မြေလတ်အသံ - Myaelatt Athan

Открыть в Telegram

Sharing Information to the local

Больше

📈 Аналитический обзор Telegram-канала မြေလတ်အသံ - Myaelatt Athan

Канал မြေလတ်အသံ - Myaelatt Athan (@myaelattathan) языкового сегмента Бирманский является активным участником. Сейчас сообщество объединяет 38 354 подписчиков, занимая 6 734 место в категории Новости и СМИ и 3 699 место в регионе Мьянма.

📊 Показатели аудитории и динамика

С момента создания невідомо проект демонстрирует стремительный рост, собрав аудиторию из 38 354 подписчиков.

Согласно последним данным от 14 июня, 2026, канал показывает стабильную активность. За последние 30 дней изменение числа участников составило -932, а за последние 24 часа — -43, при этом общий охват остаётся высоким.

Статус верификации: Верифицирован (официально подтверждён Telegram)
Уровень вовлечённости (ER): Средний показатель вовлечённости аудитории составляет 13.49%. В первые 24 часа после публикации контент обычно набирает 7.80% реакций от общего числа подписчиков.
Охват публикаций: В среднем каждый пост получает 5 174 просмотров. В течение первых суток публикация набирает 2 993 просмотров.
Реакции и взаимодействия: Аудитория активно поддерживает контент: среднее количество реакций на один пост — 48.

📝 Описание и контентная политика

Автор описывает ресурс как площадку для выражения субъективного мнения:
“Sharing Information to the local”

Благодаря высокой частоте обновлений (последние данные получены 15 июня, 2026) канал поддерживает актуальность и высокий уровень охвата публикаций. Аналитика показывает, что аудитория активно взаимодействует с контентом, что делает его важной точкой влияния в категории Новости и СМИ.

38 354

Подписчики

-4324 часа

-2347 дней

-93230 день

5 174

Просмотры поста

~ 2 99324 часа

~ 3 73748 часов

13.49%

Коэффициент вовлеченности

~ 6

Постов в день

Ads index

beta

Архив постов

38 354

ရတနာပုံမြို့သစ်စီမံကိန်းမြေမှာ ကျူးကျော်ဆောက်ထားတယ်ဆိုကာ ပြည်သူနေအိမ်တွေကို အင်အားသုံးဖယ်ရှားမှုတွေ ဆက်တိုက်လုပ် ပြင်ဦးလွင်၊ ဇွန် ၁၃၊ ၂၀၂၆။ မန္တလေးတိုင်း၊ ပြင်ဦးလွင်မြို့နယ်၊ သုံးတောင်ရွာက နေအိမ် ၅၀ ကျော်ကို ရတနာပုံမြို့သစ်စီမံကိန်းမြေမှာ ပါဝင်နေတယ်ဆိုကာ အသွင်ပြောင်းအစိုးရက အဓမ္မဖယ်ရှားခိုင်းနေတယ်လို့ ဒေသခံတွေကပြောပါတယ်။ အဲ့ဒီနေအိမ်တွေဟာ အသွင်ပြောင်းသမ္မတ မင်းအောင်လှိုင်ရဲ့သားဖြစ်သူ အောင်ပြည့်စုံကုမ္ပဏီကဆောက်လုပ်မယ့် ရတနာပုံဆိုက်ဘာစီးတီးစီမံကိန်းဧရိယာအတွင်းမှာ ဝင်ရောက်ဆောက်လုပ်ထားတယ်ဆိုကာ အခုလ ၁၅ ရက်နေ့ နောက်ဆုံးထားဖယ်ရှားခိုင်းနေတာပါ။ မန္တလေး- ပြင်ဦးလွင်လမ်း၊ ပြင်စာရွာမြောက်ဘက်က ဆိုက်ဘာစီးတီး နည်းပညာတက္ကသိုလ် အဝင်ပေါက်ကနေ သုံးတောင်ရွာ၊ နတ်နန်းအထိ မြေဧကအားလုံးကို စီမံကိန်းမြေအဖြစ်သိမ်းယူလိုက်ပြီးနောက် အခုလို ဖယ်ရှားခိုင်းနေတာလို့ သိရပါတယ်။ သတင်းအပြည့်အစုံ - https://myaelattathan.com/news/24923/

38 354

ဆောက စစ်ရှောင် ၁၅,၀၀၀ ကျော် ၁ လကျော်ကြာအထိ နေရပ်မပြန်နိုင်သေးဘဲ အရေးပေါ်စားနပ်ရိက္ခာလိုအပ်နေ ဆော၊ ဇွန် ၁၃၊ ၂၀၂၆ ။ မကွေးတိုင်း၊ ဆောမြို့နယ်တောင်ပိုင်းမှာ စစ်တပ်စစ်ကြောင်းတွေကြောင့် နေရပ်စွန့်ခွာထွက်ပြေးနေရတဲ့ စစ်ဘေးရှောင်ပြည်သူ ၁၅,၀၀၀ ကျော်အတွက် အရေးပေါ်စားနပ်ရိက္ခာလိုအပ်နေတယ်လို့ စစ်ရှောင်ကူညီပေးနေသူတွေထံက သိရပါတယ်။ ပြီးခဲ့တဲ့ မေ ၁၁ ရက်ကစလို့ ဆောမြို့နယ်တောင်ပိုင်းကျေးရွာတွေကို အင်အားထောင်ချီပါ စစ်တပ်စစ်ကြောင်းတွေ ဖြန့်ခွဲ ဝင်ရောက်လာတာကြောင့် ဒေသခံတွေအနေနဲ့ ဘေးလွတ်ရာတောတောင်တွေထဲ ထွက်ပြေးတိမ်းရှောင်နေကြရတာပါ။ စစ်တပ်က စစ်ရှောင်တွေဆီပို့ဆောင်မယ့် ရိက္ခာလမ်းကြောင်းတွေကို ဖြတ်တောက်ပိတ်ဆို့ထားတာကြောင့် ဒေသတွင်းမှာ စားနပ်ရိက္ခာဝယ်ယူဖို့နဲ့ သွားလာရေးလည်းခက်ခဲလာသလို ရိက္ခာပြတ်လပ်မှုတွေလည်းကြုံတွေ့နေရတာလို့ ဆိုပါတယ်။ သတင်းအပြည့်အစုံ - https://myaelattathan.com/news/24915/

