ከስነ-ፅሁፍ ዓለም
Відкрити в Telegram
✍ አዝናኝ፣ አስተማሪና ቁም ነገር የሚያስጨብጡ የብዕር ውጤቶች የሚቀርቡበት የናንተው ቻናል! የቻናላችን https://t.me/Ethiobooks ቤተሰብ ሁኑ፣ ለወዳጅ ጓደኞቻችሁም 'share' አድርጉ። ለአስተያየት፣ ስነ-ፅሁፋዊ ጥቆማና ማስታወቂያ @firaolbm እና @tekletsadikK ተጠቀሙ።
Показати більше📈 Аналітичний огляд Telegram-каналу ከስነ-ፅሁፍ ዓለም
Канал ከስነ-ፅሁፍ ዓለም (@ethiobooks) у мовному сегменті Амхарська є активним учасником. На даний момент спільнота об'єднує 10 310 підписників, посідаючи 3 678 місце в категорії Книги та 3 194 місце у регіоні Ефіопія.
📊 Показники аудиторії та динаміка
З моменту свого створення невідомо, проект продемонстрував стрімке зростання, зібравши аудиторію у 10 310 підписників.
За останніми даними від 08 жовтня, 2026, канал демонструє стабільну активність. Хоча за останні 30 днів спостерігається зміна кількості учасників на 20, а за останні 24 години на 1, загальне охоплення залишається високим.
- Статус верифікації: Не верифікований
- Рівень залученості (ER): Середній показник залученості аудиторії становить 9.58%. Протягом перших 24 годин після публікації контент зазвичай збирає 2.99% реакцій від загальної кількості підписників.
- Охоплення публікацій: В середньому кожен допис отримує 988 переглядів. Протягом першої доби публікація в середньому набирає 308 переглядів.
- Реакції та взаємодія: Аудиторія активно підтримує контент: середня кількість реакцій на один пост – 6.
📝 Опис та контентна політика
Автор описує ресурс як майданчик для висловлення суб'єктивної думки:
“✍ አዝናኝ፣ አስተማሪና ቁም ነገር የሚያስጨብጡ የብዕር ውጤቶች የሚቀርቡበት የናንተው ቻናል!
የቻናላችን https://t.me/Ethiobooks ቤተሰብ ሁኑ፣ ለወዳጅ ጓደኞቻችሁም 'share' አድርጉ።
ለአስተያየት፣ ስነ-ፅሁፋዊ ጥቆማና ማስታወቂያ
@firaolbm እና
@tekletsadikK ተጠቀሙ።”
Завдяки високій частоті оновлень (останні дані отримано 09 жовтня, 2026), канал підтримує актуальність та високий рівень охоплення публікацій. Аналітика показує, що аудиторія активно взаємодіє з контентом, що робить його важливою точкою впливу в категорії Книги.
