မြေလတ်အသံ - Myaelatt Athan

ရွှေဒါးကျရွာကို စစ်တပ်ကမီးရှို့လို့ နေအိမ် ၁၀ လုံးပျက်စီးပြီး ထိတွေ့တိုက်ပွဲလည်းဖြစ်နေ ချောင်းဦး၊ စက်တင်ဘာ ၁၊ ၂၀၂၆။ စစ်ကိုင်းတိုင်း၊ ချောင်းဦးမြို့နယ်၊ ရွှေဒါးကျကျေးရွာကို စစ်တပ်စစ်ကြောင်းရောက်နေပြီးနောက် ကျေးရွာအတွင်းက နေအိမ်တွေကို မီးရှိူ့လို့ နေအိမ် (၁၀) လုံးထက်မနည်းပျက်စီးသွားတယ်လို့ ဒေသကာကွယ်ရေးအဖွဲ့ဝင်တွေဆီက သိရပါတယ်။ ကျီကုန်းကျေးရွာက စစ်တပ်အင်အား ၃၀၀ ကျော်ဟာ ဩဂုတ်လ ၃၀ ရက်နေ့မှာ ရွှေဒါးကျကျေးရွာထဲကိုရောက်လာပြီးနောက် ဩဂုတ်လ ၃၁ ရက်နေ့ညနေပိုင်းမှာ ကျေးရွာထဲက နေအိမ်တွေကို မီးတင်ရှို့ခဲ့တယ်လို့ ဆိုပါတယ်။ "ဒီနေ့မနက် ၅ နာရီလောက်မှာ တိုက်ပွဲဖြစ်ကြတယ်။ ရွှေဒါးကျရွာထဲမှာကော ခင်မွန်၊ မုံရွေးဘက်မှာကော ဖြစ်ကြတယ်။ ရွာကိုတော့မနေ့ညနေက မီးရှို့တယ်။ ဗုံတို၊ ကုန်းကြီးတို့ဘက်ကိုလည်း ဒရုန်းဗုံးသီးတွေနဲ့လိုက်ချတာရှိတယ်။"လို့ ဒေသကာကွယ်ရေးတပ်ဖွဲ့ဝင်တဦးက ပြောပါတယ်။ သတင်းအပြည့်အစုံ - https://myaelattathan.com/news/26120/

မလှိုင်မြို့နယ်မှာ ပြည်သူ့စစ်ခေါင်းဆောင်ပါ ၁၂ ဦး ကျေးရွာအတွင်းမှာ ပစ်သတ်ခံရ ◼️ (၁) ဦးအရှင်ဖမ်းခံရပြီး (၈) ဦးထွက်ပြေး မလှိုင်၊ စက်တင်ဘာ ၁၊ ၂၀၂၆။ မန္တလေးတိုင်း၊ မလှိုင်မြို့နယ်၊ ထမ္မကြီးကျေးရွာက အုပ်ချုပ်ရေးမှူးလည်းဖြစ် ပြည်သူ့စစ်ခေါင်းဆောင်လည်းဖြစ်သူအပါအဝင် ၁၂ ဦးဟာ ကျေးရွာအတွင်းမှာ ပစ်သတ်ခံရတယ်လို့ ဒေသတော်လှန်ရေးအဖွဲ့တွေနဲ့နီးစပ်တဲ့ ဒေသခံတွေထံက သိရပါတယ်။ ဩဂုတ်လ ၃၁ ရက်နေ့မနက် ၆ နာရီခန့်မှာ PDF တပ်ဖွဲ့ဝင်တွေက ကျေးရွာထဲကို ရောက်လာပြီး ကျေးရွာအုပ်ချုပ်ရေးမှူး အသက် ၄၄ နှစ်အရွယ် ဦးစိုးလင်းထိုက်ပါ ၁၂ ဦးကို ရွာလယ်မှာပင် ပစ်သတ်သွားတယ်လို့ ဆိုပါတယ်။ "ခေါင်းဆောင်ကိုအရင်ဖမ်းတယ်။ ပြီးမှသူလက်အောက်ကအဖွဲ့ဝင်တွေကိုဖမ်းတယ်။ တနေရာစီကနေခေါ်လာပြီး ရွာလယ်ခေါင်မှာ တန်းစီပြီး ပစ်ခတ်ရှင်းလင်းသွားတာ" သတင်းအပြည့်အစုံ - https://myaelattathan.com/news/26117/

စိုက်ပျိုးစရိတ်မြင့်တက်မှုနဲ့ မိုးကြီးရေလျှံမှုတွေကြောင့် လယ်သမားတွေ အရှုံးပေါ်နိုင် (ရုပ်/သံ) မြေလတ်အသံ၊ ဩဂုတ် ၃၁၊ ၂၀၂၆။ မြေလတ်ဒေသအတွင်းမှာ မိုးစပါးစိုက်ပျိုးစရိတ် ထက်ဝက်ကျော်တက်လာလို့ အရှုံးပေါ်နိုင်တယ်လို့ တောင်သူလယ်သမားတွေက ပြောပါတယ်။ စက်သုံးဆီ၊ ဓာတ်မြေဩဇာ၊ ဆေးဝါး၊ စက်ယန္တယားနဲ့ လုပ်သားငှားရမ်းခတွေ ယခင်နှစ်ထက် စျေးတက်လာတဲ့အတွက် အခုနှစ် လယ်တဧက စိုက်ပျိုးကုန်ကျစရိတ်က ယခင်နှစ်မိုးစပါးစိုက်ပျိုးရာသီရဲ့ ကုန်ကျစရိတ်ထက် ထက်ဝက်ကျော်မြင့်တက်လာတယ်လို့ ဆိုပါတယ်။ "အကျိုးအမြတ်ကတော့ နည်းမယ်ဗျ။ လယ်ကအထွက်ကောင်းရင် ပါးပါးရမယ်။ အထွက်နည်းရင်ရှုံးမယ်။ ကျနော်တို့နယ်က စပါးပြီး စပါးဆိုတော့ အချို့မြေတွေက မောတာရှိတယ်။ မောတဲ့အခါ မိုးသီးနှံစိုက်တဲ့အခါ ထွက်အားလျော့တာပေါ့။ ကိုးဆယ်တို့တရာတို့မထွက်ဘဲနဲ့ ခြောက်ဆယ်ခုနှစ်ဆယ်လောက် ထွက်ရင်တော့ ရှုံးမှာ။" လို့ ဝမ်းတွင်းနယ်ခံ လယ်သမားတဦးက ပြောပါတယ်။ သတင်းအပြည့်အစုံ - https://myaelattathan.com/news/26114/

