Aсацыяцыя Беларусаў у Амэрыцы

2 гады таму беларусы ЗША запісалі разам верш Янкі Купалы

АБА запрашае на чарговую онлайн-сустрэчу ў рамках праэкта "Літаратура і кАВА". 📅 12 ліпеня 🕐 13.00 Нью-Ёрк / 10.00 Сан-Францыска / 20.00 Менск 📍 Zoom Гэтым разам нашая госьця - Тацьцяна Астроўская, гісторыца, доктарка гістарычных навук, дасьледчыца беларускага дысідэнцтва і аўтарка кнігі "Культура і супраціў" Нядаўна у выдавецтве Skaryna Press выйшаў зборнік Ларысы Геніюш «Spiritus flat ubi vult. Вершы 1945–1947», які паэтка перапляла ва ўласных руках у Празе і які амаль сорак гадоў лічыўся страчаным, пакуль напрыканцы 80-х не трапіў у Лондан. Тацьцяна напісала ўступны артыкул да зборніка. Падрабязьней у інтэрвію для "Будзьма" Далучайцеся да сустрэчы. Паразмаўляем пра культурны супраціў і галасы беларускай інтэлігенцыі, і пра тое, чаму гэтая праца важная менавіта цяпер.

🎤 Глядзіце беларускі TEDx — усе выступы ўжо онлайн! Усе выступы TEDx Ulica Mińska пасьпяхова прайшлі праверку TED і цяпер даступныя на афіцыйным канале TEDx Talks, дзе іх могуць пабачыць гледачы з усяго сьвету. Цяпер для гэтых ідэяў пачынаецца новы этап жыцьця — і кожны з нас можа дапамагчы ім дайсьці да яшчэ большай аўдыторыі. Калі ў вас ёсьць некалькі хвілінаў: 👍 пастаўце падабайку выступам, якія вам адгукнуліся; 💬 пакіньце камэнтар — нават некалькі словаў маюць значэньне; 📤 падзяліцеся плэйлістам зь сябрамі, калегамі ці блізкімі; 🔔 падпішыцеся на канал TEDx Ulica Mińska. Алгарытмы YouTube асабліва ўлічваюць актыўнасьць у першыя тыдні пасьля публікацыі. Кожная падабайка, камэнтар і рэпост дапамагаюць беларускім ідэям быць пачутымі далёка за межамі нашай супольнасьці. Дзякуй, што падтрымліваеце беларускія ініцыятывы і дапамагаеце беларускім галасам гучаць у сьвеце! 🤍❤️🤍 🎥 Плэйліст выступаў

Ці ведалі вы, што адну з самых вядомых песень пра гэтую краіну "God Bless America" напісаў выхадзец з Беларусі? Ірвінг Берлін нарадзіўся ў Тольчыне і прыехаў у ЗША дзіцем у 1893 годзе. Ён ня меў нічога, апрача веры ў тое, што гэтая зямля дае шанец пачаць нанова. https://youtu.be/Vmc-pEyUHTs?is=kXni5Vgpv1iINPjL

Гэтая краіна нарадзілася з ідэі, што свабода - не падарунак ад уладаў, а права, за якое трэба стаяць. Што ўсе людзі роўныя. Што чужынец учора можа стаць грамадзянінам заўтра. І гэта не слабасьць гэтай зямлі, а яе моц. ЗША былі і застаюцца краінай тых, хто прыехаў здалёк шукаць тое, чаго не было дома: голас, годнасьць, права быць сабой без страху. Мы, беларусы ў ЗША, ведаем гэтую цану лепш за многіх. Мы ведаем, як гучыць слова "свабода", калі яго забіраюць. І таму сёньня мы віншуем гэтую краіну не проста са сьвятам - а з нагадваньнем самой сабе, чаго яна варта, калі трымаецца сваіх ідэалаў. З Днём Незалежнасьці! 🇺🇲 Няхай словы "усе людзі створаныя роўнымі" застаюцца не гісторыяй, а абяцаньнем, якое трэба выконваць кожны дзень. Воля Бромэн, Прэзыдэнтка Асацыяцыі Беларусаў у Амэрыцы

