မြေလတ်အသံ - Myaelatt Athan

ဆောနယ်ထဲဝင်လာတဲ့ စစ်ကြောင်းတွေ တိုက်ခိုက်ခံရလို့ လက်နက်နဲ့ ရိက္ခာအများအပြားပါသွား ဆော၊ ဇူလိုင် ၂၈၊ ၂၀၂၆။ မကွေးတိုင်း၊ ဆောမြို့နယ်အတွင်းကို စစ်ကြောင်းထိုးနေတဲ့ စစ်ကောင်စီ စစ်ကြောင်းဟာ ကာကွယ်ရေးတပ်ဖွဲ့တွေရဲ့ တိုက်ခိုက်ခံခဲ့ရပြီး လက်နက်နဲ့ ရိက္ခာအများအပြားသိမ်းဆည်းရမိခဲ့တယ်လို့ ဇူလိုင်လ ၂၈ ရက်နေ့က ပြည်သူ့ကာကွယ်ရေးတပ်မတော်၊ မကွေးတိုင်းစစ်ဌာနက သတင်းထုတ်ပြန်ထားပါတယ်။ ပြီးခဲ့တဲ့ ဇူလိုင်လ ၁၆ ရက်နေ့က လောင်းရှည်ကနေ ဆောမြို့ဘက်ကိုထွက်လာတဲ့ တပ်မ (၉၉) ဦးစီးပြီး အင်အား (၃၀၀) ဝန်းကျင်ပါတဲ့ စစ်ကြောင်းကို လမ်းပိုင်းတနေရာမှာ တိုက်ခိုက်ခဲ့လို့ စစ်တပ်ဘက်က အထိနာပြီး၊ ပြန်လည်ဆုတ်ခွာစဥ် လိုက်လံတိုက်ခိုက်ခဲ့ရတာ ဖြစ်ပါတယ်။ နောက်ကြောင်းလှည့် ထွက်ပြေးသွားတဲ့ စစ်ကောင်စီးတပ်တွေဆီက လက်နက်၊ ခဲယမ်းနဲ့ ရိက္ခာတင်ကား (၃) စီးထဲက ရိက္ခာတွေနဲ့ စစ်အသုံးအဆောင် ပစ္စည်းတွေကို သိမ်းဆည်းရမိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။ သတင်းအပြည့်အစုံ - https://myaelattathan.com/news/25516/

⁨ဂျက်ဖိုက်တာနဲ့ ဗုံးကြဲချခဲ့လို့ အဖိုးအို ၁ ဦးသေဆုံး ဝက်လက်၊ ဇူလိုင် ၂၈၊ ၂၀၂၆ စစ်ကိုင်းတိုင်း၊ ဝက်လက်မြို့နယ်၊ ပေါက်ကန်ဘူတာကျေးရွာကို စစ်တပ်က လေကြောင်းနဲ့ ဗုံးကြဲချခဲ့တာကြောင့် သက်ကြီးအမျိုးသား ၁ ဦးသေဆုံးသွားတယ်လို့ တိုက်နယ် ၄ ပကဖ တာဝန်ရှိသူတွေထံက သိရပါတယ်။ ဇူလိုင်လ ၂၈ ရက်နေ့မနက် ၁၀ နာရီခွဲခန့်မှာ တံတားဦးလေတပ်ကနေ တက်လာတဲ့ ဂျက်ဖိုက်ဟာ ပေါက်ကန်ဘူတာကျေးရွာထဲကို ဗုံး ၂ လုံးကြဲချသွားခဲ့တာ ဖြစ်ပါတယ်။ "ဗုံးက ရွာမြောက်ဖျားတလုံး ရွာလယ်တလုံးကျတာ။ ရွာလယ်ကျတဲ့ဟာမှာ အိမ်ဘေးကျတော့ အစမှန်တာပေါ့။ ခုထိတဲ့သူတွေက အိမ်ထဲရှိနေရင်း ထိတာ" သတင်းအပြည့်အစုံ - https://myaelattathan.com/news/25512/

