News Of Myanmar

CNG Taxi ယာဉ်များသိရှိလိုက်နာရန်အသိပေး NOM၊နို၀င်ဘာ၁၁၊၂၀၂၆ လျှပ်စစ်နှင့်စွမ်းအင်ဝန်ကြီးဌာန၏ လမ်းညွှန်ချက်နှင့်ရန်ကုန်တိုင်းဒေသကြီးအစိုးရအဖွဲ့၏ညွှန်ကြားချက်အရCNG Taxi ယာဉ်များအနေဖြင့် ရန်ကုန်တိုင်းဒေသကြီး စီးတီးတက္ကစီအသင်း (YCTA)သို့ အသင်းဝင်ရောက်မှတ်ပုံတင်ခြင်းနှင့် CNG Stickerများကပ်ခြင်းကို ၂ဝ၂၆ ခုနှစ် ၊ ဒီဇင်ဘာလ ၃၁ ရက်နေ့နောက်ဆုံးထားဆောင်ရွက်ကြရန်နှင့် သတ်မှတ်ရက်အတွင်းပြီးစီးအောင် ဆောင်ရွက်မှုမရှိသည့်ယာဉ်များကို ၂၀၂၇ ခု နှစ် ၊ ဇန်နဝါရီလ ၁ ရက်နေ့မှစ၍ CNGဝယ်ယူခွင့် ယာယီပိတ်သိမ်းသွားမည်ဖြစ်ပြီး ဆောင်ရွက်ပြီးစီးမှသာCNG ဝယ်ယူခွင့် ပြန်လည်ခွင့်ပြု သွားမည်ဖြစ်ကြောင်းအသိပေးကြေညာအပ်ပါသည်။ (ရန်ကုန်တိုင်းဒေသကြီးပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ)

မြောက်ပိုင်းတိုင်းစစ်ဌာနချုပ်တွင် KIA၊ KPDF နှင့် PDF အဖွဲ့ဝင် ၆ ဦး လက်နက်ခဲယမ်းများနှင့်အတူ အလင်းဝင်ရောက် နိုဝင်ဘာ ၁၁၊ ၂၀၂၆ ၂၀၂၆ ခုနှစ်၊ နိုဝင်ဘာ ၁၁ ရက်တွင် မြောက်ပိုင်းတိုင်းစစ်ဌာနချုပ်၌ KIA အဖွဲ့ဝင် အမျိုးသား ၂ ဦး၊ KPDF အဖွဲ့ဝင် အမျိုးသမီး ၁ ဦးနှင့် PDF အမည်ခံအဖွဲ့ဝင် အမျိုးသား ၃ ဦး၊ စုစုပေါင်း အမျိုးသား ၅ ဦးနှင့် အမျိုးသမီး ၁ ဦးတို့သည် လက်နက်ခဲယမ်းများနှင့်အတူ အလင်းဝင်ရောက်ခဲ့ကြောင်း သိရသည်။ ၎င်းတို့နှင့်အတူ M-79 LL ၄၀ မမ ဆုံလည်သေနတ် ၁ လက်၊ K-25 သေနတ် ၂ လက်၊ KA သေနတ် ၁ လက်၊ ၄၀ မမ ဗုံးသီး ၂၀ လုံး၊ လက်ပစ်ဗုံး ၁ လုံး၊ ၇.၆၂ မမ ကျည် ၂၇၀ တောင့်၊ ကျည်အိမ်မျိုးစုံ ၃ ခု၊ ကျည်ကာအင်္ကျီ ၁ ထည်နှင့် ဆက်စပ်ပစ္စည်းများ ပါရှိခဲ့သည်။ အလင်းဝင်ရောက်လာသည့် လူငယ်များအား ထောက်ပံ့ငွေနှင့် ထောက်ပံ့ပစ္စည်းများ ပေးအပ်ခဲ့ပြီး မိဘများထံ ပြန်လည်လွှဲပြောင်းပေးအပ်ခဲ့ကြောင်း သိရသည်။

