Будзьма беларусамі!

🗣 Заснавальнік Audiobooks Мікіта Белаглазаў пра пяць гадоў агучкі, эканоміку беларускай культуры і нацыянальную памяць Заснавальнік аўдыявыдавецтва Audiobooks Мікіта Белаглазаў распавёў пра пяць гадоў развіцця праекта, амаль 70 агучаных кніг, эканамічныя цяжкасці беларускамоўнага кантэнту і памяць пра пісьменніцу Святлану Курс. 🧐 Анлайн-сустрэча з Мікітам адбылася ў межах праекта «Літаратура і кава», які ладзіць Асацыяцыя беларусаў у Амерыцы. Падрабязней. 🔗Па гэтай спасылцы адкрыецца без VPN.

🔴 Дайсьці да нашае Мары «Быць сабою», «не чапайце нас», «сам сабе гаспадар», «дайце пажыць спакойна» — гэтыя знаёмыя кожнаму і кожнай з нас выразы можна цягнуць бясконца. І ўсе яны, нібы тыя ручаіны і рэкі ў моры, сыходзяцца ў адным — у нашай беларускай Мары пра свабоду, пра незалежнасьць. ❓ Толькі дзе яна, гэтая Мара? І ці дойдзем мы калі-небудзь да Яе? Адказ шукае ў сваёй рубрыцы «Прыдарожны пыл» Валера Руселік.

Бясконца наша мара аб свабодзе Вядзе нас па зямлі і па вадзе, Як сонца, што ніколі не заходзе, Як зорка, што ніколі не ўпадзе... Божа ж мой Божа, як я люблю гэтую песьню Зьмітра Вайцюшкевіча на верш Уладзімера Някляева «Сьцяг»! Ну гэта ж самая што ні ёсьць праўда — пра нашую галоўную беларускую Мару! Інакш чаго б нам, беларусам, мець столькі Дзён Незалежнасьці, праўда? 25 сакавіка, 27 ліпеня, 25 жніўня і, урэшце, нават цяперашні афіцыйны — 3 ліпеня. З апошнім, дарэчы, дасьціпная гістарычная сытуацыя атрымліваецца. Як вядома, да агульнанацыянальнага статусу дата 3 ліпеня мела статус сталічны: менавіта ў гэты дзень у 1944 годзе на зьмену нямецкім захопнікам Менск заняла Чырвоная армія. А роўна 284 гады датуль, 3 ліпеня 1660 года, войскі Вялікага Княства Літоўскага і Кароны Польскай таксама вызвалілі Менск ад захопнікаў — маскоўскіх. То-бок якую і ад каго незалежнасьць сьвяткаваць у гэты дзень — ёсьць варыянты, праўда?

Працяг па спасылцы. 🖥 Па гэтай спасылцы адкрыецца без VPN.

