Addis Ababa Design And Construction Works Bureau

የዘንድሮዉ የመስቀል ደመራ በዓል በርካታ ህዝብና ቱሪስቶች በተገኙበት እጅግ ባማረ እና በደመቀ መልኩ በመስቀል አደባባይ ተከብሯል ! በዓሉ በደምቀት እሴቱን ጠብቆ እና ሰላማዊ ሆኖ እንዲጠናቀቅ ላደረጋችሁ አካላት ሁሉ ምስጋና ይገባችሁል። መልካም በዓል ፈጣሪ ኢትዮጵያንና ህዝቦቿን ይባርክ ከንቲባ አዳነች አቤቤ

"እያንዳንዳችን የተለያየ ባህል፣ ቋንቋ፣ ሃይማኖት እና ማንነት ቢኖረንም እንደ ደመራው በጋራ ስንቆም ጨለማውን የሚያሸንፍ ብርሃን እንሆናለን"! ከንቲባ አዳነች አቤቤ ከንቲባ አዳነች አቤቤ በመስቀል አደባባይ እየተከናወነ በሚገኘው የመስቀል ደመራ ሥነ-ሥርዓት ላይ ተገኝተው ባደረጉት ንግግር፣ በዓሉ ሃይማኖታዊ እሴቱን ጠብቆ በድምቀት ከሚከበሩ የአደባባይ ሁነቶች አንዱና የጋራ የባህል ሀብት መሆኑን ገልጸዋል። መጽሐፍ ቅዱስ እንደሚያስረዳው የኢየሱስ ክርስቶስ ፍቅርና መስዋዕትነት የሰው ልጆች ከጨለማ ወደ ብርሃን እንዲሸጋገሩ የተደረገበት እውነት መሆኑን የጠቀሱት ከንቲባ አዳነች፣ እምነቱ የሚያስተምረውን ይቅርታ እና ፍቅር ታሳቢ በማድረግ ዘላቂ ሰላም ያለው ማኅበረሰብ መገንባት እንደሚገባ አስገንዝበዋል። በዓሉ በዩኔስኮ የተመዘገበ የሰው ልጅ የማይዳሰስ ባህላዊ ቅርስ በመሆኑ የሀገርን ገጽታ እና የባህል ሀብታችን ከፍ ያደረገ መኾኑን ጠቁመዋል። በደመራው ዙሪያ የሚበሩ ችቦዎች በአንድነት ሲሰበሰቡ አካባቢውን በብርሃን እንደሚሞሉ ሁሉ፥ ማኅበረሰቡም በልዩነቶች ውስጥ በሕብረት ሲቆም፣  ለሀገር የማይበገር ጥንካሬ እንደሚሆን ተናግረዋል። አዲስ አበባ የዓለም የስህበት ማዕከልና የከተማ የለውጥ ተምሳሌት እየሆነች መምጣቷን የጠቆሙት ከንቲባዋ፣ እንደ መስቀል ያሉ ሁነቶች የከተማዋን እንግዳ ተቀባይነት እና ኢትዮጵያዊ ማንነት ለዓለም ማሳየት የሚቻልባቸው ኹነቶች መሆናቸውን ገልጸዋል። እንደዚህ ያሉ ታላላቅ ሁነቶች በመዲናዋ በስኬትና በደማቅ ሁኔታ ሊከበሩ የቻሉት በመንግሥት ጥረት ብቻ ሳይሆን በሕዝቡ፣ በሃይማኖት አባቶች፣ በመዘምራን፣ በወጣቶች፣ በበጎ ፈቃደኞችና በጸጥታ አካላት የተቀናጀ ትብብር መሆኑን ገልጸው፣ ለተደረገው አስተዋጽኦ ምስጋና አቅርበዋል። በመጨረሻም አዲሱ ዓመት በአንድነት ደምቀን የምንበራበት፣ የተቀያየሙ የሚታረቁበት፣ በፍቅርና በጋራ ሥራ በሁሉም የኢትዮጵያ  አካባቢዎች ዘላቂ ሰላም የሚሰፍንበት እንዲሆን መልካም ምኞታቸውን ገልጸዋል።

