Ethio Fm 107.8

Открыть в Telegram

በፍቅር ላይ የተመሰረተ ኢትዮጵያዊነት እንዳይላላ ከልቡ የሚተጋ፣ መከባበርና መተሳሰብን የሚያስቀድም ኤፍ ኤም ሬዲዮ ነው!!!

Больше

📈 Аналитический обзор Telegram-канала Ethio Fm 107.8

Канал Ethio Fm 107.8 (@ethiofm107dot8) языкового сегмента Амхарский является активным участником. Сейчас сообщество объединяет 18 481 подписчиков, занимая 12 045 место в категории Новости и СМИ и 1 891 место в регионе Эфиопия.

📊 Показатели аудитории и динамика

С момента создания невідомо проект демонстрирует стремительный рост, собрав аудиторию из 18 481 подписчиков.

Согласно последним данным от 28 сентября, 2026, канал показывает стабильную активность. За последние 30 дней изменение числа участников составило -11, а за последние 24 часа — 6, при этом общий охват остаётся высоким.

Статус верификации: Не верифицирован
Уровень вовлечённости (ER): Средний показатель вовлечённости аудитории составляет 9.53%. В первые 24 часа после публикации контент обычно набирает 6.91% реакций от общего числа подписчиков.
Охват публикаций: В среднем каждый пост получает 1 762 просмотров. В течение первых суток публикация набирает 1 278 просмотров.
Реакции и взаимодействия: Аудитория активно поддерживает контент: среднее количество реакций на один пост — 3.

📝 Описание и контентная политика

Автор описывает ресурс как площадку для выражения субъективного мнения:
“በፍቅር ላይ የተመሰረተ ኢትዮጵያዊነት እንዳይላላ ከልቡ የሚተጋ፣ መከባበርና መተሳሰብን የሚያስቀድም ኤፍ ኤም ሬዲዮ ነው!!!”

Благодаря высокой частоте обновлений (последние данные получены 29 сентября, 2026) канал поддерживает актуальность и высокий уровень охвата публикаций. Аналитика показывает, что аудитория активно взаимодействует с контентом, что делает его важной точкой влияния в категории Новости и СМИ.

18 481

Подписчики

+624 часа

+227 дней

-1130 дней

1 762

Просмотры поста

~ 1 27824 часа

~ 1 47548 часов

9.53%

Коэффициент вовлеченности

~ 13

Постов в день

Ads index

beta

Архив постов

18 483

የሶማሊያ ፕሬዚዳንት ሐሰን ሼኽ መሐሙድን አዲስ አበባ ገብተዋል ጠቅላይ ሚኒስትር ዐቢይ አሕመድ የሶማሊያ ፕሬዚዳንት ሐሰን ሼኽ መሐሙድን ዛሬ ጠዋት በቦሌ ዓለም አቀፍ አውሮፕላን ማረፊያ መቀበላቸውን የጠቅላይ ሚኒስትር ጽ/ቤት አሳውቋል ፡፡ መስከረም 19/2019 ዓ.ም

18 483

በየመን በአንድ ሳምንት ውስጥ ወደ 16 ሺህ የሚጠጉ ሰዎች መፈናቀላቸዉን የተባበሩት መንግስታት የፍልሰት ኤጀንሲ አስታወቀ የተባበሩት መንግስታት የፍልሰት ኤጀንሲ ባወጣው መግለጫ እንዳመለከተው፤ በሰኔ ወር በምዕራባዊ የባህር ዳርቻ ላይ ውጊያ ከተፋፋመ ወዲህ በስምንት ግዛቶች ውስጥ 1መቶ45 ሺህ3መቶ8 ሰዎች ወይም 24 ሺህ2መቶ18 ቤተሰቦች ተፈናቅለዋል። በየመን የአይ.ኦ.ኤም ተወካይ፤ ‹‹በየሳምንቱ ሁሉንም ነገር ጥለው የሄዱ በሺዎች የሚቆጠሩ ተጨማሪ ሰዎችን እንቆጥራለን›› ብለዋል። ‹‹ከእነዚህ ቁጥሮች ጀርባ ልጆቻቸውን ለማዳን የሚጥሩ ወላጆች፣ ሩቅ መጓዝ የማይችሉ አረጋውያን እና ከመጀመሪያውም በጣም ጥቂት ነገር የነበራቸው ቤተሰቦች ይገኙበታል።›› አክለውም ‹‹አሁን እርዳታ ይፈልጋሉ፤ የእኛም ምላሽ እነሱ ከሚሸሹበት ፍጥነት ይልቅ ፈጣን መሆን አለበት›› ብለዋል። አይ.ኦ.ኤም የሲቪሎችን እና የሰብአዊ እርዳታ ሰራተኞችን ጥበቃ እንዲሁም ለተፈናቀሉ ቤተሰቦች እና ለተቀባይ ማህበረሰቦች ደህንነቱ የተጠበቀና ያልተገደበ ተደራሽነት እንዲኖር ጥሪ አቅርቧል። ሁቲ በ2014 ዋና ከተማዋን ሰንዓን እና በርካታ ግዛቶችን ከተቆጣጠረ ወዲህ የመን በግጭት ውስጥ የቆየች ሲሆን፤ይህም በ2015 በሳዑዲ የሚመራው ጥረት በዓለም አቀፍ ደረጃ እውቅና ያለውን የየመ መንግስትን ለመደገፍ ጣልቃ እንዲገባ አድርጎታል። በያዝነዉ መስከረም ውጊያው የተፋፋመ ሲሆን፣ ሁቲዎች ስትራቴጂካዊቷን የሞካህ ከተማን ጨምሮ በአል-ሁደይዳህ እና ታኢዝ ግዛቶች ውስጥ በርካታ ቁልፍ ቦታዎችን በመቆጣጠር ወደ ባብ ኤል-ማንደብ አከባቢ መድረሳቸዉ ተዘግቧል፡፡ እስከዳር ግርማ መስከረም 19/2019 ዓ.ም

