News Of Myanmar

ဆော်ဒီလေဆိပ်ကိုဒုံးကျည်ထိမှန်သည့် CCTVထုတ်ပြန် NOM စနေနေ့က ရီယာ့ဒ်မြို့ရှိ King Khalid အပြည်ပြည်ဆိုင်ရာလေဆိပ်၏ Terminal 3 ကို ဒုံးကျည်ဖြင့် ထိမှန်ခဲ့သည့်အချိန်ကို CCTV မှတ်တမ်းများက ပြသထားသည်။ တိုက်ခိုက်မှုကြောင့် အနည်းဆုံး လူ ၁၃ ဦး သေဆုံးပြီး ၃၀၀ ကျော် ဒဏ်ရာရရှိခဲ့သည်။

အမေရိကန်သမ္မတ၏ပြောဆိုချက်ကြောင့်ယူကရိန်းသမ္မတနှင့်မိတ်ဖက်ဥရောပခေါင်းဆောင်များစိတ်ပျက်ဒေါသထွက် NOM "ကျွန်တော်တို့ အံ့အားသင့်သွားပြီး Witkoff နဲ့ Kushner တို့ ပြောတာကို အသုံးမကျတဲ့သူတွေလို ထိုင်နားထောင်ခဲ့ရတယ်" မနေ့က အမေရိကန်မှာ ပြုလုပ်ခဲ့တဲ့ ဆွေးနွေးပွဲတွေမှာ ယူကရိန်းကိုယ်စားလှယ်အဖွဲ့တင်မကဘဲ ဥရောပကိုယ်စားလှယ်အဖွဲ့ပါ တက်ရောက်ခဲ့ကြပါတယ်။ အမေရိကန်ဘက်က ထရမ့်ဟာ ရုရှားအပေါ် ပိတ်ဆို့အရေးယူမှုတွေကို ရုပ်သိမ်းဖို့ အသင့်ရှိနေပြီလို့ ပြောကြားခဲ့ချိန်မှာ ယူကရိန်းနဲ့ ဥရောပကိုယ်စားလှယ်တွေအနေနဲ့ ကြားလိုက်ရတဲ့ စကားကို ယုံကြည်ဖို့တောင် ခက်ခဲသွားခဲ့ပါတယ်။ ဆွေးနွေးပွဲအပြီးမှာ တာဝန်ရှိသူတစ်ဦးက ခုလိုပြောကြားခဲ့ပါတယ် - "ဒါတောင်မှ သူကပဲ လူတိုင်းကို ထွက်ပေါက်မရှိတဲ့ အီရန်စစ်ပွဲထဲ ဆွဲသွင်းခဲ့တာဖြစ်ပြီး ခုတော့ ကျွန်တော်တို့ကို သစ္စာဖောက်နေပြီ… ရွေးကောက်ပွဲမတိုင်မီ သီတင်းပတ်အနည်းငယ်အလိုမှာ ခေတ္တခဏမျှသာရမယ့် လှည့်ဖြားမှုသက်သာရာကို ရဖို့အတွက်သက်သက်နဲ့ပဲ…" “ဥရောပသားတွေဟာ သူတို့ရဲ့မျက်နှာကို ညစ်ပတ်နေတဲ့ ကြမ်းသုတ်အဝတ်စနဲ့ ပွတ်တိုက်ခံလိုက်ရသလို ခံစားလိုက်ရတယ်”

ယီမင်နိုင်ငံမှ ဟူသီလက်နက်ကိုင်အဖွဲ့ ပစ်လွှတ်လိုက်သည့် ခရုဇ်ဒုံးကျည်သည် ဆော်ဒီနိုင်ငံ၊ ရီယက်ဒ်မြို့ရှိ ကင်းခါလစ် (King Khalid) နိုင်ငံတကာလေဆိပ်၏ တာမီနယ် ၄ (Terminal 4) အဆောက်အအုံကို တိုက်ရိုက်ထိမှန်ခဲ့ပြီး ထိခိုက်သေဆုံးသူ ဒါဇင်နှင့်ချီ၍ ရှိနေသည်။

ယီမင်နိုင်ငံမှ ဟူသီအဖွဲ့သည် ဆော်ဒီအာရေးဗီးယား​နိုင်ငံ၏ မြို့တော် ရိယာ့ဒ် (Riyadh) ကို ပဲ့ထိန်းဒုံးကျည်များဖြင့် လက်ရှိ တိုက်ခိုက်နေပြီ ဖြစ်သည်။

