|شعر اوجاغی|

▫️آنام دونیانین ان گؤزل قادینی‌یدی، ان گؤزل گولومسه‌ین قادینی. سو'یا شکر قاتسا سۆتلاچ* اولوردو، تورپاغا کۆل تؤکسه، گۆل. #جان_یوجل * سۆد، شکر و دۆیۆدن حاضیرلانان بیر یئمک #شعر_اوجاغی @SheirOcagi

▫️سرمست ییخیلدیم یئنه میخانه‌لر ایچره، اولدوم یئنه رسوا نئچه فرزانه‌لر ایچره. یاخدیم اودا سجّاده و دستار و ردانی، بیر آد ائله‌دیم من دخی پروانه‌لر ایچره. ای شوخِ پری‌طلعت و ای سروِ گل‌اندام، گزمه، سنی تانری، بئله بیگانه‌لر ایچره! اول نرگسِ مستین نه فسونگردی، خدایا، سالدی منی مجنون کیمی دیوانه‌لر ایچره! گل، وئر منه بیر جام دا، ای ساقیِ گل‌فام، تا مست یازیم بو سؤزو افسانه‌لر ایچره! بالله، بو بتِ لاله‌رخون یوخدو نظیری، باخدیم نئچه مین صورته بتخانه‌لر ایچره! اول گنجِ خفی‌دن بیر اثر بیلمه‌دیم آخر، جانیم چۆرودو هئچ یئره ویرانه‌لر ایچره. ای کوثر اوچون آه چکن زاهدِ ابله، میخانه‌ده گل گؤر اونو پیمانه‌لر ایچره! غوّاص کیمی غوطه ووروب بحره «نباتی»، اول گوهری ایستر تاپا دُردانه‌لر ایچره. #سید_ابوالقاسم_نباتی #شعر_اوجاغی @SheirOcagi

▫️قارانلیق‌دیرسا گؤزلرینی آچ، یئنه ده قارانلیق‌دیرسا گؤیه باخ، اولدوزلاری گؤرمورسن‌سه الینی قلبینه آپار، دؤیونورسه صاباح ایشیق اولاجاق! 📚 قارانلیق گونش #زائور_پناه‌اوو #شعر_اوجاغی @SheirOcagi

▫️سن منه لازیمسان. سن منه لازیمسان سو تک، هاوا تک، سن منه لازیمسان اؤز جانیم قدر. سنی آرزولاییر سینه‌مده اورک، بو بؤیوک حسرتی دۇیمورسان مگر؟ غملی گونلریمده لازیمسان منه، قوواسان قلبیمین کدرینی سن. خوشبخت گونلریمده لازیمسان یئنه، بؤیوک سئوینجیمی یاری بؤله‌سن. کئف اوچون، ذؤوق اوچون، نشه‌یچون دئییل، خسته‌‌یه درمان‌تک منه گرکسن. حیاتین یوللاری توفانلی‌دیر، بیل، اونا گرمَک اوچون سینه، گرکسن! سن اومید، تسلّی، سن شیربن آرزو، سن عؤمور یئلکَنی دوماندا، چنده. بیر آز یاخشی دوشون، گولوم، دوغروسو سنه بونلار اوچون لازیمام من ده! #علی‌آغا_کۆرچایلی #شعر_اوجاغی @SheirOcagi

▫️کافه‌ده سونونجو ماسانین آرخاسیندا اوتوران شاعیرین دورومو کاغاذ اوسته اییلیب بیر بولود کیمی سئوگیلی‌ایله گزدییی تارلانین سؤزجویونه یاغیر... #رسول_یونان @SheirOcagi

▫️ساییلی ائللرین دردینی درد ائتمه‌ده‌سن کندینه سن، گوج دوشر بؤیله کئچن قیرخ ایله بیر نشه ایلی عؤمرونون زهرینی زینداندا دا  ذوق ائتمه‌یه باخ، گونلر، آیلار، سنه‌لر هاردا؟! نفس‌لر ساییلی‌. #فاروق_نافیذ_چاملی‌بئل #شعر_اوجاغی @SheirOcagi

