Addis Ababa Design And Construction Works Bureau
Ir al canal en Telegram
📈 Análisis del canal de Telegram Addis Ababa Design And Construction Works Bureau
El canal Addis Ababa Design And Construction Works Bureau (@addiscitycon) en el segmento lingüístico de Amárico es un actor destacado. Actualmente la comunidad reúne a 21 575 suscriptores, ocupando la posición 2 671 en la categoría Política y el puesto 1 693 en la región Etiopía.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 21 575 suscriptores.
Según los últimos datos del 14 noviembre, 2026, el canal mantiene una actividad estable. En los últimos 30 días la variación de miembros fue de 173, y en las últimas 24 horas de 9, conservando un alto alcance.
- Estado de verificación: No verificado
- Tasa de interacción (ER): El promedio de interacción de la audiencia es 14.65%. Durante las primeras 24 horas tras publicar, el contenido suele obtener 8.61% de reacciones respecto al total de suscriptores.
- Alcance de las publicaciones: Cada publicación recibe en promedio 3 160 visualizaciones. En el primer día suele acumular 1 858 visualizaciones.
- Reacciones e interacción: La audiencia responde de forma activa: el promedio de reacciones por publicación es 13.
📝 Descripción y política de contenido
El autor describe el recurso como un espacio para expresar opiniones subjetivas:
“Government Organization”
Gracias a la alta frecuencia de actualizaciones (últimos datos recibidos el 15 noviembre, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Política.
21 575
Suscriptores
+924 horas
+447 días
+17330 días
Archivo de publicaciones
+4
የሚማርክ ውበት፣ የሚያቀራርብ አካታች ልማት፣ ኢኮኖሚን የሚያነቃቃ የልማት ትስስር!
የአዲስ አበባ የወንዞች ዳርቻዎችና የኮሪደር ልማት ከተማዋን ከዘመናዊ ልማት ጋር በማዋሃድ አዲስ የከተማ ህይወትን እየፈጠሩ ነው።
ልማቶቹ ለቱሪስቶች የመስህብ ማዕከል፣ ለስፖርተኞችና ለነዋሪዎች የጤናና የእንቅስቃሴ ስፍራ፣ ለማህበራዊ ትስስር መድረክ፣ ለኢኮኖሚያዊ እንቅስቃሴም አዲስ ዕድል ሆነዋል።
ይህ የአካታችነት፣ የውበትና የልማት ትስስር የአዲስ አበባን የስበት ማዕከልነት ከሀገር አልፎ ለዓለም አቀፍ ማህበረሰብ እያስተዋወቀ ነው!
ቢሮው በአጭር ጊዜ እና በጥራት አስገንብቶ ለአገልግሎት ዝግጁ ያደረገው ዘመናዊ የገበያ ማዕከል
#የአዲስ_አበባ_ዲዛይንና_ግንባታ_ስራዎች_ቢሮ
ቢሮው በአጭር ጊዜ እና በጥራት አስገንብቶ ለአገልግሎት ዝግጁ ያደረገው ዘመናዊ የገበያ ማዕከል
#የአዲስ_አበባ_ዲዛይንና_ግንባታ_ስራዎች_ቢሮ
#ሳዶር_ጠቅላላ_ስራ_ተቋራጭ
#ኮሪደር_ልማት
#አዲስ_አበባ
ቢሮው በአጭር ጊዜ እና በጥራት አስገንብቶ ለአገልግሎት ዝግጁ ያደረገው ዘመናዊ የገበያ ማዕከል
#የአዲስ_አበባ_ዲዛይንና_ግንባታ_ስራዎች_ቢሮ
#ሳዶር_ጠቅላላ_ስራ_ተቋራጭ
#ኮሪደር_ልማት
#አዲስ_አበባ
+9
አዲስ አበባ፡ ከዲፕሎማሲ ማዕከልነት እስከ ማራኪ የቱሪዝምና የከተማ ልማት መዳረሻነት!