အကြမ်းဖက်အုပ်စုအဖြစ် ကြေညာထားသော CRPH၊ NUG နှင့် ၎င်းတို့၏ လက်ဝေခံများ၏ လှုံ့ဆော်၊ ဝါဒဖြန့်ခြင်းများအား လိုက်ပါလုပ်ဆောင်ခြင်း၊ အားပေးကူညီခြင်းများပြုလုပ်ခဲ့သူများအား ဖော်ထုတ်အရေးယူ NOM နိုဝင်ဘာ ၁၁၊ ၂၀၂၆ အကြမ်းဖက်အုပ်စုအဖြစ်ကြေညာထားသည့် CRPH၊ NUG နှင့် ယင်းတို့၏ လက်ဝေခံအဖွဲ့အစည်းများ၊ ယင်းတို့နှင့် ဆက်နွှယ်နေသော အဖွဲ့အစည်းများ၊ လူပုဂ္ဂိုလ်များသည်နိုင်ငံတော် တည်ငြိမ်အေးချမ်းရေးကို ပျက်ပြားစေရန်နှင့် အစိုးရယန္တရားများ ပျက်ပြားစေရန်ရည်ရွယ်လျက် လှုံ့ဆော်ခြင်း၊ ဝါဒဖြန့်ခြင်းများပြုလုပ်ခဲ့မှုအပေါ် ဥပဒေနှင့်အညီ ထိရောက်စွာ အရေးယူသွားမည် ဖြစ်ကြောင်းနှင့် ထိုသို့ လှုံ့ဆော်သူ၊ ဝါဒဖြန့်သူများအား ဆက်လက်ဖော်ထုတ်အရေးယူသွားမည်ဖြစ် ကြောင်း မိဘပြည်သူများ သိရှိနိုင်ရေး အသိပေးသတင်းထုတ်ပြန်ပြီးဖြစ်သည်။ ထိုကဲ့သို့ သတင်းထုတ်ပြန်ခဲ့ပြီးဖြစ်သော်လည်း ၂၀၂၆ ခုနှစ်၊ နိုဝင်ဘာလ ၁၀ ရက်နေ့တွင်  အသိပေးထုတ်ပြန်ချက်အပေါ် မျက်ကွယ်ပြု၍ နိုင်ငံတော်တည်ငြိမ်အေးချမ်းရေးကို ပျက်ပြားစေရန် ရည်ရွယ်ကာ လူမှုကွန်ရက်စာမျက်နှာပေါ်၌ လှုံ့ဆော်ခြင်း၊ ဝါဒဖြန့်ခြင်းများပြုမူလုပ်ဆောင်ခဲ့သည့် “ Moe That ” Tiktok အကောင့်ပိုင်ရှင်ဖြစ်သူ ဧရာဝတီတိုင်းဒေသကြီး၊ လပွတ္တာမြို့နယ်၊ (၃)မိုင် မြို့သစ်၊ အောင်ချမ်းသာ(၄)ရပ်ကွက်နေ အောင်စည်သူ(ခ)မိုးသက် အား မွန်းလွဲ ၁ နာရီ ၅၅ မိနစ် တွင် (၃)မိုင်နယ်မြေရဲစခန်း(ပ)၂၉/၂၀၂၆၊ ရာဇသတ်ကြီး ပုဒ်မ ၅၀၅-က ဖြင့် အမှုဖွင့် အရေးယူထား ကြောင်း သတင်းရရှိသည်။

နမ့်စန်မြို့တွင် မိုးသည်းထန်စွာရွာသွန်းပြီး နမ့်လတ်ချောင်းရေလျှံမှုကြောင့် ရပ်ကွက်များအတွင်းရေဝင်ရောက်မှုဖြစ်ပွား၊ဒေသခံများကို ရေဘေးလွှတ်ရာသို့ရွေ့ပြောင်းပေးထား NOM၊နိုဝင်ဘာ၁၁၊၂၀၂၆ ရှမ်းပြည်နယ်၊ နမ့်စန်မြို့တွင် မိုးသည်းထန်စွာရွာသွန်းပြီး နမ့်လတ်ချောင်းရေလျှံမှုကြောင့် ယမန်နေ့ (နိုဝင်ဘာ၁၀ရက်)နေ့ညနေ ၆နာရီခန့်တွင်တွင်ရပ်ကွက်များအတွင်းရေဝင်ရောက်မှုဖြစ်ပွားခဲ့သည့်အတွက်ဒေသခံများကို ရေဘေးလွှတ်ရာသို့ ရွေ့ပြောင်းပေးထားသည့်ဟုမီးသတ်တပ်ဖွဲ့မှသတင်းထုတ်ပြန်ထား သည်။ နမ့်စန်မြို့တွင် မိုးသည်းထန်စွာရွာသွန်းပြီး နမ့်လတ်ချောင်းရေလျှံမှုကြောင့်ရပ်ကွက်၁၊ ၃၊ ၄အတွင်းရှိ လူနေအိမ်များသို့ ရေဝင်ရောက်မှုဖြစ်ပွားခဲ့သည့်အတွက် ဒေသခံများအားယာယီ ကယ်ဆယ်ရေးစခန်းများသို့ကူညီရွှေ့ပြောင်းပေးခဲ့ပြီးယနေ့ နိုဝင်ဘာ ၁၁ရက်တွင်လည်းရေပြန်ကျမှုမရှိသေးကြောင်းသိရသည်။ မိုးသည်းထန်စွာရွာသွန်းပြီး နမ့်လတ်ချောင်းရေလျှံမှုကြောင့်ရပ်ကွက် ၁၊ ၃၊ ၄အတွင်းရှိ လူနေအိမ်များသို့ ရေဝင်ရောက်မှုဖြစ်ပွားခဲ့သည့်အတွက် နမ့်စန်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန် မီးသတ်တပ်ဖွဲ့ဝင်များ၊လူမှုကူညီရေးအသင်းများသည် ရေဝင်ရောက်နေသောအိမ်များမှ အိမ်ထောင်စုများအား ယာယီကယ်ဆယ်ရေးစခန်း များသို့ ကူညီရွှေ့ပြောင်းပေးခဲ့ကြောင်းသိရသည်။

