Finote Hiwot የቀጨኔ ደብረ ሰላም መድኀኔ ዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት

#ምስካየ_ኅዙናን ( #ዴ_ሡልጣን_) (#ቤተ_ሳይዳ) መድኀኔ ዓለም ገዳም፡፡ #የሚያዝያ_27_የድል_ቀን_መታሰቢያ_ቤተ ክርስቲያንና #ተምሮ_ማስተማር_ሰንበት_ትምህርት_ቤት (ማኅበር) ፠ ከ1895-ሚያዚያ 27 ቀን 1929 ዓ.ም. ዴር ሡልጣን (የንጉሥ ገዳም) ገዳም በሚል ስያሜ፡፡ ፠ ከሚያዚያ 27 ቀን 1929 ዓ.ም. - ነሐሴ 23 ቀን 1933 ዓ.ም. ‹‹በስደት ያለ የኢትዮጵያ ኦርቶዶክስ ተዋሕዶ ቤተክርስቲያን›› እየተባለ ይጠራ ነበር፡፡ ፠ ከሚያዚያ 27 ቀን 1940 ዓ.ም. እስካሁን፤ ምስካዬ ኅዙናን ገዳም እየተባለ ይጠራል፡፡ ፠ ምስካየ ኅዙናን፤ የስሙም ትርጓሜ ለተበደሉትና ላዘኑት ማረጋጊያ ማጽናኛ ማለት ነው፡፡ ምስካየ አመስከይ ተጠጋ አስጠጋ ከሚለው የተገኝ ሲሆን ያዘኑ የተከዙ የተጨነቁ መጠጊያ ለማለት ነው፡፡ ፠ ከግራኝ መሐመድ ወረራ በኋላ እስከ አፄ ዮሐንስና ምኒልክ ዘመነ መንግሥት ድረስ በኢየሩሳሌም ያሉ ገዳሞቻችንን በቋሚነት የሚረዳቸው ባለመኖሩ አብዛኞቹን የግሪክ የአርመንና የግብጽ አብያተ ክርስቲያን ወሰዷቸው፤ አፄ ምኒልክ በ1895 ዓ.ም. ለኢየሩሳሌም ገዳማት የሚተዳደሩበት ቦታ ገዝተው ሕንፃ ሠርተው ሲሰጡ፤ መምህር ፈቃደ እግዚእ የተባሉ መነኵሴን በኢየሩሳሌም አለቅነት ሹመውና ታቦተ መድኀኔ ዓለምን ይዘው እንዲሄዱ አድርገዋል፤ በወቅቱ የትራንስፖርት አቅርቦት ባለመኖሩ እስከ ጂቡቲ ድረስ በእግር ከዛ በኋላ በመርከብ ተጕዘው ኢየሩሳሌም ደርሰዋል፡፡ ታቦተ ሕጉም በዴር ሡልጣን መድኀኔ ዓለም ገዳም (የንጉሥ ገዳም) ለ34 ዓመታት ሲቀደስበት፥ ሲወደስበት ኖሯል፡፡ ፠ በ1928 ዓ.ም. ጣሊያን ኃይሏን አጠናክራ ሽንፈቷን ለመበቀል ኢትዮጵያን ስትወርር፤ ግርማዊ ቀዳማዊ ኃ/ሥላሴ ቅዳሜ ሚያዚያ 24 ቀን 1928 ዓ.ም. ወደ ጅቡቲ በባቡር፤ ከዚያም በእንግሊዝ የጦር መርከብ ሚያዚያ 26 ቀን ከጅቡቲ ተነስተው ሚያዚያ 30 ቀን ቅድስት ሀገር ኢየሩሳሌም ደረሱ፡፡ በሰኔ ወር 1928 ዓ.ም. ደግሞ በእንግሊዝ የጦር መርከብ ተሳፍረው ከኢየሩሳሌም ወደ እንግሊዝ ሀገር በSouthhampton ወደብ አድርገው ወደ ለንደን ከተማ በባቡር ተጉዘው Waterloo station ደረሱ፡፡ ለጥቂት ቀናት ከሰነበቱ በኋላ፤ ስዊዘርላድ ውስጥ ጄኔቫ በሚገኘው፣ የመንግሥታቱ ማኅበር ስብሰባ ላይ ሰኔ 23 ቀን 1928 ዓ.ም. የኢጣሊያ መንግሥት በሀገራችንና ሕዝባችን ላይ እያደረሰ ያለውን ግፍ በመዘርዘር አስረዱ፤ ነገር ግን ለአቤቱታቸው የመንግሥታቱ ማኅበር ምንም ዓይነት አቋምና እርምጃ አለመውሰዱ እንዳሳዘናቸው ‹‹እግዚአብሔርና ታሪክ ፍርዳችሁን ሲያስታውሱት ይኖራሉ›› በማለት ልብን የሚነካ ታሪካዊና ትንቢታዊ ንግግር አድርገው ወደ ኢንግላንድ ተመልሰው በ‹‹ባዝ›› ከተማ ከቤተሰቦቻቸው ጋር የስደት ኑሯቸውን ቀጠሉ፡፡ ፠ ንጉሡም በማኅበሩ ላይ ተስፋ በመቁረጥ፤ ፊታቸውን ወደ አባቶቻቸው አምላክ በማዞር በጾምና በጸሎት ለመማፀን በማሰብ፤ እንዲሁም የሃይማኖት ችግር እንዳያገኘን የሚያድጉ ልጆቻችን የሃይማኖታቸውን መሠረት እንዳይለቁ በማለት በብፁዕ ዕጨጌ ገብረ ጊዮርጊስ ፈቃድ ቀደም ሲል በአፄ ምኒሊክ ወደ ኢየሩሳሌም ዴር ሱልጣን ገዳም ተልኮ አገልግሎት እየሰጠ የነበረውን ታቦተ መድኀኔ ዓለምን ከኢየሩሳለም ወደ እንግሊዝ እንዲላክላቸው፤ በጥር ወር 1929 ዓ.ም. አባ ሃና ጂማን ከእንግሊዝ ሀገር ወደ ኢየሩሳሌም ላኳቸው፤ አባ ሃና ጂማማ ታቦቱን ከሌሎች 4 መነኮሳት (መምህር ገ/ኢየሱስ፣ አባ ማርቆስ፣ አባ ኃይሌ ቡሩክ እና አባ ገ/ማርያም) ጋር በመሆን ወደ እንግሊዝ ይዘው ተመለሱ፡፡ ጽላቱም ንጉሡ በሚኖሩበት ቤት ሚያዚያ 27 ቀን 1929 ዓ.ም. ባዝ ከተማ ደርሶ ቅዳሴ ቤቱ ተከበረ፡፡ በዚህ ቤትም ስደተኞቹ የጸሎትና የቊርባን ሥርዓትን እየፈጸሙ፤ የሚማሩበትና የሚጽናኑበት ሆኖ ቆየ፤ ስሙም ‹‹በስደት ያለ የኢትዮጵያ ኦርቶዶክስ ተዋሕዶ ቤተክርስቲያን›› እየተባለ ይጠራ ነበር፡፡ ፠ በዓለም ጦርነት ኢጣልያ ከጀርመን ጎን ስትሰለፍ፤ እንግሊዝ አፄ ኀይለ ሥላሴን ለመርዳት ወሰነች፡፡ በሰኔ 17 ቀን 1932 ዓ.ም. ንጉሡን ወደ ግብጽ ከዚያም ወደ ሱዳን በመውሰድ፤ ኢትዮጵያን ነፃ ለማውጣት ለሚደረገው የጦር ዘመቻ ዝግጅት እንዲጀመር አደረገች፡፡ በሱዳን የነበሩ ብዙ ስደተኛ ኢትዮጵያን እንዲሁም ሌሎች ከኢትዮጵያ በመምጣት በካርቱም አስፈላጊውን የጦር፣ ልምምድና ዝግጅት ከተደረገ በኋላ፤ ከእንግሊዞች ጋር በመሆን ወደ ኢትዮጵያ በመግባት ጦርነቱ ተጀመረ፡፡ አፄ ኀይለ ሥላሴም ሱዳን ከደረሱ ከ7 ወራት በኋላ ጥር 12 ቀን 1933 ዓ.ም. ከሱዳን ወደ ሃገራቸው ኢትዮጵያ ግዛት በመግባት ኦሜድላ ላይ የኢትዮጵያን ባንዲራ ሰቀሉ፡፡ ከዚያም በጎጃም ደብረ ማርቆስ አድርገው ወደ መሐል ሀገር (በወጡ በ5 ዓመታቸው ሚያዚያ 27 ቀን 1933 ዓ.ም.) ወደ መናገሻ ከተማቸው አዲስ አበባ በመግባት በቤተ መንግሥታቸው ባንዲራችንን ሰቀሉ፡፡ ፠ በነሐሴ 23 ቀን 1933 ዓ.ም. እቴጌ መነን ወደ አዲስ አበባ በተመለሱ ቀንም አባ ኃይሌ ቡሩክ ታቦተ መድኀኔ ዓለምን ይዘው ተመልሰው በገነተ ልዑል ቤተ መንግሥት (የአሁኑ የስድስት ኪሎ ዩኒቨርሲቲ) የጸሎት ቤት ተከፍቶለት እያጠኑና እየጠበቁ ከቆዩ በኋላ፤ ለተበደሉትና ላዘኑት ማረጋጊያ ፥ ለሕሙማን መጽናኛ እንዲሆን የምስካየ ኅዙናን መድኃኔዓለም ተብሎ ተሰይሞ በቀድሞ ቤተ ሳይዳ ቀዳማዊ ኃይለ ሥለሴ ሆስፒታል /አሁን የካቲት 12 ሆስፒታል/ ተብሎ በሚጠራው ግቢ በሚያዚያ 27 ቀን 1935 ዓ.ም. ውስጥ ተተከለ፡፡ ፠ ሕመምተኛው በጸሎት በመፈወስ፤ ከሩቅም ሆነ ከቅርብ የሚሳለመው ሕዝብ ቊጥር እየተበራከተ በመምጣቱ ሕዝቡ ይበልጥ እንዲሳብና የቅዳሴ ፍቅር እንዲያድርበት በማለት በአባ ሐና መሪነት፥ በአባ ኃይሌ ቡሩክ ኃላፊነት ሌሎች አገልጋዮች ተቀጥረው ጸሎትና ቅዳሴው ጠቅላላው ሥነ ሥርዐቱ ሁሉ በስደት ሀገር አገልግሎት ይሰጥበት በነበረው በአማርኛ ተደረገ፤ ይህ ነገርም በመደበኛነት የቤተክርስቲያን ልሳኗ ግእዝ ከመሆኑ አንጻር በቤተ ክርስቲያኗ ውስጥም ሆነ ውጭ ባሉት አባቶች ቅሬታ አስነሣ፡፡ ፠ ከአምስት ዓመት በኋላ ቀ/ኃ/ሥላሴ ቤተ ክርስቲያኑ አሁን በሚገኝበት ቦታ ላይ እንዲሠራ ሚያዚያ 27 ቀን 1940 ዓ.ም. የመሠረተ ድንጋይ አኖሩ፡፡ ቦታው ሲመረጥ በአካባቢው ያሉ ት/ቤቶችን (የተፈሪ መነኰንን፣ የእቴጌ መነን፣ የቀ/ኀ/ሥ ዩኒቨርሲቲ /አሁን አዲስ አበባ ዩኒቨርሲቲን/)ከግምት ውስጥ በማስገባት ተማሪዎች ከቀለም ትምህርታቸው ጎን ለጎን በጸሎትና ትምህርተ ሃይማኖታቸውን እንዲጠብቁ ታሳቢ በማድረግ ነው፡፡