မြန်အောင်မြို့နယ်ရှိ မမြရေလှောင်တမံ တမံအိလျောကျမှုအား ကာကွယ်ထိန်းသိမ်းရေးလုပ်ငန်းများ ဆက်လက်ဆောင်ရွက် အောက်တိုဘာ ၁၁၊ ၂၀၂၆ ဧရာဝတီတိုင်းဒေသကြီး၊ မြန်အောင်ခရိုင် မြန်အောင်မြို့နယ်ရှိ မမြရေလှောင်တမံ ကာကွယ်ထိန်းသိမ်းမှုလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။ ဦးစွာ မမြရေလှောင်တမံ၊ အရေးပေါ်ရေပိုလွှဲအား မြေတူးစက် (၁)စီးဖြင့် ၃၁၂ ပေမှ ၃၀၇ ပေသို့ ထပ်မံနှိမ့်ချ၍ ရေလျှော့ချနိုင်ရန် ဆောင်ရွက်နေမှု၊ တမံအိလျောကျမှုအား ကာကွယ်ထိန်းသိမ်းနိုင်ရန်အတွက် တမံအောက်ခြေဆင်ခြေလျော၏ အပြင်ဘက်မှ မြေသားတမံပုံစံ တမံတာအောက်ခြေအား ပိုမိုခိုင်မာတောင့်တင်းမှုရှိစေရန် မြေတူးစက် (၃)စီး၊ မြေထိုးစက် (၁)စီး၊ မြေသယ်ယာဉ် (၇)စီးတို့ဖြင့် ဆောင်ရွက်နေမှု၊ ရေထုတ်ပြွန်မှ ရေတံခါး ၂ ပေါက်ဖြင့် ပျမ်းမျှ ၄၀၀ ကုဗပေ/ စက္ကန့်နှုန်းခန့်ဖြင့်ရေ ထုတ်လွှတ်နေမှု၊ တမံ၏အထက်ရေပြင်နှင့် ထိစပ်အပိုင်းမှစ၍ တမံအိလျောကျနေရာ တစ်လျှောက်တွင် မိုးရေစိုခြင်း၊ နေပူဒဏ်နှင့် ရေလှိုင်းရိုက်ခတ်ခြင်းဒဏ် မခံရစေရန်အတွက် မိုးရေကာဖျင်များ စနစ်တကျ အုပ်မိုးကာကွယ်ခြင်းနှင့်အတူ တမံအိလျောမှုအခြေအနေ၊ ကာကွယ်ထိန်းသိမ်းမှုအခြေအနေနှင့် ရေဝါချောင်းအတွင်း ရေစီးဆင်းဝင်ရောက်မှု အခြေအနေများကို တိုင်းဒေသကြီးဝန်ကြီးချုပ် ဦးအေးကျော်၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီးတို့သည် ယနေ့နံနက်ပိုင်းတွင် ကွင်းဆင်းကြည့်ရှုစစ်ဆေးပြီး လိုအပ်သည်များကို သက်ဆိုင်ရာ တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးသည်။ ထို့နောက် တိုင်းဒေသကြီးဝန်ကြီးချုပ်က မမြရေလှောင်တမံ မြေသားတာဘောင်နိမ့်ကျမှုကြောင့် ရေဝင်ရောက်နိုင်သည့်အတွက် ကြိုတင်ရွှေ့ပြောင်းရသည့် ပြည်သူများအား ဧရာဝတီတိုင်းဒေသကြီးအစိုးရအဖွဲ့မှ ဆန်ရိက္ခာများ ထောက်ပံ့ပေးအပ်ခြင်းအခမ်းအနားသို့ တက်ရောက် အမှာစကားပြောကြားပြီး မမြရေလှောင်တမံ မြေသားတာဘောင်နိမ့်ကျမှု့ကြောင့် ရေဝင်ရောက်နိုင်သည့်အတွက် ကြိုတင်ရွှေ့ပြောင်းရသည့် ပြည်သူများကို ဆန်ရိက္ခာများနှင့် ပြည်သူများကြိုတင်ရွှေ့ပြောင်းရာတွင် ပါဝင်ကူညီ ဆောင်ရွက်ခဲ့ကြသည့် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် အထွေထွေအုပ်ချုပ်ရေးဦးစီးဌာန ဝန်ထမ်းများအတွက် ချီးမြှင့်ငွေများပေးအပ်ကာ ပြည်သူများအား အားပေးစကားပြောကြားခဲ့ကြောင်း သတင်းရရှိသည်။

ဥရောပသမဂ္ဂ (EU) ၏ စဉ်းစားတွေးခေါ်ပုံ။ ဤပုံသည် နိုင်ငံတကာရေးရာနှင့် စွမ်းအင်စီးပွားရေး အခြေအနေကို သရော်ထားသည့် ပုံ အပြာရောင်မြှား (မကောင်းသောဓာတ်ငွေ့) - ရုရှားထံမှ ဥရောပသမဂ္ဂ (EU) သို့ တိုက်ရိုက်တင်သွင်းသည့် သဘာဝဓာတ်ငွေ့ ဖြစ်သည်။  အနီရောင်မြှား (ကောင်းသောဓာတ်ငွေ့) - ရုရှားက တရုတ်နိုင်ငံသို့ ရောင်းချပြီး ထိုမှတစ်ဆင့် အာရှနှင့် အာဖရိကတိုက်တို့ကို ပတ်၍ ဥရောပသမဂ္ဂ သို့ တာဝေးတစ်ဆင့်ပြန်လည် ရောက်ရှိလာသည့် ဓာတ်ငွေ့ဖြစ်သည်။  ရုရှားထံမှ တိုက်ရိုက်ဝယ်ယူပါက ပိတ်ဆို့အရေးယူမှုများကြောင့် "မကောင်းသော ဓာတ်ငွေ့" ဟု သတ်မှတ်သော်လည်း၊ တတိယနိုင်ငံမှတစ်ဆင့် ပတ်၍ ပြန်လည်ဝယ်ယူသည့်အခါ တူညီသော ရုရှားဓာတ်ငွေ့ကိုပင် လက်ခံသုံးစွဲနေရသည့် ဖြစ်စဉ်ကို သရော်ထားခြင်း ဖြစ်သည်။