38 354

ဆောက စစ်ရှောင် ၁၅,၀၀၀ ကျော် ၁ လကျော်ကြာအထိ နေရပ်မပြန်နိုင်သေးဘဲ အရေးပေါ်စားနပ်ရိက္ခာလိုအပ်နေ ဆော၊ ဇွန် ၁၃၊ ၂၀၂၆ ။ မကွေးတိုင်း၊ ဆောမြို့နယ်တောင်ပိုင်းမှာ စစ်တပ်စစ်ကြောင်းတွေကြောင့် နေရပ်စွန့်ခွာထွက်ပြေးနေရတဲ့ စစ်ဘေးရှောင်ပြည်သူ ၁၅,၀၀၀ ကျော်အတွက် အရေးပေါ်စားနပ်ရိက္ခာလိုအပ်နေတယ်လို့ စစ်ရှောင်ကူညီပေးနေသူတွေထံက သိရပါတယ်။ ပြီးခဲ့တဲ့ မေ ၁၁ ရက်ကစလို့ ဆောမြို့နယ်တောင်ပိုင်းကျေးရွာတွေကို အင်အားထောင်ချီပါ စစ်တပ်စစ်ကြောင်းတွေ ဖြန့်ခွဲ ဝင်ရောက်လာတာကြောင့် ဒေသခံတွေအနေနဲ့ ဘေးလွတ်ရာတောတောင်တွေထဲ ထွက်ပြေးတိမ်းရှောင်နေကြရတာပါ။ စစ်တပ်က စစ်ရှောင်တွေဆီပို့ဆောင်မယ့် ရိက္ခာလမ်းကြောင်းတွေကို ဖြတ်တောက်ပိတ်ဆို့ထားတာကြောင့် ဒေသတွင်းမှာ စားနပ်ရိက္ခာဝယ်ယူဖို့နဲ့ သွားလာရေးလည်းခက်ခဲလာသလို ရိက္ခာပြတ်လပ်မှုတွေလည်းကြုံတွေ့နေရတာလို့ ဆိုပါတယ်။ "ဟင်းကတော့ အဆင်ပြေအောင်ဖန်တီးစားနေကြရတယ်။ ဟင်းကပုံမှန်မရတာရှိလာတယ်။ ဆန်ဆိုလည်း လောက်ငှမှုနည်းလာတယ်။ ဆန်ပြုတ်သောက်ရတဲ့အခြေနေထိရှိလာတယ်။ အချို့သူတွေက စစ်ရှောင်ကတည်းက ဆန်တွေယူလာတဲ့သူတွေက နည်းပါးအဆင်ပြေကြတယ်။ အချို့စစ်ရှောင်စခန်းတွေကလာကူညီသူအနည်းအကျဥ်းရှိလို့ အနည်းငယ်အဆင်ပြေနေကြသေးပေမယ့် အကူအညီမရတဲ့နေရာတ

38 354

MDY-PDF ဌာနကြီးမှူးဟောင်း ၂ ဦးကို စစ်ဆေးမှု ရွှေ ၁၆ ပိဿာကျော်အပါ အလွဲသုံးမှုတွေနဲ့ တပ်စည်းကမ်းဖောက်ဖျက်မှုတွေပေါ် ပေါက်ကြောင်း NUG ထုတ်ပြန် မြေလတ်အသံ၊ ဇွန် ၁၃၊ ၂၀၂၆။ ဖမ်းဆီးထိန်းသိမ်းထားတဲ့ ပြည်သူ့ကာကွယ်ရေးတပ်မတော်(မန္တလေး) - MDY PDF ရဲ့ ဌာနကြီးမှူးဟောင်း ၂ ဦးအပေါ် စုံစမ်းစစ်ဆေးမှုတွေလုပ်ဆောင်ခဲ့တာမှာ ရွှေ ၁၆.၆ ပိဿာကျော်အပါ အလွဲသုံးမှုအများအပြားပေါ်ပေါက်ခဲ့တယ်လို့ အမျိုးသားညီညွတ်ရေးအစိုးရ - NUG ကာကွယ်ရေးဝန်ကြီးဌာနက ဇွန်လ ၁၃ ရက် ဒီကနေ့မှာ ထုတ်ပြန်လာပါတယ်။ ဖမ်းဆီးစစ်ဆေးခံနေရသူတွေဟာ MDY PDF စစ်ရေးဌာနကြီးမှူး မုန်တိုင်းနဲ့ ဘဏ္ဍာရှာဖွေရေးဌာနကြီးမှူး နိုင်ကြီး တို့ဖြစ်ပြီး ၎င်းတို့ ၂ ဦးဟာ တပ်ဖွဲ့ပိုင်ဘဏ္ဍာငွေကြေးနဲ့ ရွှေတွေ ထုတ်ယူမှုရှိနေကြောင်း သတင်းရရှိတာကြောင့် ၂၀၂၅ မေလတွင် တပ်ဖွဲ့တွင်း စာရင်းစစ်အဖွဲ့ကို ဖွဲ့စည်းကာ စာရင်းစစ်ဆေးခဲ့ကြောင်း၊ စာရင်းစစ် ရလဒ်များအရ တပ်ဖွဲ့ပိုင် ရွှေ ၁၆.၆ ပိဿာအား တပ်ဖွဲ့စည်းမျဉ်းစည်းကမ်းနဲ့ လုပ်ထုံးလုပ်နည်းတွေကို ချိုးဖောက်ကာ တရားမဝင်ထုတ်ယူမှုစစ်ဆေးပေါ်ပေါက်ခဲ့တယ်လို့ ထုတ်ပြန်ချက်က ဖော်ပြပါတယ်။ သတင်းအပြည့်အစုံ - https://myaelattathan.com/news/24912/