የ2019 ዓ/ም የመስቀል ደመራ በዓል በአዲስ አበባ፥ መስቀል አደባባይ በደማቅ ሥነ-ሥርዓት እየተከበረ ይገኛል! በበዓሉ ሥነ-ሥርዓት፥ የኢትዮጵያ ኦርቶዶክስ ተዋሕዶ ቤተክርስቲያን ፓትሪያርክ ብፁዕ ወቅዱስ አቡነ ማትያስ፣ ብፁዓን ሊቃነ ጳጳሳት፣ የአዲስ አበባ ከተማ አስተዳደር ከንቲባ አዳነች አቤቤ፣ የመንግሥት ከፍተኛ የሥራ ኃላፊዎች፣ የውጭ ሀገራት አምባሳደሮች፣ ዲፕሎማቶች፣ በርካታ የውጭ ሀገር ጎብኚዎች፣ የእምነቱ ተከታዮች እና የተለያዩ የኅብረተሰብ ክፍሎች ታድመዋል።

እንኳን ለደመራና መስቀል በዓል በሰላም አደረሳችሁ፤ አደረሰን! የከተማችን ድምቀት ከሆኑ የአደባባይ በዓላት አንዱ ለሆነውና በተባበሩት መንግስታት የትምህርት፣ የሳይንስ እና ባህል ድርጅት ዩኔስኮ በማይዳሰስ ቅርስነት ለተመዘገበው ለመስቀል በዓል እንኳን በሰላም አደረሳቸሁ!! በዓሉ ሃይማኖታዊ እሴቱን ጠብቆ በባህላዊ አልባሳቶቻችን ደምቆ፣ የቱሪዝም ስበት ሆኖ የሀገራችንን መልካም ገጽታ በሚያጎላ መልክ ይከበራል። እንደ ወትሮዉ ሁሉ በአሉን ስናከብር እንደ ዳመራዉ በአብሮነት ተደምረን ፣በትብብር ፣በመተሳሰብ እና በፍቅር እንድናከብር መልካም ምኞቴን አገልጻለሁ። በድጋሚ እንኳን ለደመራ እና ለመሰቀል በዓል በሳለም አደረሳቸሁ! ፈጣሪ ኢትዮጵያን አና ህዝቦቿን ይባርክ ! ከንቲባ አዳነች አቤቤ

ዛሬ ከኢትዮጵያ ኦርቶዶክስ ተዋህዶ ቤተክርስትያን አባቶች እና የመስቀል በዓል ዝግጅት የቤተ ክርስትያኒቷ  እና የከተማ አስተዳደሩ የጋራ ኮሚቴ ጋር ለመስቀል ደመራ በዓል ደማቅ ዝግጅት መደረጉን ተመልክተናል:: የመስቀል በዓል የሀገር ሀብት እና ሀገራችንን ለአለም ያስተዋወቀ ሀገራዊ ቅርስ እንደመሆኑ በአሉ ሀይማኖታዊ ስርዓቱን እና ትውፊቱን ጠብቆ ፣ በርካታ ቱሪስቶች በተገኙበት የሚከበር እንደመሆኑ የከተማ አስተዳደራችን ከኢትዮጵያ ኦርቶዶክስ ተዋህዶ ቤተ ክርስትያን ጋር በየ አመቱ በትብብር ይሰራል። ይህ የሰላም፣ የፍቅርና የአብሮነት መገለጫ የሆነው በዓል በከተማችን መስቀል አደባባይን ጨምሮ ከ2ሺ 657 ቦታዎች ላይ ደመራዎች ተደምረው የሚከበር በመሆኑ ፣ በሁሉም ስፍራዎች በድምቀት እንዲከበር፣  የማክበሪያ ስፍራዎችን የማዘጋጀት  ፣ የማጽዳትና ምቹ የማድረግ ስራዎች የከተማችን ነዋሪዎች በአብሮነት ሲሰሩ ቆይተዋል። በመሆኑም ይህ በአለም በማይዳሰስ ቅርስነት በዩኔስኮ የተመዘገበው የመስቀል ደመራ በዓል በርካታ ቱሪስቶች የሚታደሙበት በመሆኑ የከተማችን ነዋሪዎች ሁሉ በተለይም ምዕመናን  በአሉ እጅግ በደመቀ ፣የሃይማኖቱን እሴት በመጠበቀ እና  ጨዋነት መገለጫችን በሆነው እንግዳ ተቀባይነት እንድናከብር የጀመራችሁትን መልካም ስራ አጠናክራችሁ ቀጥሉ። መልካም በአል!! ፈጣሪ ኢትዮጵያና ህዝቦቿን ይባርክ!! ከንቲባ አዳነች አቤቤ