ပြည်ထောင်စုဝန်ကြီး ဦးတင်မောင်ဆွေထံ မြန်မာနိုင်ငံဆိုင်ရာ ကင်ညာသမ္မတနိုင်ငံ ဂုဏ်ထူးဆောင်ကောင်စစ်ဝန်အဖြစ် ခန့်အပ်ရန် သဘောတူညီပြီးဖြစ်သော ဒေါက်တာစောဌေးမြင့် ခန့်အပ်လွှာပေးအပ် နိုဝင်ဘာ ၁၀၊ ၂၀၂၆ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေသည် မြန်မာနိုင်ငံဆိုင်ရာ ကင်ညာသမ္မတနိုင်ငံ ဂုဏ်ထူးဆောင်ကောင်စစ်ဝန်အဖြစ် ခန့်အပ်ရန် သဘောတူညီပြီးဖြစ်သော ဒေါက်တာစောဌေးမြင့်၏ ခန့်အပ်လွှာကို ယနေ့ နံနက် ၁၀ နာရီတွင် နေပြည်တော်ရှိ နိုင်ငံခြားရေးဝန်ကြီးဌာန ပြည်ထောင်စုဝန်ကြီး၏ ဧည့်ခန်းမ၌လက်ခံ၍ ၎င်းအား အသိအမှတ်ပြုစာချွန်လွှာ ပြန်လည်ပေးအပ်သည်။

ဖောက်စ် (Fox) သတင်းဌာန၏ တင်ဆက်သူ ဝက်တားစ် (Watters) က အမေရိကန် နည်းပညာကဏ္ဍ အမှုဆောင်အရာရှိများအနေဖြင့် တရုတ်နိုင်ငံသူများထက် အမေရိကန် အမျိုးသမီးများနှင့်သာ ချစ်ကြိုက်သင့်ကြောင်းနှင့် ၎င်းသည် "အန္တရာယ် ပိုမိုနည်းပါးသည့်" ရွေးချယ်မှုဖြစ်ကြောင်း အကြံပြုပြောကြားလိုက်သည်။ နဗီးဒီးယား (Nvidia) နည်းပညာကုမ္ပဏီကြီး၏ အမှုဆောင်အရာရှိချုပ် ဂျန်ဆန်ဟွမ် (Jensen Huang) ၏ တရုတ်သူလျှိုဟု စွပ်စွဲခံထားရသူ အမျိုးသမီးတစ်နှင့် အိမ်ထောင်ရေးဖောက်ပြန်မှုသတင်းများ ထွက်ပေါ်လာပြီးနောက် ယခုလို ပြောကြားခဲ့ခြင်းဖြစ်သည်။ "တရုတ်နိုင်ငံသူတွေနဲ့ မအိပ်စက်ပါနဲ့လို့ ပြောတာမဟုတ်ပါဘူး — အဲဒီလိုပြောရင် ခွဲခြားဆက်ဆံရာ ကျသွားပါလိမ့်မယ်" ဟုလည်း ၎င်းက ဆိုသည်။

နိုင်ငံတော်နှင့် တပ်မတော်၏ ငြိမ်းချမ်းရေးလုပ်ငန်းစဉ်များကို လက်ခံယုံကြည်သည့် TNLA အဖွဲ့မှ ဗျူဟာမှူးအဆင့်ရှိသူတစ်ဦးအပါအဝင် အဖွဲ့ဝင် ၂၀၀ ဦးတို့  လက်နက်၊ ခဲယမ်းများနှင့်အတူ ဉပဒေဘောင်အတွင်းသို့ ဝင်ရောက်၊ မိဘအုပ်ထိန်းသူများထံသို့ စနစ်တကျ ပြန်လည်လွှဲပြောင်းအပ်နှံ နိုဝင်ဘာ ၁၀၊ ၂၀၂၆

အမေရိကန် ဘဏ္ဍာရေးဝန်ကြီး စကော့ ဘက်ဆန့် (Scott Bessent) သည် ၎င်း၏ အသက်အန္တရာယ်ကို အီရန်က ခြိမ်းခြောက်မှုများ ရှိလာပြီးနောက် နေအိမ်မှ စစ်ဘက်ဆိုင်ရာ စခန်းတစ်ခုသို့ ပြောင်းရွှေ့နေထိုင်လိုက်ရကြောင်း New York Times သတင်းစာက ဖော်ပြထားသည်။

