မြေလတ်အသံ - Myaelatt Athan

الذهاب إلى القناة على Telegram

Sharing Information to the local

إظهار المزيد

📈 نظرة تحليلية على قناة تيليجرام မြေလတ်အသံ - Myaelatt Athan

تُعد قناة မြေလတ်အသံ - Myaelatt Athan (@myaelattathan) في القطاع اللغوي Burmese لاعباً نشطاً. يضم المجتمع حالياً 37 867 مشتركاً، محتلاً المرتبة 6 714 في فئة الأخبار والوسائط والمرتبة 3 760 في منطقة Myanmar.

📊 مؤشرات الجمهور والحراك

منذ تأسيسه في невідомо، حقق المشروع نمواً سريعاً وجمع 37 867 مشتركاً.

بحسب آخر البيانات بتاريخ 06 يوليو, 2026، تحافظ القناة على نشاط مستقر. خلال آخر 30 يوماً تغيّر عدد الأعضاء بمقدار -742، وفي آخر 24 ساعة بمقدار -20، مع بقاء الوصول العام مرتفعاً.

حالة التحقق: موثّقة (مؤكدة رسمياً من تيليجرام)
معدل التفاعل (ER): يبلغ متوسط تفاعل الجمهور 14.18‎%. وخلال أول 24 ساعة من النشر يحصد المحتوى عادةً 8.17‎% من ردود الفعل نسبةً إلى إجمالي المشتركين.
وصول المنشورات: يحصل كل منشور على متوسط 5 369 مشاهدة. وخلال اليوم الأول يجمع عادةً 3 095 مشاهدة.
التفاعلات والاستجابة: يتفاعل الجمهور بانتظام؛ متوسط التفاعلات لكل منشور يبلغ 51.

📝 الوصف وسياسة المحتوى

يصف المؤلف القناة بأنها مساحة للتعبير عن الآراء الذاتية:
“Sharing Information to the local”

بفضل وتيرة التحديث المرتفعة (أحدث البيانات بتاريخ 07 يوليو, 2026) تحافظ القناة على حداثتها ومستوى وصول مرتفع. وتُظهر التحليلات تفاعلاً نشطاً من الجمهور، ما يجعلها نقطة تأثير مهمة ضمن فئة الأخبار والوسائط.

37 867

المشتركون

-2024 ساعات

-1407 أيام

-74230 أيام

5 369

عرض المشاهدات

~ 3 09524 ساعات

~ 3 93948 ساعات

14.18%

معدل المشاركة

~ 6

المشاركات في اليوم

Ads index

beta

أرشيف المشاركات

37 854

တိုက်ပွဲမရှိပဲ လေကြောင်းကနေ ဗုံးကြဲခံရလို့ ဘုရားစေတီတွေ ပျက်ဆီး ရေတာရှည်၊ ဇူလိုင် ၇၊ ၂၀၂၆ ပဲခူးတိုင်း၊ ရေတာရှည်မြို့နယ်၊ နဂျပ်ကျေးရွာရှိ ဂူတောင်ဘုန်းကြီးကျောင်းကို လေကြောင်းကနေ ဗုံးကြဲသွားလို့ ဘုရားစေတီတွေပျက်စီးခဲ့တယ်လို့ ရေတာရှည်မြို့နယ် ပကဖတာဝန်ရှိသူထံက သိရပါတယ်။ ဇူလိုင်လ ၇ ရက်နေ့မနက် ၁၀ နာရီ မိနစ် ၅၀ ခန့်မှာ တောင်ငူလေတပ်ကနေ တက်လာတဲ့ ဂျက်ဖိုက်တာတစီးဟာ ကျေးရွာထဲကို နှစ်ကြိမ်ဗုံးကြဲခဲ့တာလို့ဆိုပါတယ်။ "ဘာတိုက်ပွဲမှာ မရှိပဲလာကြဲတာ။ ဘုရားစေတီနဲ့ ဘုန်းကြီးကျောင်းပါမကျန် လေကြောင်း တိုက်ခိုက်နေတာ။ ရွာမှာက လူတွေကအနည်းအကျဥ်းလောက်ပဲရှိတာ။ အများစုက စစ်ရှောင်နေတာ။ ဒါကြောင့်လူထိခိုက်မှုတော့မရှိဘူး"လို့ ရေတာရှည်မြို့နယ်ပကဖတာဝန်ရှိသူတဦးကပြောပါတယ်။ သတင်းအပြည့်အစုံ - https://myaelattathan.com/news/25246/

37 854

ပျူနဲ့စစ်တပ် ပေါင်းကာ ပေါ်တာဆွဲဖမ်းဆီးမှုတွေကြောင့် မြို့ခံတွေ ထိတ်လန့်နေ မန္တလေး၊ ဇူလိုင် ၇၊ ၂၀၂၆။ မန္တလေးမြို့မှာ ဆက်တိုက် ပေါ်တာဆွဲမှု တွေဖြစ် နေပြီးမေလအတွင်း အမျိုးသား ၁၅၀ ကျော် ပေါ်တာဆွဲခံရကာ၂၀ ခန့်သာ ပိုက်ဆံ ပေးပြီးပြန်လွတ်ခဲ့တာလို့ မြို့ခံတွေက ပြောပါတယ်။ “၅ လပိုင်း ၁ လအတွင်းကို လူအယောက် ၁၅၀ ကျော် ပါတယ်။ ပြန်လိုက်ရွေးနိုင်တာက ၂၀ လောက်ပဲ ရှိတာ။ အခုဆွဲနေတာက တရားဝင်ပေါ်တာ မဟုတ်ဘူး။ ပြန်ရွေးလို့ အထက်လူကြီးနဲ့ဆို (ကျပ်သိန်း) ၅၀ လောက်ဆို ရတယ်။ တချို့ကတော့ ပေးရတာတွေရောဆို ၇၀ လောက်တော့ ကုန်တယ်။” လို့ မြို့ခံတဦးက ဆိုပါတယ်။ မန္တလေးမြို့မှာ ပျူစောထီးအုပ်စုများစွာရှိပြီး ပျူတွေက ပေါ်တာဆွဲကာ လူရောင်းချမှုရှိသလို စစ်မှုထမ်းကြေး လစဉ်ငွေကောက်ခံတဲ့ ရပ်ကွက်တွေက ဒီလူ တွေကို အစားထိုး ဝယ်ယူတာ တွေရှိပြီး တရားဝင် လူကုန်ကူး ဈေးကွက်တခုလိုဖြစ်နေတာလို့ မြို့ခံတွေက ပြောပါတယ်။ သတင်းအပြည့်အစုံ - https://myaelattathan.com/news/25241/