የአራዳ በጎነት መንደር ግንባታ በመፋጠን ላይ ነው። የአዲስ አበባ ከተማ አስተዳደር በመዲናዋ የተለያዩ አካባቢዎች የሚገኙትን ለኑሮ ያልተመቹ ከባቢዎችን መልሶ በማልማት ለሕብረተሰቡ ክብር የተገቡና ዘመናዊ የመኖሪያ መንደሮችን ዕውን በማድረግ ላይ ይገኛል። ከነዚህ መንደሮች ውስጥም በአራዳ ክፍለከተማ ልዩ ቦታው ገዳም ሰፈር እየተባለ በሚጠራው አካባቢ እየተገነባ የሚገኘው የአራዳ በጎነት መንደር ግንባታ እየተፋጠነ ይገኛል። ከተጀመረ 3 ወር ያልሞላው ይኸው የመኖሪያ መንደር ፕሮጀክት በውስጡ በአጠቃላይ 15 ብሎኮችን የያዘ ሲሆን እያንዳንዳቸው ብሎኮችም ቤዝመንት ፣ ግራውንድ እና 8 ወለሎች እንዲሁም ሰገነት (B+G+8+TERRACE ) ያላቸው ናቸው። ከዚህም በተጨማሪ የያንዳንዱ አባወራ መኖሪያ ቤትም በባለ ሁለት ፣ በባለ አንድ እና በስቱዲዮ ደረጃ እየተከናወነ የሚገኝ ሲሆን ከዚህ በተጨማሪም የንግድ ሱቆች ፣ ካፍቴሪያዎች ፣ የልጆች መጫወቻ ፣ የማምረቻና የማሳያ ክፍሎች የዚሁ መኖሪያ መንደር አካል ተደርገዋል። ፕሮጀክቱ ሲጠናቀቅም ለዕይታ ማራኪ ገፅታን መከሰት ብቻም ሳይሆን ለኑሮ የተመቸ ፤ ጤናማ እንዲሁም ከተማዋንና ነዋሪዎቿን የሚመጥን ቅንጡ የመኖሪያ መንደር በመሆን ያገለግላል። የአዲስ አበባ ዲዛይንና ግንባታ ስራዎች ቢሮ ኮሙኒኬሽን መስከረም 15/2019 ዓ/ም

በመዲናችን የመስቀል ደመራ በሚከበርባቸዉ መንገዶችና አደባባዮች የፅዳት ንቅናቄ መረሃ ግብር እየተካሄደ ይገኛል፡፡ በመዲናችን አዲስ አበባ ታላቁን የመስቀል ደመራ በዓል በአብሮነት፤በሰላም እና በድምቀት ለማክበር የተለያዩ የቅድመ ዝግጅት ስራዎች በሰፊዉ ሲካሄዱ ቆይተዋል፤እየተከናወኑም ይገኛሉ፡፡ ከእነዚህ ዝግጅቶች አንዱ በሆነዉ እና እየተካሄደ ባለዉ የፅዳት ንቅናቄ መርሃ ግብር ላይ የሁሉም ሃይማኖት ተቋማት አባቶች፣ ታዋቂ ግለሰቦች፣ የመንግሥት አመራሮችና የሥራ ሃላፊዎችና ፣የፅዳት አምባሳደሮች እንዲሁም በርካታ የሃይማኖቱ ተከታዮች እና ሌሎች የህብረተሰብ ክፍሎች ተሳትፈዋል። በዓሉ የሰላም፣ የፍቅርና የአብሮነት መገለጫ እንደ መሆኑ መጠን፣ ቦታዎቹ ንፁህና ለዕይታ የሚስቡ በተለይም ለበዓሉ እንግዶችና አክባሪዎች ምቹና ማራኪ እንዲሆኑ ትኩረት በመስጠት የተደረገው ጥረት የህብረተሰቡን የባለቤትነት ስሜትና በዓሉ በድምቀት እንዲከበር የሚያስችል እንደሆነ ተገልጿል። የፅዳት መርሃ ግብሮቹን ጨምሮ መዲናችን አዲስ አበባ ለበዓሉ የሰጠችዉ ልዮ ትኩረት የከተመዋን ገፅታ ይበልጥ ለማጉላት እና ሃይማኖታዊና ባህላዊ ትዉፊቶችን ጠብቃ ለትዉልድ ለማስተላለፍ ዝግጁ መሆኗን ያሳያል ተብሏል፡፡

