أبجديّة

‏رقيق الحديث اللي على الكبد كنّه ماء ‏تباشر به نفوس ٍ، من الوقت منلاعه

‏يا إلهي جعل حلمي ما يفوته فوته ‏ودي إن عمري يقل ولا تقل أحلامي ‏السنين تمر وحبال الرجاء مفلوته ‏لاتخليني على قاع الزمان الحامي ‏الحياة اللي مراحلها ماهي مبخوته ‏ياعساها ما تجي خلفي ولا قدامي

‏يا أطهر من لمح في طارفي / بسمه ‏وأصدق من ظنون الهاقي و الخايف ‏تجي لي مثل صبحٍ يجلي … العتمه ‏وعمرٍ قبل اعرفك كان لي "مؤسف " ‏عوض صبري على أيّامي .. الظلمه ‏و عطى ربي عطاني ، قلبك المرهف ‏معك عشت العمر في رأفه و رحمه ‏ولقيت بـ شمس عمري ‏ ظلك مْوارف /

لك الله مال غيرك فالحَنايا والضمير ظلال ‏أقرب من قريب الخلق وأقرب لي من ظلالي

‏يلومون الصبور إن ملّ من صبره و أنا ما ألوم ‏من اشقاه الثبات و هدّت ظروف الزمن حيله ‏سواءًا منتصر في معركة الأيام أو مهزوم ‏لا زال بحاجة الإنسان لـ أي إنسان يشكي له ‏و لكن لا لقيت الناس حمّالة حطب و هموم ‏لا يقرب سرك من البير و ارشاه و محاحيله ‏متاهة صدرك أولى و الليالي غيبها معلوم ‏مع اللي بـ أمره يساق السحاب و يندرج سيله ‏عن أسرار العباد تضج الألسن و العزيز يشوم ‏و أنا أكثر ما ابغضه فـ الحكي تحريفه و تأويله ‏ما عرّضنا مغاليق الضماير بيعة أول سوم ‏لها الله لا أستضاقت من غثا الوقت و غرابيله ‏لو إن أحيان تصعب وقفة الخاطر على الحلقوم ‏عسى ما فات من عمرٍ مضى فدوة مقابيله

السماء منّي وأنا منها وهذي القاع قاعي ‏وين ما حطّت رحالك في بلد بـ أجيك غيمة - صالح حمد

‏على كثر الشتات اللي يمـر .. ويربك افكاري ‏لقيتك ظـلي الثابت .. معي دايم على الهقوة ‏يا وجـهٍ .. كل ما ضاقت علي و شانت اقداري ‏ذكرته و انجلى ضيقي .. و صارت عبرتي غنـوة

لو أن روحك تشبه لـ لبسّك فـ عيوننا بيكون شانك شان حاول تكون إنسان مع نفسك علشان حنا .. نعتبرك إنسان :)

يا عالمٍ بـ اسمي، وسرّي وفحواي ‏و اللي حصل في الليلتين الأخيره ‏ما عدْت متوجّس ولا خايف الجاي ‏مستودعك وجهي ولا فيه غيره ‏يا الله عليك ولا على غيرك رضاي ‏لا صرت غير اللي تمنّيت أصيره

‏تدري إنك عندي اغلى من الغالين وزود ‏وإن لك فالقلب .. جرّه ولك ماطى قدم ‏جعلني ماذوق حزنك وجعلك ف الوجود ‏ وجعلني ما اعتاض .. ولا خلا ولا عدم

‏«بعد ما تشعرك كلّ الوجيه إنك بديت تضيع ‏يجي واحد وبعده تحمد الله .. إنّهم راحوا» ‏— سالم حمد

‏لن ترى مَعادن الناس بالشكل الصحيح ‏لين تبلغ "مُجريات الظروف" أشدّها ‏– عبدالله السراهيد

‏انت الشعور الصادق و غيرك سراب ‏و انت المقرّ الثابت و غيرك ممر

‏أنسحب من كل قلبٍ مايشيلك ‏و أبتعد عن كل عينٍ . . ماتودّك ‏ولا تجي للي تجيه وما يجي لك ‏ولا تعد اللي تعمّد . . مايعدك

‏سبحان من يمسح على قلب الإنسان ‏ويوزِع عليه مْن الرضا والرحابه ‏الادمي يسعى على الارض بـ احسان ‏والله يشرِّع فـ السماوات بابه ‏الدعوة اللي ادعي بها كل الاحيان ‏مرة قريبة .. وْمرة أبعد سحابة ‏ماغرّ منها قلب مؤمن ولا لْسان ‏والبارحة عيّنتها مستجااااابة

‏غروٍ يخلّي زعيم القوم له ، خادم ‏لو عاش كل العمر مخدوم في قصره

‏في كل موقف يلحقك عرق الأجواد ‏من خال ولا عم .. طيبك رهاوي

‏بالضلوع أسرح ، وبالخاطر تفيَّا ‏لا غَلا عمري عليك .. ولا سنيني ‏قد نهيت القلب من يمك وعيَّا ‏الهوى ماهو بشيٍ في يديني ‏أنت من كثرك على الدنيا محيَّا ‏وين مالديت ، لا أنت اللي بعيني ‏إن بقى للشوق .. وصلٍ ماتهيَّا ‏"مرني يا أعز وأغلى من يجيني"

‏« أنتِ لو مريتي بعمر آدمي حظه شحوح ‏ما عاد يبغى من عطايا الحظ حاجه تقنعه »