Toshkent to‘qimachilik va yengil sanoat instituti

Gʻalvirni suvdan koʻtaradigan payt keldi! Komissiya aʼzolari abituriyentlarning ijodiy ishlarini quyidagi mezonlar boʻyicha haqqoniy va xolis baholamoqda: • Tasvirni qogʻoz planshetga kompozitsion toʻgʻri joylashtirish; • Naturaning konstruktiv tuzilishlari va proporsiyalari toʻgʻri koʻrsatilganligi; • Soya-yorugʻ qonuniyatlarini toʻliq ifodalash va tus munosabatlarini aniqlash; • Materiallik (gips, mato va b.) toʻgʻri koʻrsatilganligi; • Tasvirni yaxlit holatga keltirib ishni grafik jihatdan umumlashtirish va yakunlash. Telegram | Instagram

Ijodiy imtihonlar jarayonidan lavha Telegram | Instagram

Bu kabi sarhisob daqiqalarida ota-onaning kechinmalariga, ularning yuragidagi hayajon va hadikka hech narsa teng kelolmaydi. Ayni damda ota-onalarning kutish joyida barcha shart-sharoitlar yaratilgan. Ular led-ekranlar yordamida farzandlarining imtihon jarayonini kuzatib turishibdi. Koʻrilgan chora-tadbirlar samarasi hamda sifatini oshirish uchun ulardan soʻrovnomalar ham olindi. Telegram | Instagram

Ijodiy imtihonlar jarayonidan lavha Telegram | Instagram

Qogʻozlarga muhr bosilib, imzolar qoʻyildi. Abituriyentlar tomonidan qabul qilinadigan ishlar rasmiylashtirilmagan boʻlsa ular baholash jarayoniga oʻtkazilmaydi. Chizmalarni nihoyasiga yetkazish uchun boʻlajak talabalarga 5 soat vaqt berilgan. Hozirda ular berilgan imkoniyatdan unumli foydalanish uchun bor mahoratlarini koʻrsatishmoqda. Telegram | Instagram

Ijodiy imtihonlar haqida batafsil maʼlumot. Telegram | Instagram

Ayni damda imtihon jarayonlari juda qizg’in ketmoqda. Ijodiy (kasbiy) imtihonda adolatli baholash tizimini yaratish hamda shaffoflikni ta’minlash maqsadida video kameralar o’rnatilgan. Ularni jonli tarzda kuzatishingiz mumkin. Telegram | Instagram

Kunduzgi taʼlimning o‘zbek guruhlariga hujjat topshirgan abituriyentlar uchun imtihon jarayoni boshlandi. Imtihon vaqti va mavzusi qayd etildi.

“Abituriyentlarga “Qishki ayollar kiyimi” mavzusi tushdi. Juda o‘ziga xos va qiziqarli mavzu. Bo‘lajak talabalardan kompozitsiya, tektonika va matoning fakturasiga katta eʼtibor qaratish va bularni tasvir orqali ochib berish talab etiladi. Ularga yuqori ball olib keladigan jihatlarni sanaydigan bo‘lsak, eng avvalo libosning aktualligi, kompanovka qatori to‘g‘ri tanlanganligi va matoning o‘ziga xosligini, jumladan, drapirovkalarini chiqarib bera olishga urg‘u beriladi".

Sarvinoz Rahimqulova, Termiz Davlat universiteti katta o'qituvchisi Telegram | Instagram

Bilasizmi, biz boshladik! Osmon yorishishi bilan institut darvozalari yonida uning bo‘lajak o‘g‘il-qizlari yig‘ila boshladi. Ular bugun imtihonga o‘z bilimlari, iqtidorlari va omadlarini sinagani kelishgan. Telefonlar quti ichiga qo‘yildi, tekshiruvning barcha bosqichlaridan o‘tib abituriyentlar qalamtarosh va siyohlarini hozirlashmoqda. Telegram | Instagram

8-iyuldan boshlab institutimizda ijodiy (kasbiy) imtihonlar boshlanadi. Imtihon jarayonini shaffoflashtirish hamda korrupsiyaning oldini olish maqsadida 360 gradusli kuzatuv kameralari oʻrnatilib, maxsus komissiya aʼzolari jalb etilgan. Har bir abituriyentning ijodiy ishi xolis baholanishiga institut maʼmuriyati kafolat beradi. Korrupsion ruhdagi harakatlarga guvoh boʻlgan qatnashchilar institutning korrupsiyaga qarshi kurashish boʻlimiga murojaat qilish huquqiga ega. Telegram | Instagram