ar
Feedback

لا تقع ضحية للمخادعين! تيليمتريو يكتشف ويُميّز هذه القنوات 👉 إذا كنت تريد رؤية العلامة، اشترك

Ethio Fm 107.8

Ethio Fm 107.8

الذهاب إلى القناة على Telegram

በፍቅር ላይ የተመሰረተ ኢትዮጵያዊነት እንዳይላላ ከልቡ የሚተጋ፣ መከባበርና መተሳሰብን የሚያስቀድም ኤፍ ኤም ሬዲዮ ነው!!!

إظهار المزيد

📈 نظرة تحليلية على قناة تيليجرام Ethio Fm 107.8

تُعد قناة Ethio Fm 107.8 (@ethiofm107dot8) في القطاع اللغوي الأمهرية لاعباً نشطاً. يضم المجتمع حالياً 18 381 مشتركاً، محتلاً المرتبة 12 172 في فئة الأخبار والوسائط والمرتبة 1 969 في منطقة إثيوبيا.

📊 مؤشرات الجمهور والحراك

منذ تأسيسه في невідомо، حقق المشروع نمواً سريعاً وجمع 18 381 مشتركاً.

بحسب آخر البيانات بتاريخ 19 نوفمبر, 2026، تحافظ القناة على نشاط مستقر. خلال آخر 30 يوماً تغيّر عدد الأعضاء بمقدار -26، وفي آخر 24 ساعة بمقدار -15، مع بقاء الوصول العام مرتفعاً.

  • حالة التحقق: غير موثّقة
  • معدل التفاعل (ER): يبلغ متوسط تفاعل الجمهور 8.74‎%. وخلال أول 24 ساعة من النشر يحصد المحتوى عادةً 6.45‎% من ردود الفعل نسبةً إلى إجمالي المشتركين.
  • وصول المنشورات: يحصل كل منشور على متوسط 1 607 مشاهدة. وخلال اليوم الأول يجمع عادةً 1 187 مشاهدة.
  • التفاعلات والاستجابة: يتفاعل الجمهور بانتظام؛ متوسط التفاعلات لكل منشور يبلغ 3.

📝 الوصف وسياسة المحتوى

يصف المؤلف القناة بأنها مساحة للتعبير عن الآراء الذاتية:
“በፍቅር ላይ የተመሰረተ ኢትዮጵያዊነት እንዳይላላ ከልቡ የሚተጋ፣ መከባበርና መተሳሰብን የሚያስቀድም ኤፍ ኤም ሬዲዮ ነው!!!”

بفضل وتيرة التحديث المرتفعة (أحدث البيانات بتاريخ 20 نوفمبر, 2026) تحافظ القناة على حداثتها ومستوى وصول مرتفع. وتُظهر التحليلات تفاعلاً نشطاً من الجمهور، ما يجعلها نقطة تأثير مهمة ضمن فئة الأخبار والوسائط.

18 381
المشتركون
-1524 ساعات
-477 أيام
-2630 أيام
أرشيف المشاركات
የሞሐመድ ቢን ዛይድ የሰብዓዊነት ፋውንዴሽን በአፍሪካ የተንቀሳቃሽ የዓይን ሕክምና አገልግሎት መርሃ ግብር አስጀመረ።   የተባበሩት የአረብ ኤምሬቶች የሞሐመድ ቢን ዛይድ የሰብዓዊነት ፋውንዴሽን፣ በአፍሪካ ገጠር አካባቢዎች ለሚኖሩ ሰዎች የዓይን ሕክምና አገልግሎትን በቀላሉ ለማድረስ የተንቀሳቃሽ የዓይን ሕክምና ክሊኒኮችን የማቋቋም መርሃ ግብር አስጀምሯል።   መርሃ ግብሩ በመጀመሪያ ደረጃ በሞሮኮና ሞዛምቢክ የሚጀምር ሲሆን፣ ከሁለቱም አገራት የጤና ሚኒስቴሮች ጋር በመተባበር ይተገበራል። በቀጣይም ወደ ሌሎች አገራት እንዲስፋፋ ታቅዷል።   በመርሃ ግብሩ የዓይን ምርመራ፣ የበሽታ ምርመራና ሕክምና፣ የመነጽር አቅርቦት እንዲሁም የዓይን ሞራ ግርዶሽ ቀዶ ሕክምና ድጋፍ ይሰጣል። በመጀመሪያዎቹ ስድስት ወራት በሁለቱ አገራት ወደ 15 ሺህ የሚጠጉ ሰዎች ከአገልግሎቱ ተጠቃሚ እንደሚሆኑ ይጠበቃል።   አገልግሎቱ ከአገራቱ ነባር የጤና ሥርዓት ጋር ተቀናጅቶ የሚሠራ ሲሆን፣ የተለየ የሕክምና እገዛ የሚያስፈልጋቸው ታካሚዎች ወደ ተገቢው የመንግሥት ጤና ተቋም ይላካሉ።   እንደ መረጃው ከሆነ፣ በዓለም ዙሪያ ቢያንስ 2 ነጥብ 2 ቢሊዮን ሰዎች የዓይን የማየት ችግር ያለባቸው ሲሆን፣ ከእነዚህ ውስጥ ቢያንስ አንድ ቢሊዮን የሚሆኑት ችግራቸው በተገቢው የዓይን ሕክምና ሊከላከል ወይም ሊታከም የሚችል ነው።   በተጨማሪም እስከ 90 በመቶ የሚደርሱ የማየት ችግሮች በተገቢው የዓይን ሕክምና መከላከል ወይም ማከም እንደሚቻል ተገልጿል።   የፋውንዴሽኑ ዋና ዳይሬክተር ዶክተር ሻማ ካሊፋ አል ማዝሩኢ፣ የዓይን ሕክምና ሰዎች ጤናቸውን ከመጠበቅ ባለፈ የትምህርት፣ የሥራና የኑሮ ዕድላቸውን እንደሚያሳድግ ገልጸዋል። በሞሮኮ የዓይን ሞራ ግርዶሽ ቀዶ ሕክምና በተንቀሳቃሽ የቀዶ ሕክምና ክፍል እንደሚሰጥም ተጠቁሟል።   ኀዳር 11 ቀን 20 ዓ.ም
20 نوفمبر, 12:53