▫️گرچه بیمارسان اگر، دردینی سن لوقمانا سور، خالقِ عالم اولان اول صاحبِ سبحانه سور! چاره‌سیزلیک چاره‌سی گرچه اؤلوم‌دور، آمّا کی، «ساغ ایکن اؤلمک نه‌دیر» سن بو جسمه، بو جانه سور! جسمی یاندیرماق ایلن سن عشقینی ائتدین بیان، روح ایله یانماغی دا گل مندن، ای پروانه، سور! سانمادیم من عؤمرومه سنسیز کئچن گونلریمی، «نه چکیبدیر بو جیسیم؟!» سنسیز کئچن زامانه سور! عشقین اؤیرتدی منه، گئرچک اولان زندان نه‌دیر، محبس و زیندانلیغی من- یوسف کنعانه سور! آنلاماز کیمسه سنی «ائلنور» بو عالمده، زیرا، اولماییب سن کیمی وارلیق؛ ایسته‌سن، دؤورانه سور! #ائلنور_سلطان‌اوغلو #شعر_اوجاغی @SheirOcagi

▫️بیر اینسان، یالنیز، بیر یئرده دوغولا بیلر، آما نئچه یول، نئچه یئرده اؤله بیلر. #محمود_درویش #شعر_اوجاغی @SheirOcagi

دیالوق ▫️- همیشه یادیندا قالسین: گئرچک ایگیدلیک بیرینین حیاتینی الیندن آلماق دئییل، بیرینین حیاتینی باغیشلاماق‌دیر. 🎬 The Hobbit 2012-2014 #پیتر_جکسون #شعر_اوجاغی @SheirOcagi

▫️وطن من سندن بیر یاشیل بوداق ایسته‌دیم، سن منه بخش ائتدین زۆمرود مئشه‌لر. من سندن کیچیک بیر اوتاق ایسته‌دین، سن منه بخش ائتدین دلبر گوشه‌لر. من سندن عادیجه حیات ایسته‌دیم، سن منی چیخارتدین مین-مین سحَره. من سندن کیچیک بیر قاناد ایسته‌دیم، سن منی اوچورتدون انگین‌لیک‌لره. من سندن بیر دسته چیچک ایسته‌دیم، منیمچون دؤرد فصیل یاز ائله‌دین سن. من سندن ایلهاملی اورک ایسته‌دیم، سن منه طبع وئردین میلیون اورکدن. من سندن کیچیک بیر سئوینج ایسته‌دیم، سن منه بخش ائتدین بۆتوو سعادت. من سندن بیر پارچا بۆرونج ایسته‌دیم، سن منه بخش ائتدین خزینه، دؤولت. من سندن ایسته‌دیم آچیق بیر آلین، سن منه بخش ائتدین عظمت، ووقار. من ده باشی‌ آچیق، آیاغی یالین، یولوندا جان قویسام، یئنه آز اولار. بلکه، بونا گؤره عظمَتلیسن نه‌یین وار وئرمیسن، اسیرگه‌مه‌دن. سن بیر آنا کیمی سخاوَتلیسن، آنام آزربایجان، وطن، جان وطن! #علی‌آغا_کۆرچایلی #شعر_اوجاغی @SheirOcagi

▫️سوزوم داریخیر.   سن منی یاشاتدین، من بنؤوشه‌نی، کیم گؤروب آغلادا سئون سئوَنی؟ من سنی دۇیمادیم، باغیشلا منی! بونلار اوره‌ییمین چارداغین ییخیر، هر نه‌دن یازیرام سؤزوم داریخیر. دۆن گئجه دنیزی دنیزه قاتدیق، یاتان دویغولاری بیردن اویاتدیق. سئوگی هارا چاتدی، بیز هارا چاتدیق! باخ، منیم اوستومه ایلدیریم شاخیر، هر نه‌دن یازیرام سؤزوم داریخیر! گئدیرم غرق اولام دوماندا، چنده، ماهنی منده سولوب، سئوگی ده سنده. قیناما! بنؤوشه بنده دوشنده، بیر کدر سینه‌می یاندیریب یاخیر، هر نه‌دن یازیرام سؤزوم داریخیر. داریخیر یازی‌لار، داریخیر الیم، بیچیلیر بوغازیم، باغلانیر دیلیم، بیلمیرم یاشاییم، بیلمیرم اؤلوم؟ قیریق قافیه‌لر بئینیمی سیخیر، هر نه‌دن یازیرام سؤزوم داریخیر. گؤر نئجه لحظه‌دی، گؤر نئجه آن‌دی، بیر پری دنیزده اود توتوب یاندی! اؤزونده بوغولما، خزر، آماندی! ساحیل اۆز چئویریب ساحیله باخیر، هر نه‌دن یازیرام سؤزوم داریخیر. #دومان_بختیاری @SheirOcagi