37 854

⁨⁩ ⁨၆၄ နှစ်မြောက် ဆဲဗင်းဂျူလိုင် ချီတက်ပွဲ ဝက်လက်မှာ ပြုလုပ် ဝက်လက်၊ ဇူလိုင် ၇၊ ၂၀၂၆။ ဆဲဗင်းဂျူလိုင်အရေးတော်ပုံ ၆၄ နှစ်မြောက် အထိမ်းအမှတ် ချီတက်ပွဲကို ဝက်လက်မြို့နယ်အတွင်းက ကျေးရွာတရွာမှာ ပြုလုပ်ခဲ့တယ်လို့ ဝက်လက်မြို့နယ် ကျောင်းသားသမဂ္ဂဆီက သိရပါတယ်။ အဆိုပါ ချီတက်ပွဲကို ဇူလိုင်လ ၆ ရက်နေ့က ပြုလုပ်ခဲ့တာဖြစ်ပြီး ကျောင်းသားတွေနဲ့ ပြည်သူ ၁၀၀ ကျော် ပါဝင်လှုပ်ရှားခဲ့တယ်လို့ ဝက်လက်မြို့နယ် ကျောင်းသားများသမဂ္ဂ ဥက္ကဌကိုဟန်မင်းစိုးက မြေလတ်အသံကို ပြောပါတယ်။ “စစ်အာဏာရှင်စနစ်၊ စစ်အစိုးရဆီကနေ ရစရာအကြွေးတွေ မရသေးတဲ့အတွက် ကျနော်တို့ ပြန်ပြီး လှုံဆော်သတိချပ်တာပေါ့၊ အဓိကက လက်ရှိ ၂၀၂၁ နွေဦးတော်လှန်ရေးမှာ စစ်အစိုးရဆီက ရစရာအကြွေးတွေကို ကျနော်တို့ ပြန်လည်တောင်းဆိုမယ်၊ နောက်ပြီး လူထုလွတ်မြောက်ရေးခရီးကြမ်းမှာ တိုက်ပွဲဝင်သွားမယ်။” လို့ ကိုဟန်မင်းစိုးက ပြောပါတယ်။ သတင်းအပြည့်အစုံ - https://myaelattathan.com/news/25229/

37 854

ဇီးကုန်းမြို့က ဗိုလ်ချုပ်အောင်ဆန်းနဲ့အာဇာနည်ခေါင်းဆောင်ကြီးများ ရုပ်ထုဖျက်ဆီးခံရ ဇီးကုန်း၊ ဇူလိုင် ၇၊ ၂၀၂၆။ ပဲခူးတိုင်းအနောက်ခြမ်း၊ ဇီးကုန်းမြို့က ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးတွေရဲ့ ရုပ်ထုများကို ယမန်နေ့ညက ဖျက်ဆီးခံခဲ့ရတယ်လို့ မြို့ခံတဦးဆီက သိရပါတယ်။ ဇီးကုန်းမြို့ ရန်ကုန်-ပြည်လမ်း မီးပွိုင့်အနီးမှာရှိတဲ့ ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးတွေရဲ့ ရုပ်တုတွေကို ဘက်ဟိုးကား ၃ စီးနဲ့ ဖျက်ဆီးခဲ့တာလို့ ဆိုပါတယ်။ "ညတွင်းချင်း ကြေးရုပ်အရင်ချပြီး ဖောကားနဲ့အရင်သယ်သွားပြီး အာဇာနည်ရင်ပြင်တခုလုံး ဖျက်ဆီးလိုက်တာ၊ မဖျက်ခင် မီးတွေဖြတ် ကင်ပုန်းတွေ အရင်နေရာအနှံ့ချ ပြီးမှ ဖျက်လိုက်တာ" မြို့ခံတဦး ပြောပါတယ်။ သတင်းအပြည့်အစုံ - https://myaelattathan.com/news/25224/

37 854

⁨ပေါ်တာဆွဲတဲ့ကိစ္စကို မကျေနပ်လို့ အုပ်ချူပ်ရေးမှူးကို ဓားနဲ့ခုတ်သတ် အောင်လံ၊ ဇူလိုင် ၆၊ ၂၀၂၆။ မကွေးတိုင်း၊ အောင်လံမြို့နယ်၊ ပြလို့တိုက်နယ်၊ ကွမ်းလောင်းကျေးရွာအဝင်အနားမှာ အုပ်ချူပ်ရေးမှူးတဦး ဓားခုတ်ခံရပြီးသေဆုံးခဲ့ကြောင်း အောင်လံမြို့နယ်ပကဖ တာဝန်ရှိသူထံက သိရပါတယ်။ ဓားနဲ့ခုတ်ခံရသူဟာ ကွမ်းလောင်းကျေးရွာ အုပ်ချုပ်ရေးမှူး အသက် ၇၀ အရွယ် ဦးအေးဟန်ဆိုသူဖြစ်ပြီး ဇူလိုင်လ ၅ ရက်နေ့ နေ့လည်ပိုင်းက ကျေးရွာထဲကနေ ဆိုင်ကယ်နဲ့ထွက်လာရာ ရွာအဝင်အရောက်မှာ ဓားနဲ့ခုတ်ခံရတာလို့ဆိုပါတယ်။ "ခုတ်တဲ့သူနဲ့က ရန်ငြိုးရန်စရှိတယ်လို့ သိရတယ်။ အုပ်ကြီးက *(စစ်သား)နဲ့‌အတူသွားအတူလာ၊ ပေါ်တာဆွဲတာမှာ ပါခဲ့တာတွေလည်း ရှိတယ်။ ပေါ်တာဆွဲတာကို မကျေနပ်လို့ ခုတ်တာလို့လောလောဆယ် သိရသေးတယ်"လို့ အောင်လံမြို့နယ်ပကဖ တာဝန်ရှိသူက ပြောပါတယ်။ သတင်းအပြည့်အစုံ - https://myaelattathan.com/news/25221/