18 483

የሀገር ዉስጥ ኤጀንሲዎች ከሰራተኞች ደሞዝ ላይ የሚያደርጉት የግብር እና የጡረታ ተቆራጭ ገቢ ስለመደረጉ ክትትል እየተደረገ ነዉ ተባለ በከተማዋ የሃገር ዉስጥ የስራ አሰሪ አገናኝ ኤጀንሲዎች በሰራተኞች ግብር እና የጡረታ ስም የሚቆረጡ መዋጮዎች ለሚመለከተው አካል ገቢ መደረጉን የማረጋገጥ ስራ እየሰራ እንደሚገኝ የከተማዋ የስራ እና ክህሎት ቢሮ ገልጿል። ይሄን የነገሩን የአዲስ አበባ ስራ እና ክህሎት ቢሮ የሀገር ዉስጥ ስራ እና ሰራተኛ አገናኝ ኤጀንሲ የፍቃድ ቁጥጥር ቡድን መሪዉ አቶ በላይ ተሰማ ናቸዉ። አቶ በላይ እንደሚገልጹት፤ ኤጀንሲዎች በአግባቡ የተቆረጠዉን ገንዘብ ገቢ ማድረግ አለማድረጋቸዉ እንደ አንድ መስፈርት መቀመጡን ነግረዉናል። ኤጀንሲዎች የሥራ ፈቃድ በሚያሳድሱበት ጊዜ ለሚመለከተው አካል ገቢ ማድረጋቸውን ለማረጋገጥ የቁጥጥር አሠራር ተዘርግቷል ተብሏል። ሥራ እና ሠራተኛ አገናኝ ኤጀንሲዎች በሚቀጥሯቸው ሠራተኞች ስም ተቆራጭ የሚያደረጉት የግብር፣ የጡረታ መዋጮ እና ሌሎችም ለሚመለከተው አካል ገቢ መደረጋቸውን በየጊዜው ለሠራተኞች እና ለተጠቃሚ ድርጅቱ ሪፖርት የማድረግ ችግር አለባቸው በሚል ይወቀሳሉ። በሌላ በኩል ከኤጀንሲዎቹ ተጠቃሚ ድርጅቶች ዋና ትኩረት ዝቅተኛ ዋጋ የሚያቀርብ ኤጀንሲ ማግኘት በመሆኑ ኤጀንሲዎች በዝቅተኛ ዋጋ ሠራተኞችን ያቀርባሉ በሚል ይተቻሉ። በኢትዮጵያ ከጥራት ይልቅ ዝቅተኛ ዋጋ የቀረበበትን ሰዉ የመዉሰድ አዝማሚያ ይታይል የሚሉት አቶ በላይ፤ይህን መሠሉ የኤጀንሲዎች አሰራር የመቀነስ አዝማሚያ ቢኖረዉም ሙሉ ለሙሉ ይቀራል ማለት ግን ያዳግታል ብለዉናል። ቁምነገር አየለ መስከረም 19/2019 ዓ.ም