በአፍሪካ ሴሌብሪቲስ 2026 ፌስቲቫል ላይ ለመሳተፍ ከተለያዩ የአፍሪካ ሀገራት ወደ መዲናችን አዲስ አበባ የመጡ እንግዶች፣ የአዲስ አበባን አዲስ ገጽታና ከተማዋ በፈጣን የለውጥ ግስጋሴ እያስመዘገበች ያለውን አስደናቂ የልማት ስራዎች ተዘዋውረው ጎብኝተዋል።
ይህ ጉብኝት አዲስ አበባ የአፍሪካ የፖለቲካና የዲፕሎማሲ ማዕከል ከመሆኗም ባሻገር፣ የዘመናዊ ከተማ ልማት፣ የባህል እና የቱሪዝም ተመራጭ መዳረሻ መሆኗን እንግዶቹ በተግባር ያዩበት አስደናቂ አጋጣሚ ተመላክቷል።
እንግዶቹ ጉዟቸውን የጀመሩት የሀገር በቀል እውቀትና የባህል ምግባችን መገለጫ ከሆነው የጉለሌ እንጀራ ማእከል ነው። ይህ ማእከል ለበርካታ ሴቶች ሰፊ የስራ እድል ከመፍጠሩም በላይ፣ የኢትዮጵያን የባህል ምግብ ዝግጅትና እሴት ለአህጉሪቱ እንግዶች በሚገባ ያስተዋወቀ የልማት ተቋም መሆኑን በጉብኝታቸው ማረጋገጥ ችለዋል።
በመቀጠል የአድዋ ድል መታሰቢያ ሙዚየምንና የከተማዋን ገፅታ ሙሉ ለሙሉ እየቀየሩ የሚገኙትን የኮሪደር እና የወንዝ ዳርቻ ልማት ስራዎችን ተዘዋውረው ተመልክተዋል። ፕሮጀክቶቹ በአጭር ጊዜ ውስጥ ያመጡትን ስነ-ምህዳራዊ ለውጥ፣ የህዝብ መዝናኛ ስፍራዎች መስፋፋት እንዲሁም ለነዋሪዎች የፈጠሩትን ምቹ የኑሮና የኢኮኖሚ እድል በአድናቆት ገልጸዋል።
በተለይም አዲስ አበባ የከተማ ልማትን ከስራ እድል ፈጠራ፣ ከባህል፣ ከቅርስ፣ ጥበቃና ከቱሪዝም መስህብነት ጋር በአስደናቂ ሁኔታ አቀናጅታ እየሰራችው ያለው ስራ ለሌሎች የአፍሪካ ከተሞችም ትልቅ ልምድ የሚሰጥ መሆኑን ጎብኚዎቹ መስክረዋል። አዲስ አበባችን ዛሬም እንደ ስሟ አዲስ፣ ለነዋሪዎቿ ምቹ እንዲሁም ለእንግዶቿ ማራኪ ሆና አለምን በኩራት እያስተናገደች ትገኛለች።
ለወጣት ኢትዮጵያውያን አትሌቶቻችን በሴኔጋል ዳካር በተካሄደው የ2026 የወጣቶች ኦሊምፒክ ጨዋታዎች ላይ ላስመዘገቡት አስደናቂና ታሪካዊ ድል ከልብ የመነጨ የእንኳን ደስ አላችሁ መልዕክቴን ላስተላልፍ እወዳለሁ።
5 የወርቅ እና 3 የብር ሜዳሊያዎችን ጨምሮ በአጠቃላይ 8 ሜዳሊያዎችን በማግኘት የአትሌቲክስ የሜዳሊያ ሰንጠረዡን በ1ኛነት መምራታቸው፣ የኢትዮጵያን ጥልቅ የስፖርት ተሰጥኦ እና በአትሌቲክሱ ዘርፍ ያላትን ታላቅነት በድጋሚ ያረጋገጠ ነው።
የኢትዮጵያን ሰንደቅ ዓላማ በክብር ከፍ አድርጋችሁ ማውለብለባችሁን እንዲሁም አዲሱን ትውልድ ለላቀ ድል እንዲተጋ ማነሳሳታችሁን ቀጥሉ!