#በአዲስ_አበባ_ገዳማትና_አድባራት_የሚታዩት #ብልሃተኛ_ወይስ_በላተኛ_አስተዳዳሪዎች፡፡ *** በአዲስ አበባ በሚገኙ አድባራትና ገዳማት ቀደም ብሎ ብልሃተኛ የሆኑ፤ ትምህርት የተማሩ፤ ያወቁ፤ በማስተዋል መንገድ የሚራመዱ፤ መጻሕፍትን የመረመሩ፤ ለሰውም ለእግዚአብሔርም የሚመቹ፤ የቤተ ክርስቲያኔ ጥቅም ከሚነካ እኔ ልጎዳ የሚሉ ተመርጠው ነበር የሚሾሙት፡፡ የሚሾሙትም በቃለ ዐዋዲው መሠረት፤ ** ሰባካ ጕባኤን በማጠናከር ስብከተ ወንጌልን ሊያስፋፉ፤ የቤተ ክርስቲያንን አገልግሎት ሊያጠናክሩ፣ ሰንበት ትምህርት ቤትን ሊያጠናክሩና ሊያስፋፉ ነው፡፡ ፠፠ ዛሬ ዛሬ ግን በጣት ከሚቈጠሩ አስተዳዳሪዎች በቀር፤ ሌሎች እንደ እነርሱ ሙሰኞችና ለሥራቸው ደጋፊ ከሆኑ 5ት ከለባት ጋር በመተባበር ስምንና ልብስን ከማንዠርገግ፤ በሙስና ቤተ ክርስቲያንን ከመዝረፍ፤ የሚቃወሟቸውን የሰበካ ጕባኤ አባላት፣ ሊቃውንትና ሰንበት ትምህርት ቤት ከማባረርና ከማፍረስ፤ ቤተ ክርስቲያናችንና እምነታችንን የሚያሰድብ ሥራ ከመሥራት፤ የሚያጸይፍና የሚያዋርድ ሥራን ከመፈጸም፤ በሙስናና በቅሌት ከመዘፈቅ የራቀ አስተዳዳሪ በአዲስ አበባ ላይ ማግኘት አስቸጋሪ እየሆነ መጥቷል፡፡ ፠ በተለያዩ አድባራት በልማት ስም ሕንፃና ሱቅ ሊሠሩ ሲሯሯጡ ለካህናትና ለደብረ አስበው እንዳይመስልህ፤ ጥሩ ሥራ ሊሠራ ነው እያሉ ከሰበካ ጕባኤ አባላት ጀምሮ ጥሩንባ የሚነፉ፥ የሚያቶሰቱሱ ጀሌዎቻቸውም ለቤተ ክርስቲያን አስበው እንዳይመስልህ፤ ኋላ ከሚሠራው ሕንፃ ላይ በነፃ ይሰጥሃል ተብሎ ቃል ተገብቶለት ነው፡፡ እንደነዚህ የልማት አርበኛ ነን የሚሉትን አስተዳዳሪዎችም ቤተ ክርስቲያናችን ወደ ቤቶችና ልማት አስተዳደር መመርያ፤ መንግሥት ደግሞ ወደ ከተማ ልማት ቢወስዷቸው ለእንርሱም ለሕዝባችንም ጥቅም ይሰጣሉ፡፡ መጀመሪያ ምዕመኑን መች በቅጡ አስተማሩትና ነው ሕንፃና አዳራሽ ገንቢ የሆኑት!!!፡፡ (በእርግጠኝነት ብዙዎቻችሁ አንጀታችሁ ከሚያርበት ጉዳይ አንዱ እንደሚሆን አንጠራጠርም፡፡) ፠ ምዕመን ሆይ ንቃ፤ እንዲህ አይነቱን አስተዳዳሪ ፤ ‹‹ለቀጣፊ ገባዋል ጥፊ›› የሚለውን የአበው ተረት ብትፈጽምበት ለቤተ ክርስቲያንም እረፍት ለእነርሱም ትምህርት ነው፤ (አባቶች የሚያጠፋን በእግር ብረት እስከማሠር እንደሚደርሱ፤ የሰዓሊተ ምሕረት ምዕመናን ያን ዋሾ ቀጣፊና ሌባ አስተዳዳሪ እንዳስተማሩት አንተም በየደብርህ አስተምረው፡፡ (እኛም መረጃና ማስረጃ የማቅረቡን ሒደት እንቀጥላለን፡፡ ሌባ አስተዳዳሪ እጁን እስኪሰበስብ ድረስ) በሰሞኑ መነጋገሪያ ከሆኑት አንዱን እነሆ፤ ፠ ተከራዮችን ሲያስጨንቁ የተያዙት፤ ፠ ተከራዮችን አላግባብ ከንግድ ቦታዎቻቸው እንዲለቁ ያስጨነቁትና ፠ የአስቸኳይ ጊዜ ዐዋጁን የጣሱት፤ ፠ የገነተ ጽጌ (አራዳ) ቅዱስ ጊዮርጊስ አስተዳዳሪ መልአከ መንክራት ኀይሌ ኣብርሃ፣ በፖሊስ ተይዘው ከታሰሩ በኋላ ፍ/ቤት ቀርበው በአንድ ሺሕ ብር ቅጣት መለቀቃቸው ታውቋል፡፡ • ተከራዮቹ፥ የአስተዳደሩን ብልሽትና ምዝበራ በማጋለጣቸው አለቃው የሚያሳድዷቸው ናቸው፤ • ከ47.5 ሚ ብር በላይ የታሪካዊው ደብር ገንዘብ፣ በግንባታ ስም በተደራጀ ስልት ተመዝብሯል፤ • አስተዳዳሪው፣ “ወረርሽኙን ለመከላከል” በሚል ሽፋን የጀበና ቡና ንግድ ላይ የተሰማሩ የአንድ ተከራይን ውል፣ ተመሳሳይ አገልግሎት እየሰጡ ካሉ ሌሎች ዘጠኝ ተከራዮች ለይተው በቂም በቀል በማቋረጥ፣ በአስቸኳይ ጊዜ ዐዋጅ ቁጥር 3/2012 ማስፈጸሚያ የሚኒስትሮች ም/ቤት