✨ 120 гадоў самаму вядомаму польскаму мінчуку 27 ліпеня 1906 года ў Мінску нарадзіўся польскі публіцыст, палітык і заснавальнік парыжскага польскамоўнага часопіса «Kultura» Ежы Гедройць. Ягоным імем сёння названа адна з галоўных літаратурных прэмій за кнігі, напісаныя па-беларуску. 🗡 Ежы Гедройць паходзіў са шляхецкай сям’і. Ён вывучаў права і гісторыю ў Варшаўскім універсітэце, працаваў у польскіх міністэрствах, займаўся журналістыкай і рэдагаваў выданні «Bunt Młodych» і «Polityka». Пасля пачатку Другой сусветнай вайны Гедройць выехаў у Румынію, а пазней далучыўся да польскага войска. Ён удзельнічаў у лівійскай кампаніі і баях за Тобрук, працаваў у структурах польскага ўрада ў выгнанні. 📚 У 1946 годзе Гедройць заснаваў у Рыме Літаратурны інстытут, а праз год пачаў выдаваць часопіс «Kultura». Неўзабаве рэдакцыя пераехала ў Мезон-Лафіт пад Парыжам, дзе Гедройць жыў і працаваў да канца жыцця. «Kultura» стала адным з найважнейшых інтэлектуальных цэнтраў польскай эміграцыі. З часопісам супрацоўнічалі Чэслаў Мілаш, Вітольд Гамбровіч, Юзаф Чапскі, Густаў Херлінг-Грудзінскі і іншыя вядомыя аўтары. 🧐Гедройць паслядоўна выступаў за незалежнасць Беларусі, Літвы і Украіны, добрасуседскія адносіны паміж гэтымі краінамі і Польшчай, а таксама за прызнанне пасляваенных межаў. Гэтыя ідэі сталі асновай так званай дактрыны Гедройця. 🇵🇱 Публіцыст памёр 14 верасня 2000 года ў Мезон-Лафіт. У 2006 годзе, да стагоддзя з дня яго нараджэння, Сейм Польшчы абвясціў Год Гедройця, а юбілей адзначалі пад эгідай ЮНЕСКА. Сёння імя Ежы Гедройця носіць вуліца ў Мінску. У Беларусі штогод уручаюць літаратурную прэмію імя Гедройця, якой адзначаюць найлепшыя кнігі, напісаныя па-беларуску. 📺 Арыстакрат духу — Ежы Гедройц — у нашым відэа: https://youtu.be/PSZ-2tErc98

💬 Будзьма раіць! Тэлеграм-каналы, на якія САПРАЎДЫ варта падпісацца! 🤖 Будзьма разам! — тэлеграм-бот з афішай беларускіх мерапрыемстваў у Беларусі і за мяжой. Своечасова нагадвае пра беларускія падзеі ў тваім горадзе і краіне. 💚 Экадом — канал з самымі актуальнымі эканавінамі і сапраўды карысным кантэнтам на кожны дзень. Проста і з душой пра экалагічны лад жыцця, абарону прыроды і твае правы на бяспечны свет. 🙂 DzikMedia —  малады медыяпраект з 2025 года, які піша пра беларусаў, дзе б яны ні былі. Ён не транслюе павестку рэжыму, а стварае сваю! 🙌 Царства Прыроды — канал для аматараў прыроды і разнастайнага кантэнту па-беларуску. Цікавыя факты пра жывёлаў, расліны і прыродныя з'явы - усё гэта вы знойдзеце тут! ⚡️ ULegend - вандроўкі па-беларуску — суполка беларускамоўных віленскіх экскурсій ды вандровак і квэстаў ад праекта ULegend, а таксама беларускіх віленскіх культурніцкіх імпрэзаў. ✊ Беларуская дыяспара Кракава — канал беларускай дыяспары Кракава. Важныя навіны і звароты ды афіша мерапрыемстваў.

📋 Журы вызначыла кароткі спіс Прэміі Гедройця Аргкамітэт прэміі імя Ежы Гедройця прадстаўляе кароткі спіс кніг, якія працягваюць змаганне за адну з галоўных беларускіх літаратурных узнагарод. 🧐 У фінал выйшла шэсць кніг, якія журы палічыла найбольш адметнымі сярод выданняў 2025 года. Падрабязней. 🔗Па гэтай спасылцы адкрыецца без VPN.

✊ 5 прычын адзначаць 27 ліпеня як Дзень незалежнасці 27 ліпеня 1990 года Вярхоўны савет БССР прыняў Дэкларацыю аб дзяржаўным суверэнітэце. З 1991 па 1996 гады галоўнае нацыянальнае свята адзначалася менавіта ў гэты дзень. Прыгадваем, што адбылося ў гэты дзень і чаму яго варта адзначаць як дзяржаўнае свята. 🧐 Згодна Дэкларацыі Беларусь станавілася прававой дзяржавай, «якая ўсталявана на аснове ажыццяўлення беларускай нацыяй яе неад’емнага права на самавызначэнне, дзяржаўнасці беларускай мовы, вяршэнства народа ў вызначэнні свайго лёсу». Працяг па спасылцы. 🔗Па гэтай спасылцы адкрыецца без VPN. 📹 Відэа цік-ток канала _vytoki.

