Вже доступно! Дослідження Telegram за 2025 — головні інсайти року 
Радыё Свабода — Беларусь
Відкрити в Telegram
Сувязь з рэдакцыяй — @SvabodaBelarus Даслаць навіну ў Signal можна па нумары +37062599211
Показати більше📈 Аналітичний огляд Telegram-каналу Радыё Свабода — Беларусь
Канал Радыё Свабода — Беларусь (@radiosvaboda) у мовному сегменті Білоруська є активним учасником. На даний момент спільнота об'єднує 13 475 підписників, посідаючи 15 348 місце в категорії Новини і ЗМІ та 244 місце у регіоні Білорусь.
📊 Показники аудиторії та динаміка
З моменту свого створення невідомо, проект продемонстрував стрімке зростання, зібравши аудиторію у 13 475 підписників.
За останніми даними від 16 червня, 2026, канал демонструє стабільну активність. Хоча за останні 30 днів спостерігається зміна кількості учасників на -92, а за останні 24 години на 0, загальне охоплення залишається високим.
- Статус верифікації: Верифікований (Офіційно підтверджено Telegram)
- Рівень залученості (ER): Середній показник залученості аудиторії становить 21.28%. Протягом перших 24 годин після публікації контент зазвичай збирає 17.03% реакцій від загальної кількості підписників.
- Охоплення публікацій: В середньому кожен допис отримує 2 868 переглядів. Протягом першої доби публікація в середньому набирає 2 295 переглядів.
- Реакції та взаємодія: Аудиторія активно підтримує контент: середня кількість реакцій на один пост – 54.
📝 Опис та контентна політика
Автор описує ресурс як майданчик для висловлення суб'єктивної думки:
“Сувязь з рэдакцыяй — @SvabodaBelarus
Даслаць навіну ў Signal можна па нумары +37062599211”
Завдяки високій частоті оновлень (останні дані отримано 17 червня, 2026), канал підтримує актуальність та високий рівень охоплення публікацій. Аналітика показує, що аудиторія активно взаємодіє з контентом, що робить його важливою точкою впливу в категорії Новини і ЗМІ.
13 475
Підписники
Немає даних24 години
-267 днів
-9230 день
Архів дописів
13 475
Беларусь заняла ў рэйтынгу міралюбства толькі 115 месца з 163
І гэта не таму, што беларусы ня «мірныя людзі».
Што ўплывае на рэйтынг і на якім месцы апынуліся нашы суседзі — расказваем у кароткім відэа.
13 475
Лукашэнка загадаў прывезьці пацярпелых з Бранскай вобласьці ў Беларусь
Пра гэта паведаміў міністар аховы здароўя Аляксандар Хаджаеў, перадае БелТА.
Паводле міністра, расейскія мэдыкі прапанавалі лекаваць пацярпелых беларусаў у расейскіх лякарнях. Аднак Аляксандар Лукашэнка даручыў даставіць іх у Беларусь.
З васьмі пацярпелых двое ў цяжкім стане.
Для перавозкі рыхтуюць верталёт.
Фота з тэлеграм-каналу в. а. губэрнатара Бранскай вобласьці
13 475
Асноўнае за 17 чэрвеня
• Хто абстраляў аўтобус зь дзецьмі. Чаму беларусы — ня мірныя людзі? Расея хоча заліць Беларусь сваім віном. Відэанавіны дня.
• Аўтобус зь беларускімі дзецьмі трапіў пад атаку ў Расеі. 1 чалавек загінуў, 8 пацярпелі. Расея вінаваціць Украіну, Украіна — Расею
• Ад 922 рублёў за 11 дзён на моры ў Расеі: Як беларусам прапануюць адпачыць у зоне атакі дронаў
• Наколькі заробкі беларускіх чыноўнікаў адрозьніваюцца ад заробкаў рабочых і інжынэраў
• Затрыманых пасьля забойства расейскага мастака беларусаў адпусьцілі. Польскае сьледзтва разглядае расейскі сьлед
• «Вызваленьне палітвязьняў не павінна суправаджацца арыштам іншых». Што сказаў Анджэй Пачобут у Эўрапарлямэнце
13 475
Беларускі аўтобус зь дзіцячай футбольнай камандай трапіў пад атаку ў Расеі
Загінула жанчына. 8 чалавек атрымалі раненьні, зь іх шасьцёра — дзеці.
Пра галоўную падзею дня — расказваем за 1 хвіліну.
Усе падрабязьнасьці — у артыкуле на сайце Свабоды.
13 475
У Берасьці адзначаць пачатак вайны. У праграме імітацыя выбуху авіябомбы «Сатана» → https://smarturl.click/kq9ey
22 чэрвеня а 5-й раніцы пачнецца рэканструкцыя абароны Берасьцейскай крэпасьці з удзелам тысячы чалавек, удзел у якой возьмуць каля 1000 чалавек.