👍 Анлайн-лекцыя "Купалле: сімвалы, абрады, сэнсы" Сёння ўвечары, 29 чэрвеня, "Годна" запрашае на анлайн-лекцыю "Купалле: сімвалы, абрады, сэнсы". ❓ Чаму ў купальскую ноч запальвалі вогнішчы? ❓ Навошта дзяўчаты пускалі вянкі па вадзе? Пра ўсё раскажа спявачка, папулярызатарка беларускага фальклору Паліна Курановіч. Удзел вольны, будуць удзячныя за данаты. Далучайцеся ў адпаведны час на ютуб-канале суполкі. 📆 Дата і час: 29 чэрвеня ў 20.00 (час мінскі, гэта 20.00 па Вільні і 19.00 па Варшаве) 📍Месца: анлайн

Дзьмухаўцы, кулага, клёцкі з чарніцамі. Расказваем пра сем летніх беларускіх страваў (+рэцэпты) → https://smarturl.click/ZGwMO У Беларусь і агулам у Эўропу нарэшце прыйшла сьпякота. Што лепш есьці, каб перажыць яе лягчэй? Аўтарка некалькіх кніг пра харчаваньне Алеся Княжэвіч падзялілася з Свабодай рэцэптамі летніх страваў.

📖🌟 Далучайцеся да абмеркавання твора "Забойства на вуліцы Макаёнка" Клёка Штучнага ў рамках нашага анлайн-кніжнага клуба 22 ліпеня а 20:00 па Менску. У задушлівым, прыціснутым рэпрэсіямі Менску ўзору 2022 года, з пустымі афішнымі тумбамі і поўнымі аўтазакамі, закрытую суполку - Гільдыю гарадскіх варʼятаў - абляцела жудасная навіна: за вакзалам дзіцячай чыгункі пякельным механізмам задушаная Жанна Танцэн, багемны матылёк і ўдзельніца масавых маніфестацый часоў рэвалюцыі 2020-га. Зламысная сіла невядомага паходжання падбіраецца таксама да іншай гарадской легенды - вулічнай спявачкі Камароўскай Прымадонны. Менская міліцыя, занятая паляваннем на палітычных, здае загадкавае забойства ў архіў. За справу бярэцца менскі клан Пісьменных - сумнеўны ранцье і безнадзейны халасцяк Якуб Пісьменны, яго пранырлівы кансільеры Аркадзь Табібулаеў, а таксама яго мёртвая бабка Ханя Пісьменная, якая пры жыцці была імпрэсарыа ці не ўсіх гарадскіх варʼятаў. Чакаем вас на сустрэчы, якая пройдзе ў гэтым чаце 💫📖 __ Падтрымаць нашыя актыўнасці можна праз Ko-fi ☕️ Калі ў вас ёсць ідэі, прапановы ці жаданне зрабіць нешта разам - напішыце нам 🤍

Сябры, МУС Беларусі 24 чэрвеня 2026 года вырашыла яшчэ раз прызнаць АБА экстрэмісцкім фармаваньнем. Першы раз гэта ўжо адбылося ў сакавіку 2024-га. Ну, пра бясьпеку вы і так усё ведаеце яшчэ з першага разу ⬇️ ❗Калі вы ў Беларусі ці зьбіраецеся туды ехаць, мы раім вам не распаўсюджваць матэрыялы нашых сацсетак і не мець падпіску на іх, таксама не выказваць падтрымку і не супрацоўнічаць з АБА. Мабыць, першае прызнаньне не да канца раскрыла ступень нашай экстрэмісцкасьці. 🙃 Вашыя двойчы мамкіны экстрэмісты 😌

"Збірацца разам і святкаваць жыццё — найлепшая ідэя сёння". Так лічыць актывістка беларускай суполкі Сіэтла Люда Астапчук. Глядзіце "Ідэю Х" з актывісткай: https://youtu.be/QFvPBnyGVoY?si=AukMbO52EctjlGCW

