Aсацыяцыя Беларусаў у Амэрыцы

🎬 #АБАрэкамендуе Шукаеце беларускамоўны YouTube-канал, дзе можна і пасмяяцца, і даведацца нешта новае пра Беларусь? Тады звярніце ўвагу на праект "Умоўныя" і іх "Умоўна геніяльнае шоу" Гэта інтэлектуальна-забаўляльнае шоу, у якім смешныя адказы каштуюць амаль столькі ж, колькі і правільныя. Кожны выпуск — гэта гумар, імправізацыя, цікавыя факты пра Беларусь і цудоўная беларуская мова. На канале ўжо выйшаў 7-ы выпуск, таму самы час пазнаёміцца з праектам. 📺 Глядзець можна тут: https://www.youtube.com/@umounyja Давайце падтрымліваць беларускія праекты, стваральнікі якіх робяць якасны кантэнт па-беларуску

У Беларусі Сяргей працаваў у IT, але два гады таму разам з сям’ёй з’ехаў у ЗША і стаў хэндыменам – майстрам на ўсе рукі: «Мы прадалі машыну, два матацыклы і ўзялі ўсе свае зберажэнні – у суме выйшла каля 20 000$. У Каліфорніі ў мяне быў далёкі сваяк, які прытуліў нас на пару тыдняў». ▪️– Я спрабаваў прабіцца ў IT, але разумеў, па словах знаёмых, што гэта год штодзённых адправак рэзюмэ, а то і болей. Да таго ж у мяне не было досведу аўтаматызаванага тэсціравання, а тут усім патрэбныя менавіта аўтаматызатары. Я падаваў рэзюмэ, потым пачаў шукаць працу не па спецыяльнасці. Мне параілі ўладкавацца хэндыменам: нічога складанага – нешта рамантаваць, фарбаваць… ▪️Усе хэндымены працуюць на пагадзіннай аплаце: я пачынаў з 50$ у гадзіну, цяпер ужо бяру ад 70 да 100$, езджу на заказы ў радыусе 100 міль. У дзень працую ад 3 да 10 гадзін, у сярэднім у месяц можна атрымліваць 6000–7000$. Па выхадных імкнуся не працаваць – планую свой графік так, каб гэтага не здаралася.

🍉 Анлайн-кавярня - гэта штотыднёвыя размовы па-беларуску з новымі людзьмі з усяго свету. 🐙 Кожны тыдзень ты атрымліваеш новага суразмоўцу. Вы дамаўляецеся пра час і робіце адзін відэасазвон на 1 гадзіну ў любы дзень тыдня. 💛 У нас есць удзельнікі з 23 краін. 🍄 Удзельнічаюць людзі ва ўзросце ад 18 да 63. 🎁 Размаўляем толькі па-беларуску, нават калі з памылкамі. 💌 Навошта далучацца? - каб не адчуваць сябе самотна - каб знайсці сяброў у розных краінах - каб ужываць беларускую мову ў жыцці 🍬 Хочаш далучыцца? Напішы @mmake_me_laugh

