|شعر اوجاغی|

▫️قارغیمیش‌لار شهرین باغرینا آلمیشدی حاصار، بوردا قار، اوردا یاغیش، هارداسا یول یورغونو وار. بو یاغیشسیز شهرین یاز بولودوندان اله‌نیر، بیزه تهمت، بیزه قارغیش، بیزه نیفرت، بیزه عار! دایناسورتک کسیلیبدیر کؤکوموز اورماندان، قالماییبدیر بو ساواشلاردا نه یولداش، نه‌ده یار. خیاوانلارداکی اینسانلارا یوخلوق ساریلیب، خیاوانلاردا وئریب قول-قولا یالقیزلیق‌لار. بو قارانلیق گئجه‌لرده ییخیلان هر شاعیر، ال آتارسا قلمه بیر نئچه‌ خط سانجی‌ دوغار. گاه اؤپور، گاه‌ دؤشه‌ییر بئینیمه داش یومروغونو، اوتاغیمدا اوتوران بوْزکراواتلی جاناوار. جاناوار بایراغی آغدان چئویرر قاپ-قارایا، جاناوار هرگون اؤزون تپ-تزه بیر رنگه بویار. و آنام سانجی‌لار ایچره دولانار کردیمیزی، اکدیگی غؤنچه‌لری گؤزیاشی‌ ایله سووارار. شهرین دال بوجاغیندا دیل آچان شاعیر اوچون، آچیلیبدیر یئنه دوستاق، قورولوبدور یئنه دار. خیاوان‌لاردا گزیب هرکسی گؤرجک دئییرم: آمان آللاه، نییه اینسانلارا بنزیر بو داوار؟! باری سن گل منی آل باغرینا، من-من، آناجان! گؤزلریم کور، آیاغیم شل، قولاغیم کاردیر، کار. حسرتیک بیر نئچه ایلدیر شیرینه، قیرمیزیا، باغلاری دوستاغا سالمیش سویوق اللرله دووار. یولونو سال بو قارانلیق ائوه، کندین‌له گتیر، بیر قوجاقلیق قیزیل آلمایلا بیر آز قیرمیزی نار! #آتیلا_حاجیزاده @SheirOcagi

⁨ ⁨ ‌ ✨ قارانلیغا چیراقلار 📝 شعر: پاشا موغانلی 🎶 ائی‌آی موسیقی و ویدئو: مریم چرخ‌انداز 🔸آی مهربان اوشاقلار قارانلیغا چیراقلار گلین بیرگه باشلایاق یاخشیلیغی خوشلایاق دوست ساناق حئیوانلاری اوزمه‌یک اینسانلاری آغاجلاری قیرمایاق قوشلارا داش وورمایاق گلین، گلین، گلین وئرک ال-اله یاردیم ائدک، یاشیللیق اوزو گله گله‌جک‌لره گئدک صاباحلارا فیکر ائدک یاشایاق ایراده‌لی بئله گئدک ایره‌لی طبیعت‌له دوست اولاق بیرلیکده یاشیل قالاق سئوه‌ک آتا-آنانی پاریلداداق دونیانی گلین، گلین، گلین وئرک ال-اله یاردیم ائدک، یاشیللیق اوزو گله بیزی پایلاشماغی اونوتمایین🧡 @tulkuacademy

▫️اؤیله اینسانلار وار کی، نه سؤیله‌دیگی یالانلار بیتر، نه ده سؤیله‌دیگی یالانلار ویجدانینی راحاتسیز ائدر. #الکساندر_دوما #شعر_اوجاغی @SheirOcagi

▫️هر شئی منی بوراخدی، اۆزونتولریم و سنین خیالین باشقا. #سالم_عطیر #شعر_اوجاغی @SheirOcagi

▫️موحاصیر‌ه‌نی موحاصیره ائت، قاچیش یولو یوخدور! قوْلون دوشدو، اونو گؤتور، دوشمنینی اونونلا وور! من ده یاخینلیغیندا دوشموشم، منی گؤتور، دوشمنینی من‌له وور! ایندی سن آزادسان، تاماماً آزاد. #محمود_درویش #شعر_اوجاغی @SheirOcagi

دیالوق ▫️- سئومه‌دیگین بیرینی سئودیگین کیمی گؤسترمک، سئودیگین بیرینی سئومه‌دیگین کیمی گؤسترمکدن داها چتین‌دیر. 🎬 The lobster 2015 #یورگوس_لانتیموس #شعر_اوجاغی @SheirOcagi

