News Of Myanmar

လာမယ့် တနင်္ဂနွေနေ့မှာ အိမ်ဖြူတော်အပြင်ဘက်မှာ ကျင်းပမယ့် UFC ပွဲစဉ်အတွက် လုံခြုံရေးကို အန္တရာယ် လုံးဝအဖြစ်မခံနိုင်တာကြောင့် အိမ်ဖြူတော်ပတ်ပတ်လည်မှာ ခြံစည်းရိုးအကာအရံကြီးတွေကို အကြီးအကျယ် ကာရံဖို့ချထားလျက်ရှိပါတယ်။ NOM

သမ္မတရှီကျင့်ဖျင်၏ ဖိတ်ကြားချက်အရ နိုင်ငံတော်သမ္မတ ဦးမင်းအောင်လှိုင် တရုတ်သို့ နိုငါငံတော်အဆင့်ခရီးစဉ်သွားရောက်မည် NOM နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ၏ ထုတ်ပြန်ချက်အရ တရုတ်နိုင်ငံတော်သမ္မတ ရှီကျင့်ဖျင်၏ ဖိတ်ကြားချက်ကို လက်ခံသည့်အနေဖြင့် နိုင်ငံတော်သမ္မတ ဦးမင်းအောင်လှိုင်သည် ဇွန်လ ၁၅ ရက်မှ ၁၉ ရက်အထိ တရုတ်နိုင်ငံသို့ နိုင်ငံတော်အဆင့် ခရီးစဉ်အဖြစ် လာရောက်လည်ပတ်မည်ဖြစ်သည်။ ယခုခရီးစဉ်သည် နှစ်နိုင်ငံအကြား ဆက်ဆံရေးကို ပိုမိုခိုင်မာစေရန်နှင့် ဒေသတွင်း ပူးပေါင်းဆောင်ရွက်မှုများ တိုးမြှင့်ရန်အတွက် အရေးပါသည့် ခြေလှမ်းတစ်ရပ်ဖြစ်ကြောင်း သိရသည်။

သူလျှိုလုပ်မှုဖြင့် သံသယရှိသူ အမေရိကန်နိုင်ငံသားဦးမင်းဇင်ကို ဖမ်းဆီးထားကြောင်း တရုတ်အစိုးရအတည်ပြု NOM အမေရိကန်နိုင်ငံသားဖြစ်သူ ဦးမင်းဇင်အား သူလျှိုလုပ်မှု၊ တရုတ်နိုင်ငံ၏ အမျိုးသားလုံခြုံရေး ကို ထိခိုက် အောင်လုပ်ဆောင်မှု သံသယများဖြင့် ဖမ်းဆီးထိန်းသိမ်းထားကြောင်း တရုတ်နိုင်ငံခြား ရေဝန်ကြီးဌာနက ဇွန်လ ၁၂ ရက် (သောကြာနေ့) တွင် အတည်ပြုပြောကြားလိုကပါ်သည်။ တရုတ်နိုင်ငံတောင်ပိုင်း ကွမ်ကျိုးမြို့ (Guangzhou) ရှိ အမေရိကန်ကောင်စစ်ဝန်ချုပ်ရုံးသို့လည်း အဆိုပါ ဖမ်းဆီးမှုနှင့်ပတ်သက်၍ အကြောင်းကြားထားပြီးဖြစ်ကြောင်း သိရသည်။ ပြီးခဲ့သည့်အပတ်က တရုတ်နိုင်ငံအနောက်တောင်ပိုင်း ကူမင်းမြို့ (Kunming) တွင် ဦးမင်းဇင် ပျောက်ဆုံးသွားခဲ့ကြောင်း New York Times သတင်းစာ၏ ဖော်ပြချက်နှင့်ပတ်သက်၍ သတင်းစာ ရှင်းလင်းပွဲတွင် မေးမြန်းရာ၌ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လင်ကျန့် က ဖမ်းဆီးထားမှုကို အတည်ပြု ဖြေကြားခဲ့ခြင်း ဖြစ်သည်။