37 854

⁨ ⁨ပျုခေါင်းဆောင်တဦးကို ဖုန်းဝယ်ပေးမယ်လို့ ချိန်းဆိုပြီး တော်လှန်ရေးအဖွဲ့တွေ ဖမ်းဆီး ဂန့်ဂေါ၊ ဇူလိုင် ၆၊ ၂၀၂၆။ မကွေး တိုင်း၊ ဂန့်ဂေါမြို့အနီးမှာ ပျူခေါင်းဆောင်တဦးကို ဖုန်းဝယ်ပေးမယ်လို့ ချိန်းဆိုပြီး တော်လှန်ရေးအဖွဲ့တွေ ဖမ်းဆီးလိုက်တယ်လို့ Black Dragon Force (အထူးလှုပ်ရှားတပ်ဖွဲ့)တာဝန်ရှိသူတွေထံက သိရပါတယ်။ ဖမ်းဆီးရမိသူဟာ ဂန့်ဂေါမြို့နယ်အဆင့် ပျုခေါင်းဆောင်ဖိုးဇော်ရဲ့ တပည့်ရင်းဖြစ်သူ အမှတ် ၁ ရပ်ကွက် ပျူခေါင်းဆောင် မောင်ချစ်စနိုးကို(ခ)မဲကြီးကို မြို့နဲ့မီတာ ၁၀၀ ခန့်မှာ ဇူလိူင်လ ၆ ရက်နေ့မနက် ၁၀ နာရီလောက်က ဖမ်းမိခဲ့တာလို့ ဆိုပါတယ်။ "သူနဲ့ အသိမိတ်ဆွေတယောက်ကနေတဆင့် သူကိုဖုန်းဝယ်ပေးမယ်ပြောပြီး မြှားခေါ်ခဲ့တာ။ မြို့ပြင်ခေါ်ထုတ်တယ်။ သူထွက်လာတော့ လုံးထွေးပြီး ဖမ်းဆီးခဲ့တယ်။"လို့ Black Dragon Force (အထူးလှုပ်ရှားတပ်ဖွဲ့)တာဝန်ခံက ပြောပါတယ်။ သတင်းအပြည့်အစုံ - https://myaelattathan.com/news/25218/

37 854

⁩ ⁨ကံမမြို့က ဗိုလ်ချုပ်ရုပ်တုကို ညအချိန်မတော် တမြို့လုံးမီးဖြတ်ပြီး ဖျက်ဆီး ကံမ၊ ဇူလိုင်၊ ၂၀၂၆။ မကွေးတိုင်း၊ သရက်ခရိုင်၊ ကံမမြို့ရှိ ဗိုလ်ချုပ်အောင်ဆန်းရုပ်ထုကို ဇူလိုင်လ ၅ ရက်နေ့ညပိုင်းက တမြို့လုံး မီးဖြတ်ပြီး ဖျက်ဆီးသွားတယ်လို့ ဒေသခံတွေဆီက သိရပါတယ်။ ကံမမြို့နယ် အားကစားကွင်းဘေး၊ ပြည့်သူ့ဆေးရုံကြီးရှေ့မှာ စိုက်ထူးထားတဲ့ ဗိုလ်ချုပ်ရုပ်ထုကို ညအချိန်မတော် လုံခြုံရေးအပြည့်ယူပြီး Faw (ဖေါကား) နဲ့ တွန်းလှန် ဖျက်ဆီးသွားခဲ့တာလို့ ဒေသခံတဦးက ဆိုပါတယ်။ “တမြို့လုံးကို မီးဖျက်ထားပြီး လူမသိအောင် ဖျက်ဆီးသွားတာ၊ ညဘက်ဆို ဘယ်သူမှ အပြင်မထွက်ရဲကြဘူး။ မိုးလင်းအထိမပြီးလို့ထင်တယ် စျေးလာရောင်းတဲ့ အသည်တွေရော စျေးဝယ်တွေကိုပါ မြို့ထဲပေးမဝင်ပဲ အကြာကြီး မြို့ပြင်မှာ စောင့်ခိုင်းတာ။” လို့ ဒေသခံအမျိုးသမီးတဦးက ပြောပါတယ်။ သတင်းအပြည့်အစုံ - https://myaelattathan.com/news/25214/