ጠቅላይ ሚኒስትር ዐቢይ አሕመድ (ዶ/ር)
+8
የዜና ቻናል የሆነው (CMN) በአዲስ አበባ የቤት ችግርን ለመፍታት በተያዘው ዕቅድ 100 ሺ ቤቶች በመገንባት ላይ መሆናቸውን በሰበር ዜና ዘግቧል፡፡
የዜና ቻናል የሆነው (CMN) በኢትዮጵያ መዲና አዲስ አበባ በአምስት ዓመታት ውስጥ 1 ነጥብ 5 ሚሊዮን ቤቶችን ለመገንባት በተያዘው ሀገራዊ ዕቅድ መሠረት በ21 ሳይቶች የ100,000 ቤቶች ግንባታ በመከናወን ላይ እንደሚገኝ በሰበር ዜና ዘገባው ለአለም አስነብቧል፡፡
እንደ ዘገባው ከሆነ በመገንባት ላይ ከሚገኙ ቤቶች መካከል ግማሽ ያህሉ በከተማ አስተዳደሩ በጀት የሚሸፈን ሲሆን፣ ቀሪው ደግሞ በመንግሥትና በግሉ ዘርፍ አጋርነት እንዲሁም በቤት ሥራ ማኅበራት አማካኝነት እየተገነባ እንደሚገኝ በዘገባው ገልፃል፡፡
በተለይም ቱሉ ዲምቱ እና ቅጠል ተራ ተብሎ በሚጠራው አካባቢዎች የሚካሄዱት እነዚህ ፕሮጀክቶች በመዲናዋ ለረጅም ጊዜ የቆየውን የመኖሪያ ቤት እጥረት ለመቅረፍ ከፍተኛ አስተዋጽኦ ይኖራቸዋል ተብሎ ይጠበቃል ሲል ዘግቧል።
+8
ከተማችንን ለነዋሪዎቿ ምቹ ማድረጊያ አንዱ እና ዋናው ቁልፍ ሥራችን የሚሆነው የቤት ግንባታ ነው - ከንቲባ አዳነች አቤቤ
የአዲስ አበባ ከተማ አስተዳደር ከተማዋን ለነዋሪዎች ምቹ ለማድረግ እና የመኖሪያ ቤት እጥረትን ለመቅረፍ ባለፈው አንድ ዓመት ውስጥ ብቻ 100 ሺሕ ቤቶችን በተለያዩ አማራጮች ወደ ግንባታ ማስገባቱን ከንቲባ አዳነች አቤቤ ገለጹ።
ይህ አፈጻጸም በብሔራዊ ደረጃ 1.5 ሚሊዮን ቤቶችን ለመገንባት የተያዘውን የጉባ ብስራት እቅድ መነሻ በማድረግ የተከናወነ ሲሆን፣ በከተማዋ ታሪክ በአንድ ዓመት ውስጥ በዚህ ደረጃ በስፋት የቤት ግንባታ ሲጀመር የመጀመሪያው መሆኑን ከንቲባዋ አብራርተዋል።
በአሁኑ ወቅት በመንግሥት በጀት እየተገነቡ ካሉ 50 ሺህ ቤቶች መካከል ግማሽ ያህሉ በመጠናቀቅ ላይ እንደሚገኙ ነው ከንቲባ አዳነች የጠቀሱት።
በተለይም እንደ ቱሉ ዲምቱ ባሉ ሳይቶች 10 ሺሕ ገደማ ቤቶች ለርክክብ እየተዘጋጁ መሆኑን እና ቀሪዎቹም በ24 ሰዓት የሥራ መርሐ ግብር እየተፋጠኑ መሆናቸውን አብራርተዋል።
በተጓዳኝም በመንግሥት እና በግል አጋርነት (PPP)፣ በማኅበራት እንዲሁም ለመምህራን፣ ለጤና ባለሙያዎችና ለፖሊስ አባላት የተጀመሩ ሌሎች 50 ሺሕ ቤቶች ግንባታ እየተከናወነ መገኘቱን ጠቁመዋል።