10 310
Підписники
+124 години
+207 днів
+2030 днів
Архів дописів
10 310
የሚኒስትሮች መሾም
━━━✦━━━
በኢትዮጵያ ታሪክ ውስጥ ለመጀመሪያ ጊዜ ሚኒስትሮች የተሾሙት ጥቅምት 14 ቀን 1900 ዓ.ም ነው።
በዚያን ጊዜም በዳግማዊ አጤ ምኒልክ የተሾሙት የመጀመሪያዎቹ ሰባት ሚኒስትሮች የሚከተሉት ናቸው።
፩ኛ - አፈንጉሥ ነሲቡ መስቀሉ
➢ የፍርድ ሚኒስትር
፪ኛ - ፊታውራሪ ሀብተ ጊዮርጊስ
➢ የጦር ሚኒስትር
፫ኛ - ፀሐፌ ትእዛዝ ገብረ ሥላሴ ወልደ አረጋይ
➢ የጽሕፈት ሚኒስትር
፬ኛ - በጅሮንድ ሙሉጌታ
➢ የገንዘብና የጓዳ ሚኒስትር
፭ኛ - ሊቀ መኳስ ከተማ
➢ ያገር ግዛት ሚኒስትር
፮ኛ - ነጋድራስ ኃይለ ጊዮርጊስ
➢ የንግድና የውጭ ጉዳይ ሚኒስትር
፯ኛ - ከንቲባ ወልደ ጻዲቅ ጐሹ
➢ የርሻና የመሥሪያ ሚኒስትር
ምኒልክ እነኚህን ሚኒስትሮች እንደሾሙ በአዲስ አበባ ያሉ የውጭ አገር መንግሥታት ተወካዮች ሹመቱን እንዲያውቁት የሚከተለውን ደብዳቤ ጻፉ።
“... የዩሮፓን ሥርዓት በአገራችን በኢትዮጵያ ካሰብን ብዙ ጊዜ ነው። እናንተም የሮፓ ሥርዓት በኢትዮጵያ ቢለመድ መልካም ነው እያላችሁ ስታመለክቱኝ ነበር። አሁንም የእግዚአብሔር ፈቃዱ ሆኖ ለመፈፀም ቢያበቃኝ ምኒስትሮች ለመሾም ዠምሬ እነኚህን (ከላይ የተገለፁትን) ምኒስትር አድርጌአለሁና ይህንን እንድታውቁ ብዬ ነው። ጥቅምት ፲፬ ቀን ፲፱፻ ዓመተ ምህረት አዲስ አበባ ተጻፈ።የመጀመሪያዎቹ ሰባት ሚኒስትሮች ተሹመው ሥራ ከጀመሩ በኋላ ሥራ የሚበዛበትና አስፈላጊ የሆኑ ሚኒስትሮች እየተከፈቱ በተጨማሪ አዛዥ መታፈሪያ የግቢ ሚኒስትር ቀኛዝማች መኰንን ተወንድ በላይ የሥራ ሚኒስትር ተብለው ተሾሙ። የፖስታና የቴሌፎን ሥራ በዚያን ጊዜ እጅግም ያልተስፋፋ ስለነበረ በግቢ ምኒስቴር ሥር ሆኖ የበላይ አለቃ ልጅ በየነ ይመር የፖስታ ቴሌግራፍና ቴሌፎን ሹም ተብለው ተሾሙ። ━━━━━━━━━ 📔 አጤ ምኒልክ ✍ ጳውሎስ ኞኞ 📖 📖 📖 📖 📖 https://t.me/Ethiobooks
10 310
ልጅነቴና ቲቪያችን
━━ 📺 ━━
✍ መሐመድ ሰልማን
'
ድሮ የእኛ ቤት ቲቪ ክብር ነበራት። ትምህርት ካቋረጠው ታላቅ ወንድሜ ይልቅ ቲቪያችን በሰፈራችን የተሻለ ትከበር ነበር። የሰፈር ልጆች ከእኔ ጋር ጓደኛ ለመሆን ከፍተኛ ፉክክር ውስጥ ይገቡ የነበረውም በዚሁ ምክንያት ነው። ከእኔ ጋር የሚፈጥሩት ወዳጅነት በእኛ ቲቪ "120" ለማየት የይለፍ ወረቀት እንዲሆናቸው ብቻ ነበር።
"120" ድሮ እንዴት ውብ ነበር መሰላችሁ! "120" ድሮ የኢትዮጵያ ሕዝብ ሳምንታዊ ድግስ ነበር። አንዳንድ ኮበሌዎች ፍቅረኞቻቸውን፣ «እሁድ እንገናኝ፤ "120" ልጋብዝሽ» ይሉ ነበር። ቀልዴን አይደለም።
በአንዳንድ ሰፈሮች ደግሞ ልክ እንደዛሬው ፕሪምየር ሊግ የአርሴና ማንቼን ጨዋታ እናሳያለን እንደሚሉት «120 እናሳያለን፤ መግቢያ 25 ሳንቲም» የሚሉ ቤቶች ነበሩ። አንድ የሰፈርህ ልጅ «እኛ ሰፈር እኮ ጉደኛ "120" ቤት ተከፈተ» ካለህ «የኔ ሰፈር ካንተ ሰፈር ይበልጣል» እያለህ ነው ማለት ነው። ያኔ ድሮ "120" የብዙ ዜጎችን ሰንበት ውብ የማድረግ ከራማ ነበረው። ...
