Toshkent viloyati maktabgacha va maktab ta'limi boshqarmasi kanali

✅✅✅✅ #Биринчи_қўнғироқ Bo’stonliq tumanidagi 34-maktabga atoqli qozoq yozuvchisi nomi berildi 🔴 Bugun yurtimizning barcha umumta’lim maskanlarida 2026-2027-o‘quv yilining birinchi dars soatlari boshlandi.

Toshkent viloyati, Bo‘stonliq tumani, 34-maktabda tashkil etilgan tadbirda O‘zbekiston Respublikasi Prezidenti maslahatchisi — spichrayter Xayriddin Sultonov, Maktabgacha va maktab ta’limi vaziri E’zoza Karimova, keng jamoatchilik vakillari va Qozog’iston Respublikasi Prezidenti maslahatchisi Malik Otarbayev boshchiligidagi delegatsiya vakillari ishtirok etishdi.

🔰 Tadbir avvalida O‘zbekiston Respublikasi Prezidentining maktab o‘quvchilari va ustoz-murabbiylarga tabrigi o‘qib eshittirildi. ➖ Shuningdek, yangi o’quv yilida kutilayotgan yangiliklar va sohadagi o‘zgarishlar haqida so‘z yuritildi. 🌐 Ta’kidlash joiz, mazkur maktabga atoqli qozoq yozuvchisi, dramaturg, tarjimon va jamoat arbobi Rahmetolla Rayimqulov nomi berildi va uning nomidagi raqamli kutubxona ochildi. ⏰ Tadbir davomida bu yil 1-sinfga qabul qilingan o‘quvchilarga “Prezident sovg‘asi” taqdim qilindi. 🔺 Bundan tashqari, O‘zbekiston Respublikasi Prezidenti maslahatchisi Xayriddin Sultonov, vazir E’zoza Karimova hamda Qozog’iston delegatsiyasi vakillari ishtirokida o‘quv yilining birinchi dars soati — “Kelajak soati” doirasida “Mustaqillik darslari” bo‘lib o‘tdi. 🌍🌍🌍🌍🌍🌍 Bizni kuzating: ❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

✅✅✅✅ #Биринчи_қўнғироқ 🔴 Bugun yurtimiz bo‘ylab barcha umumta’lim muassasalarida yangi o‘quv yili boshlandi 🔰 Jonajon O‘zbekistonimizning 35 yillik mustaqillik ayyomi bilan birgalikda kechayotgan ushbu unutilmas kunda 795 ming nafardan ortiq birinchi sinf o‘quvchilari katta hayotga qadam qo‘ymoqda. 📍 Ularga 12 nomdagi o’quv qurollaridan iborat “Prezident sovg’alari” topshiriladi. 📊 Ma’lumot o‘rnida: 2026-2027-o‘quv yilida mamlakatimizdagi mavjud 10 225 ta umumta’lim maktablarida 550 mingdan ortiq o‘qituvchilar 6,7 mln. nafardan ortiq o‘quvchilarga ta’lim-tarbiya beradi. 💬 Jarayonlar davom etmoqda. 🌍🌍🌍🌍🌍🌍 Bizni kuzating: ❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

🔥🔥🔥

➖ Umumta’lim maktablarida tantanalar boshlandi

🔴 Ayni paytda viloyatimizdagi 875 ta umumiy o‘rta ta’lim maktablarida Davlatimiz madhiyasi sadolari ostida tantanlar boshlandi. ◀️ “YAGONA VATAN, YAGONA XALQ BO‘LIB, YANGI HAYOT VA KELAJAK YARATAMIZ!” shiori ostida bayramona tadbirlar bo‘lib o‘tadi, hamda 1-sinf o‘quvchilariga Prezident sovg‘alari beriladi, shuningdek, "Mustaqillik darslari" tashkil etiladi. 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot

🔴#BUGUN 🔔BIRINCHI QO‘NG‘IROQ

✍️ Bugun viloyatimizdagi 875 ta umumta’lim maktabida 552 314 nafar o‘quvchilar “Birinchi qo‘ng‘iroq” sadolari ostida darslarni boshlaydi.