38 354

လက်ပံတန်းမှာ အရပ်သား ၅ ဦး သေနတ်နဲ့ ပစ်သတ်ခံရ လက်ပံတန်း၊ ဇွန် ၁၂၊ ၂၀၂၆ ပဲခူးတိုင်းအနောက်ခြမ်း၊ လက်ပံတန်းမြို့နယ်၊ ရေနောက်ရွာဟောင်းကျေးရွာမှာ ရွာခံ ၅ ဦးကို ဒေသတွင်း တော်လှန်ရေးတပ်ဖွဲ့ဝင်တွေက သေနတ်နဲ့ ပစ်သတ်သွားတယ်လို့ ဒေသခံတွေဆီက သိရပါတယ်။ သေဆုံးသူတွေဟာ ရေနောက်ရွာဟောင်းကျေးရွာနေ အသက် ၅၀ ကျော် ဦးတင်သိန်း နဲ့ ဇနီးဖြစ်သူ အသက် ၄၅ နှစ် ဒေါ်ခင်ဦး၊ အသက် ၅၅ နှစ် ဦးလွန်းခိုင်နဲ့ ဇနီးဖြစ်သူ အသက် ၅၀ ဒေါ်မိချို၊ အသက် ၅၇ နှစ် ဒေါ်အေးမြင့်တို့ဖြစ်ပြီး ဇွန်လ ၁၀ ရက် ညပိုင်းက ၎င်းတို့နေအိမ်တွေမှာ အသီးသီးရှိနေချိန် ဝင်ရောက်ပြီး သေနတ်နဲ့ပစ်သတ်သွားတာလို့ ဆိုပါတယ်။ " ပြည်သူတွေကို အကြောင်းမဲ့လာပစ်သတ်သွားတဲ့သဘောမျိုး။ ပြောရရင် သူတို့နဲ့အဆင်မပြေတာရှိလို့နေမှာပေါ့။ စစ်တပ်နဲ့ ဘာမှမပတ်သက်တဲ့သူတွေ။ နေအိမ် ၃ အိမ်မှာ ဝင်ပစ်သွားတာ" သတင်းအပြည့်အစုံ - https://myaelattathan.com/news/24908/

38 354

ငလိုက်ဆည်လက်တံမြောင်းထဲ ရေဆင်းကူးတဲ့ ရဲတပ်သား ရေနစ်သေဆုံး ပျဥ်းမနား၊ ဇွန် ၁၂၊ ၂၀၂၆ ။ နေပြည်တော်၊ ပျဥ်းမနားမြို့နယ်၊ မယ်ဇလီကုန်းကျေးရွာအနီး ရန်ကုန်-မန္တလေးလမ်းဟောင်းဘေးရှိ ငလိုက်ဆည်ရေလက်တံမြောင်းအတွင်း ရေဆင်းကူးတဲ့ ရဲတပ်သား ၁ ဦး ရေနစ်သေဆုံးသွားတယ်လို့ ကူညီကယ်ဆယ်ရေးလုပ်ဆောင်ပေးခဲ့သူတွေထံက သိရပါတယ်။ သေဆုံးသူဟာ ပျဥ်းမနားမြို့နယ် ရဲတပ်ဖွဲ့မှူးရုံးက အသက် ၃၀ ကျော်အရွယ် ရဲတပ်သား ဆက်ပိုင်စိုးဆိုသူဖြစ်ပြီး ဇွန် ၁၁ ရက် ယမန်နေ့ ညနေ ၄ နာရီခန့်မှာ အဖော်ဖြစ်သူ ရဲတပ်ဖွဲ့ဝင်တွေနဲ့အတူ အထက်ပါ ရေမြောင်းအတွင်း ဆင်းကူးရာက ရေနစ်သေဆုံးခဲ့တာလို့ ဆိုပါတယ်။ "ဆယ်ယူလို့ရတာက ည ၈ နာရီလောက်မှ ဆယ်လို့ရတယ်။ ရေကူးနေရင်း ပြွန်လုံးထဲကိုဝင်သွားတာ။ ရေတွေစုပ်ထုတ်ပြီးမှ အလောင်းကို ထုတ်ယူနိုင်ခဲ့တာ"လို့ ကူညီဆောင်ရွက်ပေးခဲ့သူတဦးက မြေလတ်အသံကို ပြောပါတယ်။ သတင်းအပြည့်အစုံ - https://myaelattathan.com/news/24903/