18 483

ወደ አዲስ አበባ የሚላኩ የሪፈር ታካሚዎች ቁጥር 95 በመቶ መቀነስ መቻሉን የድሬዳዋ ጤና ቢሮ አስታወቀ። የእናቶችና ህፃናትን ሞት ለመቀነስ በተቀናጀ አሰራር ከፍተኛ ውጤት እያስመዘገበ መሆኑን የድሬዳዋ ጤና ቢሮ ምክትል ቢሮ ሀላፊ የሆኑት አቶ ሰኢድ አብዲ አስታዉቀዋል። የሰው ኃይልና የህክምና ግብአቶችን የማሟላት ስራዎች ተጠናክረው ቀጥለዋል ብለዋል። በተለይም እናቶች በቤት ውስጥ የሚወልዱበትን ልማድ ለመቀነስ፤ ከከተማው ሩቅ በሚገኙ አካባቢዎች የሚኖሩ እናቶች ወደ ጤና ተቋማት ቀርበው እንዲወልዱ የሚያስችል ‹‹የወሊድ ማቆያ›› አገልግሎት በስፋት እየተሰጠ ይገኛል ነዉ ያሉት። ይህም በቤት ውስጥ ወሊድ ምክንያት የሚከሰቱ የደም መፍሰስና ሌሎች የጤና እክሎችን ለመከላከል መቻሉ ተነግሯል። ከደም ባንክ አገልግሎት ጋር በተያያዘም ድሬዳዋ ለምስራቅ ሀረርጌና ሶማሌ ክልል ጭምር የደም አቅርቦት እያደረገች መሆኗ ተመላክቷል። በሌላ በኩል በዘርፉ የታዩ ተግዳሮቶች እንዳሉ የጠቆሙት ኃላፊዉ፤ የህክምና ማሽኖች ብልሽት ሲያጋጥም የሚጠገንበት ከፍተኛ ዋጋ እና መለዋወጫዎች እጥረት ዋናው ፈተና መሆኑን አንስተዋል። በተለይ የሲቲ ስካን ማሽን ብልሽት ለመጠገን በሚጠይቀው ከፍተኛ የገንዘብ ወጪ ምክንያት አገልግሎቱ ተቋርጦ መቆየቱ ለአብነት ተነስቷል። በግል እና በመንግስት የጤና ተቋማት መካከል በተፈጠረ ቅንጅት፤አቅም የሌላቸው ወገኖች በነጻ እንዲታከሙ እየተደረገ መሆኑን ጠቁመዉ፤በቀጣይም ዘመናዊ የህክምና ቴክኖሎጂዎችን በማሟላት የጤና አገልግሎቱን ጥራት ይበልጥ ለማሳደግ እንደሚሰራ አስታውቀዋል። ሊዲያ ደሳለኝ መስከረም 19/2019 ዓ.ም

18 483

የጨፌ ኦሮሚያ አዲሱን የክልሉን አደረጃጀት ይፋ አደረገ። ጨፌው ዛሬ እያካሄደ ባለው 7ኛ የሥራ ዘመን 1ኛ መደበኛ ጉባኤው ቀደም ሲል በ21 ዞኖች ተደራጅቶ የነበረውን የዞኖች አደረጃጀት ወደ ስድስት ዝቅ አድርጓል። አደረጃጀቱ «የሕዝቡን ተጠቃሚነት የሚያረጋግጥ ታሪካዊ ውሳኔ» ያሉት ዛሬ ተሹመው ስራ ከጀመሩት የክልሉ ፍትህ ቢሮ ኃላፊ አቶ ጉዮ ዋሪዮ ናቸው። በክልሉ የአካባቢ መጠሪያ የነበራቸው ሰብሰብ ተደረገው በአቅጣጫቸው መሰረት የኦሮሚያን ስም ከፊት እያስቀደሙ ይጠራሉ ። በዚሁ መሰረት ስድስቱ የክሉ ዞኖች ፤ የኦሮሚያ ምስራቅ ዞን፣ የኦሮሚያ ማዕከላዊ ዞን፣ የኦሮሚያ ምዕራብ ዞን፣ ኦሮሚያ ደቡብ ዞን፣ የኦሮሚያ ደቡብ ምዕራብ ዞን እና የኦሮሚያ ደቡብ ምስራቅ ዞን መሆናቸውን ኃላፊው ተናግረዋል። መስከረም 18/2019 ዓ.ም

18 483

ጠቅላይ ሚኒስትር ዐቢይ አሕመድ (ዶ/ር) ፣ ከመስከረም 18 ቀን 2019 ዓ.ም ጀምሮ ወ/ሮ ጫልቱ ሳኒን የፌዴራል ቤቶች ኮርፖሬሽን ዋና ስራ አስፈጻሚ አድርገው ሾመዋል። መስከረም 18/2019 ዓ.ም

