Дөрес сүзгә җавап юк!

үз — могҗиза ул! Сүзгә ияреп, уй чыга, димәк, акыл, хәтер суырылып чыга... Сүз сихердән өстен, ырымнан алда йөри. Сөйләшкән кешене, сүз белгән кешене юлдан яздыру кыен. Галимҗан Гыйльманов

Кеше холкын күзәт, үзеңнекен төзәт. Татар халык мәкале

Кешене кеше иткән Бер нәрсә - кешелеклелек! Туфан Миңнуллин

Кояш бик зур да, аны капларга кечкенә болыт та җитә.

Булмый телне калыплап, буз күңелне авызлыклап! Равил Фәйзуллин

Үз халкыңнан акыллы итеп көлә белмисең икән — алынма! Мыскыллап, мескенгә калуың бар. Марсель Галиев

Алманы карамадан карамыйлар.

Язып ятканчы, ятып язу хәерлерәк. Рабит Батулла

Татар шул тарлыгы белән үзен бетерә. Тәлгат Галиуллин

Куркытучының куркытуында куркучы үзе гаепле. Зөлфәт Хәким

Сүзеңнең кадерен белергә теләсәң, телеңнең урынын бел. Аяз Гыйләжев

Тапкыр сүз өчен кыска вакыт кирәк — яшен тизлеге белән җавап биргәндә, җиңелрәк туа ул. Дары да тыгыз урында көчлерәк шартлый. Шәүкәт Галиев

Милли үзаң — бөтен бер халыкның үз-үзенә читтән карый ала белүе... Киләчәккә бару өчен, үз аты, үз арбасы һәм иң мөһиме — үз юлын таба белүе... һәм югалтмавы... Мөхәммәт Мирза

Мендәргә сөйләгәнең мамыкка китәр, мөнбәрдән сөйләгәнең халыкка җитәр. Марсель Галиев

Тукайны куып җитә алсаң, кире кайту өчен, тагын бер гомер кирәк. Марсель Галиев

Өйрәнчек остазын уздырса, бу — остазның җиңүе! Шәүкәт Галиев

Моңы барның йөрәгеннән Һәрвакыт җылы чыгар. Мөдәррис Әгъләмов

Дөнья көтәбез, ләкин көтүчеләре без түгел. Нурулла Гариф

Туган йорт – туганлыкның тирән тамыры. Мөхәммәт Мирза

Башка халыкны савып яшәргә күнеккән кавемнең рухы сына, табигате ялкаулана, мие сыеклана да, үзен гали, бөек, асыл кавем дип исәңгери. Тирә-яктагы чынбарлыкны аермас хәлгә килә, ялган бөеклегеннән исереп яши. Флус Латыйфи