37 854

သဲကုန်း စစ်ကော်မရှင်ဂိတ်စခန်း တိုက်ခိုက်မှုအတွင်း နှစ်ဖက်ကျဆုံးရှိ သဲကုန်း၊ ဇူလိုင် ၆၊ ၂၀၂၆ ပဲခူးတိုင်း၊ သဲကုန်းမြို့၊ ဆရာအတတ်သင် (၁) လမ်းမှာ အထိုင်ချထားတဲ့ စစ်ကော်မရှင်ဂိတ်စခန်းမှာ တိုက်ပွဲဖြစ်ပွါးခဲ့ပြီး နှစ်ဖက်ကျဆုံးမှုရှိတယ်လို့ ပြည်ခရိုင်တပ်ရင်း ၁ က ဇူလိုင်လ ၆ ရက်နေ့မှာ သတင်းထုတ်ပြန်ပါတယ်။ ဇူလိုင်လ ၂ ရက်နေ့ညနေ ၄ နာရီ ၁၅ မိနစ်ခန့်မှာ အင်အား ၃၀ ခန့်ရှိနေတဲ့ စစ်ကော်မရှင်စစ်ဆေးရေးဂိတ်ကို သွားရောက်တိုက်ခိုက်ခဲ့ရာမှာ အပြန်အလှန်ပစ်ခတ်မှု မိနစ် ၃၀ ခန့်ဖြစ်ပွါးခဲ့တယ်လို့ ဆိုပါတယ်။ "စကစဘက်က ထိခိုက်သေဆုံးက မြင်ရတာရှိတယ်။ (PDF) ကျဆုံးရဲဘော်က တိုက်ပွဲဖြစ်ပြီး စကစအင်အားတိုးလာတော့ နောက်ပြန်ဆုတ်တာ။ သူက နောက်ဆုံးကနေခံ ပစ်ပေးနေတော့ သူကိုဝိုင်းပစ်တာမှာ ကျသွားတယ်။ သူကိုတက်ဆွဲတဲ့ရဲဘော်ပါ ဒဏ်ရာရခဲ့သေးတယ်"လို့ ပြည်ခရိုင်တပ်ရင်း(၁) စစ်ထောက်လှမ်းရေးနှင့်သတင်းပြန်ကြားတာဝန်ခံ ရဲဘော် SHADOW ကပြောပါတယ်။ သတင်းအပြည့်အစုံ - https://myaelattathan.com/news/25211/

37 854

၄ ရက်ကြာတိုက်ပွဲဖြစ်နေတဲ့ ပေါက်မှာဒေသခံ သောင်းကျော်စစ်ရှောင်နေရ ပေါက်၊ ဇူလိုင် ၄၊ ၂၀၂၆။ မကွေးတိုင်း၊ ပေါက်မြို့နယ်အတွင်း တိုက်ပွဲဖြစ်နေတာကြောင့် ဒေသခံ ၁ သောင်းကျော် စစ်ဘေးရှောင်နေရတယ်လို့ ဒေသကာကွယ်ရေးအဖွဲ့တာဝန်ရှိသူတွေဆီက သိရပါတယ်။ ဇွန် ၂၉ ရက်ကတည်းက ပေါက်မြို့နယ်ထဲကိုဝင်ရောက်လာတဲ့ ပခုက္ကူတပ်မ ၁၀၁ စစ်ကြောင်းနဲ့ ဒေသကာကွယ်ရေးပူးပေါင်းတပ်တို့ ထောက်ရှာပင်နဲ့ နှောပေါက်ရွာအနီးအပါအဝင် နေရာတချို့မှာ ဇူလိုင် ၁ ရက်ကစတင်တိုက်ပွဲဖြစ်နေပြီး လေကြောင်းကနေပါ ဗုံးကြဲနေတာကြောင့် ဒေသခံတွေ တိမ်းရှောင်နေကြရတယ်လို့ ဆိုပါတယ်။ "စစ်ကြောင်းကပေါက်နယ်ထဲကိုရောက်နေတာ ၅ ရက်ရှိပြီ။ တိုက်ပွဲက ထောက်ရှာပင်နဲ့ နှောပေါက်နားမှာ ဖြစ်နေတာ ၂ ရက်ရှိနေပြီ။ ဒီမနက်လည်းတိုက်ပွဲဖြစ်တဲ့နားကို လေကြောင်း လာကြဲတာ ရှိသေးတယ်။ ဒီမနက်ထိတိုက်ပွဲဖြစ်နေတုန်းပါ"လို့ ဒေသကာကွယ်ရေး အဖွဲ့တာဝန်ရှိသူတဦးက ပြောပါတယ်။ သတင်းအပြည့်အစုံ - https://myaelattathan.com/news/25205/

37 854

ရဲတပ်ရင်း ၈ စစ်ကြောင်းတိုက်ခိုက်ခံရလို့ ၇ ဦးသေပြီး ရဲအုပ်အပါသုံ့ပန်း ၁၀ ဦးနဲ့ လက်နက်တွေကိုဖမ်းမိ မလှိုင်၊ ဇူလိုင် ၄၊ ၂၀၂၆။ မန္တလေးတိုင်း၊ မလှိုင်မြို့နယ်၊ အိမ်ကြီးတောရွာဘက်ကို စစ်ကြောင်းထိုးလာတဲ့ ရဲတပ်ရင်း ၈ စစ်ကြောင်းတိုက်ခိုက်ခံရလို့ ၇ ဦးသေ၊ ရဲအုပ်အပါအဝင် သုံးပန်း ၁၀ ဦးမိတယ်လို့ ဇူလိုင် ၃ ရက်မှာ အမျိုးသားညီညွတ်ရေးအစိုးရ - NUG ကာကွယ်ရေးဝန်ကြီးဌာနလက်အောက်ရှိ ပြည်သူ့ကာကွယ်ရေးတပ်မတော် - PDF စစ်ရုံးချုပ်က သတင်းထုတ်ပြန်ပါတယ်။ ဇူလိုင် ၂ ရက်မနက် ၁၁ နာရီကျော်မှာ မလှိုင်မြို့ကနေစစ်ကြောင်းထိုးလာတဲ့ ရဲတပ်ရင်း ၈ မှ ဒုတိယရဲမှူးကြီး ဇော်ဝင်းထိန်ဦးဆောင်တဲ့ အင်အား ၁၀၀ ကျော်ပါ စစ်ကြောင်းကို အိမ်ကြီးတောရွာအနီးတိုက်ခိုက်ရာက အပြန်အလှန်တိုက်ပွဲ ၂ နာရီကျော်ကြာ ဖြစ်ခဲ့တယ်လို့ ဆိုပါတယ်။ "ခုစစ်ကြောင်းက မြင်းခြံ၊ တောင်သာ၊ မလှိုင်ဘက်ထိ စစ်ကြောင်းထိုးနေတဲ့အဖွဲ့ပါ။ သူတို့အနေနဲ့ဆို နယ်မြေရှင်းလင်းရေး လိုက်လုပ်နေတာပါ။ သူတို့က ကျနော်တို့ အနီးအနား ကျွံလာတဲ့ကောင်တွေ သေတာဖမ်းမိတာရှိတယ်။ ကျန်တဲ့သူတွေကတော့ ဝရုန်းသုန်းကားနဲ့ပြန်ပြေးကုန်တယ်" သတင်းအပြည့်အစုံ - https://myaelattathan.com/news/25195/