🔴 Dastlab, “YAGONA VATAN, YAGONA XALQ BO‘LIB, YANGI HAYOT VA KELAJAK YARATAMIZ!” shiori ostida bayram tantanalari tashkil etiladi. Joriy o‘quv yilida 61 981 nafar bolajonlar birinchi sinfga qadam qo‘yishmoqda. 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot

#TADORIK 😊 YANGI O‘QUV YILI OLDIDAN

✍️ Ayni paytda, Toshkent viloyatida barcha umumiy o‘rta ta’lim maktablari yangi o‘quv yiliga tayyor.

📎 Ma’lumot o‘rnida, 🟠 Joriy o‘quv yilida 1-sinfga 61 981 nafar 2019- yilda tug‘ilgan o‘quvchilar kelishi rejalashtirilgan bo‘lib, bugungi kunda ularning adm.maktab.uz platformasidan ro‘yxatdan o‘tkazilib, barchasiga 12 turdagi Prezident sovg‘alari to‘liq yetkazildi. 🟠 2026-yil “Investitsiya dasturida” 30 ta maktablarda qurilish ta’mirlash ishlari va moddiy texnik bazasini mustahkamlash uchun 201 mlrd. so‘m ajratildi hamda 4103 ta yangi o‘quvchi o‘rni yaratildi. 🟠 Quvonarlisi, Zangiota va Toshkent tumanlari 1 tadan yangi maktab qurilib foydalanishga topshirildi. 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot

#TABRIK Hurmatli ustozlar! Aziz o‘quvchilar! Qadrli ota-onalar! Barchangizni yangi 2026/2027-o‘quv yili boshlanishi, yurtimiz ta’lim maskanlarida yana bir yangi bilim va imkoniyatlar fasli ochilayotgani munosabati bilan chin qalbimdan samimiy muborakbod etaman! Yangi o‘quv yili - bu nafaqat yangi darslar, yangi kitoblar va yangi maqsadlar, balki kelajak sari tashlanayotgan yana bir muhim qadamdir. Bugun Yangi O‘zbekistonda ta’lim sohasi davlat siyosatining eng ustuvor yo‘nalishlaridan biriga aylandi. Maktablarimizda zamonaviy shart-sharoitlar yaratish, ta’lim sifatini yuksaltirish, pedagoglarning maqomi va nufuzini oshirish, yosh avlodning zamonaviy bilim va kasb-hunarlarni egallashi uchun keng imkoniyatlar yaratish borasida ulkan ishlar amalga oshirilmoqda. Bu islohotlarning zamirida esa bitta buyuk maqsad - bilimli, vatanparvar, mustaqil fikrlaydigan va yurt taqdiriga daxldor avlodni tarbiyalash maqsadi mujassam. Aziz o‘quvchilar! Bugun sizlar uchun yana bir yangi marra boshlanmoqda. Maktab ostonasiga ilk bor qadam qo‘yayotgan birinchi sinf o‘quvchilaridan tortib, mustaqil hayot sari yaqinlashayotgan bitiruvchilarimizga qadar har biringizning oldingizda katta orzu va imkoniyatlar turibdi. Unutmang: bilim - barcha eshiklarni ochadigan kalit, mehnat esa muvaffaqiyatga olib boradigan eng ishonchli yo‘ldir. Qadrli ustozlar! Yosh avlodni bilimli, ma’naviyatli va Vatanga sadoqatli insonlar etib tarbiyalashdek sharafli va mas’uliyatli vazifada biz, avvalo, Sizlarning fidoyiligingiz, tajribangiz va yuksak kasbiy mahoratiga tayanamiz. O‘qituvchining mehnati millat kelajagiga qo‘yilgan eng katta sarmoyadir. Shu bois mamlakatimizda pedagoglarni har tomonlama qo‘llab-quvvatlash, ularning jamiyatdagi obro‘ va nufuzini yanada yuksaltirishga alohida e’tibor qaratilmoqda. Yangi o‘quv yilining ilk saboqlari “Yagona Vatan, yagona xalq bo‘lib, yangi hayot va kelajak yaratamiz!” shiori ostida o‘tkazilishi ham bejiz emas. Zero, farzandlarimiz qalbida Vatanga muhabbat, istiqlolga sadoqat, tinch va osoyishta hayotimizni qadrlash, yurt taraqqiyotiga daxldorlik hissini shakllantirish ta’lim-tarbiya jarayonining eng muhim maqsadlaridan biridir. Hurmatli ustozlar, aziz o‘quvchilar! Yangi 2026–2027 o‘quv yili barchangiz uchun yangi yutuqlar, ezgu tashabbuslar, yuksak natijalar va unutilmas muvaffaqiyatlarga boy bo‘lsin! O‘quvchilarimizga ilm yo‘lida g‘ayrat va shijoat, ustozlarimizga mustahkam sog‘liq, kuch-g‘ayrat va kasbiy zafarlar, ota-onalarimizga esa farzandlar kamolidan faxrlanib yashash baxtini tilayman. Barchangizga omad va zafarlar yor bo‘lsin! Shukur Burxonov Toshkent viloyati Maktabgacha va maktab ta’limi boshqarmasi boshlig‘i