⁨⁩ ⁨ရိက္ခာရှာထွက်လာတဲ့ စစ်တပ်စစ်ကြောင်းကို တိုက်ခိုက်ရာ ၁ ဦး သေဆုံးပြီး အရှင် ၅ ဦး ဖမ်းမိထား ■ စစ်ကြောင်းဆက်ထိုးနေလို့ ကျေးရွာ ၂၀ ကျော်က ပြည်သူတွေ ထွက်ပြေးနေရ မင်းတုန်း၊ ဩဂုတ် ၃၁၊ ၂၀၂၆။ မကွေးတိုင်း၊ မင်းတုန်းမြို့နယ် အနောက်ခြမ်းရှိ ရခိုင်ရိုးမအစပ်တနေရာမှာ စစ်တပ်စစ်ကြောင်း တိုက်ခိုက်ခံရပြီး သေဆုံးသူနဲ့ ဖမ်းမိသူတွေရှိသလို စစ်ကြောင်းဆက်ထိုးနေလို့ ကျေးရွာ ၂၀ ကျော်က ပြည်သူတွေ ထွက်ပြေးနေရတယ်လို့ သရက်ခရိုင်တပ်ရင်း ၄ တာဝန်ရှိသူတွေထံက သိရပါတယ်။ ဩဂုတ်လ ၂၉ ရက်နေ့ည ၇ နာရီခန့်မှာ မင်းတုန်းနယ်ထဲကို အင်အား ၁၀၀၀ ကျော်နဲ့ စစ်ကြောင်းထိုးလာတဲ့ အဖွဲ့ထဲက အင်အား ၅၀ ကျော်လောက်ဟာ ရခိုင်ရိုးမအစပ် တနေရာမှာ ကြားဖြတ်တိုက်ခိုက်ခံခဲ့ရပြီး ၁၀ မိနစ်ခန့်တိုက်ပွဲဖြစ်ပွားခဲ့တယ်လို့ ဆိုပါတယ်။ "မင်းတုန်းအနောက်ခြမ်းကို ထိုးနေတဲ့စစ်ကြောင်းတွေထဲက တခုနဲ့ ဖြစ်တာ။ ကျနော်တို့က လက်ဦးမှုရပြီး အလစ်၊ အငိုက် ခြုံခိုတိုက်တာ။ အထိနာပြီး ခုခံချိန်မရပဲ ပြန်ဆုတ်သွားတယ်။ အလောင်း၊ လက်နက်ရတယ်။ အဲနေ့မှာပဲ နောက်ထပ် စစ်ကြောင်းတခုကနေ ထွက်ပြေးလာတဲ့ တပ်သားတွေ ဖမ်းမိတာရှိ သေးတယ်။ တိုက်ပွဲဖြစ်ပြီး --------- သတင်းအပြည့်အစုံ - https://myaelattathan.com/news/26111/

ရိက္ခာရှာထွက်လာတဲ့ စစ်တပ်စစ်ကြောင်းကို တိုက်ခိုက်ရာ ၁ ဦး သေဆုံးပြီး အရှင် ၅ ဦး ဖမ်းမိထား ■ စစ်ကြောင်းဆက်ထိုးနေလို့ ကျေးရွာ ၂၀ ကျော်က ပြည်သူတွေ ထွက်ပြေးနေရ မင်းတုန်း၊ ဩဂုတ် ၃၁၊ ၂၀၂၆။ မကွေးတိုင်း၊ မင်းတုန်းမြို့နယ် အနောက်ခြမ်းရှိ ရခိုင်ရိုးမအစပ်တနေရာမှာ စစ်တပ်စစ်ကြောင်း တိုက်ခိုက်ခံရပြီး သေဆုံးသူနဲ့ ဖမ်းမိသူတွေရှိသလို စစ်ကြောင်းဆက်ထိုးနေလို့ ကျေးရွာ ၂၀ ကျော်က ပြည်သူတွေ ထွက်ပြေးနေရတယ်လို့ သရက်ခရိုင်တပ်ရင်း ၄ တာဝန်ရှိသူတွေထံက သိရပါတယ်။ ဩဂုတ်လ ၂၉ ရက်နေ့ည ၇ နာရီခန့်မှာ မင်းတုန်းနယ်ထဲကို အင်အား ၁၀၀၀ ကျော်နဲ့ စစ်ကြောင်းထိုးလာတဲ့ အဖွဲ့ထဲက အင်အား ၅၀ ကျော်လောက်ဟာ ရခိုင်ရိုးမအစပ် တနေရာမှာ ကြားဖြတ်တိုက်ခိုက်ခံခဲ့ရပြီး ၁၀ မိနစ်ခန့်တိုက်ပွဲဖြစ်ပွားခဲ့တယ်လို့ ဆိုပါတယ်။ "မင်းတုန်းအနောက်ခြမ်းကို ထိုးနေတဲ့စစ်ကြောင်းတွေထဲက တခုနဲ့ ဖြစ်တာ။ ကျနော်တို့က လက်ဦးမှုရပြီး အလစ်၊ အငိုက် ခြုံခိုတိုက်တာ။ အထိနာပြီး ခုခံချိန်မရပဲ ပြန်ဆုတ်သွားတယ်။ အလောင်း၊ လက်နက်ရတယ်။ အဲနေ့မှာပဲ နောက်ထပ် စစ်ကြောင်းတခုကနေ ထွက်ပြေးလာတဲ့ တပ်သားတွေ ဖမ်းမိတာရှိ သေးတယ်။ တိုက်ပွဲဖြစ်ပြီး စစ်ကြောင်းဆက်ထိုးနေတော့ အနောက်ခြမ်းက ရွာတော်တော်များများ ပြေးနေရတယ်"-------