37 854

⁨⁨ထောင်နဲ့ချီတဲ့ ကနီမြို့နယ်က စစ်ဘေးရှောင်တွေ စားနပ်ရိက္ခာ အရေးတကြီးလိုအပ်နေ ကနီ၊ ဇူလိုင် ၃၊ ၂၀၂၆။ စစ်ကိုင်းတိုင်း၊ ကနီမြို့နယ်က စစ်ဘေးရှောင် ၃၀၀၀ ခန့်အတွက် စားနပ်ရိက္ခာတွေ လိုအပ်နေတယ်လို့ စစ်ဘေးရှောင်အရေး ကူညီပေးနေတဲ့ ဒေသခံတဦးဆီက သိရပါတယ်။ စစ်ကော်မရှင်တပ်က ကနီမြို့နယ်ကို ဧပြီလ ၂၃ ရက်ကစလို့ စစ်ကြောင်းထိုးနေတာဖြစ်ပြီး ချောင်းမရွာနဲ့ ဇီးပင်တွင်းရွာတွေမှာ ဒီနေ့အထိ အင်အား ၂၀၀ ကျော်နဲ့ တပ်စွဲထားတယ်လို့ သိရပါတယ်။ ၂ လကျော်ကြာ စစ်ဘေးရှောင်နေရတာကြောင့် ထောင်နဲ့ချီတဲ့ ဒေသခံတွေအတွက် ဆန်၊ ဆီ၊ စားနပ်ရိက္ခာနဲ့ အမိုးအကာတွေ လိုအပ်နေတယ်လို့ ဒေသခံတဦးက ပြောပါတယ်။ သတင်းအပြည့်အစုံ - https://myaelattathan.com/news/25188/

37 854

⁩ ⁨အရက်မူးပြီး တံတားစောင့်နေတဲ့ စစ်သား အချင်းချင်းဓားထိုးမှုဖြစ် ၁ ဦးသေဆုံး စလင်း၊ ဇူလိုင် ၃၊ ၂၀၂၆ မကွေးတိုင်း၊ စလင်းမြို့နယ်၊ ဆင်ဖြူကျွန်းမြို့အနီး နွယ်တမယ်တံတားစောင့် စစ်ကော်မရှင်တပ်သားအချင်းချင်း ဓားထိုးမှုဖြစ်လို့ ၁ ဦးသေတယ်လို့ မြို့ခံတွေဆီက သိရပါတယ်။ ဇူလိုင်လ ၂ ရက်နေ့ည ၈ နာရီခန့်မှာ တံတားစောင့် စစ်ကော်မရှင်တပ်သား ၂ ဦး စကားများရန်ဖြစ်ရာမှ တပ်သား ၁ ဦးက နောက်တပ်သား ၁ ဦးကို ဓားနဲ့ထိုးခဲ့တာလို့ ဆိုပါတယ်။ "အချင်းချင်းမူးပြီး စကားများကြတာ။ ရိုးရိုးတပ်သားတွေ။ နှစ်ယောက်မှာ တယောက်က ဓားနဲ့ထိုးတာ။ တယောက်က အုတ်ခဲနဲ့ထုတာ။ ဓားနဲ့ထိုးခံရတဲ့တပ်သားက ပွဲချင်းပြီးပဲ"လို့ မြို့ခံတဦးက ပြောပါတယ်။ သတင်းအပြည့်အစုံ - https://myaelattathan.com/news/25183/

37 854

⁨သရက်ခရိုင်ရဲမှူး ယာဥ်တန်းတိုက်ခိုက်ခံရပြီး ခရိုင်ရဲမှူးဒဏ်ရာရကာ မြိုနယ်ဦးစီးမှူးနဲ့ ရဲ ၁ ဦးသေဆုံး အောင်လံ၊ ဇူလိုင် ၃၊ ၂၀၂၆ မကွေးတိုင်း၊ အောင်လံမြို့နယ်၊ ဘုရားတောင်ဗွေကျေးရွာအနီး ပြည်-မကွေးကားလမ်းမှာ သရက်ခရိုင်ရဲတပ်ဖွဲ့မှူးလိုက်ပါလာတဲ့ယာဥ်တန်း တိုက်ခိုက်ခံရပြီး ခရိုင်ရဲမှူးဒဏ်ရာရကာ၊ မြို့နယ်ဦးစီးမှူး ၁ ဦးနဲ့ ရဲ ၁ ဦးသေဆုံးခဲ့တယ်လို့ ဒေသကာကွယ်ရေးအဖွဲ့ဝင်တွေထံက သိရပါတယ်။ ဇူလိုင်လ ၁ ရက်နေ့ နေ့လယ် ၁ နာရီခန့်က အောင်လံကနေ ဆင်ပေါင်ဝဲဘက်ကို သရက်ခရိုင်ရဲတပ်ဖွဲ့မှူး ဒုရဲမှူးကြီးဝင်းနိုင်လိုက်ပါလာတဲ့ ကား ၄ စီးပါ ယာဥ်တန်းကို ကြားဖြတ်တိုက်ခိုက်ခဲ့ကြတာလို့ ဆိုပါတယ်။ "တော်လှန်ရေးအဖွဲ့တွေက ဘုရားတောင်ဗွေနားမှာ တိုက်ပွဲဖော်ဆောင်တာပါ။ ပွင်းလင်းပြောရရင် ယာဥ်တန်းကို ကြားဖြတ်တိုက်ခိုက်တာပါ။ ကြားညှပ်တာမဟုတ်ဘူး။ သူတို့က တူတူလာကြတာ။ ရဲတပ်ဖွဲ့ပါတဲ့ယာဥ်တန်းပါ။"လို့ ဒေသကာကွယ်ရေးအဖွဲ့တာဝန်ရှိသူတဦးက ပြောပါတယ်။ သတင်းအပြည့်အစုံ - https://myaelattathan.com/news/25180/