photo content
+2
20 نوفمبر, 12:53

የሞሐመድ ቢን ዛይድ የሰብዓዊነት ፋውንዴሽን በአፍሪካ የተንቀሳቃሽ የዓይን ሕክምና አገልግሎት መርሃ ግብር አስጀመረ። የተባበሩት የአረብ ኤምሬቶች የሞሐመድ ቢን ዛይድ የሰብዓዊነት ፋውንዴሽን፣ በአፍሪ
+2
የሞሐመድ ቢን ዛይድ የሰብዓዊነት ፋውንዴሽን በአፍሪካ የተንቀሳቃሽ የዓይን ሕክምና አገልግሎት መርሃ ግብር አስጀመረ።   የተባበሩት የአረብ ኤምሬቶች የሞሐመድ ቢን ዛይድ የሰብዓዊነት ፋውንዴሽን፣ በአፍሪካ ገጠር አካባቢዎች ለሚኖሩ ሰዎች የዓይን ሕክምና አገልግሎትን በቀላሉ ለማድረስ የተንቀሳቃሽ የዓይን ሕክምና ክሊኒኮችን የማቋቋም መርሃ ግብር አስጀምሯል።   መርሃ ግብሩ በመጀመሪያ ደረጃ በሞሮኮና ሞዛምቢክ የሚጀምር ሲሆን፣ ከሁለቱም አገራት የጤና ሚኒስቴሮች ጋር በመተባበር ይተገበራል። በቀጣይም ወደ ሌሎች አገራት እንዲስፋፋ ታቅዷል።   በመርሃ ግብሩ የዓይን ምርመራ፣ የበሽታ ምርመራና ሕክምና፣ የመነጽር አቅርቦት እንዲሁም የዓይን ሞራ ግርዶሽ ቀዶ ሕክምና ድጋፍ ይሰጣል። በመጀመሪያዎቹ ስድስት ወራት በሁለቱ አገራት ወደ 15 ሺህ የሚጠጉ ሰዎች ከአገልግሎቱ ተጠቃሚ እንደሚሆኑ ይጠበቃል።   አገልግሎቱ ከአገራቱ ነባር የጤና ሥርዓት ጋር ተቀናጅቶ የሚሠራ ሲሆን፣ የተለየ የሕክምና እገዛ የሚያስፈልጋቸው ታካሚዎች ወደ ተገቢው የመንግሥት ጤና ተቋም ይላካሉ።   እንደ መረጃው ከሆነ፣ በዓለም ዙሪያ ቢያንስ 2 ነጥብ 2 ቢሊዮን ሰዎች የዓይን የማየት ችግር ያለባቸው ሲሆን፣ ከእነዚህ ውስጥ ቢያንስ አንድ ቢሊዮን የሚሆኑት ችግራቸው በተገቢው የዓይን ሕክምና ሊከላከል ወይም ሊታከም የሚችል ነው።   በተጨማሪም እስከ 90 በመቶ የሚደርሱ የማየት ችግሮች በተገቢው የዓይን ሕክምና መከላከል ወይም ማከም እንደሚቻል ተገልጿል።   የፋውንዴሽኑ ዋና ዳይሬክተር ዶክተር ሻማ ካሊፋ አል ማዝሩኢ፣ የዓይን ሕክምና ሰዎች ጤናቸውን ከመጠበቅ ባለፈ የትምህርት፣ የሥራና የኑሮ ዕድላቸውን እንደሚያሳድግ ገልጸዋል።   በሞሮኮ የዓይን ሞራ ግርዶሽ ቀዶ ሕክምና በተንቀሳቃሽ የቀዶ ሕክምና ክፍል እንደሚሰጥም ተጠቁሟል።   ኀዳር 11 ቀን 20
20 نوفمبر, 12:42
20 نوفمبر, ~12:52