18 483

የአዲስ አበባ ከተማ አስተዳደር ያላግባብ ወደ መሬት ባንክ ገብተዋል የተባሉ ይዞታዎችን ቅሬታ ሊመረምር ነው የአዲስ አበባ ከተማ አስተዳደር መሬት ልማትና አስተዳደር ቢሮ በ2015 ዓ.ም በተካሄደው ከተማ አቀፍ የባዶ ቦታ ልየታና ኦዲት ወቅት ያላግባብ ወደ መሬት ባንክ ገብተዋል ተብለው ቅሬታ የቀረበባቸውን ይዞታዎች መርምሮ ምላሽ የሚሰጥ አሰራር መዘርጋቱን አስታወቀ። በወቅቱ በተካሄደው ዘመቻ 3 ሺህ 744 ሄክታር (10 ሺህ 097 ፕሎት) መሬት ከህገ-ወጦች ተመልሶ ወደ መሬት ባንክ እንዲገባ የተደረገ ሲሆን፣ ስራው በዘመቻ በመከናወኑ ምክንያት ከ250 በላይ ቅሬታዎች መቅረባቸው ተገልጿል። የመሬት ባንክና ጥበቃ ቡድን መሪ አቶ ክብሮም አሰፋ እንደገለጹት፣ የቀረቡትን ቅሬታዎች እንደየይዞታው ሁኔታ አጣርቶ የመጨረሻ ውሳኔ የሚሰጥ ኮሚቴ በሁሉም ክፍለ ከተሞች ተቋቁሟል። የመሬት ዝግጅትና ማስተላለፍ ዘርፍ ምክትል ቢሮ ኃላፊ አቶ ፌኑስ ገላና በበኩላቸው፣ የህዝብና የመንግስት መሬት ከወረራ በሚጠበቅበት ሂደት የህጋዊ ባለቤቶች መብት እንዲከበርና የመልካም አስተዳደር ችግሮች እንዲፈቱ የማስተካከያ ስራው በተቀመጠለት የጊዜ ገደብ እንዲጠናቀቅ አሳስበዋል። መስከረም 18/2019 ዓ.ም

18 483

ጨፌ ኦሮሚያ የክልሉ አስፈጻሚ አካላትን ሹመት አፀደቀ ጨፌ ኦሮሚያ በ7ኛ የጨፌ ሥራ ዘመን 1ኛ ዓመት የመጀመሪያ ጉባኤ የክልሉ አስፈጻሚ አካላትን ሹመት አጽድቋል፡፡ ጨፌው አዲስ በጸደቀው አዋጅ 267/2019 መሰረት ስድስት የምክትል ፕሬዚዳንት ማዕረግ ሹመቶችን ማጽደቁም ነው የተገለጸው፡፡ በዚህም መሰረት፡- 1. አብዱረህማን አብደላ – በምክትል ፕሬዚዳንት ማዕረግ 2. አቶ መስፍን መላኩ – በምክትል ፕሬዚዳንት ማዕረግ 3. ረሻድ ከማል (ዶ/ር) -በምክትል ፕሬዚዳንት ማዕረግ 4. መንግስቱ በቀለ (ዶ/ር) – በምክትል ፕሬዚዳንት ማዕረግ 5. አቶ አህመድ ኢድሪስ – በምክትል ፕሬዚዳንት ማዕረግ 6. አቶ አህመድ ሃጂ- በምክትል ፕሬዚዳንት ማዕረግ7. ቶላ በሪሶ (ዶ/ር) – የክልሉ ፕሬዚዳንት ጽ/ቤት ኃላፊ 8. አቶ ጉዮ ዋሪዮ- የፍትህ ቢሮ ኃላፊ 9. አብዱልአዚዝ ዳውድ (ዶ/ር) – የገንዘብ ቢሮ ኃላፊ 10. አቶ ተስፋዬ ቱሉ – የገቢዎች ቢሮ ኃላፊ 11. አብዲ ዩያ (ዶ/ር) – የእቅድና ልማት ቢሮ ኃላፊ 12. ቡልቶሳ ሂርኮ (ዶ/ር) – የትምህርት ቢሮ ኃላፊ13. ነጻነት ወርቅነህ (ፕ/ር) – የጤና ቢሮ ኃላፊ 14. አቶ ተሾመ ቦጋለ-የግብርና ቢሮ ኃላፊ 15. ነመራ ገበየሁ (ዶ/ር) – የማዕድንና ኢነርጂ ልማት ቢሮ ኃላፊ 16. አቶ ታረቀኝ ቡልልታ- የኢንተርፕራይዝና አንዱስትሪ ቢሮ ኃላፊ 17. አደሬ አሰፋ (ዶ/ር) – የንግድና ኢንቨስትመንት ቢሮ ኃላፊ 18. ወ/ሮ መሰረት አሰፋ – የመሬት ቢሮ ኃላፊ19. ወ/ሮ ሰዓዳ አብዱረህማን- የሴቶችና ማህበራዊ ቢሮ ኃላፊ 20. አቶ ጥላሁን ወርቁ- የከተማ ልማት ቢሮ ኃላፊ 21. አያንቱ ጉተታ (ዶ/ር) – የፈጠራና ቴክኖሎጂ ቢሮ ኃላፊ 22. ወ/ሮ እልዳና ሱሌማን- የቱሪዝም ቢሮ ኃላፊ 23. አቶ ቲጃኒ ናስር- የሰላም ቢሮ ኃላፊ 24. ወ/ሮ ሮዛ ቢያ- የባህልና ስፖርት ቢሮ ኃላፊ25. ግርማ ረጋሳ (ኢ/ር) – የመስኖና አርብቶ አደር ቢሮ ኃላፊ 26. ኢንጂነር ሃቢብ ቁምቢ (ኢ/ር) – የመንገድና ሎጂስቲክስ ቢሮ ኃላፊ፤ እንዲሁም 27. ማሪያ ጉታ (ኢ/ር) – የውሃ ቢሮ ኃላፊ በመሆን ተሹመዋል፡፡ መስከረም 18/2019 ዓ.ም