⁩ ⁨ဆောနဲ့ စစ်ကိုင်းမှာ လေကြောင်းတိုက်ခိုက်ခံရလို့ ကလေးငယ်အပါအဝင် ၄ ဦးသေဆုံး ဆော၊ ဇူလိုင် ၂၇၊ ၂၀၂၆။ မကွေးတိုင်း၊ ဆောမြို့နယ်၊ ကြံခင်းကျေးရွာနဲ့ စစ်ကိုင်းတိုင်း၊ စစ်ကိုင်းမြို့နယ် တလိုင်းကျွန်းကျေးရွာတွေမှာ လေကြောင်းတိုက်ခိုက်ခံရလို့ ကလေးငယ်အပါအဝင် ၄ ဦးသေဆုံးခဲ့တယ်လို့ ဒေသကာကွယ်ရေးတပ်ဖွဲ့ဝင်တွေထံက သိရပါတယ်။ ဇူလိုင်လ ၂၆ ရက်နေ့ နေ့လည် ၂ နာရီခန့်မှာ ဆောမြို့ကို ဦးတည်ကာ စစ်ကြောင်းဝင်လာတဲ့ စစ်ကော်မရှင်စစ်ကြောင်းက ဆောမြို့နယ်၊ သီးကုန်းကျေးရွာအရှေ့ဘက် ကြံခင်းကျေးရွာကို ဒရုန်းနဲ့ဗုံးကြဲချခဲ့တာလို့ ဆိုပါတယ်။ "ဒရုန်းနဲ့လာတာဆိုတော့ ဗုံးက လေးလုံးကြဲသွားတာ။ ထိတဲ့သူတွေက နေ့လယ်ပိုင်းဆိုတော့ နေအိမ်နားမှာ ရှိနေချိန်ထိကြတာ။ သေတဲ့နှစ်ယောက် အိမ်နီးနားချင်းတွေ"လို့ ဒေသကာကွယ်ရေးအဖွဲ့ဝင်တဦးက ပြောပါတယ်။ သတင်းအပြည့်အစုံ - https://myaelattathan.com/news/25504/

⁨⁩ ⁨ညောင်ဦးမှာ ၂ ရက်အတွင်း အုပ်ချုပ်ရေးမှူးအပါအဝင် ၅ ဦး ပစ်သတ်ခံရ ညောင်ဦး၊ ဇူလိုင် ၂၇။ မန္တလေးတိုင်း၊ ညောင်ဦးမြို့နယ်၊ ထရိုင်းတောကျေးရွာနဲ့ တောင်ဘီမကျေးရွာတွေမှာ ၂ ရက်အတွင်း အုပ်ချုပ်ရေးမှူးအပါအဝင် ၅ ဦး ပစ်သတ်ခံရပြီး သေဆုံးတယ်လို့ သိရပါတယ်။ ပြီးခဲ့တဲ့ ဇူလိုင်လ ၂၄ ရက်နေ့ မနက် ၆ နာရီခန့်က စည်ပင်သာကျေးရွာအုပ်ချုပ်ရေးမှူးနဲ့ အဖော်တွေဟာ တောင်ဘီမကျေးရွာထဲက ကုန်စုံဆိုင်တခုရဲ့ရှေ့မှာ ထိုင်နေကြစဉ် သေနတ်သမားတွေ လာရောက်ပစ်ခတ်သွားတာဖြစ်ပါတယ်။ အလားတူ ဇူလိုင်လ ၂၅ ရက်နေ့မနက် ၇ နာရီခန့်ကလည်း ထရိုင်းတောရွာသား အသက် ၅၈ နှစ်အရွယ် ဦးဥာဏ်ပိုဟာ သူ့ရဲ့နေအိမ်မှာ ရှိနေစဉ် သေနတ်သမားတွေ လာရောက်ပစ်ခတ်သွားခဲ့တာ ဖြစ်ပါတယ်။ သတင်းအပြည့်အစုံ - https://myaelattathan.com/news/25500/

ဇီးပင်တွင်းတိုက်ပွဲမှာ ကျဆုံးခဲ့တဲ့ ရဲဘော် ၇ ဦးနဲ့ ၆ နှစ်အတွင်း ကျဆုံးခဲ့တဲ့ရဲဘော်တွေအတွက် အောက်မေ့ဂုဏ်ပြုပွဲပြုလုပ် မြေလတ်အသံ၊ ဇူလိုင် ၂၆၊ ၂၀၂၆။ စစ်ကိုင်းတိုင်း၊ ကနီမြို့နယ်၊ ဇီးပင်တွင်းရွာတိုက်ပွဲမှာ ကျဆုံးခဲ့ရတဲ့ BLDF ရဲဘော် ၇ ဦးနဲ့ တော်လှန်ရေးကာလတလျောက် ကျဆုံးခဲ့ရတဲ့ အာဇာနည်တွေအတွက် အောက်မေ့သတိရဂုဏ်ပြုပွဲ ကျင်းပခဲ့တယ်လို့ သိရပါတယ်။ အဆိုပါဂုဏ်ပြုပွဲကို ဗမာလွတ်မြောက်ရေးဒီမိုကရက်တစ်တပ်ဦး - BLDF က ကျင်းပခဲ့တာဖြစ်ပြီး ဒေသခံပြည်သူတွေလည်း တက်ရောက်ခဲ့တယ်လို့ သိရပါတယ်။ “၂၀၂၁ကနေစပြီး ယခုအချိန်အထိကျဆုံးခဲ့ရတဲ့မိမိတို့ ရဲဘော်များအတွက် ဂုဏ်ပြုအောက်မေ့ပွဲကျင်းပပြုလုပ်ခြင်းဖြစ်ပါတယ်။ စစ်ရေးနဲ့နယ်မြေအခြေအနေအရ အကျဥ်းချူံး ကျင်းပတာဖြစ်တဲ့အတွက် မိတ်ဖက်အဖွဲ့အစည်းတွေကို ဖိတ်ကြားခဲ့ခြင်းမျိူး မရှိခဲ့ပါဗျ။” လို့ BLDF ပြောရေးဆိုခွင့်ရှိသူက ပြောပါတယ်။ သတင်းအပြည့်အစုံ - https://myaelattathan.com/news/25489/