እየተገነቡ ያሉት ቤቶች ለልማት ተነሺዎች፣ ለዓመታት ቆጥበው ለሚጠባበቁ ነዋሪዎች በዕጣ የሚተላለፉና ለኑሮ አስቸጋሪ ከሆኑ አካባቢዎች ተነስተው በዚያው መልሰው ለሚሰፍሩ ነዋሪዎች ቅድሚያ የሚሰጥባቸው ናቸው።
ከንቲባዋ አክለውም ባለፉት ዓመታት የነበረውን የቤት አቅርቦት ክፍተት ለመሙላት የተጀመሩ ፕሮጀክቶችን በፍጥነት የማጠናቀቅ ሥራ ተጠናክሮ እንደሚቀጥል ገልጸው፣ ነዋሪዎች ቁጠባቸውን በማሳደግ የበኩላቸውን እንዲወጡ ጥሪ አቅርበዋል።
+8
በ5 ዓመታት ውስጥ ቤቶችን ገንብተን ለማስረከብ ለሕዝባችን የገባነውን ቃል በተግባር ለማረጋገጥ ቀን ከሌት ያለ እረፍት እየተጋን እንገኛለን - ጠቅላይ ሚኒስትር ዐቢይ አሕመድ (ዶ/ር)
****
ጠቅላይ ሚኒስትር ዐቢይ አሕመድ (ዶ/ር) ሕዝቡ በመኖሪያ ቤት እጥረት ምክንያት የሚገጥመውን ፈተናና ስጋት በሚገባ እንደሚረዱ ገልጸዋል፡፡
"ደረጃቸውን የጠበቁ እና በተመጣጣኝ ዋጋ የሚቀርቡ መኖሪያ ቤቶችን ማመቻቸት የልማት ግብ ብቻ ሳይሆን፣ ለዜጎቻችን ያለብን አደራና ኃላፊነት መሆኑንም ጠንቅቀን እንገነዘባለን" ብለዋል፡፡
ጠቅላይ ሚኒስትሩ በመልዕክታቸው የመንግሥታቸው ዋና ትኩረት ተጨባጭ ውጤት በማስመዝገብ፣ የሕዝብን የመኖሪያ ቤት ጫና ማቃለል እና በመላው ሀገራችን ለሚገኙ ቤተሰቦች የተሻለ የኑሮ ምዕራፍ መክፈት መሆኑን ገልጸዋል፡፡
አክለውም፣ "በአምስት ዓመታት ውስጥ ቤቶችን ገንብተን ለማስረከብ ለሕዝባችን የተገባውን ቃል በተግባር ለማረጋገጥም ቀን ከሌት ያለ እረፍት እየተጋን እንገኛለን" ሲሉ አጽንኦት ሰጥተዋል፡፡
#PMAbiyAhmed #Ethiopia #HousingDevelopment
+9
በዳካር 2026 የወጣቶች ኦሎምፒክ ውድድር ኢትዮጵያ በአትሌቲክስ 5 የወርቅና 3 የብር በድምሩ 8 ሜዳሊያዎችን በማስመዝገብ በሜዳሊያ ሰንጠረዡ አንደኛ ደረጃን በመያዝ ማጠናቀቋ የሚያኮራ ታሪካዊ ውጤት ነው።
ለዚህ ውጤት የበቃችሁ ወጣት አትሌቶቻችንን፣ አሰልጣኞቻችንንና የስፖርቱን ቤተሰብ በሙሉ እንኳን ደስ አላችሁ እላለሁ።
በስፖርት ዘርፍ በተለይም ዘመናዊና ተደራሽ የስፖርት መሠረተ ልማቶችን በማስፋፋት፣ የታዳጊ ወጣቶችን ተሰጥኦ በማውጣትና በማብቃት ኢትዮጵያ በዓለም አቀፍ የስፖርት መድረኮች የነበራትን ከፍተኛ ቦታ ዳግም እንድትይዝ የተጀመረው ሥራ በተጠናከረ መልኩ ይቀጥላል።
የዛሬዎቹ ድሎች የነገዋ ታላቅ ኢትዮጵያ መሠረቶች ናቸው።
ፈጣሪ ኢትዮጵያንና ህዝቦቿን ይባርክ!
