ኖህቶኤል ከመጻሕፍት ገፅ📚

ሄራን -9- •••ጭካኔ የሚመነጨው ከየትኛው የሰውነታችን ክፍል ነው?ፍቅርስ?ቀናነትስ የሚጠነሰሰው ምናችን ውስጥ ነው?ሰዎች ሲወለዱ ንፁህ ናቸው።ታድያ ሲያድጉ ክፉ ወይም ደግ የሚሆኑት ከየት ተምረውት ነው?በእርግጥ የሁላችንም የመጀመሪያ መምህራኖቻችን ወላጆቻችን ናቸው።ከእነሱ የምንወርሰው በርካታ ነገር መኖሩ እሙን ነው።በተቃራኒው ደግሞ ከመጥፎ ቤተሰብ ጥሩ ከጥሩ ቤተሰብ መጥፎ መፈጠሩም የተለመደ ነው••• •••እኔም ስልኩን ይዤልሽ እመጣለሁ ባልኳት ማግስት ጨካኝ ሆንኩ።ራስወዳድነት አጠቃኝና ቀርቼባት ስለ እኔ እንድታስብ ላደርጋት ፈለግኩ።ስለዚህም ተኝቼ እኩለ ቀን ድረስ አረፈድኩ።ምሳ ሰአት ሲደርስ ግን ጭካኔየ ቅጥ ማጣቱ ተሰማኝ።ከመኝታየ ተነስቼ በቀጥታ ወደ ቤቷ አመራሁ።ስደርስ ረከቦት ስር የሚቀመጥ የእጅ ስራ ይዛ ስትወጣ አገኘኋት••• "ወዴት ነው?" እየጠበቅኩህ ነበር።አርፍደሃል ስለዚህ እነዚህን ልሸጥ እየወጣሁ ነው" •••ቅር ብሏታል።ተከፍታለች።በሀዘን ውስጥ ሆና አየችኝ።ያመጣሁላትን ስልክ አቀበልኳት።በቸልተኝነት ተቀበለችኝና••• "እስከምመለስ እዚሁ ትጠብቀኛለህ?" "አትሂጂ!" "ምን እበላለሁ?" እንዳዘንሽብኝ አውቃለሁ።በጣም ስላረፈድኩብሽም ይቅርታ።አሁን ስልክሽን አብሪውና አብረን እንውጣ።እነሱን ነገ ትሸጫቸዋለሽ" •••ቅሬታዋ በአንዴ ተገፎ ወደ ቀድሞ ሁኔታዋ ተመለሰች።እቃዎቹን አስገባች።ተያይዘን ወደተለመደው ቦታ ስናመራ••• "አናደኸኝ ነበር።ከቤት እንዳልወጣ ያስጠነቀቅከኝ ራስህ ነህ።መጥተህ እንዳታጣኝ ብዬ ትእዛዝህን አከበርኩ።ስትቀር ከፋኝ" "ይቅርታ ብየሽ የለ?" "ሚስትህ ናት ያዘገየችህ?" "ሚስት እንደሌለኝ ነግሬሽ ነበርኮ" "አላመንኩህማ!" "ቁጥርሽን መውሰድ እችላለሁ?" "ከባሌ ጋር ስሆን መደወል ግን አይቻልም" እየቀለደች መሆኑ ገብቶኛል። "ቀሪ ታሪክሽን ቀጥይልኛ?" "ቁርስ ሳልበላ ነው ስጠብቅህ የዋልኩት።በአጭሩ ሆዴ ባዶ ሆኖ አቅም አንሶኛል" *** •••ከሰዓት በኋላ የለመደችውን ገዛዝተን ቤቷ ተመለስን።ታሪኳን ቀጠለች••• "ከመምህሩ ባሌ ጋር አንድ አመት በጥሩ እንክብካቤ ሰራተኛ ተቀጥሮልኝ እየኖርኩኝ ያለፈ ታሪኬን በረሳሁበት ሰአት ስህተት ሰራሁ።ሲያቀብጠኝ አረብ ሃገር የሄደውን ፍቅረኛየን ፈለግኩትና አገኘሁት።ድጋሚ ስላገኘኝ ተደሰተ።ስልኬን ተቀብሎ ደወለልኝ።ድሬዳዋ ተመልሶ ነበር።ነገር ተበላሸ።ባሌ ስራ ሲሆን ቀን ቀን ማውራት ጀመርን።ማግባቴን ብነግረውም እሱ ወደ ኋላ ሊመልሰኝ ፈለገ።ሊያግባባኝ ጣረ።በድየሻለሁ አለኝ።በጣም መቀጣቱን ነገረኝ።ረስቼሽ አላውቅም አለኝ።ፍቅሩ በነበረበት እንዳለ ሊያሳምነኝ ሞከረ።ሴት አይደለሁ?በመጨረሻ በቃላቶቹ ልቤ ቀለጠች የበፊቱ ነገር ውል አለብኝ።ይሄኛውን ባሌን ችላ ብየ ወደዛኛው አዘነበልኩ።    ከዛ አዲስ አበባ ሳይነግረኝ መጣ።ላግኝሽ አለኝ።አገኘሁት።ሳገኘው የተሰማኝን ስሜት በቃላት ልገልፅልህ አልችልም።ረጅም ሰአት ተቃቅፈን ተላቀስን።ወደ ቤቴ ስመለስ ቤቴ ደበረኝ።ባሌን መጥላት ጀመርኩ። ስንተኛ የማስበው ያኛውን ሆነ።አጣብቂኝ ውስጥ ገባሁ።ከዛኛው ጋር አብሬ ለመሆን ተነሳሳሁ።ባሌን ለመለያየት እንደምፈልግ ነገርኩት።ሳይበድለኝ፣ሳያስከፋኝ በክህደት ጎድቼው ወደ ድሮ ፍቅረኛየ ተመለስኩ።    ሌላ ህይወት ተጀመረ።በተገናኘን ሰሞን ካሳ በሚመስል መልኩ አነገሰኝ።እየሰነበተ ሲሄድ ግን ሰይጣናዊ ማንነቱ ተገለጠ።ለበቀል ነበር አመጣጡ።አጉል ሊያረገኝ ነበር አመጣጡ።አንድ ቀን ሰክሮ•••" ይቀጥላል•••        ዮሓቶኤል!