የሆርሞን መዛባት ሊፈጥሩ የሚችሉ የፀረ ተባይ መድሀኒቶች ተፅዕኖ አሳሳቢ እየሆነ መምጣቱ ተገለፀ ይህ እያደገ የመጣ አሳሳቢ የግብርና ኬሚካል የኢንዶክራይን (የሆርሞን ሥርዓት) አስተጓጓዮች የሚባሉ ኬሚካሎች እንደሆኑ ተገልጿል። በግብርና ኬሚካሎች አጠቃቀም ዙሪያ ትኩረቱን ባደረገዉ ዉይይት ላይ ምሁራዊ ገለፃ ያደረጉት በአዲስ አበባ ዩንቨርሲቲ የአካባቢያዊ ኬሚካል ብክለት ዙሪያ ሳይንሳዊ ጥናት ያደረጉት መምህር እና ተመራማሪዉ ፕሮፌሰር አህመድ ሁሴን ይሄንን አብራርተዋል። ኘሮፌሰር አህመድ ሁሴን አሁን ላይ እንደ አዲስ የመጣ አሳሳቢ ጉዳይ መሆኑን ገልፀዉ የሆርሞን ትክክለኛ አሰራር የማስተጓጓል ተፅዕኖ እንዳለዉ ያስረዳሉ። በተለይ ‹‹ኦርጋኖክሎሪን››ፀረ-ተባይ መድኃኒቶች ለዚህ ተጠቃሽ ነዉ ያሉት ኘሮፌሰር አህመድ ‹‹ዲዲቲ ኢስትሮጅን›› የሴት ሆርሞን ባሕርይ ያለው ሲሆን፤ ኢስትሮጅን የሚባለውን ሆርሞን ያነቃቃል። በአንጻሩ የዲዲቲ ኬሚካል በሰዉና በእንስሳት ሰዉነት ዉስጥ ሲፈርስ ‹‹ዲዲኢ›› የተሰኘ ተረፈ ምርት የሚፈጥር እንደሆነ ያነሳሉ፤ ይህ የመፈራረስ ውጤት ከዋናው ኬሚካል እጅግ በጣም የከፋ መሆኑን ጠቅሰዋል። ይህ ‹‹ዲዲኢ›› የተሰኘዉ ተረፈ ምርት ፀረ-አንድሮጅን ወይም የወንድ ሆርሞንን የመቃወም ተፅዕኖ እንዳለዉ ይገለፃል። ኘሮፌሰር አህመድ ሁሴን የወንድ ፅንስ ለእነዚህ ኬሚካሎች ተፅዕኖ የሚጋለጥ እንደሆነ ያስረዳሉ። የኬሚካሉ ተፅዕኖ በእርግዝናው የመጀመሪያ አጋማሽ ወራት ውስጥ ያለ ሕፃን ያልተስተካከሉ የመራቢያ አካላት የመፈጠር እና ሴታዊ ባሕርይ የመያዝ ከፍተኛ አደጋ ሊያጋጥመው ይችላል ተብሎ ይታሰባል ይላሉ። በህፃናት ቅድመ እድገት ወቅት ለዚህ አይነት የኬሚካሉ ተፅዕኖ በጡት መጥባትም ይሁን በተለያየ መንገድ ሊያጋልጥ እንደሚችል ተነስቷል። ይሄ ሴታዊ ባሕርይ የመያዝ ሁኔታ በጉልምስና ዕድሜ ላይ በተለያየ ነገር ይገለጻል የሚሉት ባለሙያዉ፤‹‹የወንድ የዘር ምርቱ ሊቀንስ ይችላል ወይም ለተቃራኒ ፆታ ያለው ፍላጎት ሊቀንስ ይችላል››ብለዋል። ከዚህ ባለፈ መካንነትም ሊያመጣ እንደሚችልም ጠቁመዋል። ኘሮፌሰር አህመድ በገለፃቸዉ እርሳቸዉ የተሳተፉባቸዉን ጥናቶች ያጣቀሱ ሲሆን፤እነዚህ ኬሚካሎች ዛሬም መኖራቸዉን አስረድተዋል። ኘሮፌሰር አህመድ ሁሴን ሲገልፁ፤‹‹በጣም የከፋው ነገር ደግሞ የእነዚህን ኬሚካሎች ተፅዕኖ በአጭር ጊዜ ልናየው አንችልም። ይሄን ለውጥ ለማየት ሃያ ሰላሳ ዓመት ይፈጃል››ብለዋል በኢትዮጵያ በጊዜ ሂደት የግብርና ኬሚካል ብክነት ለዉጦች እንደሚኖሩ ለማየት የሚያስችል ላብራቶሪ በብሄራዊ ደረጃ ሊሰራ የሚገባዉ ተቋም መመስረት እንደሚያስፈልግ ተናግረዋል። ቁምነገር አየለ ህዳር 11 ቀን 2019 ዓ.ም
20 نوفمبر, 09:52

photo content
+1
20 نوفمبر, 09:52

አሜሪካ ዩክሬን ግዛቷን አሳልፋ ከሰጠች የኔቶ አባል ልትሆን የምትችልበትን ዕድል መኖሩን መናገሯ ተዘገበ ሩሲያ የዩክሬንን የኔቶ አባልነት ፍላጎት መቃወሟን በቀጠለችበት በዚህ ወቅት፤ ዋሽንግተን የጸጥታ ዋስትናን እና በዶንባስ የሚገኝ ግዛትን ያካተቱ 2 የሰላም ሃሳቦችን እያጤነች መሆኑ ተነግሯል። አሜሪካ በቅርቡ በተካሄዱ የሰላም ድርድሮች ወቅት፤ዩክሬን ለሩሲያ የግዛት ይገባኛል ጥያቄዎችን አሳልፋ በመስጠት የኔቶ አባል ልትሆን የምትችልበትን ዕድል ማንሳቷን ዎል ስትሪት ጆርናል ዘግቧል። እንደ ዘገባው ከሆነ፤ሃሳቡ የአሜሪካው ፕሬዝዳንት ዶናልድ ትራምፕ ልዩ መልዕክተኛ ስቲቭ ዊትኮፍ፣ የልጃቸው ባለቤት ጃሬድ ኩሽነር፣ እንዲሁም የዩክሬን እና የአውሮፓ ባለስልጣናት በተሳተፉባቸው በርካታ ዝግ ስብሰባዎች ላይ ዉይይት ተደርጎበታል፡፡ ኩሽነር ባለፈው ሳምንት በደብሊን በሚገኝ ወታደራዊ አውሮፕላን ማረፊያ ከዩክሬኑ ፕሬዝዳንት ቮሎዲሚር ዜሌንስኪ እና ከአውሮፓ ባለስልጣናት ጋር ባደረጉት ውይይት ይህንኑ ሃሳብ እንዳነሱ ተዘግቧል። ሃሳቡ በተባበሩት አረብ ኤምሬትስ በተካሄዱ የተናጠል ድርድሮች ወቅትም መነሳቱን ጋዜጣው ገልጿል። በድርድሩ የተሳተፉ ሰዎችን ጠቅሶ ዎል ስትሪት ጆርናል እንደዘገበው፤ዋሽንግተን ጦርነቱን ለማስቆም ያለሙ ሁለት ሊሆኑ የሚችሉ ስምምነቶችን እያጤነች ነው። በመጀመሪያው ሃሳብ መሠረት፤ዩክሬን ሙሉ የኔቶ አባልነትን በማግኘት ምትክ፣ በምስራቅ ዶንባስ አካባቢ አሁንም በቁጥጥሯ ስር ያለውን ግዛት አሳልፋ ትሰጣለች። ሁለተኛው አማራጭ ደግሞ፤ግጭቱን አሁን ባለበት የጦር ግንባር መስመር እንዲቆም በማድረግ፣ የዶንባስን ከፊል ግዛት በዩክሬን ቁጥጥር ስር እንዲቆይ ያደርጋል። በምላሹም ኪቭ ከአሜሪካ እና ምናልባትም ከአውሮፓ አጋሮቿ ጋር በሚደረግ ዓለም አቀፍ ስምምነት የጸጥታ ዋስትና ታገኛለች። አንድ የአሜሪካ ባለስልጣን ለጋዜጣው እንደተናገሩት፤ተደራዳሪዎች በርካታ ሃሳቦችን እያጤኑ ሲሆን፤ማንኛውም የመጨረሻ ስምምነት የሞስኮንም ሆነ የኪቭን ይሁንታ ይጠይቃል። ትራምፕ ከዚህ ቀደም የሩሲያን ተቃውሞ እና ከሞስኮ ጋር ያለው ውጥረት ሊባባስ ይችላል የሚል ስጋት በመጥቀስ የዩክሬንን የኔቶ አባልነት ውድቅ አድርገውት ስለነበር እነዚህ ውይይቶች በዋሽንግተን አቋም ላይ ለውጥ መኖሩን የሚያመላክቱ ሊሆኑ ይችላሉ። ሩሲያ ዩክሬን ኔቶን ለመቀላቀል ያላትን ፍላጎት መቃወሟን ቀጥላለች። ባለፈው ሳምንት በአቡዳቢ በተካሄደው ድርድር ወቅት፣ የሩሲያ ተወካዮች ኪቭ የኔቶ አባል የመሆን ፍላጎቷን ከሕገ-መንግሥቷ ውስጥ በማውጣት በይፋ እንድትተው መጠየቃቸው ተዘግቧል። እንደ ዘገባው ከሆነ፤ ሞስኮ ኔቶ በዩክሬን ውስጥ ወታደሮችን እና ወታደራዊ መሳሪያዎችን ከማሰማራት እንዲቆጠብም ጠይቃለች። እስከዳር ግርማ ህዳር 11 ቀን 2019 ዓ.ም
20 نوفمبر, 08:28

