|شعر اوجاغی|

▫️سودا بوغولان بیرینی دوشونون! سودا بوغولماماق اوچون سامان چؤپوندن بئله توتونار! بو قدر چاره‌سیز بیر دوروم دوشونون! یعنی اینسان بعضاً ان عادی گؤرونن وارلیق‌لاردا تسلّی تاپا بیلیرمیش. اینسانی اینسان‌لاردان سوْیودان، اوزاق‌لاشدیران ائله اینسانین اؤزودور. بعضاً نئجه آمانسیز اولور، نئجه اورَکسیز داورانا بیلیر اینسان! #تئللی_داووداووا #شعر_اوجاغی @SheirOcagi

▫️هر بالاجا سئوینجدن سونرا، اؤزوندن سوروشوردو: بو بالاجا سئوینج بو گونلرده اوز وئرن اولایلارا خیانت اولمایا؟! سونرا آغلاییردی. #کیمیا_رجبی #شعر_اوجاغی ترجومه @SheirIcagi

▫️اؤیله مستم‌، بیلمزم کیم مئی نه‌دیر، مینا نه‌دیر، گول نه‌دیر، بولبول نه‌دیر، سونبول نه‌دیر، صحرا نه‌دیر. اود توتوب جانیم سراسر یاندی، امّا بیلمه‌دیم: دل نه‌دیر، دلبر نه‌دیر، باشیمدا بو سئودا نه‌دیر. بیلمه‌دیم عؤمرومده هرگز کفر و ایمان هانسی‌دیر، احمد و محمود کیم‌دیر، موسیٖ و عیسیٰ نه‌دیر. شاهبازِ اوجِ وحدت، واحد و حیّ و قدیم، خالقِ ارض و سما، اول فرد و بی‌همتا نه‌دیر. تورَّهاتی قوی کناره، رقصه گل دیوانه‌وار، گل خرابات ایچره، گؤر بو شورش و غوغا نه‌دیر! دُردِ صافی گؤزله‌مک واختی دئییل، ساقی، آمان! شیشه وئر، پیمانه وئر، ساغر نه‌دیر، صهبا نه‌دیر؟! دور، گؤزون قوربانی‌یام، مستانه گل، رندانه وئر، چوخ دئمه جمشیددن، اسکندر و دارا نه‌دیر؟! شاهدِ خلوت‌نشینیم ائتدی رخسارین عیان، عاشقِ دیوانه، گل گؤر ظاهر و اِخفا نه‌دیر! یئتدی عؤمرون آخره، سن بیر «نباتی!» بیلمه‌دین، کیمدی بو گؤزدن باخان، یا دیلده بو گویا نه‌دیر. #ابوالقاسم_نباتی 🎙️ نوید مثمر #شعر_اوجاغی @SheirOcagi

▫️یالان دئییرسن! آلدانان یالنیز من دئییلم. بوتون بشریّت آلدانیر. هم ده بیله‌رک آلدانیر. بو آلدانیش‌لارلا دا یاشاییر. 📚 اوقتای ائل‌اوغلو #جعفر_جاببارلی #شعر_اوجاغی @SheirOcagi

▫️گول ساتان قاری آی گول ساتان قاری ننه، گنجلیگینی آنیرسان‌می؟! گیلدیر-گیلدیر* یاش آخیدیب ایچین-ایچین یانیرسان‌می؟! گۆلو سوْلموش بیر بوداقسان، گوللر سنی دۇیورمو هئچ؟ ایچیب-ایچیب گؤز یاشیندان گول لچه‌یی دوْیورمو هئچ؟ اوخشاماغا واخت تاپمادین «عؤمور» آدلی اؤز گولونو. گؤزلریندن اوخویورمو گوللر سنین نیسگیلینی؟ او گوللره باخا-باخا اؤز ایچینه قیسیلمیسان. سون یارپاق‌تک خاطیره‌لر- بوداغیندان آسیلمیسان. آی گول ساتان قاری ننه، گنجلیگینی آنیرسان‌می؟ گیلدیر-گیلدیر یاش آخیدیب ایچین-ایچین یانیرسان‌می؟ #عدالت_سلمان * گیله-گیله، دامجی-دامجی #شعر_اوجاغی @SheirOcagi

▫️اؤزومو آغلاماقدان چتینلیک‌له ساخلاییردیم. ایسته‌میردیم دوشمن‌لر منیم بو گوجسوزلویومه شاهید اولسون. 📚 منیم پاییم #پرینوش_صنیعی #شعر_اوجاغی @SheirOcagi

▫️قاباقدا یاش وار. ایکیمیز اوز-اوزه سئوینج ایله غم، ائله هئی دئییرم بیر دینله منی! گؤزلرین نه دئییر باشا دوشورم، نییه چاشدیریرسان دیلین‌له منی؟ سن اولان دونیادا باشقادی دونیام، محبّت گؤز ایله، قاش ایله دئییل. یاشجا بؤیوک ایکن اوشاق اولورام، گؤرونور، بؤیوکلوک یاش ایله دئییل. گؤزون‌له هم‌رأی‌سن، دیلین‌له یادسان، بیری دوغمادیرسا، او بیری یاددیر. گاه برکسَن داش کیمی، گاه آماناتسان، بلکه قادین‌لاردا بو احتیاط‌دیر؟ نفسین عطیرلی، اۆزون تزه-تر، اویویور قوینوندا یاز ایله باهار. سن مندن اؤزونو گؤزله‌دین، یئتر! اؤزوندن گؤزله کی، قاباقدا یاش وار! #نریمان_حسن‌زاده #شعر_اوجاغی @SheirOcagi

