስኩል ❤️ ❤️ልብ አንጠልጣይ  ታሪክ ❤️ ✍ፊደል                         ክፍል 4⃣7⃣ ......... በድጋሜ በእናቴ ስልክ ተደወለ ። በሰአቱ ስልክ ማውራት ቀርቶ  ወደ ጎን አርጎ ማንሳትም ከበደኝ ። እጄ መንቀጥቀጡት ያስተዋለው የቤኪ አባት ዞሮ መጥቶ ስልኬን ተቀብሎኝ አንስቶ ላውድ ላይ አደረገው ። " ሄሎ እናትዬ " አለች ። የእናቴን ድምፅ ስሰማው በአንዴ ተረጋጋሁኝና ስልኩን ተቀብዬው እማ ደህና ነሽ ??? አልኳት ። " አዎ አበባዬ ደህና ነኝ እሺ አታስቢ የኔ ቆንጆ " አለችኝ ። እማ ምን ተፈጥሮ ነው ንገሪኝ  እባክሽ ጎዳሽ እንዴ እ ምን አርጎሽ ነው ??? አልኳት መጥፎ ነገር ለመናገር ተዘጋጅቼ ። " አታስቢ የኔ ወርቅ ምንም አላረገኝም ሰክሮ መቶ ትንሽ ተናገረኝ ታቂ የለ በሆነ ባልሆነ እንደሚከፋኝ " አለችኝ ፈገግ ያለ ድምፅ እያሰማችኝ ። በሆዷ ብዙ ቁስልና ህመም የያዘች ይመስል በሆነ ባልሆነው ነው  እንባዋ የሚፈሰው ከዛ ለምን ታለቅሻለሽ ስላት ከት ብላ ትስቃለች !!!????። በዛች ቅፅበት በጣምምምም ብዙዙ ነገር አስቤ ስለነበር በረጅሙ ተንፍሼ እንዳስደነገጠችኝ ነገርኳት ። እሷ ደግሞ ድርቅ ብላ ደህና መሆኗን እንዳምን አድርጋ አወራችኝ !! እኔም በቀላሉ አመንኳትና ነገ እመጣለሁ ብዬ ቃል ገብቼላት ስልኩን ዘጋሁትና መኪናውን ተደግፌ በረጅሙ ተነፈስኩኝ ። ከእኔ ባልተናነሰ ሁኔታ ተጨንቆ የነበረው ሰለሞንም በአንድ እጁ ወገቡን ይዞ በአንድ እጁ  ደግሞ ከረቫቱን እያላላ ተነፈሰ ። ምን ያህል ሊረዳኝ ዝግጁ እንደነበረ በአይኔ ያየሁት ነገር ስለሆነ ከተደገፍኩበት ቀና ብዬ በጣም ነው የማመሰግነው እናም በጣም ይቅርታ አልኩት እጆቼን እያሻሸሁኝ ። "ምንም አይደል ልጄ ነይ ከብርድ ላይ ጊቢ ወደ ውስጥ " ብሎኝ ሊገባ ሲል የቤኪ አባት ብዬ ጠራሁት ። ለምን እንደሆነ አላቅም ሰለሞን ማለትም አንቱ ማለትም ይከብደኛል ። በጣም ወጣት ነዎ እኮ ቤኪን በስንት አመት እንደወለደውም አላውቅም ። እሱም ወደኔ ዞር ብሎ ምነው በሚል ፊት አየኝ ። ትንሽ ፈጣጣ ሆንኩኝ መሠለኝ ፈገግ ብዬ አንዴ እንደ አባት ልቀፍህ ?? ብዬ በአሳዛኝ ፊት አየሁት ። በነገራችን ላይ እንዲህ ያልኩት ያለ ምክንያት አይደለም !!! ከደቂቃዎች በፊት ልጄ ብሎ ጠርቶኝ ነበረ ። በምላሹ እሱም ፈገግ አለና  እጁን ዘረጋልኝ እኔም ቶሎ ብዬ በዛ ግርማ ሞገስ ባጀበው እቅፍ ውስጥ ገባሁኝ !!! የምር በጣም ደስ ብሎኝ ነበረ !!!! በትክክለኛ አባቴ እንደታቀፍኩኝ ነው የተሰማኝ ሁላ  !!!!! ምናለ እኔም እንደሱ አይነት አባት በኖረኝ ብዬ እንድመኝ አደረገኝ !!!!!!! ከዛ እንባዬ መምጣት ሲጀምር አንዴ ከጀመረኝ ማቆሚያ የሌለኝ መሆኔን ስለማውቅ ቶሎ ከእቅፉ ወጥቼ በጣም አመሰግናለሁ ብዬ አሳጠርኩት ። " ነይ ወደ ውስጥ ግቢ " ብሎኝ እኔን አስቀድሞ ተከትሎኝ መጣ ። ከዛ ተመልሰን ቦታችን ጋር ተቀመጥን ። ወዲያው አስተናጋጁ መጣና እሱን አየው ። በአይኑ የአወንታ ምልክት እየሰጠ አንገቱን ሲነቀንቀው ወደኔ ዞር ብሎ " ምን ይምጣልሽ እመቤት " አለኝ በትህትና ጎንበስ ብሎ ። ምን እንደሚባል የማላቀው እኔ ዞር ብዬ ሰለሞንን አየሁት ። በአንድ እይታ ሰውን መረዳት የሚችል ሰው ነው !!!! ጎንበስ ብሎ ወደ ሜኑ አየና የሆነ የሆነ ነገር ብሎት አስተናጋጁ ሄደ ። ሰውዬው እስኪመለስ ልብ አንጠልጣይ ታሪኩን ለመስማት ጉጉት አደረብኝና አላስችል ቢለኝ ለወሬ ማስጀመሪያ እና ቤኪ ምኑን አሞት ነው ? ብዬ ወደ ወሬው መለስኩት ። ለትንሽ ደቂቃዎች በዝምታ ተውጦ አሰበ አሰበና ጥልቅ ሀዘን ውስጥ ገባ ። እኔ አይን አይኑን እያየሁኝ ምላሽ እየጠበኩ እንደሆነ አሳየሁት ። ያየኛል አየዋለሁ ያየኛል አየዋለሁ ።።!!! ከደቂቃዎች መፋጠጥ ቡሀላ  ግን ሰለሞን ጉሮሮውን እንደመጠራረግ አለና " ልጄ በጣም ታሞብኝ ነበር በጣም " አለኝ ። ምኑን ታሞ ነው ይሄን ያህል እ ምን ሆኖ ነበር ?? አልኩኝ ይበልጥ ለማወቅ እየጓጓሁ ። " እስኪ ከዛ በፊት አንድ ጥያቄ ልጠይቅሽ እውነታውን ትነግሪኛለሽ  ?" አለኝ ። እሺ ደስ ይለኛል ምንድነው አልኩት መልሼ " አያድርገውና ልጄ በረከት አይኖቹ ማየት ቢያቆሙ ምን ታደርጊያለሽ ??3" የሚል እጅግ ግራ የሚያጋባ ጥያቄ ጠየቀኝ ???......... . . ይቀጥላል #ክፍል_4⃣8⃣