⁩ ⁨ချောင်းဦးပလဖ ဖမ်းဆီးစစ်ဆေးပြီးနောက် ပျံလွန်သွားတဲ့ ဆရာတော်ကို အကြောင်းပြုပြီး စစ်တပ်ထိုးစစ်ဆင် ■ စစ်တပ်အင်အား ၃၀၀ ကျော်နဲ့စစ်ကြောင်းထိုးလာလို့ ဒေသခံ ၇၀၀၀ ကျော်ထွက်ပြေးနေရ ချောင်းဦး၊ ဩဂုတ် ၃၁၊ ၂၀၂၆။ စစ်ကိုင်းတိုင်း၊ ချောင်းဦးမြို့နယ် ပလဖ က ရွှေဒါးကျကျေးရွာ ဆရာတော်ကို ဖမ်းဆီးခေါ်ယူစစ်ဆေးပြီး ဩဂုတ်လ ၂၅ ရက်နေ့က ပျံလွန်တော်မူသွားတာကို အကြောင်းပြုပြီး အာဏာသိမ်းစစ်တပ်က အဲဒီဒေသကို စစ်အင်အား အလုံးအရင်းနဲ့ ထိုးစစ်ဆင်လာကြောင်း သိရပါတယ်။ ရွှေဒါးကျကျေးရွာဆရာတော် ပျံလွန်တော်မူသွားတဲ့ ကိစ္စနဲ့ပတ်သက်ပြီး စစ်တပ်ထောက်ခံတဲ့ ချန်နယ်တွေမှာ နယ်မြေရှင်းလင်းရေးလုပ်ဆောင်ဖို့ နေ့စဥ်နီးပါး ရေးတင်လာကြတာတွေရှိလာလို့ အခုလို ထိုးစစ်ဆင်လာတာ ဖြစ်နိုင်ကြောင်း ချောင်းဦးမြို့နယ် ပကဖတာဝန်ရှိသူတဦးက ပြောပါတယ်။ "အဓိက ကတော့ အဲဒီပြဿနာကို ယူပြီးတော့ စကစ လော်ဘီချန်နယ်တွေကနေ တင်တဲ့အခါကျတော့ စစ်ကြောင်းထိုးလာတာလို့ ယူဆတယ်။ ရွှေဒါးကျကိုတော့ မရောက်သေးဘူး။ မနေ့က ဒရုန်းနဲ့ချလို့ ပြည်သူတယောက် ဒဏ်ရာရထားတယ်။ ဒေသခံတွေကတော့ ရှောင်ရတယ်"လို့ ချောင်းဦးမြို့နယ် ပကဖ တာဝန်ရှိတဦးက ပြောပါတယ်။ သတင်းအပြည့်အစုံ - https://myaelattathan.com/news/26108/

စစ်တပ်စစ်ကြောင်းက ဒရုန်းဗုံးကြဲလို့ PDF အပါအဝင် (၂) ဦးသေဆုံး (၁) ဦးဒဏ်ရာရ ဆိပ်ဖြူ၊ ဩဂုတ် ၂၉၊ ၂၀၂၆။ မကွေးတိုင်း၊ ဆိပ်ဖြူမြို့နယ်၊ ထိန်ကန်နဲ့ တမာချောင်ကျေးရွာအနီးမှာ စစ်ကြောင်းထိုးလာတဲ့ စစ်တပ်က ဒရုန်းနဲ့ ဗုံးကြဲခဲ့တဲ့အတွက် PDF အပါအဝင် ၂ ဦးသေဆုံးတယ်လို့ တမာချောင်းရွာခံတွေဆီက သိရပါတယ်။ ယမန်နေ့ ဩဂုတ်လ ၂၈ ရက်နေ့မနက် ၈ နာရီခန့်က အဲဒီကျေးရွာတွေကို ရောက်နေတဲ့ စစ်တပ်တပ်ဖွဲ့ဝင်တွေက ကျေးရွာ နှစ်ရွာကြား PDF အဖွဲ့တွေရဲ့ ရှေ့တန်းကင်းစခန်းနေရာကို ဒရုန်းနဲ့တကြိမ်၊ ညနေ ၄ နာရီခန့်မှာ နောက်ထပ်ရှေ့တန်းကင်းစခန်းနေရာကို ဒရုန်း ၂ စီးနဲ့ နှစ်ကြိမ် ဗုံးချခဲ့တာလို့ ဆိုပါတယ်။ "မနက်ပိုင်းတကြိမ်ချတာမှာ တကြိမ်ထိတာပဲ။ ခ--တွေတက်လာမလားဆိုပြီး သွားကြည့်တဲ့နေရာပေါ့။ ရှေ့ကင်းလို့ပြောရမယ်။ အဲတည့်တည့်ကိုကျတာ။ အဲမှာက ပြည်သူကျတာ။ ရဲဘော်ဒဏ်ရာရတယ်။ ပြည်သူကရဲဘော်တွေနဲ့ အဖော်လိုက်သွားတာ။ ညနေပိုင်းကျ တခေါက်ကို အသီးနှစ်လုံးနဲ့ တကြိမ်ချတယ်။ အဲမှာဘာမှမဖြစ်ဘူး။ နောက် ၁၀ မိနစ်နေလာထပ်ချတာမှာ ရဲဘော်ထပ်ထိတာ"------ သတင်းအပြည့်အစုံ - https://myaelattathan.com/news/26102/