▫️فلک جؤوروندن ال چکمز، نه جان تندن کنار اولماز، یانار دوزخده نار اهلی، منیم‌تک شؤعله‌وار اولماز. علاجی ممکون اولماز دوشسه هر کیم من دوشن درده، قالار کؤنلونده حسرت‌لر، الینده اختیار اولماز. او مهرودن وفا اومما، منیم مشتاق اولان کؤنلوم! وفالی اولسا مهرولر، گئدیب اغیاره یار اولماز. گؤزل‌لر زولفونه کؤنلوم، اسیر و پایبند اولما! حذر قیل بو گؤزل‌لردن، بولاردا اعتبار اولماز. توتوب بدبختلیک دائیم منیم چاکِ گریبانیم، گلیبدیر «بی‌قلم» تنگه، بئله بد روزگار اولماز. #محمد_بی‌قلم #شعر_اوجاغی @SheirOcagi

دیالوق ▫️- سئوینج، ساده‌جه پایلاشیلدیغی زامان دوغرو اولا بیلر. 🎬 Into The Wild 2007 آمریکا #شان_پن #شعر_اوجاغی @SheirOcagi

▫️داها هئچ نه منی راضی سالمیر، هئچ نه منی توختاتمیر. من تامامی‌یله اولان-اولمایان هر شئیدن دوْیموشام. نه بیر روحوم اولسون ایسته‌ییرم، نه ده اوندان اوزاقلاشماق. من آرزولامادیغیم شئیلری آرزولاییرام و صاحیب اولمادیغیم شئیلردن چکینیرم. 📚 قایغی #فرناندو_پسوآ #شعر_اوجاغی @SheirOcagi

▫️ننه‌مین گیلئیی گؤزو آچیلمامیش بولاق کیمی‌دی، چیچه‌یی بار اوسته بوداق کیمی‌دی، آتا اوجاغیندا قوناق کیمی‌دی، کؤورک‌دی، گؤیچک‌دی کند قیزلاریمیز. شهَره جان آتار کندچی اوغلان‌لار، اوردا آختارارلار بخت اولدوزلارین. اوردا یئله وئرر عؤمرونو اونلار، گؤزلری یول چکر بوردا قیزلارین‌. دسته‌یله دؤننده بولاق باشیندان، سانارسان کؤچ ائدیر دورنا قاطاری. اوغلان آنالاری الی قاشیندا، دوروب بویلانارلار شهره ساری. ائو ایشی، چؤل ایشی... دینجَلمز بیر آن، هر خیردا ایش-گوجه ایش دئمز قیزلار. قاییتسا شهردن قونشو بیر اوغلان، قونشو تویوغونا «کیش» دئمز قیزلار. بو قیزلار ائولرین بار سونبولودو، ایش-گوجدن گؤروشه واختلاری چاتمیر. توتوب یاخاسیندان کندچی اوغلانین، دئمک ایسته‌ییرم: «دوننکی قیزلار نییه بو گون سنین کؤنلونه یاتمیر؟ سئوسن، کندسیز کئچن عؤمرو قینارسان، دوروب دانیشارسان بیر کند آدیندان. بو کیشمیش قیزلاری، شیرین قیزلاری، اؤزونه هامیدان عزیز سانارسان، شهرلی قیزلار دا چیخار یادیندان.» #عدالت_سلمان #شعر_اوجاغی @SheirOcagi

▫️سئون‌لر توتدو دونیانی، سئودی؛ اونوتدو دونیانی. من ده سئودیم، بو دونیانین- ان گؤزل سؤزونو آلدیم. آلدیم سؤزون آغریسینی، یاوانینی، یاغلیسینی. نئچه سؤزون اَیریسینی، دۆزَلدیب دۆزونو آلدیم. منی ده یولا سالدی سؤز، من گئتدیم، سیزه قالدی سؤز، یئنه تپ‌تزه قالدی سؤز، من سؤزون توْزونو آلدیم. #رامیز_رؤوشن #شعر_اوجاغی @SheirOcagi

▫️کیتابلاردا هر شئی فرقلی ایدی. اوردا بوشلوق‌لار چوخ اولوردو، سؤزلرین، سطیرلرین آراسیندا یئر قالیردی. من ده بوشلوقلارا سوخولوب اوتورا بیلیردیم، گزه بیلیردیم. 📚 بادام #وون_پیونگ_سون #شعر_اوجاغی @SheirOcagi