စစ်တပ်ရဲ့ သတ်ဖြတ်ခြင်းခံရတဲ့ ဗကသကျောင်းသား ၃ ဦးရဲ့ နှစ်ပတ်လည်အခမ်းအနား လူထုထောင်ချီတက်ရောက် မြေလတ်အသံ၊ ဇူလိုင် ၂၆၊ ၂၀၂၆။ စစ်ကိုင်းတိုင်း၊ ဘုတလင်မြို့နယ်က ဘုတလင်မြို့နယ်ကျောင်းသားများသမဂ္ဂ ကျောင်းသား ၃ ဦး စီးနင်းသတ်ဖြတ်ခံရမှု ၃ နှစ်ပြည့် နှစ်ပတ်လည်အခမ်းအနားကို ဗကသများအဖွဲ့ချုပ်က ကျင်းပပြုလုပ်ခဲ့ပါတယ်။ ဘုတလင်မြို့နယ်ကျောင်းသားများသမဂ္ဂ ဥက္ကဌ ကိုကျော်ဝင်းသန့်၊ ဒုဥက္ကဌ ကိုကြယ်စင်ငြိမ်းချမ်း၊ သတင်းနဲ့ပြန်ကြားရေးမှူး ကိုသုတနေနဲ့ တော်လှန်ရေးတပ်ဖွဲ့ဝင်တဦးတို့ကို မုံရွာမြို့အခြေစိုက် အနောက်မြောက်တိုင်းစစ်ဌာနချုပ်က ၂၀၂၃ ခုနှစ် ဇူလိုင်လ ၂၈ ရက် မနက် ၄ နာရီမှာ သမဂ္ဂရုံးခန်းရှိရာ ညောင်ကန်ကျေးရွာကို စစ်ကြောင်းထိုးစီးနင်းပြီး သတ်ဖြတ်ခဲ့တာ ဖြစ်ပါတယ်။ သမဂ္ဂအမှုဆောင်အဖွဲ့ဝင် ၃ ဦးရဲ့ စီးနင်းသတ်ဖြတ်ခံရခြင်း ၃ နှစ်ပြည့် နှစ်ပတ်လည်အခမ်းအနားကို မနေ့ ဇူလိုင် ၂၅ ရက်က ဘုတလင်မြို့နယ်မှာရှိတဲ့ သူတို့ရဲ့ ဗိမာန်မှာပဲ ပြုလုပ်ခဲ့တာ ဖြစ်ပါတယ်။ သတင်းအပြည့်အစုံ - https://myaelattathan.com/news/25462/

အသစ်တိုးချဲ့ပြေးဆွဲမယ့် ရန်ကုန်-ပြည် မီးရထားခရီးစဉ်မှာ အုတ်ဖို၊ ဇီးကုန်းနဲ့ သဲကုန်း​ဘူတာတွေမပါဝင် ပဲခူး၊ ဇူလိုင် ၂၅၊ ၂၀၂၆။ ၂၀၂၆ ဇူလိုင် ၃၁ ရက်နေ့ (အခုလကုန်) က စတင်ပြီး လေအေးပေးစက်ပါ အဆင့်မြင့်ခေတ်မီရထား DEMU (Diesel Electric Multiple Unit)နဲ့ ရန်ကုန်-ပြည်မီးရထားခရီးစဉ် အဖြစ် အသစ်ပြေးဆွဲသွားမှာဖြစ်ပြီး၊ အဲ့ဒီခရီးစဥ်သစ်မှာ အုတ်ဖို၊ ဇီးကုန်းနဲ့ သဲကုန်း ဘူတာတွေ ပါဝင်ခြင်းမရှိဘူးလို့ ဒေသခံတွေက ပြောပါတယ်။ စစ်ကောင်စီလက်အောက်ခံ မြန်မာ့မီးရထားဌာနရဲ့ သတင်းထုတ်ပြန်ချက်မှာ ရန်ကုန်- ပြည်လမ်းတလျှောက်မှာရပ်တန့်မယ့် ကြားဘူတာတွေဟာ ရန်ကုန်တိုင်းအတွင်းက တညင်းကုန်းဘူတာနဲ့ ပဲခူးတိုင်းအနောက်ခြမ်းက သာယာဝတီ၊ လက်ပံတန်း၊ မင်းလှ၊ ကြို့ပင်ကောက်၊ နတ်တလင်းနဲ့ ပေါင်းတည်စတဲ့ ဘူတာတွေသာပါဝင်ကြောင်း ဖော်ပြထားပါတယ်။ ရထားရပ်တန့်ခြင်းမရှိတဲ့ မြို့နယ် ၃ ခုရဲ့ ဘူတာတွေထဲက ဇီးကုန်းမြို့ဟာ ရန်ကုန်-ပြည် ကားလမ်းနဲ့ မီးရထားလမ်းပေါ်မှာ တည်ရှိတာဖြစ်ပြီး၊ တခြားမြို့နယ် ၂ ခုဖြစ်တဲ့ သဲကုန်းနဲ့ အုတ်ဖိုမြို့တို့ရဲ့ ဘူတာတွေကတော့ ရန်ကုန်-ပြည် ကားလမ်းပေါ်မှာ မဟုတ်တဲ့အတွက် — သတင်းအပြည့်အစုံ - https://myaelattathan.com/news/25459/

