ኖህቶኤል ከመጻሕፍት ገፅ📚

✅Bestselling

📖My Life in Shambles: A Standalone Romance by Karina Halle ✅Bestselling

-- አብረን ዝም እንበል --- ከሰው መንጋ እንገንጠል ለአንድ አፍታ እንኳ እንገለል በእፎይታ ጥላ እንጠለል ዝም ብለን አብረን ዝም እንበል ምነው አዋሽ ማዶ ቆቃ የሸለቆ ግርጌ ሸሽተን የቆቃን ሰቆቃ ሰምተን ሲቃውን ሲሰብቀው አይተን ሰቀቀኑን ተወያይተን የምሽት ጀንበር ቢውጠን ውሃ አንደ ዱታ ሲተምም በድን ሸለቆ ሲናገር ሰማያዊ ፈረስ ተጭኖ ከአጥናፍ አጥናፍ ሲንደረደር ሲያስጉተመትም ሲያስገመግም በአይነ ህሊና ለመመስከር ሳንጨነቅ ሳንገደብ ለማንም ምንም ሳናዋይ ሳንናገር ሳንጋገር ካይንሽ ከልብሽ ከልቤ አዋሽ ማዶ አብረን እንብራር አዋሽ ማዶ አብረን እንውረድ አጉል ነው ብለን ሳንፈርድ ድንቅም ነው ሳንል ሳንወድ ዝም ብለን አብረን ብንወርድ ከሰው መንጋ ተለይተን ከጠረኑ ተነጥለን ከጉምጉምታው ተገንጥለን ከኳኳታው ብንከለል ከላንቃው ከድምፁ ሸሽተን በእፎይታ ጥላ እንጠለል በቆይታ በፀጥታ ዝም ብለን አብረን ዝም እንበል መቼም አይሆንም ካልሽ ቅሪ ግድ የለም አትገደሪ ልቦናሽ በመተረልሽ ባሳደረብሽ እደሪ ተስፋ መቀነን ነው መቼም የሰው ልብ አይችለው የለም ብቻ ዳግመኛ ሞት ሳንሞት አዲስ ቀን ሳይጨልምብን ድፍን ደመና ሳይቋጥር ክረምት ውጅት ሳይወርድብን ኮከባችንን ሳንጠራ ሳንቆጥርባት ሳትቆጥርብን ሞራችንን ሳናስነብብ ሳናሳያት ሳታይብን ጨረቃን መስክሪ ሳንል ሳናውቅባት ሳታውቅብን አዋሽ ማዶ ቆቃ በረን እባክሽ ጀንበር ትጥለቅብን ውሃ እንደ ዱታ ሲተምም በድን ሸለቆ ሲናገር በሰማይ ፈረስ ተጭኖ ከአጥናፍ አጥናፍ ሲንደረደር ሲያስጉተመትም ሲያስገመግም በአይነ ህሊና ለመመስከር ሳንጨነቅ ሳንገደብ ለማንም ምንም ሳናዋይ ሳንናገር ሳንጋገር ካይንሽ ከልብሽ ከልቤ አዋሽ ማዶ አብረን እንብረር ከሰው ኳኳታ እንነጠል ላንድ አፍታ እንኳ እንገለል በእፎይታ ጥላ እንጠለል ዝም ብለን አብረን ዝም እንበል ሎሬት ፀጋዬ ገ/መድህን @Noahtoaels_idea

አንዳንድ ቀን ገና ከእንቅልፍ ስተነሳ ትከሻህ ቅልል ይልሃል። ተንደርድረህ ሻወር ትገባለህ በስልክህ የሮፍናንን ዘፈን ከፍተህ እርቃንህን ሆነ እየዘፈንክህ ትወናወናለህ ። ባዘቦት ልብስህ ገድግደህ የዘነጥክ ይመስልሃል ። የጠዎቷ ፀሃይ ደስስ ትልሃለች። ጎረቤትህን እትዬ ጌጤ... ጋሽ ይልማ እንዴት ኖት ብለህ ድምፅህን አጮኸህ ሰላም ትላቸዋለህ ። የምታቃቸውን ሰዎች ድምቅ ያለ ሰላምታ እየገጨህ ትሄዳለህ ። እጮኛህ በፍቅረኛዋ ከተበደለችው ጓደኛዋ አንፃር አይታህ አንተ የኔ ቅዱስ አፈቅርሃለሁ ትልሃለች። እኔ ራሴ አፈቅርሻለሁ እስትንፋሴ ትላታለህ። መንገድ ላይ ያገኘከው ወዳጅህን አስጨንቀህ እንደው ስሞት ብለህ ወስደህ ጋብዘኸው ተጨዋውታቹ ቢል ስትል ተከፍሏል ትባላለህ። እንደው ምን ይሻለኛል ማን አለ እንደ እኔ እድለኛ የሚል ዘፈን ማውጣት ያምርሃል። የሞከርከው ስራ ተሳክቷል ለበለጠ መረጃ ቢሮ ና ትባላለህ። ቱግ ያለብህን ገለሰብ ዛሬ ደብሮት ነው የሚሆነው ብለህ ትረዳዋለህ። መንገድ ላይ አንድ ብር ስጠኝ የሚልህን ሰዎዬ ለምን አንድብር ብቻ ትጠይቃለህ ብለህ አስር ብር ትሰጠዋለህ ። ። ጤንነትህ ካንተ ጋ እንዳለ ይታወቅሃል ፤ በዙሪያህ ያሉ ፀዴ ፀዴ አብረውህ የሚሰሩ ፤ ወዳጆችህ፤ የሰፈር ሰዎች እንደሚወዱህ ይሰማሃል። እውነት ዛሬ ህይወት ደስ ትላለች። እወድሻለሁ ህይወት 😍❤

