أبجديّة

‏إن عطيت عطيت عـمـق البـحور بلا حسبـان ‏وإن هجرت صدّيت صدة إللي ما كن له والي

‏فداك العمر وأيام الشباب ولمة الأقراب ‏وسنينٍ تجي وتروح قبلك ماهي بمحسوبة

‏على كثر ما زانت وشانت ما ييس الريق ‏ ما تستاهل الدنيا لا مدحي ولا ذمّي ‏ صغاير الامور يكبر أحجامها التدقيق ‏وكباير الامور إن جات ما فورت دمّي ‏ طبيعي أعيش وخاطري ما يعرف الضيق ‏ أنا كلّ ما قلت " اللّٰه اكبر " صغر همّي

‏يعرفوني بضحكات السماحة والوجه المعروف ‏عسى ما شافت عيون البشر ما بيني وبيني ‏ولي وجهٍ لربي غير ذاك البيّن الموصوف ‏وعلى كل اتجاهات الصدف يا بيض وجهيني ‏كثر ما عشت متعامي مع الأيام كنت أشوف ‏وعلى قلة سنيني يا هو تعلّمت من سنيني

‏على وجهك من اسهاب الكلام ولوعة الكتمان ‏ مايجبر شاعرك .. يغوي بشر ويهيم في وادي

يعذربك من لا يعرفك يالمقام الزين ‏لكن يالمقام الزين من يجهلك قلّه ‏انا في وجيه اللي تخاف الله من الشين ‏ليا سولفت بالشين من لاتخاف الله ‏ترى اللي عطانا وسع خاطر وطول يدين ‏عطانا حمار عيوننا .. طبع وجبلّه

‏وجيه العابرين تمرني .. ما تلفت الأنظار ‏مدامك لافت أنظار القصيد و لافت أنظاري

‏لو تلمحين الغيم بالديم بكر ‏يمطر عليك وكل قطرة سعيدة ‏لجلك يشب الشمع ويذوب سكر ‏جنة بهيئة بنت هذي جديدة ‏ولك ينفتح باب القصيد المسكر ‏ولك تنجني كل البيوت العنيدة ‏ ولجلك سهر شاعر ليالي يفكر ‏وشلون يكتب بالقصيدة قصيدة

‏أقدر أغير فيني أشباه وأضداد ‏إلا «الوطن» ‏والأسم ‏والحب ما أقدر ‏ وما للمحبة موت واضح وميلاد ‏لا جيت أصغر قيمة الحب تكبر! ‏هواك ما ينقص مع الوقت يزداد ‏كل ما تعتّق ‏-يذهب العقل أكثر-

لا تحسبني معك ضايع لو عكست الاتجاه ‏الضايع اللي قدمه دروبك و يسلك غيرها ‏أنت الغناه لمن فقد فالعمر لذات الغناه ‏و القصه اللي كل يوم يشدني تكريرها

‏ياللي ما تاصفك الدعاوي والخطب ‏عفوك ، لو الدنيا دبورٍ في دبور ‏ماندري الطايح حصى ولا رطب ‏لولاك ياعالم بماتخفي الصدور ‏اللي كتب ماهوب مثل اللي شطب ‏واللي ثبت ماهوب مثل اللي يدور ‏مقدين يوم نخلي الزله مطب ‏ونمشّي المخطي بلا عذر ، معذور ‏ظهورنا ماهيب حمالة حطب ‏ويديننا ماهيب حفارة قبور

‏مخيف أنك تكون الصادق الأوحد ‏تحارب زيف دنيا موتها صدقك ‏عظيم تكون مع مبداك متوحد ‏كبير بعين من يعرف مدى عمقك

معك مركب غرامي ماسأل عنْ منتهى مرساي ‏بكيفك خذّ مجاديف العمر يا غُربة أسفاري!

‏كبريائي فالغلا ما هو تسلّي ‏ندرة الأشياء تغريني وأبيها ‏ما أداني إمتلاك الحاجه اللي ‏كل واحد يقدر يحصل عليها

‏سبحان من كوّن أرضه وإستقلّ بسماه ‏والأرض يدخل تحتها من مشى فوقها ‏صياف الحربي

التغاضي كل يوم يفك له صفحة جديدة ‏لين يقلبها التمادي و الخطا صفحة ندامة ‏لو معي من صغر سني حكمه ونظره بعيدة ‏كان يا كم مرحبا ، خليتها ، مع السلامة

‏أحدٍ يجي مع باقي الناس محسوب ‏وأحد يجي فوق الخلايق .. لحاله

‏العمر ناهي و راهي و المحيّا خجول ‏و زودٍ على زينها ما الله حرمها العقل

‏من عطاه الله محبة فـ القلوب ‏أشهد أن الله معطيه الكثير ‏جعلني لاجيت للناس محبوب ‏وجعلني لاغبت . . مذكورٍ بخير

سبحان من جمَّع مزايا الخلق في أكمل مثال ‏أعجوبةٍ فـ الحسن و المنطوق و أعجوبة فكر