လူမရှိတဲ့ PDF စခန်းထဲဝင်သိမ်းတဲ့စစ်ကြောင်းကို ပြန်တိုက်ခိုက်ပြီး လက်နက်တွေသိမ်းဆည်း ဆော၊ ဇူလိုင် ၂၅၊ ၂၀၂၆။ မကွေးတိုင်း၊ ဆောမြို့နယ်၊ ဆောမြို့နဲ့လောင်းရှည်မြို့အကြားရှိ PDF ယာယီစခန်းကို ဝင်သိမ်းတဲ့စစ်ကောင်စီအဖွဲ့ကို ဒေသကာကွယ်ရေးတပ်ဖွဲ့ဝင်တွေကတိုက်ခိုက်ရာ လက်နက်အချို့သိမ်းဆည်းရမိထားတယ်လို့ ဖြစ်စဥ်ကိုသိရှိတဲ့ ဒေသခံကာကွယ်ရေးတပ်ဖွဲ့ဝင်တဦးက ပြောပါတယ်။ ဇူလိုင် ၂၄ ရက်နေ့လယ် ၁၂ နာရီခန့်မှာ လောင်းရှည်မြို့ကနေထွက်လာတဲ့ အင်အား ၂၀၀ ပါ စစ်ကြောင်းဟာ လောင်းရှည်နဲ့ဆောမြို့အစပ်က ဂန့်ဂေါခရိုင်တပ်ရင်း ၆ ရဲ့စခန်းနေရာကို ဝင်ရောက်စီးနင်းပြီးနောက် ပြန်ထွက်လာချိန်မှာတိုက်ခိုက်ခံရတာလို့ဆိုပါတယ်။ "စခန်းဟောင်းကို ဟပေးလိုက်တာ။ တပ်ရင်း ၆ ကစခန်းကုန်းကို ဟပေးပြီးမှဝင်တိုက်တာ။ အာပီဂျီတွေကော G3 တွေကော၊ MA 3 တွေနဲ့ ၆၀ သီး၊ ၈၀ သီးတွေလည်းတော်တော်ရလိုက်တယ်"လို့ ဖြစ်စဥ်ကိုသိတဲ့ ကာကွယ်ရေးတပ်ဖွဲ့ဝင်က ပြောပါတယ်။ သတင်းအပြည့်အစုံ - https://myaelattathan.com/news/25449/

ပုဂံနဲ့ခေတ်ပြိုင်ယဥ်ကျေးမှုအမွေအနှစ်တွေရှိတဲ့ ပုဂံငယ်ရွာကို စစ်ကြောင်းထိုးမီးရှို့နေ ■ စစ်ကြောင်းကြောင့် ရွာပေါင်း ၂၀ ကျော်က ဒေသခံ ၁ သောင်းကျော်ထွက်ပြေးနေရ ချောက်၊ ဇူလိုင် ၂၅၊ ၂၀၂၆။ မကွေးတိုင်း၊ ချောက်မြို့နယ်အတွင်းရှိ ပုဂံနဲ့ခေတ်ပြိုင်ယဥ်ကျေးမှုအမွေအနှစ်တွေရှိတဲ့ ပခန်းငယ် (ခ) ပုဂံငယ်ရွာကို စစ်ကော်မရှင်တပ်ကစစ်ကြောင်းဝင်မီးရှို့ခဲ့တာကြောင့် ဒေသခံ ၁ သောင်းကျော် ထွက်ပြေးနေရတယ်လို့ မကွေးတိုင်းပကဖတာဝန်ရှိသူတွေဆီက သိရပါတယ်။ ဇူလိုင် ၂၅ ရက်မနက် ၈ နာရီခန့်မှာ စလေအခြေစိုက် ခမရ ၄၁၆ တပ်ကနေ အင်အား ၂၀၀ ကျော်ပါတဲ့ စစ်ကြောင်းဟာ ကျေးရွာထဲကိုရောက်လာပြီး နေအိမ်တွေကို မီးရှို့နေတာလို့ဆိုပါတယ်။ "စစ်ကြောင်းဝင် မီးရှို့နေလို့ ချောက်မြို့နယ်မြောက်ပိုင်းက ကျေးရွာတွေအကုန်စစ်ရှောင်နေရတယ်။ စစ်ကြောင်းက ရွာထဲရှိနေတုန်းပါ။ မီးလောင်ပျက်စီးအခြေနေကတော့ လတ်တလောမသိရသေးပါဘူး" သတင်းအပြည့်အစုံ - https://myaelattathan.com/news/25445/