18 483

የአስገድዶ ልመና ወንጀልን ለመቅጣት የተሟላ ህግ ቢኖርም የአፈፃፀሙ አቅም ማነስ እክል ሆኗል ተባለ በኢትዮጵያ አስገድዶ ልመናን ለመከላከልና ወንጀለኞችን ለመቅጣት የሚያስችል ጠንካራና ዘመናዊ የህግ ማዕቀፍ ቢኖርም፣ ዋነኛው ችግር የህግ ክፍተት ሳይሆን የተቋማት የአፈፃፀም አቅም ውስንነት መሆኑ ተገለፀ። የኢትዮጵያ የሕግ ባለሙያዎች ማኅበር ባለሙያ የሆኑት አቶ ጌቱ አስነቃው ከጣቢያችን ጋር ባደረጉት ቆይታ እንደገለፁት፤ የወጣው አዋጅ እጅግ ጠንካራና አስገድዶ ልመናና ከህገወጥ የሰዎች ዝውውር ወንጀል ጋር በማስተሳሰር ጥብቅ ተጠያቂነትን የሚያሰፍን ነው ብለዋል። ይህ የህግ ማዕቀፍ ዋና ወንጀለኞችን ብቻ ሳይሆን ወንጀሉ እንዲፈፀም ትብብር ያደረጉትን ሁሉ ተጠያቂ የሚያደርግ ነው ተብሏዋል። ህፃናቱ አስገድዶ ለማስለመን መዋላቸውን እያወቁ የመጓጓዣ አገልግሎት የሚሰጡ አሽከርካሪዎችን፣ መኖሪያ ቤት የሚያከራዩ አከራዮችን እና መረጃ የሚደብቁ ግብረ-አበሮችን ጭምር በወንጀሉ ተካፋይ አድርጎ የሚያስቀጣ ሲሆን፤ የቅጣት መጠኑም ከሰባት ዓመት ፅኑ እስራት ጀምሮ እስከ እድሜ ልክ የሚደርስ ከባድ ቅጣትን ያስቀምጣል። ሆኖም ህጉ ይህን ያህል የጠነከረ ቢሆንም በመሬት ላይ ወርዶ ወንጀለኞችን በቁጥጥር ስር በማዋል በኩል ከፍተኛ የአፈፃፀም ማነቆዎች እንዳሉ ተጠቁሟል። የፖሊስና የፍትህ አካላት ወንጀሉን በተገቢው መንገድ መርምረው ለፍርድ ለማቅረብ የበጀት፣ የትራንስፖርት፣ የሰለጠነ የሰው ኃይል እጥረት ያለባቸው ከመሆኑም በላይ የተደራጀ ማስረጃ አሰባስቦ ጥፋተኞችን በፍርድ ቤት ለማስቀጣት የሚደረገው ጥረት ከፍተኛ አቅምን የሚጠይቅ መሆኑ ተብራርቷል። ባለፉት ስድስት ወራት በአዲስ አበባ አውቶቡስ ተራ አካባቢ በተደረገ የሙከራ ስራ አራት የክስ መዝገቦች ተዘጋጅተው ፍርድ ቤት መድረሳቸውን የጠቆሙት የህግ ባለሙያው፤ ይህን ተግባር ወደ ሌሎች ከተሞች ለማስፋፋት መንግስት ለህግ አስከባሪ አካላት ተገቢውን የፋይናንስና የቁሳቁስ ድጋፍ እንዲያጠናክር አሳስበዋል። ሊዲያ ደሳለኝ መስከረም 18/2019 ዓ.ም