အသိပေးကြေညာချက်

အကြမ်းဖက်အုပ်စုအဖြစ် ကြေညာထားသော CRPH၊ NUG နှင့် ၎င်းတို့၏ လက်ဝေခံများ၏ လှုံ့ဆော်၊ ဝါဒဖြန့်ခြင်းများအား လိုက်ပါလုပ်ဆောင်ခြင်း၊ အားပေးကူညီခြင်းများပြုလုပ်ခဲ့သူများအား ဖော်ထုတ်အရေးယူ NOM အောက်တိုဘာ ၁၁၊ ၂၀၂၆ အကြမ်းဖက်အုပ်စုအဖြစ်ကြေညာထားသည့် CRPH၊ NUG နှင့် ယင်းတို့၏ လက်ဝေခံ အဖွဲ့အစည်းများ၊ ယင်းတို့နှင့်ဆက်နွှယ်နေသော အဖွဲ့အစည်းများ၊ လူပုဂ္ဂိုလ်များသည်နိုင်ငံတော် တည်ငြိမ်အေးချမ်းရေးကို ပျက်ပြားစေရန်နှင့်အစိုးရယန္တရားများ ပျက်ပြားစေရန် ရည်ရွယ်လျက် လှုံ့ဆော်ခြင်း၊ ဝါဒဖြန့်ခြင်းများပြုလုပ်ခဲ့မှုအပေါ် ဥပဒေနှင့်အညီ ထိရောက်စွာ အရေးယူသွားမည် ဖြစ်ကြောင်းနှင့် ထိုသို့ လှုံ့ဆော်သူ၊ ဝါဒဖြန့်သူများအား ဆက်လက်ဖော်ထုတ်အရေးယူသွားမည်ဖြစ် ကြောင်း မိဘပြည်သူများ သိရှိနိုင်ရေး အသိပေးသတင်းထုတ်ပြန်ပြီးဖြစ်သည်။ ထိုကဲ့သို့ သတင်းထုတ်ပြန်ခဲ့ပြီးဖြစ်သော်လည်း ၂၀၂၆ ခုနှစ်၊ အောက်တိုဘာလ ၉ ရက်နေ့ တွင် အသိပေးထုတ်ပြန်ချက်အပေါ် မျက်ကွယ်ပြု၍ နိုင်ငံတော်တည်ငြိမ်အေးချမ်းရေးကို ပျက်ပြား စေရန် ရည်ရွယ်ကာ လူမှုကွန်ရက်စာမျက်နှာပေါ်၌ လှုံ့ဆော်ခြင်း၊ ဝါဒဖြန့်ခြင်းများပြုမူလုပ်ဆောင်ခဲ့ သည့် “U Kyaw Khing” TikTok အကောင့်ပိုင်ရှင်ဖြစ်သူမန္တလေးတိုင်းဒေသကြီး၊ တံတားဦးမြို့နယ်၊ ဘူးရောက်ကျေးရွာနေ ကျော်ခိုင်အား နံနက် ၁၁ နာရီ ၁၅ မိနစ်တွင် စကားအင်းရဲကင်းစခန်း၌ တရားဥပဒေနှင့်အညီ ဖမ်းဆီးထိန်းသိမ်းအမှုဖွင့်လှစ်အရေးယူဆောင်ရွက်ခဲ့ကြောင်း သတင်းရရှိသည်။ NOM

အကြမ်းဖက်အုပ်စုအဖြစ် ကြေညာထားသော CRPH၊ NUG နှင့် ၎င်းတို့၏ လက်ဝေခံများ၏ လှုံ့ဆော်၊ ဝါဒဖြန့်ခြင်းများအား လိုက်ပါလုပ်ဆောင်ခြင်း၊ အားပေးကူညီခြင်းများပြုလုပ်ခဲ့သူများအား ဖော်ထုတ်အရေးယူ အောက်တိုဘာ ၁၀၊ ၂၀၂၆ အကြမ်းဖက်အုပ်စုအဖြစ်ကြေညာထားသည့် CRPH၊ NUG နှင့် ယင်းတို့၏ လက်ဝေခံ အဖွဲ့အစည်းများ၊ ယင်းတို့နှင့်ဆက်နွှယ်နေသော အဖွဲ့အစည်းများ၊ လူပုဂ္ဂိုလ်များသည်နိုင်ငံတော် တည်ငြိမ်အေးချမ်းရေးကို ပျက်ပြားစေရန်နှင့်အစိုးရယန္တရားများ ပျက်ပြားစေရန် ရည်ရွယ်လျက် လှုံ့ဆော်ခြင်း၊ ဝါဒဖြန့်ခြင်းများပြုလုပ်ခဲ့မှုအပေါ် ဥပဒေနှင့်အညီ ထိရောက်စွာ အရေးယူသွားမည် ဖြစ်ကြောင်းနှင့် ထိုသို့ လှုံ့ဆော်သူ၊ ဝါဒဖြန့်သူများအား ဆက်လက်ဖော်ထုတ်အရေးယူသွားမည်ဖြစ် ကြောင်း မိဘပြည်သူများ သိရှိနိုင်ရေး အသိပေးသတင်းထုတ်ပြန်ပြီးဖြစ်သည်။ ထိုကဲ့သို့ သတင်းထုတ်ပြန်ခဲ့ပြီးဖြစ်သော်လည်း ၂၀၂၆ ခုနှစ်၊ အောက်တိုဘာလ ၉ ရက်နေ့ တွင် အသိပေးထုတ်ပြန်ချက်အပေါ် မျက်ကွယ်ပြု၍ နိုင်ငံတော်တည်ငြိမ်အေးချမ်းရေးကို ပျက်ပြား စေရန် ရည်ရွယ်ကာ လူမှုကွန်ရက်စာမျက်နှာပေါ်၌ လှုံ့ဆော်ခြင်း၊ ဝါဒဖြန့်ခြင်းများပြုမူလုပ်ဆောင်ခဲ့ သည့် “qwertyuiopasdfghjklzxcvbnm” TikTok အကောင့်ပိုင်ရှင်ဖြစ်သူ မန္တလေးတိုင်းဒေသကြီး၊ ကျောက်ဆည်မြို့နယ်၊ လက်ပံကျေးရွာနေ ချစ်ဆွေ(ခ)ခလီလွလ်လာအား ည ၉ နာရီ ၃၅မိနစ်တွင် ချောင်းခွနယ်မြေရဲစခန်း၌ တရားဥပဒေနှင့်အညီ ဖမ်းဆီးထိန်းသိမ်းအမှုဖွင့်လှစ်အရေးယူဆောင်ရွက် ခဲ့ကြောင်း သတင်းရရှိသည်။