▫️نه یاخشی! خیالیمدا ماوی دنیز، سولاریندا آی دوغرانیب چیلیک-چیلیک. ساحیلدن اوزاق غریب بیر ساکیتلیک. اولدوزلار دنیزین لپه اوووجلاریندا نوغول کیمی‌یدی. بو گئجه دنیز ناغیل کیمی‌یدی. خیالیمدا ماوی دنیز، آغ یئلکَنلی بیر قاییقدا اۆزوردوک بیز، قاغایی کیمی. بیر آز اوّل، باغرینا باسمیشدی دنیز سنی. سیخمیشدی دالغا قوْللارینین آراسیندا. لپه‌لر دوداق-دوداق، ساچلارین ایسلاق-ایسلاق. یاناغیندان، دوداغیندان، ساچیندان، بوتون بدنیندن، اؤپوش دامجیلاییردی- دنیز اؤپوشو. ائله بیل چوخدان آرزولاییرمیش بو گؤروشو. گؤزلرینین قاراسیندا، دنیزه وورغونلوق واردی. ذیروه‌لنمیشدی حسَدیم، دنیز اولماق ایسته‌ییردیم. سونرا، چیرپینیب چیخدین دنیزین قوینوندان- ایستی قوجاقدان چیخانلار کیمی. تیتره‌ییردین هانسی حیسّین‌سه آلتیندا. گؤرونوردو بوتون اینجه‌لیک‌لرین، یام‌یاش، نام‌نازیک دوْنون قاتیندا. سیغیندین سینه‌مه سویوقدان، نؤقطه قویدون حسدیمه. دویغولاریم جؤولان-جؤولان، داماریمدا اود توتدو قان. نه یاخشی دنیز اولمامیشام، نه یاخشی اینسانام، اینسان! بیر ده، یاخشی کی خیاللار وارمیش، یوخسا خسته‌لر دلی اولارمیش! #توفیق_یوسف

▫️ایتمیشم ایچیمده من. سنی سوراقلاشیرلار، رفده قالان کیتاب‌لار. یولونو گؤزله‌ییرلر، خومدا یاتان شراب‌لار. قاییدیب گله‌جکسن، قارانلیق چکیلنده؟ کوچه‌میزه سو سپیم، یئره نور سپیلنده؟ گونش داها دوغماییر، قارانلیق گئجه‌لرده. ایشیق اؤزون اؤلدورور، باغلی پنجره‌لرده. داها گمی گلمه‌ییر، بو دومانلی لیمانا. کیم ایسته‌ییر کی گلسین، بو چنه، بو دومانا؟! ایتمیشم ایچیمده من، بیلمیرم هایاندایام. اویاندان بیر سس گلیر، آمّا من بویاندایام. #میرحسین_دلداربناب @SheirOcagi

▫️یارالی یاشادیق، یازیق یاشادیق، یاندیق، یارامیزا دوز باغلادیلار. چاپیلدیق، تالاندیق گؤز قاباغیندا، گؤزلر باخا-باخا، گؤز باغلادیلار. وطنسیز یاشادیق وطنیمیزده، اورَکسیز یاشادیق بدنیمیزده. یاتدیق، یاتیرتدیلار کفنیمیزده، دوردوق، بویوموزا بئز باغلادیلار. دانیشدیق، سسلرده سسیمیز ایتدی، سوسدوق، آغزیمیزدا سؤزوموز ایتدی. گئتدیک، آرخامیزدا ایزیمیز ایتدی، قالدیق، اۆزوموزه اۆز باغلادیلار. بیز اللری یالین، دیزلری خسته، ازیلیب توْز اولدوق بو یوللار اوسته. کسیک بوغازلارا کسمه-شیکسته، سینیق بارماقلارا ساز باغلادیلار. شهر پئندیر اولدو، کوچه‌لر بیچاق، ائو-ائو، کوچه-کوچه بؤلوندوک آنجاق. خیاوانلار سویوق، کوچه‌لر سازاق، اوْدونلار اوجاقدا بۇز باغلادیلار. باشیمیزا چیخدی باش گتیرن‌لر، دولو آپاران‌لار، بوش گتیرن‌لر. بیزه قاپی-قاپی قیش گتیرن‌لر، پنجره-پنجره یاز باغلادیلار. #فرمان_فرضی @SheirOcagi

▫️بیر اینسان تک بیر یئرده دوغولا بیلر، آما نئچه یول، نئچه یئرده اؤله بیلر. #محمود_درویش #شعر_اوجاغی @SheirOcagi