ဓာတ်အားလိုင်းများ ထိန်းသိမ်းပြုပြင်ခြင်းလုပ်ငန်းများကို ယာယီဓာတ်အားပိတ်၍ ဆောင်ရွက်မည်

၁၃၂ ကေဗွီ မကွေး - တောင်တွင်းကြီး ဓာတ်အားလိုင်း၏ လက်ရှိ ACSR ဓာတ်အားလိုင်းကြိုးအား ဝန်အား (၂) ဆကျော်အထိ တိုးမြှင့်သယ်ဆောင်နိုင်သည့် နည်းပညာမြင့် ဖိုင်ဘာအူတိုင် အလူမီနီယံကြိုးဖြင့် အစားထိုးလဲလှယ်

ပြည်ထောင်စုဝန်ကြီး ဦးမြင့်ကြိုင် ချမ်းမြသာစည်မြိုနယ် အထက (၇) ၌ နိုင်ငံသားစိစစ်ရေးကတ်ပြားနှင့် UID ဆောင်ရွက်ထုတ်ပေးမှု ကြည့်ရှုအားပေး ဇွန် ၁၁၊ ၂၀၂၆ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်သည် ယနေ့နံနက်ပိုင်းတွင် မန္တလေးတိုင်းဒေသကြီး ချမ်းမြသာစည်မြို့နယ်ရှိ အမှတ် (၇) အခြေခံပညာအထက်တန်းကျောင်း၌ ချမ်းမြသာစည်မြို့နယ်ဦးစီးမှူးရုံးမှ ဝန်ထမ်းများက အသက် ၁၀ နှစ်ပြည့်ပြီး နိုင်ငံသားကတ်ပြားမရရှိသေးသည့် ကျောင်းသား ကျောင်းသူများအား လမင်းစီမံချက်ဖြင့် နိုင်ငံသားစိစစ်ရေးကတ်ပြားနှင့် UID ထုတ်ပေးခြင်းလုပ်ငန်း ဆောင်ရွက်နေမှုကို ကြည့်ရှုအားပေးသည်။ ထို့နောက် နေ့ချင်းပြီး ဆောင်ရွက်ပေးသည့် နိုင်ငံသားကတ်ပြားနှင့် UID တို့ကို ကာယကံရှင်ကျောင်းသားများထံ ပေးအပ်ပြီး မြို့နယ်ရုံးဝန်ထမ်းများအတွက် ထောက်ပံ့ငွေနှင့် စားသောက်ဖွယ်ရာများ ပေးအပ်သည်။ ယမန်နေ့ကလည်း အောင်မြေသာစံမြို့နယ်ရှိ ဧည့်ရိပ်သာခန်းမတွင် မန္တလေးတိုင်းဒေသကြီးအတွင်းရှိ တိုင်းဒေသကြီး၊ ခရိုင်နှင့် မြို့နယ်ဦးစီးမှူးများနှင့် တွေ့ဆုံဆွေးနွေးခဲ့ကြောင်း သိရသည်။