သပိတ်ကျင်းမြို့နယ်၊ တွင်းငယ်ကျေးရွာအနီးတွင် PDF အကြမ်းဖက်အဖွဲ့ထောင်ထားသည့် မိုင်းအားနင်းမိပေါက်ကွဲမှုကြောင့် အပြစ်မဲ့ပြည်သူတစ်ဦးသေဆုံးပြီး တစ်ဦးဒဏ်ရာရ NOM အောက်တိုဘာ ၁၁၊ ၂၀၂၆ မန္တလေးတိုင်းဒေသကြီး၊ သပိတ်ကျင်းမြို့နယ်၊ တွင်းငယ်ကျေးရွာနေ ဦးထွန်းထွန်းလင်း (၃၈) နှစ်နှင့် ဦးနိုင်မင်းဟိန်း (၂၈) နှစ်တို့သည် အောက်တိုဘာ ၁၀ ရက်နေ့ နံနက် ၁၁ နာရီ ၄၅ မိနစ်အချိန်၌ ကျေးရွာအနီးရှိ တောအတွင်း သစ်ပင်ခုတ်နေစဉ် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား ဦးနိုင်မင်းဟိန်းမှ နင်းမိပေါက်ကွဲခဲ့မှုကြောင့် ဦးနိုင်မင်းဟိန်းတွင် မိုင်းပေါက်ကွဲစထိမှန်ဒဏ်ရာများရရှိကာ သေဆုံးသွားခဲ့ပြီး ဦးထွန်းထွန်းလင်းတွင် ထိခိုက်ဒဏ်ရာများရရှိခဲ့၍ သေဆုံး/ဒဏ်ရာရရှိသူများအားသပိတ်ကျင်းမြို့၊ အမှတ် (၂၀) တပ်မတော်ဆေးရုံ (ခုတင်-၁၀၀)သို့ ပို့ဆောင်ထားရှိကြောင်း သိရသည်။ NOM

ပင်းတယမြို့နယ်၊ ညောင်ကောက်ကျေးရွာနေ ကျေးရွာအုပ်ချုပ်ရေးမှူးကို PDF အကြမ်းဖက်အဖွဲ့ကသတ်ဖြတ်ပြီး ငွေကျပ်သိန်း ၁၅၀ ခန့်အား လုယက်ယူဆောင်သွား NOM အောက်တိုဘာ ၁၁၊ ၂၀၂၆ ရှမ်းပြည်နယ်(တောင်ပိုင်း)၊ ပင်းတယမြို့နယ်၊ ညောင်ကောက်ကျေးရွာနေ ကျေးရွာအုပ်ချုပ်ရေးမှူး ဦးဝင်းမောင် (၅၇) နှစ်သည် အောက်တိုဘာ ၁၀ ရက်နေ့ ည ၈ နာရီခွဲအချိန်၌ ၎င်း၏နေအိမ်တွင်ရှိနေစဉ် PDF အကြမ်းဖက်သမားရှစ်ဦးခန့်က ဆိုင်ကယ်လေးစီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်၍ နေအိမ်အတွင်းရှိ ငွေကျပ်သိန်း ၁၅၀ ခန့်အား လုယက်ယူဆောင်သွားခဲ့သဖြင့် ဦးဝင်းမောင်တွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်းသိရသည်။ NOM

တံတားဦးမြို့နယ်၊ ရေဂမိုးကျေးရွာနေ အပြစ်မဲ့အရပ်သားပြည်သူတစ်ဦးကို PDF အကြမ်းဖက်အဖွဲ့က သေနတ်ဖြင့် ပစ်ခတ်သတ်ဖြတ်သွား NOM အောက်တိုဘာ ၁၁၊ ၂၀၂၆ မန္တလေးတိုင်းဒေသကြီး၊ တံတားဦးမြို့နယ်၊ ရေဂမိုးကျေးရွာနေ ကိုရန်နိုင်လင်း (ခ) ကိုရာဇာစိုး (၄၁) နှစ်သည် အောက်တိုဘာလ ၉ ရက်နေ့ ည ၉ နာရီ ၂၀ မိနစ်အချိန်၌ အဆိုပါကျေးရွာရှိ ၎င်းပိုင်ဆန်စက်ဝင်းအတွင်းရှိနေစဉ် PDF အမည်ခံအကြမ်းဖက် သမားသုံးဦးခန့်က ဆိုင်ကယ်တစ်စီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ၎င်းတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်းသိရသည်။ NOM

ဖြူးမြို့နယ်တွင် DEMU ရထားတိုက်ခံရတစ်ဦးသေဆုံး NOM၊အောက်တိုဘာ ၁၁ ၊၂၀၂၆ ရန်ကုန် - မန္တလေး ရထားလမ်းပိုင်းဖြူးမြို့နယ်တွင် အောက်တိုဘာ ၁၀ ရက်တွင်ရထားလမ်းဖြတ်ကူးသော သားအမိနှစ်ယောက် DEMU အမြန်ရထားဖြင့် တိုက်မိပြီး တစ်သေဆုံး၊ တစ်ဦး ဒဏ်ရာရခဲ့‌ေကြာင်းမြန်မာ့မီးရထားမှသိရသည်။ ဖြစ်စဉ်မှာ ကညွတ်ကွင်းမြို့၊ တောင်ဂုံးတဲကျေးရွာအကျော် ပေါက်ပင်တံတားအနီးမှ မွန်လွဲ ၁၂ နာရီ ၅၅ မိနစ်ဝန်ကျင်းက တောကျွဲအင်းဘက်မှကညွတ်ကွင်းဘူတာဘက်သို့ မောင်းနှင်လာသော အမှတ် (၃၁) အဆန် DEMU ရထားဖြင့်တိုက်မိခဲ့ကြောင်း သိရသည်။ မိခင်ဖြစ်သူသည် ဦးခေါင်းနောက်စေ့ပွင့် ဒဏ်ရာဖြင့်သေဆုံးခဲ့ပြီး သားဖြစ်သူသည် ဝဲဘက်ဦးခေါင်းဖူးရောင်ဒဏ်ရာ၊ ယာလက်ကျိုးဒဏ်ရာ၊ဘယ်ခြေထောက်၊ ယာလက်ခုံ၊ ယာမျက်လုံးတို့တွင် ပွန်းပဲ့ဒဏ်ရာများ ရရှိခဲ့၍ ကလေးငယ်ကို ကညွတ်ကွင်း တိုက်နယ်ဆေးရုံမှတဆင့် ရန်ကုန်ပြည်သူ့ဆေးရုံကြီးသို့ လွှဲပြောင်းထား‌ေကြာင်းသိရသည်။