38 354

တောင်ငူမှာ ကိုရင် ၁၃ ပါး အစာအဆိပ်သင့်လို့ ဆေးရုံတင်ထားရ တောင်ငူ၊ ဇွန် ၁၁ ပဲခူးတိုင်း၊ တောင်ငူမြို့၊ အမှတ် ၆ ရပ်ကွက်ရှိ မေဃဝတီစာသင်တိုက်နေ ကိုရင် ၁၃ ပါး အစာအဆိပ်သင့်ပြီး ဆေးရုံတင်ကုသထားရတယ်လို့ ကူညီဆောင်ရွက်ပေးခဲ့သူတွေထံက သိရပါတယ်။ ကျောင်းတိုက်မှာရှိတဲ့ ကိုရင်အပါး ၃၀ အနက် ၁၃ ပါးဟာ ဇွန်လ ၉ ရက်နေ့လယ်ပိုင်းကစတင်ပြီး ခေါင်းမူးတာ၊ အော့အန်တာနဲ့ ဝမ်းသွားတာတွေဖြစ်လာတာကြောင့် ညနေ ၅ နာရီလောက်မှာ တောင်ငူပြည်သူ့ဆေးရုံကြီးကို ပို့ဆောင်ကုသခဲ့ရတာလို့ ဆိုပါတယ်။ " ဖြစ်တဲ့နေ့က အစားစုံတယ်ပြောတယ်။ တရုတ်ထုတ် အစပ်ပြားမုန့်တွေကော၊ သရက်သီးတွေကော၊ သီးစုံပဲဟင်းတွေကော စားကြတယ်။ အစပ်ပြားတွေစားကြတဲ့ကိုရင်တွေမှာဖြစ်တာဆိုတော့ အဲဒါကြောင့်ဖြစ်နိုင်တယ်လို့တော့ ကောက်ချက်ချတယ်" သတင်းအပြည့်အစုံ - https://myaelattathan.com/news/24899/

38 354

လေယာဥ်ဗုံးစထိပြီး ဆေးကုနေရတဲ့ ဗျူဟာ ၂၂ ဗျူဟာမှူး စောဂျိမ်း ကျဆုံး မြေလတ်အသံ၊ ဇွန် ၁၁၊ ၂၀၂၆။ ပဲခူးတိုင်းအနောက်ခြမ်း၊ သာယာဝတီခရိုင်အတွင်း အခြေပြုစစ်ရေးလှုပ်ရှားနေတဲ့ အမျိုးသားညီညွတ်ရေးအစိုးရ - NUG ကာကွယ်ရေးဝန်ကြီးဌာနလက်အောက် တောင်ပိုင်းတိုင်းစစ်ဌာန၊ ဗျူဟာ ၂၂ ဗျူဟာမှူး စောဂျိမ်း ကွယ်လွန်သွားတယ်လို့ အခြေအနေကိုသိရှိထားတဲ့ PDF တပ်ဖွဲ့ဝင်တွေထံက သိရပါတယ်။ ဗျူဟာမှူး စောဂျိမ်း ဟာ လေယာဥ်ဗုံးစထိမှန်ဒဏ်ရာတွေကို တော်လှန်ရေးထိန်းချုပ်နယ်မြေအတွင်း ဆေးကုသနေရင်း ဇွန်လ ၉ ရက် မနက်ပိုင်းမှာ ရရှိထားတဲ့ဒဏ်ရာတွေနဲ့ပဲ ကွယ်လွန်သွားတာလို့ ဆိုပါတယ်။ " အင်္ဂါနေ့မနက် ၆ နာရီလောက်က ဆုံးသွားတယ်လို့တော့ သိရတယ်။ အဲ့သတင်းက ကိုယ်တွေကအရင်သိတာမဟုတ်ဘူး။ ဘောမချန်နယ်(စစ်တပ်ထောက်ခံ တယ်လီဂရမ်ချန်နယ်)တွေက အရင်တက်လာလို့ လိုက်စုံစမ်းကြည့်တော့မှ သိရတာ။ ဆေးကုနေတာကမသက်သာဘဲ အခြေနေဆိုးလာတာ။ သေတာကိုသိတယ်။ ဒဏ်ရာရတာကို သိတယ်။ အခြေနေမကောင်းတာ သူ့ဟာသူဆေးကုနေတာကိုတော့ သိတယ်" သတင်းအပြည့်အစုံ - https://myaelattathan.com/news/24895/

38 354

မြစ်ခြေရဲစခန်းကို တော်လှန်ရေးတပ်တွေ သိမ်းပိုက် မြစ်ခြေ၊ ဇွန် ၁၀၊ ၂၀၂၆။ မကွေးတိုင်း၊ ပခုက္ကူခရိုင်၊ မြစ်ခြေမြို့ရဲစခန်းကို ဇွန် ၁၀ ရက် ဒီကနေ့မှာ ထိုးစစ်ဆင်တိုက်ခိုက်ပြီး အပြီးသတ် သိမ်းပိုက်နိုင်ခဲ့တယ်လို့ ပြည်သူ့ကာကွယ်ရေးတပ်မတော် - PDF စစ်ရုံးချုပ်က ထုတ်ပြန်ပါတယ်။ ဇွန် ၁၀ ရက် မနက် ၄ နာရီမှာ အဲ့ဒီမြစ်ခြေရဲစခန်းကို မကွေးတိုင်းစစ်ဌာနကွပ်ကဲမှုအောက်ရှိ ပခုက္ကူခရိုင်စစ်ဌာနရဲ့ ဦးဆောင်ကွပ်ကဲမှုနဲ့ ဝင်ရောက်တိုက်ခိုက်ခဲ့ရာ မနက် ၅ နာရီမှာ အပြီးသတ်သိမ်းပိုက်နိုင်ခဲ့တာလို့ ဆိုပါတယ်။ ဒီတိုက်ပွဲအတွင်း G 3 ၁၈ လက်၊ 79 ၁ လက်၊ ‌ခြောက်လုံးပြူး ၂ လက်၊ ၆၀ မမ ကွန်မန်ဒိုစိန်ပြောင်း ၁ လက်၊ G 3 ကျည်ဘောက် ၂၇ ဘောက်၊ လက်လုပ် လေသေနတ် ၁ လက်၊ ကျည်ကာ ဦးထုပ် ၇ လုံး၊ G 3 ကျည် ၁၉၀၈ တောင့် သိမ်းဆည်းနိုင်ခဲ့တယ်လို့လည်း ထုတ်ပြန်ချက်မှာဖော်ပြပါတယ်။ သတင်းအပြည့်အစုံ - https://myaelattathan.com/news/24886/