🖤 «Яна да апошняга верыла, што будзе жыць». У Варшаве развіталіся з пісьменніцай Святланай Курс У Варшаве 26 ліпеня прайшла цырымонія развітання з пісьменніцай Святланай Курс (Евай Вежнавец), якая памерла пасля года змагання з анкалагічнай хваробай 20 ліпеня. Спачатку ў касцёле Святога Аляксандра на плошчы Трох Крыжоў прайшла пахавальная Імша. Другая частка цырымоніі адбывалася ў Музеі Вольнай Беларусі. І там, і там сабраліся сотні людзей, якія неслі кветкі і згадвалі спадарыню Святлану добрымі словамі, піша Белсат.

Святую Імшу на развітанне са Святланай Курс вёў ксёндз Вячаслаў Барок. Касцёл быў поўны людзей. Пасярэдзіне цэнтральнай навы стаялі ўрна з прахам пісьменніцы (яе крэміравалі згодна з ейнай апошняй воляй), ейны партрэт, вянок і кветкі.

Падрабязней. ▪️Па гэтай спасылцы адкрыецца без VPN.

🥀 Памёр музыка Леанід Марголін Музыка, кампазітар і аранжыроўшчык Леанід Марголін памёр 25 ліпеня. Яму было 68 гадоў, паведамляе «Наша Ніва». Леанід Марголін нарадзіўся 5 верасня 1957 года ў Жыткавічах Гомельскай вобласці. Скончыў музычнае вучылішча ў Мазыры. Вялікі ўплыў на яго творчасць аказалі гурты «Песняры» і Deep Purple. Музычную кар’еру будаваў у Расіі. У 1994‑1995 гадах быў клавішнікам групы Сяргея Азарава «Падольская гвардыя». У 1995‑1998 гадах працаваў мультыінструменталістам у гурце Міхаіла Таніча «Лесапавал». Напісаў музыку да многіх песень Таніча. У 2004 годзе выпусціў сольны альбом «Время, послушное ветру», а ў 2009 годзе — «Побудь со мной». У 2020 годзе ён выканаў ролю самога сябе ў фільме «Родныя».

Вітаем, сябры! Кожны дзень на сайце budzma.org мы пішам пра самае цікавае і важнае, што адбываецца ў свеце беларускай культуры. Мы распавядаем пра значныя падзеі беларускай гісторыі, культурніцкія мерапрыемствы ў Беларусі і за мяжой, знаёмім з адметнасцямі беларускай традыцыйнай культуры і дзейнасцю сучасных беларускіх творцаў. 📎Падпісвайцеся на нас у сацсетках, калі для вас гэта бяспечна: Facebook, Youtube, Instagram, Threads, Х, Tiktok Будзьма беларусамі і будзьма разам! ❤️ Падтрымаць: https://ko-fi.com/budzma