አዲስ አበባ እንግዶቿን እየተቀበለች ነው ለመስቀል እና ለኢሬቻ በዓላት ከተለያዩ የዓለም ሀገራት ወደ አዲስ አበባ እየገቡ ለሚገኙ ቱሪስቶችና እንግዶች ደማቅ አቀባበል እየተደረገ ነው፡፡ በየአመቱ በሚከበሩት የመስቀል እና የኢሬቻ በዓላት በርካታ የሀገር ውስጥ እና የውጪ ሀገር ቱሪስቶች የሚታደሙ ሲሆን በዓላቱ የሀገርን መልካም ገጽታ ከመገንባት ባሻገር ሁነኛ የቱሪዝም የገቢ ምንጭ በመሆን የከተማዋን ኢኮኖሚ እየደገፈ ይገኛል፡፡ የአዲስ አበባ ቱሪዝም ኮሚሽን ለቱሪስቶች እና እንግዶች በቦሌ ዓለም አቀፍ አውሮፕላን ማረፊያ ደማቅ አቀባበል እያደረገ እንደሚገኝ አስታውቋል፡፡ AMN

ከፕሬዝዳንት ኢስማኤል ኦመር ጊሌ እና ከአሊኮ ዳንጎቴ ጋር በመሆን፣ በጅቡቲ ዳመርጆግን ከኢትዮጵያ ደወሌ የሚያገናኝ እና ታላቅ ስትራቴጂካዊ ኢንቨስትመንት የሆነውን አዲስ የተጣራ ነዳጅ ማስተላለፊያ ቧንቧ መስመር ዝርጋታን ዛሬ ይፋ አድርገናል። ‎ ‎ ፕሮጀክቱ በሁለቱም ጫፎች ላይ በሚገነቡ የማከማቻ ተርሚናሎች የተደገፈ ሲሆን፤ ይህ ታሪካዊ መሰረተ ልማት በኢትዮጵያ ኢንቨስትመንት ሆልዲንግስ እና በዳንጎቴ ግሩፕ ጥምረት የሚተገበር ነው። ‎ ‎የሎጂስቲክስ ወጭንና መዘግየትን በመቀነስ፣ የኢነርጂ ዋስትናን ያጠናክራል፤ እንዲሁም የኢትዮጵያ-ጅቡቲ የንግድ መስመርን ፍጥነት እና ዘላቂነትን ያሳድጋል። ‎ ‎መሰረተልማቱ ከነዳጅ ማስተላለፊያ ቧንቧ መስመር ዝርጋታ በላይ፣ የአፍሪካውያንን ኢንቨስትመንት እና በጋራ መልማትን ማዕከል ያደረገ፣ ለዘላቂ እድገት፣ ለቀጣናዊ ትስስር እና ይበልጥ አስተማማኝ ለሆነ የጋራ ኢኮኖሚያዊ እጣ ፈንታ የሚደረግ ሰፊ ኢንቨስትመንት ነው። ጠቅላይ ሚኒስትር ዐቢይ አሕመድ (ዶ/ር)

የመስቀል የደመራ እና የኢሬቻ በዓላት የአዲስ አበባን ገፅታ በሚገነባ መልኩ እንዲከበሩ አስፈላጊው ዝግጅት ተደርጓል:: የመስቀል ደመራ እና የኢሬቻ በዓላት የአዲስ አበባን ገጽታ በሚገነባ እና ዓለም አቀፍ ሁነቶችን የማስተናገድ አቅምን በሚያጎላ መልኩ በድምቀት እንዲከበሩ አስፈላጊው ዝግጅት መደረጉን የአዲስ አበባ ከተማ ሰላምና ጸጥታ አስተዳደር ቢሮ አስታወቀ። በዓለም የማይዳሰስ ቅርስነት የተመዘገበው የመስቀል ደመራ በዓል መስከረም 16 እንዲሁም የገዳ ሥርዓት አካል የሆነው የኢሬቻ በዓል በሳምንቱ ቅዳሜ መስከረም 23 በከተማዋ በድምቀት ይከበራል። የቢሮው ምክትል ኃላፊ አቶ ፍሥሐ ጥበቡ በዓላቱን አስመልክቶ በሰጡት መግለጫ፤ በዓላቱን በሰላም ማክበር ከሃይማኖታዊ ሥርዓትነት ባለፈ ለሰላማዊ አብሮነት፣ ለባህል ጥበቃ እና ለሀገራዊ አንድነት ያለንን የጋራ ቁርጠኝነት የምናሳይበት አጋጣሚ ነው ብለዋል። የ2019 ዓመተ ምህረት የመስቀል ደመራ እና የኢሬቻ በዓላት ያለምንም የጸጥታ ችግር እንዲያልፉ ከሃይማኖት ተቋማት፣ ከጸጥታ አካላት እና ከከተማዋ ነዋሪዎች ጋር በቂ ውይይቶች መደረጋቸውን ገልጸዋል። ምክትል ኃላፊው አያይዘውም ወጣቶች በኃላፊነት መንፈስ የበዓላቱን ሥርዓት በማስተናበር በኩል የየበኩላቸውን ሚና እንዲወጡ ጥሪ አቅርበዋል። ነዋሪዎችም ማንኛውንም አጠራጣሪ ነገር ሲመለከቱ በነፃ የስልክ ቁጥር 8882 ለአዲስ አበባ ሰላምና ጸጥታ አስተዳደር ቢሮ ጥቆማ መስጠት እንደሚችሉ ጠቁመዋል። AMN