38 354

စစ်ကြောင်းတပ်စွဲထားတဲ့ လောင်းရှည်ကဘုန်းကြီးကျောင်း အသေခံဒရုန်းနဲ့တိုက်ခိုက်ခံရ ဆော၊ ဇွန် ၁၀၊ ၂၀၂၆ ။ မကွေးတိုင်း၊ ဆောမြို့နယ်၊ လောင်းရှည်မြို့က စစ်ကြောင်းတပ်စွဲထားတဲ့ ဘုန်းတော်ကြီးကျောင်းဝင်းအသေခံဒရုန်းနဲ့တိုက်ခိုက်ခံရပြီး စစ်ကော်မရှင်တပ်သားတွေရော အရပ်သားတချို့ပါ ထိခိုက်သေဆုံးတယ်လို့ ဒေသကာကွယ်ရေးအဖွဲ့ဝင်တွေနဲ့နီးစပ်သူတွေထံက သိရပါတယ်။ လောင်းရှည်မြို့၊ ဒေါနဘုန်းကြီးကျောင်းမှာ စစ်တပ်က အင်အား ၁၅၀ ခန့်နဲ့တပ်စွဲနေတာဖြစ်ပြီး ဇွန်လ ၉ ရက် ယမန်နေ့ မနက် ၁၀ နာရီကျော်မှာ ဒေသကာကွယ်ရေးအဖွဲ့တွေက အသေခံဒရုန်းတစီးအသုံးပြုတိုက်ခိုက်ခဲ့တာလို့ဆိုပါတယ်။ " ကျောင်းမှာက စစ်တပ်ကကောင်တွေတပ်စွဲနေတာ။ ကားတွေလည်းရှိတယ်။ စစ်ကားကိုဒရုန်းနဲ့ချတာ။ စစ်သားတွေလည်းသေတာရှိတယ်။ ဘုန်းကြီးတွေကိုက အစမှန်တာ။ ကာမီကာဇေနဲ့ချတာ။ ပစ်မှတ်က ကားကိုမှန်တယ်။ နောက်သုံးတဲ့ဗုံးတွေက ပေါက်အားပြင်းတယ်လေ။" သတင်းအပြည့်အစုံ - https://myaelattathan.com/news/24881/

38 354

အုတ်ဖို၊ ထန်းပင်ကုန်းရွာမီးရှို့ခံရလို့ အိမ်ခြေ ၇၀ ပျက်စီး အုတ်ဖို၊ ဇွန် ၁၀၊ ၂၀၂၆။ ပဲခူးတိုင်း၊ အုတ်ဖိုမြို့နယ်၊ ထန်းပင်ကုန်းကျေးရွာကို စစ်ကော်မရှင်စစ်ကြောင်းကမီးရှို့ခဲ့တာကြောင့် နေအိမ် ၇၀ မီးလောင်ပျက်စီးခဲ့တယ်လို့ ဒေသအခြေစိုက်ကာကွယ်ရေးအဖွဲ့တာဝန်ရှိသူတွေဆီက သိရပါတယ်။ ဇွန် ၉ ရက်မနက် ၇ နာရီကျော်မှာ ချောင်းဂွရွာကထွက်လာတဲ့ အင်အား ၁၀၀ ကျော်ပါ စစ်ကော်မရှင်စစ်ကြောင်းဟာ ရွာထဲကိုရောက်လာပြီးနောက် ကျေးရွာအနောက်ပိုင်းရှိ နေအိမ်တွေကို မီးရှို့ခဲ့တာလို့ဆိုပါတယ်။ "မီးတို့တာ။ မိုးတွေရွာလို့ နေ့လည်လောက်မီးငြိမ်းသွားတယ်။ မနက်ပိုင်းမီးတွေ တော်တော်လောင်တယ်။ အနောက်ပိုင်းတပိုင်းလုံးနီးပါးကုန်တယ်။ အိမ်ထဲကနေ ဆယ်ဘီးကားတွေနဲ့ ပစ္စည်းတွေသယ်ပြီးမှရှို့တာ"လို့ ဒေသအခြေစိုက်ကာကွယ်ရေးတပ်ဖွဲ့တာဝန်ရှိသူကပြောပါတယ်။ သတင်းအပြည့်အစုံ - https://myaelattathan.com/news/24879/

