News Of Myanmar

ဟော်မုဇ် ရေလက်ကြားတွင် သင်္ဘောသား ၆,၀၀၀ ခန့် ပိတ်မိနေဆဲဖြစ်ကြောင်း အပြည်ပြည်ဆိုင်ရာ ရေကြောင်းအဖွဲ့အစည်း IMO ထုတ်ပြန် အီရန်စစ်ပွဲကြောင့် အလွန်အရေးပါသည့် ရေကြောင်းလမ်းကြောင်းအတိုင်း သင်္ဘောသွားလာမှုများ ဆက်လက် အဟန့်အတား ဖြစ်ပေါ်နေ NOM

နီပေါတွင် ရုတ်တရက်ရေကြီးရေလျှံမှုများကြောင့် ရေအားလျှပ်စစ်စက်ရုံအနီး လိုဏ်ဂူအတွင်း ပိတ်မိနေသည့် အလုပ်သမား ၃၅၀ ဦးကို နီပေါတပ်မတော် ကယ်ထုတ်နိုင်ခဲ့ လိုဏ်ဂူအတွင်း ဆက်လက်ပိတ်မိနေသည့် လူ ၁၀၀ ကျော်အား ကယ်ဆယ်နိုင်ရေးအတွက် ကယ်ဆယ်ရေးလုပ်ငန်းများကို ဆက်လက်လုပ်ဆောင်လျက်ရှိသည်။ ရွှံ့နွံများ ထူထပ်နေသည့် အခြေအနေများကြောင့် ကယ်ဆယ်ရေးလုပ်ငန်းများ လုပ်ဆောင်ရာတွင် စိန်ခေါ်မှုများနှင့် ရင်ဆိုင်နေရသည်။ NOM

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး စစ်တက္ကသိုလ် ဗိုလ်လောင်းသင်တန်းအမှတ်စဉ် (၆၉) နှင့် တပ်မတော်နည်းပညာတက္ကသိုလ် ဗိုလ်လောင်းသင်တန်း အမှတ်စဉ် (၂၉) တိုမှ ဗိုလ်လောင်းများ၏ စစ်လက်ရုံးရွေးချယ်ပွဲများသို တက်ရောက်စိစစ်ရွေးချယ်သည်။

ရွှံ့နွံနှင့် အပျက်အစီးများအောက်တွင် ပိတ်မိနေသည့် လူငယ်အား ကယ်ထုတ်ရန် အချိန်နှင့်အမျှ အပြိုင်လုဆောင်ရွက်နေရ နီပေါနိုင်ငံတွင် လတ်တလော ဖြစ်ပွားခဲ့သည့် ပြင်းထန်သော ရုတ်တရက် ရေကြီးရေလျှံမှုများ အပြီးတွင် လူပေါင်း ရာပေါင်းများစွာ ပျောက်ဆုံးနေဆဲဖြစ်ပြီး၊ ဒေသခံများသည် ရွှံ့နွံများနှင့် အပျက်အစီးများအောက်တွင် ပိတ်မိနေသည့် လူငယ်တစ်ဦးအား ကယ်ထုတ်နိုင်ရန် အချိန်နှင့်အမျှ အပြိုင်လု ကြိုးပမ်းဆောင်ရွက်လျက်ရှိကြသည်။ NOM

အမေရိကန်၏ အီရန်အပေါ် စီးပွားရေးပိတ်ဆို့မှုဆိုင်ရာ လှုပ်ရှားမှုများအပြီးတွင် ဘာသာစကားသင်ယူသည့် အက်ပလီကေးရှင်းတစ်ခုဖြစ်သော ဒူအိုလင်ဂို Duolingo သည် အီရန်နိုင်ငံသားများအား အဆိုပါအက်ပလီကေးရှင်းမှတစ်ဆင့် အင်္ဂလိပ်စာ သင်ယူခွင့်ကို ပိတ်ပင်လိုက်သည်။ အမေရိကန်သည် လွန်စွာ သဘောထားသေးသိမ်လှသည်။ ၎င်းတို့သည် အီရန်ကို စစ်ရှုံးခဲ့ပြီးနောက် အီရန်အား ကမ္ဘာကြီးနှင့် အဆက်အသွယ်ဖြတ်တောက်ရန် ကြိုးပမ်းနေခြင်းဖြစ်သည်။ အင်အားကြီးလှပါသည်ဆိုသော အမေရိကန်အင်ပါယာကြီးသည် မပြောပလောက်သော သေးသိမ်သည့် လုပ်ရပ်များကိုပင် အားကိုးပြု လုပ်ဆောင်နေရပြီဖြစ်သည်။ NOM