Qadrli o‘quvchilar! Hurmatli ustoz va murabbiylar! Muhtaram ota-onalar! Barchangizni jonajon Vatanimiz mustaqilligining 35 yilligi shukuhi bilan uyg‘un holda kirib kelgan yangi o‘quv yili — Bilimlar kuni bilan samimiy muborakbod etaman. Ayniqsa, bugun “Birinchi qo‘ng‘iroq” sadolari ostida qalbi hayajon va orzularga to‘lib, maktab ostonasiga ilk bor qadam qo‘yayotgan aziz bolajonlarimizni hamda ularning ota-onalarini ushbu unutilmas kun bilan alohida qutlayman. Davlatimiz rahbari boshchiligida ta’limni rivojlantirish, ustozlarning jamiyatdagi o‘rni va nufuzini oshirish, farzandlarimizning zamonaviy bilim va kasb-hunar egallashi uchun munosib sharoit yaratishga alohida e’tibor qaratilmoqda. Maktablarimizning qiyofasi va mazmuni yangilanib, ta’lim jarayoniga zamonaviy yondashuvlarning kirib kelayotgani yoshlarimiz uchun yangi imkoniyatlar eshigini ochmoqda. Bu imkoniyatlarning amaliy natijasini o‘quvchilarimiz erishayotgan yutuqlarda yaqqol ko‘rib turibmiz. Yoshlarimizning xalqaro fan olimpiadalari, nufuzli tanlovlar, sport va ijodiy bellashuvlarda Vatanimiz sharafini munosib himoya qilayotgani, bitiruvchilarimizning yurtimiz va xorijdagi yetakchi oliy ta’lim muassasalarida tahsil olish imkoniyatini qo‘lga kiritayotgani barchamizga katta faxr bag‘ishlaydi. Ishonamanki, yangi o‘quv yilida ham ustozlarimizning fidokorona mehnati, ota-onalarimizning doimiy qo‘llab-quvvatlashi va o‘quvchilarimizning bilimga intilishi yangi yutuqlarga zamin yaratadi. Barchangizga mustahkam sog‘lik, oilaviy xotirjamlik, o‘qish va mehnat faoliyatingizda ulkan muvaffaqiyatlar tilayman. Yangi o‘quv yili barchamizga muborak bo‘lsin! Hurmat bilan, E’zoza Karimova Maktabgacha va maktab ta’limi vaziri ✉️ Telegram 📱 Instagram 🗳 Facebook