အမေရိကန်နှင့် တောင်ကိုရီးယားတို့သည် မြောက်ကိုရီးယားကို နျူကလီးယားလက်နက် ဖျက်သိမ်းရေးအတွက် ပြတ်ပြတ်သားသား လုပ်ဆောင်သွားရန် သန္နိဋ္ဌာန်ချထား ကြာသပတေးနေ့က ဆိုးလ်မြို့တွင် ပြုလုပ်ခဲ့သော နျူကလီးယားဆိုင်ရာ အကြံပေးအဖွဲ့ အစည်းအဝေး၌ တောင်ကိုရီးယားနှင့် အမေရိကန်တို့သည် မြောက်ကိုရီးယား၏ နျူကလီးယားလက်နက်များ ဖျက်သိမ်းရေး ဟူသော ၎င်းတို့၏ ဘုံရည်မှန်းချက်ကို ထပ်လောင်းအတည်ပြုခဲ့ကြသည်။ ယင်းမတိုင်မီ တစ်ရက်ကလည်း တောင်ကိုရီးယားနှင့် ဥရောပသမဂ္ဂ (EU) ခေါင်းဆောင်များက ပူးတွဲထုတ်ပြန်ချက်တစ်ခု ထုတ်ပြန်ခဲ့ပြီး၊ နိုင်ငံတကာ နျူကလီးယားလက်နက် မပြန့်ပွားရေးစာချုပ်နှင့်အညီ မြောက်ကိုရီးယားကို "နျူကလီးယားလက်နက် ပိုင်ဆိုင်သည့်နိုင်ငံအဖြစ် မည်သည့်အခါမျှ အသိအမှတ်ပြုမည်မဟုတ်သလို၊ ၎င်းနှင့်ပတ်သက်၍ အခြားမည်သည့်အဆင့်အတန်းမျိုးကိုမျှ ခွင့်ပြုမည်မဟုတ်ကြောင်း" ပြောကြားခဲ့သည်။ အမေရိကန်၏တိုးမြှင့်ကာကွယ်ဟန့်တားရေး အစီအမံများတွင် ၎င်းတို့၏ မဟာမိတ်နိုင်ငံကို အကာအကွယ်ပေးရန်အတွက် နျူကလီးယားလက်နက် အပါအဝင် စစ်ရေးစွမ်းဆောင်ရည် အပြည့်အဝကို အသုံးပြုသွားမည်ဟူသော အမေရိကန်၏ ကတိကဝတ်များ ပါဝင်သည်။ NOM

ဒုတိယဝန်ကြီး ဦးရဲတင့် The 5th China Media Group Forum တက်ရောက်ပြီး ပြန်လည်ရောက်ရှိ ဇွန် ၁၁၊ ၂၀၂၆ The 5th China Media Group Forum သို့ တက်ရောက်ရန် တရုတ်ပြည်သူ့သမ္မတနိုင်ငံ ချုံချင့်မြို့သို့ ရောက်ရှိနေသော ပြန်ကြားရေးဝန်ကြီးဌာန ဒုတိယဝန်ကြီး ဦးရဲတင့်နှင့်အဖွဲ့သည် ဇွန် ၉ ရက် တွင် ဖိုရမ်တက်ရောက်ရန် ရောက်ရှိနေသော နိုင်ငံတကာဧည့်သည်များနှင့်အတူ ချုံချင့်မြို့ Shapingba District Digitalized City Operation and Governance Center ကိုလည်းကောင်း၊ Chongqing International Logistics Hub Park ကိုလည်းကောင်း သွားရောက်ကြည့်ရှုလေ့လာပြီး Yongchuan (ယောင်းချွမ်) မြို့၌ ကျင်းပသော 2026 Chongqing International Animation Film Week ဖွင့်ပွဲသို့ တက်ရောက်သည်။ ဇွန် ၁၀ ရက် နံနက်ပိုင်းတွင် ချုံချင့်မြို့ Yuzhou State Guest Hotel ၌ “Uploading and Reshaping: The Media’s Mission in the Intelligent Era” ခေါင်းစဉ်ဖြင့် ကျင်းပသည့် The 5th China Media Group Forum ဖွင့်ပွဲကို တက်ရောက်ရာ အခမ်းအနားသို့ ချုံချင့်ဒေသအစိုးရနှင့် CMG မှ တာဝန်ရှိသူများ၊ နိုင်ငံတကာမှ မီဒီယာကိုယ်စားလှယ်များ၊ နည်းပညာရှင်များ စုစုပေါင်း ၃၀၀ ခန့် တက်ရောက်ကြသည်။  ဖိုရမ်၌ နည်းပညာပြောင်းလဲမှုနှင့်အတူ မီဒီယာကဏ္ဍကို တိုးမြှင့်လုပ်ဆောင်ရန်၊ ဉာဏ်ရည်တု နည်းပညာခေတ်တွင် ပိုမိုတရားမျှတပြီး ပိုမိုသန့်ရှင်းသော၊ ပိုမိုပြည့်စုံသော မီဒီယာအခင်းအကျင်းတစ်ခုဖြစ်စေရေး ပူးပေါင်းဆောင်ရွက်ကြရန်တို့ကို ဆွေးနွေးသည်။  ဒုတိယဝန်ကြီးသည် ခရီးစဉ်အတွင်း CMG မှ တာဝန်ရှိသူများနှင့် တွေ့ဆုံ၍ မြန်မာ့အသံနှင့်ရုပ်မြင် သံကြားနှင့် CMG တို့အကြား ပူးပေါင်းဆောင်ရွက်မှု မြှင့်တင်ရေးကိစ္စရပ်များကို ဆွေးနွေးခဲ့ပြီး ယနေ့ မွန်းလွဲပိုင်းတွင် ရန်ကုန်မြို့သို့ ပြန်လည်ရောက်ရှိကြသည်။