ያወጣውን ደንብ ቁጥር 466/2012 አንቀጽ 17 በመጣሳቸው፣ ባለፈው ማክሰኞ፣ ሚያዝያ 20 ቀን በፖሊስ ቁጥጥር ሥር ውለዋል፡፡ በማግሥቱ ወደ ፌዴራሉ መጀመሪያ ደረጃ ፍ/ቤት አራዳ ምድብ 5ኛ ወንጀል ችሎት ቀርበው፣ ጉዳያቸው በመዝገብ ቁጥር 191499 በታየበት ወቅት፣ አስተዳዳሪው ወንጀል መፈጸማቸውን አምነው በሰጡት የእምነት ክሕደት ቃል መሠረት ችሎቱ የጥፋተኝነት ብይን አሳልፎባቸዋል፤ የግራ ቀኙን የቅጣት ማቅለያ እና ማክበጃ በማዳመጥ በአንድ ሺሕ ብር የገንዘብ ቅጣት እንዲቀጡ ወስኗል፤ ቅጣታቸውንም ፈጽመው ከኹለት ቀናት እስር በኋላ ወጥተዋል፡፡ በተከራዮች መካከል በአድልዎ ልዩነት በማድረግ በምዝበራቸው የሚቃወሟቸውንና የሚያጋልጧቸውን ለመበቀል የሞከሩበት እንደነበር በመረጃው ተመልክቷል፡፡ ፠ በደብሩ ሕንፃዎች ውስጥ ኪራይ ሳይከፍሉ ከአስተዳዳሪው ጋራ በመግባባት የሚኖሩ፣ በነፃ ይዘው ሲያበቁ ለሦስተኛ ወገን የሚያከራዩ ግለሰቦች መኖራቸውን እንዲሁም፣ ተከራዮች ቤቶቹን ከተከራዩ በኋላ በነፃ እንዲገለገሉባቸው በማድረግ፣ የደብሩን የፓርኪንግ ቦታ በማሳጣት የግንባታ ፕላኑን በሚጎዳ ኹኔታ መብቱንና ጥቅሙን የሚያሳጣ አመራር እየሰጡ እንዳሉ ተጠቁሟል፡፡ ፠ በጠቅላላው፥ ከ47 ነጥብ 5 ሚሊዮን ብር በላይ ገንዘብ፣ በተደራጀ ስልት በመመዝበሩ፣ በአሁኑ ወቅት የታሪካዊው ደብር የፋይናንስ ሀብት መሟጠጡንና አገልግሎቱን በአግባቡ ለማስፈጸም አክል ማጋጠሙን፣ የአስተዳደር ብልሽቱንና ምዝበራውን የሚቃወሙ የሰበካ ጉባኤ አባላት አጋልጠዋል፡፡ ይህም እንዲታረም በየጊዜው ጥያቄ የሚያነሡ አካላት፣ ያለአግባብ ከሥራቸው እንደሚባረሩና ጥቃትም እንደሚፈጸምባቸው ገልጸዋል፡፡ ፠ አለቃውንና ጸሐፊውን አግዶ ሕጋዊ የውጭ ኦዲተር በመሠየም፣ ባለፉት ዓመታት ሲደርስ የቆየው ጥፋት ተመርምሮ ርምጃ እንዲወሰድ፣ የሕንፃ ተቋራጩም ውላቸው ታግዶ ማጣራት እንዲደረግ፣ በአጠቃላይ የታሪካዊው የመናገሻ ገነተ ጽጌ ቅዱስ ጊዮርጊስ ደብርን፣ ጊዜው ያለፈበት አስተዳደር፣ በመተዳደሪያ ደንቡ መሠረት በማስተካከል ችግሩ አፋጣኝ እልባት እንዲሰጠው አቤት ባዮቹ ጠይቀዋል፡፡ ፠**፠ መልአከ መንክራት ኀይሌ ኣብርሃ፣ #በ2002 ዓ.ም.፤ ከብሔረ ጽጌ ቅድስት ማርያም ቤተክርስቲያን በምዝበራ እና በብልሹ አስተዳደር በካህናት እና ምእመናን ተቃውሞ ተባረሩ። #በ2006 ዓ.ም. ፤ ብሥራተ ገብርኤል በአስተዳዳሪነት በነበሩበት ጊዜ ሰበካ ጉባኤ አባላትን በግፍ በማባረር ጭምር ደብሩን በመመዝበር እና በሚሊዮን ለሚቆጠር የሊዝ እዳ አስታቅፈው በካህናት እና ምእመናን ተቃውሞ ተባርረው ወደ አራዳ ጊዮርጊስ ተዛወሩ። # ከ47.5 ሚሊዮን ብር በላይ የታሪካዊው አራዳ ጊዮርጊስ ደብር ገንዘብ፣ በግንባታ ስም በተደራጀ ስልት ተመዝብሯል፤ # የቤተክህነቱን አሠራር በመሪ ዕቅድ በመመራት የፋይናንስ እና የሰው ሀብት አስተዳደርን ለማዘመን በአዲስ አበባ ሀገረ ስብከት ተጀምሮ የነበረውን እንቅስቃሴ ጥቅመኛ የደብር አስተዳዳሪዎችን በማስተባበር እንዲጨናገፍ በግንባር ቀደምትነት ማድረጋቸው አይዘነጋም፡፡ /…የሌሎችንም እጃቸው አላርፍ ያሉትና፤ በስመ ልማት የሌብነት ተግባር የሚፈጽሙትን የማጋለጥ ተግባር እንቀጥላለን፤ መረጃና ማስረጃ ለሰጣችሁን መድኀኔ ዓለም ይስጥልን፤ ወደፊትም መረጃና ማስረጃ ላኩልን የማጋለጥ ሥራውን እንቀጥላለን፤ ሌባ አስተዳደር እስኪጠፋ ድረስ፤ የሌባ አስተዳዳሪ እጁ እስኪሰበሰብ ድርስ፡፡) መልካመ ሰሙነ ፋሲካ፡፡

