أبجديّة

« مثل القمر وجهك مع الليل وضاح ‏سبحان من صوّر جمالك — و تمّه »

‏لا تنهزم وأنت بعيون الزمان انتصرت ‏"ظل الجبل مايظلّك ياعلوّ الجبل" ‏ولا تندم بيوم مهما في حياتك خسرت ‏هذا جزا اللي يعيشون الحياة بـ نُبل ..

‏"لا أقبل علي بـ ضحكةٍ تسرق اللب ‏فتحت له قلبي و شرّعت بابه ‏مشي السحابه لا ترّيث و لا خب ‏سبحان من خلا النقيض يتشابه ‏لا و الذي غيره حشى ما لنا رب ‏كنه وقف و الأرض تحته سحابه ‏لو ما تثنى ما دريت الهوى هب ‏ترفٍ يميله الغنج و الذرابه ."

‏مجاهد النفس أقسى من جهاد الحياة ‏ما بين عقلٍ ثقيل، وما بين قلبٍ خضر ‏- بيّن الوسمي

‏الحياة تدور ؟ لا والله العالم تدور ‏وقتٍ الله يكفي الصاحب الصافي غثاه ‏كم لي ادور مشوره ولا عينت شور ‏لوّي ادور نميمه ، عرفت من الوشاه ‏من يحبون المظاهر ، يحبون الظهور ‏ومن يحبون المصالح ، يحبون الحياه ‏التواضع فطرة اللي مايشعر بالقصور ‏والتكبر عادة الناقص ونقصه بلاه

‏تنادي لك طموحات ‏وجبر خاطر، ورِفعة ذات ‏ربيـع العمَّر يمطر بِه ‏صفاك ويزرعه خيرك

‏إن مشيتي في جراهيد الفلاة ‏تصبح الارض المحيفة مبذرة ‏ويتعنقد من خطاويك النبات ‏و يبتسم في دروبك أخضره ‏علميني شلون ماتصفى الحياة ‏و إنتي الفردوس في صورة مَرَة

‏أنا أشوف الثواني كل ما مرّت معك تحلّو ‏يطيْب العمر بـ مقابل سنَاء وجهك وضحكاته

من فقد مثلك.. ما يعتاض في باقي الوجيه ‏لو يمرونه هل الارض من بيض وسمر ‏ما على وجه البسيطه من اشباهك شبيه ‏طينتك من مسكً ابيض ومن تُربة قمر

‏في زحمة الإعجاب وهتاف الحضور ‏وش مطمعي بـ غيرك وأنا كلي معك ‏أحياناً تأكلك المظنة بلا شعور ‏‌و أنت الذي تحكم فؤادي بـ أصبعك ‏ما اخترتك من الناس يا وجه السرور ‏لأجل أزعزع من ثباتك و أفزعك ‏لوّك تشوف آثار حبك بـ الصدور ‏كان اقتنعت إني محال استشبعك

‏« سليم الصّدر يغلب ذكا راعي التّخطيط ‏لو أنه غرق —— يطلع وهو في فمه درّة »

‏بعد عثرات ودروس وسنين وتجربة وادراك ‏عرفت إن اكبر كنوز الحياة الفانيه ، مبدأ

‏موطني بين التميز .. والتفرّد والتألق ‏والفريد من التسامي والعديم من التشابه

اللهم ارحم حبيبي عبدالرحمن عدد ماسألك السائلون وذكرك الذاكرون

مشيت وكلمتي كلمة ، بلا تبرير واستعطاف ‏يكفّيني أكون أكبر من اللي هم يظنونه ‏أجي مثل السحاب ولون قلبي أبيض وشفّاف ‏وأكون أكرم من حضوره وأروح أعذب من مزونه ‏عيوني للحسن قبلة ، وجفني للحبيب لحاف ‏وروحي لأجل من يستاهل الأشواق مرهونه ‏وقلبي مستحيل إنّه يرد يحب ! لامن عاف ‏ووجهي مستحيل اللي لقاه يعيش من دونه

‏الأوّل ، اللي أول النّاس تاليه ‏تشبهوا به ، ما قووا يشبهونه ‏وجهه ضحوك ، وكن حظه ملبّيه ‏وقلبه عطوف ولمسة إيده حنونه ‏دامه مع الله ، يدري الله بيعطيه ‏و ييسّر أمره بين كافه ونونه

‏ماعشقت الاّ المحبّه والتّسامح والمروّه ‏ولا كرهت الاّ التّحاسد والتّباغض والتّجافي ‏الزمن جرحه يخلّي واعي الفكر يْتأوّه ‏لو معاليقه نظاف وقلبه مْع الوقت صافي

عسى دربي اللي فيه راجي من الله خير ‏بعد درب من يرجي من الناس ويحابي

‏اسعى ورا حلمك التايه وخلك جزوم ‏لا تحسب حساب من ساعد ولا من جحد ‏مسافة السعي خلف الحلم ماهي بيوم ‏مسافة العمر ما بين المهد واللحد ‏وان وقّفوا ضدك اللي يحبطون العزوم ‏وقّف لهم وقفة اللي ما عليه مْن أحد