ပျူစောထီးနဲ့ PDF တို့ပစ်ခတ်မှုအတွင်း အမျိုးသမီး ၁ ဦးသေဆုံး ပွင့်ဖြူ၊ ဩဂုတ် ၂၉၊ ၂၀၂၆။ မကွေးတိုင်း၊ ပွင့်ဖြူမြို့နယ်၊ ရေပုတ်ကြီးကျေးရွာနဲ့ ကျောင်းကုန်းကြီးကျေးရွာကြားမှာ ပျူစောထီးနဲ့ PDF တပ်ဖွဲ့ဝင်တို့ အပြန်အလှန်ပစ်ခတ်မှုအတွင်း အရပ်သားအမျိုးသမီး ၁ ဦးသေဆုံး ၁ ဦး ဒဏ်ရာတယ်လို့ ဒေသခံတွေဆီက သိရပါတယ်။ ဩဂုတ် ၂၉ ရက်မနက် ၇ နာရီခန့်မှာ ရေပုတ်ကြီးကျေးရွာက ပျုစောထီး ငကျန်ဆိုသူနဲ့ သားဖြစ်သူတို့ မောင်းလာတဲ့ သုံးဘီး ၂ စီးကို PDF တပ်ဖွဲ့ဝင်တွေတားဆီးရာမှ အပြန်အလှန်ပစ်ခတ်မှုဖြစ်ပွားခဲ့ရာ သုံးဘီးပေါ်လိုက်ပါလာတဲ့ ခရီးသည်အချို့ထိခိုက်သေဆုံးခဲ့တာလို့ ဆိုပါတယ်။ "ပျူခေါင်းဆောင်ရဲ့ သုံးဘီးကို PDF တွေကတားတယ်။ သူက ခဏရပ်ပေးပြီးမောင်းပြေးတော့ သုံးဘီးသမားကို ပစ်ခတ်တယ်။ အဲ့ဒီချိန်မှာ သူက သုံးဘီးကိုထားခဲ့ပြီး ဆင်းပြေးတယ်။ ဆင်းပြေးပြီးမှ လက်ပစ်ဗုံးနဲ့ ပြန်လည်ပစ်ခတ်ခဲ့တာ" သတင်းအပြည့်အစုံ - https://myaelattathan.com/news/26103/

တိုင်းပြည်မပြိုကွဲအောင် စစ်တပ်က အချိန်မီတာဝန်ယူခဲ့ရတယ်လို့ တပ်ချုပ်သစ်ရဲဝင်းဦး က ပြောပြန် ဩဂုတ် ၂၈၊ ၂၀၂၆။ တပ်မတော်ရဲ့ အဓိကတာဝန်မှာ နိုင်ငံတော်ကာကွယ်ရေးတာဝန်ဖြစ်ပြီး ကိုယ်တိုင်ကြုံတွေ့ခဲ့ရတဲ့ ၁၉၈၈ ခုနှစ်နှင့် ၂၀၂၁ ခုနှစ် မြေပေါ်မြေအောက်အဖျက်သမားတွေရဲ့ တိုင်းပြည်ဆူပူအံ့ဩစေမှုနဲ့ မင်းမဲ့စရိုက်ဆန်တဲ့ လုပ်ရပ်တွေကြောင့် ဆိုးရွားစွာနဲ့ တိုင်းပြည်ပြိုကွဲမယ့် အခြေအနေမှာ တပ်မတော်အနေနဲ့ နိုင်ငံတော်ကာကွယ်ရေးတာဝန်ကို အပြည့်အဝအချိန်မီတာဝန်ယူခဲ့ရတယ်လို့ တပ်ချုပ်သစ်ဖြစ်လာတဲ့ဗိုလ်ချုပ်ကြီးရဲဝင်းဦးက ပြောပြန်ပါတယ်။ ဒီစကားဟာ အာဏာသိမ်းစစ်တပ်ရဲ့ခေါင်းဆောင်အဆက်ဆက်က အာဏာသိမ်းမှုဖြစ်စဉ်တိုင်းမှာ အကြောင်းပြ သုံးနှုန်းကြတဲ့ စကားလည်းဖြစ်ပြီး မကြာသေးခင်က တပ်ချုပ်အသစ်ဖြစ်လာတဲ့ ဗိုလ်ချုပ်ကြီးရဲဝင်းဦး ကလည်း ပြောဆိုလာပြန်ပါတယ်။ သတင်းအပြည့်အစုံ - https://myaelattathan.com/news/26099/

လိင်တူချစ်သူစာအုပ် ဖြန့်ချီရောင်းချသူတွေကို တရားစွဲမယ် ဩဂုတ် ၂၈၊ ၂၀၂၆။ လိင်တူချစ်သူအချင်းချင်း ချစ်ကြိုက်ကြတဲ့ အကြောင်းရေးသားထားတဲ့ စာအုပ်တွေကို ဖြန့်ချီ ရောင်းချနေမှုနဲ့ပတ်သက်ပြီး လူမှုကွန်ရက်စာအုပ်အရောင်းဆိုင်တွေဖြစ်တဲ့ ဆိုင် (၉) ဆိုင်ကို တရားစွဲဆိုမယ်လို့ အာဏာသိမ်းစစ်အစိုးရ ပြန်ကြားရေးဌာနက သတိပေးကြေညာလိုက်ပါတယ်။ လူမှုကွန်ရက်ပေါ်မှာ လိင်တူအချင်းအချင်းချစ်ကြိုက်တဲ့ BL (Boys’ Love)၊ GL (Girls’ Love) စာအုပ်တွေကို ရောင်းချနေတယ် အွန်လိုင်းအရောင်းစာမျက်နှာ (၉) ကို အသိပေးကြေညာချက်ဆိုပြီး ယနေ့ ဩဂုတ်လ(၂၈) ရက်နေ့ ထုတ် အာဏာသိမ်းစစ်အစိုးရပိုင် ကြေးမုံနဲ့ မြန်မာအလင်း သတင်းစာတွေကနေ ထုတ်ပြန်ခဲ့ပါတယ်။ ထုတ်ဝေဖြန့်ချီနေတဲ့ လိင်တူချစ်သူစာအုပ်တွေဟာ မြန််မာ့ယဉ်ကျေးမှုနဲ့ ကိုက်ညီခြင်းမရှိဘဲ လူငယ်တွေကို တွေးခေါ်မြော်မြင်မှုနဲ့ ခံစားနားလည်မှုကို လွဲမှားစေနိုင်တဲ့ စာအုပ်တွေဖြစ်တယ်လို့လည်း ဆိုထားပါတယ်။ သတင်းအပြည့်အစုံ - https://myaelattathan.com/news/26093/