በተለይ የአፍሪካ ዋንጫ ሲቃረብ የሰፈሬ ልጆች ያሳዩኝ የነበረው ፍቅር የአሜሪካና የእስራኤልን ወዳጅነት ያስንቃል። ለምሳሌ ትምህርት ቤት ኳስ እየተጫወቱ እኔ ድንገት ከመጣሁ ተሽቀዳድመው ኳሷን ወደኔ ይልኳታል። ቀጥለው «እኔ ነኝ ያቀበልኩት» ብለው ይጣላሉ። ኳሷን ትንሽ አንቀርቅቤ እሰጣቸዋለሁ።
ተቧድነው እየተጫወቱ ከሆነ ደግሞ አንዱ ተጫዋች ለእኔ ሲል እንዲያርፍ ይደረግና እኔ እገባለሁ። አጥቂያቸው ያደርጉኛል። በረኛውን አልፈውም ቢሆን ጎል እኔ እንዳገባ ያቀብሉኛል። በረኛው እኔ ኳስ እየገፋሁ ከመጣሁ መርበትበት ይጀምራል። እግሩ ቄጤማ ይሆናል። ተከላካዮችም እንዲሁ።
እኔ የሞከርኩት ኳስ ፎሪ ወጥቶ ቢሆንም ዳኛው "ጎል" ብሎ ያጸድቀዋል። እንደ አንግል የምንጠቀመው ጃኬትና ሹራቦቻችንን በመሆኑ የዳኛ ውሳኔ ይግባኝ የለውም። የኔን ሙከራዎች ጎል ብሎ ካልወሰነ ከአቢዲ ፔሌ ጋር መቆራረጡ ነው። ያኔ በኛ ጊዜ አቢዲ ፔሌ "ቬጂቡም" ቅባት ሲቀባ ማየት የማይናፍቅ ልጅ አልነበረም።
የአፍሪካ ዋንጫ እንዳለቀ «ቁጩ» ጓደኞቼ ፍቅራቸው መቀዝቀዝ ይጀምራል። ከዓለምና ከአፍሪካ ዋንጫ ባሻገር የሰፈር ልጆች እኔን የሚወዱኝ ዐርብና ቅዳሜ ነው። እሁድን "120"ን እኛ ቤት ለማየት።
ሳሎናችንና ቲቪያችን
ቲቪያችን "ናሽናል" ነበረች። ልክ እንደ ቤተሰቡ አባል ነበር የምትታየው። በአንድ ወቅት "ሽሽሽሽ..." ማለት ጀምራ ቤተ ሰባችን መሀል ከፍተኛ መደናገጥ ተፈጠረ። ዘመድ ሲመጣ መጀመሪያ "አሰላሙአለይኩም" ከማለቱ በፊት "ቴሌቢዥኗ በጎ ሆነች?" ይላል።
እናቴ 'አይወዱንም' ከምትላቸው ዘመዶቻችን በቀር የቲቪያችንን መበላሸት ላልነገረችው ዘመድ የለም። አንዳንድ ጠላቶቻችን ለምን ደስ ይበላቸው በሚል የቲቪያችንን መበላሸት ሚስጥር አድርጋባቸው ቆይታለች።
ያን ሰሞን ሠራተኛችን «አንቺ ጦሰኛ! ነካክተሽው ነው ቲቪው "እሽሽሽሽ" ማለት የጀመረው» ተብላ ከፍተኛ እንግልት ደረሰባት። እኔም አስር ጊዜ እንደ ጦጣ ጣርያ ላይ እየተንጠላጠልኩ የቤተሰቡን ኃዘን አንቴና በመነካካት ለማስታገስ የበኩሌን ጣርኩ። ስወርድ ልክ እንደ ዩሪ ጋጋሪን ደማቅ አቀባበል ተደረገልኝ።
ለሦስት ተከታታይ ቀናት የእንጀራ መሶባችንን እንደፈለኩ እንድጎበኘው ልዩ መብት ተሰጠኝ።
ናሽናል ቲቪያችን የሳሎናችን አድባር ነበረች። እንደ እንጀራ ሌማት ዳንቴል ለብሳ፣ እንደ ታቦት በሰው ታጅባ፣ እንደ መስጊድ ሚናራ አንቴናዋን ሽቅብ ቀስራ ሳሎናችን ላይ በክብር ስትሰየም ሁሉም የቤተ ሰብ አባል በስስት ያያት ነበር።
ቤት ውስጥ ልጆች ስንላፋ "ትወድቃላችሁ" የሚለን አልነበረም፤ «ልጆች ቲቪውን ትጥሉታላችሁ» ነበር የምንባለው። ልጅ እያለሁ ወደፊት አባቴ ከወደደኝ የሚያወርሰኝ ይህቺን እጅግ የታፈረች ቲ ቪ እንደሚሆን አስብ ነበር። በአባዬ ዘንድ ጥሩ ልጅ ለመባል እተጋ የነበረውም ለዚህ ነበር።
አሁን ግን አላህ የልጅነት ምኞቴን እንዳያሳካው በርትቼ እጸልያለሁ።
━━━━━━━━━━
📔 ፒያ ሳ - ማሕሙድ ጋ ጠብቂኝ!