photo content
20 نوفمبر, 08:28

የረጲ የቆሻሻ ኃይል ማመንጫ ጣቢያን ወደ ሙሉ ሥራ ለመመለስ የዕድሳት ሥራዎች እየተከናወኑ ነው በሦስት ወራት ብቻ 29 ሚሊዮን ብር ገቢ ያስገኘውን የረጲ ከደረቅ ቆሻሻ ኃይል የማመንጫ ጣቢያ ወደ ሙሉ
+3
የረጲ የቆሻሻ ኃይል ማመንጫ ጣቢያን ወደ ሙሉ ሥራ ለመመለስ የዕድሳት ሥራዎች እየተከናወኑ ነው   በሦስት ወራት ብቻ 29 ሚሊዮን ብር ገቢ ያስገኘውን የረጲ ከደረቅ ቆሻሻ ኃይል የማመንጫ ጣቢያ ወደ ሙሉ አቅሙ ለመመለስ የጥገናና የዕድሳት ሥራዎች እየተከናወኑ መሆኑን ኢትዮጵያ ኤሌክትሪክ ኃይል አስታወቀ።   የከተማ ቆሻሻን ወደ ኤሌክትሪክ ኃይል በመቀየር ለአካባቢ ጥበቃና ለኢኮኖሚው ጠቀሜታ ያለው የረጲ የኃይል ማመንጫ ጣቢያ፣ ወደ ሙሉ አገልግሎቱ ለመመለስ በሁለቱ ተርባይኖችና በአንዱ የቆሻሻ ማቃጠያ ቦይለር ላይ የጥገናና የዕድሳት ሥራዎች እየተከናወኑበት ይገኛል።   ሥራዎቹን እስከ መጋቢት 2019 ዓ.ም. ሙሉ በሙሉ ለማጠናቀቅ መታቀዱንም ተቋሙ ገልጿል።   የዕድሳት ሥራው በሂደት ላይ ቢሆንም፣ ጣቢያው ከአዲስ አበባ ከተማ አስተዳደር የሚቀበለውን ደረቅ ቆሻሻ በማቃጠል ገቢ ማስገኘቱን ቀጥሏል።   በዚህም በ2019 በጀት ዓመት የመጀመሪያዎቹ ሦስት ወራት ብቻ 29 ሚሊዮን ብር ገቢ ማግኘት መቻሉ ተገልጿል።   ይህ ደግሞ የከተማ ቆሻሻን በአግባቡ በማስወገድ የአካባቢ ብክለትን ከመቀነስ ባለፈ፣ ቆሻሻን ወደ ኢኮኖሚያዊ ጥቅም መቀየር እንደሚቻል የሚያሳይ ምሳሌ ነው።   በነሐሴ 2010 ዓ.ም. በይፋ ተመርቆ ወደ ሥራ የገባው የረጲ የደረቅ ቆሻሻ ኃይል ማመንጫ ጣቢያ፣ በአፍሪካ በዓይነቱ የመጀመሪያ ሲሆን፣ 25 ሜጋ ዋት ኤሌክትሪክ ኃይል የማመንጨት አቅም አለው።   ጣቢያው ወደ ሙሉ አቅሙ ሲመለስም ለኤሌክትሪክ አቅርቦት መጠናከር፣ ለከተማ ቆሻሻ አያያዝ መሻሻልና ለአካባቢ ጥበቃ ጉልህ አስተዋጽኦ እንደሚኖረው ይጠበቃል።   ህዳር 11 ቀን 2019 ዓ.ም.
20 نوفمبر, 06:29

ከ800ሺህ በላይ ህፃናትን የሚያካትት የፓሊዮ ክትባት ዘመቻ ተጀመረ በአዲስ አበባ ከ5 ዓመት በታች ያሉ ከ800ሺህ በላይ ሕፃናትን የሚያካትት የተቀናጀ የፖሊዮ ክትባት ዘመቻ በዛሬው ዕለት በይፋ ተጀ
+2
ከ800ሺህ በላይ ህፃናትን የሚያካትት የፓሊዮ ክትባት ዘመቻ ተጀመረ በአዲስ አበባ ከ5 ዓመት በታች ያሉ ከ800ሺህ በላይ ሕፃናትን የሚያካትት የተቀናጀ የፖሊዮ ክትባት ዘመቻ በዛሬው ዕለት በይፋ ተጀምሯል። የአዲስ አበባ ከተማ አስተዳደር ጤና ቢሮ ኃላፊ ዶክተር ዮሐንስ ጫላ በጉለሌ ክፍለ ከተማ በተካሄደው ማስጀመሪያ መርሃ ግብር እንደተናገሩት የመጀመሪያው ዙር ከሕዳር 11 እስከ ሕዳር 14 2019 ዓ.ም ለተከታታይ 4 ቀናት ይካሄዳል። ቀደም ብለው ክትባቱን ያልወሰዱ ወይም ያቋረጡ ከ5 ዓመት በታች ያሉ ሕፃናትም በዘመቻው ይካተታሉ ተብሏል። ከ5,000 በላይ የጤና ባለሙያዎች በ1,311 ቡድኖች ተደራጅተው ቤት ለቤት፣ በትምህርት ቤቶች፣ በሕፃናት ማቆያዎች፣ በመጠለያ ጣቢያዎች እና በሕዝብ መሰብሰቢያ ቦታዎች በአፍ የሚሰጥ የጠብታ ክትባት እንደሚሰጡ ተገልጿል።   ከ90 እስከ 95 በመቶ የሚሆኑ ሕፃናት ምልክት የማያሳዩ በመሆናቸዉና በሽታው መድኃኒት ስለሌለው ክትባት ብቸኛው መከላከያ መንገድ እንደሆነም ተነግሯል።   ሊዲያ ደሳለኝ   ኀዳር 11 ቀን 2019 ዓ.ም
20 نوفمبر, 06:00