38 354

https://youtu.be/ECCm-n9w4ho

38 354

ရေစကြိုမှာ အုပ်ချုပ်ရေးမှူး သားအဖ ပစ်သတ်ခံရ ရေစကြို၊ ဇွန် ၉၊ ၂၀၂၆။ မကွေးတိုင်း၊ ရေစကြိုမြို့၊ အမှတ် ၄ ရပ်ကွက်မှာ အုပ်ချုပ်ရေးမှူး သားအဖ ပစ်ခတ်ခံရပြီး သေဆုံးခဲ့တယ်လို့ ရေစကြိုမြို့နယ်ပကဖဆီက သိရပါတယ်။ ပစ်သတ်ခံရသူတွေဟာ အသက် ၅၀ အရွယ်အုပ်ချုပ်ရေးမှူး လွင်မျိုးအောင် (ခ) ငလွင် နဲ့ သားဖြစ်သူ အသက် ၂၀ ကျော်အရွယ် ပျူစောထီးရဲမာန်တို့ဖြစ်ပြီး ဇွန်လ ၈ ရက်ည ၁၀ နာရီကျော်မှာ ပစ်ခတ်ခဲ့တာလို့ ဆိုပါတယ်။ "သူ့အိမ်ကို ဝင်ပြီးဖမ်းတာ။ ဖမ်းတဲ့အချိန်မှာ အသာတကြည်အဖမ်းမခံဘဲ ထွက်ပြေးတာ။ အဲ့တော့ နေရာမှာတင် တခါတည်းရှင်းခဲ့လိုက်တာ။ သူတို့အိမ်က လမ်းဘေး။ ညသွားဖမ်းရတာဆိုတော့ သူတို့လည်းအလန့်တကြားထွက်ပြေးတာ။ ဒါပေမယ့်မလွတ်ပါဘူး။ လမ်းပေါ်မှာတင် ၁ ယောက် ၂ ချက်ပစ်ခဲ့တယ်" သတင်းအပြည့်အစုံ - https://myaelattathan.com/news/24872/

38 354

မကွေးတိုင်းက ပို့တဲ့ အပတ်စဥ် ၁၊ ၂ စစ်မှုထမ်းစစ်သားတွေ နှစ်ပြည့်ပြီးချိန် ထက်ဝက်ကျော် ပြန်မလာနိုင် မြေလတ်အသံ၊ ဇွန် ၆ ၊ ၂၀၂၆ ။ ပြည်သူ့စစ်မှုထမ်းနှစ်ပြည့်မြောက်ပြီးလို့ ပြန်လည်ရောက်ရှိလာသူ စစ်မှုထမ်းစစ်သားတွေကို ကြိုဆိုပွဲပြုလုပ်ခဲ့တယ်လို့ အသွင်ပြောင်းမကွေးတိုင်းအစိုးရအဖွဲ့က ဇွန်လ ၇ ရက်မှာ ထုတ်ပြန်လာပါတယ်။ ပြည်သူ့စစ်မှုထမ်းသင်တန်း အပတ်စဥ် ၁ နဲ့ ၂ အတွက် မကွေးတိုင်းကနေ ပို့ဆောင်လိုက်တဲ့သူတွေထဲက စစ်မှုထမ်းနှစ်ပြည့်ပြီး ပြန်လည်ရောက်ရှိလာသူ ၃၁၆ ဦးရှိကာ အဲ့ဒီစစ်မှုထမ်းစစ်သားဟောင်းတွေကို မကွေးတိုင်းဝန်ကြီးချုပ် ဦးတင်ကိုကို ဦးဆောင်ပြီးကြိုဆိုပွဲပြုလုပ်ခဲ့တာပါ။ အသွင်ပြောင်းမကွေးတိုင်းအစိုးရအဖွဲ့ဟာ စစ်မှုထမ်းသင်တန်းအပတ်စဥ် ၁ ကနေ လက်ရှိဖွင့်လှစ်ဆဲ အပတ်စဥ် ၂၅ အထိ မကွေးတိုင်းကနေ စစ်မှုထမ်းသင်တန်းသား ၁၀,၇၆၅ ဦး ပို့ဆောင်ခဲ့ပြီးဖြစ်တယ်လို့ အဲ့ဒီကြိုဆိုပွဲသတင်းထုတ်ပြန်ချက်မှာ ဖော်ပြပါတယ်။ သတင်းအပြည့်အစုံ - https://myaelattathan.com/news/24867/

38 354

မုံရွာမှာ စစ်ကော်မရှင်ကားတွေကိုကြားဖြတ်တိုက်ပြီး လက်နက်တွေသိမ်းဆည်း ■ တိုက်ခိုက်မှုအတွင်း စစ်ဆေးဗိုလ်ကြီးအပါ ၆ ဦးသေဆုံး မုံရွာ၊ ဇွန် ၉၊ ၂၀၂၆။ စစ်ကိုင်းတိုင်း၊ မုံရွာမြို့နယ်၊ တောပုကျေးရွာအနီး မုံရွာ-မန္တလေး လမ်းပိုင်းမှာ စစ်ကော်မရှင်အဖွဲ့ဝင်တွေ လိုက်ပါလာတဲ့ကားတွေကိုတိုက်ခိုက်ရာ ၆ ဦးသေဆုံးပြီး လက်နက်တွေလည်းသိမ်းဆည်းရရှိခဲ့တယ်လို့ MONYWA DYNAMITE – STF အဖွဲ့က ဇွန် ၈ ရက်မှာ သတင်းထုတ်ပြန်ပါတယ်။ ဇွန် ၇ ရက်ည ၈ နာရီကျော်မှာ ချောင်းဦးကနေ မုံရွာကို စစ်ကော်မရှင်တပ်ဖွဲ့ဝင်တွေလိုက်ပါလာတဲ့ Alphard အိမ်စီးကားနဲ့ Honda Fit ကားတို့ကို တိုက်ခိုက်ခဲ့တာလို့ဆိုပါတယ်။ "ချောင်းဦးကနေ ထွက်လာပြီးဆိုတာ သတင်းရတယ်။ ကျနော်တို့က လမ်းပေါ်ထွက်ပြီး မိုင်းထောင်ဖို့ လုပ်တာ။ မိုင်းတောင် မထောင်ရသေးဘူး။ ကျနော်တို့ ကားလမ်းပေါ်ရောက်တဲ့အချိန်နဲ့ အဲ့ကားလာတဲ့အချိန်နဲ့ကွက်တိပဲ။ တည့်တိုး တိုးတာပေါ့။ " သတင်းအပြည့်အစုံ - https://myaelattathan.com/news/24864/