ШТО ПАЧЫТАЦЬ І ПАГЛЯДЗЕЦЬ Зрабілі для вас падборку самых цікавых тэкстаў, якія выйшлі на гэтым тыдні на budzma.org. Каб вы нічога не прапусцілі 😊 🎶 Дранічкі, памідоры і крышку паспяваць: на якія беларускія фэсты з’ездзіць, каб не згубіць акрайчык лета. Сабралі для вас стос падстаў завітаць у розныя куткі Беларусі ды прасякнуцца мясцовым вайбам. Захоўвайце ў закладкі — і наперад! 🔴 «Усьлед за расейскім вайсковым караблём». Лявон Вольскі пра расейскую культуру і выбар беларусаў. ✨«Велізарная стома, але велізарнае захапленне і ўражанне, што людзі аднак-такі падтрымалі фестываль». Арганізатары TUTAKA пра вынікі сёлетняга фэсту 🚩 Калі беларусы перамагалі Францыю і «Баварыю». Гісторыя футбола незалежнай Беларусі. Беларуская зборная ніколі не гуляла на чэмпіянаце свету ці Еўропы. Але гэта не значыць, што айчыннаму футболу няма чым ганарыцца. Нашыя футбалісты перамагалі Нідэрланды і Францыю, гулялі ўнічыю з Італіяй, даходзілі да фіналу Лігі чэмпіёнаў, выступалі за «Арсенал», «Барселону» і «Мілан». Клуб БАТЭ перамагаў будучага пераможцу Лігі чэмпіёнаў, а нашая зборная гуляла на Алімпіядзе. Узгадваем яскравыя старонкі беларускага футбола. 🎬 Як ствараўся фільм «Звычайны прэзідэнт». Успаміны Юрыя Хашчавацкага. У памяць пра знакамітага рэжысёра мы публікуем артыкул з ягоным расповедам пра гісторыю стварэння фільма «Звычайны прэзідэнт». 💬 «Трэба даказваць, што тваё жыцьцё мае каштоўнасьць, нават калі яно не зьмяшчаецца ў графу „афіцыйная занятасьць“». 2026 год афіцыйна абвешчаны ў Беларусі Годам жанчыны. Чаго лагічна было б чакаць ад такога года і што адбываецца ў рэальнасці? Пра гэта разважае пісьменніца і публіцыстка Яна Вольская. 🧐 Будынак Парэцкай школы, дзе вучылася Яўгенія Янішчыц, выстаўлены на продаж. Расказваем, якой была амаль двухсотгадовая гісторыя мясцовай адукацыі. 🗣 Вы не ўяўляеце, колькі сіл сыходзіць у беларусаў на тое, каб паказваць адно адному, што і ў тэроры можна жыць добра. Канцэнтрацыя задаволенасці жыццём у грамадскай прасторы павялічваецца ў прамой залежнасці ад працягласці і маштабу рэпрэсій: чым далей мы ад 2020-га, тым больш добрыя людзі нас атачаюць і тым больш добра ў Беларусі жыць (падаецца, гэта неблагі маркер што да так званага «змяншэння рэпрэсій»). Не-не ды і мільгне вусціш: Божачкі, як мы апынуліся ў такой дзівоснай краіне? 👍 «Мова паказвае, хто свой, а хто чужы». Польская антраполаг пра 30 гадоў даследавання беларускай ідэнтычнасці. Катажына Вашчыньска распавяла культурна-асветніцкаму парталу «Будзьма беларусамі!» пра свае этнаграфічныя экспедыцыі ў розныя часткі краіны, назіранні за пратэстамі 2020 года і беларускай дыяспарай у Польшчы. 🤔 Ці сапраўды мужнасць — гэта забароненыя слёзы? Марыя Грыц распавядае гісторыю з уласнага жыцця, якая прымушае задумацца пра тое, як мы (не)паказваем свае эмоцыі, у чым сапраўды наша сіла, і якія розныя могуць быць шляхі да даросласці. 📺 Якую Беларусь збудаваў Лукашэнка за 30 гадоў? | Голем Лукашэнкі. Сістэма Лукашэнкі — у нашым відэа: https://youtu.be/wCy0HXtKcV0 🥼 Беларусь, якую можна было насіць на сабе: кароткая гісторыя нацыянальнага дызайну ў вопратцы. Нацыянальны дызайн даўно стаў шырэйшы за традыцыйны чырвоны арнамент. Цяпер гэта таксама схема метро, Каліноўскі, літара «Ў», Драздовіч, рагачоўская згушчонка, школьны плакат і фраза са старой тэлерэкламы. У гэтым артыкуле згадваем самыя яскравыя нацыянальныя дызайны. 🕊«Светлыя, светлыя...» Ціхан Чарнякевіч пра Святлану Курс. «Яна і рэалізоўвалася як аўтарка, адначасова прысутная ў жыцці тысяч людзей — не кнігамі, а самой сабой, яркай, свабоднай, прынцыповай». Літаратуразнаўца Ціхан Чарнякевіч дзеліцца сваімі ўспамінамі пра Святлану Курс. 🥀 «У кожнага з нас свая Ева Вежнавец, якая не пакідае абыякавым нікога». Андрэй Хадановіч у памяць пра любімую пісьменьніцу. 🇷🇺 «Гэта важны тэст для расійскага грамадства: што ж там будзе ў выпадку маштабнай экстрэмальнай сітуацыі?». Алесь Кіркевіч пра паліўны крызіс у Расіі. 🔗 Ключ да Свабоды. У сваёй рубрыцы «Прыдарожны пыл» Валера Руселік піша пра адзіны шлях да нармальнага людзкага жыцьця. Шлях, ісьці каторым здольны кожны з нас.