18 483

የአሜሪካና ቻይና የ30 ቢሊየን ዶላር የታሪፍ ቅነሳ ስምምነት ዝርዝር ይፋ ተደረገ አሜሪካ ቀደም ሲል ከቻይና ጋር የተደረሰውን እና ከሁለቱም ሀገራት 30 ቢሊየን ዶላር የሚያወጡ የገቢ ምርቶችን የሚሸፍን የታሪፍ ማሻሻያ ስምምነት ዝርዝር ይፋ አደረገች። በዚህ ስምምነት መሠረት ከ90 በመቶ በላይ የሚሆኑት ምርቶች አብላጫ ፈቃድ የተሰጣት ሀገር የታሪፍ ምጣኔ ተጠቃሚ ትሆናለች። የቻይና ንግድ ሚኒስቴር እንዳስታወቀው፤ ይህ ስምምነት ከመስከረም 20 እስከ 23 በኒውዮርክ እና ዋሽንግተን በሁለቱ ሀገራት የኢኮኖሚና ንግድ ልዑካን መካከል ከተካሄዱት ውይይቶች ከተገኙ ውጤቶች መካከል ነው። ሁለቱም ሀገራት በየሀገሮቻቸው ሕግ መሠረት አስፈላጊ የሆኑ ሂደቶችን ካጠናቀቁ በኋላ የታሪፍ ቅነሳውን በጋራና በሰዓቱ ተግባራዊ እንደሚያደርጉ ሚኒስቴሩ ገልጿል። የአሜሪካ የንግድ ተወካይ ጄሚሰን ግሪር እንደተናገሩት፤ ‹‹የትራምፕ አስተዳደር በግብርና እና የኃይል ምርቶች ግዥ የተገቡ ቃሎች መከበራቸውን በማረጋገጥ ስትራቴጂካዊ ባልሆኑ ምርቶች ላይ ሚዛናዊ ንግድን በመከተል እንዲሁም ለአሜሪካ ገበሬዎች፣ አምራቾች እና ሰራተኞች የገበያ ዕድል በማመቻቸት ፍትሃዊ እና ሚዛናዊ የንግድ ግንኙነትን ያጠናክራል።›› በተጨማሪም ሁለቱ ሀገራት በንግድ ምክክር ማዕቀፋቸው ስር የሁለትዮሽ ንግድ ምክር ቤት ለመመስረት የተስማሙ ሲሆን፤ዋና ዓላማውም የሁለትዮሽ ንግድን ማሳለጥ ነው። በአሜሪካ የከሰል ድንጋይ ወጪ ንግድ ላይ የተጣለው ታሪፍ በዚህ የ30 ቢሊየን ዶላር የጋራ ቅነሳ ማዕቀፍ ውስጥ የተካተተ ሲሆን፤ይህም በ2027 እና 2028 ቻይና ከአሜሪካ የምታስገባውን የከሰል ድንጋይ መጠን ለማሳደግ እንደሚረዳ ተገልጿል። ሁለቱ ሀገራት የኢንቨስትመንት ምክር ቤት እና በቻይና ንግድ ሚኒስቴርና በአሜሪካ የንግድ ተወካይ ቢሮ በጋራ የሚመራ የግብርና የሥራ ቡድን ለማቋቋም ተስማምተዋል። የግብርና የሥራ ቡድኑ የመጀመሪያ ስብሰባውን ከ2026 ማጠናቀቂያ በፊት ያካሂዳል ተብሎ ይጠበቃል። ሀና ሰይፉ መስከረም 18/2019 ዓ.ም

