Toshkent to‘qimachilik va yengil sanoat instituti

Toshkent toʻqimachilik va yengil sanoat institutida qoʻshma taʼlim dasturini olib boruvchi Parij xalqaro moda akademiyasida yuqori sifatli professorlar faoliyat yuritadi. Xususan, joriy semestrda moda akademiyasining professori Mari-Kler Murugan institutimiz pedagoglariga rejalashtirilgan fanlardan oʻquv darslarni berib, bitiruv malakaviy ishlari va magistrlik dissertatsiyasi himoyasiga tayyorlanayotgan yosh tadqiqotchilardan oʻz maslahatlarini ayamayapti. Telegram | Instagram

Yoshlar orasida sogʻlom turmush tarzini targʻib qilish, kelajak avlodni har tomonlama sogʻlom voyaga yetkazish hamda toʻgʻri yoʻl koʻrsatish Yangi Oʻzbekistonning doimiy chora-tadbirlari sirasiga kiradi. Xususan, yoshlar orasida tamaki vositalarini chekish hamda savdosini kamaytirish maqsadida “Xalqaro chekishga qarshi kurashish kuni” munosabati bilan institutimizda davra suhbati oʻtkazildi. Tadbirda Oʻzbekiston Ekologiya partiyasining Toshkent shahar tashkiloti mutaxassislari faol ishtirok etishdi. Telegram | Instagram

Keksalik — umr guzaronlik boshlanar azim koʻchaga qiyos. Shu koʻchadan odamlar baʼzan yaqinlari, baʼzan doʻstlar bilan, baʼzan esa yolgʻiz oʻtishadi. Bizning holatda esa institutni tark etgan xodim butun umr uning ulkan oilasi aʼzosi boʻlishda davom etadi. 30-may kuni institut onaxonlari — 50 yildan ortiq ilmiy, nazariy va pedagogik faoliyatga bilan shugʻullangan, paxta, toʻqimachilik va yengil sanoat korxonalari uchun yuqori malakali mutaxassislarni tayyorlab, fidokorona mehnat qilib, hozirda nafaqada boʻlgan faxriy ustoz Gavhar Qurbanova hamda Elvira Laysheva hollaridan xabar olindi. Telegram | Instagram

30-may kuni GOPA loyihasi rahbari bilan uchrashuv boʻlib oʻtdi. Suhbat davomida dizayn va sifat muhandisligi yoʻnalishlarda dual-taʼlim samarali yoʻlga qoʻyish, professor oʻqituvchilarning malakasini oshirish hamda ishlab chiqarish jarayonida faoliyat yuritayotgan xodimlarni malaka oshirish jarayoniga jalp qilish masalalari boʻyicha muzokaralar olib borildi. Uchrashuv hamkorlikda oʻquv dasturlar sifatini taʼminlash boʻyicha kelishib olindi. Ularni sinovdan oʻtkazish uchun hamkorlik boʻyicha reja va keyingi qadamlar ishlab chiqildi, shuningdek, oʻqituvchilar va dastur ijrochilari konferensiyasini oʻtkazish muhokama qilindi. Telegram | Instagram

Institutimiz talabalari oʻzlarining yutuqlari bilan barchamizni shod etishda davom etmoqda. Bu gal jahon arenalarida yurtimiz bayrogʻini koʻklarga koʻtargan ikki nafar talabamiz chempionlik nishonlari bilan qaytib kelishdi. Paxta sanoati texnologiyasi fakulteti talabasi Sergey Kosolapov oxirgi bir oy ichida oʻtkazilgan umumiy 4 ta (Qozogʻiston va Turkiya ) musobaqada 8 ta medal oldi. Abduraxmon Abdurafikov esa 10 kun ichida boʻlib oʻtgan turli musobaqalarda 2 oltin va bitta kumush medal hamda Osiyo chempionatida chempionlik kamariga ega chiqdi. Telegram | Instagram

“TTYSI oʻzining dizaynerlari va texnologlari bilan Qirgʻizistonda ham juda mashhur. Davlatingiz rahbari bu borada qanday chora-tadbirlarni amalga oshirayotganidan xabarimiz bor. Yoshlar uchun yaratib berilgan shart-sharoitlar eng avvalo bizning eʼtiborimizni tortdi. Taklifimizni qoʻllab quvvatlaganingiz uchun tashakkur. Aminmanki, har ikkala tomon uchun ushbu kelishuv juda manfaatli boʻladi”.