ရန်ကုန်တိုင်းဒေသကြီး၊ မရမ်းကုန်းမြို့နယ်၌ Taxi ယာဉ်မောင်းအား ဓားဖြင့်ထိုး၍ လုယက်မှု ကျူးလွန်ခဲ့သူအမျိုးသား ၃ ဦးအား သက်သေခံပစ္စည်းများနှင့်အတူ ဖမ်းဆီးရမိ NOM ဩဂုတ် ၂၈၊ ၂၀၂၆ ရန်ကုန်တိုင်းဒေသကြီး၊ သန်လျင်မြို့နယ်၊ ဗိုလ်ချုပ်ရပ်ကွက်နေ ဦးစိန်မြင့်ဦး (၅၁) နှစ်သည် ဩဂုတ်လ ၂၆ ရက်နေ့ ည ၇ နာရီခွဲတွင် လှိုင်သာယာ (အနောက်ပိုင်း) မြို့နယ်၊ ရိုးကြီး/ ရိုးလေး ကျေးရွာ၊ အနော်ရထာလမ်းမကြီးရှိ Gas ဆိုင်အနီး၌ ၎င်းမောင်းနှင်သည့် Taxi ယာဉ်အား အမျိုးသား ၃ ဦးမှ ဘုရင့်နောင်ကားကြီးဝင်းသို့ သွားရောက်လိုကြောင်း ပြောဆိုငှားရမ်းခဲ့သဖြင့် လိုက်ပါ ပို့ဆောင်ခဲ့ရာ ဘုရင့်နောင်ပွဲရုံဝင်း၊ စိန်ပန်းလမ်း၊ အမှတ် (ဆ/၁၈)၊ “ဗန္ဓုလ”လက်ဖက်ခြောက် ရောင်းဝယ်ရေးပွဲရုံရှေ့အရောက်တွင် အဆိုပါအမျိုးသား ၃ ဦးမှ ဓားမြှောင်ဖြင့် ထိုးကာ ငွေ ၁ သိန်း ကျပ်နှင့် Vivo အမျိုးအစားဖုန်း ၁ လုံးတို့အား လုယက်ယူဆောင်သွားခဲ့ကြောင်း သတင်းအရ ပြစ်မှုကျူးလွန်သူများအား ဖမ်းဆီးရမိနိုင်ရေး ဘုရင့်နောင်နယ်မြေရဲစခန်း၌ (ပ) ၁၈၆/၂၀၂၆၊  ရာဇသတ်ကြီးပုဒ်မ ၃၉၄/၁၁၄ ဖြင့် အမှုရေးဖွင့်စုံစမ်းစစ်ဆေးဆောင်ရွက်ခဲ့သည်။ လုံခြုံရေးတပ်ဖွဲ့ဝင်များသည် တရားခံများအား ဖော်ထုတ်ဖမ်းဆီးရမိရေးဆောင်ရွက်ခဲ့ရာ ဩဂုတ်လ ၂၇ ရက်နေ့ မွန်းလွဲပိုင်းတွင် လုယက်မှုကျူးလွန်ခဲ့သူများဖြစ်ကြသည့် ထန်းတပင်မြို့နယ်၊ ရိုးကြီးကျေးရွာနေ သန်းစိုးဦး (ခ) တက်တူး (၃၅) နှစ်အား လုယက်မှုကျူးလွန်ရာမှရရှိခဲ့သည့် Vivo အမျိုးအစားလက်ကိုင်ဖုန်းတစ်လုံးနှင့်အတူ၎င်း၏နေအိမ်၌လည်းကောင်း၊ လှိုင်သာယာ (အရှေ့ပိုင်း) မြို့နယ်၊ အမှတ် (၁၆) ရပ်ကွက်နေ မောင်မောင်ကြည် (၄၃) နှစ်နှင့် ရဲဝင်း (ခ) ကျော်စွာဝင်း (၄၃) နှစ်တို့ ၂ ဦးအား လုယက်မှုကျူးလွန်ရာတွင် အသုံးပြုခဲ့သည့် အရိုးအသွား ၁၀ လက်မ ခန့်ရှိ ဓားမြှောင် ၁ ချောင်း၊ အစိမ်း/ အဖြူရောင် ပြောက်ကြားအင်္ကျီလက်ရှည် ၁ ထည်၊ အညိုရောင် ဂျင်းဂျာကင်အင်္ကျီ ၁ ထည်တို့နှင့်အတူ ယင်းနေ့ မွန်းလွဲပိုင်းတွင် ၎င်းတို့၏နေအိမ်၌လည်းကောင်း အသီးသီးဖမ်းဆီးရမိခဲ့သည်။ Taxi ယာဉ်မောင်းဖြစ်သူအား ဓားဖြင့်ထိုး၍ လုယက်မှု ကျူးလွန်ခဲ့သူ တရားခံများဖြစ်ကြသည့် သန်းစိုးဦး (ခ) တက်တူး၊ မောင်မောင်ကြည်၊ ရဲဝင်း (ခ) ကျော်စွာဝင်းတို့ ၃ ဦးအား ဥပဒေနှင့်အညီ အရေးယူနိုင်ရေး ဆောင်ရွက်လျက်ရှိသည်။ NOM

