SABBATH SCHOOL(ሰንበት ትምህርት )

እሑድ ሐምሌ 5 Jul 12 በቤተ ክርስቲያን ውስጥ ያለው የመለያየት ችግር “ነገር ግን፥ በአንድ ልብና በአንድ አሳብም የተባበራችሁ እንድትሆኑ እንጂ መለያየት በመካከላችሁ እንዳይሆን በጌታችን በየሱስ ክርስቶስ ስም እለምናችኋለሁ” (1ኛ ቆሮንቶስ 1:10) የሚለው የጳውሎስ ልመና የ1ኛ ቆሮንቶስ የመጀመሪያዎቹ 4 ምዕራፎች ዋና መልዕክት ነው። በመሠረቱ አንድነት ሁሉንም የደብዳቤውን ክፍሎች አንድ ላይ የሚያገናኝ፣ ሁሉን አቀፍ ጭብጥ እንደሆነ አብዛኞቹ የመጽሐፍ ቅዱስ ምሁራን ይስማማሉ። 1ኛ ቆሮንቶስ 1:12–17ን አንብቡ። ይህ ክፍል በአጥቢያ መሪዎች ዙሪያ መለያየቶችን መፍጠር ምን ያህል ሞኝነት እንደሆነ እንድንገነዘብ የሚረዳን እንዴት ነው? የጳውሎስ መፍትሔስ ምንድን ነው? Save Notes ጳውሎስ በቆሮንቶስ ባሉ የቤተ ክርስቲያን አባላት መካከል የነበረውን አንድነት ማጣት ለማሳየት ጠንከር ያሉ ቃላትን ተጠቅሟል። ‘ስኪዝማ’ (‘schisma’) (“መለያየት” 1ኛ ቆሮ. 1:10) እና ‘ኤሪስ’ (‘eris’) (“ክርክር” 1ኛ ቆሮ. 1:11) የሚሉትን የግሪክ ቃላት ይጠቀማል። ‘ስኪዝማ’ የሚለው ስም (እንዲሁም ‘ስኪዞ’ “መገንጠል” የሚለው ግስ) በአዲስ ኪዳን ውስጥ የአንጃዎች ልዩነትን ለመግለጽ በሌላ ቦታ ጥቅም ላይ ውሏል። ‘ኤሪስ’ (“ክርክር”) የሚለውም ስም እንዲሁ በክርስቲያኖች ሊተገበሩ የማይገባቸው የክፋት ዝርዝሮች ውስጥ በተደጋጋሚ ይታያል። ሮሜ 1:29፣ ሮሜ 13:13፣ 1ኛ ቆሮንቶስ 3:3፣ 2ኛ ቆሮንቶስ 12:20 እና ገላ. 5:20ን አንብቡ። ከኤሪስ (“ክርክር” ወይም “ጠብ”) ጋር የተዘረዘሩ ሌሎች ኃጢአቶች ምን ምን ናቸው? ይህ ምን ያህል መጥፎ እንደሆነ ምን ይነግረናል? Save Notes አንዳቸው በሌላቸው ላይ ከሚያነሱት ክስ የተነሳ በቆሮንቶስ ቤተ ክርስቲያን ውስጥ የነበሩት አለመግባባቶች ገሃድ ወጡ (1ኛ ቆሮ. 6:1–3)። ጳውሎስ በቤተ ክርስቲያን ውስጥ በመካከላቸው ስለነበረው መካሰስ ሲናገራቸው “አሳፍራችሁ ዘንድ ይህን እላለሁ” አለ (1ኛ ቆሮ. 6:5)። እንዲያውም፣ የጌታን እራት በሚካፈሉበት ጊዜ እንኳ ልዩነታቸውን ወደ ጎን አልተዉም (1ኛ ቆሮ. 11:17–22)። በቤተ ክርስቲያን አባላት መካከል የነበረው የአንድነት እጦት ችግር በጣም አስፈሪ ነበር፤ እናም ጳውሎስ ስለ ጉዳዩ በጣም ተጨንቆ ነበር። በዚህ የቆሮንቶስ ሰዎች መልእክት ውስጥ የተናገረው የመጀመሪያው ጉዳይም ይህንኑ ነው። 1ኛ ቆሮንቶስ 1:12–27ን እንደገና አንብቡ። እንግዲያውስ ይህ ክፍል ቡድንተኝነቶች ለቤተ ክርስቲያን አንድነት ለምን አደገኛ እንደሆኑ እንድንገነዘብ እንዴት እንደሚረዳን እናስብ። ይህን ችግር ለማስወገድ የአጥቢያ ቤተ ክርስቲያናችሁ ምን ማድረግ ትችላለች? @SabbathSchool @TekalignSorato