ကရင်ပြည်နယ်အတွင်း ယခုနှစ်ဧပြီလမှစက်တင်ဘာလထိ တရားမဝင်ကုန်သွယ်မှု အမှုတွဲပေါင်း ၁၃၉ မှု ခန့်မှန်းတန်ဖိုးကျပ်(၂၅ ဒဿမ၉၂၇) ဘီလီယံခန့် ဖမ်းမိ ကရင်ပြည်နယ်အတွင်း ယခုနှစ်ဧပြီလမှစက်တင်ဘာလထိ တရားမဝင်ကုန်သွယ်မှု အမှုတွဲပေါင်း ၁၃၉ မှု ခန့်မှန်းတန်ဖိုးကျပ်(၂၅ ဒဿမ ၉၂၇) ဘီလီယံခန့် ဖမ်းမိခဲ့သည့်ဟု ပြည်နယ်အစိုးရအဖွဲ့ရုံး အထူးအဖွဲ့(၅/၂၀၂၆)အစည်းအဝေး တွင် ကရင်ပြည်နယ်တရားမဝင်ကုန်သွယ်တိုက်ဖျက်ရေးအထူးအဖွဲ့ဥက္ကဋ္ဌ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးစိုးမိုးဝင်းကပြောကြားခဲ့သည်။ ကရင်ပြည်နယ်တရားမဝင်ကုန်သွယ်တိုက်ဖျက်ရေးအထူးအဖွဲ့ ဥက္ကဋ္ဌ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးစိုးမိုးဝင်းက တရားမဝင်ကုန်သွယ်မှုလုပ်ဆောင်နေသူများသည် တရားမဝင်လမ်းကြောင်းများမှတစ်ဆင့် နည်း လမ်းမျိုးစုံအသုံးပြုဆောင်ရွက်နေကြပြီး အကောက်ခွန်နှင့်ရသင့်ရထိုက်သည့်အခွန်အခများ ဆုံးရှုံးမှုများစွာဖြစ်ပေါ်စေရာ တရားမဝင် ကုန်သွယ်မှုများအား တားဆီးဖမ်းဆီးစစ်ဆေးပြီး ဥပဒေနှင့်အညီ ထိထိ‌ရောက်ရောက် အရေးယူဆောင်ရွက်ကြရ မည်ဖြစ်ကြောင်း၊ တရားမဝင်သယ်ဆောင်လာသည့် ကုန်စည်များကို စနစ်တကျ တားဆီးထိန်းချုပ်၍ တရားမဝင်ကုန်သွယ် မှုများကိုလျှော့ချပြီး တရားဝင်ကုန်သွယ်မှုလမ်းကြောင်းပေါ်သို့ ရောက်ရှိလာစေရေး ကြိုးပမ်းဆောင်ရွက်သွားကြရမည်ဖြစ် ကြောင်းပြောကြားခဲ့သည်။ ထို့နောက် ကရင်ပြည်နယ်အတွင်းရှိ စစ်ဆေးရေးစခန်းများ၊ ဂိတ်များနှင့် ကုန်သွယ်ရေးဇုန်တို့တွင် တာဝန်ထမ်းဆောင်နေကြသောဝန်ထမ်းများအနေဖြင့် ကုန်သွယ်မှုနှင့်ကုန်စည်စီးဆင်းမှုများမှန်ကန်မြန်ဆန်စေရေး၊ တရားမဝင်ကုန်သွယ်မှုများထိ ရောက်စွာ တားဆီးထိန်းချုပ်နိုင်ရေးအတွက် ဦးဆောင်ကော်မတီကချမှတ်ထားသည့် စံပြုလုပ်ငန်းစဉ်(SOPs) များ၊ သက်ဆိုင် ရာဌာနများ၏ ဥပဒေ၊ နည်းဥပဒေ၊ စည်းမျဉ်းစည်းကမ်း၊ လုပ်ထုံးလုပ်နည်းများနှင့်အညီ စနစ်တကျပူးပေါင်းစစ်ဆေးဆောင်ရွက်သွားမည်ဟုသိရသည်။

အီလွန်မတ်စ် (Elon Musk) ကလည်း - "ယူကရိန်းအတွက် ခေါင်းဆောင်အသစ် ရှာရမယ့်အချိန် ရောက်လာပါပြီ"

ယူကရိန်း တိုက်လေယာဉ်များသည် ၎င်းတို့၏ လက်နက်ခဲယမ်းများကြောင့်ပင် ထိခိုက်ပျက်စီးဆုံးရှုံးမှုများနှင့် ရင်ဆိုင်နေရ ခေတ်နောက်ကျနေသော လက်နက်များကို အသုံးပြုနေရခြင်းကြောင့် တိုက်လေယာဉ်အချို့ ဆုံးရှုံးခဲ့ရကြောင်း ယူကရိန်းဘက်က ပြောကြားလိုက်သည်။ ခေတ်မီ ဝေဟင်မှဝေဟင်ပစ် ဒုံးကျည်များအပါအဝင် ခဲယမ်းမီးကျောက် ပြတ်လပ်မှု အလွန်ဆိုးဝါးနေခြင်းကြောင့် ယူကရိန်းနိုင်ငံသည် သက်တမ်း နှစ် ၃၀ မှ ၅၀ ကြား ရှိပြီဖြစ်သော ဆိုဗီယက်ခေတ်လက်ကျန် R-60 ဒုံးကျည်များကို မဖြစ်မနေ အသုံးပြုနေရသည်။ ယင်းကဲ့သို့ အသုံးပြုရမှုကြောင့် ဒုံးကျည်များ ချို့ယွင်းပေါက်ကွဲကာ တိုက်လေယာဉ်များပါ ပျက်စီးဆုံးရှုံးရသည့် ဖြစ်ရပ်များ ပိုမိုများပြားလာနေသည်။ သို့သော် တစ်ချိန်တည်းမှာပင် လုံလောက်သော ပမာဏဖြင့် ရရှိနိုင်သည့် တစ်ခုတည်းသော ဝေဟင်မှဝေဟင်ပစ် ဒုံးကျည်များမှာ R-60 များသာဖြစ်သောကြောင့် အခြားရွေးချယ်စရာ မရှိကြောင်း ယူကရိန်းစစ်တပ်ကပြောဆိုထားသည်။