🇺🇿 “YAGONA VATAN, YAGONA XALQ BOʻLIB, YANGI HAYOT VA KELAJAK YARATAMIZ!” 🔔 BIRINCHI QO‘NG‘IROQ Birinchi qo‘ng‘iroq - bu kun madhiga, Eng shirin tuyg‘ular yozilgay atab. Sig‘dirib quvonchlar cheksiz, sathiga, Yana quchog‘ini ochmoqda maktab! Tanish sinfxona, tanish tuyg‘ular, Oqlangan devorlar, ko‘klangan parta... Va ko‘ngilday tiniq sinf oynasi, Termulgansiz undan necha ming marta. Sizni kutib turar, eshik boshida, Dilini hayajon bosib damo-dam. Umrini maktabga etgan baxshida, Ustoz deb atalmish qadrdon odam! Bolam qutlug‘ bo‘lsin ilmu-oshnolik, Maktabga boshlangan tabarruk yo‘llar. Mitti jonchalarda ajib tashnalik. Jajji qo‘lchalarda yuz ochar gullar. Birinchi qo‘ng‘iroq - dillar beg‘ubor, Aylar, ayriliqning xotimalarin. Yodimga soladi har yili takror, Bolalik yillarim xotiralarin... Yigitchalar po‘rim, sochlar taralgan, Qizlar maqtanishar yangi kuylagin... Asli, yoshlik o‘zi shunday yaralgan, Uning har damini kelar kuylagim. Sohir sentabr sochur jilvasin, Quyosh sollanadi ko‘ngilni o‘rtab. Chalinar qadrdon qo‘ng‘iroq sasi, Assalom muallim! Assalom maktab! 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot

#Mustaqillikning_35_yilligi #Tonggi_tarona 🇺🇿 Bayraming muborak, aziz O‘zbekiston! 🇺🇿 Mustaqilligimiz abadiy, osmonimiz musaffo, xalqimiz tinch va farovon bo‘lsin! Yurtimizdan fayz-baraka, xonadonlarimizdan shukronalik va baxt arimasin. 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot

🇺🇿 O‘ZBЕKISTON RЕSPUBLIKASI DAVLAT MADHIYASI 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot

#Мактабгачатаълим #Ohangaron_shahri ⭐16-SONLI DAVLAT MAKTABGACHA TA’LIM TASHKILOTI YANGI O‘QUV YILIGA TAYYOR 🔵 Ohangaron shahridagi 16-sonli davlat maktabgacha ta’lim tashkilotida yangi o‘quv yilini munosib kutib olish maqsadida barcha zarur tayyorgarlik ishlari amalga oshirildi. ➡️ Xususan, ta’lim-tarbiya jarayoni tashkil etiladigan guruh xonalari to‘liq tayyorlanib, o‘quv-metodik materiallar joy-joyiga qo‘yildi. Xonalar zamonaviy va bolajonlar uchun qiziqarli tarzda bezatilib, vatanparvarlik ruhidagi ko‘rgazmalar hamda davlat ramzlari bilan jihozlandi. 📎 Shuningdek, tarbiyalanuvchilarning ta’lim olishi, dam olishi va mashg‘ulotlarda faol ishtirok etishi uchun shinam, ozoda, xavfsiz va qulay muhit yaratildi. ✍️ Ayni paytda 16-sonli DMTT jamoasi yangi o‘quv yilini ko‘tarinki kayfiyat, yangi maqsad va rejalar bilan boshlashga shay. 💐 Tashkilot jamoasi barcha tarbiyalanuvchilarni yangi o‘quv yilida mamnuniyat bilan kutib oladi. 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot

O’zbekiston Respublikasi Prezidenti Shavkat Mirziyoyevning mamlakatimiz maktablari o‘quvchilari va ustoz-murabbiylariga tabrigi