အတတ်ပညာ၊ အသိပညာပြည့်ဝသည့် လူ့စွမ်းအားအရင်းအမြစ်ကောင်းများကသာလျှင် နိုင်ငံတော်ကိုဖွံဖြိုးတိုးတက်ပြီး ရေရှည်တည်တံ့အောင်ထိန်းသိမ်းဆောင်ရွက်ပေးနိုင်မည်ဟု နိုင်ငံတော်သမ္မတ ပြောကြား နိုင်ငံတော်တွင် အတန်းပညာမြင့်မားပြီး အသိပညာ၊ အတတ်ပညာကြွယ်ဝသည့် လူသားအရင်းအမြစ်ကောင်းများ များစွာရရှိရန်လိုအပ်ကြောင်း၊ မိမိတိုနိုင်ငံ၏ပညာရေးကို ကြည့်မည်ဆိုပါက ခေတ်အဆက်ဆက်တွင် အားနည်းလျက်ရှိသည်ကို တွေ့မြင်ရမည်ဖြစ်ပြီး မဖြစ်မနေမြှင့်တင်ဆောင်ရွက်သွားရ မည်ဖြစ်ကြောင်း၊ အတတ်ပညာ၊ အသိပညာပြည့်ဝသည့် လူ့စွမ်းအားအရင်းအမြစ်ကောင်းများကသာလျှင် နိုင်ငံတော်ကို ဖွံဖြိုးတိုးတက်ပြီး ရေရှည်တည်တံ့အောင်ထိန်းသိမ်းဆောင်ရွက်ပေးနိုင်မည်ဖြစ်ကြောင်း၊ အတန်းပညာမှတစ်ဆင့် အတတ်ပညာ၊ အသိပညာများကို ပိုမိုပြည့်စုံအောင်ဖော်ဆောင်ပေးနိုင်မည်ဖြစ်သဖြင့် ကျောင်းနေအရွယ် ကလေးများအားလုံး ပညာသင်ကြားနိုင်ရေး ကြိုးပမ်းဆောင်ရွက်သွားကြရမည်ဖြစ်ကြောင်း မေလ ၁၅ ရက်တွင် ကျင်းပပြုလုပ်ခဲ့သည့် မန္တလေးတိုင်းဒေသကြီးအတွင်းရှိ တိုင်းဒေသကြီး၊ ခရိုင်၊ မြိုနယ်အဆင့် ဌာနဆိုင်ရာတာဝန်ရှိသူများနှင့် အသေးစား၊ အငယ်စားနှင့် အလတ်စားစီးပွားရေး(MSME)လုပ်ငန်းရှင်များနှင့်တွေ့ဆုံပွဲတွင် နိုင်ငံတော်သမ္မတ ဦးမင်းအောင်လှိင်က ထည့်သွင်းပြောကြားခဲ့တာဖြစ်ပါသည်။