💯 гадоў Янкі Запрудніка: далучайцеся да памятных імпрэзаў! У жніўні беларуская супольнасьць адзначыць 100-годзьдзе з дня нараджэньня Янкі Запрудніка (1926–2022) — гісторыка, журналіста, грамадзкага дзеяча і чалавека, які ўсё сваё доўгае жыцьцё быў адданы Беларусі. З гэтай нагоды Асацыяцыя Беларусаў у Амэрыцы запрашае вас на дзьве падзеі. 💻 8 жніўня — онлайн-лекцыя Натальлі Гардзіенкі "100 гадоў Янкі Запрудніка (1926–2022): гісторыка, журналіста, грамадзкага дзеяча" у рамках праекта "Літаратура і кАВА" Падчас лекцыі вы даведаецеся: 🔹як юнак зь беларускага Міру праз тры краіны трапіў у Амэрыку; 🔹як беларуская моладзь пасьля Другой сусьветнай вайны знаходзіла магчымасьці для адукацыі на эміграцыі; 🔹як Янку Запрудніку ўдалося сумясьціць прафэсійную кар'еру з грамадзкай дзейнасьцю; 🔹чаму ён усё жыцьцё прысьвяціў беларускай справе; 🔹і што такое шчасьлівая беларуская сям'я. 📅 8 жніўня 🕗 20:00 Менск 🕐 13:00 Нью-Ёрк 🕙 10:00 Сан-Францыска 💻Zoom | Facebook Event 🏛 9 жніўня запрашаем на ўрачыстую сустрэчу ў Саўт-Рывэры, Нью-Джэрзі. У праграме: 🔹 успаміны пра Янку Запрудніка і яго спадчыну; 🔹 выстава, прысьвечаная яго жыцьцю; 🔹 сустрэча з гісторыкам Юрыем Грыбоўскім; 🔹 прэзэнтацыя новай кнігі БІНіМу «Кастусь Езавітаў. Выбранае». 📅 9 жніўня, 12:00 (пасьля службы) 📍 284 Whitehead Ave, South River, New Jersey Facebook Event Запрашаем далучыцца — онлайн або асабіста — каб разам успомніць чалавека, які стаў адным з галоўных летапісцаў беларускай эміграцыі і ўсё жыцьцё працаваў дзеля Беларусі.

🎶 "5051" у Вашынгтоне У пятніцу, 31 ліпеня, у Вашынгтоне грае канцэрт гурт "5051". Абяцаюць прэм'еру свайго найноўшага альбома "Сон, Ежа & Курцізанкі". 🎵 5051 - беларусы, якія сабраліся ў 2019 годзе ў Н'ю-Ёрку і граюць дагэтуль, спалучаючы мноства жанраў, ад папсы і хіп-хопа да металкору, але свой стыль апісваюць проста - панк-рок. Кампанію складзе кавер-гурт "Спектр Газа", які грае, так-так, хіты гурта "Сектар Газа". Квіткі коштам 25 даляраў бярыце па спасылцы. 📆 Дата: 31 ліпеня ⏰ Час: 19.00 (час мясцовы) 📍Месца: PixelTone, 113 S Washington St, Alexandria, VA

Дзесяць гадоў чакання. Гісторыя беларуса Генадзя Жулегi са Светлагорска, сябра суполкi беларусаў Сан Францыска "Free Belarus SF" і сябра-прыхільніка "Асацыяцыi беларусаў у Амэрыцы", які ўцёк ад палітычнага пераследу, але дагэтуль не атрымаў прытулку ў ЗША. Чытайце: https://gomelspring.org/be/news/11992

🔺 Каля трох тысячаў беларусаў пад пагрозай дэпартацыі з ЗША Беларускія арганізацыі ў Амерыцы б’юць трывогу і параўноўваюць сітуацыю з «прысмакам снежня 2020-га». Арганізацыя «ByAction», карыстаючыся адкрытымі дадзенымі, адзначае, што з 3 мільёнаў заведзеных спраў аб прытулку 3162 тычацца беларусаў, якія цяпер знаходзяцца ў зоне асаблівай рызыкі. Падрабязнасці тут А тут чытайце, калі вы ў Беларусі

🎨Падтрымаем беларускую мастачку з Філадэльфіі Беларуска Даша жыве і працуе ў Філадэльфіі. На днях яе мужа затрымалі супрацоўнікі ICE ў аэрапорце. Ён вяртаўся з працы дадому, каб адзначыць свой дзень нараджэння разам з сям'ёй. Цяпер сям'я апынулася ў вельмі цяжкай і няпэўнай сітуацыі . 🖼 Адзін са спосабаў дапамагчы — набыць карціны Дашы . Даша называе сябе "чарцёжніцай". Яна стварае працы з аднаго простага чарцяжу, які, павернуты і размаляваны па-рознаму, ператвараецца ў новыя карціны і гісторыі ✨. Яе мастацтва — пра памяць, трансфармацыю і пошук колеру і святла нават у самым шэрым дні 🌈. Давайце падтрымаем Дашу і яе сям'ю ў гэты складаны час 🤝. Паглядзець працы і набыць іх можна тут 🔄 Ваш рэпост таксама можа стаць дапамогай . У цяжкія часы асабліва важна памятаць: мы не адны 🤍❤️🤍