37 854

⁨ ⁨မကွေးနဲ့ ချင်းနယ်စပ် တိုက်ပွဲတွေအတွင်း စစ်သားရာချီသေဆုံး လက်နက် အများအပြားသိမ်းဆည်းရမိထားကြောင်း CPA ထုတ်ပြန် မင်းတပ်၊ ဇူလိုင် ၂၊ ၂၀၂၆ မကွေးတိုင်း၊ ဆောမြို့နယ်နဲ့ ချင်းပြည်နယ်၊ မင်းတပ်၊ ကန်ပလက်မြို့နယ်အစပ်တွေမှာ ဖြစ်ပွားတဲ့တိုက်ပွဲတွေအတွင်း စစ်ကော်မရှင်တပ်သား ရာချီသေဆုံးကာ၊ အရှင်ဖမ်းမိသူတွေနဲ့ လက်နက်အများအပြား သိမ်းဆည်းရမိထားတယ်လို့ ဇူလိုင်လ ၂ ရက်နေ့ရက်စွဲနဲ့ ချင်းပြည်သူ့တပ်မတော် CPA က သတင်းထုတ်ပြန်ထားပါတယ်။ မေလ ၁၆ ရက်နေ့က စတင်ပြီး ဆောမြို့နယ်ဘက်ကနေ ချင်းပြည်နယ်၊ မင်းတပ်နဲ့ကန်ပက်လက်မြို့နယ်တွေကို အင်အား ထောင်ချီသုံးပြီး ဝင်လာတဲ့စစ်ကော်မရှင်တပ်တွေနဲ့ CPA ပူးပေါင်းတပ်တွေအကြား တိုက်ပွဲပေါင်းများစွာဖြစ်ပွါးခဲ့ပြီး စစ်ကော်မရှင်ဘက်က ရာချီသေဆုံးထားသလို ရာချီထိခိုက်ဒဏ်ရာရထားတယ်လို့ ထုတ်ပြန်ချက်မှာ ဖော်ပြထားပါတယ်။ တိုက်ပွဲအတွင်း ရန်သူ့အလောင်း၊ သုံးပန်းတွေနဲ့ လက်နက်တွေအပါအဝင် စစ်အသုံးအဆောင်ပစ္စည်းအများအပြားကိုလည်းသိမ်းဆည်းရမိထားတယ်လို့ မှတ်တမ်းဓာတ်ပုံတွေအပြင်၊ သေဆုံးသွားတဲ့ စစ်သားတွေရဲ့ ဓာတ်ပုံမှတ်တမ်းများစွာနဲ့ ထုတ်ပြန်ထားတာဖြစ်ပါတယ်။ သတင်းအပြည့်အစုံ - https://myaelattathan.com/news/25170/

37 854

⁨ရန်ကုန်-ပြည်လမ်းမပေါ်က စစ်စခန်းတခု တိုက်ခိုက်ခံရ သေဆုံးသူ ၁၀ ဦးထက်မနည်းရှိဟုဆို မင်းလှ၊ ဇူလိုင် ၂၊ ၂၀၂၆ ပဲခူးတိုင်း၊ မင်းလှမြို့နယ်၊ ရန်ကုန်-ပြည်လမ်းမဘေးရှိ အညာတန်းကျေးရွာနဲ့ ကိုင်းပြင်ကြီးရွာကြားက စစ်တပ်စခန်းတခုကို PDF တပ်ဖွဲ့တွေ ပူးပေါင်းတိုက်ခိုက်ရာ ထိခိုက်သေဆုံးသူ ၁၀ ဦးထက်မနည်းရှိတယ်လို့ သာယာဝတီခရိုင်ပြည်သူ့ကာကွယ်ရေးတပ်ဖွဲ့က ဇူလိုင်လ ၂ ရက်နေ့က သတင်းထုတ်ပြန်ပါတယ်။ ဇူလိုင်လ ၁ ရက်နေ့မနက် ၃ နာရီကျော်ခန့်မှာ ကျေးရွာအနီးမှာ အင်အား ၃၀ ခန့်နဲ့တပ်စွဲထားတဲ့ စစ်ကော်မရှင်စခန်းကို တော်လှန်ရေးပူးပေါင်းတပ်တွေဘက်က သွားရောက်တိုက်ခိုက်ခဲ့ရာ အပြန်အလှန်တိုက်ပွဲ ၁ နာရီကျော်ကြာမြင့်ခဲ့တယ်လို့ ဆိုပါတယ်။ "ဘန်ကာတခုတော့ရတယ်။ သူတို့ဘက်က အထိအခိုက်အကျအဆုံးနဲ့ ပြေးတာတွေလည်းရှိတယ်။ စခန်းကို လုံးလုံးဝင်သိမ်းမယ့်အချိန်မှာ လေကြောင်းလည်း လာတယ်။ ရဲဘော်တွေကအထဲကို ဆက်ဝင်ဖို့လုပ်နေချိန် အုတ်ဖိုဘက်က စစ်ကူလည်း ဖောကား ၃ စီးရောက်လာတယ်။ လက်နက်ကြီးတွေနဲ့လည်းပစ်တော့ ပြန်ဆုန်လာရတယ်"လို့ ရွှေတန်းမြေပြည်သူ့ကာကွယ်ရေးတပ်ဖွဲ့ တာဝန်ခံက ပြောပါတယ်။ သတင်းအပြည့်အစုံ - https://myaelattathan.com/news/25167/