‎ጠቅላይ ሚኒስትር ዐቢይ አሕመድ(ዶ/ር)ለይፋዊ የስራ ጉብኝት ጅቡቲ ሲደርሱ ፕሬዚዳንት ኢስማኤል ኦመር ጊሌ ደማቅ አቀባበል አድርገውላቸዋል። ሁለቱ መሪዎች በኢትዮጵያ እና በጅቡቲ መካከል ያለውን ኢኮኖሚያዊ ትስስር ይበልጥ ለማጠናከር ያለመ የጋራ ፕሮጀክት ይፋ የሚሆንበትን መድረክ ይታደማሉ። #PMOEthiopia

ለሰብዓዊ ልማቱ ዓቅም የሚፈጥሩት የትምሕርት መሰረተ-ልማት ፕሮጀክቶች:- ******** የአዲስ አበባ ዲዛይንና ግንባታ ስራዎች ቢሮ በመዲናዋ የተለያዩ አካባቢዎች ሲያስገነባቸው የቆዩትን 38 የትምሕርት ቤት ፕሮጀክቶች አጠናቆ ለ2019 የትምሕርት ዘመን ስንዱ አድርጓል። አጠቃላይ ግንባታቸው በ5 ወራት ውስጥ ተጠናቆ ለአገልግሎት የተዘጋጁት እነኚሁ ፕሮጀክቶች ቢሮው በጉልህ የሚታወቅባቸው የ7/24 የስራ ባህል እንዲሁም በሙያዊ ዲሲፕሊን እና በመርህ ላይ የተመሰረተው የፕሮጀክት ማኔጅመንት ስርዓቱ በገቢር የታየባቸው ከመሆናቸው በተጨማሪ በግንባታው ዘርፍ ለተሰማሩ በርካታ ማሕበራትም የስራ ዕድል የፈጠሩም ናቸው። እነዚህ ተቋማት ተማሪዎች በአዕምሮ እና በአካል የሚጎለብቱባቸው ከባቢዎች እንደመሆናቸው መጠን ይህንኑ መሰረት ባደረገ መልኩ ከዲዛይን ዕሳቤያቸው አንስቶ ሰፊ እና በቂ የተፈጥሮ ብርሀንና የአየር ዝውውር ያላቸው የመማሪያ ክፍሎች ፤ ደረጃቸውን የጠበቁ የመጫወቻ ስፍራዎች ፤ ንፁህ እና በቂ የመፀዳጃ ክፍሎች እንዲሁም አረንጓዴ እና ሳቢ ምድረ ጊቢ እንዲኖራቸው ተደርገው የተገነቡ ናቸው። ግንባታዎቹ የከተማዋን የትምሕርት ጥራት እና ተደራሽነት በዕጅጉ በማሳደግ እንደ ሀገር የተያዘው የሰብዓዊ ልማት እና የትውልድ ግንባታ ጉዞ ላይ ደማቅ አሻራ የሚያሳርፉ ይሆናል። የአዲስ አበባ ዲዛይንና ግንባታ ስራዎች ቢሮ ኮሙኒኬሽን ጉዳዮች ዳይሬክቶሬት መስከረም 14/2019