ထရမ့်ရဲ့ "စစ်ပွဲပြီးပြီ" ဆိုတဲ့ ပြောကြားချက်ကို အီရန် ငြင်းဆို၊ အပစ်ရပ်ဖို့ သဘောမတူရသေးကြောင်း အဆင့်မြင့်အရာရှိပြော အီရန်နိုင်ငံအနေနဲ့ အပစ်အခတ်ရပ်စဲဖို့ ဘာသဘောတူညီချက်မှ မရရှိသေးကြောင်း အီရန်အဆင့်မြင့်အရာရှိတစ်ဦးက MS Now သတင်းဌာနကို အတည်ပြုပြောကြားခဲ့ပါတယ်။ ဒါဟာ ဒေါ်နယ်ထရမ့်ရဲ့ "စစ်ပွဲကြီး အဆုံးသတ်သွားပြီ" ဆိုတဲ့ ကြေညာချက်နဲ့ လုံးဝဆန့်ကျင်ဘက် ဖြစ်နေပြီး၊ ယခင်ကလည်း ထရမ့်က ငြိမ်းချမ်းရေးရတော့မယ်လို့ ကတိကဝတ်တွေ မလုပ်ခင်မှာ အခုလိုမျိုး အကြိမ်ပေါင်း ၄၀ မက ကြုံတွေ့ခဲ့ဖူးတယ်လို့ ဆိုပါတယ်။ NOM

ဟားခါးမြိုတွင် ယာယီနေရပ်စွန့်ခွာနေကြသည့် ဒေသခံ တိုင်းရင်းသား (၁၀၀) ကျော် ဖလမ်းမြို့သို့ပြန်လည်ဝင်ရောက်။

အီရန်အရေး ထရမ့်ရဲ့ တင်းမာတဲ့သဘောထား လျှော့ချလိုက်ပြီလား။ အီရန်နိုင်ငံအတွင်း၌ပင် ၎င်းတို့၏ သန့်စင်ပြီးယူရေနီယံများကို သိပ်သည်းဆလျှော့ချ (ဖျော်စပ်) ခွင့်ပြုမည့် ရွေးချယ်ခွင့်အပေါ် ထရမ့်က သဘောတူလိုက်ကြောင်း Axios သတင်းဌာနက ဖော်ပြသည်။ NOM

PDF အဖွဲ့ဝင်များ ထပ်မံအလင်းဝင်ရောက် တောင်ပိုင်းတိုင်းစစ်ဌာနချုပ်နယ်မြေတွင် ဇွန်လ ၁၂ ရက်နေ့၌ PDF အဖွဲ့ဝင် ကျား ၁၆ ဦး၊ မ ၇ ဦး၊ ပေါင်း ၂၃ ဦးတို့သည် လက်နက်မျိုးစုံ ၈ လက်၊ ခဲယမ်းများနဲ့အတူ ဥပဒေဘောင်အတွင်းသို့ ဝင်ရောက်လာခဲ့ကြောင်း သိရသည်။

" လျှပ်စစ်မီးကို သုံးစေချင်တယ် ၊ မဖြုန်းစေချင်ဘူး" ပြည်သူကို အလင်းရအောင်လုပ်ပေးတာ ကုသိုလ်ရတယ်.နည်းတဲ့ကုသိုလ် မဟုတ်ပါဘူး ... အဲ့ဒီကုသိုလ်ကိုယူကြပါ ဘာနဲ့မှ လဲပါနဲ့... လျှပ်စစ်စွမ်းအားကို အကျိုးရှိစွာ အသုံးချဖိုအတွက် ပြည်ထောင်စုဝန်ကြီးပြောကြားချက်