በአገራችን በየዓመቱ ከ45 ሺህ በላይ ዕድሜያቸው ከ 5 ዓመት በታች የሆኑ ህፃናት በሳምባ ምች ህይወታቸው ያልፋል የሳምባ ምች ከ5 ዓመት በታች ለሆኑ ህፃናት 18 በመቶ ድርሻ የሚይዝ ቀዳሚው የሞት
በአገራችን በየዓመቱ ከ45 ሺህ በላይ ዕድሜያቸው ከ 5 ዓመት በታች የሆኑ ህፃናት በሳምባ ምች ህይወታቸው ያልፋል የሳምባ ምች ከ5 ዓመት በታች ለሆኑ ህፃናት 18 በመቶ ድርሻ የሚይዝ ቀዳሚው የሞት መንስዔ መሆኑም ተገልጿል። በ2030 በሳምባ ምች ህይወታቸው የሚያልፍ ህፃናት ቁጥርን ወደ 25 ዝቅ ለማድረግ የተያዘ ዕቅድ አለ። አሁን ዕድሜያቸው ከ 5 ዓመት በታች ከሆኑ 1ሺህ ህፃናት 51 ልጆች ህይወታቸው ያልፋል። የሳምባ ምች ህመም መከላከል፣ መቆጣጠር እና መዳን የሚችል ቢሆንም አሁንም ቀዳሚው የሞት መንስዔ ሆኖ ቀጥሏል። ቤት ውስጥ ምግብ ለማብሰል የምንጠቀምባቸው የእንጨት፣ የኩበት እንዲሁም የቡታጋዝ ጭሶች ህፃናቱን የሚያጋልጡ ናቸው። የቤት ውስጥ የአየር መበከልን ለመከላከል ስራዎች እየተሰሩ ነው ያሉት በጤና ሚኒስቴር የእናቶች ህፃናትና የአፍላ ወጣቶች ጤና አገልግሎት መሪ ስራ አስፈፃሚ ውስጥ ብሔራዊ የእናቶች ጤና ፕሮግራም አስተባባሪ እና የክፍሉ ተወካይ ሲስተር ዘምዘም መሐመድ፥ ስራው አሁንም በቂ አይደለም ብለዋል። መከላከል የምንችለው በመሆኑ አሁንም ብዙ ስራ ይጠበቅብናል ነው ያሉት። ከ 5 ዓመት በታች ለሆኑ ህፃናት ሞት ምክንያት ከሆኑ መካከል የሳምባ ምች ቀዳሚው ሲሆን፥ ተቅማጥ እንዲሁም ወባ እና የምግብ ዕጥረት ተከታዮቹን ቦታዎች ይይዛሉ። ህፃናት የሚያስላቸው፣ ቶሎ ቶሎ የሚተነፍሱ እንዲሁም ደረታቸው ገባ ወጣ የሚል ከሆነ ሳምባ ምች የመሆን ዕድሉ ከፍተኛ ስለሆነ ወላጆች በፍጥነት ወደ ህክምና ተቋም እንዲሄዱም ተመክሯል። “ሳምባ ምችን የመቆጣጠር አዲስ ምዕራፍ” በሚል መሪ ቃል ዓለምአቀፍ የሳምባ ምች ቀን በአገራችን ለ7ኛ ጊዜ በዓለምአቀፍ ደረጃ ደግሞ ለ18ኛ ጊዜ እየተከበረ ይገኛል። እስከዳር ግርማ ህዳር 11 ቀን 2019 ዓ.ም
20 نوفمبر, 05:20

