ኖህቶኤል ከመጻሕፍት ገፅ📚

ሁሌም ቢሆን ስሜታችሁን ድንበር አብጁለት ... ይኼ ለእኔ አይገባም የምትሉበት መስመር ይኑራችሁ ያላችሁን ጉልበት ፀባያችሁን ለማስረዳት አታባክኑት ... ይልቁንም ፀባያችሁን የምትኖሩበት አድርጉት ሰዎች ፀባያችሁ ካልተስማማቸው አትለማመጧቸው ... አትለምኗቸው .... ለእነሱ ስትሉ ራሳችሁን ለመለወጥ አትድከሙ .... ለማስረዳት ስቃይ አትብሉ መኖራችሁ በራሱ ዋጋ እንዳለው ይወቁ እንጂ  መሄድ ከፈለጉ ይሂዱ ክብር በጎደለው መንገድ ሊይዟችሁ ካሰቡ .... እኔ ጋር ይኼ አይሰራም በሏቸው ዋጋችሁን ለማንም ማስረዳት አይጠበቅባችሁም የረጅም ጊዜ ወዳጃችሁ በድንገት ስልክ ማንሳትም ሆነ የፅሁፍ መልዕክት መመለስ ካልፈለገ ..... ለአምስተኛ ጊዜ "ምን አድርጌህ ነው?" አትበሉ .... መታገላችሁን አቁሙና የራሳችሁን ህይወት ቀጥሉ በግንኙነታችሁ ውስጥ ሁሉም ነገር ሁሌም የሚጠበቀው ከእናንተ ከሆነ .... ጋባዥም፣ ደዋይም፣ የፅሁፍ መልዕክት ላኪም፣ ላግኝሽ ባይም፣ ሳመኝ ባይም፣ ናፈቅከኝ ባይም፣ እወድሻለሁ ባይም ..... እናንተ ብቻ ከሆናችሁ .... ተውት። በተራቸው ቅድሚያ ወስደው ማድረግ ከጀመሩ መልካም ካልሆነም መንገዱን ጨርቅ ያድርግላቸው ሲቸገሩ ብቻ ለሚፈልጓችሁ ሰዎች ..... መረሳትም እንዴት እንደሆነ አሳይዋቸው ጊዜ ስትሰጧቸው መሄጃ ያጣችሁ ሐሚመስላቸው  .... በጊዜ መርሳትም እንደምትችሉ አሳይዋቸው እውነቱን ይዛችሁ ደግፋችኋቸው ከሰው ጋር አነካክተዋችሁ ሲያበቁ፤ አጣልተዋችሁ ሲያበቁ .... እነሱ ዞረው ገጥመዋል? ..... የከፈታችሁትን በር መዝጋትም እንደምትችሉ አሳይዋቸው እንወዳችኋለን እያሉ ከማትወዱት ሰው ጋር አብረው መዋልን ከመረጡ .... አልፈልግም የምትሉትን ነገር ማድረግ ከቀጠሉ .... ይመቻችሁ ብላችሁ ዞር በሉ ሰዎች እናንተን የሚያዩበትን መነፅር ልታስተካክሉላቸው አትሞክሩ .... አይሳካም አንዳንድ ነገርን በማስረዳት ወይም ለማስረዳት በመሞከር አትለውጡትም እናንተን የሚያዩት በእነሱ ድክመት ልክ ከሆነ፣ ባለባቸው የማስተዋል ማነስ ልክ ከሆነ፣ በቀደመ ቁስላቸው ላይ ቆመው ከሆነ .... በምንም አታሳምኗቸውም ትክክለኛውን ነገር መርጣችሁ በመሄዳችሁ ከጀርባ ለሚሰጣችሁ ሀሜት ግድ አይስጣችሁ .... ሰላማችሁ ከምንም ነገር ይበልጣል 😇 አንዳንድ ነገሮች ማብራሪያ አይፈልጉም አንዳንድ ድርጊቶች መግለጫ አይፈልጉም አንዳንድ ስህተቶቻችሁ እርማትን አይፈልጉም .... ልክነታችሁ እሱ መሆኑን ስላሳያችሁን እውነት እንደጨረቃ ናት ጸጥ ባለ ሌሊት ነው የምታበራው ..... ውሸት፣ ክህደት፣ ቅጥፈት፣ ሀሜት ብዙ ጉልበት ያላቸው የሚመስሉት እድሜያቸው አጭር ስለሆነ ነው ሊቃጠል ያሰበ አምፖል በርቶ በማያውቅበት ልክ እንደሚበራው መልስ መስጠት ስታቆሙ ጉልበት ትቆጥባላችሁ ጊዜ እና ሌላው ሰው የሚያውቀው ትክክለኛ ማንነታችሁ እናንተ ቃል ሳታወጡ መልስ ይሰጥላችኋል ሴት ነው ሲሉ ወንድ መሆኔን ለማረጋገጥ አልነሳም በችግራቸው ቀን የተቸገርኩላቸው .... ችግራቸው ያለፈ ሲመስላቸው መጥፋትን ሲመርጡ ፍለጋ አልሄድም ጆንያ ሙሉ ሚስጥራቸውን ዘርግፈውልኝ ሄደው እነሱን ለመርዳት በሄድኩበት መንገድ በማንኪያ ያገኟትን ሚስጥሬን ሲነዙት .... ሰማሁልሽ ብዬ አልጣላም እንዳትነግሩት ብላችሁ ያወራችሁትን ሁሉ ሰምቼ፤ እናውቀዋለን ለማለት የተቀደዳችሁትን ሁሉ ሰምቼ .... በቀጣይ የሚኖረኝን አቀራረብ አስተካከልኩ እንጂ እንዲህ ናችሁ ብዬ አልወቀስኳችሁም ሰውን አለምክንያት የምሸሽ ለሚመስላችሁ እመኑኝ ያ ሰው ዋጋችሁን ሰጥቶ ማንነቱን ያሳያችኋል አራዳ እንደሆናችሁ ለምታስቡ ሞኝነታችሁ አውላላ ሜዳ ላይ ያስቀራችኋል ልባችሁ ንፁህ ከሆነ ..... በምንም ነገር ውስጥ መነሻችሁ ቅንነት ከነበረ .... ማንንም በመሄዱ አታጡትም፤ የሚጎልባቸው እነሱ ናቸው ከሰው ጋር ስትቀመጡ እውነትን፣ ሀቀኝነትን፣ ታማኝነትን፣ ፍቅርን እና መልካምነትን ይዛችሁ ይሁን .... ይሄነታችሁን የገፋ ቀራችሁበት እንጂ ምን ሊያጎድልባችሁ እንዲህም ነግረናቸው የማይገባቸው አሉ .... ታዲያ አሁን እነዚህ ላይ መፍረድ ይገባል? እነዚህ ከእናንተ ዘንድ አይደሉም!😇                               ዮሓቶኤል