У праграме сярод іншага — імітацыя выбуху «Сатаны» — цяжкай нямецкай бомбы тых часоў (на фота). Яна важыла 1,8 тоны і атрымала сваю назву за вялікую разбуральную сілу.
13 475
Беларускія дзеці пад ударам. Расея хоча заліць Беларусь сваім віном. Загінуў вядомы лекар
Аўтобус зь беларускімі дзецьмі трапіў пад удар дрона ў расейскай прыфрантавой зоне. Адна жанчына загінула, Украіна адмаўляе сваю датычнасць да атакі.
У «ПіКу Свабоды» мы расказваем пра галоўныя падзеі 17 чэрвеня і тлумачым, што яны значаць.
https://youtu.be/FLmrd6ocHds
13 475
Ад 922 рублёў за 11 дзён на моры ў Расеі: Як беларусам прапануюць адпачыць у зоне атакі дронаў → https://smarturl.click/5oBZ3
У выніку абстрэлу ў Бранскай вобласьці Расеі пацярпелі дзеці з Беларусі, юныя футбалісты ехалі на адпачынак у расейскі Геленджык. Паглядзелі, якія туры прапануюць беларусам у Расеі і наколькі бясьпечная дарога туды і сам адпачынак.
Для беларусаў гэта адносна бюджэтны варыянт адпачынку.
Летась у Расею праз турагенцтвы езьдзілі амаль 163 тысячы чалавек — гэта каля 22% ад усіх турпаездак беларусаў.
13 475
«Вызваленьне палітвязьняў не павінна суправаджацца арыштам іншых». Што сказаў Анджэй Пачобут у Эўрапарлямэнце → https://smarturl.click/gqBlw
Анджэй Пачобут выступіў у Эўрапарлямэнце. Ён падзякаваў усім, хто змагаўся за ягонае вызваленьне і вызваленьні іншых палітычных вязьняў.
«Але сёньня важна, каб вызваленьне адных палітычных вязьняў не суправаджалася арыштам іншых, важна спыніць рэпрэсіі, якія працягваюцца ў Беларусі. Адсутнасьць паляпшэньня сытуацыі з правамі чалавека прыводзіць да страты веры ў посьпех у справе вызваленьня палітвязьняў», — сказаў Пачобут.
13 475
Затрыманых пасьля забойства расейскага мастака беларусаў адпусьцілі. Польскае сьледзтва разглядае расейскі сьлед: https://smarturl.click/Jkj4D
«Расея зьдзяйсьняла дывэрсійныя акты ў Польшчы, у тым ліку падрывала чыгуначныя шляхі. Расейскія спэцслужбы замаўлялі забойствы. Таму мы павінны дапускаць, што забойства крытыка Пуціна зьвязанае з дзейнасьцю расійскіх спэцслужбаў».
13 475
Ва Ўкраіне атаку дронам па аўтобусе зь беларусамі назвалі «інфармацыйнай правакацыяй Крамля»
Заявы прадстаўнікоў Расейскай Фэдэрацыі пра нібыта паражэньне бесьпілётнікам Узброеных сілаў Украіны аўтобуса зь дзіцячай футбольнай камандай у Бранскай вобласьці не адпавядаюць рэчаіснасьці. Пра гэта ў камэнтары «Люстэрку» паведаміў сьпікер Генштабу УСУ маёр Андрэй Кавалёў.
«Падкрэсьліваем, што ў названы пэрыяд Сілы абароны Ўкраіны не выкарыстоўвалі бесьпілётныя лятальныя апараты па цэлях на тэрыторыі Бранскай вобласьці.
Расцэньваем такія паведамленьні як чарговую інфармацыйную правакацыю Крамля. Ня маючы магчымасьці дасягнуць заяўленых мэтаў на полі бою і несучы значныя страты, Расейская Фэдэрацыя ўсё часьцей зьвяртаецца да інфармацыйных маніпуляцыяў і фабрыкацыі абвінавачаньняў супраць Украіны», — заявіў сьпікер УСУ.
13 475
Гомельская фэдэрацыя футболу: «Звычайна ў іх быў іншы маршрут»
Як расказалі журналісту Onliner у Гомельскай абласной фэдэрацыі футболу, у аўтобусе былі выхаванцы футбольнага клюбу з Рэчыцы. Яны штогод езьдзілі на аздараўленьне ў Геленджык, дзе таксама трэнаваліся і ўдзельнічалі ў спарынгах зь мясцовымі камандамі.