​​Дарья Мороз показала свою трагически погибшую мать. Марина Левтова, актриса и бывшая жена режиссёра Юрия Мороз, сегодня могла бы отмечать 61-летие, однако судьба распорядилась по-другому. В конце зимы 2000 года артистка погибла при трагических обстоятельствах. Она упала со снегохода и ударилась головой об дерево, актриса получила серьёзную травму и вскоре скончалась. Дарье Мороз на момент смерти матери, с которой она была очень близка, было всего 16 лет. Для неё случившееся стало главной трагедией в жизни. «У мамы сегодня день рождения. Память и любовь», — поделилась Дарьи под снимком своей красавицы-мамы.@vsenovostizvezd

ሌላኛዋ ቀጣፊ እኅተ ማርያም፤ የአልጋነሽ ዘሪሁን፡፡ በቅድስት አርሴማ የተነሣች ዋሾ ቀጣፊ ተያዘች፤ ወደ ጠበልም ተወሰደች፡፡ ፠ በምዕራብ ጎጃም ዞን ፥ ደንበጫ ወረዳ፥ የወረዳ ወጀት ቀበሌ ከ3ት ዓመት በፊት ጀምሮ ‹‹አርሴማ ተገልፃ እኔንም አርሴማ፥ ባሌንም ገብርኤል ብላ ሰይማናለች›› በማለት በሜሮን ያልከበረ ልብሰ ተክህኖ በመልበስ፤ መስቀል በመያዝ፤ እባርካለሁ፣ ኪዳን አደርሳለሁ፣ ቅዳሴ እቀድሳለሁ፣ 4ት ሕፃናትን ክርስትና አንስቻለሁ እያለች በመኖሪያ ቤቷ ስትስትና ስታስት ቆይታለች፡፡ ፠ አንዱን ጻድቅ ፥ አንዱን ኃጥእ በማለት ካህናትን ከሁለት በመክፈል ደጋፊ ስታፈራም ቆይታለች፡፡ ፠ የወረዳ ቤተ ክህነቱ ከዚህ በፊት ለወረዳው መንግሥት የሕግ ክትትል እንዲደረግባት ደብዳቤ ቢጽፍም፤ የወረዳው መንግሥት ባልታወቀ ምክንያት በዝምታ አልፎታል፡፡ ከ3ት ዓመታት በኋላም ከትናናት በስቲያ በሚያዝያ 23/2012ዓ.ም. የአካባቢው ሰው ተመራርጦ ቤቷን በመፈተሽ ንዋየ ቅድሳቱን ወደ ቤተ ክርስቲያን፤ እርሷንም ወደ ጠበል ወስዷታል፡፡ ፠ በፌስቡክ ሊያገኙን ከፈለጉ፤ https://www.facebook.com/የቀጨኔ-ደብረ-ሰላም-መድኀኔዓለምና-ደብረ-ትጉሃን-ቅዱስ-ገብርኤል-ቤተ-ክርስቲያን-ፍኖተ-ሕይወት-ሰንበት-ትምህርት-ቤት-1620932764891482/ ፠ በቴሌግራም ሊያገኙን ከፈለጉ፤ (https://t.me/medihanaelem ፠ በዩቲዩብ ሊያገኙን ከፈለጉ፤ Https://m.youtube.com/channel/UCWVKGH0mSJl47u44uopEb2w

ስምዕዋ ለዝንቱ ምክር እምጥንታ እስከ ተፍጻሜታ፤ (ይህችን ምክር ከመጀመሪያዋ እስከ መጨረሻዋ አድምጧት፡፡) #የሐበሻ_ፒኮክ_!!!??? (ወቅታዊ ጉዳይ) https://www.youtube.com/watch?v=q4nGwAZeNIA * ዘዳ. 30፥11፤ ‹‹ …… ታደርገው ዘንድ ቃሉ ለአንተ እጅግ ቅርብ ነው……. ፡፡›› * ምሳ. 22፥28፤ ‹‹አባቶችህ የሠሩትን የቀድሞውን ድንበር፥ ምልክት አታፍርስ፡፡›› ፠ ትውልድ ሆይ የት ነበርክ!?፤ /ምን ያልተለወጠ ነገር አለና ነው፣ ….. ኡኡታ እሪታ በቤተ መንግሥት ስለተሠራው ፒኮክ ብቻ ነው እንዴ? የአባቶቻችን ድንበር ማፍረስ የተጀመረው በ1966 ዓ.ም. ጀምሮ ነው፡፡ ፠ ትውልድ ሆይ እወቅ፤ ፠ ትውልድ ሆይ ወደ ልብህ ተመለስ፤ ፠ ትውልድ ሆይ ለአንበሳው ምስል ብቻ ሳይሆን፤ ለአንበሳዊ አስተዳደር ዘብ ልትቆም ያስፈልጋል፤ ፠ አንበሳው ተነሥቶ የፒኮክ ሐውልት መደረጉ ብቻ አይደለም ሊያስቆጨን የሚገባው፤ የአንበሳውም ታሪክ በመጥፋቱ ነው፡፡ ስለአንበሳው ታሪክ፤ አንበሳውን ያስቀመጠው ማነው፤ ማነውስ ያራቀው የሚለውን ታሪክ ነው ማወቅ የሚገባን፡፡ # አንበሳዊ፣ ዘውዳዊ፣ አሐዳዊ … አስተዳደር፥ ግዛት ምን ማለት ነው #ሞዐ_አንበሳ_ዘእምነገደ_ይሁዳ_ማለት_ምን_ማለት_ነው?፤ የአፄ ኀይለ ሥላሴ፣ የአፄ ምኒልክ፣…… የሌሎችም ነገሥታት አስተዳደር ማለት ነውን??? መነሻውስ ምንድን ነው??? ፠ በዋናነት አስተዳደሩ ሲከበር፤ የአንበሳውም ምልክት ይከበራል፡፡ ፠ ለሙሴ የተሰጠውን ትዕዛዘ ኦሪት እንቀበላለንን? እውን እየተቀበልነው ነውን??? * ከ1966-አሁን ….. የተሠራ ምን መልካም ነገር አለ? *** የፈረንጅን ጋዜጣ ብቻ ያነበቡ፥ የኢትዮጵያን ታሪክ ያልጠነቀቁ፥ በፈረንጅ ትምህርት ጥርሳቸውን ሸርፈው ያደጉ ስለ ኢትዮጵያ ታሪክስ ምስክር መሆን ይችላሉን? የወረቀት ላይ ሕግ፤ የአፈ ቀላጤ አስተዳደር፤ … ምን ያመጣው ነገር አለ፡፡ ፠ በጥንታውያን መጻሕፍት (በወንጌል) በሐረጋት፣ በሥርዐተ በኑባሬ፣ በሕንፃ ቤተ ክርስቲያን ዐምድ ላይ የተሣለችው እውን ፒኮክ ናትን??? አለቃ ኪዳነ ወልድ ክፍሌስ ጣዖስ ብለው የገለጿትስ የኢትዮጵያን መቄ፥ ዋርዴ፥ ዋርድዬ ነውን? **** መቄ፥ ዋርዴ፥ ዋርድዬና ፒኮክን ምን አገናኛቸው፡፡ ፠ ሶራ ምንድን ነው፤ የሶራ ላይ ወፌ የተባለችውስ ፒኮክ ናትን?? *** ጃንሜዳ ገበያ ቦታ መሆኑስ ተገቢ ነውን፡፡ *** የሃይማኖትና የምግባር ኪሳራ ምን ማለት ነው፡፡ በተገለጸው ሊንክ ላይ ገብተው ያድምጡ፡፡

‹‹ ሁለቱም አንድ አካል ይኾናሉ፤ ይህ ነገር ጥልቅ፤ ረቂቅ ምሥጢር ነው፤ እኔም ለክርስቶስና ለቤተ ክርስቲያን ምሳሌ አድርጌ እናገረዋለሁ፡፡›› ሃይማኖተ አበው ዘስምዓት በሚያዝያ ፳፪/፳፻፲፪ ዓ.ም በቀ/ደ/ሰላም መድኀኔ ዓለም ቤ/ክ ጋብቻህን የፈጸምከው የሰ/ት/ቤታችን አባል ወንድማችን፤ #ተክሌ_ሰይፉ_ከመቅደስ_ ጋር የፈጸማችሁትን ጋብቻ፤ የይስሐቅንና የርብቃን ጋብቻ የባረከ አምላክ፤ የትዳር ሕይወታችሁን ይባርክላችሁ፥ ያጣምራችሁ፥ ያዋሕዳችሁ፤ እመብርሃን በአማላጅነቷ አትለያችሁ፤ ቅዱስ ገብርኤል ከፊት ይምራችሁ ከኋላ ይከተላችሁ፡፡ ✤ ‹‹ጌታን እንዲወዱና በአካልም ይሁን በመንፈስ በባሎቻቸው ደስ እንዲሰኙ ለእህቶች ንገራቸው፡፡ ልክ እንደዚሁ ጌታ ቤተ ክርስቲያንን እንደወደደ ሚስቶቻቸውን እንዲወዱ ለወንድሞች በጌታ በኢየሱስ ክርስቶስ ስም ንገራቸው፡፡›› ቅዱስ አግናጥዮስ ምጥው ለአንበሳ ለፖሊካርፐስ በላከው መልእክቱ ✤ ከተጋባችሁ በኋላ ባልና ሚስት አንድ አካል ናችሁ እንጂ ሁለት ስላይደላችሁ በፍጹም ልባችሁ እርስ በእርሳችሁ ተፋቀሩ፡፡ ከዛሬ ጀምሮ ሌላ ወንድ ወይም ሌላ ሴት አትፈልጉ ይልቁንም በተቻላችሁ መጠን አንዳችሁ ሌላውን ደስ አሰኙ፤ በመረዳዳትና በፍጹም ፍቅር ኑሯችሁን ሁሉ አሳምሩ፡፡>> ኢትዮጵያዊው ፈላስፋ ዘርአያዕቆብ፡፡ /ከቀጨኔ ደ/ሰላም መድኀኔ ዓለምና ደ/ት/ቅ/ገብርኤል ቤ/ክ ፍኖተ ሕይወት ሰ/ት/ቤት/