38 354

⁨ဝက်လက်မှာ စစ်တပ်က နေအိမ်တွေကိုမီးရှို့ ဝက်လက်၊ ဇွန် ၈၊ ၂၀၂၆။ စစ်ကိုင်းတိုင်း၊ ဝက်လက်မြို့နယ်၊ ရှားကွဲရွာနဲ့ ရေကမိုးရွာကြားက နေအိမ်တွေကို စစ်ကော်မရှင်တပ်က မီးရှို့ခဲ့တယ်လို့ သစ်ဆိမ့်တိုက်နယ်တာဝန်ရှိသူတွေဆီက သိရပါတယ်။ ဇွန် ၈ ရက်မနက် ၈ နာရီခန့်မှာ ရှားကွဲရွာမှာတပ်စွဲထားတဲ့ စစ်ကော်မရှင်အင်အား ၇၀ ခန့်ဟာ စစ်ကြောင်းထိုးလာပြီးနောက် မီးရှို့ခဲ့တာလို့ ဆိုပါတယ်။ "ရှားကွဲနဲ့ရေကမိုးကြား မန္တလေးတောင်နားက တောတိုက်နေအိမ်တွေကို မီးရှို့တာ။ အိမ်တွေမှာတော့ လူမနေကြဘူး။ ပိုင်ရှင်တွေက စစ်ရှောင်နေကြတာကြာပြီ"လို့ သစ်ဆိမ့်တိုက်နယ်ပကဖတာဝန်ရှိသူက ပြောပါတယ်။ သတင်းအပြည့်အစုံ - https://myaelattathan.com/news/24858/

38 354

ဝေါ လဝကရုံး ငွေတောင်းကြမ်းလို့ ဒေသခံတွေအခက်ကြုံနေရ ဝေါ၊ ဇွန် ၈၊ ၂၀၂၆။ ပဲခူးတိုင်း၊ ဝေါမြို့ပေါ်ရှိ ဝေါမြို့နယ် လဝကရုံးကဝန်ထမ်းတွေဟာ ပြည်သူတွေဆီကနေ အဆမတန် ငွေတောင်းနေတာကြောင့် အခက်ကြုံနေရတယ်လို့ မှတ်ပုံတင်သွားလုပ်စဥ် ကိုယ်တိုင်ငွေပေးခဲ့ရသူတွေဆီ က သိရပါတယ်။ လဝက ဝန်ထမ်းတွေက မှတ်ပုံတင်အသစ်ပြုလုပ်တာ၊ ပျောက်ဆုံး/ပျက်စီး ပြန်လျှောက်တာ၊ အိမ်ထောင်စုစာရင်းအသစ်လုပ်တာ၊ ပျောက်ဆုံး/ပျက်စီး ပြန်လျှောက်တာနဲ့ မွေးစာရင်း အသစ်ပြန်ထည့်တာ၊ စမတ်ကဒ်ပြုလုပ်တာတွေအပါအဝင် လဝကရုံးမှာ ဝန်ဆောင်မှုလာယူသူတိုင်း ငွေမပေးရသူမရှိဘူးလို့ ဆိုပါတယ်။ "အိမ်ထောင်စုပျောက်ဆုံးပြန်လျှောက်တာ ၅၀,၀၀၀ ပေးရတယ်။ စာရွက်စာတမ်းခ မပါသေးဘူး။ အဲ့မှာ ကလေးမွေးတိုးထည့်တာ ကလေး ၁ ယောက်ကို ၃၀,၀၀၀ ပေးခဲ့ရတယ်။ အခြားသူတွေဆို ၁ သိန်းထိ တောင်းတာမျိုး ကြားရတယ်။ လူတွေကိုလည်း မောင်းထုတ်တယ်။ မင်းတို့ခိုင်းတိုင်းလုပ်ရမလား လဝက ကိုဘာအောက်မေ့နေလဲ ဆိုတာမျိုးတွေလည်း ပြောခံရတယ်" သတင်းအပြည့်အစုံ - https://myaelattathan.com/news/24854/

38 354

စစ်လက်နက်ထုတ်လုပ်ရေး ဒုတိယအရာရှိချုပ်တွေနဲ့ ဌာနကြီးမှူးတချို့ အပြောင်းအလဲဖြစ် မြေလတ်အသံ၊ ဇွန် ၈၊ ၂၀၂၆ ။ မြန်မာစစ်တပ် ကာကွယ်ရေးပစ္စည်းထုတ်လုပ်ရေးအရာရှိချုပ်ရုံး(ကကထုတ်)ရဲ့ ဒုတိယကာကွယ်ရေးပစ္စည်းထုတ်လုပ်ရေးအရာရှိချုပ်(ဒုထုတ်ချုပ်) ၂ ဦးနဲ့ ဌာနကြီးမှူး ဗိုလ်မှူးချုပ်တချို့ အပြောင်းအလဲတွေဖြစ်ခဲ့တယ်လို့ ကပစတပ်နဲ့နီးစပ်တဲ့သတင်းရင်းမြစ်တချို့ထံက သိရပါတယ်။ ယခင်က ဒုထုတ်ချုပ်(စစ်လက်နက်ပစ္စည်း) ဗိုလ်ချုပ် မျိုးအောင် နဲ့ ဒုထုတ်ချုပ်(အကြီးစား) ဗိုလ်ချုပ် ဌေးအောင် တို့ကို အနားပေးလိုက်ပြီး ဒုထုတ်ချုပ် (စစ်လက်နက်) နေရာမှာ ဗိုလ်ချုပ် နေမျိုးကို ၊ ဒုထုတ်ချုပ်(အကြီးစား) အဖြစ် ဗိုလ်ချုပ် ညီညီအောင် တို့နဲ့ အစားထိုးခန့်အပ်လိုက်တာလို့ ဆိုပါတယ်။ " အဓိက ကတော့ ဒုထုတ်ချုပ်(ဗိုလ်ချုပ်)တွေ၊ ဌာနကြီးမှူး(ဗိုလ်မှူးချုပ်)တွေက old service(စီနီယာ)တွေဆိုတော့ တပ်ချုပ်(ရဲဝင်းဦး)နဲ့ မတိမ်းမယိမ်းဖြစ်နေလို့ ရှင်းလင်းရေးလုပ်တဲ့သဘောပါပဲ။ အသစ်ရောက်တဲ့ ဒုထုတ်ချုပ်တယောက်(နေမျိုးကို) ကတော့ DSA ဘက်ကလာတယ်လို့ သိရတယ်" သတင်းအပြည့်အစုံ - https://myaelattathan.com/news/24849/