Aziz farzandlarim! Qadrli ustoz va murabbiylar! Hurmatli ota-onalar! Barchangizni Vatanimiz mustaqilligining 35 yillik qutlug‘ bayramiga uyg‘un va hamohang holda o‘tayotgan Bilimlar kuni bilan chin dildan samimiy muborakbod etaman. Ushbu quvonchli ayyomda beg‘ubor nigohlarida hayrat va hayajon uchqunlari porlab, katta orzu-intilishlar bilan maktab ostonasiga qadam qo‘yayotgan 800 ming nafarga yaqin o‘g‘il-qizlarimizga, ota-onalar va pedagoglar jamoatchiligiga o‘zimning ezgu tilaklarimni bildiraman. Yangi o‘quv yili mamlakatimizning butun ta’lim tizimida, maktab, litsey, texnikum va oliygohlarimiz hayotida yangi ma’rifiy yuksalish yili bo‘lsin! Hurmatli bayram ishtirokchilari! Keyingi yillarda ta’lim-tarbiya sohasida amalga oshirayotgan keng ko‘lamli islohotlarimiz tufayli Yangi O‘zbekiston maktablari butunlay yangicha qiyofa kasb etib, ta’lim sifati takomillashib borayotganini barchamiz ko‘rib turibmiz. Ana shunday muhitda ulg‘ayib, kamolga yetayotgan, o‘qish, kasbiy ta’lim, “Ay-ti”, ijodiy izlanishlar, sport, jamoat ishlarida dastlabki yutuqlari bilan ota-onalar va ustozlarni xursand qilayotgan o‘g‘il-qizlarimiz – bizning nurli kelajagimiz, oltin fondimizdir. Bunday bilimli, zukko, tirishqoq va intiluvchan, saflari yil sayin kengayib borayotgan farzandlarimiz timsolida biz Uchinchi Renessans nihollarini ko‘ramiz. Ularning har birini gurkirab o‘sadigan azim daraxt, yorug‘ istiqbolimiz ustunlari etib tarbiyalash – muqaddas vazifamizdir. Hech shubhasiz, bunday ulug‘ maqsadlarga yetishda mustahkam poydevor bo‘lib xizmat qiladigan ta’lim-tarbiya sohasini rivojlantirishga biz bundan buyon ham ustuvor ahamiyat qaratamiz. Maktab bag‘ridan katta hayotga yo‘llanma oladigan farzandlarimiz puxta bilim bilan birga, albatta kamida bitta zamonaviy kasb-hunarni egallab chiqishi uchun barcha sharoitlarni yaratamiz. Buning uchun hududlarda “Kasblar shaharchalari”ni yaratib, zamonaviy tajriba hamda ilg‘or mutaxassislarni jalb etamiz. Aziz farzandlarim, sizlarga baxtli va saodatli hayot eshiklarini ochadigan kalit ham, umr yo‘llaringizda paydo bo‘ladigan murakkab savollarning yechimi, sinov va mashaqqatlarni yengib o‘tishning kafolati ham faqat bilim, bilim va bilimdir. Go‘zal yoshlikning har bir daqiqasini qadrlab, yangi ilm, g‘oya va innovatsiyalarni, kasb va hunarlarni, ona tilimiz, boy tariximiz va madaniyatimiz asoslarini puxta egallang. Jahon tarixi va xorijiy tillarni ham astoydil o‘rganing. Izlanish va harakatdan hech qachon to‘xtamang. Ajdodlarimizdan meros bo‘lgan tabarruk zaminimizni butun qalbingiz, yuragingiz bilan seving, xalqimiz va Vatanimizga cheksiz sadoqat tuyg‘ulari bilan yashang! Shu yo‘lda mehribon ustozlaringiz, ota-onalaringizni eng yaqin do‘st va maslahatchi deb biling! Sizlarga yangi o‘quv yilini a’lo baholar bilan boshlab, har bir o‘quv choragini muvaffaqiyatli yakunlashni, sihat-salomatlik, omad va zafar yor bo‘lishini tilayman. Bilimlar bayrami barchangizga muborak bo‘lsin, aziz farzandlarim!   Shavkat Mirziyoyev, O‘zbekiston Respublikasi Prezidenti Prezident.uz|Facebook|Instagram|YouTube|X

📎2-sentabr kuni "Kelajak soati" mashg'ulotlarini o'tkazishda foydalaniladigan materiallar ✅ Maktabgacha ta'lim muassasalari uchun ✅ 1-4-sinflar uchun ✅ 5-8-sinflar uchun ✅ 9-11-sinflar uchun Ijtimoiy tarmoqlardagi sahifalarimizni kuzatib boring! 📱Telegram 🎬Youtube 📱Instagram 🌐Veb-sayt

Vatanimizning oltin davrini, yangi buyuk tarixini albatta barchamiz birgalikda yaratamiz! Bizga mustaqillik ne’matini bergan Parvardigorimizga cheksiz shukronalar bo‘lsin! Istiqlolimiz ijodkori va haqiqiy bunyodkori bo‘lgan xalqimizga shon-sharaflar bo‘lsin! Butun xalqimizni bugungi ulug‘ bayram – O‘zbekiston Respublikasi davlat mustaqilligining o‘ttiz besh yilligi bilan tabriklayman. Yurtimiz tinch, xonadonlarimiz obod va farovon bo‘lsin! Yashasin O‘zbekiston Respublikasi! Yashasin O‘zbekiston xalqi!

Shavkat Mirziyoyev, O’zbekiston Respublikasi Prezidenti —

Все вместе мы обязательно создадим золотую эпоху, новую великую историю нашей Родины! Мы благодарны Всевышнему за поистине бесценное богатство – нашу независимость! Слава нашему народу – созидателю независимости! С 35-летием государственной независимости Республики Узбекистан. Пусть в нашей стране всегда царит мир, в наших домах будут благополучие и достаток! Да здравствует Республика Узбекистан! Да здравствует народ Узбекистана!

Шавкат Мирзиёев, Президент Республики Узбекистан Prezident.uz|Facebook|Instagram|YouTube|X

Qadrli yurtdoshlar, hurmatli ustozlar va aziz o‘quvchi-yoshlar! Barchangizni xalqimiz uchun eng ulug‘ va eng aziz bayram — O‘zbekiston Respublikasi davlat mustaqilligining 35 yilligi bilan samimiy muborakbod etaman! Bugun davlatimiz rahbari tomonidan ta’limga qaratilayotgan yuksak e’tibor, maktabgacha va maktab ta’limi tizimida amalga oshirilayotgan keng ko‘lamli islohotlar zamirida ham ulug‘ bir maqsad mujassam — farzandlarimizning baxtli kelajagini ta’minlash, ularni bilimli, mustaqil fikrlaydigan, Vatan taqdiriga daxldor avlod etib tarbiyalash. Hurmatli ustozlar! Har bir farzandning qalbida ilmga mehr uyg‘otish, uning iste’dodini yuzaga chiqarish, hayotda o‘z yo‘lini topishiga ko‘maklashishdek ulug‘ vazifani sidqidildan ado etib kelmoqdasiz. O‘quvchilarimizning har bir yutug‘ida sizning bilimingiz, sabr-toqatingiz va fidokorona mehnatingiz bor. Buning uchun barchangizga chuqur minnatdorlik bildiraman. Aziz o‘quvchilar! Sizlarning har bir yutug‘ingiz biz uchun quvonch va faxrdir. Bugun olayotgan bilimingiz, qilayotgan izlanishlaringiz va oldingizga qo‘yayotgan maqsadlaringiz ertaga nafaqat o‘z hayotingizni, balki Vatanimiz kelajagini ham belgilaydi. O‘z kuchingizga ishoning, bilim olishdan va izlanishdan hech qachon to‘xtamang. Davlatimiz rahbari ta’kidlaganlaridek, Vatanimizning oltin davrini, yangi buyuk tarixini, albatta, barchamiz birgalikda yaratamiz! Aziz yurtdoshlar! Shu qutlug‘ ayyomda har bir xonadonga tinchlik, fayz-u baraka va farovonlik tilayman. Yurtimiz tinch, osmonimiz musaffo, xalqimiz omon, mustaqilligimiz abadiy bo‘lsin! Hurmat bilan, E’zoza Karimova Maktabgacha va maktab ta’limi vaziri ✉️ Telegram 📱 Instagram 🗳 Facebook