🤔 «Дурная баба» ці як выкарыстаць стэрэатып? Жанчыны паўстання | Беларусь 1863 🔵Ці заўсёды вайна і паўстанне — «мужчынская справа»? 🔵Як жанчыны дурылі расійскіх вайскоўцаў і следчых? 🔵Як і дзе перавозілі дакументы, зброю, порах, медыкаменты? 🔵Якія катаванні прыдумалі рускія для жанчын з падполля? 🔵Чаму паўстанне 1863 — час эмансіпацыі і выхаду жанчын з-пад кантролю? 📺 Каміла Марцінкевіч, Марыя Ямант, Ганна Пуставойтава ды іншыя — у нашым відэа: https://youtu.be/pUA0kKUyYyU

#Беларусь1863 — гэта гісторыя студзеньскага паўстання 1864-1864 гадоў, больш вядомага ў нас як паўстанне Кастуся Каліноўскага. Што гэта было? Навошта? Пра якіх герояў і антыгерояў паўстання мы ніколі не чулі? Дзе праўда, а дзе — міфы?

🫣 Кірыліца, лацінка іііііііі... 😛 Відэа з цік-ток канала _vytoki.

🐓 Вітаем, сябры! Цікавыя культурныя мерапрыемствы сёння: 🔸Развітанне са Святланай Курс у Варшаве. 🔸Майстар-клас па стварэнні «відкоў» у Заслаўі. 🔸Акцыя да Дня Незалежнасці ў Варшаве. 🔸Шпацыр па беларускіх мясцінах у Коўне. 🔸Канцэрт хору «Артос» у Рызе. 🔸Майстар-клас па відзіках на лецішчы Быкава ў Ждановічах. 🔸Сустрэча з Аксанай Прус у Беластоку. 🔸Супольныя спевы «Народнага альбома» ў Вільні. 🔸Зажынкі ў Азярцы. Яшчэ больш мерапрыемстваў — у нашай афішы.🍒 Падпісвайцеся на нас у сацсетках, калі для вас гэта бяспечна: Facebook, Youtube, Instagram, Threads, Х, Tiktok Будзьма беларусамі і будзьма разам! ❤️ Падтрымаць: https://ko-fi.com/budzma