በኢትዮጵያ የግብርና ኬሚካሎች አጠቃቀም የጤና ስጋት እያሳደገ መምጣቱ ተገለጸ በኢትዮጵያ የፀረ-ተባይና የአረም ማጥፊያ ኬሚካሎች አጠቃቀም ከፍተኛ የጤና ስጋት እየፈጠረ መሆኑ ተገለጸ። በተለይም ለገበያ በሚቀርቡ የአትክልት ምርቶች ላይ የኬሚካል አጠቃቀም መበራከቱ ለሕዝብ ጤና ስጋት እንደሆነ ተነስቷል። ይህ የተገለጸው የኢትዮጵያ ሳይንስ አካዳሚ «የግብርና ኬሚካሎች አጠቃቀም እና እየጨመረ የመጣው ተላላፊ ያልሆኑ በሽታዎች ስጋት በኢትዮጵያ» በሚል ርዕስ ባዘጋጀው የውይይት መድረክ ላይ ነው። በመድረኩ ገለጻ ያደረጉት ፕሮፌሰር ፍርዱ አዘረፈኝ፣ በአገሪቱ የፀረ-ተባይ ኬሚካሎች አጠቃቀም የተቀናጀ ክትትል እንደሌለው ጠቁመዋል። በብዙ አገራት የተከለከሉ ኬሚካሎችም በኢትዮጵያ ጥቅም ላይ እየዋሉ መሆናቸው ስጋቱን እንደሚያሳድግ ተነስቷል። ፕሮፌሰሩ እንዳሉት፣ ለገበያ በሚቀርቡ አትክልቶች ላይ ከፍተኛ የኬሚካል አጠቃቀም ይታያል። ቲማቲምን በምሳሌነት በማንሳት፣ ምርቱ በጥሩ መልኩ እንዲታይና ለረዥም ጊዜ በገበያ ላይ እንዲቆይ በሚል ግምት ኬሚካሎች እንደሚረጩበት፣ የተጠቃሚው ጤና ግን በቂ ትኩረት እንደማይሰጠው አስረድተዋል። በተጨማሪም የግብርና ሚኒስቴር ተወካይ፣ አንዳንድ ነጋዴዎች የኬሚካሎችን የመጠቀሚያ ጊዜ ካለፈ በኋላ ቀኑን በመቀየር ለገበሬዎች እንዲጠቀሙባቸው የሚያደርጉበት ችግር እንዳለ ገልጸዋል። ዶክተር ነፃነት ባጫ በበኩላቸው፣ ከ1960ዎቹ ጀምሮ በኢትዮጵያ የግብርና ኬሚካሎች አጠቃቀም እየጨመረ መምጣቱንና ገበሬዎች ኬሚካሎቹን በትክክለኛው ሳይንሳዊ መንገድ እንዲጠቀሙ የሚያስችል ሥልጠና እና ክትትል አስፈላጊ መሆኑን አንስተዋል። ምሁራኑ የኬሚካሎችን አጠቃቀም በአግባቡ መቆጣጠር፣ ስነ-ሕይወታዊ የተባይ መከላከያ ዘዴዎችን ማስፋፋትና አማራጭ የግብርና አሠራሮችን መጠቀም የጤና ስጋቱን ለመቀነስ አስፈላጊ መሆኑን ጠቁመዋል። በኬሚካሎቹ አጠቃቀም እና በካንሰርና ሌሎች ተላላፊ ያልሆኑ በሽታዎች መካከል ቀጥተኛ ግንኙነት መኖሩ በመድረኩ እንደ ስጋት የተነሳ ቢሆንም፣ ይህንን ለማረጋገጥ ተጨማሪ ምርምርና ክትትል እንደሚያስፈልግ ተነግሯል። ቁምነገር አየለ ኀዳር 11 ቀን 2019 ዓ.ም
20 نوفمبر, 04:24

photo content
20 نوفمبر, 04:24

የትራምፕ አውሮፕላን ከቻይና ሲመለስ በሳይበር ስለላ ስጋት ምክንያት ስልኮች በልዩ መያዣ እንዲያዙ መደረጋቸው ተገለፀ የአሜሪካ ፕሬዚዳንት ዶናልድ ትራምፕ ከቻይና የመመለሻ ጉዞ ላይ የነበሩ ጋዜጠኞች በቻይና የተጠቀሙባቸውን ስልኮች ምልክት የሚያቋርጡ ልዩ መያዣዎች ውስጥ እንዲያስቀምጡ ተጠይቀዋል። የኋይት ሀውስ እርምጃውን የወሰደው ፕሬዚዳንቱ በቻይና ቆይታቸው ወቅት ሊከሰት የሚችል የሳይበር ስለላ ስጋትን ለመቀነስ መሆኑ ተገልጿል። የሲቢኤስ ኒውስ ዘጋቢ ጄኒፈር ጃኮብስ እንደገለጸችው፣ አውሮፕላኑ ሼንዘንን ለቅቆ ሲመለስ አንድ የኋይት ሀውስ ሰራተኛ የሰራተኞችን ጊዜያዊ የመጠባበቂያ ስልኮች ሰብስቦ መረጃቸው እንዲጠፋ ወይም እንዲሰረዙ አድርጓል። ጋዜጠኞቹም በቻይና የተጠቀሙባቸው ስልኮች ከአሜሪካ እስኪደርሱ ድረስ እንደሚቆዩ እና ከአውሮፕላኑ ካረፈ በኋላ እንደሚመለሱላቸው ተነግሯቸዋል። ፕሬዚዳንት ትራምፕ ስለ እርምጃው ሲጠየቁ፣ “ጥንቃቄ ማድረግ ፈልገን ነበር፤ ሰዎች መጠቀም የሌለባቸውን ስልኮች ይዘው እንዳይኖሩ በጣም ጥንቃቄ አድርገናል” ሲሉ ለኤንቢሲ ኒውስ ተናግረዋል። በተጨማሪም፣ ብዙ ጋዜጠኞች ቻይና ከመድረሳቸው በፊት መደበኛ ስልኮቻቸውን፣ ላፕቶፖቻቸውን እና ስማርት ሰዓቶቻቸውን የመረጃ ምልክትን በሚከላከሉ የፋራዴይ መያዣዎች ውስጥ በኤር ፎርስ ዋን ላይ አስቀምጠው ነበር። በቻይና የግል ስልኮቻቸውን ይዘው የገቡ ጋዜጠኞች ግን እስከ አሜሪካ መመለሻ ሰአታቸው ድረስ የሞባይል አገልግሎት ሳይኖራቸው ቆይተዋል። ትራምፕን የተሸከመው አውሮፕላን ሐሙስ ምሽት በጆይንት ቤዝ አንድሪውስ ካረፈ በኋላ፣ በፋራዴይ መያዣዎች ውስጥ የተቀመጡት ስልኮች ለጋዜጠኞቹ ተመልሰዋል። ሀና ሰይፉ   ኀዳር 11 ቀን 2019 ዓ.ም.
20 نوفمبر, 04:23