🗣 Заснавальнік Audiobooks Мікіта Белаглазаў пра пяць гадоў агучкі, эканоміку беларускай культуры і нацыянальную памяць Заснавальнік аўдыявыдавецтва Audiobooks Мікіта Белаглазаў распавёў пра пяць гадоў развіцця праекта, амаль 70 агучаных кніг, эканамічныя цяжкасці беларускамоўнага кантэнту і памяць пра пісьменніцу Святлану Курс. 🧐 Анлайн-сустрэча з Мікітам адбылася ў межах праекта «Літаратура і кава», які ладзіць Асацыяцыя беларусаў у Амерыцы. Падрабязней. 🔗Па гэтай спасылцы адкрыецца без VPN.

Песняры здзейснілі гістарычныя гастролі ў ЗША ў 1976 годзе. Як гэта было? Пра тую вандроўку ёсць шмат гісторый, але што з іх міфы, а што факты? Літры гарэлкі, мільён даляраў, «рускі наступ» і таямнічы канцэрт з Полам Макартні. У новым выпуску Міністэрства сепультуры -- легенды пра самыя першыя гастролі беларускага гурта ў Амерыку. https://youtu.be/302covY2NSA

🔔 Нагадваем, што сустрэча з Мікітам Белаглазавым, заснавальнікам Audiobooks.by  ужо сёньня 👉🏼Zoom link 🗓26 ліпеня, нядзеля ⏰13.00 Нью-Ёрк 10.00 Сан Францыска 19.00 Варшава

🎵📀 У беларуска-амэрыканскага гурта 5051 выйшаў новы беларускамоўны альбом "Сон, ежа, куртызанкі". Цікавы факт, што назва альбому зарадзілася падчас інтэрвію для YouTube канала АБА некалькі гадоў таму 🎤📺. 🎧 Слухайце на ўсіх пляцоўках : 🔗 https://li.sten.to/sonejakurtizanki #слухайсваё

Запрашаем на сустрэчу ў Zoom з заснавальнікам аўдыёвыдавецтва Audiobooks.by і сябрам АБА Мікітам Белаглазавым. У ліпені 2020-га Audiobooks.by споўнілася 5 гадоў. А 3 гады таму, таксама летам, дзякуючы Мікіце зьявілася ідэя нашага праекту "Літаратура і кАВА". Пра гэта і пра беларускую літаратуру агулам паразмаўляем на сустрэчы. 🗓26 ліпеня, нядзеля ⏰13.00 Нью-Ёрк 10.00 Сан Францыска 19.00 Варшава

- Па што ідзеш, воўча? - Па астатняе. Прыйшоў воўча і па Сьвятлану Курс. Шмат хто сёньня напіша, якой яна была таленавітай, моцнай, яскравай. І ўсё гэта будзе праўдай. Але мы хочам сказаць пра іншае. Праект "Літаратура і кАВА" пачаўся са сустрэчы са Сьвятланай. Тады мы яшчэ ня ведалі, што гэтыя размовы стануць штомесячнымі, што ў праекта зьявіцца назва, што ён будзе жыць і аб'ядноўваць беларусаў у розных кутках сьвету. Але тая першая сустрэча настолькі нас натхніла, што мы зразумелі: гэта павінна стаць традыцыяй. Падчас той сустрэчы Сьвятлана сказала фразу, якая, здаецца, вельмі шмат пра яе гаворыць: "Люблю такія фарматы, бо гэта роўны сярод роўных". Яна і сама такой была. Шчырай, простай, чалавечнай. Побач зь ёй вельмі хутка забывалася, што перад табою вядомая пісьменьніца. Заставаўся проста чалавек, зь якім адразу хацелася размаўляць. Жанчына неверагоднай харызмы, у якую хацелася закахацца і палюбіць. І проста назіраць за ўсім, што яна робіць. Апошнія месяцы мы, як і многія, сачылі ў сацсетках, як мужна і годна яна праходзіць праз сваю хваробу. Яна да самага канца заставалася сабою. Дзякуй вам, Сьвятлана, за тую першую размову, зь якой для нас усё пачалося. Воўча забраў вас. Але тое, што вы нам далі, засталося. У памяці. У нашых размовах. І ў "Літаратуры і кАВА", якая пачалася дзякуючы вам.