🗓 መስከረም 2004 ዓ.ም.
📖 📖 📖 📖 📖
https://t.me/Ethiobooks
10 310
ፓ ር ላ ማ
━•✦•━
ፓርላማ ወይም የተወካዮች ምክር ቤት የሚባለው የሕግ አውጪ ምክር ቤት ነው። ቃሉ የመጣው ከፈረንሳይኛ ቋንቋ ሲሆን ትርጉሙም መነጋገር ማለት ነው። በአብዛኛው ሚኒስትራዊ አስተዳደር በሚከተሉ ሀገሮች ይተገበራል።
በኢትዮጵያም ሕዝቦች በየአምስት ዓመቱ
የሚመርጧቸው ተወካዮቻቸው የሚገኙበት ምክር ቤት ነው። ስያሜውም «የሕዝብ ተወካዮች ምክር ቤት» በመባል ይታወቃል።
የበርካት ሀገራት መንግሥታዊ ምክር ቤቶች "አሴምብሊ"፣ "ኮንግረስ"፣ "ፓርላማ" ... በሚሉ ስያሜዎች ይጠራሉ። ነገር ግን ለየት ያሉ ስያሜዎችን የሚጠቀሙ አገራትም አሉ። ከነዚህም በጥቂቱ የሚከተሉት አገራት ይጠቀሳሉ፦
➥ የሩሲያ ፓርላማ «ዱማ» ይባላል።
➥ የህንድ ፓርላማ «ሎክ ሰብሀ» እና «ራጅያ ሰብሀ» በሚል ስያሜ ይታወቃል።
➥ «ሀውስ ኦፍ ሎርድ» እና «ሀውስ ኦፍ ኮመን» ተብሎ የሚጠራው የብሪቲሽ ፓርላማ ነው።
➥ የዩናይትድ ስቴትስ ኦፍ አሜሪካ ፓርላማ «ሴኔት» እና «ኮንግረስ» ይባላል።
➥ «ሾራ» ተብሎ የሚጠራ ፓርላማ ያላት አገር አፍጋኒስታን ናት።
➥ የእስራኤል ፓርላማ መጠሪያ «ክኔሴት» ነው።
➥ የጃፓን ፓርላማ «ዳይት» ይባላል።
➥ «ትሶግዱ» የሚባል ፓርላማ ያላት አገር ቡታን ነች።
➥ የባንግላዴሽ ፓርላማ «ጄትያ ሳንሳድ» ተብሎ ይጠራል።
➥ የጀርመን ፓርላማ «ቡንደስትራ» (ታች ቤት) እና «ቡንደስታግ» (ላይ ቤት) በመባል ይታወቃል።
➥ «ፎርኬቲንግ» የዴንማርክ
➥ «ስቶርቲንግ» ደግሞ የኖርዌይ ፓርላማዎች መጠሪያ ነው።
➥ የስፔን ፓርላማ «ኮርቴስ ጄኔራሌስ»
➥ የኔፓል «ራሽትሪያ ፓንቻያት»
➥ የታይዋን «ዩዋን»
➥ የፖላንድ ፓርላማ «ሰይም»
➥ የሞንጎሊያ «ኩራል»
➥ የኦማን «ሞናርኪ»
➥ የግሪክ «ቼምበር ኦፍ ዲፒዩቲስ»
➥ የሳኡዲ አረቢያ «መጅሊስ አል ሹራ»
➥ የኡዝቤኪስታን «አሊይ መጅሊስ»
➥ የኢራን፣ የአዘርባጃን፣ የማሌዢያ እና የማልዲቭስ ፓርላማዎች ደግሞ «መጅሊስ» በመባል ይጠራሉ።
━━━━━━━━━━━
ምንጭ ➢ የዕውቀት ማኅደር
እና ➢ ድረ-ገፅ
📖 📖 📖 📖 📖
https://t.me/Ethiobooks
10 310
እሳትና ጥበብ
══✦══
✍ ሄኖክ በቀለ
'
ሰዎች እንዲህ ናቸው
°
የትዕዛዝ ዳዴ
ይጎትትህና - ስትጀምር መራመድ
እሳት ይሰጡሃል - ሸፋፍነው በአመድ
°
ከሩቅ ይሆኑና ...