ရွှေတပိဿာကျော် ဓားပြတိုက်သူ ၆ ဦးဖမ်းမိသော်လည်း ရွှေအနည်းငယ်သာပြန်ရသေး မန္တလေး၊ ဇူလိုင် ၂၄၊ ၂၀၂၆။ မန္တလေးတိုင်း၊ ချမ်းမြသာစည်မြို့နယ်က မီလျံနာရွှေဆိုင် ဓားပြတိုက်မှုမှာ ပြစ်မှုကျူးလွန်သူ ၆ ဦးကို ဖမ်းမိထားတယ်လို့ ဖြစ်စဥ်ကိုသိထားတဲ့ မြို့ခံတွေထံက သိရပါတယ်။ ဓားပြတိုက်မှုဖြစ်ပွားပြီး ၂ ရက်အကြာ ဇူလိုင်လ ၂၂ ရက်နေ့မှာ ပြစ်မှူကျူးလွန်သူတွေအနက် ၂ ဦးကို တံတားဦးမြို့အပိုင် အမြန်လမ်းပေါ်မှာ ဖမ်းမိခဲ့ပြီးနောက် ကျန် ၄ ဦးကို ဇူလိုင်လ ၂၃ ရက်နေ့က ထပ်မံဖမ်းဆီးနိုင်ခဲ့တာလို့ ဆိုပါတယ်။ "အမြန်လမ်းမှာ နှစ်ယောက်မိပြီးတော့ နောက်နှစ်ယောက်ကို စစ်ကိုင်းသွားမယ့်လမ်းပေါ်မှာ ထပ်မိတယ်။ တယောက်က တံလျှပ်မော်တောင်ရပ်ကွက်က တည်းခိုခန်းတခုမှာ မိတာ။ နောက်တယောက်ကိုလည်း မြို့ထဲမှာ ထပ်မိတာ။ နောက်ဆုံးတယောက်က သေနတ်ကိုင်တဲ့တယောက်ပါ"လို့ ဖြစ်စဥ်ကိုသိထားတဲ့ မြို့ခံတဦးက ပြောပါတယ်။ သတင်းအပြည့်အစုံ - https://myaelattathan.com/news/25442/

⁨⁩ ⁨စလင်းမှာ လယ်တောသွားတဲ့ တောင်သူတဦး မြေမြှုပ်မိုင်းထိလို့ ခြေထောက်ပြတ် စလင်း၊ ဇူလိုင် ၂၄၊ ၂၀၂၆။ မကွေးတိုင်း၊ စလင်းမြို့နယ်၊ မန်ကျီးပင်ပုကျေးရွာမှာ မိုင်းထိလို့ တောင်သူတဦး ခြေထောက်ပြတ်ခဲ့တယ်လို့ ကူညီဆောင်ရွက်ပေးခဲ့သူတွေထံက သိရပါတယ်။ မိုင်းထိသူဟာ အဆိုပါကျေးရွာနေ အသက် ၃၅ နှစ်အရွယ် ဦးရဲမြင့်ဆိုသူဖြစ်ပြီး ဇူလိူင်လ ၂၃ ရက်နေ့မနက် ၁၁ နာရီကျော်ခန့်မှာ နေအိမ်ကနေ လယ်ကွင်းထဲအသွား ရွာအပြင်လယ်ကွင်းနားမှာ မိုင်းထိခဲ့တာလို့ ဆိုပါတယ်။ "အဲဘက်တွေမှာက နီးစပ်တဲ့နေရာတွေမှာ မိုင်းတွေထောင်ထားတာ ရှိတယ်။ မသွားခိုင်းတဲ့နေရာတွေ ရှိတယ်။ သူကတောင်သူ သွားလာရင်း ထိတာ။ ခြေထောက်တော့ ပြတ်သွားတယ်"လို့ ကူညီဆောင်ရွက်ပေးခဲ့သူတဦးက ပြောပါတယ်။ သတင်းအပြည့်အစုံ - https://myaelattathan.com/news/25434/

