|شعر اوجاغی|

▫️تیکانلی گول بو بویدا داغ ایچنده تکجه منم بیتن گول بلکه ائله او منم چیچک‌لیکدن ایتن گول. داغ آللاهین گوجودور من آللاهین اسیری هئچ بیلمیرم اولموشام نه گوناهین اسیری؟ اوزدو بو حسرت منی بیری منی درمه‌دی کیچیک مکتوب ایچنده بیرینه گؤندرمه‌دی بلکه آجی چیچه‌ییم بونو بو داغ دئمه‌دی منی ندن بورادا  بیر آج قوزو یئمه‌دی؟ یادام بو داغ ایچینده بورا نئجه ائو دئییم؟ چئورمده بیر بولبول یوخ اونا، منی سئو دئییم. قایغی نئجه چکمه‌ییم منم واختسیز یئتن گول بو بویدا داغ ایچینده تکجه منم بیتن گول.   #مهدی_سهندی @SheirOcagi

▫️ساغلیقلی بیر اینسان هئچ واخت باشقاسینی اینجیتمز، اؤزو اینجیمیش اینسان اینجیدر. یارالانمیش اینسان‌لار باشقالارینی یارالاماغی سئورلر، منلیک حیسّی آشاغی اولان‌لار باشقا اینسان‌لاری آشاغیلاماغی، اونلارین اؤزگووَن و منلیگینی یوخ ائتمه‌یی چوخ ایسترلر. و سن اونلارین یانیندا اصلا بؤیومه‌یه‌جکسن، همیشه آلچالاجاقسان. #یونگ #شعر_اوجاغی @SheirOcagi

▫️ای گول، سنی آخر بیلیرم، اؤیره‌دن اولدو، سالدین منی هجرانه، بو بیلمم نه‌دن اولدو. دؤزدوم نه قدر زحمته، هر نازینی چکدیم، کؤنلوم غمِ عشقینده اسیر مِحَن اولدو. سن بؤیله وفاسیز دا دئییلدین، بیلیرم من، ظنّیمجه، سنی بو ایشه تحریک ائدن اولدو. رسوای جهان ائیله‌دین آخر منی، گئتدین، ایندی منه بیگانه گلیب طعنه‌زن اولدو. بیر واخت پشیمان اولاجاقسان بو عملدن، سندن بو ایشین بلکه حسابین چکن اولدو. گزدین، گؤزلیم، غیر ایله، من دردینی چکدیم، گلدی نه بلا باشیما، بو غصّه‌دن اولدو. «واحد»، او گولون وصلینه بیگانه یئتیشدی، دردین چکن عالمده بیر آنجاق حسن اولدو. #علی‌آغا_واحد #شعر_اوجاغی @SheirOcagi

▫️بیزه بو دونیا اؤلکه‌لرینین ایچینده بیر وطن وار، او دا قانیمیزلا آدینی یازدیغیمیز آزربایجان‌دیر. #سیدجعفر_پیشه‌وری #شعر_اوجاغی @SheirOcagi

دیالوق ▫️- گئنل اولاراق پیس آدام دئییلدی، البتّه آنلاق، گؤرونوش و کاراکتری نظره آلماساق. 🎬 Miller's Crossing 1990 آمریکا #شعر_اوجاغی @SheirOcagi

▫️آروادینا «آز» دئین‌لر، اؤزگه‌سینه «خانیم» دئییر. چیغیریب «قانماز» دئین‌لر، فاحیشه‌یه «جانیم» دئییر. #بختیار_واهابزاده #شعر_اوجاغی @SheirOcagi

▫️گؤیدن نه‌سه یاغیر، نه‌سه، بیلمیرم، قارا دا اوخشامیر، یاغیش دا دئییل. باخیشیم یادلاشیب، گؤزوم یاشلانیب، بو سیما اؤزومه تانیش دا دئییل. اؤزوم اؤز آتدیغیم داشا چاتیرام، اوچورام، بیر ناشی قوشا چاتیرام، آتامین اؤلدویو یاشا چاتیرام، مسأله بیر-ایکی قیریشدا دئییل. گئتمک چتین اولور، گلمه‌یه نه‌وار! اینسان اونوتقان‌دیر، بیلمه‌یه نه وار! ایلاهی، قوجالیب اؤلمه‌یه نه وار! اؤلوم یاخشی شئی‌دیر، بو یاشدا دئییل. عصالار اینسانا بویون اَییرلر، «یاخشی‌یام» دئین‌لر یاخشی دئییللر. کۆسدویوم آداملار نه‌سه دئییرلر، او نه‌سه نه‌دیرسه، «باغیشلا!» دئییل. #رشاد_ناغی_مصطفی #شعر_اوجاغی @SheirOcagi