ጠቅላይ ሚኒስትር ዐቢይ አሕመድ (ዶ/ር) በቱርክዬ ፕሬዝዳንት ረጅብ ጣይፕ ኤርዶጋን እና በተባበሩት መንግሥታት ድርጅት ዋና ጸሐፊ አንቶኒዮ ጉቴሬዝ የተደረገላቸው ሞቅ ያለ አቀባበል፤ ቀጣይነት ያለውን ግንኙነታቸውን እንዲሁም ለባለብዙ ወገን ትብብርና ለዓለም አቀፍ ዕድገት ያላቸውን የጋራ ቁርጠኝነት የሚያንጸባርቅ ነው።
#PMOEthiopia
+1
በCOP31 የመሪዎች ጉባኤ ላይ የአየር ንብረት ተግዳሮቶችን ለመፍታት የዓለም አቀፍ ትብብርና የጋራ ኃላፊነት አስፈላጊነትን የሚያንጸባርቅና ለዚሁ ግዙፍ ዓላማ የዓለም መሪዎች የጋራ ስብስብን የሚያሳይ ቅጽበት::
#PMOEthiopia
+2
ዛሬ ከCOP31 መድረክ ጎን ለጎን፣ ከህፃናት ኢንቨስትመንት ፈንድ ፋውንዴሽን (CIFF) ዋና ሥራ አስፈጻሚ ኬት ሃምፕተን ጋር ገንቢ ውይይት አድርገናል።
ከዋና ሥራ አስፈጻሚ ሃምፕተን ጋር ኢትዮጵያ የCOP32 አዘጋጅ ሀገር እንደመሆኗ በትብብር ዕድሎች፣ እንዲሁም በቆሻሻ አያያዝና አጠቃቀም ፣ በአረንጓዴ ዐሻራ መርሃ ግብር፣ የአየር ንብረት ለውጥን መቋቋምና የከተሞች ትብብርን በማጠናከር ዙሪያ ተወያይተናል።
ዘላቂ፣ አረንጓዴና አካታች የከተማ ልማትን ለማረጋገጥ ያለንን ትብብር ወደ ተጨባጭ ውጤት በመቀየር ለዛሬውና ለመጪው ትውልድ የተሻለችና ዘላቂ ከተማ ለመገንባት በቁርጠኝነት እንሠራለን።
ፈጣሪ ኢትዮጵያንና ሕዝቦቿን ይባርክ!