Almaz Kadiraliyev, M.Riskulbekov nomidagi Qirgʻiziston Davlat iqtisodiyot universiteti rektori. Telegram | Instagram

“Dizayn, deyishsa dizayn, korxona deyishsa korxona va laboratoriya — 2+2 dasturi orqali oʻqiydigan qirgʻiz talabalarining barchasi bizning talabalar qanday imtiyoz va imkoniyatga ega boʻlsa, xuddi shuning oʻzidan foydalanishlari mumkin. Qardosh xalqlar bilan hamkorlik qilish, ular bilan tajriba almashish nafaqat pedagog, balki olim sifatida ham men uchun juda qiziq”.

Baxtiyor Nasimov, TTYSI birinchi prorektori. Telegram | Instagram

29-may kuni Qirgʻiziston delegatsiyasi bilan uchrashuv boʻlib oʻtdi. Yangi Oʻzbekistonda yangicha yondashuvlar oʻz samarasini berishda davom etmoqda. Qisqa fursat ichida dizayn yoʻnalishi va libos konstruksiyasi qolgan yengil sanoat turlari kabi shunchaki rivojlanib qolmay, Markaziy Osiyo mamlakatlariaro innovatsion yechimlar va jarayonda yangi texnologiyalarning foydalanishi yuzasidan yetakchilik darajasiga chiqdi. Soha boʻyicha Oʻzbekiston, xususan, TTYSI tajribasi bilan tanishish hamda mustahkam akadem-diplomatik aloqalarni oʻrnatish maqsadida M.Riskulbekov nomidagi Qirgʻiziston Davlat iqtisodiyot universiteti rektori Almaz Kadiraliyev qabuli boʻlib oʻtdi. Olib borilgan samarali muzokaralar natijasida qator istiqbolli kelishuvlarga erishildi: M.Riskulbekov nomidagi QDIU hamda TTYSI oʻrtasida talabalar almashinuvini tashkil etish; • Kostyum dizayn va texnologiyasi yoʻnalishi boʻyicha “2+2” dasturini tashkil etish; • Iqtisodiyot va menejment yoʻnalishi boʻyicha “2+2” taʼlim dasturini amalga oshirish; • Professor-oʻqituvchilar hamda yosh izlanuvchilarning hammualliflikdagi tadqiqotlarini tashkil etish va ularning almashinuvini taʼminlash; • Ikki oliygoh talabalari uchun kasbga yoʻnaltirilgan qishgi va yozgi lagerlarni tashkil etishga kelishib olindi. Ikki bilim yurti oʻrtasidagi doʻstona hamda hamkorlik munosabatlari Oliy taʼlim, fan va innovatsiyalar vazirligi tomonidan qoʻllab quvvatlandi. Ayni damda, yuqoridagi chora-tadbirlarning amaliy samarasini taʼminlash maqsadida kelishuv ham imzolangan. Telegram | Instagram

Yengil sanoat texnologiyasi va dizayn fakultetidan Oybek stipendiyasiga loyiq deb topilgan talabalar: • 2-kurs 25-22 guruh talabasi Pokiza Suyunova; • 1-kurs 18-23 guruh talabasi Zohirjon Xasanov. Telegram | Instagram

Matbaa texnologiyasi fakultetidan Oybek stipendiyasiga loyiq deb topilgan talabalar: • 2-kurs 13-22 guruh talabasi Shahzodbek Yoʻldoshaliyev; • 2-kurs 9a-22 guruh talabasi Sabina Nurillayeva. Telegram | Instagram