ከቤትህ ቃጠሎ ...
የሚግተለተል ጢስ - ይጠባበቃሉ
ግማሹ ተቃጥሎ
ግማሹን አተረፍን - አጠፋነው ሊሉ
°
ብልጥ ከሆንክ ግን
ከምላስ 'ሚወጣ - ፍሙንም ተቀበል
ከድርጊት 'ሚመጣ - ግለቱን ተቀበል
አመዱን ገላልጠህ - ጥበብ አክልበት
ሊያቃጥሉህ ሲሹ - አንተ ብሰልበት።
═══════
📖 📖 📖 📖 📖
https://t.me/Ethiobooks
10 310
ም ላ ስ
👅 👅
👅
ምላስ ይቀባል፣ ጥርስ ይወጋል።
👅
ምስጢረኛ ምላስ የለውም።
👅
ምላስ ከጥርስ፣ እጅ ከልብስ።
👅
የተቀማጭ፣ ምላሱ ምላጭ።
👅
ምላሱ አይታጠፍም።
👅
የባለስር፣ ምላሱ አስር።
👅
ምላስ ቢጥም፣ ቀዶ ይጠቅም።
👅
መልካም ምላስ ቁጣን ታበርዳለች።
👅
ባንድ ራስ፣ ሁለት ምላስ።
👅
ምላስ ያስቀጣል፣ ስለት ይቆርጣል።
👅
ቀይ ምላሱ፣ ጥቁር ራሱ።
👅
በምላስ የተወጋ፣ ቢታከም አይድንም።
👅
ያላረፈች ምላስ፣ ሸማ ትልስ።
👅
የሰው ምላስ መንታ፣ አንዱ ለሙገሳ አንዱ ለሐሜታ።
👅
ምላስ አጥንት የለው፣ ግን አጥንት ይሰብራል።
👅 👅
ነገር በምሳሌ
@ethiobooks
10 310
መልካም ምላስ ቁጣን ታበርዳለች
━━━━━✦━━━━━
✍ ከበደ ሚካኤል
'
እናቱ በጣም አድርጋ የምትወደው አንድ ልጅ ነበር። እሱም ከዐጥር ግቢያቸው ውስጥ ከሚገኙት የኮክ ዛፎች ላይ እየወጣ ፍሬውን ሲቆርጥ እናቱ ብዙ ጊዜ ታየው ነበርና ከዛፉ ላይ ወድቆ አደጋ ያገኘዋል በማለት ስለሰጋች እንዳይወጣ መላልሳ ብዙ ጊዜ ከልክላው ነበር።
አንድ ቀን ከቤት ውስጥ ሆና እንደ ልማዱ ከኮኩ ዛፍ ላይ ፍሬ ሲለቅም በመስኮት አየችው። ከቤት ሲገባ ጠርታው "ከዛፍ ላይ አትውጣ ብዬ ከልክዬህ አልነበረምን? ለምንድን ነው ዛሬ ደግሞ የወጣኸው?" ብላ ጠየቀችው።
እሱ ግን ደንግጦ "አልወጣሁም" ብሎ ካደ። እሷም በጣም ተቆጣችና "ደግሞ ከማጥፋትህ መዋሸትህ ይባስ። ባይኖቼ እያየሁህ ትክደኛለህ?" ብላ ልትመታው ተነሣች።
እሱም አሳዛኝ የሆኑትን ዐይኖቹን እያንከራተተ ለዛ ባለው አንደበቱ "እማማ እወድሀለሁ ትዪኛለሽ፣ እንደምትዪኝም እውነትም የምትወጂኝ ከሆንሽ ባይኖችሽ ካየሽው ይልቅ እኔ የምነግርሽን አብልጠሽ ማመን ይገባሻል" አላት።
ደማሙ ልጅ ይህን ማለቱ 'ስለ እኔ ፍቅር ብለሽ ያየሽውን እንዳላየሽ አድርገሽ አሳልፊው እንጂ በጥፋቴ ለምን ትሞግቺኛለሽ?' ብሎ መለማመጡ ነው።
እናቱም በዚህ ለዛ ባለው ንግግር ከቁጣዋ በርዳ በመምታት ፈንታ ልጅዋን አቅፋ ሳመችው። ዐይኖችዋም ዕንባ አቅርረው ይታዩ ነበር።
━━━━━━━━━━
📔 ታሪክና ምሳሌ - ፩ኛ መጽሐፍ
📖 📖 📖 📖 📖
https://t.me/Ethiobooks
10 310
• ጓደኛችሁ በፍቅር ዘርታችሁ •
በምስጋና የምታጭዱት ማሳችሁ ነው
━━━━━✦━━━━━
✍ ካህሊል ጅብራን
'
አንድ ወጣትም አለው፦ «ስለ ጓደኝነት ንገረን?»