နီပေါ ရေကြီးမှုကြောင့် အသက်ဆုံးရှုံးမှုများအတွက် နိုင်ငံတော်သမ္မတ ဦးမင်းအောင်လှိုင် နီပေါဝန်ကြီးချုပ်ထံ ဝမ်းနည်းကြောင်းသဝဏ်လွှာပေးပို့ နေပြည်တော်၊ ဩဂုတ် ၂၈

ဟင်္သာတမြို့နယ်၌ ကျောင်းဆရာမ (ငြိမ်း) အမျိုးသမီး ၁ ဦးအား သတ်ဖြတ်၍ ရွှေထည်ပစ္စည်းနှင့် ငွေများ လုယက်ယူဆောင်သွားသူ တရားခံ အမျိုးသား ၂ ဦးအား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိ NOM ဩဂုတ် ၂၈၊ ၂၀၂၆ ဧရာဝတီတိုင်းဒေသကြီး၊ ဟင်္သာတမြို့နယ်၊ နဲမနိတ်ကျေးရွာနေ ဒေါ်လှလှဝင်း (၇၁) နှစ် ကျောင်းဆရာမ(ငြိမ်း) သည် ဩဂုတ်လ ၂၁ ရက်နေ့ မွန်းလွဲပိုင်းက နေအိမ်နောက်ဖက်ရှိ ရေချိုးခန်း ဝင်ပေါက်ဘေးတွင် မှောက်လျက်လဲကျနေပြီး ပါးစပ်၌အဝတ်များဆို့လျက် လည်ပင်းတွင် နိုင်လွန် ကြိုးများရစ်ပတ်ကာ ဒဏ်ရာများဖြင့် သေဆုံးနေပြီး လက်ကိုင်ဖုန်း ၁ လုံး၊ ရွှေထည်ပစ္စည်းနှင့် ငွေများ ပျောက်ဆုံးလျက်ရှိကြောင်း သတင်းအရ နိဗ္ဗာန်နယ်မြေရဲစခန်း (ပ)၂၅/၂၀၂၆၊ ရာဇသတ်ကြီးပုဒ်မ ၃၀၂/ ၃၉၄ ဖြင့် အမှုဖွင့်လှစ်ပြီး တရားခံအား ဖော်ထုတ်ဖမ်းဆီးရမိနိုင်ရေး ဆောင်ရွက်ခဲ့သည်။ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် တရားခံအား ဖော်ထုတ်ဖမ်းဆီးရမိ နိုင်ရေး အခင်းဖြစ်ရပ်စစ်ဆေးခြင်း၊ နယ်မြေသတင်းရယူစုံစမ်းခြင်းများ ဆောင်ရွက်ခဲ့ရာ ဩဂုတ်လ ၂၇ ရက်နေ့ မွန်းလွဲပိုင်းတွင် တရားခံ ဟင်္သာတမြို့နယ်၊ နဲမနိတ်ကျေးရွာနေ သီဟကျော် (၃၃) နှစ်အား ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ကြီးပွားရေးရပ်ကွက်၊ အိမ်အမှတ် (၂၀၈)၊ (၅)လွှာတိုက်ခန်း၌လည်းကောင်း၊ ပြစ်မှုကျူးလွန်ရာတွင် ပူးပေါင်းပါဝင်သူ နဲမနိတ်ကျေးရွာနေ တင်မျိုးအောင် (ခ) နေလ (၄၄) နှစ်အား ဟင်္သာတမြို့နယ်၊ ရှားခဲကျေးရွာ၊ ဗိုလ်ချုပ်လမ်းရှိ ရွှေနှင်းဆီဆန်စက်မှ လည်းကောင်း အသီးသီး ဖမ်းဆီးရမိခဲ့သည်။ ဖမ်းဆီးရမိတရားခံ သီဟကျော်နှင့် တင်မျိုးအောင် (ခ) နေလတို့ကို စစ်ဆေးချက်အရ ၎င်းတို့ နှစ်ဦးသည် အိမ်နီးချင်းနေ ဒေါ်လှလှဝင်း၏ နေအိမ်အတွင်းသို့ ဩဂုတ်လ ၂၁ ရက်နေ့ နံနက်ပိုင်းက ဝင်ရောက်ခိုးယူစဉ် တင်မျိုးအောင် (ခ) နေလမှ နေအိမ်အနီးပတ်ဝန်းကျင်အား စောင့်ကြည့်ပေးခဲ့ပြီး သီဟကျော်မှ နေအိမ်အတွင်း ဝင်ရောက်ခဲ့ကြောင်း၊ ထို့နောက် ဒေါ်လှလှဝင်းမှာ နေအိမ်သို့ ပြန်လည် ရောက်ရှိလာသဖြင့် သီဟကျော်မှ ဒေါ်လှလှဝင်းအား အသင့်ပါလာသော နိုင်လွန်ကြိုးဖြင့် လည်ပင်းအား ရစ်ပတ်ပြီး မအော်ဟစ်နိုင်စေရန် ပါးစပ်အား အဝတ်ဖြင့်ဆို့ကာ မျှော့ကြိုးဖြင့်ရစ်ပတ်ခဲ့သဖြင့် ဒေါ်လှလှဝင်းမှာ သေဆုံးသွားခဲ့ကြောင်း၊ ထို့နောက် နေအိမ်အတွင်းရှိ ရွှေဆွဲကြိုး ၁ ကုံး၊ နိုင်ငံခြားငွေ အကြွေစေ့ (၁၂) စေ့၊ ငွေကျပ် (၁) သိန်းနှင့် Honor X7A အမျိုးအစား လက်ကိုင်ဖုန်း (၁) လုံးတို့အား လုယက်ယူဆောင်ခဲ့ကြောင်းဖော်ထုတ်သိရှိရသည်။ ဆက်လက်၍ သက်သေခံပစ္စည်းများ သိမ်းဆည်းရမိရေးဆောင်ရွက်ခဲ့ရာ လုယက်မှု ကျူးလွန် ရာမှရရှိခဲ့သည့်လက်ကိုင်ဖုန်း (၁) လုံး၊ နိုင်ငံခြားငွေ အကြွေစေ့ (၁၂) စေ့၊ ရွှေဆွဲကြိုးအား ရောင်းချသုံးစွဲရာမှ ကျန်ရှိသည့် ငွေကျပ် (၁၁) သိန်းတို့အား ဩဂုတ်လ ၂၇ ရက်နေ့ မွန်းလွဲပိုင်းတွင် သင်္ဃန်းကျွန်းမြို့နယ်၊ ကြီးပွားရေးရပ်ကွက်ရှိ တိုက်ခန်းမှ သိမ်းဆည်းရရှိခဲ့သည်။ ဖြစ်စဉ်တွင် ဟင်္သာတမြို့နယ်၌ ကျောင်းဆရာမ(ငြိမ်း) အမျိုးသမီး ၁ ဦးအား သတ်ဖြတ်၍ ရွှေထည်ပစ္စည်းနှင့် ငွေများ လုယက်ယူဆောင်ခဲ့သူ တရားခံ သီဟကျော်၊ တင်မျိုးအောင် (ခ) နေလ တို့ ၂ ဦးအား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိခဲ့ပြီး ဥပဒေနှင့်အညီ အရေးယူနိုင်ရေးဆက်လက်ဆောင်ရွက်လျက်ရှိသည်။ NOM