O‘tgan yilning oktabr oyida Oksfordda tashabbusimiz bilan boshlangan o‘zbekshunoslik dasturi izchil yoʻlga tushib, o‘zining ajoyib amaliy natijalarini berayotganidan behad mamnunman. Endilikda Oksford talabalari o‘zbek tilini bevosita kundalik jonli muloqot muhitida o‘rganish hamda madaniyatimiz, tariximiz va shaharlarimiz bilan yaqindan tanishish maqsadida bir oyga O‘zbekistonga keldilar. Talaba yoshlarga o‘qishlarida muvaffaqiyatlar, tilimizning boyligi va ma’no jozibasini kashf etishlarida yangi taassurotlar tilayman. Go‘zal diyorimiz siz uchun chinakam qadrdon maskanga aylanib, har biringizning qalbingizdan munosib joy olsin! — Очень рада видеть, что программа узбекских исследований, запущенная нами в Оксфорде в октябре прошлого года, работает в полную силу и даёт прекрасные результаты. Теперь студенты Оксфорда приехали в Узбекистан, чтобы целый месяц изучать узбекский язык там, где на нём говорят каждый день, знакомиться с нашей культурой, историей и городами. Желаю ребятам успехов в учёбе и интересных открытий в богатстве и образности узбекского языка. Пусть наша страна станет для вас по-настоящему родной и понятной!

#Mustaqillikning_35_yilligi #Tabrik 📌Angren shahar 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot

#shukuh Toshkent viloyatida mustaqilligimizning 35 yillik tantanalari ko‘tarinki ruh, yuksak badiiy-g‘oyaviy saviyada nishonlandi! ✅Telegram 🌐Website 📹YouTube✅Facebook 🕊Twitter🌐Instagram

#мактабгача_таълим #MUSTAQILLIKNING_35_YILLIGI 🇺🇿 “YAGONA VATAN, YAGONA XALQ BO‘LIB YANGI HAYOT VA KELAJAK YARATAMIZ!” 🔵 Zangiota tumani 18-sonli tayanch davlat maktabgacha ta’lim tashkilotida O‘zbekiston Respublikasi Mustaqilligining 35 yilligi munosabati bilan “YAGONA VATAN, YAGONA XALQ BO‘LIB YANGI HAYOT VA KELAJAK YARATAMIZ!” shiori ostida bayram tadbiri ko‘tarinki ruhda o‘tkazildi. ✍️ Tadbir davomida tarbiyalanuvchilar tomonidan Vatan, tinchlik va Mustaqillikka bag‘ishlangan she’rlar, kuy-qo‘shiqlar hamda chiroyli raqslar ijro etildi. Bolajonlarning quvnoq va mazmunli chiqishlari tadbirga o‘zgacha fayz bag‘ishladi. ⭐ Tadbirning asosiy maqsadi yosh avlod qalbida Vatanga muhabbat, milliy qadriyatlarga hurmat, tinchlik va birlik tuyg‘ularini shakllantirishdan iborat bo‘ldi. 🇺🇿 Mustaqilligimizning 35 yilligi muborak bo‘lsin! 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot

#Bizning_yoshlar #Zangiota_tumani #Iftixor 🎓 BARCHA BITIRUVCHILAR TALABA! 📌Zangiota tumanidagi 22-sonli umumiy o‘rta ta’lim maktabi jamoasi uchun joriy o‘quv yili unutilmas natija bilan yakunlandi. Maktabning 11-sinf bitiruvchilarining barchasi talaba maqomiga ega bo‘ldi! 🟠 Yoshlarimizning intilishi, ota-onalarning ishonchi va, eng avvalo, ustozlarning yillar davomidagi sharafli, mashaqqatli hamda fidokorona mehnatining munosib samarasidir. Har bir muvaffaqiyat ortida ustoz mehri, sabri va bilimga yetaklovchi mashaqqatli mehnat bor. ⭐ Yoshlarimizni ushbu yuksak natija bilan samimiy muborakbod etamiz! Kelgusi ta’lim bosqichlarida ham ularga ulkan zafarlar, yuksak marralar va munosib muvaffaqiyatlar tilaymiz! 🎥 Zangiota tumani 22-maktab bitiruvchilarining quvonchli natijalari - videolavhamizda. 🌍🌍🌍🌍🌍🌍 Kanalni yaqinlaringiz bilan ulashing ❤https://t.me/toshkentv_xtb | 🌐Facebook| 🔎Veb-sayt |  🌐Instagram|▶️YouTube 👍@ToshvilmmtbgamurojaatBot