ပင်လယ်ပြင်မှလေနွေးများနှင့် လေဖိအားကြီး ရပ်ဝန်းဒေသမှ တိုက်ခတ်လာသော လေအေးများတွေ့ဆုံမှုကြောင့် ရုတ် တရက်ရေကြီးခြင်းနှင့် မြေပြိုခြင်းများဖြစ်ပွားနိုင် NOM၊နိုဝင်ဘာ၁၁၊၂၀၂၆ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့မှ တိုက်ခတ်လာသောလေနွေးများနှင့် တရုတ်ပြည်မကြီးပေါ်ရှိ လေဖိအားကြီး ရပ်ဝန်းဒေသမှ တိုက်ခတ်လာသော လေအေးများတွေ့ဆုံမှုကြောင့် ယမန်နေ့ နိုဝင်ဘာ ၁၀ရက်နေ့ ညမှ ၁၂ရက်နေ့ အတွင်း မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ ရုတ်တရက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်သည့်ဟု မိုးလေဝသနှင့် ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရ သိရသည်။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့မှ တိုက်ခတ်လာသောလေနွေး များနှင့် တရုတ်ပြည်မကြီးပေါ်ရှိ လေဖိအားကြီးရပ်ဝန်းဒေသမှ တိုက်ခတ်လာသော လေအေးများ တွေ့ဆုံမှုကြောင့် နေပြည်တော်၊ မန္တလေးတိုင်း၊ မကွေးတိုင်း၊ စစ်ကိုင်းတိုင်း အထက်ပိုင်း၊ အောက်ပိုင်း၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား၊ ကချင်ပြည်နယ်နှင့် ကယားပြည်နယ်တို့တွင် နေရာကွက်ကျားမှ နေရာ ကျဲကျဲ မိုးထစ်ချုန်း ရွာပြီး နေပြည်တော်၊ မန္တလေးတိုင်း၊ မကွေးတိုင်း၊ စစ်ကိုင်း တိုင်း၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်းနှင့် တောင်ပိုင်း)တို့တွင် နေရာကွက်၍ မိုးကြီးမည်ဟုထုတ် ပြန်ထားသည်။ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ ရုတ်တရက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ် ပေါ်နိုင်သဖြင့် ကုန်းမြင့်ဒေသအနီး တွင် နေထိုင်ကြ သူများအနေဖြင့် မြေပြိုမှုအန္တရာယ်နှင့် မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုနိုင်ပါရန်ထုတ်ပြန်ထားသည်။ ထိုပြင်ပြည်တွင်းလေကြောင်းပျံသန်းရေး၊ မြန်မာ့ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်းရေယာဉ်များ၊‌ သင်္ဘောများအနေဖြင့်လည်း ကြိုတင်သတိပြုနိုင်ပါရန် အသိပေးထားသည်။

ပြည်ပရောက်မဲဆန္ဒရှင်များမှ ပုံစံ (၁၅) များကို သက်ဆိုင်ရာသံရုံးများတွင်စတင်ထုတ်ယူနိုင်မည့် နေ့ရက်၊ အချက်အလက်ဖြည့်သွင်းပြီးသည့်ပုံစံ(၁၅)များကို သက်ဆိုင်ရာသံရုံးများသို့ ပေးပို့နိုင်မည့်နေ့ရက်များထုတ်ပြန်

အစ္စရေးဝန်ကြီးချုပ်နှင့်ရုပ်ချင်းတူနေသဖြင့်ရောင်းအားကျနေသောအီရန်မုန့်ဆိုင်ပိုင်ရှင် NOM အီရန်နိုင်ငံက မုန့်ဆိုင်ပိုင်ရှင်တစ်ဦးဟာ အစ္စရေးဝန်ကြီးချုပ်နေတန်ယာဟုနဲ့ အတော်လေး ရုပ်ချင်းဆင်တူတာကြောင့် လူအများရဲ့ အာရုံစိုက်မှုကို ရရှိခဲ့ပါတယ်။ သူရဲ့အမည်ရင်းက အန်ကယ်အလီ ဖြစ်ပေမဲ့ ဒေသခံတွေကတော့ ခုအခါ သူ့ကို ‘အလီယာဟု’ လို့ ခေါ်နေကြပါတယ်။ သူဟာ မူလက မုန့်တွေကို အေးအေးဆေးဆေး ရောင်းချခဲ့သူဖြစ်ပေမဲ့ ခုအခါ ဝယ်သူတွေဆီက စနောက်ကျီစယ်မှုတွေကို မကြာခဏ ကြုံတွေ့နေရတယ်လို့ သတင်းထောက်တွေကို ပြောပြခဲ့ပါတယ်။ ဒါ့အပြင် ရုတ်တရက် ရေပန်းစားသွားတာဟာ သူရဲ့စီးပွားရေးကို ထိခိုက်စေခဲ့ပြီး သဘောထားတင်းမာတဲ့ အီရန်အများအပြားက သူရဲ့ဆိုင်ကို ရှောင်ကွင်းသွားကြတာကြောင့် အရောင်းအဝယ်တွေ ကျဆင်းသွားခဲ့တယ်လို့လည်း ပြောကြားခဲ့ပါတယ်။