ဟင်္သာတမြို့နယ်၌ ကျောင်းဆရာမ (ငြိမ်း) အမျိုးသမီး ၁ ဦးအား သတ်ဖြတ်၍ ရွှေထည်ပစ္စည်းနှင့် ငွေများ လုယက်ယူဆောင်သွားသူ တရားခံ အမျိုးသား ၂ ဦးအား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိ NOM ဩဂုတ် ၂၈၊ ၂၀၂၆

ဘုတ်ပြင်းမြို့နယ်တွင် PDF အကြမ်းဖက်အဖွဲ့က အပြစ်မဲ့အရပ်သားပြည်သူနှစ်ဦးကို ဖမ်းဆီးခေါ်ဆောင်သွား NOM ဩဂုတ် ၂၈၊ ၂၀၂၆ တနင်္သာရီတိုင်းဒေသကြီး၊ ဘုတ်ပြင်းမြို့နယ်၊ ပြည်ကြီးမဏ္ဍိုင်မြို့၊ ပြည်ကြီးမဏ္ဍိုင်ရပ်ကွက်နေ ကိုဖိုးပျော့ (၂၃) နှစ်သည် ဩဂုတ်လ ၂၆ ရက်နေ့ နံနက် ၁၀ နာရီ ၁၅ မိနစ်အချိန်၌ တစ်ရပ်ကွက်တည်းနေ မောင်ခန့်ထူးနိုင် (၁၇) နှစ်နှင့်အတူပြည်ကြီးမဏ္ဍိုင်မြို့မှ တောင်ငယ်ကျေးရွာသို့ ဆိုင်ကယ်ဖြင့် သွားရောက်စဉ် တောင်ငယ်ကျေးရွာအနီးလမ်းဆုံ အရောက်၌ PDF အကြမ်းဖက်အဖွဲ့ အင်အား (စိစစ်ဆဲ) က အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။ NOM

ချောင်းဦးမြို့နယ်၊ တောကျောင်းကြီးကျေးရွာနေ အပြစ်မဲ့အရပ်သားပြည်သူတစ်ဦးကို PDF အကြမ်းဖက်အဖွဲ့က သေနတ်ဖြင့် ပစ်ခတ်သတ်ဖြတ် NOM ဩဂုတ် ၂၈၊ ၂၀၂၆ စစ်ကိုင်းတိုင်းဒေသကြီး၊ ချောင်းဦးမြို့နယ်၊ တောကျောင်းကြီးကျေးရွာနေ ဦးဖိုးထူး (ခ) ဝင်းဆွေ (၄၁) နှစ်သည် ဩဂုတ်လ ၂၇ ရက်နေ့ နံနက် ၉ နာရီ ၁၅ မိနစ်အချိန်၌ ကျေးရွာထိပ်ရှိ ချောင်းဦး-ပခုက္ကူသွားကားလမ်းပေါ်တွင်လမ်းလျှောက်နေစဉ် PDF အကြမ်းဖက်သမားနှစ်ဦးက ဆိုင်ကယ်တစ်စီးဖြင့် ရောက်ရှိလာပြီး သေနတ်ဖြင့် ပစ်ခတ် သတ်ဖြတ်သွားခဲ့သဖြင့် ဦးဖိုးထူး (ခ) ဝင်းဆွေတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ ကြောင်းသိရသည်။ NOM