Запрашаем да прагляду запісу чарговай онлайн-сустрэчы ў рамках праекту «Літаратура і кАВА». Гэтым разам нашая госьця — Тацьцяна Астроўская, гісторыца, доктарка гістарычных навук, дасьледчыца беларускага дысідэнцтва. https://youtu.be/VVMU6BLy8jk?si=m4JBRMLq85p0grg0

На YouTube канале АБА можна паглядзець інтэрв'ю з заснавальнікам аўдыё выдавецтва Audiobooks.by і сябрам АБА Мікітам Белаглазавым https://youtu.be/-WuF5rv0BEs?is=d6IJUh_bs4LQH6Wa

Мы шчыра дзякуем кожнаму, хто набывае аўдыякнігі, слухае іх у дарозе, дома ці на шпацыры, падтрымлівае беларускі кантэнт і застаецца разам з намі. Менавіта дзякуючы вам гэтыя пяць гадоў сталі магчымымі. І ў нас ёсць невялікі сюрпрыз. Сярод усіх, хто павіншуе audiobooks.by ў каментарах і парэкамендуе нас сябрам, ужо на наступным тыдні мы разыграем 5 гіфт-карт па $15. Іх можна будзе выкарыстаць на набыццё любых аўдыякніг на нашай платформе.

🔥🔥🔥На Сепультуры Alive выступіць Šuma — беларускі праект, які спалучае сучасную электронную музыку і аўтэнтыку. Калі вы хоць раз былі на лайвах Šuma, то ведаеце: там адбываецца гукавое і візуальнае чарадзейства. Гэта густоўна, прыгожа і атмасферна. Далучайцеся да анлайн-трансляцыі 30 ліпеня ў 20:00 па менскім часе. Глядзіце, кайфуйце! https://youtube.com/live/8KkCvdKk1sU І падтрымлівайце! Абавязкова набывайце сімвалічныя квіткі на гэты канцэрт, каб падтрымаць праект і музыкантаў. Мы працуем, каб вы адпачывалі! https://buymeacoffee.com/sepulive Калі ў вас ёсць магчымасць, аформіце штомесячную падпіску на падтрымку Сепультуры Alive. Арганізацыя кожнага канцэрта каштуе 1500-2000 еўра, і з вашай падтрымкай у нас ёсць магчымасць планаваць наступныя мерапрыемствы https://buymeacoffee.com/sepulive/membership ❤️Дзякуй вам і да сустрэчы 30 ліпеня на канале Сепультура Alive!

👍Круцей за Wordle ці Spelling Bee. Тут запусцілі сайт са слоўнымі гульнямі на беларускай мове У інтэрнэце запусцілі сайт Slovy.games, які аб’яднаў папулярныя інтэрактыўныя гульні на беларускай мове. Ужо даступныя папулярная гульня на сэнсавую блізкасць «Побач» і новая галаваломка з літарамі «Валошка». Гуляць у іх можна бясплатна, без рэгістрацыі і рэкламы наўпрост праз браўзер, піша citydog.io.

Як расказвае аўтар пляцоўкі Алесь Дробыш, Slovy абнаўляюцца штодня. Аўтар прызнаецца, што вельмі любіць слоўныя гульні і даўно чакаў з’яўлення падобнага беларускамоўнага праекта. Не дачакаўшыся ініцыятывы ад іншых, Алесь вырашыў стварыць пляцоўку самастойна. Першую і асноўную частку рэсурсу — гульню «Побач» — ён распрацаваў усяго за тыдзень разам са сваёй жонкай, якая і цяпер штодня тэсціруе абнаўленні і дапамагае парадамі.

Працяг па спасылцы. 🔗Па гэтай спасылцы адкрыецца без VPN.