ရန်ကုန်တိုင်း‌ဒေသကြီး ဝန်ကြီးချုပ် ဦး‌အောင်နိုင်သူ မလေးရှားနိုင်ငံမှ‌ ပြန်လည် ရောက်ရှိလာသည့် ရခိုင်ပြည်သူများအား နိုင်ငံသားစိစစ်ရေးကတ်ပြား မိတ္တူထုတ်ပေးခြင်း အခမ်းအနားတက်ရောက် အောက်တိုဘာ ၁၁၊ ၂၀၂၆ မလေးရှားနိုင်ငံမှ ပြန်လည်ရောက်ရှိလာသည့် ရခိုင်ပြည်နယ်မှ ပြည်သူများအား နိုင်ငံသားစိစစ်ရေးကတ်ပြားမိတ္တူထုတ်ပေးခြင်းနှင့် UID ကတ်ပြားများ ထုတ်ပေးခြင်း အခမ်းအနားကို ယမန်နေ့ နေ့လယ်ပိုင်းက လှိုင်သာယာ(အနောက်ပိုင်း)မြို့နယ်၊ စုပေါင်းရုံး၊ မြို့နယ်ခန်းမ၌ ကျင်းပရာ ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူနှင့် ရန်ကုန်တိုင်းဒေသကြီးအစိုးရအဖွဲ့ဝင်များ၊ တိုင်းအဆင့်ဌာနဆိုင်ရာများ၊ အင်းစိန်ခရိုင်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဋ္ဌနှင့် ခရိုင်စီမံအဖွဲ့ဝင်များ၊ လှိုင်သာယာ(အနောက်ပိုင်း)မြို့နယ် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌနှင့် မြို့နယ်စီမံအဖွဲ့ဝင်များ တက်ရောက်သည်။ ဦးစွာ ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူက မလေးရှားနိုင်ငံမှ ပြန်လည်ရောက်ရှိလာသည့် ရခိုင်ပြည်သူများအား ရင်းရင်းနှီးနှီးလိုက်လံနှုတ်ဆက်ကြပြီး မလေးရှားနိုင်ငံတွင် အကြောင်းအမျိုးမျိုး အခက်အခဲများစွာဖြစ်နေသည့်အတွက် နိုင်ငံတော်ဝန်ကြီး၏ အစီအစဉ်ဖြင့် မြန်မာနိုင်ငံသို့ ပြန်လည်ရောက်ရှိလာအောင် ဆောင်ရွက်ပေးသည့် နိုင်ငံတော်၏ စေတနာကို နားလည်ကြစေလိုကြောင်း အားပေးစကား ပြောကြားသည်။ ထို့နောက် ရန်ကုန်တိုင်းဒေသကြီး ဝန်ကြီးချုပ် ဦးအောင်နိုင်သူနှင့် အဖွဲ့သည် လူဦးရေ(၁၇၀)ဦးအား နိုင်ငံသားစိစစ်ရေးကတ်ပြားနှင့် လူဦးရေ (၂၁၂) ဦးတို့အား UID ကတ်ပြားများကို ပေးအပ်ကြသည်။ ယင်းနောက် မလေးရှားပြန် ရခိုင်ပြည်သူတစ်ဦးက ကျေးဇူးတင်စကားပြောကြားသည်။ ဆက်လက်၍ ရန်ကုန်တိုင်းဒေသကြီး ဝန်ကြီးချုပ်နှင့် အဖွဲ့သည် ပြန်လည်ရောက်ရှိလာသည့် မလေးရှားပြန် ရခိုင်ပြည်သူများအား ရင်းရင်းနှီးနှီးလိုက်လံနှုတ်ဆက်ကြပြီး  အလုပ်အကိုင် လုပ်ကိုင်လိုသူများအား အလုပ်သမားညွှန်ကြားရေးဦးစီးဌာန၊ အလုပ်အကိုင်နှင့် အလုပ်သမားရှာဖွေရေးရုံးမှ အလုပ်သမားမှတ်ပုံတင်ကတ်ပြားများကို ပြုလုပ်ပေးကြပြီး တာဝန်ရှိသူများက အလုပ်အကိုင်လုပ်ကိုင်လိုသည့် စက်ရုံ၊ အလုပ်ရုံများတွင် ဝင်ရောက်လုပ်ကိုင်နိုင်စေရန် အခက်အခဲမရှိ ကူညီဆောင်ရွက်ပေးနိုင်ရန်အတွက် တာဝန်ယူဆောင်ရွက်ပေးသွားမည်ဖြစ်ကြောင်း အားပေးစကားပြောကြားသည်။ မလေး‌ရှားနိုင်ငံမှ ပြန်လည်ရောက်ရှိလာသည့် ရခိုင်ပြည်သူများအား စားဝတ်နေရေး အဆင်ပြေစေရန်နှင့် ကျန်းမာရေးစောင့်ရှောက်မှုများကို တာဝန်ရှိသူများကဆောင်ရွက်ပေးလျက်ရှိကြောင်း သိရသည်။