ကျောက်ပန်းတောင်းမှာ (၁) လအတွင်း အုပ်ချုပ်ရေးမှူးနဲ့ ရာအိမ်မှူးတွေအပါ (၄) ဦး ဖမ်းဆီးခံရ ◾️အုပ်ချုပ်ရေးမှူးကိုဖမ်းချိန် သားမက်ဖြစ်သူကိုလည်း ဖမ်းသွား ကျောက်ပန်းတောင်း၊ ဩဂုတ် ၂၈၊ ၂၀၂၆။ မန္တလေးတိုင်း၊ ညောင်ဦးခရိုင်၊ ကျောက်ပန်းတောင်းမြို့နယ်မှာ (၁)လအတွင်း အုပ်ချုပ်ရေးမှူး (၁) ဦးနဲ့ ရာအိမ်မှူး ၂ ဦးအပါ စုစုပေါင်း ၄ ဦးကို အမည်မသိလက်နက်ကိုင်အဖွဲ့က ဖမ်းဆီးသွားတယ်လို့ ဒေသခံတွေဆီက သိရပါတယ်။ ကျောက်ပန်းတောင်းမြို့၊ ဘူတာရပ်ကွက်က အသက် (၆၆) နှစ်ဝန်းကျင် ဦးမောင်ဆန်း ကို ဩဂုတ်လ (၂၅) ရက် ည (၉) နာရီခန့်က နေအိမ်ကနေဖမ်းဆီးသွားခဲ့ပြီး လယ်ယားအုပ်စု၊ တောင်ချေရွာ ရာအိမ်မှူး(တာဝန်ခံ) အသက် (၆၃) နှစ်အရွယ် ဦးလှညွှန့် နဲ့ ကြံစို့ရွာက အသက် (၆၇) နှစ်အရွယ် ဦးမောင်တိုး တို့ကိုလည်း ဩဂုတ်လ (၁၄) ရက် မနက် (၈) နာရီခွဲလောက်မှာ တောင်ချေရွာကနေ ဆိုင်ကယ်နဲ့ ထွက်လာချိန် အင်းခေါင်းရွာအနီးအရောက်မှာ ဖမ်းဆီးခံလိုက်ရတယ်လို့ ဆိုပါတယ်။ ဘူတာအုပ်ချုပ်ရေးမှူးကိုဖမ်းဆီးချိန်မှာ သားမက်ဖြစ်သူ ကိုအောင်ပြည့်သော်ကိုလည်းဖမ်းဆီးသွားခဲ့သလို ဦးမောင်ဆန်း ပိုင် HONDA 110 ——— သတင်းအပြည့်အစုံ - https://myaelattathan.com/news/26090/

ကျောင်းကပြန်လာတဲ့ ညီအကို ၂ ဦး မိုင်းနင်းမိလို့ ညီဖြစ်သူ (၇) နှစ်ကလေး သေဆုံး ညောင်ဦး၊ ဩဂုတ် ၂၈၊ ၂၀၂၆။ မန္တလေးတိုင်း၊ ညောင်ဦးမြို့နယ်၊ ချောင်းဝကျေးရွာမှာ ကျောင်းကပြန်လာတဲ့ ညီအကို ၂ ဦး မိုင်းထိလို့ ညီဖြစ်သူ သေဆုံးသွားတယ်လို့ ဒေသကာကွယ်ရေးအဖွဲ့ဝင်တွေဆီက သိရပါတယ်။ မိုင်းထိသေဆုံးသူဟာ ချောင်းဝကျေးရွာနေ G3 ကျောင်းသား အသက် ၇ နှစ်အရွယ် မောင်ကောင်းပြည့်စုံ ဖြစ်ပြီး ဒဏ်ရာရသူမှာအကိုဖြစ်သူ အသက် ၁၂ နှစ်အရွယ် မောင်ထွန်းမင်းအောင် တို့ဖြစ်ကာ ဩဂုတ်လ (၂၆) ရက်နေ့ ညနေပိုင်းမှာ ကျောင်းကပြန်လာချိန် လမ်းသွားရင်း မိုင်းထိခဲ့တာလို့ ဆိုပါတယ်။ "ကလေးတွေက ကျောင်းကပြန်လာတဲ့ အချိန် ရွာမှာ မိုင်းထိတာလို့ သိရတယ်။ ၂၃ ရက်နေ့ကတည်းက ခ--တွေက ရွာထဲ ထိုင်နေတာ။ ဝင်လိုက်ထွက်လိုက်နဲ့ အဲနား PDF တော့မရှိဘူး။ ဒါပေမယ့် ဘယ်သူထောင်တဲ့ မိုင်းလဲဆိုတာတော့ မသိရသေးဘူး" လို့ ဒေသကာကွယ်ရေးအဖွဲ့ဝင်တဦးက ပြောပါတယ်။ သတင်းအပြည့်အစုံ - https://myaelattathan.com/news/26087/