▫️ایکی شئی آیاقلاریمی گونده‌لیک یاشامدان اوزور: موسیقی و فلسفه. #ایواز_طاها @SheirOcagi

▫️دولانیم باشینا ای نازلیجا یاریم، بری باخ! عشوه‌لی، غمزه‌لی، چم-خم‌لی نگاریم، بری باخ! عشوه آغاز قیلیب صبریمی تاراج ائتمه، گئتدی دلدن دخی آرام و قراریم، بری باخ! خم اولان قامتیم ابرولرینین قوربانی، زلفِ پُرتابینا قوربان تنِ زاریم، بری باخ! بو جفادیده دل اول کاکلِ مشکینه فدا، گؤزلرین صدْقه‌سی بو جسمِ فگاریم، بری باخ! جان نثار ائتمه‌یه آماده‌دی سیّد، گؤزلیم، گر دئسن لطف ایله: «ای عاشق زاریم، بری باخ!» #سیدعظیم_شیروانی #شعر_اوجاغی @SheirOcagi

▫️یاردیم ائت منه، سؤیله‌دیکلریمدن داها آرتیغینی آنلا! 📚 میلئنایا مکتوب‌لار #فرانتس_کافکا #شعر_اوجاغی @SheirOcagi

دیالوق ▫️- قارداشینیزین سوْرونو تام نه‌دیر؟ + اؤز دونیاسیندا سئیر ائدیر. - اۆزگونم، آما بونون نه عئیبی وار؟! 🎬 Rain Man 1988 آمریکا #بری_لوینسون #شعر_اوجاغی @SheirOcagi

▫️قارا گؤزلرینه باخیم دویونجا، گئدیب گؤی خزره باخانا قدر. بیر داملا یاش اولوم، گئجه بویونجا آخیم یاناغیندان، یاخانا قدر. بیر ملک نورو وار گؤزل اوزونده، مین معنا گزیرم هر بیر سؤزونده. گیریم، مسکون‌لاشیم قارا گؤزونده، گؤزله‌ییم آغ گونه چیخانا قدر. یوخوما گیرمیشدین یئنه بو گئجه، گئتدین، سن‌له گئتدی واریم، یوْخوم دا. سانکی آیریلمیشیق سن‌له ایندیجه، باخ، آیاق ایزلرین قالیب یۇخومدا. اومیدیم وار بلکه قاییداجاقسان گؤزله‌رم یولونو، گلَنه قدر. بلکه ده سن منی اونوداجاقسان، من سنی سئوه‌جم اؤلَنه قدر. حیاتدا تک سنه سالمیشدیم مئیلی، سنه «حیاتیمین معناسی» دئدیم. اؤلنده کلمه‌ی شهادت دئییل، بلکه ده من سنین آدینی دئدیم. #رئوف_تاغی‌یئو #شعر_اوجاغی @SheirOcagi

▫️بیزیم یئرلرده او سحر، نه آغاجلار آرا کۆشولده‌دی، نه یارپاق‌لارین قولاغینا پیچیلدادی، نه ده اوستونه شئه قونموش گوللرله اؤپوشدو. ایتی باخیشلاری کۆسموشدو پنجره‌لردن. سوراغینی جیویلده‌شن سرچه‌لردن توتدوم، خبرسیز ایدیلر. اونو اینجه‌قاناد کپه‌نک‌لردن سوروشدوم، دینمه‌دیلر. آنا تورپاقدان سوروشدوغومدا، یایلیغینین اوجو ایله گؤزلرینی سیلرکن، چیینینی سیلکه‌له‌ییب هؤنکوردو. او گون درین قویولار قازیلمیردی آیاق‌لاری آلتیندا، پوسقوسوندا دورمامیشدی اَلی بالتالی کؤلگه‌لر. درین دره‌لرین ناهامارلیغیندان سالام- صالاواتلا اللر اوستونده، شۆش ذیروه‌لرین چیینینه آپاریلدیغیندا، بیر آندا هامی اوچون آریندی، تمیز اولدو، نئجه ده عزیز اولدو! کؤلگه‌سینی گوللـه‌‌له‌ین‌لر داها چوخ وایسیندیلار، یولونا تیکان اکَن‌لر مزارینا گول سَپدیلر. گونش بارماغینی دیشله‌دی، شاشیردی مین‌اۆزلو آداملاردان. هه، بیزیم یئرلرده بئله‌دیر، اؤلمه‌یینجه دیریلمزسن، قاداسی! #سحر_خیاوی @SheirOcagi