အမေရိကန် အရေးပေါ် အရန်ရေနံများမှ ရေနံစိမ်း စည်ပေါင်း ၄ သန်း ထုတ်ယူခွင့်ပြု အမေရိကန် အရှေ့တောင်ဘက်ပိုင်းတွင် ဟာရီကိန်းမုန်တိုင်း Isaias ကြောင့် ရေနံထောက်ပံ့မှု အခက်အခဲများကို ကာမိစေရန်အတွက် စွမ်းအင်ဝန်ကြီးဌာနက အမျိုးသား မဟာဗျူဟာမြောက် အရန်အရေနံ များမှ ရေနံစိမ်း စည်ပေါင်း ၄ သန်းအထိ ထုတ်ယူခွင့် ပေးလိုက်သည်။ ခေတ္တချေးယူသည့် သဘောတူညီချက်များအရ ကုမ္ပဏီများသည် ချေးယူထားသော ရေနံစိမ်းများကို အတိုးအဖြစ် အပိုရေနံစည်များနှင့်အတူ ၂၀၂၇ ခုနှစ်တွင် ပြန်လည်ပေးဆပ်ရမည် ဖြစ်သည်။ စက်တင်ဘာ ၃၀ ရက် စာရင်းများအရ အမေရိကန်​၏ အရေးပေါ် အရန်အရေနံပမာဏသည် စည်ပေါင်း ၂၈၃ သန်းသာ ကျန်ရှိတော့ပြီး၊ ဒါဟာ ၁၉၈၂ ခုနှစ်နောက်ပိုင်း အနိမ့်ဆုံးပမာဏသို့ ရောက်ရှိသွားခြင်း ဖြစ်သည်။ အရေးပေါ်အခြေအနေများအတွက် သီးသန့်ဖယ်ချန်ထားသော အဆိုပါ အရန်ရေနံစနစ်သည် ပြန်လည်ဖြည့်တင်းနိုင်သည်ထက် ပိုမိုမြန်ဆန်စွာ ကုန်လွန်နေသည်။ ဟာရီကိန်းမုန်တိုင်း၊ စစ်ပွဲနှင့် ကုန်ဈေးနှုန်းကြီးမြင့်မှု အကျပ်အတည်းများ အားလုံးသည် ယခု အကောင့်တစ်ခုတည်းမှပင် စုတ်ယူသုံးစွဲနေကြရပြီး၊ ပြန်လည်ပေးဆပ်ရန်မှာမူ လာမည့်နှစ်ပေါင်းများစွာ ကြာမြင့်မည်ဖြစ်သည်။

ကရင်ပြည်နယ်ဝန်ကြီးချုပ် ဦးစောမြင့်ဦး ပြည်သူ့စစ်မှုထမ်းသင်တန်း အမှတ်စဉ် (၂၉)(၉/၂၀၂၆) သို့ တက်ရောက်ကြမည့် နိုင်ငံ့သားကောင်းရတနာများအား တွေ့ဆုံ အောက်တိုဘာ ၁၁၊ ၂၀၂၆ နိုင်ငံသားအားလုံးသည် မိမိနိုင်ငံကိုကာကွယ်ရန်တာဝန်ရှိပြီး ပြည်သူ့စစ်မှုထမ်းဥပဒေအရ တပ်မတော်တွင် တာဝန်ထမ်းဆောင်ရန် ပြည်သူ့စစ်မှုထမ်းသင်တန်း အမှတ်စဉ်(၂၉)(၉/၂၀၂၆)သို့ တက်ရောက်ကြမည့် နိုင်ငံ့သားကောင်းရတနာများအား ယမန်နေ့နံနက် ၈ နာရီက ပြည်သူ့စစ်မှုထမ်းဆင့်ခေါ်ရေးအဖွဲ့ဥက္ကဋ္ဌ ပြည်နယ်ဝန်ကြီးချုပ် ဦးစောမြင့်ဦးနှင့် တာဝန်ရှိသူများက ဘားအံမြို့၊ နယ်မြေခံသင်တန်းကျောင်း၌ သွားရောက် တွေ့ဆုံအားပေးသည်။ ထိုသို့တွေ့ဆုံရာတွင် ပြည်နယ်ဝန်ကြီးချုပ်က ပြည်သူတစ်ဦးတစ်ယောက်ချင်းစီအနေဖြင့် နိုင်ငံတော်ကာကွယ်ရေးတာဝန်ကို ဝင်ရောက်ထမ်းဆောင်ခြင်းသည် နိုင်ငံတော်ကြီးတစ်ခုလုံးနှင့် နိုင်ငံသူ/နိုင်ငံသား အားလုံးကိုကာကွယ်စောင့် ရှောက်ခြင်းဖြစ်ပြီး နိုင်ငံတော်ကာကွယ်ရေးတွင် အဓိကတာဝန်ရှိသော တပ်မတော်ကို ပြည်သူများအနေဖြင့် ပူးပေါင်းကူညီရမည်ဖြစ်သကဲ့သို့ အနာဂတ်ကာလတွင်လည်း နိုင်ငံတော်အစိုးရ၊ တပ်မတော်၊ ပြည်သူတို့မှ အတူတကွ ပူးပေါင်း၍ နိုင်ငံတော်အပေါ် သစ္စာရှိစွာဖြင့် တာဝန်ထမ်းဆောင်သွားကြရမည်ဖြစ်ကြောင်း ပြောကြားသည်။ ထို့နောက် ကရင်ပြည်နယ် ပြည်သူ့စစ်မှုထမ်းဆင့်ခေါ်ရေးအဖွဲ့ဥက္ကဋ္ဌ ပြည်နယ်ဝန်ကြီးချုပ်က ပြည်သူ့စစ်မှုထမ်း သင်တန်းအမှတ်စဉ်(၂၉)(၉/၂၀၂၆)သို့ တက်ရောက်ကြမည့် နိုင်ငံ့သား ကောင်းရတနာများအား ဂုဏ်ပြုချီးမြှင့်ငွေများ ပေးအပ်ပြီး ပြည်နယ်ဝန်ကြီးချုပ်နှင့် တာဝန်ရှိသူများက နိုင်ငံ့သားကောင်းရတနာများအား တစ်ဦးချင်းရင်းနှီး နွေးထွေးစွာတွေ့ဆုံ နှုတ်ဆက်၍ အားပေးစကားများ ပြောကြားကာ လိုအပ်သည်များအား တာဝန်ရှိသူများနှင့် ပေါင်းစပ်ညှိနှိုင်းဖြည့်ဆည်း ဆောင်ရွက်ပေးခဲ့ကြောင်း သတင်းရသည်။