ပိုလန်လူသတ်သမားဆေးရုံတွင်သေဆုံး NOM ပြီးခဲ့သည့်စနေနေ့ကပိုလန်နိုင်ငံခရာကေါ့ဗ်မြို့စျေးလမ်းမကြီးတွင်လူ၆ဦးကိုပစ်ခတ်သတ်ဖြတ်ခဲ့သောအသက်၂၄နှစ်ရှိမီခေါအိုဆင်ဆကီးသည်ရဲတပ်ဖွဲ့၏ပစ်ခတ်မှုကြောင့်ရရှိသောဒဏ်ရာများကိုကုသနေစဉ်ယနေ့နံနက်သေဆုံးသွားကြောင်းပိုလန်ရဲတပ်ဖွဲ့ကကြေညာသည်။

နေပြည်တော်တွင်ပဒေသာပင်ပို့ပြီး ပြန်လာ‌ သောသုံးဘီးကားမှောက်၊နှစ်ဦးသေဆုံး NOM၊နိုဝင်ဘာ ၁၀ ၊ ၂၀၂၆ နေပြည်တော် ၊ ဇေယျာသီရိမြို့နယ် ၊ ပေါင်းလောင်းမြစ်ကူးတံတားအဆင်းတွင် နိုဝင်ဘာ ၁၀ ရက်မွန်းလွဲ ၁၂ နာရီခွဲက သုံးဘီးကားတစီးတိမ်းမှောက်ပြီး နှစ်ယောက်သေဆုံးကာ သုံးယောက်ထိခိုက်ဒဏ်ရာရရှိခဲ့‌ ကြောင်းသိရသည်။ ဖြစ်စဉ်မှာ သုံးဘီးကားသည် ကထိန်ပွဲအတွက် ပဒေသာပင်များပို့ပြီးအပြန် တံတားအဆင်း၌ အရှိန်များပြီး တံတားပေါ်မှကျော်ကျ တိမ်းမှောက်ခဲ့ခြင်းဟုလူမှုကရုဏာရှင် (ခေါမ) အသင်းမှသိရ သည်။ "သုံးဘီးမှောက်သွားတဲ့အထဲ ငါးယောက်ပါသွားတယ်။အဲ့ဒီထဲကမှ နှစ်ယောက်က ကုတင် ၁၀၀၀ ဆေးရုံအရောက်မှာ ဆုံးတယ်။ သုံးယောက်ဒဏ်ရာရတယ်"ဟု လူမှုကရုဏာရှင် (ခေါမ) အသင်းမှ တာဝန်ရှိသူတဦးက ပြောသည်။ သေဆုံးသူများသည် အသက် ၃၉ နှစ်ယာဥ်မောင်း ၊အသက်၃၅နှစ်ကားပေါ်ပါ အမျိုးသားတို့သည် ဇေယျာသီရိမြို့နယ်၊ စည်ပင်ကြီးကျေးရွာ နေသူများဖြစ်‌ ကြောင်းသိရသည်။

NSPNC နှင့် အရပ်ဘက်လူမှုအဖွဲ့အစည်းများမှ ကိုယ်စားလှယ်များ ငြိမ်းချမ်းရေးလုပ်ငန်းစဉ်များနှင့်ပတ်သက်၍ တွေ့ဆုံဆွေးနွေး နိုဝင်ဘာ ၁၀၊ ၂၀၂၆ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) နှင့် အရပ်ဘက်လူမှုအဖွဲ့အစည်းများမှ ကိုယ်စားလှယ်များသည် နိုဝင်ဘာ ၉ ရက်တွင် နေပြည်တော်ရှိ NSPNC ဗဟိုဌာန၌ တွေ့ဆုံဆွေးနွေးခဲ့ကြသည်။ တွေ့ဆုံစဉ် ငြိမ်းချမ်းရေးလုပ်ငန်းစဉ်များ၊ ငြိမ်းချမ်းရေးမူဝါဒများ၊ မူဝါဒနှင့် မဟာဗျူဟာများအပြင် ရှေ့ဆက်ဆောင်ရွက်မည့် လုပ်ငန်းစဉ်များကို ဆွေးနွေးခဲ့ကြသည်။ ထို့ပြင် ငြိမ်းချမ်းရေးလုပ်ငန်းစဉ်များတွင် အရပ်ဘက်လူမှုအဖွဲ့အစည်းများ ပိုမိုပါဝင်လာနိုင်ရေးနှင့် ပါဝင်ဆောင်ရွက်နိုင်မည့် အခြေအနေများကိုလည်း အပြန်အလှန် ဆွေးနွေးခဲ့ကြကြောင်း သိရသည်။