▫️مه جمالینده نقابی اولماسا گر، غم دئییل، شعله‌ی رخساری چونکی اؤرتویوندن کم دئییل. محنت و درد و غمیم معلوم دئییلدیر بیر کسه، چونکی بیر کس من کیمی سرگشته‌ی عالم دئییل. کویینین تورپاغینا ائتمیش ملک‌لر سجده‌لر، کیم کی خاکِ کویین اولمازسا، یقین آدم دئییل. قلب ائویندن عقلیمی عشقین چیخاردیب، ای ملک! بؤیله دیوانه منیم‌له بیر داها محرم دئییل. چینِ زولفونده ائدیب مسکن بو دیوانه کؤنول، بیر کؤنول یوخ کیم اسیرِ طرّه‌ی پُرخم دئییل. دردِ عشقین ذؤوقونو بیر کیمسه بیلمز، سئوگیلیم! اول سببدن بیر کؤنول بو دهرده خرّم دئییل. باده‌سیز، معشوقه‌سیز ائتمه گؤزل عؤمرون تلف! ای «فضولی»، تئز کئچر؛ عؤمره بنا محکم دئییل! #حکیم_ملامحمد_فضولی #شعر_اوجاغی @SheirOcagi

دیالوق ▫️- بونو تجروبه گؤستریب: سن هر نه تهر اولسان، اینسانلار باشقا تهر دوشونه‌جکلر. 🎬 The Sea Inside 2004 اسپانیا #آلخاندرو_آمنابار #شعر_اوجاغی @SheirOcagi

▫️ایمکانیم اولسایدی... سیییریب چیخارتدین منی دردیمدن، قۇجاغی بئشیک تک بوش قالدی دردیم. ایمکانیم اولسایدی، کیرپیک‌لریمدن، آیاق ایزلرینه چپر چکردیم. اوستا غم الینده ساری سیم ایدیم، بیر هیمه بند ایدیم، هؤنکوروم، دینیم. اؤزوم اؤز ایچیمده غریب کیمی‌یدیم، اؤزومو اؤزومه قایتاردین منیم. دَییشدی گونومون، آییمین کؤچو، سئوینج یووا قوردو دیلک‌لریمده. ایمکانیم اولسایدی، بو قایغی اوچون، سنی ساخلایاردیم ببک‌لریمده. دوشموشدوم بیر حسرت بۇرولغانینا، عؤمرومو هاوایی چؤزه‌له‌ییردیم. ایمکانیم اولسایدی دؤنوب قانینا، سنده عؤمرون بویو دؤور ائله‌یردیم. #توفیق_یوسف #شعر_اوجاغی @SheirOcagi

▫️هر پاییز اۆزومو یاغیشدا یوماق اوچون مئشه‌ده آددیملاییرام. بیر یارپاق ساری، بیر یارپاق قیرمیزی، بیر یارپاق اود کیمی آلیشیر... اؤزومدن سوروشورام: دوغرودان بونلار یارپاق‌دیر، یوخسا آغاجلارین دوشونجه‌لری؟ گؤره‌سن مئشه ده اۆزولوب آغلاییر؟ گؤره‌سن مئشه ده خاطیره‌لری آنلاییر؟ گؤره‌سن آغری چکیر؟ گؤره‌سن سیزلاییر؟ گؤره‌سن آغاج کئچمیشینی خاطیرلاییر؟ #سعاد_الصباح #شعر_اوجاغی @SheirOcagi

‍ ▫️بیر گون بیرین سئوه‌جکسن، من سنی سئودیگیم کیمی. او دا سنی سئوه‌جکدی، سن منی سئودیگین کیمی. گؤزون یولوندا قالاجاق، گلمه‌یه‌جک گؤروشونه. گۆله‌جکسن منیم کیمی، غم دولاجاق گۆلوشونه. یاواش-یاواش ترک ائده‌جک، تبسّوم ده دوداغینی. اوره‌ییندن قوپان آتش، یاندیراجاق یاناغینی. سئودیگین یاخاجاق سنی، سن منی یاخدیغین کیمی. اونا ملول باخاجاقسان، من سنه باخدیغیم کیمی. بیرر-بیرر ییغاجاقسان، ایندی باغا اکدیگینی. اوندا یاخشی دۇیاجاقسان، ایندی سندن چکدیگیمی. او زامان من اولمایاجام، ایندیکی کیمی یانیندا. منی تاپماییب دردینی، دئیه‌جکسن خیالیندا. بیر گون بیرین سئوه‌جکسن، من سنی سئودیگیم کیمی. او دا سنی سئوه‌جکدی، سن منی سئودیگین کیمی. #جیغاتئل_عیسی‌قیزی #شعر_اوجاغی @SheirOcagi

