BELARUSIUM

Дэлегацыя Беларускай Народнай Рэспублікі ў Бэрліне. Сядзяць: Яўген Ладноў, Васіль Захарка, Пётра Крачэўскі, Лявон Заяц; стаяць: Лявон Дубейкаўскі, Янка Чарапук, Яфім Бялевіч. 1919 г.

Мескі герб Алькенікаў з каралеўскага прывілея (1792)

Перавоз празь Дняпро ў Магілёўскае губэрні. З "Нашае Нівы".

Падзеі 26 чэрвеня: 1503 — вялікі князь Аляксандар надаў Камянцу Магдэбурскае права. 1792 — кароль і вялікі князь Станіслаў Аўгуст Панятоўскі надаў Алькенікам Магдэбурскае права і герб. 1940 — у СССР усталявалі 8-гадзінны працоўны дзень, 7-дзённы працоўны тыдзень і крымінальную адказнасьць за спазьненьне на працу больш, чым на 21 хвіліну. 1941 — ва ўрочышчы Цагельня каля Ігумену супрацоўнікі НКВД расстралялі каля 3 тысячаў палітычных вязьняў, прыгнаных зь Менскае і іншых вязьніцаў. 1941 — каля вёскі Мікалаева пад Вулай службоўцы НКВД расстралялі калёну вязьняў Глыбоцкае турмы «Беразьвечча», большасьць зь якіх былі бязьвіннымі. 1984 — уведзены ў эксплюатацыю ўчастак першай лініі (Маскоўскай) Менскага мэтрапалітэну. 1992 — утварэньне Фонду імя Льва Сапегі. Нараджэньні: 1897 — Лявон Савёнак, беларускі літаратар. 1909 — Антон Адамовіч, беларускі літаратуразнаўца, гісторык, празаік. Сьмерці: 1808 — Людвік Тышкевіч, граф, дзяржаўны дзеяч Вялікага Княства Літоўскага.

Сьвітаньне на балоце Ельня.

Падзеі 25 чэрвеня: 1447 — вялікі князь Казімер каранаваўся на караля польскага. 1660 — Трынаццацігадовая вайна: адбыліся бітвы паміж абаронцамі Вялікага Княства Літоўскага і маскоўскімі захопнікамі пад Зэльвай, Галынкай, Дзярэчынам. 1794 — Паўстаньне Тадэвуша Касьцюшкі: адбыўся бой з расейскімі карнымі войскамі пад мястэчкам Солы. 1840 — загадам расейскага цара Мікалая I на тэрыторыі Беларусі ўведзенае імпэрскае заканадаўства. Канчаткова спыненае дзеяньне Трэцяга статуту ВКЛ. Нараджэньні: 1905 — Пятрусь Броўка, беларускі грамадзкі дзяяч, пісьменьнік, паэт і перакладчык. 1911 — Феафіл Анісовіч, беларускі мастак дэкаратыўна-ўжытковага мастацтва. Сьмерці: 1966 — Язэп Бельскі, савецкі партыйны і прафсаюзны дзяяч, адзін з арганізатараў партызанскага руху ў Менскай вобласьці ў гады нямецка-савецкай вайны. 1974 — Янка Раманоўскі, беларускі мастак.

Людзі нясуць труну з целам Васіля Бакава пад час жалобнай працэсіі на прасьпекце Францішка Скарыны (цяпер Незалежнасьці) у Менску, 25 чэрвеня 2003 году.

Беларуская сялянска-работніцкая грамада пасьлядоўна выступала за дзяржаўную самастойнасьць Беларусі. Самая вялікая партыя 1920-ых гадоў у Заходняй Беларусі. Друкаваным органам была газэта «Беларуская справа», пазьней — «Народная справа». Дзейнасьць партыі прыцягнула ўвагу ўсяго сьвету, мела падтрымку ў многіх краінах сьвету: ЗША, СССР, Францыі, Вялікабрытаніі, Чэхаславаччыне й інш. У студзені 1927 году адбыліся масавыя арышты кіраўніцтва і актыву Грамады. Паслоў ад парлямэнцкай фракцыі БСРГ пазбавілі дэпутацкага імунітэту і зьняволілі, а праз год засудзілі на катаргу. Празь некалькі гадоў шэраг актывістаў былі абмененыя Польшчай на бальшавіцкіх вязьняў і перададзеныя СССР, дзе тыя былі расстраляныя — як «польскія шпіёны». У сакавіку 1927 году БСРГ была афіцыйна забароненая. Выява з часопісу «Маланка» №14, 1926. Сяляне ўцякаюць з ППС, Вызваленьня, Сялянскага Саюзу і ўступаюць у БСРГ. Аўтар — Язэп Горыд. Праграма БСРГ, складзеная Браніславам Тарашкевічам.

Помнік на месцы забойства Адама Фалькоўскага ў Лідзе. Месца пахаваньня людзі адразу аблажылі камянямі, якія шмат разоў раскідвала царская паліцыя. 3 траўня 1919 лідзкі дэкан Гіпаліт Баярунец пасьвяціў на магіле жалезны крыж, фундаваны чыгуначнікамі. У 1932 пастамэнт крыжу быў адрамантаваны магістратам Ліды. У 1940 савецкія ўлады зьнесьлі крыж і зруйнавалі магілу Адама Фалькоўскага. 2 лістапада 1996 быў усталяваны драўляны 5-мэтровы крыж, які быў зьнесены праз 2 дні. 30 кастрычніка 2010 году памяць Адама Фалькоўскага была ўшанаваная на камяні, які знаходзіцца там і дагэтуль.

Як рабіць добрыя рамкавыя вульлі. Частка ІІ. "Наша Ніва", № 3, 1910 год.