ጠቅላይ ሚኒስትር ዐቢይ አሕመድ (ዶ/ር) በቱርክዬ ፕሬዝዳንት ረጅብ ጣይፕ ኤርዶጋን እና በተባበሩት መንግሥታት ድርጅት ዋና ጸሐፊ አንቶኒዮ ጉቴሬዝ የተደረገላቸው አቀባበል
#PMAbiyAhmed #COP32 #Ethiopia #COP31Türkiye #ebcdotstream
+1
ጠቅላይ ሚኒስትር ዐቢይ አሕመድ (ዶ/ር) በቱርክዬ ፕሬዝዳንት ረጅብ ጣይፕ ኤርዶጋን እና በተባበሩት መንግሥታት ድርጅት ዋና ጸሐፊ አንቶኒዮ ጉቴሬዝ የተደረገላቸው ሞቅ ያለ አቀባበል፤ ቀጣይነት ያለውን ግንኙነታቸውን እንዲሁም ለባለብዙ ወገን ትብብርና ለዓለም አቀፍ ዕድገት ያላቸውን የጋራ ቁርጠኝነት የሚያንጸባርቅ ነው።
Prime Minister Abiy Ahmed is welcomed by Turkish President Recep Tayyip Erdoğan and UN Secretary-General António Guterres, reflecting their continued engagement and shared commitment to multilateral cooperation and global progress.
#PMOEthiopia
+1
ከኳታር አሚር ሼክ ታሚም ቢን ሃማድ አል-ታኒ ጋር ከCOP31 የመሪዎች ጉባኤ ጎን ለጎን የሁለትዮሽ ውይይት አድርገናል። ውይይታችን የረጅም ጊዜ ግንኙነታችንን ይበልጥ ለማጠናከር እና የጋራ የመልማት አቅም ባላቸው ዘርፎች ላይ ያለንን ትብብር ለማሳደግ ያለመ ነበር።
I held a bilateral meeting with the Amir, Sheikh Tamim bin Hamad Al-Thani of Qatar on the margins of the COP31 Leaders' Summit to discuss strengthening our longstanding ties and advancing cooperation across areas of mutual interest.
+4
የቱርክዬ መንግሥትና ሕዝብ ላደረጉልን ደማቅ አቀባበል፣ እንዲሁም ድርድሩን ለምትመራው አውስትራሊያ የላቀ ምስጋናዬን አቀርባለሁ።
ለኢትዮጵያ የአየር ንብረት እርምጃ፤ የዜጎችን የእለት ተእለት ኑሮ ለማሻሻል፣ የመቋቋም አቅምን ለማጠናከር እና የተመዘገቡ የልማት ስኬቶችን ዘላቂ ለማድረግ እጅግ ወሳኝ የሆነ የኢኮኖሚ ፖሊሲያችን አካል ነው። በመደመር ፍልስፍናችን እየተመራን፣ በአረንጓዴ ዐሻራ መርሃ ግብራችን እስካሁን ከ56 ቢሊዮን በላይ ችግኞችን መትከል የቻልን ሲሆን፣ በተመሳሳይ መልኩ የታዳሽ ኃይል ልማትን፣ ዘላቂ የከተማ ግንባታን እና የአየር ንብረት ተስማሚ መፍትሄዎችን በስፋት እያሳደግን እንገኛለን።
አሁን ላይ ከቃል ኪዳን ባለፈ ወደ ፈጣን ተግባራዊ እርምጃዎች መሸጋገር ይኖርብናል፤ ይህም በቀላሉ ሊገኝ በሚችል የአየር ንብረት ፋይናንስ፣ ይበልጥ ጠንካራ በሆኑ የቅድመ ማስጠንቀቂያ ሥርዓቶች እና ተጋላጭ ለሆኑ ማህበረሰቦች የመቋቋም አቅም ግንባታ ላይ በሚደረግ ከፍተኛ ኢንቨስትመንት ተግባራዊ መደረግ አለበት።