#ሚያዝያ_23_በዓለ_ክላሌሁ_ለሊቀ_ሰማዕታት_ቅዱስ_ጊዮርጊስ፡፡ ኦ ፍጡነ ረድኤት … ብለን እኛ ኢትዮጵያውያን በእምነት ኾነው ስንጠራው፤ ከዐይን ጥቅሻና ከዐውሎ ነፋስ ይልቅ ፈጥኖ የሚደርስልን የሊቀ ሰማዕታት የቅዱስ ጊዮርጊስ የበዓለ ዕረፍቱ ክብረ በዓል ነው፡፡ #ኮከበ ክብር፥ *ሊቀ ሰማዕታት፥ *መክብበ ሰማዕታት፥ *የፋርስና የቤሩት ኮከብ፥ *የልዳ ፀሐይ፥ *የኢትዮጵያ ገበዝ፥ *ባለ ፀዓዳ ፈረስ፥ *፸ ነገሥታትን ድል ያደረገ፥ *በሕይወቱ ክርስትናን ያስፋፋ፥ በዕረፍቱ ክርስቶስን የሰበከ፥ ከዕረፍቱ በኋላ ዛሬን ጨምሮ ፈጥኖ የሚራዳ፥ *፫ት ጊዜ ሞቶ ፫ት ጊዜ የተነሣ፥ *፯ት አክሊላትን የተቀናጀ፤ *እመቤታችንን በጣም ስለሚወድ ስሙ ከስሟ፥ ዝክሩ ከዝክሯ፥ ፍልሰቱ ከፍልሰቷ ጋር የተባበረ እንዲኾን ያደረገችለት፤ #የሊቀ ሰማዕታት ቅዱስ ጊዮርጊስን በዓለ ክላሌ (ሚያዝያ 23) ከዋይዜማው ጀምሮ በመላው ሃገራችን የሚቆመውን ሙሉውን ሥርዐተ ማኅሌት አቅርበንላችኋል፡፡ #አማን በአማን፥ አማን በአማን፤ ኮከበ ልዳ፥ ፀሐየ ፋርስ፡፡ #በስመ አብ ወወልድ ወመንፈስ ቅዱስ፤ ዘአንበሩ ብየ አክሊለ ሞገስ፤ መዘምረ እኩን ለጊዮርጊስ፡፡ #ኀያል መስተጋድል ኀያል ኮከበ ክብር፤ ኀያል ገባሬ ተአምር፤ ጊዮርጊስ ቅዱስ ለእግዚአብሔር፡፡ #በእንተ ጊዮርጊስ ፍቁርከ (ሰማዕትከ፥ ምዕመንከ)፤ ምህላነ ስማዕ በዕዝንከ፡፡ #ሥርዐተ ማኅሌቱን ሌሎችም እንዲደርሳቸው ከዚህ በታች የሰፈረውን ገጾችንን LIKE, SHARE, INVITE, SUBSCRIBE ያድርጉ፡፡ ፠ በፌስቡክ ሊያገኙን ከፈለጉ፤ https://www.facebook.com/የቀጨኔ-ደብረ-ሰላም-መድኀኔዓለምና-ደብረ-ትጉሃን-ቅዱስ-ገብርኤል-ቤተ-ክርስቲያን-ፍኖተ-ሕይወት-ሰንበት-ትምህርት-ቤት-1620932764891482/ ፠ በቴሌግራም ሊያገኙን ከፈለጉ፤ https://t.me/medihan

#የ፯ኛ #ዓመት_መታሰቢያ ****(የወንድማችን ብርሃነ መስቀል (ስለሺ ብርሃኑ) 7ኛ ዓመት በማስመልከት #የምትፈልጉትን_ጥያቄዎች_ጠይቁ፡፡ ሊቃውንትን ጠይቀን፤ መጻሕፍን አገላብጠን የምንመልስ መሆኑን እንገልጻለን፡፡) እስመ ተሀጥኦ መምህርሰ እኩይ ግብር ውእቱ፡፡ (የመምህር መታጣቱ ይጎዳል)፡፡ /ቅ.ዮሐ.አፈ./ ፠ #ስለሺ ወንድሜ በነበረህ ለዛ፣ በሚጥመው ቃልህ በስብከት (በትምህርት) መዐዛ፣ ቀና በል ተናገር ዝምታ አታብዛ፣ ሁሉም ያልፋልና ድንገት እንደዋዛ፡፡ ፠ ሚያዝያ 22/2012ዓ.ም. ወንድማችን ስለሺ ብርሃኑ (ብርሃነ መስቀል) በሥጋ ከተለየን 7ኛ ዓመቱ ኾነ፤ የአባቶቻችን አምላክ መድኀኔ ዓለም ክርስቶስ ነፍሱን ከቅዱሳኑ ጋር ይደምርልን፥ ነፍስ ይማርልን፡፡ #መሐራ_እግዚኦ_ለነፍሰ_እኁነ_ብርሃነ_መስቀል፡፡ ‹‹ #ያገለገለህን_ሰው_ሞት_ቸል_አትበል_፡፡›› ሲራክ 38፥26 ‹‹ የሞተ ሰውስ ዐረፈ፤ ነገር ግን ነፍሱ ታርፍ ዘንድ ተዝካሩን አውጣለት፤ ከዚያ በኋላ ልቅሶህን ተው፡፡›› ሢራክ ፴፷፥፳፫ #ያረፈበት_ቀንም፤ * ዓለም ከተፈጠረ፥ ዘመን ከተቈጠረ በ7506 ዓመት (በፀሐይ)፤ * በ2006 ዓመተ ምሕረት (በፀሐይ)፤ * በ58 ዐውደ ቀመር፤ * በወንጌላዊ ማርቆስ፤ * በ1 ጥንተ ዮን፥ በ6 እንድክትዮን፥ * በአልቦ አበቅቴ፤ * በሚያዝያ ወር በ22ኛ ቀን (በፀሐይ)፤ ** በ26 ሠርቀ ሌሊት፤ *በ1730 ዓመተ ሰማዕታት ነው፡፡ #በዕለቱ_ከቀረቡ_ግጥሞችና_ቅኔዎች የተወሰኑትን እነሆ ብለናችኋል፡፡ (ግጥሞቹና ቅኔዎቹ ከሕይወቱ ታሪክ ጋር /በፍኖተ ሕይወት ሰ/ት/ቤት አገልጋይ ከመኾኑ ጋር፣ 2ት ሕንፃ ቤተ ክርስቲያንን ከማሠራቱ ጋር፣ በእንጦጦ ዳግማዊት ስሪንቃ ቅድስት አርሴማ ጠበል ቦታ ከማገልገሉ ጋር ….. የተመሳጠሩ ድንቅ፥ ድንቅ የሆኑ ግጥምና ቅኔዎች ናቸው)፡፡ ፠ #ስለሺ ወንድሜ በነበረህ ለዛ፣ በሚጥመው ቃልህ በስብከት መዐዛ፣ ቀና በል ተናገር ዝምታ አታብዛ፣ ሁሉም ያልፋልና ድንገት እንደዋዛ፡፡ ፠ #ክፉ ሰው ሞት በሰው ላይ ነገረ ሠሪ፣ ለምድር አሽከርካሪ ለሰማይ አብራሪ፣ ደኅና ሰውን መስሎ የቅርብ ዘመድ መካሪ፣ ደርሶ የሚያጣላ ፍጡርን ከፈጣሪ፣ ክፉ ሰው ሞት በሰው ላይ ነገረ ሠሪ፣ ዛሬ ምን በደለው ስለሺ የብዙዎች(የብዙኃን) አስተማሪ፡፡ ፠ #በነገረ ሠሪ ኅልፈት ክፉ መሃለኛ፣ ከፊትህ ብትርቅ ድንገት ሕይወት ወረተኛ፣ የነበረው ቀርቶ ብትሆንም ብቸኛ፣ ብቸኛ ነኝ አትበል ስለሺ በሠራኸው ሥራ ነህና ዝነኛ፡፡ ፠ #ስለሺ ለብዙዎች ብሎ የጸለየው ጸሎት ተግቶ፣ በማርያም ምልጃ ከእግዚአብሔር ተሰምቶ፣ ሲሻው የነበረ እንዲሰጥ ጽዋ ሞት ተቀድቶ፣ ተቀበለ ዛሬ ከቅዱስ ዑራኤል እጅ ነስቶ፡፡ ፠ #ሥጋም በምድር ላይ መከራን ታገሺ ነፍስም በሰማይ ላይ በገነት ንገሺ፣ ክርስቶስ በዳግም ትንሣኤ እስኪነግስ ስለሺ፡፡ #ጕባኤ_ቃና_ቅኔ ……. ቃልየ አጽምዕ እግዚኦ ወለቡ ጽራሕየ ……. በሕማም ወጸዕር ሶበ ወጽአት ለብርሃነ መስቀል ነፍሱ፤ እጼ ወዝኅር አዝማዱ ንብረተ ሥጋሁ ወረሱ፡፡ #ሥላሴ_ቅኔ …….. ይትባረክ እግዚአብሔር አምላከ አበዊነ …….. ብርሃነ መስቀል በአዕይንቲሁ ወኢይርዓይ መልክዐ ብእሲት ዓለም አበሳ ዘብዙሃነ ፈተነ፤ ሥጋ ሰብእ ዓይነ እንቲአሁ በልብሱ ከደነ፤ በቃለ ሐዲስ ወንጌል እምንእሱ እስመ አእመረ ወኮነ፤ ወበዝ ዓለም እስከ ሀለውነ፤ ኢርዕዮተ ዓለም ብእሲት ዘገብሮ እኁነ፣ ለኵልነ ትምህርተ ይኵነነ፡፡ #መወድስ_ቅኔ ……. ፍትሃ ሊተ እግዚኦ ወተበቀል በቀልየ ………. እንበለ ኢምንት ፍጥረተ ኀበ ተኀሰበ በዓይነ አብዕልት ሕዝብ ወበእግረ ንዑስ ወዐቢይ፤ ዘይትከየድ ዘልፈ መቃብረ ሥጋ ነዳይ፤ ሞተ አቤል ወርኅ ጊዜ አንገሦ፤ በዓለም ተፈጥሮተ ሥጋ ዘብዙኅ ጌጋይ፤ ይቀውም ከመ ቆሙ ዲበ ዘገፍዕዎ ቅድመ ገበርተ ዓመጻ ወእከይ፤ ንሕነኒ ይደልወነ ከመ ንጸልይ፤ ጸሎተ ንስሓ መንገሌሁ ለአምላከ ምድር ወሰማይ፤ ሊቀ ካህናት ክርስቶስ እምነ አእላፍ ኅሩይ፤ በኢያእምሮ ዘአበስናሁ ወዘጌጋይ ናሁ ከመ ይሥረይ፨ ፠ በፌስቡክ ሊያገኙን ከፈለጉ፤ https://www.facebook.com/የቀጨኔ-ደብረ-ሰላም-መድኀኔዓለምና-ደብረ-ትጉሃን-ቅዱስ-ገብርኤል-ቤተ-ክርስቲያን-ፍኖተ-ሕይወት-ሰንበት-ትምህርት-ቤት-1620932764891482/ ፠ በቴሌግራም ሊያገኙን ከፈለጉ፤ https://t.me/medihanaelem ፠ በዩቲዩብ ሊያገኙን ከፈለጉ፤ Https://m.youtube.com/channel/UCWVKGH0mSJl47u44uopEb2w