18 483

የናይል ተፋሰስ ኮሚሽን ወደ ስራ እንዳይገባ ግብፅ ተፅዕኖ እያሳደረች መሆኑ ተገለፀ የናይል ተፋሰስ ሀገራት የትብብር ማዕቀፍ ስምምነት(CFA) አስራ አንድ ሀገሮችን ያስተሳሰረውን የናይል ተፋሰስ በፍትሃዊነት ለመምራት መፅደቁ ይታወሳል። ስምምነቱ ወደ ተግባር ተሸጋግሯል መባሉን ተከትሎ የሚቋቋመው አስፈፃሚው የናይል ተፋሰስ ኮሚሽን ግን እስካሁን ወደ ስራ መግባት አልቻለም። ከኢትዮ ኤፍ ኤም ጋር ቆይታ ያደረጉት በዉሃ እና ኢነርጂ ሚኒስቴር የሚኒስትሩ አማሪካ ዶ/ር ዘበነ ላቀዉ፤ የናይል ቤዚን ኢኒሼቲቭ የኮምሽንነት የሽግግር ጊዜ ላይ መገኘቱን ገልፀዋል። ኢንሼቲቩ በፈረንጆች 1999 ስምምነት እስኪደረስ ድረስ የተቋቋመ የመሸጋገሪያ ተቋም ነበር ያሉት ዶ/ር ዘበነ፤ የናይል ተፋሰስ ሀገራት የትብብር ማዕቀፍ ስምምነት መፅደቁን ተከትሎ ኮሚሽን መቋቋሙን ገልፀዋል። ኮሚሽኑን ወደ ስራ ለማስገባት ቀሪ የሽግግር ስራዎች መኖራቸዉን የገለፁት አማካሪዉ፤ በሌላ በኩል ግን ኮሚሽኑ ወደ ስራ ላለመግባቱ ግብፅ ተፅዕኖ አላት ብለዋል። ዶ/ር ዘበነ እንደሚሉት፤ግብፅ አንዳንድ የተፋሰሱ ሀገራትን በመያዝ የምታደርገው እንቅስቃሴ ኮሚሽኑ ስራ ላለመጀመሩ ትልቅ ቦታ አለዉ ብለዋል። የናይል ተፋሰስ ኮሚሽንን ወደ ስራ ለማስገባት የናይል ተፋሰስ ሀገራት የትብብር ማዕቀፍ ስምምነት ፈራሚ ሀገራት አጥብቀዉ መስራት አለባቸዉ ሲሉ ዶ/ር ዘበነ ገልፀዋል። ግብፅ እስካሁን ስምምነቱን ተቀብለው ካለፀደቁት ሀገራት ዉስጥ ትገኝበታለች። ቁምነገር አየለ መስከረም 18/2019 ዓ.ም

18 483

"እኛ አሸናፊ ትውልድ ነን፤ የተገኘውን ድል አፅንተን የበለፀገች ኦሮሚያን ለመገንባት በቁርጠኝነት እንሰራለን" — ርዕሰ መስተዳድር ሽመልስ አብዲሳ የኦሮሚያ ክልል ርዕሰ መስተዳድር አቶ ሽመልስ አብዲሳ "እኛ አሸናፊ ትውልድ ነን፤ ከፊታችን ያሉትን ውስብስብ ፈተናዎች በድል በመወጣት የበለፀገችና ራሷን የቻለች ኦሮሚያን እውን ለማድረግ በቁርጠኝነት መስራት አለብን" ሲሉ አስገነዘቡ። ርዕሰ መስተዳድሩ የተሰጣቸውን ከፍተኛ የህዝብ አደራ ተቀብለው ባደረጉት ንግግር፤ ህዝቡ ላሳየው አመኔታ ምስጋና በማቅረብ የተጣለባቸውን ታሪካዊ ኃላፊነት በተሟላ ብቃትና ቁርጠኝነት ለመወጣት ቃል ገብተዋል። አቶ ሽመልስ በንግግራቸው፤ የኦሮሞ ህዝብ ለማንነቱ፣ ለነፃነቱ፣ ለባህሉና ለማህበራዊ እሴቶቹ መከበር እጅግ ውድ የሆነ መስዋዕትነት መክፈሉን አስታውሰዋል። ሆኖም ግን "የተገኘውን ድል ጠብቆ ማቆየት ብቻ በቂ አይደለም" ያሉት ርዕሰ መስተዳድሩ፤ድሎችን አፅንቶ በሁሉም መስክ የበለፀገች ኦሮሚያን የመገንባት ድርብ ታሪካዊ ግዴታ በትውልዱ ጫንቃ ላይ መሆኑን አፅንኦት ሰጥተው ተናግረዋል። ያለፉትን አስቸጋሪና ፈታኝ ምዕራፎች በፅናት ማለፋቸውን የገለጹት አቶ ሽመልስ፤ ወደፊትም ቢሆን የሚገጥሙን ፈተናዎች ቀላል እንዳልሆኑና ከፊታችን ያለው ትግል እጅግ ውስብስብ መሆኑን ጠቁመዋል። እነዚህን እንቅፋቶች ተሻግሮ አሸናፊ ለመሆን ደግሞ የማይናወጥ ቁርጠኝነት እንደሚያስፈልግ አስረድተዋል። ርዕሰ መስተዳድሩ አክለውም "እኛ አሸናፊ ትውልድ በመሆናችን የህዝባችንን ብሩህ ተስፋና እጣፈንታ ለመወሰን በእውቀት፣ በክህሎትና በከፍተኛ አቅም ላይ ተመስርተን መስራት አለብን" ያሉ ሲሆን፤ የቀደመው ታሪካዊ ዓላማችን አንድነታችንን ይበልጥ የሚያጠናክርና አብሮነታችንን የሚያፀና ሊሆን እንደሚገባ ጥሪያቸውን አስተላልፈዋል። በመጨረሻም፣ ከፊታቸው የሚጠብቃቸው ተልዕኮ እጅግ ግዙፍ መሆኑን የገለጹት አቶ ሽመልስ አብዲሳ፤ በልፋትና በፅናት የተገኙ ስኬቶችን ይበልጥ ለማስቀጠልና የተያዘውን ራስን የመቻል ግብ ዳር ለማድረስ፣ በየዓመቱ አዳዲስ ድሎችን በስራ እያስመዘገቡ መጓዝ የግድ መሆኑን አሳስበዋል። ልዑል ወልዴ መስከረም 18/2019 ዓ.ም