ኢትዮጵያ መጪውን የCOP32 ፕሬዝዳንትነት ስትረከብ እነዚህን ቅድሚያ የሚሰጣቸውን ጉዳዮች በግንባር ቀደምትነት የምታራምድ ሲሆን፣ ስኬታማ ውጤት እንዲመዘገብም ከCOP31 ፕሬዝዳንት ጋር በቅርበትና በትብብር ትሠራለች። እንዲሁም መላውን ዓለም ለCOP32 ጉባኤ ወደ ምድረ ቀደምት ሀገር ወደሆነችው ኢትዮጵያ ለመቀበል ዝግጁ ነን።
+1
ከCOP31 የመሪዎች ጉባኤ ጎን ለጎን ከኢራቁ ፕሬዝዳንት ኒዛር አሚዲ ጋር መክረናል።
የሁለቱን ሀገራት የሁለትዮሽ ግንኙነታችንን ለማጠናከር እንዲሁም በልማት ትብብር ረገድ የጋራ አቅም ያላቸውን ዘርፎች ወደ ውጤት የመቀየር ስራዎች ዙሪያ ፍሬያማ ውይይት አድርገናል።
በተጨማሪም በኢትዮጵያ የልማት ውጥኖችና በጋራ ፍላጎት ላይ በተመሰረቱ ቀጣናዊ ጉዳዮች ላይ ሃሳብ የተለዋወጥን ሲሆን፣ በተግባር ላይ ለተመሰረተ ትብብር ጠንካራ ትስስር መገንባት ያለውን አስፈላጊነት በትኩረት ተመልክተናል።
- ጠ/ሚኒስትር ዐቢይ አሕመድ (ዶ/ር)
#COP31 #Antalya #turkiye #COP32 #addisababa #Ethiopia
+1
ከኖርዌይ ጠቅላይ ሚኒስትር ጆናስ ጋህር ስተር ጋር በCOP31 የመሪዎች ጉባኤ ጎን ለጎን የሁለትዮሽ ውይይት አድርገናል።
በውይይታችንም በአረንጓዴ ዐሻራ መርሃ ግብር ያለውን ትብብር ማሳደግ፣ በኢትዮጵያ የታዳሽ ኃይል ዘርፍ ኢንቨስትመንትን ማበረታታት እና ኖርዌይ ኢትዮጵያ ለምትረከበው የCOP32 ፕሬዝዳንትነት የምታደርገውን ድጋፍ ማጠናከር በሚቻልባቸው ዕድሎች ላይ መክረናል።
ውይይታችን ሰፊ የሁለትዮሽ ትብብርን ጨምሮ በወቅታዊ፣ ዓለም አቀፋዊ እና ቀጣናዊ ጉዳዮች ዙሪያ የሃሳብ ልውውጥ የተደረገበት ሲሆን፣ ይህም በተግባራዊ የትብብር መስኮች ወደፊት ለመራመድና አጋርነታችንን ይበልጥ ለማጠናከር ያለንን የጋራ ፍላጎት ያንጸባረቀ ነው።
- ጠ/ሚኒስትር ዐቢይ አሕመድ (ዶ/ር)
#COP31 #antalya #turkiye #COP32 #addisababa #Ethiopia
+1
በCOP31 የመሪዎች ጉባኤ ጎን ለጎን፣ ከባርቤዶስ ጠቅላይ ሚኒስትር ሚያ ሞትሊ ጋር በሁለቱ ሀገሮቻችን መካከል የጋራ ትኩረት በሚሹ ጉዳዮች ላይ ተወያይተናል።
በአቪዬሽን ትብብር እና የኢትዮጵያን የCOP32 ፕሬዝዳንትነት ለመደገፍ በሚደረገው አጋርነት ላይ የመከርን ሲሆን፣ የጋራ ፍላጎቶችን መሠረት በማድረግ የሁለትዮሽ ግንኙነታችንን ይበልጥ ለማስፋት እና ቅድሚያ የሚሰጣቸውን የወል ጉዳዮች ወደ ተጨባጭ ውጤቶች ለመቀየር የሚያስችል ፍሬያማ ምክክር አድርገናል።
- ጠ/ሚኒስትር ዐቢይ አሕመድ (ዶ/ር)
#MayorofficeofAA
#COP31 #antalya #turkiye #COP32 #addisababa #Ethiopia