ቅጠል ተራ ወደ “መርካቶ የበጎነት መንደር “ ተቀይፘል ! ፈጣሪ ኢትዮጵያንና ህዝቦቿን ይባርክ! ከንቲባ አዳነች አቤቤ

በአራት ወር ውስጥ ተገንብቶ የተጠናቀቀው ከቅጠል ተራ ወደ “መርካቶ የበጎነት መንደር “ የተቀየረዉ የመኖሪያ ስፍራ ምን ምን አካቷል? 👉 በ11 ሺህ ካሬ ሜትር ላይ የተገነቡ G+8 የሆኑ ዘጠኝ (9 )ብሎኮች 👉 በአራት ወራት ዉስጥ የተገነቡ 960 ቤቶች 👉 ሰፊ የስራ እድልን የሚፈጥሩ 371 የንግድ ሱቆች 👉 በውስጡ የህጻናት የመጫወቻ ስፍራ፣ የስፓርት ማዘውተሪያ( የኳስ ሜዳ፣ ቅርጫት ኳስ፣ የእጅ ኳስ፣ 👉 የመረብ ኳስ፥ የሰውነት ማጎልመሻ ቦታዎች) ፥ ለነዋሪዎች የመኪና ማቆምያ ፓርኪንግ፥ ለኤሌክትሪክ መኪና ቻርጅ ማድረጊያ፥ 👉 የውስጥ ለውስጥ አስፋልት መንገድ 👉 ዘጠኙም ብሎኮች ላይ የጋራ መጠቀሚያ ሰገነት፥ ሊፍት፥ የፍሳሽና የኤሌክትሪክ መስመሮች 👉 ቅጠል ተራ ለመኖር እጅግ ምቹ ያልነበረ፤ ለሰው ልጅ ክብር የማይመጥን፤ 👉 እጅግ የቆሸሸ፣ የተፋፈገ እና የተጨናነቀ: በአስከፊ የእሳት አደጋ የተጎዳ አካባቢ ነበር 👉 “መርካቶ የበጎነት መንደር “ አካባቢዉን “ተራ” በሚል ስያሜ የተሰጣቸውን እንደ ቅጠል ተራ፣ ጭድ ተራ፣ ገብስ ተራ፣ ሳር ተራ፣ ቦንብ ተራ … ወዘተ ያሉ ጎስቋላ አካባቢዎችን ወደ ውብ አካባቢ የመለወጥ ጉልህ ማሳያ ነው ።

ቅጠል ተራን ወደ ንፁህ አረንጓዴ ለዜጎች ክብር የሚመጥን መኖሪያ ስፍራ መቀየር ያስቻለን ፈጣሪ ይመስገን በቅጠል ተራ 960 ቤቶችን በአራት ወር ዉስጥ ገንብተን ከቦታው ላይ ለተነሱ ነዋሪዎች መልሰን አስተላልፈናል። ቅጠል ተራ ለመኖር እጅግ ምቹ ያልነበረ፤ ለሰው ልጅ ክብር የማይመጥን፤ እጅግ የቆሸሸ፣ የተፋፈገ እና የተጨናነቀ የነበረና የሰው ህይወትም ጭምር በአስከፊ ሁኔታ በእሳት አደጋ ያጣንበት አካባቢም ነበር። ዛሬ ግን እጅግ ያማሩ ፣ ዘመናዊና ሁሉንም ነገር የተሟሉላቸው ባለ 9 ወለል የሆኑ ብዛታቸው 9 ህንጻዎች ላይ 960 ቤቶች ተገንብተው ወደ ምቹ መኖሪያ አካባቢ ተቀይሯል። "የመርካቶ የበጎነት የመኖሪያ መንደር" በ11, 000 ካሬ ሜትር ላይ የተገነቡ G+8 የሆኑ ዘጠኝ (9 )ብሎኮች በአጠቃላይ 960 ቤቶች ያሉት ሲሆኑ፣ ሰፊ የስራ እድልን የሚፈጥሩ 371 የንግድ ሱቆች በውስጡም የህጻናት የመጫወቻ ስፍራ፣ የስፓርት ማዘውተሪያ( የኳስ ሜዳ፣ ቅርጫት ኳስ፣ የእጅ ኳስ፣ የመረብ ኳስ፥ የሰውነት ማጎልመሻ ቦታዎች) ፥ ለነዋሪዎች የመኪና ማቆምያ ፓርኪንግ፥ ለኤሌክትሪክ መኪና ቻርጅ ማድረጊያ፥ የውስጥ ለውስጥ አስፋልት መንገድ ፥ዘጠኙም ብሎኮች ላይ የጋራ መጠቀሚያ ሰገነት፥ ሊፍት፥ የፍሳሽና የኤሌክትሪክ መስመሮች በዘመናዊ መልክ ተሟልተው ተገንብተዋል። ይህ በመርካቶ የበጎነት የመኖሪያ መንደር የሰው ህይወትን የሚቀይር ፥ መርካቶ አካባቢን “ተራ” በሚል ስያሜ የተሰጣቸው ( ቅጠል ተራ፣ ጭድ ተራ፣ ገብስ ተራ፣ ሳር ተራ፣ ቦንብ ተራ … ወዘተ) ጎስቋላ አካባቢዎችን ወደ ውብ አካባቢ የመለወጥ ጉልህ ማሳያ ነው ። ቃል በተግባር ማለት ይህ ነው፥ እንደዚህ ዓይነት የተወሳሰበ ችግር ያለባቸውን አካባቢዎች ለሰው ልጆች የሚመጥኑ፥ ነዋሪዎች የክብር ኑሮ እንዲኖሩ፥ ህይወታቸውን የሚቀይሩ ተግባራትን ያለ እረፍት 24/7 በመፈፀም ነዋሪዎች አዲስ ህይወት እንዲጀምሩ ማድረግ ነው ። የስራዎቻችንን ማዕከል ሁሉ ሰው ተኮር አድርገን፥ ከተማችን ውብ ፅዱ፥ ለነዋሪዎቻችን የተመቸች ከተማ እንድትሆን ያለ እረፍት የመስራት ተግባራችን ይበልጥ አጠናክረን እንቀጥላለን። ካላችሁ አካፍላችሁ ከከተማ አስተዳደራችን ጎን በመሆን የበጎ ተግባር ላይ የተሰማራችሁ፥ ዛሬም በቅጠል ተራ የበጎነት መንደር እንድንቀይር ያገዛችሁን በተለይ ፕሮፌሰር ሰናይት ፍስሃ፥ በግንባታው የተሳተፋችሁ ሁሉ በነዋሪዎች ስም ከልብ እናመሰግናለን ። ቅጠል ተራ ወደ “መርካቶ የበጎነት መንደር “ ተቀይፘል ! ፈጣሪ ኢትዮጵያንና ህዝቦቿን ይባርክ!