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး ပြင်ဦးလွင်တပ်နယ်ရှိ နယ်မြေခံတပ်မတော်ဆေးရုံ၌ ဆေးရုံတက်ရောက်ဆေးကုသမှု ခံယူနေသူများအား သွားရောက်ကြည့်ရှုအားပေး၊ စစ်မှုထမ်းဟောင်းအိမ်ရာတည်ဆောက်နေမှုများအားသွားရောက်ကြည်ရှုစစ်ဆေး ဩဂုတ် ၂၈၊ ၂၀၂၆

မိုင်းရယ်မြိုအတွင်း၌ အွန်လိုင်းလိမ်လည်လောင်းကစားမှု ကျူးလွန်ရာတွင် ပါဝင်ပတ်သက်တဲ့ ပြည်ပနိုင်ငံသား ၂ ဦးအား လုပ်ငန်းသုံးပစ္စည်းများနှင်အတူ ထပ်မံဖမ်းဆီးရမိ ဩဂုတ် ၂၈၊ ၂၀၂၆

New York Times နယူးယောက်တိုင်းမ်စ် သတင်းဌာနက - ၆ လကြာပြီးနောက် အီရန်နိုင်ငံ၏ အခြေအနေမှာ ပိုမိုခိုင်မာအားကောင်းလာပုံရပြီး အမေရိကန်ပြည်ထောင်စု၏ ရည်မှန်းချက်များကမူ ဆက်လက်မရေမရာ ဖြစ်နေဆဲဖြစ်သည်။ စစ်ရေးပဋိပက္ခနေရာတွင် စီးပွားရေးစစ်ပွဲဖြင့် အစားထိုးခြင်းအားဖြင့် ဝါရှင်တန်အနေဖြင့် အီရန်၏ မဟာဗျူဟာကို ပြောင်းလဲနိုင်ရန် မဖြစ်နိုင်ပေ။ NOM

ဒုတိယသမ္မတ ဦးညိုစော မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီးဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ ဩဂုတ် ၂၈၊ ၂၀၂၆

အီရန်နိုင်ငံထုတ် အရိုးပွရောဂါကုသဆေး ‘Zandoriah’ ကို ဥရောပသမဂ္ဂ (EU) တစ်ဝန်းလုံးတွင် အသုံးပြုရန် ဥရောပ ဆေးဝါးဆိုင်ရာ အေဂျင်စီ (EMA) က ခွင့်ပြုချက် ပေးလိုက်ပြီ ဖြစ်သည်။ ဒါဟာ အရှေ့အလယ်ပိုင်း ဒေသမှာ ပထမဆုံးအကြိမ် ထုတ်လုပ်တီထွင်ခဲ့တဲ့ ဇီဝဗေဒဆိုင်ရာ ဆေးဝါး တစ်မျိုးကို ဥရောပသမဂ္ဂရဲ့ အတည်ပြုချက် ရရှိခဲ့တာဖြစ်ပြီး ထိုဆေးကို အီရန်နိုင်ငံက ထုတ်လုပ်ခဲ့ခြင်းဖြစ်သည်။ NOM