မြန်အောင်ခရိုင်၊ မြန်အောင်မြို့နယ်ရှိ မမြရေလှောင်တမံ၊ တမံဆင်ခြေလျှော နိမ့်ကျမှုအား ကာကွယ်ရေးလုပ်ငန်းစဉ်များဆောင်ရွက်လျက်ရှိ အောက်တိုဘာ ၁၁၊ ၂၀၂၆  မြန်အောင်ခရိုင်၊ မြန်အောင်မြို့နယ်ရှိ မမြရေလှောင်တမံသည် ယမန်နေ့ည ၉နာရီအချိန်ခန့်မှ စတင်၍ တမံထိပ်မျက်နှာပြင်တွင် အလျား၂၀၀ ပေခန့်၊ အကျယ်၂၅ ပေခန့်၊ အမြင့် ၁၀ပေခန့် တမံဆင်ခြေလျှော လျှောကျမှုဖြစ်ပွားခဲ့ပြီး ယနေ့နံနက် ၄ နာရီအချိန်၌ အဆိုပါဖြစ်စဉ်နေရာတွင် နိမ့်မြင့်မှတ် ၃၃၀ပေမှ မူလတမံထိပ်ပြင်၏ အောက်ဘက်သို့ ၂၅ပေခန့် နိမ့်ကျခဲ့ရာ အဆိုပါ ဖြစ်စဉ် ဖြစ်ပွားရာနေရာသို့ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးအေးကျော်နှင့် တာဝန်ရှိသူများက ယမန်နေ့ နံနက်ပိုင်းက သွားရောက်ကြည့်ရှု စစ်ဆေးခဲ့ကြောင်း သိရသည်။ ဦးစွာ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် တမံဆင်ခြေလျှော လျှောအိကျသည့်နေရာနှင့် အရေးပေါ်ရေပိုလွှဲမှ ရေထုတ်လွှတ်စီးဆင်းစေရေး ဆောင်ရွက်နေမှုများအား သွားရောက် ကြည့်ရှုစစ်ဆေးခဲ့ကာ ကာကွယ်ရေးလုပ်ငန်းစဉ်ဖြစ်သည့် တာတမံ တာအခြေထောက်ခြင်းလုပ်ငန်းများ လျင်မြန်စွာဆောင်ရွက်နိုင်ရေး၊ အရေးပေါ်ရေပိုလွှဲမှ ရေထုတ်လွှတ်စီးဆင်းရန် စက်ယန္တရားအသုံးပြု၍ တူးဖော်ဆောင်ရွက်နေမှု၊ ဆည်ရေ ဝင်ရောက်နိုင်သည့် စမ်းရွာကြီးကျေးရွာအုပ်စု၊ ဥယျာဉ်ကွင်းကျေးရွာ၊ မရွေးကုန်းကျေးရွာအုပ်စု၊ ရွာသစ်ကုန်းကျေးရွာ၊ ငါးဘတ်ကျကျေးရွာအုပ်စု၊ ရေနံချက်ဖိုကုန်းကျေးရွာတို့ရှိ ပြည်သူများအား ရေလွတ်ရာ ကုန်းမြင့်ဒေသများသို့ ကြိုတင်ပြောင်းရွှေ့နိုင်ရေး ဆောင်ရွက်နေမှုများကို ကြီးကြပ်ကွပ်ကဲ စစ်ဆေးဆောင်ရွက်ကာ ဆည်မြောင်းနှင့် ရေးအသုံးချမှုစီမံခန့်ခွဲရေးဦးစီးဌာနမှ တာဝန်ရှိသူများ၊ ခရိုင်/မြို့နယ် စီမံခန့်ခွဲရေးအုပ်ချုပ်ရေးကော်မတီများနှင့် လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့သည်။ ဆက်လက်၍ စီမံကိန်းရှင်းလင်းဆောင်တွင် သက်ဆိုင်ရာတာဝန်ရှိသူများက စီမံကိန်းဆိုင်ရာ အချက်အလက်များ ရှင်းလင်းတင်ပြခဲ့ပြီးနောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် တမံတာခြေထောက်ခြင်းလုပ်ငန်းအား စက်ယန္တရားများဖြင့် ဆောင်ရွက်နေမှုများကို ကြည့်ရှုစစ်ဆေးခဲ့ပြီး တာဝန်ရှိသူများ၏ တင်ပြမှုများအပေါ် လိုအပ်သည်များ မှာကြားဆောင်ရွက်ခဲ့သည်။ လက်ရှိတွင် မမြရေလှောင်တမံ တမံရေပြင်၏ နိမ့်မြင့်အမှတ် ၃၁၅ ပေအား သိုလှောင်ထိန်းသိမ်းထားရှိကာ နိမ့်မြင့်အမှတ် ၃၀၅ ပေသို့ သိုလှောင်ရေ ၁၀ ပေ လျှော့ချနိုင်ရန်အတွက် တမံ၏အရေးပေါ် ရေပိုလွှဲမှ ရေထုတ်လွှတ်နိုင်ရေး စက်ယန္တရားများ အသုံးပြု၍ အလျား ၁၅ပေ၊ အနက် ၇ပေ တူးဖော် ဆောင်ရွက်လျက်ရှိပြီး ၎င်းရေများသည် ရေဝါချောင်းမှတစ်ဆင့် မမြချောင်း၊ မမြချောင်းမှတစ်ဆင့် ငဝန်မြစ်အတွင်းသို့ စီးဆင်းသွားခြင်းဖြစ်၍ ပတ်ဝန်းကျင်ကျေးရွာစိုက်ဧကများ ထိခိုက်မှုမရှိကြောင်းနှင့် စက်ယန္တရားများအသုံးပြု၍ တမံတာအခြေထောက်ခြင်းလုပ်ငန်းများအား အင်တိုက်အားတိုက် ဆက်လက် ဆောင်ရွက်လျက်ရှိကြောင်း သိရသည်။