#በተለያዩ_ምክንያቶች_የቤተ_ክርስቲያንን_ይዞታዎችና_መብት_መዳፈር_ይቁም፡፡ የአዲስ አበባ ከተማ መስተዳደርን፤ የጠቅላይ ሚንስቴር ጽ/ቤትንና የሕዝብ ተወካዮች ምክር ቤትን በጽኑ እንቃወማለን፡፡ አዲስ አበባ አሁን ባለችበት ሁኔታ ስትቈረቈር፤ ፠ ለመስቀል አደባባይነት ከግል ቦታቸው ላይ ከፍለው የሰጡት ራስ ብሩ ወልደአረጋይ ናቸው፡፡ ፠ ጃን ሜዳ (ጃንሆይ ሜዳ) በዓለ ጥምቀት መከበር የጀመረው ከ1887 ዓ.ም. በአፄ ምኒልክና በእቴጌ ጣይቱ ፈቃድ ነው፡፡ ይህ ሜዳ የጃንሆይ ሜዳ የተባለበት ምክንያት፤ * ነገሥታት ለመሾም ለመሻር፣ ዳኝነት ለመስጠት፣ ሊቃውንትን ለመሾምና፣ ዐዋጅ ሲያስነግሩ በቤተ መንግሥታቸው አቅራቢያ በሚገኝ ሜዳ ላይ የጃኖ ድንኳን ተክለው ያስነግራሉና * አፄ ምኒልክ ለጥምቀተ ባሕር የሰጡት ቦታ በመሆኑ፤ * ልጅ ኢያሱ አልጋ ወራሽ መሆናቸው በግንቦት 10 ቀን 1901ዓ.ም. ዐዋጅ ያስነገሩበት በመሆኑ፤ * ‹‹ንሥረ ተፈሪ›› የተባለው የመጀመሪያው አውሮፕላንም በ12921ዓ.ም. ወደ ኢትዮጵያ ሲገባ ያረፈውም በዚሁ ሜዳ በመሆኑ ጭምር ነው፡፡ ፠ሃገራችንና ዓለማችን በኮሮና፣ በረሃብ፣ በአንበጣ መንጋ በምትሸበርበት ዘመን #የ2.5 ቢሊዮን (ልብ በሉ ሚሊዮን አይደለም ቢሊዮን ብር ነው) ፕሮጀክት አደባባይን አፍርሶ መገንባት ምን ይሉታል??? * ይህ በር በርካታ ቬንትሌተሮችን ይገዛልል * ይህ ብር ለበርካታ ለተራቡና ለተጎዱ ሰዎች ይሆናል * ይህ ብር ለዐባይ ግድብ ማስፈጸሚያ ይሆናል * ይህ ብር ለትውልድ የሚተላለፍ ብድር ከምንበደር ይልቅ ለተለያዩ ነገሮች መሆን ይችላል፤ ፠ ….. ነገሩ … ከምርጫ በፊት እኛ እያለን ያልተገነቡ ግንባታዎች መቼም አይገነቡም ይመስላል፡፡ ….. በዚህ መንገድ ያሉ ጥቂት አመራሮችና አማካሪዎቻቸው ‹‹ሮም በአንዴ አልተገነባችም!!!!!›› የሚለውን ብሂል ያስተዋሉ አይመስሉም፡፡ ፠ #የአዲስ_አበባ_ከተማ_አስተዳደር፤ በርካታ ቦታዎች (የራሱን የመስተዳደሩን ግቢ፣ ጃንሜዳ አጠገብ የሚገኘው የመከላከያ ሠራዊት ግቢ፣ ……..) እያሉት የቤተ ክርስቲያን ይዞታ ላይ ባለቤቷን ሳያስፈቅድ በምንአለብኝነት በጊዜያዊነት ስም መውሰዱ ተገቢ አይደለም እየተጓዘ ያለበት መንገድም እንዲሁ የተሳሳተ ነው፤ ፠ #የጠቅላይ_ሚንስትር_ጽ/ቤት የመስቀል አደባባይ ፓርክ፣ የእንጦጦ ፓርክ፣ የቤተ መንግሥት ፓርክ፣ የሸገር ፓርክ፤ …… እያለ መቅደም ያለባቸውን ነገሮች ሳያስቀድም መሯሯጡ (ሲሮጡ የታጠቁት…) ሆኗል ነገሩ፤ የይዞታ ባለቤቷን ቤተ ክርስቲያንን እንዲሁም የሃገሪቱ ሕዝቦችና ባለሙያዎች ባልመከሩበት፣ የከተማ መስተዳደሩ ባወጣው የማስተር ፕላን ላይ ባልተካተተበት፤ እንደ ….. ብድግ ብሎ ለግንባታ መነሣቱ ያሳዝናል፡፡ በአንድ በኩል ድሃ ሀገር ነች ተብሎ ከብዙ ሃገራት ተተኪ ትውልድ እንኳን ከፍሎ የሚጨርሰው የማይመስል ዕድና ብድር ይቀበላል፤ በሌላ በኩል 2.5 ቢሊየን ብር ካላፈሰስኩ እያለ ይሮጣል፡፡ ፠ #የሕዝብ_ተወካዮች_ምክር)ቤት፤ መቼ ሊነቁ ነው፤ ከተለያዩ የመንግሥት አመራርና አካላት የሚመጣለቸውን ረቂቆች (ያውም የ2.5 ቢሊየን ፕሮጀከት፣ ያውም የይዞታዋ ባለቤት ባለተጠየቀችበትና ይሁንታዋን ባለሰጠችበት፣ ያውም በዘመነ ኮሮና (ቬንትሌተር የለንም፣ ሳኒታይዘር አልኮል ….. ምናምን የለንም እያልን እጃችንን ለእርዳታ እየዘረጋን ባለንበት ወቅት) የ2.5 ቢሊየን ብር ፕሮጀከት ማጽደቃቻው እንዴት ይሆን፤ መቼ ይሆን የምትነቁት፡፡ (ወይ ስሜን መልስ ወይ ተግባሬን ሥራ ብሏል እስክንድር ጠቢብ ፤ ወይ የሕዝብ ተወካይ አባላት የሚለውን ስም ልቀቁ፤ ወይ የሕዝብ ተወካይነትን ተግባር በአግባቡ ሥሩ፡፡ ****ስለ መስቀል አደባባይ ገና መፍረስ ሲጀምር የጻፍነውን ጽሑፍ በሚያዝያ 5 ላይ ጽፈነዋል፡፡ ፠ በፌስቡክ ሊያገኙን ከፈለጉ፤ https://www.facebook.com/የቀጨኔ-ደብረ-ሰላም-መድኀኔዓለምና-ደብረ-ትጉሃን-ቅዱስ-ገብርኤል-ቤተ-ክርስቲያን-ፍኖተ-ሕይወት-ሰንበት-ትምህርት-ቤት-1620932764891482/ ፠ በቴሌግራም ሊያገኙን ከፈለጉ፤ https://t.me/medihanaelem ፠ በዩቲዩብ ሊያገኙን ከፈለጉ፤ Https://m.youtube.com/channel/UCWVKGH0mSJl47u44uopEb2w