နေပြည်တော်တွင် ယာဉ်တစ်စီးအရှိန်လွန်ကာ ရေကန်ထဲကျပြီး နှစ်ဦးသေဆုံး NOM၊ဩဂုတ်၂၈၊၂၀၂၆ နေပြည်တော်၊ ဒက္ခိဏသီရိမြို့ နယ်ရှိ ထန်းတစ်ပင်ရပ်ကွက်၊ ကျောက်မျက်ဝန်းအတွင်း ယနေ့ ဩဂုတ်လ ၂၈ ရက် နံနက်၉ နာရီ ၁၀ မိနစ်တွင် ယာဉ်တစ်စီး အရှိန်လွန်ကာ လမ်းဘေးရှိ သဘာဝရေကန်အတွင်းသို့ ကျရောက်ခဲ့မှုကြောင့်ယာဥဉ်ပေါ်ပါနှစ်ဦးသေဆုံးခဲ့ကြောင်းမီးသတ်တပ်ဖွဲ့မှသိရသည်။ ဖြစ်စဉ်မှာ ဒက္ခိဏသီရိမြို့နယ်၊ ထန်းတစ်ပင်ရပ်ကွက်၊ (ကျောက်မျက်)ဝန်းတွင် မောင်းနှင်လာသည့်ကိုယ်ပိုင်ယာဥ်တစ်စီးသသည်အရှိန်လွန်ကာ လမ်းဘေးရှိ သဘာဝရေကန် အတွင်းသို့ ကျရောက်ခဲ့မှုကြောင့်ယာဥ်ပေါ်ပါ အမျိုးသားတစ်ဦးနှင့် အမျိုးသမီးတစ်ဦးတို့မှာ သေဆုံးခဲ့ခြင်းဖြစ်သည်။ သေဆုံးသူရုပ်အလောင်းများကို လူငယ်တွဲလက်လူမှုကူညီရေးအသင်း၏ ယာဉ်ဖြင့် နေပြည်တော် ကုတင်၁၀၀၀ ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

ကလေးမြို့တွင် PDF ၄၅ ဦး လက်နက်ခဲယမ်းများနှင့်အတူ အလင်းဝင် ယနေ့ ဩဂုတ်လ ၂၈ ရက်နေ့၌ အနောက်မြောက်တိုင်းစစ်ဌာနချုပ် ကလေးမြို့တွင် PDF ကျား (၄၂) ဦး၊ မ (၃) ဦး စုစုပေါင်း ၄၅ ဦးသည် လက်နက် (၂၁) လက်၊ လက်ပစ်ဗုံး (၆) လုံး၊ စကားပြောစက် (၃) လုံး၊ ကျည်အိမ် (၃၀) ခုနှင့် ကျည်မျိုးစုံ (၆၇၉) တောင့်ဖြင့် အလင်းဝင်ရောက်ခဲ့ပြီး အလင်းဝင်ရောက်လာသည့် PDF လူငယ်များအားဆုကြေးငွေများပေးအပ်ကာ တာဝန်ရှိသူများက မိဘအုပ်ထိန်းသူများထံ ပြန်လည်အပ်နှံခဲ့သည်။ NOM

အင်ဒိုနီးရှားရောက် မြန်မာနိုင်ငံသားများ လူစည်ကားရာနေရာများနှင့် စုဝေးရာနေရာများသို့ သွားရောက်ခြင်းမှ ရှောင်ကြဉ်ရန် မြန်မာသံရုံး သတိပေး NOM

အမေရိကန်နိုင်ငံတွင် အခွန်မဆောင်မီ ကုမ္ပဏီများ၏ အမြတ်ငွေသည် ဒုတိယကမ္ဘာစစ် နောက်ပိုင်း အမြင့်ဆုံးစံချိန်သို့ ရောက်ရှိလာခဲ့သော်လည်း လုပ်သားများ ရရှိသည့် ဝေစုမှာမူ သမိုင်းတစ်လျှောက် အနိမ့်ဆုံးအဆင့်သို့ ထိုးဆင်းသွားခဲ့ရာ မကျေနပ်မှုများကို ပိုမိုဆိုးရွားစေပြီး နိုင်ငံရေးအရ အပြင်းအထန် တုံ့ပြန်ကန့်ကွက်မှုများကို ဖြစ်ပေါ်စေလျက်ရှိသည်။ NOM