የባለሙያውን ዓቅም ለማሳደግ ያለመ ስልጠና መስጠት ጀመረ፡፡ የአዲስ አበባ ዲዛይንና ግንባታ ስራዎች ቢሮ ከኢትዮጵያ ኮንስትራክሽን ማኔጅመንት ኢንስቲትዩት ጋር በመተባበር ከማዕከልና ከ11ዱም ክፍለ ከተሞች ለተውጣጡ የኮንትራት አስተዳደር ባለሙያዎች "Basic Project Management: Construction Cost, Time, and Quality Management" በሚሉ ርዕሶች ላይ ያተኮረ የዓቅም ግንባታ ስልጠና በመስጠት ላይ ይገኛል። ፕሮጀክቶች በታቀደላቸው ጊዜ ፣በተያዘላቸው በጀት እና በተፈላጊው የጥራት ደረጃ ይጠናቀቁ ዘንድ የባለሙያውን የመፈፀም ዓቅም ማጎልበት ትልቅ ድርሻ ከሚጫወት ከመሆኑ ጋር ተያይዞ በዘርፉ ቀጥተኛ ተሳትፎ ላለቸው 60 ባለሙያዎች የዓቅም ግንባታ ስልጠናው በመሰጠት ላይ ይገኛል። ፕሮጀክቶች ያለ አላስፈላጊ ወጪና መዘግየት እንዲጠናቀቁ የሚያስችሉ ዘመናዊ የቁጥጥርና የክትትል ዘዴዎችን መተግበር ፤ በማዕከልና በክፍለ ከተሞች መካከል የሚከናወኑ የኮንትራት አስተዳደር ስራዎች የተጣጣሙ እንዲሆኑ ፤ በተጨማሪም በዘርፉ ሊያጋጥሙ የሚችሉ ስጋቶችን አስቀድሞ በመለየት የመፍትሄ አቅጣጫዎችን የማስቀመጥ ዓቅምን ማጎልበት የስልጠናው ቁልፍ ትኩረቶች ናቸው።   የኮሙኒኬሽን ጉዳዮች ዳይሬክቶሬት መስከረም 12/2019 ዓ.ም