photo content
20 نوفمبر, 04:23

አሜሪካ ወደ 900 ሺህ የሚጠጉ የሰው ሠራሽ አስተውሎት ቺፖችን ወደ ቻይና ለመላክ ፈቃድ ሰጠች   የአሜሪካ መንግሥት በኒቪዲያ እና በኤኤምዲ የተመረቱ 879 ሺህ የሚጠጉ የሰው ሠራሽ አስተውሎት (AI) ቺፖችን ለቻይና ኩባንያዎች እንዲላኩ ፈቃድ መስጠቱን የአሜሪካ የምክር ቤቱ የውጭ ጉዳይ ኮሚቴ ይፋ አደረገ።   የኮሚቴው ሰነዶች እንደሚያመለክቱት፣ ከተፈቀዱት ቺፖች መካከል 150 ሺህ ለቴንሰንት (Tencent)፣ 75 ሺህ ለአሊባባ (Alibaba)፣ 43 ሺህ ለባይዱ (Baidu) እና 4 ሺህ ለቢዋይዲ (BYD) እንዲላኩ ፈቃድ ተሰጥቷል።   እነዚህ አራቱም ኩባንያዎች ከቻይና ጦር ኃይል ጋር ትስስር እንዳላቸው በመጠርጠር በአሜሪካ የመከላከያ መሥሪያ ቤት የተዘጋጀ ዝርዝር ውስጥ መካተታቸውም ተገልጿል።   በተመሳሳይ ወቅት ከ3.4 ሚሊዮን በላይ የሚሆኑ የAI ቺፖችን ወደ ቻይና ለመላክ የፈቃድ ጥያቄ መቅረቡን የኮሚቴው ሰነዶች አመልክተዋል። ሆኖም ከተፈቀዱት ቺፖች መካከል ስንቱ በትክክል ወደ ቻይና መላካቸው እስካሁን በግልጽ አልተረጋገጠም።   የቺፕ ሽያጭ ፈቃዶቹ ይፋ የሆኑት፣ የኒቪዲያ መሥራችና የቀድሞ ዋና ሥራ አስፈጻሚ ጄንሰን ሁዋንግ ከቻይናዊቷ አሊስ ሁዋንግ ጋር በነበራቸው የግል ግንኙነት እና ሴትየዋ ከቻይና የስለላ ተቋማት ጋር ግንኙነት አላት በሚል በተነሱ ጥርጣሬዎች ዙሪያ የተፈጠረውን ውዝግብ ተከትሎ ነው። ሆኖም የስለላ ክሱ በገለልተኛ ምርመራ የተረጋገጠ አይደለም።   ጉዳዩ በአሜሪካ የቴክኖሎጂና የብሔራዊ ደህንነት ፖሊሲ ላይ አዲስ ክርክር አስነስቷል። በተለይም የላቁ የሰው ሠራሽ አስተውሎት ቺፖች ለቻይና መላካቸው በአገሪቱ ወታደራዊና ቴክኖሎጂያዊ አቅም ላይ ሊኖረው ስለሚችለው ተጽዕኖ ስጋቶች ተነስተዋል።   ቀደም ሲል የአሜሪካ ፕሬዚዳንት የነበሩት ጆ ባይደን፣ ቻይና የላቁ የAI ቺፖችን በመጠቀም ወታደራዊ አቅሟን እንዳታሳድግና አሜሪካ በዘርፉ ያላትን ቀዳሚነት እንዳታጣ በሚል ስጋት የቺፕ ሽያጭ ገደቦችን አስተዋውቀው ነበር።   የአሁኑ ፕሬዚዳንት ዶናልድ ትራምፕ በታህሳስ 2025 የኒቪዲያ H200 ቺፖች ለተፈቀዱ የቻይና ደንበኞች እንዲሸጡ መፍቀዳቸውን ተከትሎ፣ በ2026 ጥር ወር የአሜሪካ የንግድ መሥሪያ ቤት የወጪ ንግድ ፈቃድ ጥያቄዎችን በግልጽ የደህንነት መስፈርቶች መሠረት በየግል ጉዳዩ እንዲመረምር የሚያስችል ፖሊሲ አውጥቷል።   ይህ ውሳኔ ቻይና ላይ ጠንካራ የፖለቲካና የደህንነት አቋም እንዲወሰድ በሚፈልጉ የአሜሪካ ፖለቲከኞች ተቃውሞ አስነስቷል። በተጨማሪም የኒቪዲያና የኤኤምዲ ተወካዮች የወጪ ንግድ ሕጎችን እያከበሩ መሆናቸውን የገለጹ ሲሆን፣ ኒቪዲያ የተሰጡት ፈቃዶች ጥብቅ ቁጥጥርና ገደቦች እንዳሏቸው አስታውቃለች።   ቢፋን የኋላሸት   ኀዳር 11 ቀን 2019 ዓ.ም.
20 نوفمبر, 04:21

photo content
+1
20 نوفمبر, 04:21

photo content
20 نوفمبر, 04:18
20 نوفمبر, ~04:20

ቻይና ከእስያ-ፓሲፊክ ሀገራት ጋር የንግድና የቴክኖሎጂ ትብብሯን አሳደገች የቻይና ፕሬዚዳንት ሺ ጂንፒንግ የእስያ-ፓሲፊክ ኢኮኖሚያዊ ትብብር ድርጅት (APEC) ጉባኤን ካስተናገዱ እና ከአሜሪካና ሩሲያ አቻቸው ጋር ሦስትዮሽ ውይይት ካደረጉ ከአንድ ቀን በኋላ፣ በሼንዠን ከበርካታ የእስያ-ፓሲፊክ ሀገራት መሪዎች ጋር ውይይት አድርገዋል። ሺ ጂንፒንግ የኢንዶኔዢያ ፕሬዚዳንት ፕራቦዎ ሱቢያንቶ፣ የሲንጋፖር ጠቅላይ ሚኒስትር ሎውረንስ ዎንግ፣ የአውስትራሊያ ጠቅላይ ሚኒስትር አንቶኒ አልባኒዝ፣ የማሌዢያ ጠቅላይ ሚኒስትር አንዋር ኢብራሂም እና የታይላንድ ጠቅላይ ሚኒስትር አኑቲን ቻርንቪራኩልን አነጋግረዋል። ከኢንዶኔዢያው ፕሬዚዳንት ፕራቦዎ ጋር ባደረጉት ውይይት ሁለቱ ሀገራት ሁለትዮሽ ሁለንተናዊ የኢኮኖሚ አጋርነት ለመመስረት ድርድር ለመጀመር መስማማታቸውን የቻይና የመንግሥት የዜና ወኪል ሲንዋ ዘግቧል። ሺ ጂንፒንግ ቻይናና ኢንዶኔዢያ ስትራቴጂካዊ ግንኙነታቸውንና አንድነታቸውን እንዲያጠናክሩ፣ ሁለንተናዊ ትብብራቸውን እንዲያሳድጉ እና የፖለቲካ መተማመናቸውን እንዲያጠናክሩ ጥሪ አቅርበዋል። ሺ ጂንፒንግ ከሲንጋፖር ጠቅላይ ሚኒስትር ሎውረንስ ዎንግ ጋር በተወያዩበት ወቅት የሁለቱ ሀገራት የሁለትዮሽ ነፃ የንግድ ስምምነትን ለማሻሻል ድርድር ለመጀመር መስማማታቸውን ዎንግ ገልጸዋል። የስምምነቱ ማሻሻያ እንደ ዲጂታል ኢኮኖሚ ያሉ አዳዲስ ዘርፎችን እንደሚያካትት ዎንግ በማህበራዊ ሚዲያ አጋርተዋል። ይህም ድንበር ተሻጋሪ የመረጃ ፍሰትን በማሳለጥ ለኩባንያዎች አዳዲስ የንግድ ዕድሎችን እንደሚከፍት ተናግረዋል። ሁለቱ መሪዎች በተለይም በሰው ሰራሽ አስተዋይነት (AI) የተመሰረቱ አዳዲስ ቴክኖሎጂዎችን ጨምሮ በታዳጊ የቴክኖሎጂ ዘርፎች ትብብርን ስለማጠናከርም መወያየታቸው ተገልጿል። ከአውስትራሊያ ጠቅላይ ሚኒስትር አንቶኒ አልባኒዝ ጋር ባደረጉት ውይይት ደግሞ ቻይናና አውስትራሊያ 2027ን “የአውስትራሊያ-ቻይና የቱሪዝም ዓመት” አድርገው ለማክበር መስማማታቸውን አልባኒዝ አብራርተዋል። እርምጃው በአውስትራሊያ የሥራ ዕድሎችን ለመፍጠር እንደሚረዳ ጠቅላይ ሚኒስትሩ ገልጸው፣ ከሺ ጂንፒንግ ጋር ያደረጉት ውይይት “ገንቢ” እንደነበር ተናግረዋል። ሀና ሰይፉ   ኀዳር 11 ቀን 2019 ዓ.ም
20 نوفمبر, 03:25