အရာတော်မှာ လေကြောင်းတိုက်ခိုက်ခံရလို့ ပကဖ တဦးအပါ (၄) ဦးဒဏ်ရာရ အရာတော်၊ ဩဂုတ် ၂၇၊ ၂၀၂၆။ စစ်ကိုင်းတိုင်း၊ အရာတော်မြို့နယ်၊ အောင်စစ်သာ၊ ညောင်ကြီးအိုင်နဲ့ထန်းတောကုန်းကျေးရွာတွေ လေကြောင်းတိုက်ခိုက်ခံရလို့ ပကဖရဲဘော်တဦးအပါအဝင် (၄) ဦးဒဏ်ရာရတယ်လို့ အရာတော်မြို့နယ်ပကဖ တာဝန်ရှိသူတွေဆီက သိရပါတယ်။ ယမန်နေ့ ဩဂုတ်လ ၂၆ ရက် နေ့လည် ၁ နာရီခန့်မှာ စစ်တပ်ဘက်က အောင်စစ်သာကျေးရွာအနီးကို ဂျက်ဖိုက်တာနဲ့ဗုံးကြဲသလို ကျေးရွာထဲကိုလည်း MI 35 နဲ့ပစ်ခတ်ပြီး ညောင်ကြီးအိုင်နဲ့ ထန်းတောကုန်းလမ်းဆုံကို ဆူဆိုက်ဒရုန်းတွေနဲ့ တိုက်ခိုက်ခဲ့တာလို့ ဆိုပါတယ်။ "ရွာထဲကိုတော့ ပွိုင့်(8) နဲ့လိုက်ပစ်တယ်။ ရွာပြင်တောထဲကိုတော့ ဗုံးကြဲသွားတာ။ အောင်စစ်သာနဲ့တမိုင်ကျော်ဝေးတဲ့ လမ်းဆုံကိုတော့ ဆူဆိုက်ဒရုန်းတွေနဲ့ချတာ။ အဲမှာထိတဲ့သူတွေက အောင်စစ်သာက ပြန်သွားတဲ့သူတွေကို ထိတာ"လို့ အရာတော်မြို့နယ်ပကဖ တာဝန်ရှိသူက ပြောပါတယ်။ သတင်းအပြည့်အစုံ - https://myaelattathan.com/news/26084/

အမြန်လမ်းမှာ သံဃာမောင်းလာတဲ့ကား တိမ်းမှောက်လို့ သံဃာတပါးအပါ ၄ ဦး သေဆုံး ပျော်ဘွယ်၊ ဩဂုတ် ၂၇၊ ၂၀၂၆။ မန္တလေးတိုင်း၊ ပျော်ဘွယ်မြို့နယ်အပိုင် အမြန်လမ်းမှာ သံဃာတော်မောင်းလာတဲ့ကား တိမ်းမှောက်လို့ သံဃာတပါးအပါအဝင် ၄ ဦးသေဆုံးတယ်လို့ ဒေသခံတွေဆီက သိရပါတယ်။ ဩဂုတ်လ ၂၆ ရက်နေ့ နေ့လည် ၂ နာရီကျော်ခန့်မှာ ရန်ကုန်ဘက်ကနေ မန္တလေးဘက်ကို မောင်းလာတဲ့ RLG နံပတ် Nissan X-TRAIL ယာဉ်ဟာ ကားလမ်းမိုင်တိုင်အမှတ် ၂၆၇/၅-၂၆၇/၆အကြားအရောက်မှာ တိမ်းမှောက်သွားခဲ့တာလို့ ဆိုပါတယ်။ "ဘီးပေါက်ပြီးတော့ လမ်းလယ်အုတ်ခုံကိုဝင်တိုက်တာပါ။ ရန်ကုန်ကနေ ကျောက်ပန်းတောင်းဘက်ကိုသွားမှာလို့ သိရတယ်။ မောင်းတာကလည်း သံဃာတော်မောင်းလာတာပါ။" လို့ ဒေသခံတဦးက ပြောပါတယ်။ သတင်းအပြည့်အစုံ - https://myaelattathan.com/news/26079/

စစ်ကောင်စီက ဖမ်းမိတဲ့ PDF တပ်ဖွဲ့ဝင် ၃ ဦးကို နေရာမှာတင်ပစ်သတ် ဝေါ၊ ဩဂုတ် ၂၆၊ ၂၀၂၆။ ပဲခူးတိုင်း၊ ဝေါမြို့နယ်၊ ဧကရာဇ်ကျေးရွာနဲ့နောင်ပတ္တရာကျေးရွာကြား လမ်းပေါ်မှာ အာဏာသိမ်းစစ်တပ်က ဖမ်းမိတဲ့ PDF တပ်ဖွဲ့ဝင် ၃ ဦးကို နေရာမှာတင်ပစ်သတ်လိုက်တယ်လို့ စစ်ကောင်စီတပ်ဖွဲ့တွေနဲ့ နီးစပ်သူတွေထံက သိရပါတယ်။ ဩဂုတ်လ ၂၅ ရက်နေ့မနက် ၈ နာရီကျော်ခန့်က အဲဒီလမ်းပေါ်မှာ စစ်ကောင်စီအဖွဲ့တွေက သတင်းအရ စောင့်ဆိုင်းနေချိန် ဆိုင်ကယ်နဲ့လာသူ အမျိုးသား ၃ ဦးကို ရပ်တန့်စစ်ဆေးပြီးနောက် ပစ်ခတ်ရှင်းလင်းလိုက်တယ်လို့ ဆိုပါတယ်။ "ဖမ်းခံရတယ် ပြီးမှာ တခါတည်းရှင်းထုတ်လိုက်တယ်လို့တော့ သိရတယ်။ မြဝတီကနေ လာပြီးတော့ ပဲခူးဝင်မယ့် အခြေနေရှိတယ်။ အလောင်းတွေပါ တခါတည်း ရှင်းလိုက်ကြတယ်"လို့ ဝေါစစ်ကောင်စီတပ်နဲ့ နီးစပ်သူတဦးက ပြောပါတယ်။ သတင်းအပြည့်အစုံ - https://myaelattathan.com/news/26076/