የአደባባይ በዓላት ለቱሪዝም ዘርፍ ማንሰራራት እና ለዘላቂ ዕድገታችን መረጋገጥ! ብዝሀ ዘርፍ የልማት አቅጣጫን እየተከተለች የምትገኘው ኢትዮጵያ ከለውጡ በፊት ብዙም አስታዋሽ ያልነበረውን የቱሪዝም ዘርፍም አንዱ የእድገቷ ምሶሶ በማድረግ አንፀባራቂ ድሎችን ማስመዝገብ ችላለች፡፡ በማንሰራራት ላይ ያለው የቱሪዝም ዘርፍ ማህበራዊ መስተጋብርን በማጠናከርና የሀገራችንን መልካም ገፅታ በማጉላት ከሚያበረክተው ትልቅ አስተዋፅዖ ባሻገር ከዘላቂ ልማት ግቦቻችን ጋርም የተናበበ በመሆኑ ልዩ ትኩረት ተሰጥቶታል፡፡ ተፈጥሯዊና ሰው ሰራሽ መስህቦችን በአግባቡ በማልማት የቱሪስት መዳረሻ ለማድረግ እንደ ሀገርም ሆነ በመዲናችን ሰፊ ርብርብ እየተደረገ ይገኛል፡፡ ልማቶቻችን አንዱ ለአንዱ ተመጋጋቢ መሆናቸውም ሁሉን አቀፍ ዕድገታችን እንዲፋጠን ምቹ መደላድል ፈጥሯል፡፡ አዲስ አበባን እንደ ስሟ ውብ አበባ ለማድረግ እየተከናወኑ የሚገኙ ዘርፈ ብዙ ተግባራት የህዝባችንን የኑሮ ደረጃ ከማሻሻል ባሻገር ለአደባባይ በዓላት ደማቅ አከባበር ምቹ ሁኔታ ፈጥረዋል፡፡ የአደባባይ በዓላት ከባህላዊ፣ ሀይማኖታዊ እና ህዝባዊ እሴቶቻቸው ባሻገር ኢኮኖሚያዊ አበርክቷቸውም ቀላል አይደለም፡፡ የአለባበስ፣ የአመጋገብ እንዲሁም የውበት አጠባበቅ ስርዓቶች ልዩ ልዩ ባህሎች ጎላ ብለው የሚታዩባቸው የሀገራዊ እሴቶች ነፀብራቅ ሲሆኑ፣ የህዝብ ለህዝብ ኢኮኖሚያዊ መስተጋብርንም ያሳድጋሉ፡፡ በበዓላት ወቅት ገበያው ይሞቃል፣ ኢኮኖሚው ይነቃቃል። ከበዓላት ቀደም ብሎም በተለይም የባህላዊ አልባሳት ግብይት ጎልቶ ይታያል። ባህላዊ ምግቦችን ለማዘጋጀት የሚያገለግሉ ጥሬ ዕቃዎችን መገበያየትም በዚህ ወቅት ከፍ ይላል። ከቤተሰብ ፍጆታ ባሻገር ያለው ለሌለው የሚያካፍልበት የማዕድ ማጋራት ፕሮግራምም በበዓላት ወቅት ሰፋ ብሎ ይስተዋላል። በዓላት ማህበራዊ መስተጋብሮች የሚጠናከሩባቸው በመሆናቸው የእንኳን አደረሳችሁ ልዩ ልዩ ስጦታዎችም በዓልን አስመልክቶ በስፋት ይከናወናሉ። በዓላትን ለማክበር የሚሰባሰቡ ተሳታፊዎች የበዓሉን አከባበር ትዝታ የሚያስታውሷቸውን ባህላዊ ቁሳቁሶች መገብየትም በስፋት የተለመደ ነው፡፡ የቅርቡም የሩቁም የሚገናኝባቸው የበዓላት ወቅቶች የእርስ በእርስ ትውውቅን እና ትስስርን ስለሚያጠናክሩ ኢኮኖሚያዊ እንቅስቃሴዎች እንዲሳለጡ ምቹ ሁኔታዎችን ይፈጥራሉ። የአደባባይ በዓላት ዋነኛ የስዕበት ማዕከላት በመሆናቸው ለቱሪዝም ዘርፉ ማንሰራራት የማይተካ ሚና ይጫዎታሉ። ለአብነትም በመስቀል ደመራ እና በኢሬቻ በዓላት በሚሊዮን የሚቆጠሩ የሀገር ውስጥ ዜጎች ብቻም ሳይሆን በርካታ የውጭ ሀገር ዜጎችም ስለሚገኙ የከተማችንም ሆነ የሀገራችን ኢኮኖሚ በእጅጉ ይነቃቃል። የበዓላቱን ስሜት ለመጋራት ከሚሸማምቷቸው ልዩ ልዩ ቁሳቁሶች በተጨማሪ ለሆቴሎች እና ለሌሎችም አገልግሎት ሰጪ ተቋማት ቀላል የማይባል የውጭ ምንዛሬ ወደ ሀገራችን የሚገባበት ዕድልም ሰፊ ነው፡፡ የበዓላቱ ተሳታፊዎች መዲናችንን እና ሀገራችንን ማስተዋወቅ የሚችሉባቸው አጋጣሚዎች ብዙ ስለሆኑ በየዓመቱ የጎብኝዎች ቁጥር እያደገ ይመጣል፣ የቱሪዝም ዘርፉ ይበልጥ ያንሰራራል፤ የሀገራችን ዕድገትም ፈጣንና ዘላቂ እንዲሆን ጉልህ ሚና ይጫዎታል።