❤️ Ужо заўтра чакаем вас на Сепультуры Alive! Для вас выступіць чароўная Наста Рыдлеўская, якая падрыхтавала вельмі цікавую праграмму. У яе экспрэсіўнай музыцы спалучаюцца сучасная магічная электроніка, рытуальныя фальклорныя матывы і атмасферны візуал. Шэпты цёмнага лесу, шолах травы на палях, халоднае святло поўні — песні Рыдлеўскай перанясуць вас у Беларусь, дзе б вы цяпер ні знаходзіліся. 👻 Абавязкова далучайце да трансляцыі на канале Сепультура Alive 25 чэрвеня ў 20:00 па менскім часе. Глядзіце, слухайце, кайфуйце! https://youtube.com/live/IJNDVgeyJRw 💋І абавязкова падтрымайце таленавітую артыстку данатамі на гэты канцэрт! Вашы данаты дапамогуць Насце выдаць новы шэдэўральны кліп! https://buymeacoffee.com/sepulive Дзякуй вам і да сустрэчы, сябры!

✍️ Мікола Целеш: летапісец вёскі, эмігрант і пісьменнік, які знік разам са сваімі рукапісамі Гісторыя Міколы Целеша — адна з тых, у якіх шмат белых плямаў, недагаворанасцяў і пытанняў без адказу. Быў ён чалавекам ціхім і замкнёным, пісаў пра прыроду і простых людзей, перажыў дзве вайны, два лагеры і два шлюбы — і аднойчы проста не вярнуўся дадому. Цела і партфель з рукапісамі, што быў пры ім, знайшлі праз пятнаццаць гадоў, але дакладна ідэнтыфікаваць, што гэта менавіта Мікола Целеш, змаглі толькі праз паўстагоддзя. 🗣 Расказваем пра пакручасты лёс беларускага пісьменніка Міколы Целеша, загадку яго знікнення і запозненае вяртанне ў літаратуру. Падрабязней. 📌 Па гэтай спасылцы адкрыецца без VPN.

🌍Небяспечныя краіны для падарожжаў беларусаў На сайце Святланы Ціханоўскай ёсць падрабязны разбор, якія краіны бяспечныя для падарожжаў, а ў якія месцы не варта ехаць. 🟢Бяспечныя: Краіны ЕС, ЗША, Канада, Аўстралія, Нарвегія, Швейцарыя, Вялікабрытанія, Харватыя. 🔴Дакладна не варта ехаць: Расія, Арменія, Азербайджан, Казахстан, Кыргызстан, Таджыкістан, Узбекістан, Пакістан, Індыя, Кітай, Венесуэла, КНДР, Таіланд, В’етнам, Шры-Ланка, Куба, Лаос, Сірыя, Камбоджа, Сербія, ААЭ, Таіланд, М’янма, Замбія, Зімбабвэ, Афганістан, Іран, Ірак. Непрызнаныя тэрыторыі: Прыднястроўе, Абхазія, Паўднёвая Асетыя, ДНР, ЛНР, Крым. 🟡«Шэрая зона»: Грузія, Малдова, Турцыя, Егіпет, Манголія, Марока, Саўдаўская Аравія, Мексіка, Катар, ПАР, Албанія, Чарнагорыя, Боснія і Герцагавіна, Македонія, Філіпіны, Дамініканская Рэспубліка, Чылі, Сенегал, Кіпр, Грэцыя. Прававая ініцыятыва распрацавала зручную мапу гэтых краінаў з падзяленнем на катэгорыі 🔹Трансгранічны пераслед: спіс небяспечных краінаў, гучныя затрыманні і парады юрысткі

⚠️ УВАГА: МАСАВЫЯ СПРОБЫ ВЯРБОЎКІ БЕЛАРУСА:К ЗА МЯЖОЙ Апошнія паўгады КДБ актыўна праводзіць вярбоўку людзей. У прыватнасці, за мінулыя тыдні нам стала вядома пра шэраг выпадкаў, калі да бацькоў беларуса:к замежжа прыходзяць з пагрозамі і патрабуюць кантакты дзяцей, спасылаючыся на тое, што дзеці звязаныя з Цэнтрам новых ідэй (аналітычна-асветніцкі цэнтр, прызнаны экстрэмісцкім фарміраваннем у 2025 годзе). ❓ Што рабіць у такім выпадку? Інструкцыя ў картках.