38 354

ဆွာမကြီးရွာစစ်တပ်စခန်းကို သိမ်းနိုင်ခဲ့ပြီး ဗိုလ်မှူးအပါ ၂၀ ကျော်သေဆုံး၊ လက်နက်ခဲယမ်းတွေရ ■ ရေတာရှည်နဲ့ ဆွာမြို့နယ်တွေကို စစ်ကြောင်းတွေဝင်ရောက်နေလို့ တိုက်ပွဲပြင်းထန်နေ ဆွာ၊ ဇွန် ၆၊၂၀၂၆။ ပဲခူးတိုင်း၊ ဆွာမြို့နယ်ရှိ စစ်တပ်စခန်း ၁ ခုကို တိုက်ခိုက်သိမ်းပိုက်နိုင်ခဲ့ပြီး ဗိုလ်မှူးအဆင့်အပါ ၂၀ ကျော်သေဆုံးကာ လက်နက်ခဲယမ်းတွေသိမ်းဆည်းနိုင်ခဲ့တယ်လို့ ပြည်သူ့ကာကွယ်ရေးတပ်မတော်- PDF စစ်ရုံးချုပ်က သတင်းထုတ်ပြန်ပါတယ်။ ဇွန် ၃ ရက် မနက် ၅ နာရီကျော်မှာ စစ်တောင်းမြစ်အရှေ့ဘက်ကမ်း ဆွာမကြီး(ဆွာရွာမ) ကျေးရွာမှာ အင်အား ၆၀ ခန့် တပ်စွဲထားတဲ့ စစ်တပ်စခန်းနဲ့ မနက် ၆ နာရီခွဲမှာ ရွာသစ်ကျေးရွာစစ်တပ်စခန်းတွေကို ၀င်ရောက်တိုက်ခိုက်ခဲ့တာလို့ဆိုပါတယ်။ ဆွာမကြီးရွာစခန်းတိုက်ခိုက်မှုမှာ အမှတ် ၆၀၁၇ တင့်ကားတပ်ရင်းမှ ဗိုလ်မှူးကျော်လင်းအောင် အပါအဝင် ၂၀ ကျော်သေဆုံးပြီး အထိအခိုက်များစွာဖြင့် ဆုတ်ခွါထွက်ပြေးသွားခဲ့ကာ ၁ နာရီကျော်ကြာ တိုက်ခိုက်ပြီးတဲ့နောက် ဆွာမကြီးစခန်းကို သိမ်းပိုက်နိုင်ခဲ့တယ်လို့ ဖော်ပြပါတယ်။ သတင်းအပြည့်အစုံ - https://myaelattathan.com/news/24843/

38 354

ပဲခူးအနောက်မှာ စက်သုံးဆီစျေးကြောင့် မိုးစပါးထွန်ယက်ခ နှစ်ဆမြင့်တက် ■ ရိတ်သိမ်းချိန် ရိတ်ခြွေစက်ငှားခတွေလည်း ထပ်တက်နိုင်လို့ တောင်သူတွေအခက်တွေ့ ပဲခူး၊ ဇွန် ၆၊ ၂၀၂၆။ ပဲခူးတိုင်းအနောက်ခြမ်းမှာ မိုးစပါးစတင်စိုက်ပျိုးနေကြပြီး စက်သုံးဆီစျေးမြင့်တက်နေတာကြောင့် စိုက်ပျိုးထွန်ယက်ခတွေ နှစ်ဆခန့်မြင့်တက်နေတယ်လို့ ဒေသခံတောင်သူတွေထံက သိရပါတယ်။ မိုးစပါးထွန်ယက်ဖို့အတွက် ယခင်နှစ်တွေက လယ် ၁ ဧက ၄ သောင်းကျပ်နဲ့သာ လယ်ထွန်စက်ငှားရမ်းရပေမယ့် လက်ရှိစက်သုံးဆီစျေးနှုန်းတွေကြောင့် ယခုနှစ်ငှားရမ်းခ ၁ ဧက ၇ သောင်းကျပ်အထိ စျေးပေါက်နေတယ်လို့ ဆိုပါတယ်။ " စပါးက ၅ လပိုင်း ၁၅ ရက်လောက်ဆို စပြီးစိုက်ကြတာ။ စပါးပေါ်ချိန်က ၄ လခွဲကြာတယ်။ ဓါတ်ဆီဈေးမတက်တာတောင် မနှစ်ကတည်းက အကုန်လုံးနီးပါးရှုံးကြတယ်" သတင်းအပြည့်အစုံ - https://myaelattathan.com/news/24835/