⁩ ⁨အုပ်ချုပ်ရေးမှူးအသစ် ခန့်ပြီးနောက်ပိုင်း မန္တလေးမှာ တပတ်အတွင်း လူငယ် ၈ ဦး ပေါ်တာဆွဲခံရ မန္တလေး၊ ဇူလိုင်၂၃၊ ၂၀၂၆။ မန္တလေးမြို့မှာ တပတ်အတွင်း လူငယ် ၈ ဦး ပေါ်တာဆွဲခံရပြီး၊ တခြားမြို့တွေကနေ မန္တလေးမြို့ကို လာသူတွေကိုလည်း ကားဂိတ်၊ ရထားဂိတ်တွေကနေ စောင့်ပြီးပေါ်တာဆွဲနေတယ်လို့ မြို့ခံတွေက ပြောပါတယ်။ ဇူလိုင်လ ၁၅ ရက်နေ့မှာ မန္တလေးမြို့၊ ကြံခင်းရပ်ကွက်မှာ အသက် ၂၀ ဝန်းကျင်လူငယ်တဦးကို စစ်တပ်ခန့် ရာအိမ်မှူးတွေက နေအိမ်ထဲအထိ ဝင်ရောက်ပေါ်တာဆွဲခဲ့တာလို့ သိရပါတယ်။ အဲဒီညမှာပဲ ၇၂ လမ်း၊ ၃၄×၃၅ လမ်းကြားက ၁၈ နှစ်အရွယ် လူငယ်တဦးကို စစ်ကောင်စီတပ်က အိမ်စီးကားနဲ့ ပေါ်တာဆွဲခဲ့တယ်လို့ သိရပါတယ်။ သတင်းအပြည့်အစုံ - https://myaelattathan.com/news/25430/

⁩ ⁨တနှစ်ကို ကျပ်သိန်း ၆၀ အလှူငွေထည့်ဝင်ခိုင်းလို့ ဆန်စက်နဲ့ စက်သုံးဆီလုပ်ငန်းရှင်တွေ အခက်ကြုံနေ ဝက်လက်၊ ဇူလိုင် ၂၃၊ ၂၀၂၆။ စစ်ကိုင်းတိုင်း၊ ဝက်လက်မြို့နယ်၊ အနောက်ခြမ်းရှိ ဆန်စက်နဲ့ စက်သုံးဆီရောင်းသူတွေထံက တနှစ်စာ ကျပ်သိန်း ၆၀ ပေးဖို့ ရွှေဘိုခရိုင်တပ်ရင်း(၁)က အလှူငွေထည့်ဝင်ခိုင်းလို့ လုပ်ငန်းရှင်တွေ အခက်ကြုံနေရတယ်လို့ လုပ်ငန်းရှင်တွေထံက သိရပါတယ်။ လုပ်ငန်းရှင် ၃၀ ကျော်ထံက တလကို ၅ သိန်းကျပ်နှုန်းနဲ့ တနှစ်စာ ကျပ်သိန်း ၆၀ ပေးကြဖို့နဲ့ ငွေကိုလည်း ဇူလိုင်လအကုန်အပြီး နှစ်ရစ်ခွဲပေးဖို့ တပ်ရင်း(၁) တာဝန်ရှိသူတွေက လုပ်ငန်းရှင်တွေကို အစည်းအဝေး နှစ်ကြိမ်ခေါ်ယူပြီးတောင်းခံခဲ့တာလို့ ဆို​ပါတယ်။ "ကျနော်တို့ဆို အရာရာတိုင်းကို ကူညီရတဲ့ ကဏ္ဍတွေရှိတယ်။ အချို့တပ်ရင်း၊ တပ်ဖွဲ့တွေဆိုလည်း လစဥ်ထော​က်ပံရတာ ရှိတယ်။ ကျနော်တို့အနေနဲ့ဆို အခက်ခဲတွေ အများကြီး။ သဒ္ဓါသလောက်လှူပါဆို ရသေးတယ်။ အခုလိုကြေးနှုန်းကြီးထားပြီး သတ်မှတ်တာကျတော့ အဆင်မပြေဘူး။ ------------- သတင်းအပြည့်အစုံ - https://myaelattathan.com/news/25427/

⁩ ⁨တနှစ်ကို ကျပ်သိန်း ၆၀ အလှူငွေထည့်ဝင်ခိုင်းလို့ ဆန်စက်နဲ့ စက်သုံးဆီလုပ်ငန်းရှင်တွေ အခက်ကြုံနေ ဝက်လက်၊ ဇူလိုင် ၂၃၊ ၂၀၂၆။ စစ်ကိုင်းတိုင်း၊ ဝက်လက်မြို့နယ်၊ အနောက်ခြမ်းရှိ ဆန်စက်နဲ့ စက်သုံးဆီရောင်းသူတွေထံက တနှစ်စာ ကျပ်သိန်း ၆၀ ပေးဖို့ ရွှေဘိုခရိုင်တပ်ရင်း(၁)က အလှူငွေထည့်ဝင်ခိုင်းလို့ လုပ်ငန်းရှင်တွေ အခက်ကြုံနေရတယ်လို့ လုပ်ငန်းရှင်တွေထံက သိရပါတယ်။ လုပ်ငန်းရှင် ၃၀ ကျော်ထံက တလကို ၅ သိန်းကျပ်နှုန်းနဲ့ တနှစ်စာ ကျပ်သိန်း ၆၀ ပေးကြဖို့နဲ့ ငွေကိုလည်း ဇူလိုင်လအကုန်အပြီး နှစ်ရစ်ခွဲပေးဖို့ တပ်ရင်း(၁) တာဝန်ရှိသူတွေက လုပ်ငန်းရှင်တွေကို အစည်းအဝေး နှစ်ကြိမ်ခေါ်ယူပြီးတောင်းခံခဲ့တာလို့ ဆို​ပါတယ်။ "ကျနော်တို့ဆို အရာရာတိုင်းကို ကူညီရတဲ့ ကဏ္ဍတွေရှိတယ်။ အချို့တပ်ရင်း၊ တပ်ဖွဲ့တွေဆိုလည်း လစဥ်ထော​က်ပံရတာ ရှိတယ်။ ကျနော်တို့အနေနဲ့ဆို အခက်ခဲတွေ အများကြီး။ သဒ္ဓါသလောက်လှူပါဆို ရသေးတယ်။ အခုလိုကြေးနှုန်းကြီးထားပြီး သတ်မှတ်တာကျတော့ အဆင်မပြေဘူး။ လုပ်ငန်းလည်ပတ်ရတာတွေက အဆင်မပြေဘူး။ စစ်ကြောင်းကာလတွေဆို စကစကပဲ လုပ်လုပ်၊ တော်လှန်ရေးအဖွဲ့တွေကလုပ်လုပ် လုပ်ငန်းလည်ပတ်ရတာနှောက်နှေးတာ။ ထိခိုက်ပျက်စီးရတာတွေရှိနေတာ။ အရှင်းဆုံးပြောရရင် ကြည်ဖြူလို့ပေးရတာမ