အဘူဒါဘီရှိ ရုရှား-အမေရိကန်-ယူကရိန်း ဆွေးနွေးပွဲ ပထမနေ့ ပြီးဆုံး အဓိက အချက်အလက်များ ၄ နာရီခွဲကြာ ဆွေးနွေးပွဲ (၄၀ မိနစ် နားချိန်အပါအဝင်) ရုရှားနှင့် ယူကရိန်း ကိုယ်စားလှယ်အဖွဲ့များသည် တွေ့ဆုံဆွေးနွေးရာတွင် ရုရှားဘာသာစကားကို အသုံးပြုခဲ့ကြသည်ဟု သိရသည်။ နိုဝင်ဘာ ၁၁ ရက်တွင် ဆွေးနွေးပွဲများကို ဆက်လက်ပြုလုပ်သွားမည်ဟု ရုရှားဘက်မှ သတင်းရင်းမြစ်များက ပြောကြားခဲ့သည်။ ခေါင်းဆောင်ပိုင်းများ ရုရှားကိုယ်စားလှယ်အဖွဲ့ကို သမ္မတ၏ အကြံပေးပုဂ္ဂိုလ် ဗလာဒီမာ မီဒင်းစကီး (Vladimir Medinsky) က ဦးဆောင်ပြီး ယူကရိန်းကိုယ်စားလှယ်အဖွဲ့ကို နိုင်ငံခြားထောက်လှမ်းရေးဌာန အကြီးအကဲ ရူးစတမ် ယူမေရော့ဗ် (Rustem Umerov) က ဦးဆောင်ခဲ့သည်။ တက်ရောက်သူများ ဆွေးနွေးပွဲသို့ အမေရိကန် သံတမန်များဖြစ်ကြသည့် စတီးဗ် ဝစ်ကော့ဖ် (Steve Witkoff) နှင့် ဂျားရက် ကူးရှ်နာ (Jared Kushner)၊ ဥရောပဆိုင်ရာ နေတိုး NATO အဆင့်မြင့်တပ်မှူး အဲလက်ဆပ်စ် ဂရင်းကီဝစ်ချ် (Alexus Grynkewich) နှင့် ယူအေအီး နိုင်ငံခြားရေးဝန်ကြီး အဘဒူလာ ဘင် ဇာယဒ် အယ်လ် နာဟယန်း (Abdullah bin Zayed Al Nahyan) တို့လည်း တက်ရောက်ခဲ့ကြသည်။ ဥရောပနိုင်ငံများ မပါဝင်ခြင် ပြင်သစ်အရာရှိများ၏ ပြောကြားချက်များနှင့် မတူဘဲ ယခုဆွေးနွေးပွဲတွင် ဥရောပကိုယ်စားလှယ် မည်သူမျှ ပါဝင်ခဲ့ခြင်းမရှိပါ။ ဆွေးနွေးသည့် အဓိကအကြောင်းအရာ အဘူဒါဘီ ဆွေးနွေးပွဲသည် ဥရောပတိုက်တစ်ခုလုံးဆိုင်ရာ လုံခြုံရေး အာမခံချက်များအပါအဝင် လုံခြုံရေးရာများကို အဓိကထား ဆွေးနွေးခဲ့ခြင်းဖြစ်ကြောင်း ကရင်မလင် ပြောရေးဆိုခွင့်ရှိသူ ဒီမီထရီ ပက်စကော့ဗ် (Dmitry Peskov) က စောစောပိုင်းတွင် ပြောကြားခဲ့သည်။ အမေရိကန်၏ ရည်ရွယ်ချက် ဝစ်ကော့ဖ် နှင့် ကူးရှ်နာ တို့သည် အဘူဒါဘီ ဆွေးနွေးပွဲမှတစ်ဆင့် ပဋိပက္ခငြိမ်းချမ်းရေး ဖြေရှင်းမှု ပုံစံကို တိတိကျကျ ပုံဖော်သွားရန် ဆန္ဒရှိနေကြကြောင်း အမေရိကန်အစိုးရ အရာရှိတစ်ဦးကို ကိုးကား၍ Axios သတင်းဌာနက ဖော်ပြခဲ့သည်။ နောက်ဆက်တွဲ ခရီးစဉ် အဘူဒါဘီ တွေ့ဆုံပွဲအပြီးတွင် ဝစ်ကော့ဖ် နှင့် ကူးရှ်နာ တို့သည် မော်စကိုသို့ ဆက်လက်ထွက်ခွာဖွယ်ရှိပြီး ထိုမှတစ်ဆင့် ကိယဗ် (Kiev) သို့ သွားရောက်ဖွယ်ရှိသည်။

အသက် ၂၃ နှစ်အရွယ် အစ္စရေး-အမေရိကန် နှစ်နိုင်ငံစလုံး၏ နိုင်ငံသားဖြစ်သူ အစ္စရေးကာကွယ်ရေးတပ်ဖွဲ့ဝင် စစ်သွေးကြွ အဲလက်စ် မီလာ (Alex Miller) သည် အမေရိကန်နိုင်ငံ၊ မိုင်ယာမီတွင် ကိုယ့်ကိုယ်ကိုယ် အဆုံးစီရင်သွားခဲ့သည်။

နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ်ကျော်ကျော်ဟန် ဖလမ်းမြို့ ပြည်သူ့ဆေးရုံကြီးအတွင်းရှိ တစ်စိတ်တစ်ပိုင်း ပျက်စီးသွားသည့် အဆောက်အအုံများ ပြုပြင်နေမှုနှင့် ယာယီဆေးရုံအတွက် ပြုပြင်ပြင်ဆင်နေမှုအား ကြည့်ရှုစစ်ဆေး နိုဝင်ဘာ ၁၀၊ ၂၀၂၆ နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ်ကျော်ကျော်ဟန်သည် ချင်းပြည်နယ်အစိုးရအဖွဲ့၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးခင်မောင်ထွေး၊ ချင်းပြည်နယ်အတွင်း ပြန်လည်ထူထောင်ရေးနှင့် ပြန်လည်တည်ဆောက်ရေး လုပ်ငန်းကော်မတီဝင်များနှင့်အတူ နိုဝင်ဘာလ ၁၀ ရက်နေ့ နံနက်ပိုင်း၌ ဖလမ်းမြို့ ပြည်သူ့ဆေးရုံကြီးနှင့် သူနာပြုသိပ္ပံသင်တန်းကျောင်းဝင်းအတွင်းရှိ တစ်စိတ်တစ်ပိုင်း ပျက်စီးသွားသည့် အဆောက်အအုံများ ပြုပြင်နေမှုနှင့် ယာယီဆေးရုံအတွက် ပြုပြင်ပြင်ဆင်နေမှုများအား ကြည့်ရှုစစ်ဆေးသည်။ ရှေးဉီးစွာ ဒုတိယဝန်ကြီးနှင့်အဖွဲ့ဝင်များသည် ဖလမ်းမြို့ ပြည်သူ့ဆေးရုံကြီးဝင်းအတွင်းရှိ တစ်စိတ်တစ်ပိုင်း ပျက်စီးသွားသည့်  ၆ ခန်းတွဲ ၂ ထပ်ဝန်ထမ်းအိမ်ရာ ၅၀ ရာခိုင်နှုန်း  ပြုပြင်ပြီးစီးမှုအခြေအနေအား ကြည့်ရှုစစ်ဆေးရာ တာဝန်ရှိသူများက လုပ်ငန်းဆောင်ရွက်နေမှုများကို ရှင်းလင်းတင်ပြပြီး ဒုတိယဝန်ကြီးမှ လုပ်ငန်းများ အချိန်မီပြီးစီးအပ်နှံနိုင်ရေးဆောင်ရွက်ရန်၊ လုပ်ငန်းများ ရာနှုန်းပြည့်ပြီးစီးပါက သက်ဆိုင်ရာဌာနမှ စနစ်တကျလွှဲ ပြောင်းလက်ခံရယူပြီး ဝန်ထမ်းများနေရာချထားနိုင်ရေး စီမံဆောင်ရွက်ရန်မှာကြားသည်။ ထိုမှတစ်ဆင့် ဒုတိယဝန်ကြီးနှင့်အဖွဲ့ဝင်များသည် ယာယီပြည်သူ့ဆေးရုံ ဖွင့်လှစ်ရန် ပြုပြင်နေသည့်  အဆောက်အအုံများကို ကြည့်ရှုစစ်ဆေးရာ ပြည်နယ် ပြည်သူ့ကျန်းမာရေးနှင့်ကုသရေးဦးစီးဌာနမှူး၊ ဒေါက်တာချမ်းငြိမ်းမောင်မှ ၆ ခန်းတွဲ ၂ ထပ် ဝန်ထမ်းအိမ်ရာတွင် ခွဲစိတ်ကုသဌာန၊ အရိုးကုသဌာန၊ သားဖွားမီးယပ်ကုသဌာန၊ သားဖွားခန်းနှင့် ဓာတ်မှန်ဌာနအတွက် အ‌ဆောက်အအုံ ပြုပြင်နေမှုများကိုလည်းကောင်း၊ ၈ ခန်းတွဲ ၂ ထပ်ဆောင်တွင် ခရိုင်ပြည်သူ့ကျန်းမာဦးစီးဌာနရုံးနှင့် ဆေးဝါးဆေးပစ္စည်း သိုလှောင်ခန်းအတွက် ပြုပြင်နေမှုအခြေအနေအားလည်းကောင်း၊ ၄ ခန်းတွဲ ၂ ထပ်ဆောင်တွင် ပြင်ပလူနာဌာန၊ ဆေးရုံအုပ်ရုံးခန်း၊ ဖျားနာကုသဆောင်၊ ကလေးရောဂါကုသဌာနနှင့် ဓါတ်ခွဲခန်းအတွက် ပြင်ဆင်ပြုပြင်နေမှုအခြေအနေများအား ရှင်းလင်းတင်ပြရာ ဒုတိယဝန်ကြီးက လိုအပ်ချက်များကို ပေါင်းစပ်ညှိနှိုင်း ဆောင်ရွက်ပေးသည်။ ၎င်းအဆောက်အအုံများသည် ပြုပြင်ပြီးစီးမှု ၉၀ ရာခိုင်နှုန်း ပြီးစီးပြီဖြစ်ကြောင်းနှင့် လာမည့်နှစ်ဆန်းတွင် ယာယီဆေးရုံ ဖွင့်လှစ်နိုင်ရန် စီမံဆောင်ရွက်လျက်ရှိကြောင်း သိရသည်။ ဆက်လက်ပြီး ဒုတိယဝန်ကြီးနှင့်အဖွဲ့ဝင်များသည် သူနာပြုသိပ္ပံသင်တန်းကျောင်းဝင်းအတွင်းရှိ သူနာပြုစာသင်ဆောင်-၂ (၂) ထပ်ဆောင် ၈၅ ရာခိုင်နှုန်းပြုပြင်ပြီးစီးမှုအခြေအနေနှင့် သင်တန်းခန်းမ ပြင်ဆင်ထားရှိမှုအခြေအနေများ၊ ကျောင်းအုပ်ကြီးရုံးခန်း ရာနှုန်းပြည့်ပြုပြင်ပြီးစီးမှု၊ ရုံးလုပ်ငန်းဆောင်ရွက်မှုနှင့် သင်တန်းသူအိပ်ဆောင်ပြုပြင်မှု အခြေအနေများကိုလည်းကောင်း၊ တစ်စိတ်တစ်ပိုင်း ပျက်စီးသွားသည့် သူနာပြုသိပ္ပံဘွဲ့နှင်းသဘင်ခန်းမ ပြုပြင်နေမှုအား ကြည့်ရှုစစ်ဆေးရာ ကုမ္ပဏီတာဝန်ခံမှ လုပ်ငန်း ၅၅ ရာခိုင်နှုန်း ပြုပြင်ပြီးစီးမှုအခြေအနေအား ရှင်းလင်းတင်ပြရာ ဒုတိယဝန်ကြီးမှ ပစ္စည်းအရည်အသွေး၊ အဆောက်အအုံအရည်အသွေးကောင်းမွန်ရေး၊ လုပ်ငန်းခွင်အန္တရာယ်ကင်းရှင်းရေး၊ စာချုပ်ပါစည်းမျဥ်းစည်းကမ်းအတိုင်း လုပ်ငန်းအချိန်မီပြီးစီးအောင် ဆောင်ရွက်ရေး ပေါင်းစပ်ညှိနှိုင်း မှာကြားသည်။ ထိုမှတစ်ဆင့် ဒုတိယဝန်ကြီးနှင့်အဖွဲ့ဝင်များသည် ရာနှုန်းပြည့်ပြုပြင်ပြီးစီးသည့် ဆရာဝန်နေအိမ်၊ ဆေးရုံအုပ်နေအိမ်နှင့် အထူးကုဆရာဝန်နေအိမ်များအား ကြည့်ရှုစစ်ဆေးပြီး ဝန်ထမ်းများ နေထိုင်နိုင်ရေး စီမံဆောင်ရွက်ရန် လမ်းညွှန်မှာကြားသည်။ နိုဝင်ဘာ(၉)ရက် ယမန်နေ့တွင်လည်း ဒုတိယဝန်ကြီးနှင့်အဖွဲ့ဝင်များသည် ဖလမ်းမြို့ စည်ပင်သာယာဈေးသို့ သွား‌ရောက်ပြီး ဈေး‌‌ရောင်းချနေမှု၊ ဈေးအတွင်းအပြင်နှင့် အသားခုံများ သန့်ရှင်းရေးဆောင်ရွက်ထားရှိမှုများကို ကြည့်ရှုစစ်ဆေးသည်။ ဒုတိယဝန်ကြီးသည် စည်ပင်သာယာဈေးအတွင်း၌ အသားငါးနှင့် ဒေသထွက် ဟင်းသီးဟင်းရွက်များ ရောင်းချနေမှုနှင့် ဈေးအပြင်ဘက် စည်ပင်သာယာဆိုင်ခန်းများတွင် ဈေးရောင်းချနေမှုများအား ကြည့်ရှုကာ ဒေသခံဈေးသူဈေးသားများနှင့် ရင်းရင်းနှီးနှီးနှုတ်ဆက်အားပေးစကား ပြောကြားခဲ့ကြောင်းသိရသည်။

နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ်ကျော်ကျော်ဟန် ဖလမ်းမြို့ ပြည်သူ့ဆေးရုံကြီးအတွင်းရှိ တစ်စိတ်တစ်ပိုင်း ပျက်စီးသွားသည့် အဆောက်အအုံများ ပြုပြင်နေမှုနှင့် ယာယီဆေးရုံအတွက် ပြုပြင်ပြင်ဆင်နေမှုအား ကြည့်ရှုစစ်ဆေး

ဖာတာ-၁ (Fattah-1) အသံထက်မြန်သော ဟိုက်ပါဆောနစ် ဒုံးကျည် ထိပ်ဖူးများ (hypersonic warheads)။

ဖာတာ-၁ (Fattah-1) အသံထက်မြန်သော ဟိုက်ပါဆောနစ် ဒုံးကျည် ထိပ်ဖူးများ (hypersonic warheads)။