«Першая група выхаванцаў ужо вярнулася, яны былі на адпачынку з 1 чэрвеня. Цяпер паехала другая група. Усе дзеці былі з Рэчыцы, СДЮШАР № 2, гэта іхны аўтобус. Ня ведаю, чаму гэтым разам яны паехалі той дарогай — цераз Бранск. Звычайна ў іх быў іншы маршрут», — расказаў суразмоўца.
Паводле яго, выхаванцы езьдзяць на адпачынак у суправаджэньні трэнэраў. На групу з 38 чалавек — па двое суправаджальнікаў. Гэтым разам сярод іх была жонка трэнэра Аляксея Гарошкі. Менавіта яна, паводле інфармацыі суразмоўцы, загінула.
ℹ️ Геленджык — горад у Краснадарскім краі Расеі на беразе Чорнага мора. Да мяжы Крыма адтуль — 100 км.
13 475
Заява МЗС Беларусі:
«Расцэньваем гэта як чарговы акт тэрарызму супраць мірнага насельніцтва. Патрабуем ад украінскага боку вычарпальных тлумачэньняў»
Таксама беларускае МЗС заявіла пра «абавязковасьць безумоўнага выключэньня выезду грамадзянаў у зоны канфліктаў, баявых дзеяньняў і сумежных з імі рэгіёнаў»
13 475
Сьвятлана Ціханоўская пракамэнтавала інцыдэнт з беларускім аўтобусам у Бранскай вобласьці:
«Гэтую вайну распачала Расія. Яна – агрэсар, і менавіта яна нясе галоўную адказнасьць за кожную сьмерць і кожнае раненьне, зьвязаныя з гэтай вайной.
Але вінаватыя і тыя прадстаўнікі дзяржавы, хто безадказна адправіў дзяцей праз прыгранічную зону ваенных дзеяньняў.
І вінаватая беларуская дзяржаўная прапаганда, якая гадамі замоўчвае праўду пра вайну і саўдзел у ёй рэжыму Лукашэнкі, каб стварыць фэйкавую карцінку «мірнага неба» і бясьпекі.
Я заклікаю вас: беражыце сябе і сваіх блізкіх. Не рызыкуйце жыцьцём – не едзьце ў Расію, якая вядзе злачынную і несправядлівую вайну»
13 475
Жонка трэнэра Рэчыцкай ДЮСШ-2 загінула пры атацы дронам аўтобуса з дзяцьмі ў Бранскай вобласьці.
Жанчына суправаджала малых футбалістаў у паездцы на адпачынак у Геленджык. Пра гэта піша Times.by
13 475
Улады прызналі «экстрэмісцкімі» яшчэ 9 гістарычных фільмаў: https://smarturl.click/V1mRn
Сярод іх зноў стужкі пра Курапаты.
Раней улады прызналі «экстрэмісцкім» фільм «Дарога на Курапаты» кінастудыі «Беларусьфільм»
13 475
Дзяржаўныя СМІ далі фотаздымкі аўтобусу аўтобуса, у якім дзіцячая футбольная каманда з Гомеля ехала на адпачынак у Геленджык.
На іх бачныя пашкоджаньні аскепкамі і выбітыя шыбы
13 475
Адно дзіця, што трапіла пад абстрэл у Бранскай вобласьці, знаходзіцца ў цяжкім стане
Пра гэта паведамілі ў Міністэрстве аховы здароўя Расеі.
13 475
Афіцыйная прадстаўніца Сьледчага камітэту Расеі Сьвятлана Пятрэнка паведаміла аб завядзеньні крымінальнай справы аб тэракце, згодна з артыкулам 205 Крымінальнага кодэксу Расеі.
Прадстаўніца Сьледчага камітэту ўдакладніла, што ў выніку ўкраінскай атакі пацярпеў двухпавярховы аўтобус дзіцяча-юнацкай спартовай школы № 2 горада Рэчыцы. У ім знаходзіліся 44 пасажыры, у тым ліку 28 дзяцей-спартоўцаў. Пятрэнка пацьвердзіла гібель адной жанчыны і шасьці параненых.
13 475
У Расеі заявілі, што ў выніку ўкраінскага абстрэлу Бранскай вобласьці пацярпелі дзеці з Гомля
Кіраўнік Бранскай вобласьці Ягор Кавальчук заявіў, што ў выніку абстрэлу ўкраінскіх сіл пацярпеў аўтобус, у якім знаходзілася дзіцячая футбольная каманда з Гомля, якая ехалі на адпачынак у Геленжык.
«У выніку мэтанакіраванага ўдару загінула жанчына, якая суправаджала каманду. Параненыя 6 чалавек, у тым ліку чацьвёра дзяцей. Усіх пацярпелых апэратыўна адправілі ў лякарню, дзе ім надалі неабходную мэдычную дапамогу», – паведаміў кіраўнік расейскага рэгіёну.
Іншых пасажыры, паводле яго, адправяць дадому.