ကယားပြည်နယ်ဝန်ကြီးချုပ် သူနာပြုသိပ္ပံ (လွိင်ကော်) အမှတ်စဉ် (၃၂) သူနာပြု-သားဖွားဒီပလိုမာ (၃) နှစ်သင်တန်း ဂျူတီကုတ်၊ ဦးဆောင်းအပ်နှင်းပွဲနှင့် ပညာရည်ချွန်ဆုချီးမြှင့်ပွဲ တက်ရောက် ဇွန် ၁၁၊ ၂၀၂၆ ကယားပြည်နယ် သူနာပြုသိပ္ပံ(လွိုင်ကော်) အမှတ်စဉ် (၃၂) သူနာပြု-သားဖွားဒီပလိုမာ (၃)နှစ်သင်တန်း ဂျူတီကုတ်၊ ဦးဆောင်းအပ်နှင်းပွဲနှင့် ပညာရည်ချွန် ဆုချီးမြှင့်ခြင်း အခမ်းအနားကို ယနေ့ နံနက်က လွိုင်ကော်မြို့၊ မြို့နယ်ခန်းမ၌ ကျင်းပရာ ပြည်နယ်ဝန်ကြီးချုပ် ဦးအံ့မော်၊ ပြည်နယ် လွှတ်တော်ဥက္ကဋ္ဌ၊ ဒေသကွပ်ကဲရေးမှူး၊ ပြည်နယ်တရားသူကြီးချုပ်၊ ပြည်နယ်လွှတ်တော် ဒုတိယဥက္ကဋ္ဌ၊ ပြည်နယ်အစိုးရအဖွဲ့ဝင်များ၊ ဌာနဆိုင်ရာများ၊ ပြည်နယ်မိခင်နှင့်ကလေးစောင့်ရှောက် မှုကြီးကြပ်ရေးအဖွဲ့ နာယကနှင့် အဖွဲ့ဝင်များ၊  သူနာပြုသိပ္ပံ(လွိုင်ကော်) နည်းပြဆရာမများနှင့် ကျောင်းသား၊ ကျောင်းသူများ တက်ရောက်ကြသည်။ ဦးစွာ အခမ်းအနားကို သူနာပြုသိပ္ပံ(လွိုင်ကော်) သင်တန်းသူများက “ပြည်ထောင်စုရဲ့ ထာဝရအလှ” သီချင်းဖြင့် ကပြဖျော်ဖြေဖွင့်လှစ်ခဲ့သည်။ ဆက်လက်၍ ပြည်နယ်ဝန်ကြီးချုပ်က အဖွင့်အမှာစကားပြောကြားရာတွင် သူနာပြုများသည် ကျန်းမာရေးစောင့်ရှောက်မှု လုပ်ငန်းများတွင် အရေးကြီးသည့် အခန်းကဏ္ဍမှပါဝင်နေခြင်းဖြစ်သည့် အတွက် သင်ရိုးညွှန်းတမ်းအဆင့်မြင့်မားရေး၊ စွမ်းဆောင်ရည်မြင့်မားရေး၊ စဉ်ဆက်မပြတ် ပညာ သင်ကြားခွင့်ရရှိရေး၊ လုပ်ငန်းခွင်နှင့် ဘဝတက်လမ်းအခွင့်အရေးများ ရရှိရေးတို့အတွက် နိုင်ငံတော်နှင့် ပြည်နယ်အစိုးရအဖွဲ့တို့က အဘက်ဘက်မှ ဖြည့်ဆည်းပံ့ပိုးပေးလျက်ရှိရာ သင်တန်းသား၊ သင်တန်းသူအားလုံးက မိမိတို့၏ ရည်မှန်းချက်များ အောင်မြင်စေရန်အတွက် အကောင်းဆုံး လေ့လာသင်ယူရန်နှင့် ပညာရေးဆုံးခန်းတိုင်အောင် တက်ရောက်ရန် မှာကြား လိုကြောင်း၊ ယနေ့ ဂျူတီကုတ်နှင့် ဦးဆောင်းအပ်နှင်းခြင်းခံရသည့် သင်တန်းသားသင်တန်းသူများ အနေနှင့် သူနာပြု ဆရာ၊ ဆရာမများ လိုက်နာရမည့် ကျင့်ဝတ်များကို အလေးထားလိုက်နာပြီး နိုင်ငံတော်နှင့် ပြည်နယ်၏ ကျန်းမာရေးအဆင့်အတန်း ပိုမိုတိုးတက်မြင့်မားစေရေးအတွက် ပံ့ပိုးနိုင်သူများဖြစ်အောင် ကြိုးစားသွားရန် တိုက်တွန်းလိုကြောင်း စသည်ဖြင့် ပြောကြားသည်။ ထို့နောက် ပြည်နယ်ဝန်ကြီးချုပ်က ၂၀၂၅ ပညာသင်နှစ် ပညာရည်ချွန် ပထမဆုနှင့်ဒုတိယ ရရှိသူ များအားလည်းကောင်း၊ ပြည်နယ်လွှတ်တော်ဥက္ကဋ္ဌ၊ ဒေသကွပ်ကဲရေးမှူး၊ ပြည်နယ် တရား သူကြီးချုပ်နှင့် လူမှုရေးရာဝန်ကြီးတို့က ပညာရည်ချွန်ဆုနှင့် ဘက်စုံထူးချွန်ဆု၊ ရရှိသူများအား လည်းကောင်း ဆုများ အသီးသီး ပေးအပ်ချီးမြှင့်ခဲ့ကြသည်။ ယင်းနောက် သူနာပြုသိပ္ပံ(လွိုင်ကော်) ဒုတိယကျောင်းအုပ်ကြီးက သူနာပြု-သားဖွားဒီပလိုမာ (၃) နှစ်သင်တန်း ဂျူတီကုတ်၊ ဦးဆောင်းအပ်နှင်းပွဲနှင့် ပတ်သက်၍ ရှင်းလင်းတင်ပြခဲ့ပြီး သင်တန်းသား၊သင်တန်းသူများအား ဂျူတီကုတ်နှင့် ဦးဆောင်းများကို အပ်နှင်းကာ သင်တန်းသား သင်တန်းသူများက သူနာပြု သစ္စာအဓိဋ္ဌာန်ရွတ်ဆိုခဲ့ကြသည်။ ထို့နောက် ပြည်နယ်ဝန်ကြီးချုပ်နှင့်တာဝန်ရှိသူများသည် သူနာပြုသိပ္ပံ (လွိုင်ကော်) သင်တန်းသား၊ သင်တန်းသူများက တေးသရုပ်ဖော်များဖြင့် ကပြဖျော်ဖြေမှုကို ကြည့်ရှုအားပေးကာ သင်တန်းသား သင်တန်းသူများနှင့် စုပေါင်းမှတ်တမ်းတင် ဓာတ်ပုံရိုက်ကူးခဲ့ကြပြီး သင်တန်းသား သင်တန်းသူများ အား ရင်းရင်းနှီးနှီး နှုတ်ဆက်စကား ပြောကြားခဲ့ကြောင်းသိရှိရသည်။