ምን አስባለው መሰላችሁ አንድንዴ ስኬት ሁሉ ደስተኛ አያረግም!! ህልምም በስኬት አይገባደድም! በሰዎች የተሻለ እና ምርጥ የሚባለው ቦታ ስኬት አይደለም!!

ላንቺና ለመንግስት የተፃፈ ደብዳቤ አንቺ እንዴት ነሽ ውዴ እኔ አለሁ አብጄ ሆዴን ውሸት ነፍቶት ከኩንታል ከብጄ፣ ወድጄ አይደለም ሰካራም የሆንኩት ለነፃነት ስል ነው መጠጥ የጀመርኩት። ምክንያቱም መንግስት አስሮ አያውቅም የሚጠጣን በአካል መሬት አይጠይቅም፣ ቀድሞንስ ሰካራም መች ቤት ሰርቶ ያውቃል። እንዲያው እንበልና ቢሰራም በላቡ ቢሰራም በእጁ መቼ ችሎ ይገባል ይወድቃል ከደጁ። እናልሽ ፍቅርዬ. . ጠዋት እነሳና መስኮቴን ከፍቼ ወደ ውጭ ወጣለው ባትሪዬን አብርቼ። አብጄ እንዳይመስልሽ እንዲህ የምሆነው መንግስትን ሰድቤ እብድ ለመባል ነው። ደግሞስ. . . ከጠላና ከጠጅ ሌላ እንደው ምን ይላል የህዝብ እንባ ጠጥቶ ከመስከር ይሻላል። እናልሽ ወዳጄ እኔ ያንቺን ደብዳቤ ፅፌ እስክጨርስ ስንት ርቆ ሔደ ዳግም ላይመለስ ስንቱ ቤቱን አጣ ስንቱ ፈረሰበት ስንቱ መንግድ አጣ ስንቱ ራቀበት ስንቱ ጥርሱን አጣ ስንቱ ደሞ አይኑን ስንቱ እጁን አጣ ስንቱ ደሞ ራሱን ይሔ ሁሉ ሲሆን እንዴትስ አልጠጣ እንዴትስ አልሰክር ሰው ህይወቱን ሲያጣ ለማይነጋ ጀምበር። ተራራ ነው ብለን የገፋነው ሁሉ አልተናደም ፍቅሬ ሲመሽ ጨለማ ነው ሲነጋም ጨለማ ካልነጋልን ዛሬ። እናልሽ ወዳጄ የላኪ ስም ብዬ ከደብዳቤው አናት እኔ ስም አልፃፍኩኝ ምናልባት አንብበው ከርቸሌ እንዳይከቱኝ። 😂😂😂😂 እንግዳወርቅ ከሰኔ ወር ትዝታዎች @semetnbegtm @semetnbegtm @semetnbegtm

