أبجديّة

‏«مو مهم تزيد وصلك وإتصالك ‏أنت غالي حاضر ولا غبت غالي» ‏— مزيد الوسمي

المحل اللي تجينه صار بعدك عامر ‏ والقصيد اللي يجيبك يعتبر .. مغتره

‏لن ترى معادن الناس بالشكل الصحيح ‏لين تبلغ "مُجريات الظروف" أشدها ‏– عبدالله السراهيد

‏يالله برزقٍ مثل نور الصبح فلاّج الظلام ‏يبراه حظٍ مثل شمسٍ كل صبحٍ شارقه

‏يا رب أنا مهما ألتهي و أذنب و أهيم ‏من خشيتك ، ما زال صدري ممتلي ‏جيتك بـ عينٍ تدمع ، و قلبٍ سليم ‏أبثّ لك خوفي ، و حزني ، و زعلي ‏أكرمني بـ عفوك و لطفك .. يا كريم ‏و لا تحاسبني ، بـ جهدي و عملي

‏عسى الدنيا تبسم لك وتصبح فرحتك روتين ‏وعساني كل ما اشتاق لـ لقاك القاك قدامي ‏من اول ما لمحتك لك شعور بداخلي للحين ‏يوديني البحر ويردني من البحر ضامي ‏احبك والذي خالق ضلوعي من سلاله طين ‏محبه فارقه ما تشبه الا بصمه بهامي

‏«بعض الجمال أعظم من إنك توصفه ‏ودك تشوفه بس .. وتسمي عليه» ‏— سعود مهدي

"كل ما مريت دارك وأنا عجل أستريض كن ما عندي مشاغل ولا معي أخويا"

‏انتي وجهك يداحم قوم ويفك رقبه ‏ وعينك مثل جاهيّةٍ ما ينكسح طلابها

‏عطاك الله قوامٍ ما عطاه الله بنات الريح ‏و وجهٍ تنسجم فيه الملامح ملح و عذوبه

‏"عليك الغلا مردود، يالغايب الموجود ‏سوالفك غابت، مير طرياك ما غابت ‏تسيّدت في قلبي بوقع الرموش السود ‏وقفيت، وجروح الوله ما بعد طابت ‏غيابك حضورٍ له بصدر البيوت شهود ‏وش اللي يغيب ضحكتك، والغلا ثابت؟ ‏أحنّك مثل ما أحنّ وجهي من المنقود ‏وأعدّك ليا عديت الأيام وش جابت"

لو شحت نجوم ليلك لا تحايلها ‏لا ترجي الليل نجمه والقمر باكر ‏تنتظرك اشيـاء كثيره ماتخيّلها ‏عقب التعب مالك الا طيبة الخاطر

‏غديرٍ عليه الناس صادر وورّادي ‏أعيفه لو إنه من زلال المطر يسْقى ‏أنا غايتي ومناي ودواي ومرادي ‏مذاقٍ على غيري .. صعيبٍ ولا يلقى

جمال وجه ودماثة خاطر وطيب ساس ‏مافيه قبلك ولا بعدك شبيه وبــدل

‏تراك الشمس لا عمّ الظلام وشانت ظروفي ‏وظل الدرب لا مال الجدار وطاحت ركونه ‏وتراك الجنب الأيمن والحليف ومزبن سيوفي ‏ وسند روحي ليا خان الزمان ودارت غبونه ‏وتراك أغلى مساييري وطيفك أكرم ضيوفي ‏ وصدري مجلسك والناس ماعادو يمرّونه

‏عطاك الله من الود المنقّى ولا ادري ليه ‏من الناس قلبي ما هوى غيرك .. ولا ودّه

‏إن أقبلت كنّها ريح الخزامى في سفـوح ‏وإن أدبرت كنّها — الليل المكلّل بالظلام

‏ردنا لرحاب .. رضوانك ليا زلينا ‏الدروب .. تجرنا ونفوسنا تامرنا ‏وأغننا من حاجةٍ مع واحدٍ لاجينا ‏ما استحى من ثقل جيتنا ولا قدرنا

‏وين الغريب إن حن لعروقه الدم ‏ولّا العجب بالوقفة المستدامة ‏من يوم عصر السلب والثار والضم ‏ماحال دون الهامتين أي هامة ‏سعى وراهم بالردى ناقل النم ‏في خبثه وفي حربه وفي سلامه ‏ولا كسب غير المخاسير والغم ‏والساقطين مضيعين الكرامة ‏لأن الكويتي والسعودي بني عم ‏وإن الإمارةبنت عم الإمامة ‏-سلطان الحوالي ، و انا و كل كويتي بالنيابه .

‏«انا ادري ان العمر مره، بس ليت الطيبين ‏يعطيهم الله عمر .. و يعيشون مره ثانيه» ‏— عبدالله العجمي