37 854

ပေါင်းတည်မှာ လေယာဉ်နဲ့ ဗုံးကြဲလို့ ၇၈ နှစ်အရွယ် မိခင်အိုကို လုပ်ကျွေးနေတဲ့ အမျိုးသား ၁ ဦးသေဆုံး ပေါင်းတည်၊ ဇူလိုင် ၁၊ ၂၀၂၆ ပဲခူးတိုင်း၊ ပေါင်းတည်မြို့နယ်၊ တောင်ခမောက်ရွာနဲ့ လက်ပံခုန်ရွာကြားကို လေကြောင်းကနေ ဗုံးကြဲတာကြောင့် အသက် ၅၀ ကျော် အမျိုးသား ၁ ဦးသေဆုံးခဲ့ရတယ်လို့ ပြည်ခရိုင်တပ်ရင်း(၁) စစ်ထောက်လှမ်းရေးနှင့် သတင်းပြန်ကြားတာဝန်ခံရဲဘော် Shadow ထံက သိရပါတယ်။ ဇူလိုင်လ ၁ ရက်နေ့ နေ့လယ် ၁၂ နာရီ ၄၅ မိနစ်ခန့်အချိန် နေပြည်တော်ကနေ တက်လာတဲ့ ဂျက်ဖိုက်တာ ၂ စီးက ကျေးရွာ ၂ ရွာကြားရှိ လမ်းပိုင်းကို ဗုံး ၄ လုံးကြဲချသွားတယ်လို့ ဆိုပါတယ်။ "အဲနေရာမှာ ဘာတိုက်ပွဲမှမရှိဘူး။ သူက အဲနေရာက တဲမှာနေတာ။ နွားတွေမွေးပြီးတော့ နို့ညှစ်ရောင်းတာ။ သူတဲနားကို ဗုံးကျပြီး အစမှန်ပြီးသေတာ။ သူတဲမှာ သူအမေနဲ့ သူနဲ့နှစ်ယောက်တည်းရှိတာ" သတင်းအပြည့်အစုံ - https://myaelattathan.com/news/25164/

37 854

စစ်ကောင်စီတပ်ကို ထမင်းချက်ပေးနေတဲ့ အမျိုးသမီးအား ဆေးကြောင်နေတဲ့တပ်သားက နေအိမ်ပေါ်တက် သေနတ်နဲ့ပစ်သတ် စလင်း၊ ဇူလိုင် ၁၊ ၂၀၂၆။ မကွေးတိုင်း၊ စလင်းမြို့နယ်၊ ဆင်ဖြုုကျွန်းမြို့၊ အေးစုဖိုစု ရပ်ကွက်မှာ အမျိုးသမီး ၁ ဦးကို စစ်ကော်မရှင် တပ်သားတဦးက နေအိမ်ပေါ်တက်သေနတ်နဲ့ ပစ်သတ်သွားတယ်လို့မြို့ခံတွေထံက သိရပါတယ်။ ဇွန်လ ၃၀ ရက်နေ့ညနေ ၄ နာရီခန့်မှာ သရက်ချဥ်ကျေးရွာမှာ အထိုင်ချတပ်စွဲထားတဲ့ စစ်ကော်မရှင်တပ်သား သန့်ဇင်ဆိုသူဟာ အသက် ၄၀ ကျော်အရွယ် မနွယ်နီဦး နေအိမ်ကိုရောက်လာပြီးနောက် စကားများရန်ဖြစ်ကာ သေနတ်နဲ့ပစ်သတ်ခဲ့တာလို့ဆိုပါတယ်။ "သေသွားတဲ့မိန်းမက အဲစစ်သားတွေကို ထမင်းချက်ပြုတ်ကျွေးနေတဲ့သူလို့ သိရတယ်။ စစ်သားက ထမင်းချိုင့် လာယူချိန် ဘယ်လိုဖြစ်လဲမသိဘူး ပစ်သတ်သွားတယ်။ ဆေးလည်းကြောင်နေတယ်ပြောတယ်။ ထမင်းအချိန်မှီမရလို့ဖြစ်မယ်" သတင်းအပြည့်အစုံ - https://myaelattathan.com/news/25161/

37 854

ကင်းပုန်းဝပ်နေတဲ့ အထူးရဲနဲ့ ပျူတွေ သတင်းရလို့ PDF တပ်ဖွဲ့တွေပူးပေါင်းပြီး အလစ်အငိုက် ဝင်တိုက်ခိုက် ၄ ဦးသေဆုံး ချောက်၊ ဇူလိုင် ၁၊ ၂၀၂၆ မကွေးတိုင်း၊ ချောက်မြို့နယ်၊ ဂွေးပင်ကျေးရွာနဲ့ ဂွေးချိုကျေးရွာလမ်းပိုင်ပေါ်မှာ ကင်းပုန်းဝပ်နေတဲ့ အထူးရဲတွေနဲ့ ပျူအဖွဲ့ တိုက်ခိုက်ခံရပြီး ၄ ဦးသေဆုံးတယ်လို့ သခင်ဖိုးလှကြီးစစ်ကြောင်းက ဇူလိုင်လ ၁ ရက်နေ့မှာ သတင်းထုတ်ပြန်ပါတယ်။ ဇွန်လ ၂၉ ရက်နေ့ မနက် ၇ နာရီ မိနစ် ၃၀ ခန့်မှာ မကွေးမြို့နယ်က အထူးရဲကွန်မန်ဒိုနဲ့ပြည်သူစစ် အင်အား ၃၀ ခန့်နဲ့ ကင်းပုန်းဝပ်နေချိန် သတင်းရလို့ သွားရောက်တိုက်ခိုက်ခဲ့တာလို့ ဆိုပါတယ်။ "အခုရဲတွေက ချောက်မြို့နယ်ထဲစစ်ကြောင်းထိုးနေတဲ့ အဖွဲ့တွေက ကာဗာယူပေးတဲ့သဘော ဒီဘက်ကအဖွဲ့တွေမလာနိုင်အောင် ကင်းပုန်းယူပေးတာ။ ပြန်ကားနီးရင် ကားတွေကိုပိုက်ဆံတောင်းပြန်တာမျိုး လုပ်နေကြတယ်။ သွားတိုက်တော့ မိနစ် ၃၀ လောက်တိုက်ပွဲဖြစ်တယ်။ တိုက်ပွဲဖြစ်နေချိန် ၄ ယောက်လောက်က ကျနော်တို့အဖွဲ့တွေရှိနေတဲ့ဘက်ပြေးတက်လာတာမှာ ဆီးပစ်တာ ၄ ယောက်စလုံးကျတာ" သတင်းအပြည့်အစုံ - https://myaelattathan.com/news/25158/

