Дөрес сүзгә җавап юк!

Яшь чагында – аргамак, Олыгайгач – арган ат. Рифат Җамал

Көтү акылы, ни дисәң дә, коллектив акыл инде, көтү акылы булган милләтләр җиңеп бара. Кысла, чуртан, аккош арбасы һаман да безгә кала... Бикә Рәхимова

Сөймәгәнгә сөйкәлмә.

Әдип вә галимнәре булмаган кавем — бәхетсез, мәшһүр кемсәләрен оныткан халык — көчсез, әдәбияты булмаган милләт — рухсыз. Ризаэтдин Фәхреддин

Кемгә – аккан, кемгә – тамган... Булганына шатлан. Рифат Җамал

Сүзендә торган — нәрсәдер корган. Мөхәммәт Мирза

Әгәр дә милләтне көчле итеп, бөек итеп күрәсең килә икән, иң беренче булып аның көчен таны, шул милләтнең баласы булуың белән горурлан. Туфан Миңнуллин

Үз милләтеңнең һәр гадәте җанга якын ул. Фәнис Яруллин

Балаларга калдыра торган мирасларның иң кыйммәтлесе - дин өйрәтеп калдыру. Ризаэтдин Фәхреддин

Сугыш - акылсыз кешеләрнең акылсыз эше. Фәнис Яруллин

Тел — милләтнең иң беренче билгесе. Тел бетсә, милләт бетә. Бу — билгеле әйбер. Милләтнең әдәбияты да, сәнгате дә, мәдәнияте дә, җырлары да телгә бәйләнгән. Рүзәл Йосыпов

Коръән — гасырлардан килә торган иң мөкатдәс әманәт. Фоат Садриев

Әйтергә онытылган сүз — хәтерсезлек кенә түгел, сүзнең зәгыйфьлеге дә. Мөхәммәт Мирза

Нинди генә җырны алма, ул, барыннан да элек, кеше күңелендә тормышка мәхәббәт уята, кешедә яшисе килү теләген көчәйтә... Шулай булгач, кеше, җыр тыңлаганда, кайгы-хәсрәтне дә менә ничектер татлырак итеп кичерә, еласа, күз яше дә аның ул хәтле әче булмый һәм барыбер җиңеләеп кала. Әмирхан Еники

Милләтеңне яклап бер сүз әйтә алмасаң әйтмә, әмма аны һичбер хурлама. Мөхәммәт Мирза

Халыклар, телләр, диннәр үзгәрә. Үзгәрми торганы — мәңгелеккә илтеп җиткерә торганы — иман — Аллаһыга инанудыр. Мөхәммәт Мирза

Иң батыр яклаучы — Галиҗәнап Сүз. Бикә Рәхимова

Үзе богаулы, үзе чыбыркы тотар — бусы булыр чын татар. Акъегет

Милләт һәм милләтләрнең атасы юк — баласы гына бар. Мөхәммәт Мирза

Яһүд баеса, татар көенми. Татар баеса, татар сөенми. Марсель Галиев