⁨⁩ ⁨စစ်ကြောင်းထိုးရင်း လက်နက်ကြီးတွေနဲ့ ရွာတွေကိုရမ်းပစ်လို့ လင်မယား ၂ ဦးသေဆုံး မြိုင်၊ ဇူလိုင် ၂၂၊ ၂၀၂၆။ မကွေးတိုင်း၊ မြိုင်မြို့နယ်၊ ဝက်ဖိုးကျေးရွာမှာ စစ်ကြောင်းထိုးနေတဲ့စစ်ကောင်စီတပ်ကရမ်းပစ်လိုက်တဲ့ လက်နက်ကြီးမှန်လို့ လင်မယား ၂ ဦးသေဆုံးခဲ့တယ်လို့ ဒေသကာကွယ်ရေးအဖွဲ့ဝင်တွေထံက သိရပါတယ်။ ဇူလိုင်လ ၂၂ ရက်နေ့မနက် ၇ နာရီခန့်က သင်းမကျေးရွာကိုရောက်နေတဲ့ စစ်ကောသ်စီစစ်ကြောင်းက ဝက်ဖိုးရွာဘက်ကို လက်နက်ကြီး ၃ လုံးထက်မနည်းပစ်ခတ်ခဲ့ရာမှာ လူနေအိမ်ပေါ်ကို ကျရောက်ပေါက်ကွဲခဲ့လို့ လင်မယား ၂ ဦး သေဆုံးရတာလို့ ပြောပါတယ်။ "ဒီမနက် သင်းမရွာကို မီးရှို့ပြီး အဲဒီကနေ ကျေးရွာတွေကို လက်နက်ကြီးတွေနဲ့လှမ်းပစ်တာ။ ဝက်ဖိုးရွာထဲကျတဲ့ လက်နက်ကြီးက နေအိမ်ဝင်းထဲကျပြီး အစမှန်ပြီး နေရာမှာတင် သေတာ"လို့ ဒေသကာကွယ်ရေးအဖွဲ့ဝင်တဦးက ပြောပါတယ်။ သတင်းအပြည့်အစုံ -https://myaelattathan.com/news/25423/

စစ်ရှောင်ရာမှ အိမ်ပြန်လာနေသူလင်မယား ဒရုန်းနဲ့ဗုံးကြဲခံရလို့ မိန်းမဖြစ်သူသေဆုံး စဉ့်ကူး၊ ဇူလိုင် ၂၂၊ ၂၀၂၆။ မန္တလေးတိုင်း၊ စဉ့်ကူးမြို့နယ်၊ ကြက်တူရွေးကျေးရွာမှာ စစ်ရှောင်နေရာမှ နေအိမ်ပြန်လာတဲ့ လင်မယား ဒရုန်းဗုံးထိမှန်လို့ မိန်းမဖြစ်သူသေဆုံးသွားတယ်လို့ စဉ့်ကူးမြို့နယ်ပကဖ တာဝန်ရှိသူတွေထံက သိရပါတယ်။ ဇူလိုင်လ ၂၁ ရက်နေ့ညနေ ၆ နာရီ မိနစ် ၃၀ ခန့်မှာ ကျွန်းကြီးရွာ ဘုန်းကြီးကျောင်းအတွင်း တပ်စွဲထားတဲ့ စစ်ကော်မရှင်တပ်သားတွေက ကြက်တူရွေးရွာဘက်ကို ဒရုန်းနဲ့ ၃ ကြိမ် ဗုံးသီးကြဲတိုက်ခိုက်ခဲ့တာလို့ ဆိုပါတယ်။ "သူတို့က တောင်သူနဲ့ တံငါလည်းလု​ပ်တယ်။ ရေတက်တော့ လိုအပ်တဲ့ပစ္စည်းလေးယူရင်း နေအိမ်ပြန်နေ နေတာမှာ ထိတာ။ နေအိမ်ပေါ် တည့်တည့်ကျတာ။ ထိတာက လင်မယားနှစ်ယောက်ပါ။ သူတို့ကစစ်ရှောင်ရင်း မြစ်ရေတက်တော့ အိမ်မှာလာပြန်နေတာ"လို့ စဉ့်ကူးမြို့နယ်ပကဖ သတင်းတာဝန်ခံ ကိုသံမဏိက ပြောပါတယ်။ သတင်းအပြည့်အစုံ - https://myaelattathan.com/news/25419/