ချောင်းဦးပလဖ ဖမ်းဆီးစစ်ဆေးနေတဲ့ ကျောင်းထိုင်ဆရာတော် ဒဏ်ရာတွေနဲ့ ပျံလွန်တော်မူ ◾️ ဖမ်းဆီးခံထားရတဲ့ ၇ ဦးရဲ့ အသက်အန္တရာယ်လည်း စိုးရိမ်​နေရ ချောင်းဦး၊ ဩဂုတ် ၂၆၊ ၂၀၂၆။ စစ်ကိုင်းတိုင်း၊ ချောင်းဦးမြို့နယ်၊ ရွှေဒါးကျ ကျေးရွာကနေ ပလဖ ရဲ့ ဖမ်းဆီးစစ်ဆေးခံနေရတဲ့ ကျောင်းထိုင်ဆရာတော်ဟာ ဒဏ်ရာတွေနဲ့ပျံလွန်တော်မူ သွားတယ်လို့ ရွာခံတွေဆီက သိရပါတယ်။ ပျံလွန်တော်မူသွားတဲ့ ရဟန်းဟာ ကျေးရွာဘုန်းကြီးကျောင်း ကျောင်းထိုင်ဆရာတော်ဖြစ်တဲ့ သက်တော် ၅၂ နှစ်၊ ဝါတော် ၃၄ ဝါရှိတဲ့ ဆရာတော် အရှင်ဣန္ဒာစာရ ဖြစ်ပြီး ဩဂုတ်လ ၂၅ ရက်နေ့ နေ့လည်ပိုင်းမှာ အလောင်းလာယူဖို့ ပလဖက အကြောင်းကြားလို့ ရွာခံတွေက ပလဖ စခန်းနဲ့နီးစပ်တဲ့ ကြားခံကျေးရွာတရွာကနေ သွားရောက်ယူဆောင်လာကြရတယ်လို့ ဆိုပါတယ်။ "ဒဏ်ရာကတော့ အရှိုးရာတွေကြီးပဲ။ ခြေသလုံးရိုးမှာ မီးနဲ့ထိုးထားတဲ့ဒဏ်ရာတွေ့ရတယ်။ အပူတခုခုနဲ့ထိုးထားတဲ့ဒဏ်ရာ။ ပြီးတော့ ကျောတွေရောတင်ပါးတွေရောနှံ့လို့ပါဗျာ အရှိုးရာတွေ။ ပြီးတော့လက်သန်းထိပ်မှာ အသားမရှိတော့ဘူး။ ရက်ရက်စက်စက်လုပ်တာဗျာ။ "လို့ ရွာခံတဦးက ပြောပါတယ်။ သတင်းအပြည့်အစုံ - https://myaelattathan.com/news/26072/

ယခုနှစ်အတွက် ဩဇာသီး ဈေးကွက်အတွင်းရောက်ရှိ တလုံးကို (၂၅၀၀) ကျပ် အထိရှိနေ မြေလတ်အသံ၊ သြဂုတ် ၂၆၊ ၂၀၂၆။ ယခုနှစ်အတွက် ဩဇာသီးရာသီချိန်စတင်နေပြီဖြစ်ပြီး ဈေးကွက်အတွင်းရောက်ရှိနေတဲ့ ဩဇာသီးတစ်လုံးရဲ့ ဈေးနှုန်းဟာ အမြင့်ဆုံး(၂၅၀၀) ကျပ်အထိ ပေါက်ဈေးရှိတယ်လို့ ရောင်းဝယ်နေသူတွေဆီက သိရပါတယ်။ လက်ရှိတွင် ဩဇာသီး အလုံး ၅၀ ပါတခြင်းကို ကျပ် ၅၀,၀၀၀၊ ကျပ် ၃၅,၀၀၀ တို့နဲ့ ရောင်းချနေသလို အရွယ်အစားပေါ်မှုတည်ပြီး ၁ လုံးလျှင် ကျပ် ၁,၀၀၀ မှ ကျပ် ၂၅၀၀ ဝန်းကျင်အထိလည်း ဈေးပေါက်နေတယ်လို့ သိရပါတယ်။ "ပေါ်ဦးပေါ်ဖျားဆိုတော့ လာပို့တာနဲ့ မှာသူဆီကို တခါတည်း ပို့နေရလို့ ရောက်တာနဲ့ ကုန်တာပေါ့။ အခုမှပေါ်ကာစဆိုတော့ ခြံကလည်းစျေးကောင်းရတာပေါ့" လို့ ဇီးကုန်းမြို့က ရာသီပေါ်သီးနှံရောင်းချနေသူတဦးက ပြောပါတယ်။ သတင်းအပြည့်အစုံ - https://myaelattathan.com/news/26065/

⁨ ⁨ကောက်ရတဲ့ ဗုံးသီးကို ဆော့ကစားရာမှ ပေါက်ကွဲမှုဖြစ်ပြီး ကိုရင် ၂ ပါးပျံလွန်၊ ၆ ပါးဒဏ်ရာရ ဆိပ်ဖြူ၊ ဩဂုတ် ၂၅၊ ၂၀၂၆။ မကွေးတိုင်း၊ ဆိပ်ဖြူမြို့နယ်၊ ထမ္မကောက်ကျေးရွာအုပ်စု၊ အင်ကျင်းပင်ကျေးရွာ ဘုန်းကြီးကျောင်းဝင်းအတွင်းမှာ လမ်းကကောက်ရလာတဲ့ ဗုံးသီးကို ဆော့ကစားရာမှ ပေါက်ကွဲမှုဖြစ်ပြီး ကိုရင် ၂ ပါး ပျံလွန်တော်မူပြီး၊ ၆ ပါးဒဏ်ရာရတယ်လို့ ဒေသကာကွယ်ရေးအဖွဲ့ တာဝန်ရှိသူတွေထံက သိရပါတယ်။ ဩဂုတ်လ ၂၄ ရက်နေ့မနက် ၁၀ နာရီခန့်က ဆွမ်းခံဆင်းပြီး ပြန်လာတဲ့ကိုရင်လေးတွေက မပေါက်ကွဲသေးတဲ့ ၄၀ မမဗုံးသီးတလုံးကို တွေ့လို့ ကောက်လာခဲ့ကြတယ်လို့ ဆိုပါတယ်။ "ကိုရင်လေးတွေက တနေရာကကောက်လာပြီး ဆော့ကြတာ။ ၂ ပါးကတော့ နေရာမှာ ပျံလွန်တော်မူတာ။ လယ်ကွင်းထဲက ကောက်လာတာလို့တော့ သိရတယ်"လို့ ဒေသကာကွယ်ရေးအဖွဲ့ဝင်တဦးက ပြောပါတယ်။ သတင်းအပြည့်အစုံ - https://myaelattathan.com/news/26061/