အီရန်နှင့် စစ်ပွဲအရှိန်မြင့်တက်လာမှုအပေါ် စျေးကွက်က အကဲဖြတ်နေစဉ် ရေနံစျေးနှုန်းများ တည်ငြိမ်နေ "အမေရိကန်စစ်တပ်အနေဖြင့် ယနေ့ညတွင် အီရန်နိုင်ငံကို 'အလွန်ပြင်းထန်စွာ' ဗုံးကြဲတိုက်ခိုက်လိမ့်မည်" ဟု အမေရိကန်သမ္မတ ဒေါ်နယ်ထရမ့်က သတိပေးပြောကြားလိုက်ပြီးနောက်၊ ရင်းနှီးမြှုပ်နှံသူများအနေဖြင့် အမေရိကန်-အစ္စရေးနှင့် အီရန်တို့အကြား ဖြစ်ပွားနေသော စစ်ပွဲကြောင့် ရေနံတင်ပို့မှုပြတ်တောက်နိုင်ခြေ အခြေအနေများကို တွက်ချက်အကဲဖြတ်နေကြသဖြင့် ကြာသပတေးနေ့တွင် ရေနံစျေးနှုန်းများမှာ သိသာထင်ရှားသော အပြောင်းအလဲမရှိဘဲ ငြိမ်သက်နေခဲ့သည်။ ဂရင်းနစ်စံတော်ချိန် (GMT) ၁၃:၀၃ နာရီအချိန်တွင် ဘရန့်ဒ်ရေနံစိမ်းကြိုပွိုင့်စျေးနှုန်းမှာ တစ်စည်လျှင် ၁၂ ဆင့် (သို့မဟုတ် ၀.၁ ရာခိုင်နှုန်း) အနည်းငယ်ကျဆင်းပြီး ၉၂.၉၈ ဒေါ်လာ ဖြစ်သွားခဲ့ပြီး၊ အမေရိကန် အနောက်တက္ကဆက် ရေနံစိမ်းကြိုပွိုင့်စျေးနှုန်းမှာမူ တစ်စည်လျှင် ၇ ဆင့် (သို့မဟုတ် ၀.၁ ရာခိုင်နှုန်း) မြင့်တက်ကာ ၉၀.၁၀ ဒေါ်လာ ဖြစ်လာခဲ့သည်။  NOM