photo content
20 نوفمبر, 03:24

ዩክሬን በሚቀጥለው ዓመት 115 ቢሊዮን ዶላር የምዕራባውያን የገንዘብ ድጋፍ ለማግኘት ትፈልጋለች አሉ ዘለንስኪ   የዩክሬን ፕሬዚዳንት ቮሎዲሚር ዘለንስኪ፣ ሀገራቸው በሚቀጥለው ዓመት ከምዕራባውያን ሀገራት 115 ቢሊዮን ዶላር የሚያወጣ የገንዘብ ድጋፍ ለማግኘት እንደምትፈልግ በበርሊን ለጋዜጠኞች ገልጸዋል።   እንደ እሳቸው አባባል፣ ይህን ያህል ገንዘብ ማሰባሰብ “ትልቅ ፈተና” ነው።   ዘለንስኪ አክለውም፣ የዩክሬን መንግሥት በመጀመሪያ 45 ቢሊዮን ዶላር ድጋፍ ለማግኘት እንደተዘጋጀ ገልጸዋል። ነገር ግን ከወታደራዊ አመራሩና ከመከላከያ ሚኒስቴሩ ጋር በተደረገው ምክክር ተጨማሪ 70 ቢሊዮን ዶላር የሚያስፈልግ መሆኑ ተለይቷል።   በሌላ ዜና ትራምፕ አውሮፓውያን ለዩክሬን የሚያወጡትን ገንዘብ ለራሳቸው እንዲያውሉ ከሩሲያ ጋር ስምምነት እንዲያደርጉ እያበረታቱ ነው ሲል ዋሽንግተን ፖስት ዘግቧል፡፡   የአሜሪካው ፕሬዚዳንት ዶናልድ ትራምፕ፣ አውሮፓውያን ከሩሲያ ጋር ስምምነት እንዲያደርጉና ለዩክሬን ወታደራዊ ድጋፍ ይውል ዘንድ የተመደበውን ገንዘብ ለራሳቸው ፍላጎት እንዲያውሉ እየሞከሩ መሆኑን ዋሽንግተን ፖስት (WP) ምንጮቹን ጠቅሶ ዘግቧል።   የጋዜጣው ምንጮች እንደገለጹት፣ ትራምፕ በበርሊን ከተሰበሰቡት የ“በጎ ፈቃደኞች ጥምረት” አባላት ጋር በስልክ ባደረጉት ውይይት፣ “ከክሬምሊን ጋር ስምምነት እንዲያደርጉ እያበረታቷቸው ነበር፤ ይህም ለዩክሬን እያወጡት ያለውን ገንዘብ ወደ ራሳቸው ፍላጎት እንዲያዞሩ ያስችላቸዋል” ብለዋል።   እንደ ምንጮቹ ገለጻ፣ ትራምፕ አውሮፓውያን ለዩክሬን “በቢሊዮኖች” የሚቆጠር ገንዘብ እያወጡ መሆኑን ጠቅሰው፣ ይህንኑ ገንዘብ ለራሳቸው “ውብ ሀገራት” ልማትና ፍላጎት ማዋል እንደሚችሉ ተናግረዋል።     ከዚሁ ዜና ጋር በተያያዘ ትራምፕ፦ ዘለንስኪ በዩክሬን ጦርነት ላይ መፍትሔ የሚያመጣ ስምምነት ለመፈረም ፈቃደኛ እንደሚሆኑ ተስፋ አደርጋለሁ ብለዋል፡፡   የአሜሪካው ፕሬዚዳንት ዶናልድ ትራምፕ፣ በዩክሬን ያለውን ጦርነት ለመፍታት የሚያስችል ስምምነት ለመፈረም የዩክሬኑ ፕሬዚዳንት ቮሎዲሚር ዘለንስኪ ፍላጎት እንዳላቸው ተስፋ እንደሚያደርጉ የፎክስ ኒውስ ጋዜጠኛ አይሻ ሃስኒ በኤክስ (X) ገጿ አስታውቃለች።   ጋዜጠኛዋ ትራምፕን ጠቅሳ እንደጻፈችው፣ ትራምፕ፦ “እሱ (ፑቲን) ስምምነት ማድረግ ይፈልጋል። ዘለንስኪም እንዲሁ እንደሚፈልግ ተስፋ አደርጋለሁ፤ እንደሚፈልግም አምናለሁ” ብለዋል።   ኀዳር 11 ቀን 2019 ዓ.ም
20 نوفمبر, 03:12