37 854

⁨ပဲခူးရိုးပေါ်တက်လာတဲ့ စစ်ကြောင်းကို ပြည်ခရိုင်တပ်ရင်းတွေ ကြားဖြတ်တိုက်ခိုက် စစ်တပ်ဘက်က ၃ ဦးသေဆုံး ပေါက်ခေါင်း၊ ဇွန် ၃၀၊ ၂၀၂၆ ပဲခူးတိုင်း၊ ပေါက်ခေါင်းမြို့နယ်၊ ပဲခူးရိုးမပေါ်ရှိ တောင်လည်ကျေးရွာအနီးမှာ တိုက်ပွဲဖြစ်ပြီး စစ်တပ်ဘက်က ၃ ဦးသေဆုံးတယ်လို့ ဇွန်လ ၃၀ ရက်နေ့မှာ ရွှေတောင်မြို့နယ်ပြည်သူ့ကာကွယ်ရေးတပ်ဖွဲ့က ထုတ်ပြန်ထား ပါတယ်။ ပြီးခဲ့တဲ့ ဇွန်လ ၂၅ ရက်နေ့က တောင်လည်တာဝါတိုင်အထိုင်စခန်းကနေ ပေါက်ခေါင်းမြို့ဘက်ကို အင်အား(၅၀)ခန့်နဲ့ ထွက်လာတဲ့ စစ်ကြောင်းကို အရှေ့ကြို့ကုန်းရွာနဲ့ မုံညှင်းကွင်း(အရပ်ဒေသခေါ်)အရောက်မှာ ကြားဖြတ်တိုက်ခိုက်ခဲ့သလို ယင်းစစ်ကြောင်းအား ထပ်မံပြီး ညနေ ၃ နာရီခွဲခန့် တောင်လည်စခန်းကို ပြန်လာစဥ် ထပ်မံတိုက်ခိုက်ခဲ့တာလို့ ဆိုပါတယ်။ "အဲနေ့က ၅၃ တပ်ကနေကြီးတက်လာပြီးတော့ တောင်လည်ရောက်နေတာ။ အဲကနေပြန်ဆင်းတဲ့ မနက်ပိုင်းမှာ ဖြတ်တိုက်တာ။ သူတို့ကိုတိုက်ပြီးတော့ တောင်လည်စခန်းကို ချက်ချင်းသွားပစ်တော့ အဲစစ်ကြောင်းက တောင်လည်စခန်းကိုပြန်လာချိန် လမ်းမှာဖြတ်တိုက်တာ။ မနက်ပိုင်းတိုက်ပွဲက မိနစ်ပိုင်းပဲ။ ညနေပိုင်းဖြစ်တာမှာတော့ တနာရီလောက်ကြာတယ်။" လို့ ရွှေတောင်မြို့နယ်ပကဖတာဝန်ခံကပြောပါတယ်။ သတင်းအပြည့်အစုံ - https://my

37 854

⁨မုံရွာ ပလဖ စခန်းကို NUG တပ်ရင်းတွေဝင်ရောက်စီးနင်း သေဆုံးမှုတွေရှိ မုံရွာ၊ ဇွန် ၃၀၊ ၂၀၂၆ စစ်ကိုင်းတိုင်း၊ မုံရွာမြို့နယ်အတွင်းရှိ မြို့နယ် ပလဖစခန်းကို NUG တပ်ရင်းတွေ ဝင်ရောက်စီးနင်းရာ အပြန်အလှန် ပစ်ခတ်မှုဖြစ်ပွါးပြီး သေဆုံးမှုတွေရှိတယ်လို့ ဒေသတွင်းစစ်ရေးသတင်းရင်းမြစ်တွေထံက သိရပါတယ်။ ဇွန်လ ၂၉ ရက်နေ့ညနေ ၃ နာရီကျော်ခန့်မှာ မြို့နယ်ပလဖ အာဂု ဦးစီးနေထိုင်တဲ့စခန်းကို မုံရွာခရိုင်တပ်ရင်းတွေက ဝင်ရောက်စီးနင်းလို့ နှစ်ဘက်ပစ်ခတ်မှုတွေ ဖြစ်ပွါးခဲ့တာလို့ ဆိုပါတယ်။ "ဘယ်လိုမှ ညှိနှိုင်းထိန်းချုပ်လို့မရလို့ တခါတည်းဝင်ပြီး ကျုံးတဲ့သဘောပါ။ သူတို့မှာလည်း လက်နက်တွေရှိတာကိုး။ သူတို့မှာ အမှုပေါင်းများစွာရှိနေတယ်။ ဒီဘက်က တားလို့ဆီးလို့မရတာကြောင့် လုပ်တဲ့သဘောပါ။ ဝင်စီးတယ်ဆိုကတည်းက သက်သေအချက်အလက်အခိုင်အမာရလို့ပါ။ နှစ်ဖက်ပစ်ခတ်မှုရှိကြတယ်"လို့ ဒေသတွင်း ကာကွယ်ရေးအဖွဲ့တာဝန်ရှိသူတဦးကပြောပါတယ်။ သတင်းအပြည့်အစုံ - https://myaelattathan.com/news/25151/