လက်ဘနွန်တောင်ပိုင်းရှိ အစ္စရေးစစ်သားများအတွင်းသို့ ဟစ်ဇဘိုလာက အသေခံဒရုန်းတစ်စင်းဖြင့် ပျံသန်းဝင်ရောက်တိုက်ခိုက် အမိုးအကာရှိရာသို့ အလုအယက်ပြေးလွှားပုန်းအောင်းနေစဉ် စစ်သားတစ်ဦး၏ နောက်ကျော/တင်ပါးကို ထိမှန်သွားပုံရ။ NOM

ရွှေကုက္ကိုလ်နယ်မြေအတွင်း အွန်လိုင်းလိမ်လည်လောင်းကစားမှုကျူးလွန်ရာတွင် အသုံးပြုခဲ့သည့် တရားမဝင် ၃ ထပ်လူနေအဆောက်အအုံ ၄ လုံး အား စနစ်တကျ ထပ်မံဖြိုချဖျက်ဆီး၊ တရားမဝင်အဆောက်အအုံ ၅၆ လုံးဖြိုချဖျက်ဆီးပြီးဖြစ် ဇွန် ၁၁၊ ၂၀၂၆

ကလေး - တမူးလမ်းကြောင်း ပြန်လည်ထိန်းချုပ် ဖွင့်လှစ်နိုင်ရေးအတွက် တပ်မတော်စစ်ကြောင်းများက ဆောင်ရွက်စဉ် မြန်မာ - အိန္ဒိယ နှစ်နိုင်ငံနယ်စပ်အနီး အကြမ်းဖက်သောင်းကျန်းသူ စခန်းအား သိမ်းပိုက်ရရှိ ဇွန် ၁၀၊ ၂၀၂၆

ဒီဇယ်ဆီ HSD(500 ppm)၊ သဘာဝဓာတ်ငွေ့ရည် (Liquefied Natural Gas)၊ ဓာတ်မြေဩဇာတင်သွင်းမှုများအတွက် ကြိုတင်ဝင်ငွေခွန် ကင်းလွတ်ခွင့်ကို ဇွန် ၃၀ ရက်အထိ ထပ်မံတိုးမြှင့်ပေး။