፠ በዐረብ ሃገራት ያላችሁ ወገኖቻችን ያለባችሁን ችግሮች በተመለከተ የሰንበት ትምህርት ቤታችን አባል በሆነው በሊቀ ልሳናት ዘማሪ ቸርነት ሠናይ ውይይት እየተደረገ ስለሆነ፤ እኅቶቻችን በዚህ የዋስትአፕ ቊጥር በመደወል የውይይቱ ተካፋይ ይሁኑ፡፡ 2024468035-whats app ደውሉ፡፡ +++ በዐረብ ሃገራት …. በአጋጣሚ የኮሮና ቫይረስ በሽታ የተያዙ ካሉ በአቅራቢያችሁ በቤይሩት የሚገኘውን የቅዱስ ያሬድ ቤተ ክርስቲያን እምነት አሻሿቸው (ጠበሉን አጠጧቸው፡፡) ፠ ሁለት ልብሶች ያሉት ከማብዛት ልብስን፤ ለሌለው ያድለው ሁለተኛውን፡፡ ፠ እርስ በእርሳችሁ ተረዳዱ፡፡ ፠ በፌስቡክ ሊያገኙን ከፈለጉ፤ https://www.facebook.com/የቀጨኔ-ደብረ-ሰላም-መድኀኔዓለምና-ደብረ-ትጉሃን-ቅዱስ-ገብርኤል-ቤተ-ክርስቲያን-ፍኖተ-ሕይወት-ሰንበት-ትምህርት-ቤት-1620932764891482/ ፠ በቴሌግራም ሊያገኙን ከፈለጉ፤ https://t.me/medihanaelem ፠ በዩቲዩብ ሊያገኙን ከፈለጉ፤ Https://m.youtube.com/channel/UCWVKGH0mSJl47u44uopEb2w

#አስደሳች_ዜና_ ፠ ከ1000-1400 ዓመታት ዕድሜን ያስቈጠረው ደብረ ጊዮርጊስ (ጊዮርጊስ ገዳም) በቁፋሮ ተገኘ፡፡ ፠ በዋርሶው ዩኒቨርስቲ የፖላንድ የሥነ ቁፋሮ ሳይንስ ማዕከል በDr. Michela Gaudiello በሚመራ ባለሞያዎች ረጅም ቁመት ያላቸውና በርካታ ምሰሶዎች ያሉት የመካከለኛው ዘመን ቅርስ በቁፋሮ መገኘቱ ተገለጸ፡፡ ፠ ‹‹ሰማያት ደስ ይበላቸው፥ ምድርም ሐሴትን ታድርግ፤ በአሕዛብም መካከ፤ እግዚአብሔር ነገሠ በሉ፤ ባሕርና ሞላዋ ትናወጥ፤ በረሀ በእርሷም ያሉ ሁሉ ሐሤትን ያድርጉ።›› ፩ኛ ዜና ፲፮፥ ፴፩- ፴፪ ምንጭ፤ http://scienceinpoland.pap.pl/en/news/news,81911,polish-scientists-discover-1000-year-old-church-walls-ethiopia.html

በአሜሪካ ሜሪላንድ የወይዘሮ ወገኔ ደበሌ ሥርዐተ ቀብር ይሄን ይመስላል፡፡ ባሏ ብቻውን ባልተቤቱን የሸኘበት ሥርዐት፡፡ ውስተ ሃገሪትነ ኢትዮጵያ ህየ ነበርነ ወበከይነ፤ በከመ ርኢነ በነጽሮተ መክስተ ርዕይ ዘተገብረ በሃገረ አሜሪካ፡፡ ከመዝ ተናገርነ…. (በሃገራችን ኢትዮጵያ ሆነን በአሜሪካ ሃገር የሆነውን ነገር ባየን ጊዜ አለቀስን፡፡ እንዲህ አልን፤ ፠ ይህ በሽታ ለጊዜው ከማንኛውም ወገን መድኀኒት አልተገኘለትም፤ ምክንያቱም፤ + ብዙዎቻችን አሁንም በኅሊናችን ጓዳ፥ በአእምሯችን ሰሌዳ መጥፎ መጥፎ ነገሮችን ከማመላለስ አልተከለከልንምና፤ ልቡናችን ክፉ ከማሰብ፥ አንደበታችንም ክፉ ከመናገር አለታቀቡምና፡፡ + ብዙዎቻችን ኮሮና ቢጠፋ ከአሁኑ ልንሠራ የምናስባቸው ነገሮች መጥፎ ነገሮችንና በእግዚአብሔር ዘንድ አስጸያፊ ነገሮችን ነውና፡፡ ፠ እንዲህ ያለውን ልቅሶ፤ በሰው ቃል ማጽናናት አይቻልም፥ በእግዚአብሔር ቃል ግን ማጽናናት ይቻላል፡፡ + ሞት ሀገር መለወጥ ነው (ሀገር ለውጦ ወደ ሰማያዊ ሀገር መሄድ ነው)፤ ብንኖር ለእግዚአብሔር ብንሞት ለእግዚአብሔር እንዳለ ቅዱስ ጳውሎስ፡፡ + በሞት አጠገብ ሕይወት፥ በመቃብር አጠገብ ትንሣኤ አለን፡፡ ‹‹በምድር ያለው ምድራዊ ቤታችን ቢፈርስም በሰማይ በእግዚአብሔር ዘንድ የሰው እጅ ያልሠራው ዘለዓለማዊ ቤት እንዳለን እናውቃለን፡፡›››› እንዲል ፪ኛ፡ቆሮ፡፭፥፩፡፡ ‹‹ኃዘና ስምዒ ወብካያ ለሃገረ አሜሪካ፡፡›› አምላከ አበው መድኀኔ ዓለም ነፍስ ይማርልን፤ ከደጋጎቹ ከአብርሃም ከይስሐቅና ከያዕቆብ ጋራ ያኑርልን፡፡ የቀጨኔ-ደብረ-ሰላም-መድኀኔዓለምና-ደብረ-ትጉሃን-ቅዱስ-ገብርኤል-ቤተ-ክርስቲያን-ፍኖተ-ሕይወት-ሰንበት-ትምህርት-ቤት-