18 483

ለአደጋ ስጋት ምላሽ ፈንድ በስድስት ወራት ውስጥ ከ15.5 ቢሊዮን ብር በላይ ተሰበሰበ ተባለ 4.9 ቢሊዮን ብሩ ለአስቸኳይ እህል ግዢ እንደተመደበም ተገልጿል በኢትዮጵያ የአደጋ ስጋት ምላሽ ፈንድ በስድስት ወራት ጊዜ ውስጥ ብቻ ከ15.5 ቢሊዮን ብር በላይ መሰብሰብ መቻሉን የአደጋ ስጋት ሥራ አመራር ኮሚሽን አስታወቀ። በኮሚሽኑ የሰብአዊ ድጋፍ በራስ አቅም ማስተባበሪያ መሪ ሥራ አስፈጻሚ አቶ አሻግሬ ተሾመ እንደገለጹት፤ ፈንዱ የተሰበሰበው መላው ሕዝብ በተሳተፈበት አሰራር ሲሆን፣ ዜጎች በባንክ የገንዘብ ዝውውር ከሚያደርጓቸው ጥቃቅን የሳንቲም መዋጮዎች ጭምር የተገኘ ነው። አቶ አሻግሬ አክለውም ከተሰበሰበው 15.5 ቢሊዮን ብር ውስጥ የፈንዱ ቦርድ ባሳለፈው ውሳኔ 4.9 ቢሊዮን ብሩ ለአደጋ ጊዜ የምግብ እህል ግዢ እንዲውል መመደቡን አስታውቀዋል። ይህ አሰራር አገሪቱ ከውጭ እርዳታ ጥገኝነት ተላቃ በራስ አቅም ፈጣን የአደጋ ምላሽ ለመስጠት የሚያስችላትን አቅም የፈጠረ መሆኑንም ገልጸዋል። አዲስዓለም አበበ መስከረም 18/2019 ዓ.ም.

18 483

የከፍተኛ ትምህርት አገልግሎት ለመስጠት ፍቃድ ያላገኙ ተቋማት ማስታወቂያ ከማስነገር እንዲቆጠቡ ባለስልጣኑ ማስጠንቀቂያ ሰጠ የትምህርት ስልጠና ባለስልጣን ማንኛውም ተቋም በካምፓስ፣ በመርሀ ግብር ወይም በትምህርት መስክ ከባለሥልጣኑ የከፍተኛ ትምህርት አገልግሎት ለመስጠት ፈቃድ ሳያገኝ ማንኛውንም ማስታወቂያ መስራትና ማሰራጨት የተከለከለ መሆኑን ተናግሯል። ባለስልጣኑ እንደገለፀዉ በከፍተኛ እና ቴክኒክና ሙያ ትምህርት ስልጠና ተቋማት የክትትልና ቁጥጥር መመሪያ 987/2016 መሠረት አሳሳች ማስታወቂያ የሚያሰራጭ ተቋምን እስከመዝጋት የሚያደርስ እርምጃ እንደሚያደርስ አስቀምጧል። ተቋሙ ማስታወቂያውን ባስነገረበት መንገድ ማስተካከያ አድርጎ በአንድ ወር ውስጥ ለህዝብ ይፋ በማድረግ ለባለሥልጣኑ ሪፖርት እንዲያደርግ የሚያዘዉ መመሪያዉ የመጨረሻ የጽሁፍ ማስጠንቀቂያም እንደሚሰጠዉ ገልፆል። የተሳሳተ ማስታወቂያ ባስነገረበት ካምፓስ፣መርሀ- ግብር ወይም የትምህርት መስክ ለ2 ዓመታት የከፍተኛ ትምህርት አገልግሎትእንዳይሰጥ ተቋሙ ቅጣት ይጣልበታል ተብሏል። እነዚህን አስተዳደራዊ እርምጃዎች የተላለፈ ተቋም የተሳሳተ ማስታወቂያ ባስነገረበት ካምፓስ ወይም መርሀ-ግብር ወይም የትምህርት መስክ እንዲዘጋ ይደረጋል ሲል ባለስልጣኑ ያወጣዉ መረጃ ጠቁሟል። ቁምነገር አየለ መስከረም 18/2019 ዓ.ም