⁩ ⁨ဆိုင်ကယ်နဲ့ မြို့ထဲဝင်လာတဲ့ ရဲနဲ့ပျူ ပစ်သတ်ခံရပြီး PDF တွေ လက်နက်သိမ်းဆည်းနိုင်ခဲ့ ကန့်ဘလူ၊ ဇူလိုင် ၂၁၊ ၂၀၂၆ စစ်ကိုင်းတိုင်း၊ ကန့်ဘလူမြို့နယ်၊ ဇီးကုန်းမြို့ထဲကို ဆိုင်ကယ်နဲ့ ဝင်လာတဲ့ ရဲနဲ့ ပျူစောထီး ၂ ဦး ပစ်သတ်ခံရပြီး သေဆုံးသွားတယ်လို့ ကန့်ဘလူမြို့နယ်ပကဖတာဝန်ရှိသူတွေထံက သိရပါတယ်။ ဇူလိုင်လ ၂၁ ရက်နေ့မနက် ၈ နာရီခန့်မှာ ဇီးကုန်းရဲစခန်းကနေ ဆိုင်ကယ်တစီးနဲ့အတူ ထွက်လာတဲ့ ရဲတပ်သားတဦးနဲ့ ပျုစောထီးတို့ကို မြို့ထဲတနေရာမှာ သတင်းအရ စောင့်ဆိုင်းပစ်ခတ်ခဲ့တာလို့ ဆိုပါတယ်။ "ဖြစ်တာက မနက် ၈ နာရီလောက်ဆိုတော့ လက်ဖက်ရည် ထွက်သောက်တာ ဖြစ်နိုင်တယ်။ ပစ်ခတ်မှုက ခဏပဲဖြစ်လိုက်တယ်။ နှစ်ယောက်စလုံးကတော့ နေရာမှာပွဲချင်းပြီးပဲ"လို့ ကန့်ဘလူမြို့နယ်ပကဖ သတင်းနဲ့ပြန်ကြားရေးတာဝန်ရှိသူက ပြောပါတယ်။ သတင်းအပြည့်အစုံ - https://myaelattathan.com/news/25415/

⁩ ⁨PDF စခန်းဗုံးကြဲခံရလို့ လက်နက်တွေအပါအဝင် စခန်းပျက်စီး ရေစကြို၊ ဇူလိုင် ၂၁၊ ၂၀၂၆။ မကွေးတိုင်း၊ ရေစကြိုမြို့နယ်၊ တောင်ပိုင်းတနေရာရှိ PDF စခန်းဗုံးကြဲခဲရလို့ လက်နက်တွေအပါအဝင် စခန်းလည်း ပျက်စီးခဲ့တယ်လို့ ဒေသကာကွယ်ရေးအဖွဲ့ဝင်တွေထံက သိရပါတယ်။ ဇူလိုင်လ ၁၈ ရက်နေ့ညနေ ၃ နာရီခန့်မှာ စခန်းတည်နေရာကို စစ်ကော်မရှင်ဘက်က ဂျက်ဖိုက်တာ ၄ စီး၊ Mi-35 ၁ စီးနဲ့ ဗုံးကြဲပစ်ခတ်တိုက်ခိုက်ခဲ့တာလို့ ဆိုပါတယ်။ "ကြဲတာက အလုံးကြီး ၇ လုံး။ ဖိုက်တာနဲ့ ၂ စီး ၂ ကြိမ်လာကြဲတယ်။ Mi-35 နဲ့ကဗုံးလည်းကြဲ၊ ပစ်လည်းပစ်တယ်။ ထိခိုက်သေဆုံးတာ မရှိဘူး။ အပျက်အစီးတော့ ရှိတယ်။ ရဲဘော်တွေက အချိန်မှီရှောင်နိုင်တိမ်းလိုက်နိုင်လို့ ထိခိုက်မရှိတာ"လို့ အခြေနေကို သိရှိထားတဲ့ ဒေသကာကွယ်ရေးအဖွဲ့ဝင်တဦးကပြောပါတယ်။ သတင်းအပြည့်အစုံ - https://myaelattathan.com/news/25408/