أبجديّة

‏يدور الشك بين الناس والاعمال بالنيات ‏ويمر الواثق بـ نفسه عليهم و يتعداهم

‏تنبت على كفوف الأصيل الكريم السنابل ‏وتموت في كف الردي مدّة الخير والطيب

هبّ لي من الافراح واجعلني شديد الباس لين ‏أضحك على كل الجروح الصلف منها والندي"

‏مصير البنادم لو يّعمر مابين وبين ‏لحود القبر مهما المقادير تمهله ‏تجاهل زمانك لو مصيره ماتدري وين ‏لاتحسب حساب لـ دقه ومعضلة جله ‏رهين الظنون وحيرة الشك والتخمين ‏تمر السنين وخطوته مافهقت ظله

‏يالله يا حامل مفاتيح الارزاق ‏المعتني في رزق نفسٍ خلقها ‏عن الخفايا ما على عينك رواق ‏واذنك عن الاسرار ماهي بصقها ‏اجعل لنفسي من غضب وجهك اعتاق ‏وبيديك معلاق الامور ووفقها ‏واغسل قلوب اهل التباغض والاشقاق ‏وهون مسالبها وريح شفقها

يارب عطني أكثر من اللي رجيت ‏وأنت الكريم اللي عطاءه سرمدي ‏أنا أمنياتي أكبر من اللي سعيت ‏ياربّ تشرق لي مثل صبحٍ ندي ‏دخيلك من الدرب لا مال وبكيت ‏وأعوذ بك يارب من حظٍ ردي ‏طلبتك تحقِّق دعاي اللي دعيت ‏تعبت أشيل أحلامي براحة يدي"

‏يا رب أنا مهما ألتهي و أذنب و أهيم ‏من خشيتك ، ما زال صدري ممتلي ‏جيتك بـ عينٍ تدمع ، و قلبٍ سليم ‏أبثّ لك خوفي ، و حزني ، و زعلي ‏أكرمني بـ عفوك و لطفك .. يا كريم ‏و لا تحاسبني ، بـ جهدي و عملي

‏«حاول انك بالحياة تصير واضح و انتقائي ‏بالكلام وبالقصيد وبالدروب .. وبالرفاقه» ‏— متعب بن مرزوق

‏كنّك العذب المصفى ماخلق من هو يعافه ‏ تجلي عماس النفوس، و تنقلب عقبك نديّه

‏يارب وجهني طريق الصالحين ‏بدايته ونهايته ، سترة نجاه ‏رفعت نفسي عن دروب التافهين ‏اللي ولا دربٍ يشد الانتباه ‏اما حياة الطيبين الغانمين ‏ولا حياةٍ ماوراها من غناه ‏اللي حسبته من قروم الطيبين ‏الوقت ماقصر وبين لي خفاه ‏يزين طبع الناس ، ولا مايزين ‏كلٍ على حسب العمل يلقى جزاه ‏أسعد فرص ليا خسرت الخايبين ‏وراس العوض القاه في روس الدهاه

‏أسخى العطايا النيّرة والمضيئة ‏نور النفوس ، الزاهدة بالعطايا ‏واثمن هدايا الكون دعوه بريئة ‏تاثيرها أقوى من جميع الهدايا ‏رجاي بـ اللي في يديه المشيئة ‏يسخّر أبيض وجه وابيض نوايا ‏ماهوب بس مسويٍ له خبيئة ‏بينه و بين الله تعالى " خبايا "

غزالٍ كـل مـا حسّت بقرب مدورين الصيد ‏على الما لو تبي تمشي من الخفّة مشت عادي

بين طيّات الوجيه الضاحكه والمسفهلّه ‏ما عرفت أكتم هواي، ولا عرفت أخفي مرادي ‏مرحبا، ما مالت غصون الشجر وأشتاق ظلّه ‏للحميميّه تحته، وللقصيد، وللتهادي ‏بـ القبال اللي تعجز الناس عن خالي محلّه ‏والحضور اللي بَعدْه حضور خلق الله عادي ‏تشتهيك الأرض، وغيوم السماء، والكون كلّه ‏والذهول في وجهٍ أبطى يشتهي طلّتك هادي

‏تميل الريشه إللي فوق راسك مع هبوب النود ‏ليا جيتي مابين الناس مغرورة ومختاله ‏ياسبحان الي فرق وجهك عن الموجود ‏يجي والناس حوله جالسين وكنه لحاله

‏انا حضـوري مايـشـابـه غيــابي ‏يالي حضورك مع غْيابك تشـابه ‏انا حضوري مثل رعـد السحابي ‏لامـن ضـرب فالجـو كلٍ درابــه

‏عرفتك وأنتهى عصر الحسافه والتوجد ضااع ‏لقيتك واقعٍ أجمل مدى من سالف أحلامي

‏يا سِعد عينٍ تلمحك في ضحى العيد ‏ترفل بنفنوفٍ توشّى عفافك ‏يا موقّف الدنيا ، واهلها على حيد ‏مافيه احد قدْ مرّ جنبك ، وطافك

دُمتم لأحبابكم اعيادًا ، عيد أضحى مُبارك 🤍

‏الله اكبر الله اكبر لا إلـه إلا الله ‏الله اكبر الله اكبر ولله الــحمـد