⁩ ⁨စစ်တပ်စခန်းနှစ်ခုကို ဝင်ရောက် စီးနင်းတိုက်ခိုက်ခဲ့ရာ တခုသိမ်းပိုက်နိုင်ခဲ့ပြီး စစ်သား ၆ ဦးသေ မတ္တရာ၊ ဩဂုတ် ၂၅၊ ၂၀၂၆။ မန္တလေးတိုင်း၊ မတ္တရာမြို့နယ်၊ ကုန်းတန်းကြီးနဲ့ ကြိမ်တောကျေးရွာတွေမှာ အထိုင်ချထားတဲ့ စစ်တပ်စခန်းနှစ်ခုကို တိုက်ခိုက်ခဲ့ရာ တခုကို သိမ်းပိုက်နိုင်ခဲ့ပြီး စစ်ကောင်စီတပ်သား ၆ ဦးသေတယ်လို့ မတ္တရာမြို့နယ်၊ ပကဖ က ဩဂုတ်လ ၂၄ ရက်နေ့မှာ သတင်းထုတ် ပြန်ပါတယ်။ ဩဂုတ်လ ၂၃ ရက်နေ့မနက် ၃ နာရီခွဲခန့်က မနက်မိုးမလင်းခင် အင်အား ၃၀ ဝန်းကျင်နဲ့ ကုန်းတန်းကြီးကျေးရွာ ဒေသခံပြည်သူတွေရဲ့ နေအိမ်တွေမှာ အထိုင်ချတပ်စွဲထားတဲ့ စစ်ကောင်စီတပ်စခန်းနဲ့ ကြိမ်တောသုသာန်မှာ အထိုင်ချထားတဲ့ စစ်ကောင်စီတပ်စခန်းတို့ကို ဝင်ရောက်စီးနင်း တိုက်ခိုက်ခဲ့ကြတာ ဖြစ်ပါတယ်။ "တိုက်ပွဲကြာချိန်က နာရီဝက်ခန့်ပါပဲ။ ကုန်းတန်းကြီးတခုပဲ သိမ်းယူနိုင်ခဲ့တယ်။ စခန်းတော့မီးမရှို့ပါဘူး ရွာထဲ ပြည်သူအိမ်ဆိုတော့။ စခန်းကို သိမ်းပြီးတော့ ပြန်ဆုတ်လာကြတယ်။ တိုက်ပွဲဖြစ်တော့ စကစဘက်က သုံးဆယ်ပေးရွာဘက်ကို ဆုတ်ပြေးကြတာရှိတယ်"လို့ မတ္တရာပကဖ တာဝန်ရှိသူတဦးက ပြောပါတယ်။ သတင်းအပြည့်အစုံ - https://myaelattathan.com/news/26058/

⁨ ⁨စစ်ရေးပြင်းထန်နေတဲ့ Well 2 ရေနံမြေတဝိုက် စစ်တပ်က နှစ်ရက်ဆက်ဗုံးကြဲ မြိုင်၊ ဩဂုတ် ၂၄၊ ၂၀၂၆။ မကွေးတိုင်း၊ မြိုင်မြို့နယ်ရှိ စစ်ရေးပြင်းထန်နေတဲ့ Well 2 ရေနံမြေတဝိုက် စစ်တပ်က နှစ်ရက်ဆက်ဗုံးကြဲနေတယ်လို့ အညာမြေအရပ်ဖက်လူမှုအဖွဲ့အစည်း-မြိုင် ရဲ့ တာဝန်ရှိသူတွေထံက သိရပါတယ်။ ဩဂုတ်လ ၂၃ ရက်နေ့ မနက် ၁၁ နာရီခန့်မှာ Well 2 ရေနံမြေဖြစ်တဲ့ တဲကြီးကျေးရွာ၊ တောင်စုံ၊ တောင်ရိုးရွာအနီးဝန်းကျင်တွေကို MI-35 နဲ့ မိနစ် ၂၀ ကြာပစ်ခတ်ခဲ့သလို ဩဂုတ်လ ၂၄ ရက်နေ့ညနေ ၃ နာရီကျော်မှာလည်း အဲဒိကျေးရွာတွေအနီးတဝိုက်ကို ဂျက်ဖိုက်တာ ၃ စီး၊ Mi-35 တစီးနဲ့ ထပ်မံလာရောက်ပစ်ခတ်ခဲ့တာလို့ ဆိုပါတယ်။ "မနေ့ကလည်း လာပစ်တယ်။ အခုလည်း ဖိုက်တာတွေကော Mi-35 တွေကော ဝုန်းနေတာပဲ။ မိုးခြိမ်းနေသလား မှတ်ရတယ်။ သူတို့ရောက်နေတဲ့​ နေရာတဝိုက်ပစ်နေတာ။ ဗုံးအလုံးရေတော့ များတယ်။ ကျနော်တို့ကြားနေရာတာ ဟိန်းနေတာပဲ။ တိုက်ပွဲလည်း ဖြစ်နေတယ်။ ရှေ့မတိုးနိင်လို့ ထိခိုက်လို့ လာကြဲနေတာ။ အထိနာလို့ကြဲတာ ဖြစ်နိုင်တယ်"လို့ အညာမြေအရပ်ဖက်လူမှုအဖွဲ့အစည်း-မြိုင်ရဲ့ တာဝန်ရှိသူက ပြောပါတယ်။ သတင်းအပြည့်အစုံ - https://myaelattathan.com/news/26055/