▫️بیر گؤز بیر گؤزه نه‌یی آنلادار، بیلمه‌رم، آما، بیر سؤز بیر گؤزو ایللرجه آغلادار. #جمال_ثریا #شعر_اوجاغی @SheirOcagi

▫️سنی، کؤکسومدن قلبیمی سؤکر کیمی سؤکه‌رک بوراخدیم. #صباح‌الدین_علی #شعر_اوجاغی @SheirOcagi

▫️اوره‌ییم گیزلیجه آلیشیر، گیزلیجه یانیر، تۆستوسون عالمه یایمیر اوره‌ییم. اؤزو چکدیگینین یوزدن بیرینی، سنین چکمه‌یینه قییمیر اوره‌ییم. قلبیمه قولاق آس، قلبیمی دینله، آغلاییر سنین‌له، گولور سنین‌له! ائله اود وورموسان بیر گئدیشین‌له، نه سوُنمور، نه‌ ده کی سوْیومور اوره‌ییم! گئن گَزمه، گوُر منیم نه حالتیم‌دی! عوُمور آز، دونیا دا اؤلوم-ایتیم‌دی. سن گئدندن کیمسه‌سیزدی، یئتیم‌دی، هئچ‌ کسه یوْووشمور، اویمور اوره‌ییم. «شوجاعت»ام، چوخ یانمازدیم، سؤنردیم، دؤزولمزدی، چکیلمزدی بو دردیم. مندن اولسا واللاه چوخدان دوُنردیم، آمّا گوجوم چاتمیر، قویمور اوره‌ییم. #شوجاعت_كلبجرلی @SheirOcagi

▫️شفقت آدم اؤولادی بوغارکن بابا- بیر قارداشینی، باسیور باغرینا همجینسینی موشفیق جاناوار. بشرین ضیدّینه، حئیوان سوْیو اینسان‌لاشیور، ایگیدین شفقتی یوخ، لاکین ایتین شفقتی وار. #فاروق_نافیذ_چاملی‌بئل #شعر_اوجاغی @SheirOcagi

▫️حسرتین گئتدین، حسرتینه تاپشیردین منی، تک قالا بیلمزدیم غم‌له، کدرله. حسرتین دانیشدی اولوب-کئچنی، منی اوْووندوردو خاطیره‌لرله. سنلی گونلریمی آنیب دانیشدی، جانلاندی قارشیمدا صورتین سنین. منیم عوضیمه یانیب دانیشدی، سندن وفالی‌یمیش حسرتین سنین. حسرتین سینه‌مده ایل‌لندی قالدی، من اوندان آلیرام سنین عطرینی. حسرتین گؤزومده گؤل‌لندی قالدی، یامان ایسته‌ییرمیش منیم خطْریمی. اونون‌دور، یا سنین سینه‌مده‌کی داغ؟ بحثه گیریبسینیز داغ چکمکده سیز. حسرتین یاخین‌دیر، سن اؤزون اوزاق، گرک یئرینیزی دَییشردینیز! #علی‌آغا_کۆرچایلی #شعر_اوجاغی @SheirOcagi

▫️بعضاً حیس‌لریم اوچورلار بوردان هارالارا... بیر آز اوشاقلیق کوچه‌لرینه، بیر آز دا سنین گؤزلریندن آخان چیچک‌لره! هردن دوشونورم کی گیزلی بیر نور منی چاغیریر، قاچیرام جئیران بالاسی، اوچورام شاهین سئوداسی. سن ده کی او قدر اوزاقسان، آیاقلاریم، قانادلاریم هله ده یول گلیر! بیر آز دا سن گل، بلکه یاری یوللاردا ایکی باهار کوله‌یی تک قول-بویون اولدوق! #حسن_صفورا #شعر_اوجاغی @SheirOcagi

▫️یالنیز، او ساردی قاتیل گئجه دونیانی سیاه بیر کفنه، بیر امل اولدوزو گؤز قیرپیور آنجاق آرادان. مردی، نامردی، جوذام‌لار کیمی ترک ائتدی بیزی، بیزی یالنیز بوراخیب گئتمه‌دی، یالنیز، یارادان. #فاروق_نافیذ_چاملی‌بئل #شعر_اوجاغی @SheirOcagi

دیالوق ▫️- هر کسین اؤزونه گؤره اۆزونتوسو، سیخینتیسی وار. + دۆزدو، آما من داها آزینی ایسته‌ییردیم. 🎬 Three Colors: White 1994 #کریشتوف‌_کیشلوفسکی #شعر_اوجاغی @SheirOcagi