▫️سامان‌یولوندا وبا نه اولدو، اوشاقلارینین وارلیق شرطلرینی اؤنجه‌دن بیلن، اللری‌یله دیَن، قوخولایان، حاضیرلایان عادتا سببینه یئتمه‌دن، یئتیشمه‌دن، اؤنده‌کی قورخولارلا قورخان، ظریف، لطیف آنالار، نه اولدولار؟ هاردا، گئجه‌یاری‌لاریندان سونرا چیخیب سامان‌یولونا باخان، باخاراق اوشاقلیغی اوزاتماغا چالیشان، ایشلری گونشین دوغوشونو یایینلاماق اولان، بوتون او اوشاقلار هاردالار؟ آرتیق اؤزوموزه بئله او قدر یاخین دئییلیک، گئجه‌یاری‌لاری سامان‌یولو یوخ. گون دوغموش-دوغمامیش بوتون آلمالار چۆرودو. گزدیم بوتون تورپاق‌لاری، اوشاقلیغیمیزین دوربین‌لری ایچیندن کئچن سیاه حالقالی قوتسال شهرلردن بیرینی تاپا بیلمه‌دیم. عشق سیاهین بیاضدان آیریلدیغی، سامان‌یولوندا یئرییَن بیر قاریشقا، ان ساغالماز وبانی، ایکی قاتلی بیر آرابادا قوتلایان بیر گؤیرچین. بو بیزه یاخینلاشان بیر دنیز آراباسی، سن ایراقدا، سامان‌یولو ایراقدا، و آی باشقا بیر آی، ساریسی بیاضینا آخمیش بۇلاشمیش بیر یومورتا. #سئزایی_کاراکوچ #شعر_اوجاغی @SheirOcagi

▫️کؤنلومون آئینه‌سین سیندیردی اول زیبا منیم، آرزوسو قلبیمین باش توتمادی اصلا منیم. گر میّسر اولماسا وصلی او ماهین، یوخ عجب، مقصدیم‌تک اولمامیشدیر همّتیم والا منیم. هر یارامدان شعله چکمیش بونجا قلبیم آتشی، اود توتار اولسا یانیمدا یارِ بی‌پروا منیم. وصلِ جانانین بهاسی گوهرِ جان‌دیر منه، جانیمی آلسا، نه غم! وار بؤیله بیر سئودا منیم. قلبده یئر ائیله، گر عاشقسن اؤز معشوقونا! قبرم، آتشدن وجودوم ائیله‌مز پروا منیم. اخترِ بختیم یانیبدیر برقِ آهیمدان، ولی درده باخ، اولدوزدان آهیم سئیر ائدر اعلا منیم! واردی کؤنلومده امیدِ وصل و هجران قورخوسو، ای فضولی، یاندی کؤنلوم، اولدو بی‌غوغا منیم. #حکیم_ملامحمد_فضولی #شعر_اوجاغی @SheirOcagi

▫️ان گوجلو ساواشچی اؤزونو یئنن اینسان‌دیر. #کونفوسیوس #شعر_اوجاغی @SheirOcagi

▫️بو شیرین یۇخونو نئجه یوْزایدیم؟ بو شیرین یوخونو نئجه یوزایدیم؟ حسرتیم توختاییب بختوَرلندی. «کرمی» اوْدوندا یانان ساز ایدیم، «واغزالی» روحوما هاردان چیلندی؟! حیاتدا چاتمادیم بو خوشبخت‌لیگه، بیزی قوْووشدوردو سیرلی یۇخولار. بلکه ده درد-سری اوْووداق دئیه، گلیر عؤمروموزه، گلیر یۇخولار. منیم باهار سئوگیم چوخدان کیٖریییب، عؤمرومون باغینی پاییز تالاییر. سنین گولشَنینی جَه-جَه بۆرویوب، منیم بوْز چؤلومده بایقوش اولاییر. گلدی یۇخولاردا اوّلین سونو، بو شربت بئله‌جه ایچیلمه‌لی‌یدی! بیزیم توْیوموزون گلینلیک دوْنو، ائله یۇخولاردا بیچیلمه‌لی‌یدی! #توفیق_یوسف #شعر_اوجاغی @SheirOcagi

📽️آنا تومروس حاضیرلایان اؤلکه: قزاقستان‌ ایل: ۲۰۱۹ دیل: فارس‌(چئویری) (آشاغا حجم ۴۷۰mb) #شعر_اوجاغی @SheirOcagi