💔 42 год таму не стала выбітнага пісьменніка Уладзіміра Караткевіча. Уладзімір Караткевіч — класік беларускай літаратуры, заснавальнік нацыянальнага гістарычнага рамана, адзін з самых вядомых беларускіх пісьменнікаў за межамі Беларусі. Але акрамя яго творчай геніяльнасці ён запомніўся як непаўторная асоба з адметнымі здольнасцасцямі і інтарэсамі. Па верных словах Рыгора Барадуліна, «гэта і геній, і жывы натуральны беларус незакамплексаваны». Менавіта таму жыццё, учынкі і паводзіны Караткевіча цікавяць нас і праз дзесяцігоддзі, трэба толькі ўспрымаць іх правільна і натуральна. Аб гэтым, дарэчы, нагадвае і слушная занатоўка ў ягонай запісной кніжцы: «Я проста ёсць я, Караткевіч, з дзвюма нагамі (пакуль), двума вачыма, адным носам і адным сэрцам, з 5 дадатнымі якасцямі і 95 недахопамі. Такім вы мяне і прымайце, калі вам хаця крыху цікава тое, што я кажу вам...» 📍Зрабілі для вас падборку, што можна пачытаць пра вядомага класіка беларускай літаратуры. 🔹20 малавядомых фактаў з жыцця Уладзіміра Караткевіча 🔹Песні беларускіх музыкаў на вершы Уладзіміра Караткевіча 🔹Аляксандр Фядута: «Будзем чытаць Караткевіча. Сёння гэта наша нацыянальная ідэя» 🔹 Як спявае Уладзімір Караткевіч? 🔹Загадкі і разнастайныя інтэрпрэтацыі кахання паміж Уладзімірам Караткевічам і Валянцінай Нікіцінай. 🔹 «Геній — гэта геній плюс дваццаць праседжаных нагавіц...» Пра што пісаў Караткевіч у сваіх дзённіках. 🔹 Вось якіх жанчын любіў пісьменнік Уладзімір Караткевіч 🔹 «У рабстве гіне дух». 7 натхняльных цытат Уладзіміра Караткевіча. 🔹 «О, каб ведаў ты, як палаюць паходні на сценах залы для піроў!» 🔹 Якія казкі пісаў Уладзімір Караткевіч?

⭐️ Абвяргаю ТОП-5 прапагандыскіх мітаў пра Каліноўскага 😛 Відэа з цік-ток канала _vytoki.

🌟 Вітаем, сябры! Цікавыя культурныя мерапрыемствы сёння: 🔸Куратарская экскурсія па музеі-дачы Васіля Быкава пад Мінскам. 🔸Імпрэза «Таямніцы Грунвальда» ў Гродне. 🔸Чытанкі для дзетак па-беларуску ў Сіэтле. 🔸Спектакль «Дарожныя прыгоды Віты» ў Познані. 🔸Сямейныя прыгоды ў Лідскім замку. 🔸Беларускі размоўны клуб у Лодзі. 🔸Тэкстыльны фэст у Гудзевічах. 🔸Шпацыр памяці Караткевіча ў Вільні. Яшчэ больш мерапрыемстваў — у нашай афішы.🍒 Падпісвайцеся на нас у сацсетках, калі для вас гэта бяспечна: Facebook, Youtube, Instagram, Threads, Х, Tiktok Будзьма беларусамі і будзьма разам! ❤️ Падтрымаць: https://ko-fi.com/budzma

🎶 Дранічкі, памідоры і крышку паспяваць: на якія беларускія фэсты з’ездзіць, каб не згубіць акрайчык лета Неверагодна, але факт: лета нам засталося — літаральна на адзін месяц. Прапануем ператварыць яго ў месяц вандровак па Беларусі — ды не простых, а з наведваннем мясцовых нішавых ды аўтэнтычных івэнтаў: святаў, фестываляў і вечарын. А іх у жніўні багата. 🧐 Сабралі для вас стос падстаў завітаць у розныя куткі Беларусі ды прасякнуцца мясцовым вайбам. Захоўвайце ў закладкі — і наперад! Працяг па спасылцы. 🔗Па гэтай спасылцы адкрыецца без VPN.

🔴 «Усьлед за расейскім вайсковым караблём». Лявон Вольскі пра расейскую культуру і выбар беларусаў Цэлыя пакаленні беларусаў выраслі на ўсім расейскім. Калі пачалася вайна Расіі з Украінай, выявілася, што расейскія творцы масава падтрымалі яе і «заклікаюць ісьці ваяваць з „хахламі“...» Што цяпер з гэтым рабіць, як гэта ўспрымаць беларусам, для якіх расейская культура «зрабілася непарушнай часткай асобы»? Выйсце ёсць, і выбар ёсць, піша Лявон Вольскі, хоць гэта і цяжка, і стрэсава.