🙋‍♀️ Анлайн-размова пра Вадзянікоў і Русалак з Таццянай Калач У суботу, 20 чэрвеня, Асацыяцыя беларусаў Амерыкі запрашае на анлайн-сустрэчу з мастачкай і даследчыцай беларускай міфалогіі Таццянай Калач. Русалкі - персанажы, пра якіх вы, напэўна, шмат чулі. Аднак беларуская Русалка - гэта зусім не тое, чым яна здаецца. У яе ёсць свае цялесныя асаблівасці, і справа не толькі ў адсутнасці хваста. Акрамя таго, Русалак можна сустрэць нн толькі ля вады ці ў лесе - але й на небе. А Вадзянік? Ён умеў змяняць свой памер, але не па ўласнай волі. І ці ведалі вы, што Русалка і Вадзянік маглі ствараць сямейныя саюзы і нават мець дзяцей? На сустрэчы даведаецеся пра неверагодна вялікі і разнастайны пласт беларускай міфалогіі: якімі бываюць русалкі, як яны выглядаюць, дзе іх можна сустрэць, чым яны займаюцца - і ці ёсць жыццё ў іншасвеце? Удзел вольны. Далучайцеся ў адмысловы час па спасылцы ўнізе. 📆 Дата і час: 20 чэрвеня ў 12.00 (час па Н'ю-Ёрку, гэта 9.00 па Сан-Францыска і 18.00 па Варшаве) 📍Месца: зум

Sister-to-Sister Young Feminist Leadership Program 2026 — анлайн-праграма для маладых фемінісцкіх лідарак | #анлайн → Nobel Women’s Initiative запрашае на Sister-to-Sister Young Feminist Leadership Program 2026 — 6-тыднёвую анлайн-праграму. Тэма гэтага года — Peace in the Age of AI: Building Feminist Futures. Праграма будзе прысвечаная штучнаму інтэлекту, дэзынфармацыі, digital security, фемінісцкаму мірабудаўніцтву і таму, як новыя тэхналогіі ўплываюць на ўладу, канфлікты, бяспеку і правы жанчын. ◉ Калі: 24 жніўня - 28 верасня 2026. ◉ Для каго: • прафесіяналкі ва ўзросце 18–35 гадоў, якія працуюць з фемінісцкім мірабудаўніцтвам, правамі жанчын, digital rights або social justice • транс- і небінарныя персоны. Асабліва вітаюцца: • Людзі з досведам у peace processes, digital rights advocacy, journalism або technology governance • Тыя, хто працуе з feminist approaches to technology, AI governance, counter-disinformation, digital security, autonomous weapons, gender and media. Праграма дапаможа: • Лепш зразумець, як AI змяняе ўладу, канфлікты і мірабудаўніцтва • Разабрацца ў AI-driven disinformation, deepfakes, coordinated online harassment і digital security threats • Развіць інструменты для counter-disinformation і бяспечнай працы ў digital-асяроддзі • Падумаць, як AI можна выкарыстоўваць для фемінісцкага мірабудаўніцтва, early warning systems і доступу да справядлівасці. Прапануецца: • Ганарар пасля завяршэння праграмы — для пакрыцця магчымых бар’ераў да ўдзелу, напрыклад інтэрнэту, працоўнай прасторы, транспарту або care responsibilities. ⏳ Ддл: 26 чэрвеня, 23:59 (ET). 🔗 Даведацца больш навіны | магчымасці | чат | сайт Instagram | Facebook | Падтрымаць!

🌸🌿 Купалле ў Вашынгтоне У наступную суботу, 27 чэрвеня, беларусы Вашынгтона святкуюць Купалле і клічуць далучацца! Сёлета, у дадатак да карагодаў, пляцення вянкоў і прыгатавання крупніку, дададуць новыя элементы традыцыйнага святкавання - купальскае кола і спальванне ведзьмы (лялечнай, канешне ж 😊). Апранайце традыцыйныя беларускія строі або белую вопратку. Прыносьце з сабой кветкі, зёлкі і галінкі для пляцення вянкоў. 🥨 Таксама вітаюцца прысмакі і напоі да агульнага стала (BYOB). Уваход вольны. 📆 Дата: 27 чэрвеня ⏰ Час: з 17.00 да 20.00 (час мясцовы) 📍Месца: Fletchers Cove Park, 4940 Canal Rd NW, Washington, D.C.