▫️بیر میلّتی آرادان آپارماق اوچون ایلک آددیم اونون تاریخی یادداشینی سیلمک‌دیر. کیتابلارینی، کۆلتورونو، دیلینی آرادان آپارماق، اونا یئنی کیتابلار یازماق، یئنی کۆلتور اویدورماق، یئنی تاریخ و دیل یاراتماق لازیم. بئله‌لیکله آز بیر زاماندان سونرا بو میلّت ایندیسینی، کئچمیشینی اونوداجاق. #میلان_کوندرا #شعر_اوجاغی @SheirOcagi

▫️حوّادان دوغولان آدم بالاسی، نه نفسین ساخلاییر، نه گؤزو دوْیور. تۆلکولوک ائیله‌ین آدام بالاسی، تۆلکونون اؤزونو حئیرتده قویور. هر تینده توش گلدیک ناخلف کسه، قیردی قلبیمیزی نئچه قلبی دار. اؤلمه‌لی آداملار اؤلمور نه‌دن‌سه، نه‌دن‌سه تئز کؤچور یاخشی آداملار. اَله‌ییب کئچیرتدیک بئله‌دن بئله تانییا بیلمه‌دیک بیز آداملاری. ایلاهی، سن اؤزون صاف-چۆروک ائیله، گؤتور آرامیزدان پیس آداملاری! #عدالت_سلمان #شعر_اوجاغی @SheirOcagi

دیالوق ▫️- بو دونیادا اوز وئرن بوتون یاخشی اولایلار، اؤلوم لحظه‌لرینه قدر هدفلرینی یئرینه یئتیرمک اوچون دیره‌نن عینادجیل آداملارین ایشی‌دی. 🎬 M.r Smith Goes to Washington 1939 آمریکا #فرانک_کاپرا #شعر_اوجاغی @SheirOcagi

▫️من ده گوناهکارام، سن ده گوناهکار. یاشین چوخ آز ایدی، ساچین چوخ قیسا، من فاغیر اوشاق‌دیم، ها یازا-پوزا. گؤزون دینمه‌دی‌سه، دیلیم سوسدوسا، من ده گوناهکارام، سن ده گوناهکار. بیردن آییلدیم کی، ساچیمدا دن وار، یانیمدا آیری روح، آیری بدن وار، نه سنده من وارام، نه منده سن وار، من ده گوناهکارام، سن ده گوناهکار. داغ-دره بیلمه‌دی، تپه بیلمه‌دی، گلیب کاندار*یندان اؤته بیلمه‌دی، چیغیردیم، سسیمی کولک‌لر آلدی، سسیم قولاغینی اؤپه بیلمه‌دی، من ده گوناهکارام، سن ده گوناهکار. بیر قورو سلام وار کاغیذین اوسته، نه قدر آرزو وار دسته‌به‌دسته! آی گؤزو گونشلی‌م، سسی آهسته‌م، من ده گوناهکارام، سن ده گوناهکار. بیزیمکی درد دئییل، بلا، هئچ دئییل، هردن پیچیلدارام: اشی، گئج دئییل. دئسه‌لر، اینانما، ساریل، سوچ دئییل! من ده گوناهکارام، سن ده گوناهکار‌. عؤمور دئدیکلری بو ایمیش یعنی، اؤپوب عزیزله‌رم منده‌کی سنی. سن منی باغیشلا، من ده کی سنی، من ده گوناهکارام، سن ده گوناهکار. #هابیل_رضانور * قاپی آغزی- آستانا #شعر_اوجاغی @SheirOcagi

▫️اوغورون ان بؤیوک اؤدولو، قازاندیغینیر پول و ثروت دئییل، اوغور قازانماق یولوندا آپاردیغینیز موباریزه نتیجه‌سینده داها یاخشی و داها فرقلی بیر اینسانا چئوریلمه‌نیزدیر. 📚 بهانه‌لره یوخ! #برایان_تریسی #شعر_اوجاغی @SheirOcagi

▫️میلّتیمین تاریخینه، شان و شؤهرت اکمه‌لی‌یم. بو قارشیدا یاد قانی‌یلا، بیر آل بایراق تیکمه‌لی‌یم. دوشمن‌لره گؤستردیم کی، منیم کیمی عسگری یوخ. منیم «فاتیح اورخان» ذاتیم، دونیانین هئچ یئرینده یوخ. ایسمارلادیم* نیشانلیما: من تورانا گئدییوروم، قارداشیمی قورتارماغا تورکوستانا گئدییوروم. بو بایراغا خائین باخان- خائین گؤزه بیر تیکانام. اؤله‌رم‌سه کؤلگه‌سینده، حالال اولسون اونا قانیم. شهید اولسام دوست ائلینده، منه مزار قازیلماسین! قازانارسام اسیر آدی، خاقانیما یازیلماسین! #احمد_جاواد * تاپشیرماق- سفارش ائتمک #شعر_اوجاغی @SheirOcagi

▫️- اینسان‌لار بللی بیر یاشدان سونرا، چوخ دَییشه بیلمز، فقط پیسلیک‌لری داها دا چوخ اورتایا چیخار. 🎬 Kış Uykusu 2014 تورکیه #نوری_بیلگه_جئیلان #شعر_اوجاغی @SheirOcagi