Так ужо сталася, што пакаленьні гарадзкіх беларусаў гадаваліся на ўсім расейскім. У дзяцінстве чыталі «Незнайку» і «Волшебника Изумрудного города». Глядзелі мульцікі — «Ну, погоди!» і «Пике-желторотик» (вы яго, відаць, не глядзелі, я праверыў, ён ёсьць у сеціве, паглядзіце, вас чакае шмат адкрыцьцяў!). Слухалі песьні «Пусть бегут неуклюже» і «Вместе весело шагать по просторам»... Час ішоў. Зьявіліся новыя героі — хлопчык Электронік з расейскага сэрыялу («Крылатые качели летят, летят, летят»), Д’Артаньян са сваімі мушкетэрамі. Шкаляры дружна сьпявалі: «Курклапа, курклапа!». Замест належнага «Pourquoi pas?», і ломкімі галасамі выводзілі: «Красавице и ку-ку», не разумеючы, што ў тэксьце гаворыцца пра кубак, бо ў гэтым узросьце кубак асацыяваўся хіба са спартовымі дасягненьнямі, а якія ў мушкетэраў спартовыя дасягненьні? Перамог на дуэлі — вось і дасягненьне. Зьявіўся Шэрлак Холмс зь сябрам Ватсанам (на час выхаду першае сэрыі я ўжо прачытаў дэтэктывы Конан Дойля, і мне вельмі не падабаўся гэты сярмяжны «Ватсан», бо ў маім перакладзе фігураваў высакародны «Ўотсан»). Але сэрыял усё адно глядзелі з захапленьнем — далёкі туманны Альбіён, і савецкія акторы — як сапраўдныя ангельцы — разважлівы Холмс, праставаты поствайсковец Ватсан, злавесны Марыярці, дурнаваты спадкаемца высакароднае дынастыі сэр Генры ў выкананьні Міхалкова... На зьмену мушкетэрам прыходзяць гардэмарыны — расейскія адчайныя рамантычныя высакародныя хлопцы, закінутыя лёсам у вір гістарычных падзеяў...

Падрабязьней. 🖥 Па гэтай спасылцы адкрыецца без VPN.

📋 Абвешчаны поўны спіс прэміі імя Міхала Анемпадыстава 2026 Журы прэміі Анемпадыстава абвясціла поўны спіс прэтэндэнтаў на ўзнагароду, мэта якой — уганараваць найлепшыя дызайнерскія рашэнні кніжных вокладак 2025 года. Гэта працы як вядомых дызайнераў і мастакоў, так і аўтараў, што працуюць пад псеўданімамі або пажадалі захаваць ананімнасць. У сёлетнім спісе прэміі — 59 вокладак.

Гэтыя творы адлюстроўваюць розныя падыходы да кніжнага дызайну: ад мінімалістычных рашэнняў да складаных візуальных сістэм, ад тонкай працы з тыпаграфікай да смелых графічных эксперыментаў.

Працяг па спасылцы. 🔗Па гэтай спасылцы адкрыецца без VPN.

🧐 Манашкі разбурылі ў Навагрудку школу, якую пабудавалі святыя мучаніцы, і цяпер просяць грошы на навабуд Сёстры-назарэцянкі ўласнымі намаганнямі ўзвялі для горада школу, а падчас вайны добраахвотна аддалі свае жыцці ў абмен на вызваленне мясцовых жыхароў. Іхнія сучасныя пераемніцы разбурылі спадчыну мучаніц дзеля праекта новага комплексу, які не можа быць рэалізаваны законна, піша «Наша Ніва».

Разбурэнне будынка кляштара назарэцянак па вуліцы 1 Мая пачалося яшчэ ўвесну. Цяпер сёстры запісалі відэазварот, у якім паведамілі, што ад кляштара не засталося і фундаментаў. І заклікалі ахвяраваць на новы аб’ект.

Падрабязней. 🖥 Па гэтай спасылцы адкрыецца без VPN.