▫️کیمده واردیر، گؤزلیم، سنده اولان جاذبه‌لر؟! سنه دونیاده مگر عاشق اولان دا غم ائلر؟! بس‌دیر، اؤلدورمه‌یه‌جکسن، گؤزلیم، دونیانی! هر اۆزو گؤیچک اولان دا بوقدر چم-خم ائلر؟! ناز و غمزه‌ن، یئریشین، شوخ باخیشین عالم‌دیر، بیر ده زولفون اوزه تؤکسن، او دا بیر عالم ائلر. اینجیمه، گؤز یاشیم آخسا سنی گؤردوکده، گولوم! گول آچیلدیقدا باهار فصلی، بولود شبنم ائلر. «واحد»ام، عؤمرومو من عشق‌له صرف ائیله‌میشم، عشق یا اؤلدورَر آخر منی، یا آدم ائلر. #علی‌آغا_واحد #شعر_اوجاغی @SheirOcagi

دیالوق ▫️- هئچ نه، اؤنمسیز شئیلر قدر گرَکلی دئییل! 🎬 Life is Beautiful 1997 ایتالیا #روبرتو_بنینی #شعر_اوجاغی @SheirOcagi

▫️دونیانین سونو کاریمدا دئییل، چونکی منیم دونیام دفعه‌لرجه سونا چاتیب ائرته‌سی گون صوبح، یئنیدن باشلانیب. #چارلز_بوکووسکی #شعر_اوجاغی @SheirOcagi

▫️شاهمات درده جانیم بله‌شیب، قهره اورک، زهره سینه گؤز یاشین یاشماق ائدیبدیر یاشاماق، چهره‌سینه. روحومون قانی آخیر، من ده اوزاقدان باخیرام، قارا قوزغون‌لارین اوستومده وئرن پؤهره‌سینه. چالاغان دیمدیگی، لئی قییناغی، کافتار دیشی‌دیر، باتیشیر وارلیغیمین هئی اتینه، شَهره‌سینه. بوداغیم اؤز کؤتویوم‌له بوغوشور بالتا کیمی، قورخودان تاپشیریرام خوللاریمی دهره‌سینه. دولاشیق بیر ساچا اوّلده دۆیونلنمیش ایدیم، قیریلیب دوشموشم ایندی فله‌یین جهره‌سینه. طالعین حوقّاسی توتدو منی، سالدی اویونا، شاهیمی لاپ هئچه وئردیم پیادا مؤهره‌سینه. بو شورانلیقدا پریشانلیق اکن‌لر، یورولون! نه بیچیبسیز بو قدر زحمتیزین بهره‌سینه؟ ایچریمده نئچه باتمان سؤالی چالخالیرام، لعنت اولسون زامانین بوش دبرن نئهره‌سینه! #امین_رسولی #شعر_اوجاغی @SheirOcagi

▫️بیر شئی یوخ؛ داغیلین هر کس ائوینه. آدامین بیری، تانری ایله بوغوشورکن اؤزونو پیچاقلامیش ایدی! #بهروز_اسماعیل‌زاده @SheirOcagi

▫️بیر شئی یوخ؛ داغیلین هر کس ائوینه. آدامین بیری، تانری ایله بوغوشورکن اؤزونو پیچاقلامیش ایدی! #بهروز_اسماعیل‌زاده @sheirOcagi

▫️یاتان میلت‌لر یا اؤلر یا دا کؤله اولاراق اویانار. #مصطفی_کمال_آتاتورک #شعر_اوجاغی @SheirOcagi