ምርጥ ታሪክ ፅፌ አቀረብኩላችሁ!! አንድ ኩራተኛ የሆነ ሰው ጥሩ ልብስ ለብሶ በኩራት ታጅቦ እራሱን እየቆለለ፤ በአንድ ገበያ ይዘዋወር ነበር። ታድያ ፈሳሽ ጁስ የምትሸጥ ሴትዬ በአጠገቡ ስታልፍ ይመለከታል። ጠራትና "ምንድነው የምትሸጭው አላት?" እሷም: "ፈሳሽ ጁስ ነው ጌታዬ" አለችው እሱም፡ አሳይኝ በእንስራ የያዘችውን ፈሳሽ ከጀርባዋ ላይ ለማውረድ ስትሞክር ድንገት የሰውየው ልብስ ላይ ይህ ፈሳሽ ይደፋበታል። ሰውየው ከባድን ቁጣ ተቆጣ። እንዲህም አላት "የዚህን ልብስ ዋጋ እስከምትከፍይኝ ከዚህ ቦታ የትም አልሄድም" ሲል ዛተ። ሴትየዋም እያለሳለሰች ትለማመጠው ጀመር። "እባክህ ተወኝ ጌታዬ ምክንያቱም እኔ ምስኪን ነኝ" አለችው። ሰውየውም " እስክትከፍይኝ የትም አልሄድም" አላት። እሷም ዋጋውን "ስንት ነው?" ስትል ጠየቀችው። እሱም "1000ብር" ሲል መለሰላት። እሷም... "እኔ እኮ ደሃ ሴት ነኝ ከየት አመጣለሁ" አለችው። እሱም.. "ምን አገባኝ" በማለት ፍፁም ጭካኔውን አበረታባት። እያስፈራራትና እየዛጠባት ሳለ፤ አንድ ወጣት በመንገድ ሲያልፍ ይመለከትና "ምን ሆነሽ ነው?" ሲል ጠየቃት። እሷም የተከሰተውን በደንብ አስረዳችው። ወጣቱም እንዲህ አለ... "ብሩን እኔ ሰጥሃለው" ብሎ አንድ ሺህ ብር በማውጣት ለሰውየው ከፈለው። ኩራተኛው ሰውየም ብሩን ቆጥሮ ተረክቦ ሊጓዝ ሲል፤ ወጣቱ ልጅ... "ተረጋጋ እንጂ ወደየት ነው!?" አለው። ሰውየውም.. "ምን ፈለግክ!?" አለው። ወጣቱም... "የልብስህን ዋጋ ወስደሃል አይደል!!" አለው። ሰውየውም.. "በሚገባ እንጂ!!" አለ። ወጣቱም... "ታድያ ልብሱ የታለ?" ሲል ጠየቀው። ሰውየም "ለምን!?" አለው። ወጣቱም... "የልብስህን ዋጋ ሰጥተንሃል፤ ስለዚህ ልብሱን ስጠን አለው። ሰውዬውም.. "ራቁቴን ልሄድ ነው!?" አለው። ወጣቱም... "አይመለከትኝም! ምን አገባኝ!!" አለው። ሰውዬውም.. "ልብሱን ካልሰጠውህስ?" ሲለው ወጣቱ.. "ገንዘብ ትከፍለናለህ አለው" ሰውዬውም "አንድ ሺ ብሩን ነው አለ?" ወጣቱም... "አይይ አይደለም። እኛ የምንልህን ነው" ሲል መለሰለት። ኩራተኛውም ሰው እንዲህ አለ... "እንዴ የከፈልከኝ እኮ አንድ ሺ ነው" ወጣቱም.. "ስለከፈልኩት አያገባኝም አለው" ሰውዬውም... "ስንት ነው ምትፈልገው?" አለው። ወጣቱም... "ሁለት ሺህ ብር" አለው። ሰውዬውም... "ይህ ብዙ ነው!!" ሲል ተናገረ። ወጣቱም... "እንግዲህ ልብሱን ስጠና!!" አለው። ሰውዬውም... "ልታዋርደኝ ፈልገህ ነው ራቁቴን" አለው። ወጣቱም.... "ሴትየዋን ልታዋርድ እንደፈለግከው አዎ!!" አለው። ሰውየውም .. "ይህ በደል ነው!!" አለ። ወጣቱም.... "እንዴ አሁን ስለ በደል ታወራለህ!! ድንቅ ነህ" አለው። ሰውየውም በማፈር የተባለውን ብር ለወጣቱ ከፈለው። ወጣቱም ይህ ሁለት ሺህ ብር ለምስኪኗ ሴት ስጦታ መሆኑን አውጆ በደስታ ሸኛት። @Noahtoaels_idea ክርክሮችን ለመፍታት #ጥበብ ሁነኛ መፍትሄ ናት!! ህይወትም ኩራትና እኔ የበላይ ነኝ የምንልባት የፋከራ መድረክ አይደለችም።

ረጋ ስትል ታስተውላለህ! ስትፈጥን በቶሎ ካሰብከው ትደርሳለህ! ሁለቱም ትክክል ናቸው ግን ትክክል የማይሆኑበት ሰአት ይኖራል... እያሰባችሁ አንብላሉት እኔ ይህን ተረድቻለው @Noahtoaels_idea