እሱም እንዲህ በማለት መለሰለት፦
«ጓደኞቻችሁ ለፍላጎቶቻችሁ ምላሽ ናቸው። ጓደኛችሁ በፍቅር ዘርታችሁ በምስጋና የምታጭዱበት ማሳችሁ ነው። ገበታችሁና የምትሞቁት እሳታችሁም ነው...
«በራባችሁ ጊዜ ወደ እሱ የምትሄዱትን ያህል በሰላም ጊዜስ አትፈልጉትምን?...
«ጓደኛችሁ ከአዕምሮው ጋር ሲነጋገር በገዛ አዕምሯችሁ ውስጥ ስላለው ‹አሉታ› አትስጉ። ‹አዎንታ›ንም አትንፈጉት። ዝም ባለ ጊዜ ልባችሁ፣ ምኞቶችና ተስፋዎቻችሁ ሁሉ ቃላትን መጠቀም ሳያስፈልግ ያለ ሆታና ጭብጨባ ተወልደው በወዳጅነት የምትጋሯቸው ነገሮች ናቸውና...
«ከጓደኞቻችሁ ስትለያዩ አትዘኑ። ለተራራ ወጪ ሰው ተራራው በግልጽ የሚታየው ከሜዳው ላይ ሆኖ እንደሆነ ሁሉ፣ ከሁሉ አስበልጣችሁ በምትወዱት ሰው ውስጥ ያለው ብዙ ተወዳጅ ነገር የበለጠ ግልጽ ሆኖ የሚታያችሁ እሱ በሌለበት አይደለምን?...
«እናም በጓደኝነት ውስጥ ከመንፈስ ጽናት በስተቀር ሌላ ምንም አላኖራችሁም...
«የገዛ ራስን ምስጢር (ምኞት) ለመፍታት ከመሻት በስተቀር ሌላን የማይፈልግ ፍቅርስ ዋጋ ቢስ ነገሮችን ብቻ ለማጥመድ ወደ ባህር የተወረወረ መረብ እንጂ ፍቅር ሊሆን ይችላልን?...
«ደግሞም ለጓደኛችሁ የተቻላችሁን ያህል መልካም ሁኑለት። የልባችሁን ባህር የማዕበል ሞገድ ማወቅ ካለበት የውኃ ሙላቱን (ጎርፍንም) ጭምር ይወቅ...
«በጣዕረ ሞት (በመቀበሪያ) ጊዜያት ልትፈልጉ የሚገባችሁ የቱን ጓደኛችሁን ነው? ሁልጊዜም በፍስሃ (በሕይወት) ጊዜያት ፈልጉት። ባዶነታችሁን ሳይሆን ፍላጎታችሁን መሙላት የሚገባው እሱ አይደለምን?...
«በጓደኝነት ጣፋጭ ጊዜያት ውስጥ ሳቅና ደስታን መጋራት ይኑር። ልብ ንጋቱን (ብርሃኑን) አግኝቶ የሚታደሰውስ በጥቃቅን ነገሮች ጤዛ ውስጥ አይደለምን?»
━━━━━━━━━━
📔 የጠቢባን መንገድ
ትርጉም ➢ ሀብታሙ ተስፋዬ
📄 40 - 41
📖 📖 📖 📖 📖
https://t.me/Ethiobooks