ጎንደር አቡን ቤት ቅዱስ ገብርኤል፡፡ ፎቶ፤ በቀ.ደ.ሰ. ፍኖተ ሕይወት፡፡

#ከሰይጣን_ጋር_የተደረገ_ቃለ_ምልልስ (ተዋስኦተ ጳውሊ ምስለ ሰይጣን)፤ #ክፍል#፬_ (#ሰይጣን_የቅዱሳን_መላእክትን_ቃል_ምሥጢር_እንደሚሰማና_ #የሰማው_ከመደረጉ_በፊት_ለሰዎች_በመናገር_እንደሚያስት፤ #ሰይጣን_ከተፈጠረ_ጀምሮ_በዘመን_ብዛት_ሰውን_ያሚያስትበት_ብዙ_ጥበብ_እንዳለው፤ #የክርስቶስ_ሰው_መሆን_ከሰይጣን_የተሰወረ_እንደነበር) +አባ ጳውሊ፤ ወደ ሰማይ ወጥታችሁ የመላእክትን ቃል ትሰማላችሁን? አለው፡፡ ዲያብሎስ፤ ፈጽመን አንወጣም አለው፡፡ ++አባ ጳውሊ፤ ስለምንድነው የማትወጡት? አለው፡፡ ዲያብሎስ፤ ከክብራችን ከተዋረድን በኋላ በቧለሟልነት ሥልጣን ወደዚያ እንቀርብ ዘንድ አይፈቀድልንም አለው፡፡ +አባ ጳውሊ፤ ሰዎች እናንተ ወደ ሰማይ እንደምትወጡና ከመላእክት ጋር እንደምትነጋገሩ የሚናገሩት ዋሽተው ነውን? አለው፡፡ ሰይጣን፤ መላእክት ከምስጋና በቀር አይናገሩምና አዎን ዋሽተው ነው አለው፡፡ ++አባ ጳውሊ፤ እንግዲያ ከመደረጉ በፊት አስቀድመህ ለሳኦል ምሥጢር የገለጥክለት በምን አውቀህ ነው? አለው፡፡ /፩ሳሙ.፳፰፥፲፯/ ዲያብሎስ፤ እግዚአብሔር ለሳሙኤል ሲነግረው ሰምቼ ነው አለው፡፡ /፩ሳሙ.፲፮፥፩) እግዚአብሔር ለመላእክቶቹ ምሥጢር ሲነግራቸው እኛም ባለንበት ሆነን እንሰማለን፡፡ ያን ጊዜ ፈጥነን ሄደን ከመደረጉ በፊት ለሰዎች እንነግራቸዋለን፡፡ ሰዎች ሁሉ በየሀገሩ እኛ የነገርናቸውንና በሕልም ያሳየናቸውን ይናገራሉ አለው፡፡ +አባ ጳውሊ፤ ሰዎች ነገርህን እንደምን አምነው ይቀበሉሃል? የመልክህን ክፋት የመዓዛህን ክርፋት አያውቁምን? አለው፡፡ ዲያብሎስ፤ ሰዎች ሁሉ እንደ አንተ ክፉ መሰሉህ? ለአንተ ክፉ መስዬ እታይሃለሁ እንጂ በዚህ ዓለም መዓዛዬን ለማሽተትና መልኬን ለማየት እኔን የሚሹ ብዙ ሰዎች እንዳሉ እነግርሃለሁ፡፡ እነርሱ ወደ እኔ መጥተው እገለጽላቸው ዘንድ ይለምኑኛል እንጂ እኔ ወደ እነርሱ አልሔድም አለው፡፡ ++አባ ጳውሊ፤ ሰዎች ስለምን ይወዱሃል? ይህ የሚሆነው ለምንድን ነው? ዲያብሎስ፤ እኔን ለማየት በሚፈልጉት መልክ ተመስዬ በመገለጽ ስለማስደስታቸው ነው፡፡ +አባ ጳውሊ፤ መልክህን መለወጥ እንደምን ይቻልሃል አለው፡፡ ዲያብሎስ፤ ይህ የሚያስደንቅ አይደለም ሰይጣን የብርሃን መልአክን ይመስላል ብሎ ጳውሎስ የተናገረውን አልሰማህምን፡፡ /፪ቆሮ.፲፩፥፲፬/ ++አባ ጳውሊ፤ የማታውቀውን ምሥጢር ማስመሰል እንደምን ይቻልሃል አለው፡፡ ዲያብሎስ፤ #ዓለም ከተፈጠረ ጀምሮ በዘመን ብዛት የሰበሰብኩትና የማውቀው ብዙ ጥበብ አለኝ፡፡ #ነገር ግን የክርስቶስ ሰው መሆን ብቻ ተሰወረብኝ እንጂ አለው፡፡ +አባ ጳውሊ፤ የክርስቶስ ሰው መሆን ስለምን ተሰወረብህ? ዲያብሎስ፤ ከእኔ የተሰወረበትን ምክንያት አላውቅም፡፡ ነገር ግን አውቄስ ቢሆን ክፉና በጎ ለይተው ያላወቁ ብዙ ሕፃናትን በሄሮድስ አድሬ ባላስገደልኩም ነበር አለው፡፡ ++አባ ጳውሊ፤ በገዳመ ቆሮንቶስ አንተ ፈትነኸዋልና አላውቅም አትበል አለው፡፡ ዲያብሎስ፤ በሰውነቱ ስለሚሠራው ሥራ እንደ ነቢይ፥ እንደ ንጉሥ ይመስለኝ ነበርና ባውቅም እጠራጠር ነበር፡፡ ስለዚህ እፈትነው ዘንድ በእርሱ ላይ ተነሳሁ አለው፡፡ +አባ ጳውሊ፤ እርሱ በእውነት አምላክ መሆኑን ያወቅኸው መቼ ነው አለው፡፡ ዲያብሎስ፤ በመስቀል ላይ ተሰቅሎ ኃይሌን እስከሚያደክመው ድረስ አላወቅሁም ነበር፡፡ መላእክት ሲያመሰግኑት፥ ሙታን ሲነሡ፥ ምድር ሲነዋወጥ፥ ፀሐይ ሲጨልም አየሁ፤ ያን ጊዜ የዓለም ብርሃን፥ የፍጥረታት ፈጣሪ እርሱ በመስቀል ላይ እንደተሰቀለ አወቅሁ አለው፡፡ #የሰይጣናት_አለቃና_ታዛዥ_እንዳላቸው፤ #ገሃነም_ስለመኖሩና_ዲያብሎስ_ለምን_ንስሐ_እንደማይገባ) #ክፍል_፭.…#ይቀጥላል_ይጠብቁን/ #በፌስቡክ_ሊያገኙን_ከፈለጉ_፤ የቀጨኔ ደብረ ሰላም መድኀኔዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት https://www.facebook.com/የቀጨኔ-ደብረ-ሰላም-መድኀኔዓለምና-ደብረ-ትጉሃን-ቅዱስ-ገብርኤል-ቤተ-ክርስቲያን-ፍኖተ-ሕይወት-ሰንበት-ትምህርት-ቤት-1620932764891482/ #በቴሌግራም_ሊያገኙን_ከፈለጉ_፤ https://t.me/medihanaelem

አዳም ኀሙስ፡፡ ሉቃ. ፳፬፥፳፭-፵፱ ለአዳም ዘአግብዖ ውስተ ገነት፤ ወለፈያታዊ ኀረዮ በቅጽበት፡፡ (አዳምን ወደ ገነት ያስገባው፤ ፈያታዊ ዘየማን ጥጥስንም በቅጽበት መረጠው፡፡)

አዳም ኀሙስ፡፡ ሉቃ. ፳፬፥፳፭-፵፱ ለአዳም ዘአግብዖ ውስተ ገነት፤ ወለፈያታዊ ኀረዮ በቅጽበት፡፡ (አዳምን ወደ ገነት አስገባው፤ ፈያታዊ ዘየማን ጥጥስንም በቅጽበት መረጠው፡፡)